| 111 exemples | | 1 | ...pour bonté a m'ame acquerre, Vueil laissier mon lieu et ma terre Et povre pour Dieu devenir. (Mir. st J. Cris., c.1344, 262). | |
| 2 | Povre vueil estre et mandiant Desoresmais pour paradis Acquerre. (Mir. st J. Cris., c.1344, 262). | |
| 3 | Et, se vous veez un bon homme d'armes qui soit povres et en petit estat de vesture ou de monteure, donnez lui du vostre selon ce que vous sentirez vostre aisement et selon ce qu'il sera de value. (ARRAS, c.1392-1393, 85). | |
| 4 | ...et m'en a commandé a faire le traictié de l'ystoire qui cy après s'ensuit. Et je commenceray de cuer diligent, de mon povre sens et povoir, en ay fait le mieulx que j'ay sceu. (ARRAS, c.1392-1393, 1). | |
| 5 | ...prince Jehan, filz du roy de France, duc de Berry et d'Auvergne, conte de Poictou et d'Auvergne, mon tres redoubté seigneur, lequel m'en a commandé a faire ce petit povre traittié [de la forteresse de Lusignan], selon les croniques que j'en ay eues (ARRAS, c.1392-1393, 308). | |
| 6 | ...au deable de l'omme s'il peut oncques trouver maniere de fournir une pouvre lance a celle qui ne demandoit aultre chose (C.N.N., c.1456-1467, 195). | |
| 7 | ...[elle] m'a desja accordé tout ce que je luy ay osé requerre ; mais encores n'ay je peu finer d'un pouvre baiser. (C.N.N., c.1456-1467, 316). | |
| 8 | ...tout est pardonné a ce pouvre larron de chemises (C.N.N., c.1456-1467, 401). | |
| 9 | ...luy fut bien reprouché, voire en esbattant, ce pouvre larrecin. (C.N.N., c.1456-1467, 401). | |
| 10 | Et à ceste cause furent ceulx de Paris contrains de vendenger les autres vignes partout autour de Paris, qui n'estoient pas à demy meures, et aussi le temps leur fut fort contraire. Et fut ladicte année la plus meschante et povre vinée qui longtemps fut sceue en France, et l'appelloit on le vin de l'année des Bourguignons. (ROYE, Chron. scand., I, 1460-1483, 103). | |
| 11 | SAINCT MARTIN. Honneur de moy n'est poinct amé, Sinon d'aultant que l'ame touche. J'ayme mieulx estre reclamé Moyne sur une povre couche, Vivant sans faire a Dieu reproche Qu'estre pape ne cardinal Qui trop aux biens mondains se couche. (LA VIGNE, S.M., 1496, 405). | |
| 12 | ...je ne pris Toutes les choses de ce monde La plume d'une povre aronde (Mir. emp. Julien, 1351, 212). | |
| 13 | ...unques en place ny en lieu Ne fu ou riens vous envoyast Clovis ne chose ne vous donnast Qui vaulsist un povre harenc (Mir. Clov., c.1381, 217). | |
| 14 | Prenez sur eulx [ceux que vous avez conquis] vostre droit, sans eulx taillier oultre raison, ne alever coustumes inraisonnables, car, se peuple est povre, le seigneur est mendiz, et, se besoing lui orisoit de guerre ou d'autre neccessité, il ne se sauroit de quoy aidier, dont il pourroit cheoir en grant servitute, et n'en seroit ja plaint ne d'estrangiers ne de privez. (ARRAS, c.1392-1393, 86). | |
| 15 | Helas ! veyci pouvres nouvelles, Mes amys, que vous m'apourtés. Or fusse je mort et enterré Passé dix ans. (Myst. st Sébast. M., c.1450-1500, 96). | |
| 16 | Or povez sentir en quel estat estoient povres gens qui n'avoient ne pain, ne vin, n'argent, ne busche, et qui avoient povre mestier et foison d'enfans. (BAYE, I, 1400-1410, 213). | |
| 17 | Or pert il bien que tes jugemens ne sont pas pareilz a ceulz des hommes, car qui fut oncques en ce monde plus povre que toy, quant il te plot naistre en un povre estable commune en lieu destourné entre bestes mues en temps d'iver, envelopé en povres drapelléz (CHR. PIZ., Trois vertus W.H., c.1405, 222). | |
| 18 | ...si povre que tu n'avoies pas un petit oreillier a reposer ton navré digne chief. (CHR. PIZ., Trois vertus W.H., c.1405, 222). | |
| 19 | ...le serve bien et loyaument, soit en prosperité ou en dure fortune, pouvre ou riche, en quelque estat qu'il soit (CHR. PIZ., Paix W., 1412-1413, 84). | |
| 20 | ...à cause de certain lays de XIJm frans laissez en testament par ledit feu roy Charles à ses povres officiers et serviteurs. (FAUQ., II, 1421-1430, 82). | |
| 21 | ...pour le relievement du povre peuple de ce royaume, qui tant a souffert et seuffre de misere et povreté (FAUQ., II, 1421-1430, 96). | |
| 22 | ...quand vint a besoignier et espouser, il [le curé] print le vieil homme riche et la jeune fille pouvre et les joignit par l'aneau du moustier ensemble. D'aultre costé aussi il print le jeune homme pouvre et l'espousa a la vieille femme riche (C.N.N., c.1456-1467, 339). | |
| 23 | Nostre Dame ! dit l'espousé, si je la puis recouvrer, je l'ayme trop mieulx que vous, quelque pouvre qu'elle soit (C.N.N., c.1456-1467, 342). | |
| 24 | Et si l'omme est poure et la medicine chiere, c'est trop fort si lui meistres ne soit [si] curtois q'il le voille garrir sanz plus prendre de soen (HENRI LANC., Seyntz medicines A., 1354, 7). | |
| 25 | Lequel cordelier lui dist qu'ilz seroient bien emploiez aux pauvres enfans novices de leur maison ; et autant lui en dist ledit confesseur augustin des enfans de leur maison. (ROYE, Chron. scand., I, 1460-1483, 365). | |
| 26 | En ce temps fut faite justice et grande execucion audit lieu de Paris de plusieurs povres et indigentes creatures, comme de larrons, sacrileges, pipeurs et crocheteurs. (ROYE, Chron. scand., I, 1460-1483, 3). | |
| 27 | Et oudit temps, par la justice ordinaire de Paris, furent prins plusieurs povres creatures, larrons, crocheteurs et autres malfaicteurs, qui pour lesdiz cas furent les aucuns pendus et estranglez, et les autres batus au cul de la charette par les carrefours de ladicte ville. (ROYE, Chron. scand., I, 1460-1483, 156). | |
| 28 | POVRE. (...) Hellas, je n'ay pille ne crois ; De pis en pis en dueil je crois, Car je suis povre, miserable, Nud et despris ; l'un de voz trois Au jour d'uy me soit secourable ! (LA VIGNE, S.M., 1496, 545). | |
| 29 | ...Mons. le grant maistre, ainsi que dernierement vous ay escript, je vous prie que, le plus diligemment que pourrés, vous faictez departir tout mon [arriere]-bam, ensemble tous les frans archiers, et que y mettez telle ordre et provision qu'ilz s'en puissent aller au moins des charge et foule du povre peuple que faire se pourra (LE CLERC, Interp. Roye, c.1502, 215). | |
| 30 | Item, et affin que, par la simplesse desditz povres laboureurs, la vérité de telz cas, s'ilz adviennent, ne demeure à estre congneue, lesditz lieutenans avec ledit prevost ou ses commis chevaucheront par le plat pays es marches où lesditz gens de guerre seront logez (LE CLERC, Interp. Roye, c.1502, 342). | |
| 31 | ...en passant par la ville de Drancy, prez dudit Aulnoy, cogneust en soy qu'il estoit un povres homs et ne pourroit païer ledit cheval (Reg. crim. Chât., I, 1389-1392, 221). | |
| 32 | ...il qui parle estoit au Lendit, en la compoingnie d'autres povres hommes mendiens et querans leurs vies pour Dieu (Reg. crim. Chât., I, 1389-1392, 452). | |
| 33 | ...sondit feu mary estoit très-povres homs, qui gaignoit pou et ouvroit enuiz, et ne lui faisoit aucun bien (Reg. crim. Chât., II, 1389-1392, 61). | |
| 34 | Tous lesquieulx, veu l'estat et personne dudit prisonnier, qui est povres homs par samblant (...) qu'il n'est pas vraysamblable un tel povre varlet estre si riches comme d'avoir presté XX frans à telz gens, dont il n'a aucune cognoissance ou accointance (Reg. crim. Chât., II, 1389-1392, 396). | |
| 35 | LE PREMIER POVRE. (...) De povreté le corps me font. Povre suis je, ce n'est pas doubte (Mir. femme, 1368, 221). | |
| 36 | LA FEMME [au juif]. (...) Bien sçay qu'il [le chrétien] n'a denier ne maille Ne marchandise qui le vaille. (...) Le povre homme gaigne sa vie A grant peine. (Mir. st Nic. juif, c.1480-1500, 109). | |
| 37 | Quelque denier ou quelque maille Ou quelque bon loppin de pain Au povrë homs qui meurt de fain. (Sots gard., a.1488, 102). | |
| 38 | Helas ! Je [Mélusine] en souloye [de cette douce contrée] estre dame clamee, et m'y souloit on faire et acomplir tout quanque je commandoye. Or n'en seray je pas sans plus povre chamberiere. (ARRAS, c.1392-1393, 259). | |
| 39 | Mon royaume vueil departir Aux povres (Mir. femme roy Port., c.1342, 202). | |
| 40 | ...Ains estoit au povre et au riche Doulce et courtoyse. (Mir. marq. Gaudine, 1350, 156). | |
| 41 | Et l'amistié de ceuls qui sont aucunement contraires semble estre faite meïsmement pour proffit ou utilité, si comme le povre aime le riche, et l'ignorant le sachant. (ORESME, E.A., c.1370, 431). | |
| 42 | Il est amez de toute gent, Il donne au povre, il donne au riche, Du sien n'est point aver ne chiche (Mir. march. juif, c.1377, 173). | |
| 43 | ...une pestilence d'air (...) a couru et cuert puiz l'entrée de ce present moiz, telle que à peinne puet l'en trouver povre ne riche, et par especial à Paris, qui ne se sente de ceste maladie (BAYE, I, 1400-1410, 89). | |
| 44 | Et des pouvres dont il dit que ilz sont beneuréz, est a entendre des povres d'esperit (CHR. PIZ., Trois vertus W.H., c.1405, 27). | |
| 45 | ...et arrester, distribuer pour Dieu, et aumosner aux povres et es hospitaulx tout le pain ouquel il y aura faulte notable de poix ou autrement. (FAUQ., II, 1421-1430, 15). | |
| 46 | Et a celui qui est povre ou diminué en pecunes pour la communité, l'en ly fait dons utiles. (ORESME, E.A., c.1370, 450). | |
| 47 | ...et tout premiers repaistre les effamez, abruver ceulz qui ont soif, herbergier les pouvres, vestir les nuz, visiter les malades, racheter les prisonniers, ensevelir les mors. (LA SALE, J.S., 1456, 39). | |
| 48 | Et que ne guarissés vous ce pouvre ? (Pass. Auv., 1477, 160). | |
| 49 | Quelque denier, ou quelque maille. Ou quelque bon lopin de pain Au povre qui se meurt de fain (Sots gard., a.1488, 102). | |
| 50 | Cestui fist aussi ung livre intitullé le Tresor des pouvres, qui est chose moult utille en medicine pour simples gens, jaçoit ce qu'il y a aucunes choses couchées, qui selon nostre loy ne sont à faire, mais il ne fait que reciter et est "de empericis". (SIMON DE PHARES, Astrol., c.1494-1498, f° 127 v°). | |
| 51 | SAINCT MARTIN. De chanter ne veulx entreprandre Si le povre n'est revestu. ARCEDIACRE. Commant le voulez vous comprandre ? Icy n'a poinct de povre nu. (LA VIGNE, S.M., 1496, 547). | |
| 52 | Retraire en mon povre habitacle M'en revois ja. (Mir. parr., 1356, 31). | |
| 53 | ...il (...) a desdaingniée L'orgueilleuse vie du monde Et vit (...) De povre vie aspre et cuisant (Mir. parr., 1356, 44). | |
| 54 | Mais je scé bien que du mengier Et du boire, je ne doubt pas, A il eu povre repas En ces set ans. (Mir. Theod., 1357, 114). | |
| 55 | Si fut menée la pouvre jeune fille a l'ostel du riche homme ; et pareillement la vieille riche fut menée en la pouvre maisonnette du jeune compaignon. (C.N.N., c.1456-1467, 339). | |
| 56 | Or povez sentir en quel estat estoient povres gens qui n'avoient ne pain, ne vin, n'argent, ne busche, et qui avoient povre mestier et foison d'enfans. (BAYE, I, 1400-1410, 213). | |
| 57 | La firent mainte veofe dame Et mainte poevre enfant orphanin. (HÉRAUT CHANDOS, Vie Prince Noir T., c.1385, 55). | |
| 58 | ...à occasion de povres et petis fiefs ou arriere fiefs que tenoient en pluseurs païs (BAYE, I, 1400-1410, 332). | |
| 59 | LE MARI. Or sui je bien en touz endroiz Povre et nu de beneurté Et venuz a maleurté, Quant j'ay ma compaigne perdue. (Mir. Theod., 1357, 89). | |
| 60 | Je croy bien (...) Que vous estes povre d'avoir ; Au moins vous voy j'en petit point, Il me semble, quant n'avez point Que vestir, que c'est grant besoing. (Mir. Pierre Changeur, c.1378, 257). | |
| 61 | Et telle creature, quoy que elle habonde en biens mondains, est povre d'esperit et possedera le royaume des cieulx. (CHR. PIZ., Trois vertus W.H., c.1405, 27). | |
| 62 | Et certes vous estes bien pouvres De sen et si avés grant tort De ce que vous rïés si fort Par ces misteres a oultrance (OUDIN, St Genis M.S., c.1490, 79). | |
| 63 | Las ! sire, j'ai veu ma dame Bailler au bourrel en ses mains, Et il n'en fait ne plus ne mains Qu'il feroit d'une povre garce (Mir. marq. Gaudine, 1350, 161). | |
| 64 | LA DAME. (...) A fin que de moy, creature Povre, chetive et miserable, Chascun ait le cuer piteable Aucunement. (Mir. enf. ress., 1353, 45). | |
| 65 | LE MARI. (...) Conment sanz mort portera Mon povre cuer le dueil que j'ay ? (Mir. enf. ress., 1353, 58). | |
| 66 | ...lesquelz troys compaignons estoient arrestez au devant d'icelle femme, laquele ilz avoient batue et encore batoyent quant il arriva sur eulx, ausquelz compaignons il qui parle dist ces paroles ou samblables : Vous faites mal et pechié de batre ceste povre fille, qui riens ne vous demande. (Reg. crim. Chât., I, 1389-1392, 146). | |
| 67 | Glorieux Pere Jhesucrist, je te regracie humblement de ce que tu n'as pas oublié moy qui suiz ta povre creature, ne ton povre peuple, qui a longtemps vescu cy dedens en grant doubte et en grant misere. (ARRAS, c.1392-1393, 96). | |
| 68 | Dit aussi qu'elle est povre femme seulle, desnuée de sondit mary, laquelle l'espousa en la ville d'Avignon, IIIJ ans a passé et plus, non sachant les usages de la ville de Paris (Reg. crim. Chât., I, 1389-1392, 42). | |
| 69 | ...je vous fais heritier de mon royaulme. Mais, pour Dieu, preingne vous pitié de mon povre enfant, orpheline, desnuee de tout conseil et confort, se vous lui failliez. (ARRAS, c.1392-1393, 141). | |
| 70 | ...elle est une povre creature mortele, fresle et pecharresse (CHR. PIZ., Trois vertus W.H., c.1405, 29). | |
| 71 | O povre pecheur ou pecharresse, que as tu qui te complains par povreté ? (CHR. PIZ., Trois vertus W.H., c.1405, 222). | |
| 72 | Et quant le pouvre Saintré entend de Madame son tres crueulz congié, las ! ne pensa pas mains que de estre deshonoré (LA SALE, J.S., 1456, 9). | |
| 73 | ...[une médecine] effacera la grand doleur et le martire qui debrise et gaste la pouvre patiente. (C.N.N., c.1456-1467, 34). | |
| 74 | ...la seule pensée [de son deplaisir] en son pouvre cueur remirée estoit assez et trop puissante de le mettre en desespoir (C.N.N., c.1456-1467, 254). | |
| 75 | Quand la pouvre pucelle se voit ainsi efforcée, et que la doulceur de son langage ne luy portoit point de prouffit, leur dist... [Une jeune fille assaillie par quatre ribauds] (C.N.N., c.1456-1467, 552). | |
| 76 | Je te commande au nom Jhesus, Diable, laisse ce pouvre enfant ! (Pass. Auv., 1477, 159). | |
| 77 | Or suis je la pouvre meschante, Que n'ay plus chavance ne rente. (Pass. Auv., 1477, 182). | |
| 78 | Felons, ne vous pourrés lasser D'ainsi presser Mon pouvre enfant de voz marteaulx ? (Pass. Auv., 1477, 199). | |
| 79 | ...ilz ont veu ledit prisonnier, qui est un très-povre varlet gaigne-pain, querant sa vie pour Dieu à Paris (Reg. crim. Chât., I, 1389-1392, 276). | |
| 80 | Hee, Dieu, qui consouler porra La pouvre mere de pitié vaine ? (Pass. Auv., 1477, 256). | |
| 81 | Embrasse moy, ma doulce amie, Et baise la pouvre marrie ! (Pass. Auv., 1477, 265). | |
| 82 | LA FEMME. Il [le juif] est bien loing de son payement. C'est ung povre sot radoté, Qui de tous pointz [est] rassotté E(s)t proprement ne scet qu'i quiert. (Mir. st Nic. juif, c.1480-1500, 116). | |
| 83 | S. NICOLAS [à Dieu]. (...) Le povre juif a eu fiance En moy et parfaicte creance, Et Sathan, pour me faire injure, A rendu le crestien parjure. Te plaise d'y remedier Et tellement le juif ayder Qu'il ait le royaulme des cieulx ! (Mir. st Nic. juif, c.1480-1500, 135). | |
| 84 | MATHATIEL. Le povre malheureux [le chrétien] est mort Et voit on a l'oeil la fiance Et congnoissance de son tort, Sainct Nicolas, vraye esperance. (Mir. st Nic. juif, c.1480-1500, 143). | |
| 85 | MERE. J'ay de courroux le povre cueur transsi De peur que j'ay qu'elle me soit trop chiere. (LA VIGNE, S.M., 1496, 178). | |
| 86 | Dame, bien puissez vous venir, Quant a si povre creature Conme je suis, royne pure, Vous estes volue apparoir (Mir. enf. diable, c.1339, 18). | |
| 87 | ...Car a la perdicion tent De sa povre ame. (Mir. nonne, 1345, 316). | |
| 88 | Si vueillez, trespiteuse dame, Secourre ceste povre d'ame ; Car se par vous ne truis secours, Après mort en enfer le cours Aler m'estuet. (Mir. parr., 1356, 60). | |
| 89 | Que doy je faire, pouvre doulente, Puis que j'ay pardu mon enfant ! (Pass. Auv., 1477, 130). | |
| 90 | ...il vit et ouy un homme qui se fait appeller et nomme Jehan Le Porchier, lequel estoit en icelle rue, en habit d'ermite, criant assez hault les paroles qui ensuient : Au povre Crist hermite, pour Dieu ! (Reg. crim. Chât., I, 1389-1392, 311). | |
| 91 | J'ay trop estee vestue Jusques cy, la pouvre dolente [l. doulente] ! (Pass. Auv., 1477, 150). | |
| 92 | A lasse moy, pouvre doulente ! Hely nous veulhe consouler ! (Pass. Auv., 1477, 157). | |
| 93 | Et moy, comme vostre très humble serviteur et povre parent, me suis retiré en voz pays pour y vivre et mourir, sans espargner ma vie ne mes biens où il vous plaira m'employer pour vous. (LE CLERC, Interp. Roye, c.1502, 348). | |
| 94 | On ne scet a quoy se tenir Pour soubstenir Nostre pouvre vie mortelle. (Pass. Auv., 1477, 111). | |
| 95 | Dieu virtüeux Et precïeux, - veez cy pouvre contrefacture, Come ceulx qu'on mect a torture. O beauté pure, Vostre figure - est alaidie. (Pass. Auv., 1477, 255). | |
| 96 | Glorieuse vierge pucelle, Ceste povre qui vous appelle Secourez a sa derreniére. (Mir. mère pape, c.1355, 397). | |
| 97 | Las, pouvre, j'en pers ma coronne, Payent la somme Du fruit maulvaiz que tu mangis ! (Pass. Auv., 1477, 246). | |
| 98 | Pour refaire les yeulx abusez de ce pouvre martir, le bourgois commenda qu'on le feist seoir a la table [L'homme ne supporte pas que son ami lui cache le visage de sa maîtresse] (C.N.N., c.1456-1467, 27). | |
| 99 | Le pouvre martir estant soubz le lit, a peu s'il s'osoit tirer de la, doubtant le retourner de son adversaire, ou, pour mieulx dire, son compaignon. [Surpris par l'arrivée du mari l'amant l'a fait se cacher sous le lit] (C.N.N., c.1456-1467, 52). | |
| 100 | Folz roy, or as tu failly a moy et a ton don, et t'es mis en adventure de demourer ceans a tousjours mais. Povre fol, n'es tu pas descendu de la lignie du roy Guion, qui fu filz Melusigne, ma seur, et je suis ta tante, et tu es si prez de mon lignaige, posé que je me voulzisse assentir a toy avoir, que l'eglise ne s'i vouldroit pas accorder. (ARRAS, c.1392-1393, 305). | |
| 101 | ...et puis [Mélusine] fist faire le bourc et la tour de Saint Messent, et fist commencier l'abbaye, et faisoit moult de bien a povre gent. (ARRAS, c.1392-1393, 78). | |
| 102 | ...le surplus qu'après ce ensuyt tout a son aise et loisir acheva, sans ce que le pouvre coux de la ruelle s'osast oncques monstrer, mais si grand paour avoit que a pou qu'il ne mouroit. [Un archer s'impose à une femme sous l'oeil du mari] (C.N.N., c.1456-1467, 51). | |
| 103 | ...elle le prend a braz et baise et accole tant doulcement qu'on ne pourroit plus, en luy priant pour Dieu qu'il ne soit point mal content. Et le pouvre cocquard dit que non est il [Une femme tente d'apaiser son mari après le mauvais tour qu'elle lui a joué] (C.N.N., c.1456-1467, 188). | |
| 104 | ...le roy deut dire qu'il n'y eut dommage que du pouvre loup qui fut brullé, qui ne povoit mais du meffait des aultres. [Il est tombé dans le piège tendu par le mari à l'amant] (C.N.N., c.1456-1467, 356). | |
| 105 | LA DAME. (...) Mais mon povre corps traveillié Avoie tant et estourmy, Qu'assez tost aprés m'endormy Ou baing, et l'enfant de mes mains M'eschappa. (Mir. enf. ress., 1353, 46). | |
| 106 | Hé ! mére Dieu, com le corps m'est Devenu povre, feible et las. (Mir. mère pape, c.1355, 390). | |
| 107 | E ! fontaine d'umilité, Qui la povre fragilité De moy avez tant confortée... (Mir. parr., 1356, 64). | |
| 108 | Celui qui plus deust avoir Par nature de moy pitié M'a en si grant ennemistié Qu'il conmande que je soie arse (...). Lasse ! n'est ce pas cruauté ? Si est, et povre feaulté (Mir. fille roy Hongrie, c.1371, 18). | |
| 109 | ...[elle] prie a monseigneur, pour Dieu ! que de sa grace il luy veille enseigner qu'elle doit faire pour garder ce pouvre devant de cheoir. (C.N.N., c.1456-1467, 39). | |
| 110 | Regardez que nous avons fait Pour vous resjouyr, en l'apporte [le cadeau]. Vostre cappacité en s'apporte [l. supporte ?] Nostre pouvre fragilité (Feste roys, c.1475-1500, 310). | |
| 111 | ...Dieu scet s'il pensa au chemin a son pouvre fait : "Helas ! dit il. Or suis je homme deffait et deshonoré..." (C.N.N., c.1456-1467, 287). | |
|
