"Qui est tombé en défaillance, qui a perdu connaissance, qui est évanoui" : Et quant il voit Que la dame pas ne l'entent ne oit, Tant fu dolens qu'estre plus ne pooit ; Mais nonpourquant tant fait que bien perçoit Qu'elle est pasmée. (MACH., J. R. Beh., c.1340, 65). ...c'est le coer tendre qe trop pleine estoit de lermes, [qe] si fortement corrust hors (...) ceo sai jeo bien qe sovent ensi fesoit quant vous, douce Dame, jeustes paumee, sicom bien [sovent] feistes, et adonqes pout bien coure hors par grante russeaux. (HENRI LANC., Seyntz medicines A., 1354, 151). Egar ! encore gist pasmée Com la laissay (Mir. roy Thierry, c.1374, 262). ...de laquelle boulle ledit suppliant ataigny ladicte Katherine par la teste et lui rompy la char et les os de la teste, tellement que ladicte Katherine tomba à terre toute pasmée, combien qu'elle n'eust riens rompu de la taye de la teste. (Doc. Poitou G., t.9, 1449, 121). ...il se laissa tumber du hault de luy a terre que a pou qu'il ne se rompit le col, et fut longuement comme tout paulmé. (C.N.N., c.1456-1467, 438).

-

Choir pasmé. "Tomber évanoui" : Et lors vint sa fille, qui le desarma [le roi, son père] ; mais, quant elle apperceut son harnoiz qui estoit rouge de sang, et la playe, elle chey toute pasmee. Lors commanda le roy qu'elle feust portee en sa chambre, et si fut elle. (ARRAS, c.1392-1393, 107). Et a ce mot le lieve [Remondin], et l'embrace et l'acole de ses bras, et s'entrebaisent, et orent entre eulx deux si tres grande douleur qu'ilz cheirent eulx deux pasmez sur l'aire de la chambre. Et qui lors veist dames, damoiselles, chevaliers et escuiers plourer et mener douleur, et disoient tous de commun : Faulse fortune, comment es tu si faulse et si perverse que de faire la departie de ces deux loyaulx amans ? (ARRAS, c.1392-1393, 257). Et a ces parolles le tresdoloureux chevalier cheist devant la cave tout pasmé, et tellement que l'en cuidoit bien qu'il fust du tout mort. (LA SALE, Salade, c.1442-1444, 120). ...son treshoneste, tresvertueux et loyal cueur s'evanuyt, et cheut paulmée. (C.N.N., c.1456-1467, 425).

-

[D'une bête] : Quant grant piece fui reposés, En pais fui et bien disposez, Si qu'a mon assouagement Escoutay apenseement Oiselès qui se debatoient ; Et croy bien qu'il se combatoient, Car bien vint auques environ Cheïrent tuit en mon giron. Mais assez tost s'en departirent, Car de toutes pars s'en fuïrent, Fors seulement une verdiere Qui demoura par tel maniere Qu'en mon giron remeint pasmée. Lors quant je la vi demourée, Je la pris moult douillettement ; Lors la boutay moult doucement Dedens mon sein un bien petit, Pour reprendre son appetit De joie, car pour la froidure Peüst morir en la verdure. (MACH., D. Aler., a.1349, 394).