| 57 exemples | | 1 | Par dessus tout me servoit et cremoit ; Son cuer, s'amour, sa dame me clamoit ; Tous estoit miens ; mes cuers bien le savoit ; Ne riens desplaire Ne li peüst qui a moy deüst plaire. De nos deus cuers estoit si juste paire Qu'onques ne fu l'un a l'autre contraire ; Einsois estoient Tuit d'un acort ; une pensée avoient ; De volenté, de desir se sambloient (MACH., J. R. Beh., c.1340, 63). | |
| 2 | "...Et se elle avoit du cuer prins le baptizement. Belle paire y auroit a vostre assemblement, S'en pourroit venir fruit puissant et excerlant..." (Hern. Beaul. D.B., c.1350-1400, 15). | |
| 3 | Achillés grant despit en a ; Contre lui [Troylus] vient et l'assena De la lance et Troylus lui, Qui contre Achillés a par lui Lui semble bien qu'il aura force ; Tant ot grant cuer de ce s'efforce. Si n'estoit ce pas juste paire ! (CHR. PIZ., M.F., III, 1400-1403, 122). | |
| 4 | ...et entra avecques sa compagnie dedens la ville tout le pas paire à paire, armés tous au blanc de teste et de jambe (CHASTELL., Chron. K., t.3, c.1456-1471, 145). | |
| 5 | Ces quatre capitaines passés ainsi par ordre et tousjours paire à paire, armés à banière close et lance en poing, vint le seigneur de Croy tout seul devant sans compagnon (CHASTELL., Chron. K., t.3, c.1456-1471, 147). | |
| 6 | Vezci une paire d'oisiaux [deux jeunes coulons], Qui sont et gracieux et biaux (Mir. nat. N.S.J.C., c.1343, 223). | |
| 7 | Je te vuel mon hommage faire, Car envers toy me sens tenus, T'aras de par moy une paire De beaux pinchons ou de cucus, Ten ton giron, les as rechus, Ne les laisse point envoller. (MARCADÉ, Myst. Pass. Arras R., a.1440, 169). | |
| 8 | Item, doient avoir tout les personnes deseurdites, excepteit les botelhons, IIII livresons de wans chascun ain, assavoir à Paske, al Pentecoste, al Toussains et à Noyel : à chascun de ches jamas, II pares, et ly maire le double (HEMRICOURT, Patron Temp. B., c.1360-1399, 107). | |
| 9 | ...une houppellande longue d'un fin vermeil d'Engleterre, fourrée de gris, et deux paire de chausses semelées, qui furent vendues, en la place Maubert, XXVJ s. lesquelx furent beuz. (Reg. crim. Chât., I, 1389-1392, 54). | |
| 10 | ...et en l'ostel de l'Escu de Bretaigne, en ladite ville de Chartres, ouquel lui et ledit Cousin estoient logez, en unes bouges qu'il trouva ouvertes, estans sur un lit, en une chambre auprez de celle où il avoient jeu la nuit precedente, unes paire de chausses, l'une blanche, l'autre vermeille, lesquelles chausses ledit Cousin a chaussées (Reg. crim. Chât., I, 1389-1392, 96). | |
| 11 | Item, confessa que, un an avoit ou environ, il mal print et embla, ès estables dudit evesque, trois paires d'esperons neufs qui estoient penduz en ycelle estable (Reg. crim. Chât., I, 1389-1392, 231). | |
| 12 | Item, trois paires de buretes d'argent, dont en y a deux dorées et à cristail, et les autres d'argent blanc verées. (FAUQ., II, 1421-1430, 117). | |
| 13 | Si ne vueilliés pas deffaire Ceste paire [votre regard et mon coeur], Dame ; humblement vous en proy. Dame, vostre dous viaire. Car mis l'avés en tel ploy Qu'il en soy N'a riens n'ailleurs ne repaire Fors en vous, et sans anoy. (MACH., Ch. bal., 1377, 601). | |
| 14 | Ma dame, de l'un, avec IIJ solz, je en ay eu deux paires de fins draps linges, et de XX s. j'en ay eu IIJ paires de soulers et IIJ paires de patins (LA SALE, J.S., 1456, 57). | |
| 15 | ...au partir qu'il fist de l'ostel d'icellui mareschal, et à un matin, print oudit hostel une paire de draps, desquelx il qui parle fist faire des robelinges pour lui, qu'il a usées. (Reg. crim. Chât., II, 1389-1392, 169). | |
| 16 | ...il convient que j'aye une paire de bons souliers. (C.N.N., c.1456-1467, 527). | |
| 17 | Pour ung jour et demy J'euz quatre paires de souliers Seullement pour estre joly (B. veoir, p.1480, 19). | |
| 18 | Mes ycelle chité dont ychy vous parlon Estoit sy bien muree et de telle faichon Que .III. paires de murs trouver y peuïst on. (Belle Hélène Const. R., c.1350, 487). | |
| 19 | Requis combien il fu en l'ostel dudit evesque de Poitiers, et de par qui il lui presenta les lettres closes, et quantes paires il lui en presenta, dit que il n'y entra oncques ne ne lui presenta aucunes lettres. (Reg. crim. Chât., I, 1389-1392, 519). | |
| 20 | Lavez en deux ou trois paires d'eaues chaudes, puis les enfarinez et frisiez en huille. (Ménagier Paris B.F., c.1392-1394, 230). | |
| 21 | Et y a trois paire de brayes ["ouvrages de défense"] haultes et puissantes, et pluseurs tours es dictes braies. (ARRAS, c.1392-1393, 46). | |
| 22 | ...et y ot deux paire de bons fors pons leveiz. (ARRAS, c.1392-1393, 244). | |
| 23 | ...fu Remond vestu, et laissa les draps du siecle, et prist ceulx de l'ermitaige, dont il estoit venu bien garniz de V. ou VJ. paire. (ARRAS, c.1392-1393, 273). | |
| 24 | Et s'il se treuve par aventure une paire de telx mariages qui ayent pacience et mainent belle vie ensamble en gardant sans enfraindre le sacrement de leur mariage, Dieu en sera loéz, mais passés oultre vous en trouverés au contraire par aventure quarrante paires. (MÉZIÈRES, Vertu sacr. mar. W., c.1384-1389, 248). | |
| 25 | Et dit que aucune fois estoit Que bien quatre paire dictoit De lettres de pluseurs matieres A diverses gens et entieres. (CHR. PIZ., Chem. estude P., 1402-1403, 249). | |
| 26 | ...nous ont esté exibées et monstrées trois paires de lectres closes et signées de très excellent prince monseigneur le duc d'Acquittaine (Doc. 1413. In : MONSTRELET, Chron. D.-A., t.6 c.1444-1453, 137). | |
| 27 | ...il y a brayes dessoubz les grans murs et deux paires de fossez (LANNOY, Voy. amb. P.H., p.1450, 104). | |
| 28 | Et vous plaise savoir, Sire, que, samedi dernier passé, les Bourguignons arriverent devers Mons. vostre frere, c'est assavoir Jaques Mons. de Saint-Pol et messire Pierre de Remerimont, lesquelx luy ont apporté deux paires de lettres c'est assavoir unes generales et unes autres petites et particulieres. (LE CLERC, Interp. Roye, c.1502, 220). | |
| 29 | Je scé bien que par moult de paires De tourmens, sire, il a passé, Mais ne l'avez pas tant lassé Que l'aiez peu vaincre (Mir. st Panth., 1364, 349). | |
| 30 | ...Adont fondat alteis en son nomm [de saint Thomas, archevêque de Canterbury], mainte paire, L'engliese par le monde (JEAN D'OUTREM., Geste Liège B.B., t.4, a.1400, 700). | |
| 31 | S'en sui repris et blasmez durement. Mais je ne say mon ouevre contrefaire, Eins moustre ce que mes cuers scet et sent ; Et les meschiés dont j'ay plus d'une paire, Voire de cent, si pert à mon viaire Qu'ay l'esperit, où ma vie demeure, Triste, dolent, qui larmes de sanc pleure. (MACH., Bal., 1377, 557). | |
| 32 | Car je vi la tout en un cerne Viële, rubebe, guiterne, Leü, morache, michanon, Citole et le psalterion, Harpe, tabour, trompes, naquaires, Orgues, cornes, plus de dis paires, Cornemuses, flajos, chevrettes (MACH., R. Fort., c.1341, 145). | |
| 33 | Si qu'einsi fui lonc temps en mue, Si comme un esprevier qu'on mue, Et tant qu'une fois entroy - Dont moult forment me resjoy - Cornemuses, trompes, naquaires, Et d'instrumens plus de set paires. Lors me mis a une fenestre Et enquis que ce pooit estre (MACH., J. R. Nav., 1349, 153). | |
| 34 | "...Vo dame de par moi vous mande Et m'a dit que je vous attande Et que tout droit a li vous maine, Quar il ha bien une semaine, Voire .I. mois qu'elle ne vous vid, Ce li semble, et se le m'a dit. Levés vous et venés a li !" Mais en l'eure os le vis palli, Car il me vint une freour, Qui estoit fille de Paour, Et de penser[s] plus de .X. paires, A mon fait amoureus contraires. (MACH., Voir, 1364, 230). | |
| 35 | Sire, ma dame la roine d'Engleterre est une vaillans fenme : c'est une noble pair de vous deus. Dieus est en vostres oevres et mains. Perseverés tousjours avant : vous venrés a chief ou en partie des vostres ententes et calenge. (FROISS., Chron. D., p.1400, 787). | |
| 36 | ...Orgues, vielles, micanons, Rubebes et psalterions, Leüs, moraches et guiternes Dont on joue par ces tavernes, Cymbales, citoles, naquaires, Et de flaios plus de X. paires, C'est à dire de XX. manieres, Tant des fortes com des legieres (MACH., P. Alex., p.1369, 36). | |
| 37 | Là avoit trompes et naquaires, Et d'instrumens plus de X. paires, Qui faisoient si tres grant bruit Que l'iaue en retentist et bruit ; Et la marine aussi resonne De leur son, qui doucement sonne. (MACH., P. Alex., p.1369, 56). | |
| 38 | Trompes, menestriers et naquaires Y ot, cornans plus de .II. paires, Qui tout faisoient ressonner. (CHR. PIZ., M.F., I, 1400-1403, 37). | |
| 39 | Or est prins en soy deffendant Des adversaires Qui sont a son prince contraires, Aprés tous ses autres affaires Et des meschiefz plus de cent paires Qui l'ont grevé, Dont encor n'est pas relevé. (CHART., L. Dames, 1416, 235). | |
| 40 | ...et je ne sçay quelles monnoyes d'or, de plus de X paires de manieres semblablement. (JUV. URS., Nescio, 1445, 529). | |
| 41 | C'est moins que ung voirre, car il ne se casse, comme dit Platon, que une foys, et l'omme en mille paires de manieres. (JUV. URS., Verba, 1452, 221). | |
| 42 | Ly doy compagnon dessus dit Sont comparé, selon mon dit, A deux paires de dames bonnes Qui des mieudres treuvent les bonnes. Les unes, que moult doy loer, Sont vesves et a marier... (Dit prunier B., c.1330-1350, 40). | |
| 43 | ...ains est merveilleusement aornée de royaulx vestemens et especialment de trois paires. Premiérement, car elle a un vestement blanc ; secondement elle est aornée d'un vestement d'or ; et tiercement d'un vestement plein de lumiére. (Mir. chan., c.1361, 139). | |
| 44 | Certes ceste contemplacion et consideracion donne quatre paire de fruis : proffit a soy, charité a son prouchain, despit du monde, amour de Dieu. (FOUL., Policrat. B., II, 1372, 209). | |
| 45 | Et pour les franchises dessus desclairées, ilz doivent au verdier de ladicte forest ou son lieutenant et aus sergens d'icelle un conroy appellé un disner chacun an, enquel disner doit avoir deux paire de pains, deux paire de vin, deux paire de char, une poulle pour le faucon du verdier, deux derrez de pain pour ses levriers, et un bouessel d'avoine pour ses chevaulx. (HECTOR DE CHARTRES, Cout. R., 1398-1408, 37). | |
| 46 | ...la en droit trouva la doulce paire, dormans a braz. [Deux amants surpris dans leur sommeil] (C.N.N., c.1456-1467, 367). | |
| 47 | Aprés tu dois savoir que les Grecs ont .V. paires de langages, des quelx le premier est commun, et est appelléz mixte ; le secont est appeléz attique... (LEGRAND, Archil. Sophie B., c.1400, 62). | |
| 48 | ...que aucun dudit mestier ne puisse faire, depuis la my-aoust jusques à Pasques, que deux paires de laines tondues, c'est assavoir delyée et plange ["unie"] (Mét. corp. Paris L., t.3, 1407, 329). | |
| 49 | Robbes avons de maintes paires, De beaulx chevaulx de parement Pour nous abiller gentement Affin de luy faire plaisance Et honneur. (Myst. st Laur. S.W., 1499, 167). | |
| 50 | Tourmens aurez de mainte paire En cest heure, je m'en fay fort. Mains crestiens en ont souffert mort, Depuis qu'ilz furent compassez. (Myst. st Laur. S.W., 1499, 222). | |
| 51 | Sans donner à aucuns nulz blasmes, Noz parolles et ceulx des femmes, Ce sont deux paires de boissons, Pource que plus nous cognoissons Et portons plus grand consequence. (Maistre Mim. T., c.1480-1490, 263). | |
| 52 | S'i fis grant piece mon repaire Par moy tout seul, sans autre paire, Jusqu'a un jour que je diray, Et croy que point n'en mentiray. (MACH., D. Aler., a.1349, 256). | |
| 53 | Maiz je croy qu'il soit filz de dame de hault paire, Quar il a sur l'espaule une croix qui esclaire. (Flor. Octav. L., t.1, c.1356, 376). | |
| 54 | Le noble conte d'Artois, qui de danser et de touttez chosez honnestez se sçavoit entremettre aussy bien que nul chevalier de ce monde, prist la belle pucelle et le mena a la danse ou tous deux eurent bien le regard dez ungz et dez aultrez qui grant esbat prendoient au regarder et disoient que jamais n'avoient veu sy belle paire (Comte Artois, c.1453-1467, 6). | |
| 55 | CRISPIN. A Soissons, plaine de meffais, Sera mon estre et mon repaire. CRIPINIEN. Avec vous porteray le fais, Car nous deux sommes une paire. (MOLINET, Myst. st Quentin C., c.1482, 55). | |
| 56 | ...Docteurs et philosophe astoit sans contrefaire, Ons ne trovoit adont qui a luy fesist paire (JEAN D'OUTREM., Geste Liège B.B., t.2, a.1400, 670). | |
| 57 | Or est mors li sangneur d'Awans à doul viaire. Johans li Brons de Foux le voit, ne li puet plaire Et dist qu'à son cusien ferat à morir paire. (JEAN D'OUTREM., Geste Liège B.B., t.2, a.1400, 683). | |
|
