| 174 exemples | | 1 | Quant Dieu ovrera sa grant porte Du chasteal de misericorde... (DUPIN, Mélanc. L., c.1324-1340, 162). | |
| 2 | ...et advisa la maniere comment l'en fermoit et ouvroit l'uys de la chambre d'icelle dame, ouquel avoit un grant huys et un petit guichet qui fermoit à ressort, et lequel grant huys tenoit à une barre de boys que l'en reculoit dedens le mur quant l'en le vouloit ouvrir. (Reg. crim. Chât., I, 1389-1392, 32). | |
| 3 | ...l'en a trouvé que de VJ huissiers de ceans qui à leur tour estoient de servir pour ce moiz (...) et n'y avoit aucun autre qui ouvrist l'uiz aux seigneurs (BAYE, II, 1411-1417, 20). | |
| 4 | ...une escripture (...) injurieuse à la justice du Roy, à la police et bien commun de son royaume, contenens sedition, ouvrans voie à parjuremens et homicides (BAYE, II, 1411-1417, 260). | |
| 5 | ...les voyes ouvertes par le pape sont trouvees inutiles (Vote soustr. obédience M.P., 1398, 53). | |
| 6 | ...et furent ouvers plusieurs moiens pour l'apaisement des matières. (ESCOUCHY, Chron. B., t.3, Pièces justif., 1448, 187). | |
| 7 | Toutesfoiz dient qu'ilz tiennent que la mine de Saint-Pierre vault trop mieulx que celle de Chissieu et m'ont ouvert le party qui s'ensuit (...). Après laquelle ouverture, par l'advis et délibéracion desdiz seigneur de Chastillon et Briçonnet, je leur en ay fait une autre. (Aff. Jacques Coeur M., 1453-1457, 376). | |
| 8 | Et au regart de ce que messire Michel de Partenay dit qu'il m'a ouvert un parti que le duc tinst en ressort de moy les hommages de ses eveschiez, c'est un expedient que je ne dois pour rien accepter, car le duc ne me donneroit riens par ce moien. (Lettres Louis XI, V.M., t.10, 1463, 205). | |
| 9 | Et sur ce aussi que nostre dit saint Pere a ouvert que, pour faire ladite armee et l'entretenir comme dit est, et afin que les fraiz soient à la charge d'ung chascun suppourtez egallement, que l'on mectra sus et pourra lever durant les dites trois annees ung decime sur toutes gens d'eglise (Doc. 1460. In : H. Stein, Bibl. Éc. Chartes 98, 1937, 313). | |
| 10 | ...maiz requierent justice à la Court, laquelle a dit qu'elle a ouvert les manieres de proceder ceans (BAYE, I, 1400-1410, 111). | |
| 11 | Sur certeinne cause meue et ouverte le Ve jour de fevrier derrien passé entre Giles d'Auffay (...) d'une part, et les duc de Bourgoigne, prevost et eschevins dessusdiz, appellez, intimé, d'autre part (BAYE, I, 1400-1410, 261). | |
| 12 | Et fu la matiere desdictes provisions et remedes ouverte ad utramque partem, et discutée par maistre Guillaume Intrant, d'une part, et par maistre Hugues Rapiout, d'autre part. (FAUQ., I, 1417-1420, 371). | |
| 13 | Auquel lieu furent ouvertes matières desquelles plus avant ne vous escrivons parceque croyons que par mondit Sr le Prince en estes assez advertis. (Doc. 1492. In : B.-A. Pocquet, Bibl. Éc. Chartes 115, 1957, 151). | |
| 14 | ...ilx estoient plus de Vm à Paris tous prests à le recevoir et ly ouvrir la porte de Montmartre ou de Saint Honoré. (BAYE, II, 1411-1417, 229). | |
| 15 | Des adont la guerrë ouvrirent Vers Adam et vers sa ligniee (Liber Fort. G., 1346, 117). | |
| 16 | Et semble aussi que les effores avoient posté sus les choses qui touchent les forains et estranges, comme seroit traictier a eulz ou ouvrir la guerre et teles choses, et jugeoient des contracz. (ORESME, Pol. Arist. M., c.1372-1374, 102). | |
| 17 | ...la guerre est ouverte entre nous et nostre adversaire d'Angleterre (Doc. 1417. In : J. Vielliard et R. Avezon, Bibl. Éc. Chartes 97, 1936, 370). | |
| 18 | ...de laquelle somme les gens de Monseigneur à ce commis firent faire execution sur ledit Colin lan CCCLVIII ou environ, pour le temps quil avoit guerre ouverte entre le roy de France, qui pour lors estoit regent le royaume dune part, et mon dit seigneur dautre (Compte Navarre I.P., 1367-1371, 389). | |
| 19 | ...comme Jehan de Verrue, chevalier, se soit rendu nostre rebelle et ennemy en tenant le parti Edwart d'Angleterre et de Edwart de Gales, son filz, qui ont commancié et font guerre ouverte à nous et à noz subgiez (Doc. Poitou G., t.3, 1369, 378). | |
| 20 | ...et leur sambloit oultre, que on devoit encores sommer ledit Roy d'Engleterre plus souffisamment qu'on n'avoit fait jusques à present, devant que on lui fist guerre ouverte. (ESCOUCHY, Chron. B., t.1, c.1453-14, 161). | |
| 21 | ...le discord y estoit tel entre le roy et le duc de Bourgoingne a cause du daulphin et de Lucembourg, sans guerre ouverte, que nulle riens oncques ne fut de si grant peril que ceste ne plus annuieuse. (CHASTELL., Chron. IV, D., c.1461-1472, 260). | |
| 22 | ...le duc de Bourgogne s'est de parolle, de fait, et par lettres escriptes de sa propre main, declaré ennemi formé de nous et de nostre dit royaume, en faisant guerre ouverte à l'encontre de nous et de noz subjetz. (Lettres Louis XI, V., t.4, 1471, 180). | |
| 23 | L'on est receu à produire lectres jusques à l'ouverture de l'enqueste et icelle ouverte... (Vieux cout. Poitou F., c.1451-1454, 115). | |
| 24 | La cause et matière ouverte pardevant notre dit chancellier, oyes les dites parties... (Chartes communes Bourg. G., t.1, 1408-1409, 254). | |
| 25 | LUCIFER. Vecy Sathan qui vient, Cerberus, euvre luy la porte (GRÉBAN, Pass. J., c.1450, 229). | |
| 26 | ...de grand haste et ardent desir qu'il eut d'entamer la matere qu'il vouloit ouvrir, il oblya de serrer l'huys de la chambre (C.N.N., c.1456-1467, 432). | |
| 27 | ...les diz prevosts de leurs office ne feront ou pourront faire adjourner se n'est à jour de feste et hors huit jours ; et en ce cas, ouvreront à la premiere journée et seront tenuz de ouvrir et proposer leurs demandes d'office à cellui qui sera adjourné sanz continuer autre jour ou journée. (Cout. bourg. glosé P.M., c.1380-1400, 66). | |
| 28 | Et est assavoir que virelais se font de pluseurs manieres, dont le refrain a aucunefois .IIII. vers, aucunefois .V. aucune fois .VII., et est la plus longue forme qu'il doye avoir, et les deux vers après le clos et l'ouvert doivent estre de .III. vers ou de deux et demi, brisiez aucunefoiz, et aucunefoiz non. (DESCH., Art dictier R., 1392, 281). | |
| 29 | Oultre plus, aucuns ditz sont nommez balades, lesquelles se font en diverses manieres ; toutesfois la plus commune maniere si est de fere deux vers de pluseurs couples ["deux ensembles de vers parmi plusieurs couplets"], desquelz deux vers l'ung s'appelle l'ouvert et l'autre le clos. (LEGRAND, Rimes L., a.1425, 8). | |
| 30 | Et së aucuns sont venus ci Qui ne li aient descouvert Leur conscience et tout ouvert Par contrite repentance Et condigne penitance... (GUILL. DIGULL., Pèler. âme S., c.1355-1358, 20). | |
| 31 | ...il m'a vilment refusé Pour ce que li ay descouvert Mon cuer et mon desir ouvert (Mir. Theod., 1357, 98). | |
| 32 | Ossi qui ["si on"] le me fait ouvrir, Je m'en ose bien descouvrir (FROISS., Dits Débats F., 1363-1393, 92). | |
| 33 | Amis, je sui en un desert, Quant vostre cuers que li miens sert S'en va en estrange contrée, Et pas ne vous ay descouvert La grant amour, n'aussi ouvert Ma triste et dolente pensée (DESCH., Oeuvres Q., t.4, c.1370-1407, 48). | |
| 34 | Les genz du Roy vouloient que nous leur ouvrissiens nos motis du Roy de Secile aler à Naples ou non, et nous nous tenismes es termes de leur en demander conseil sanz riens ouvrir de nos intencions. (LE FÈVRE, Journ. M., c.1380-1390, 523). | |
| 35 | Qui prandra femme, cilz l'ara Toute tele qu'il la prandra, Soit juene, vieille, salle ou nette, Sotte, boiteuse ou contrefette, Humble, courtoise ou gracieuse, Belle ou borgne ou malicieuse, Car par devant se couverra ; Mais ses meurs après ouverra, Et de près les fera sentir (DESCH., M.M., c.1385-1403, 53). | |
| 36 | Tost, geollier ! Euvre ton huys A ces hostes que l'en t'amaine ! (Myst. Viel test. R., t.3, c.1450, 59). | |
| 37 | ...et lui demanderent pourquoy il estoit prisonnier, et icelli Breton leur respondi qu'il pensoit que c'estoit pour ce qu'il avoit perdu les lettres du roy qui lui avoient esté chargié de porter devers ledit mons. de Berry, sanz plus riens ouvrir à lui qui parle, ne aus dessus nommez, du cas pour lequel il estoit prisonnier. (Reg. crim. Chât., I, 1389-1392, 544). | |
| 38 | ...ne eust point honte aprés ouvrir et magnifester a tous qui elle estoit (Cleres nobles femmes B.H., t.1, 1401, 20). | |
| 39 | ...on ne doit ouvrir, en particulier hors confession, ceste vilté et ordure abhominable (GERS., Ms Paris, 1405, B.N., fr. 13258, f° 364 v°. In : G. Ouy, Le M. fr. (5e Colloque, Milan), t.2, 1986, 63). | |
| 40 | Ce jour, après disner, furent assemblez les presidens et conseilliers des IIJ chambres de Parlement pour faire response sur ce qui avoit esté ouvert par monsegneur le chancelier ou conseil tenu ce jour au matin en la grant chambre de Parlement (FAUQ., I, 1417-1420, 211). | |
| 41 | ...et pourtant je te demande qu'il te plaise a moy ouvrir ce que tu scez (CRAP., Cur Deus, De arrha B.H., c.1450-1460, 166). | |
| 42 | Et je te prie que tu declaires, comment des chouses dessus dittes tu as ouvertes les raisons, ainsi je demande que tu euvres les raisons des chouses desquelles j'ay intencion de demander. (CRAP., Cur Deus, De arrha B.H., c.1450-1460, 234). | |
| 43 | ...comme ouvert luy avoit son secret, le sien luy voult deceler (C.N.N., c.1456-1467, 95). | |
| 44 | Pardonnez moy toutesfoiz que si fiablement vous ouvre et descouvre mon courage (C.N.N., c.1456-1467, 295). | |
| 45 | Ma chere espouse, je vous ay ouvert ces manieres de respondre affin que vers moy n'en usez aucunement. (C.N.N., c.1456-1467, 564). | |
| 46 | ...par quelle façon elle luy pourroit monstrer son grand et ardent amour et ouvrir le secret desir de son courage, elle ne savoit (C.N.N., c.1456-1467, 569). | |
| 47 | Lors le roy commanda lui faire ouvrir la porte des lices pour soy retraire en son pavillon (LA SALE, J.S., 1456, 124). | |
| 48 | ...le clerc cuidoit que elle luy deust ouvrir quelque matiere grosse et difficile, et la vouloit laisser commencer (C.N.N., c.1456-1467, 572). | |
| 49 | Et [se] vous, messieurs les ambassaeurs, saviez quelque expedient et que le voulsissiez ouvrir, ce seroit bien fait. (CHASTELL., Chron. IV, D., c.1461-1472, 49). | |
| 50 | Pour quoy dist saint Gregore bien en son Registre que a nos amis nous devons ouvrir nos consaulz et nos secretz. (FILLASTRE, Traité Conseil H., c.1472-1473, 355). | |
| 51 | Et en oultre fut ouvert qu'il seroit bien expedient pour le bien des dictes matières que... (ESCOUCHY, Chron. B., t.3, Pièces justif., 1448, 188). | |
| 52 | Et prophetisa vraiement De Jhesucrist l'advenement Plus ouvert et plus entendant Que nulz aultre n'ot fait devant. (Renart contref. R.L., t.1, 1328-1342, 46). | |
| 53 | J'ay (...) presté l'ouye A toute belle bourde ouverte (MICHEL, Myst. Pass. J., 1486, 149). | |
| 54 | Il [Tibère] fust moult sobre de sa bouche, et despendoit en dons et en aultres choses convenablement, adfin qu'il ne peüst avoir du commun aulcunes reprehencions ouvertes ne convertes. (LA SALE, Sale D., 1451, 22). | |
| 55 | Demoscenes, pour nous monstrer le dangier de hayne, met difference entre hayne couverte et hayne ouverte (...) ...hayne couverte est plus perilleuse que hayne ouverte. (FILLASTRE, Traité Conseil H., c.1472-1473, 249). | |
| 56 | Et, toutesfoyz, il dit a mos ouvers Que Messÿas est venu pour nous, serfs. (MICHEL, Myst. Pass. J., 1486, 17). | |
| 57 | Et par ainsi, se en aucuns lieux de mes oeuvres il est trouvé que je parle a l'aventure ou trop a l'ouvert ou trop clos ou trop taillamment touchant ce roy (...), je prie que ce ne me soit imputé a faveur, ne a hayne aussi, ne a quelconcque parcialité de corrage, mes soit imputé au temps et aux affaires de ce royaulme (CHASTELL., Chron. IV, D., c.1461-1472, 323). | |
| 58 | Luccifer, maudit Cerberus, Ouvre moy ; je te porte proye ! (Pass. Auv., 1477, 249). | |
| 59 | Lors fu son testament ouvert En general et en ouvert. Cil testament faisoit sçavoir Qu'Auguste Caiius faisoit hoir Des deux pars de ce qu'il avoit (Renart contref. R.L., t.1, 1328-1342, 225). | |
| 60 | Or n'est anois que soings ne passe, Mes qu'il soit plaisans et ouvers. (FROISS., Joli buiss. F., 1373, 180). | |
| 61 | Et elle en qui Joye est ouverte En Plaisance continuee... (TAILLEV., Deb. cuer ueil D., c.1444, 219). | |
| 62 | ...et croy que cuer d'omme ne fu oncquez tant merancolieux ne tourblé qui alors n'eust fait chiere joieuse tant y estoit plaisance ouverte et habandonnee. (Comte Artois S., c.1453-1467, 21). | |
| 63 | Et lors Jason, en ouvert esprit, nagant en plaisir par appetit de nom acquerre, se mesla entre ces chevaliers ou les Esclavonnois se ralyerent. (LEFÈVRE (R.), Hist. Jason P., c.1460, 148). | |
| 64 | La terre ouvry, il cheÿ ens (Renart contref. R.L., t.1, 1328-1342, 39). | |
| 65 | Car terre dessoubz eulz s'ouvri Et en abisme les couvri (Mir. st Guill., c.1347, 18). | |
| 66 | O cieulx, degouttez vostre rousee d'en hault, et le juste descende des nues ! Ouvre soy la terre, et germe le Sauveur ! (GERS., Annonc., a.1400, 229). | |
| 67 | Si ot à cause d'iceulx grant commocion par leurs amonicions, et fu en division le dit peuple, pour lequel pechié pugnir, devant tous la terre s'ouvri, et descendirent en enfer tous vifs avec leur complices (CHR. PIZ., Paix W., 1412-1413, 129). | |
| 68 | Terre, oeuvre toy, viens me a cop transglutir (HAUTEV., Compl. H., c.1441-1447, 65). | |
| 69 | Hurtés et je vous ovreray (Prisonn. desconf. C., c.1488-1489, 52). | |
| 70 | ...je prie [Dieu] qu'il permette la terre ouvrir qui me englotisse et devore toute vive (C.N.N., c.1456-1467, 564). | |
| 71 | Je requier treshumblement a Dieu et a joinctes mains luy prie qu'il face et commende ung abysme ouvrir ou je soye jectée [La jeune femme évoque le cas d'un engagement qu'elle ne tiendrait pas] (C.N.N., c.1456-1467, 565). | |
| 72 | ...se le fauz las n'estoit, qui estraint le maistre las tellement que il ne pourroit ouvrir. (HENRI FERR., Modus et Ratio, Livre deduis T., c.1354-1377, 273). | |
| 73 | Freres, regardés cy venir La clere nuee qui se oeuvre Dessus nostre maistre et le coeuvre En reluysance de vertus. (MICHEL, Myst. Pass. J., 1486, 128). | |
| 74 | Celle [la marguerite] sieut le soleil comme son nourrisseur et pere ; elle s'oeuvre a sa venue, pour recepvoir ses regars amiables, et se clost a son decés, comme dolente de son absence (MOLINET, Faictz Dictz D., 1467-1506, 107). | |
| 75 | Dont aprés y pooir riens aquester messire Jehan de Rebremete se ouvry, faisant signe de soy reposer, et, tenant sa hace a deux mains fierement a bras ouvers loings de l'un l'aultre, donnoit lieu et occasion a messire Henry de venir ferir du mail sur ly (CHASTELL., Chron. IV, D., c.1461-1472, 168). | |
| 76 | ...ces archiers et fondeffleurs (...) s'ouvrirent ensy comme on ouveroit une porte a .II. costés, si passerent les hommes d'armes macedonnois et gregois, montés et abilliés moult ricement, lances sus faultres (WAUQUELIN, Faits conq. Alexandre H., a.1440, 243). | |
| 77 | ...tous les gens d'eglise et collieges, accompaignans les evesques, abbez et prelatz, qui furent ordonnez ... porter les relicques et conduyre les proucessions, (...) marcherent les premiers et par ordre et [à] l'ouvert, tellement que entre deux pouvoit marcher l'ordonnance et la compaignie ainsi qu'elle venoit. (LA MARCHE, Mém., III, c.1470, 108). | |
| 78 | S'adversité le demaine Ou meschief li sont ouvert, Bien emploie cil sa paine Qui Dieu et sa mére sert. (Mir. Berthe, c.1373, 189). | |
| 79 | Il me semble que le cueur m'euvre De joye quant je gaigne argent. (GRÉBAN, Pass. J., c.1450, 318). | |
| 80 | Je say bien moy que je metray L'huys hors des gons sy tu ne m'euvre. (Gent. moun. T., c.1500, 367). | |
| 81 | SATHAN fait joye. (...) J'ay faict ung hault faict, ung chef d'euvre Tant que le courage m'en oeuvre D'avoir happé Jesus au bric. (MICHEL, Myst. Pass. J., 1486, 370). | |
| 82 | ...et fault qu'il s'ouvre de l'argent si quelque chouse luy survenoit. (Traité politique C., c.1492-1493, 149). | |
| 83 | ...cil la l[e pèlerin] s'est a li [Satan] ouvert (GUILL. DIGULL., Pèler. âme S., c.1355-1358, 66). | |
| 84 | Aprés donques que ainsy s'estoyent entreveuz et conjoÿs ces deux princes, le daulphin viennois et le duc de Bourgoingne, et que ouvert s'estoit de son estommac le daulphin viennois a son oncle... (CHASTELL., Chron. IV, D., c.1461-1472, 29). | |
| 85 | Oroison apelle devotement le Saint Esperit, Obeissance li euvre apertement, Pais le retient joieusement. (GERS., Pent., p.1389, 73). | |
| 86 | ...lesquelles lettres furent leues et publiées, les huiz ouvers publiquement, et requirent lesdiz Espaignos avoir lettre de ladicte publication. (BAYE, I, 1400-1410, 69). | |
| 87 | ...sytost comme iceulx XX ou XXX hommes sauroient et verroient que ledit portier se seroit trait arriere et eslongnée la porte dudit chastel pour aler mettre hors yceulx gueitteurs, et auroit lessié l'uis ou guichet d'icellui ouvert, que ilz se boutassent, meissent et entrassent entre ledit portier et la maistre porte dudit chastel (Reg. crim. Chât., II, 1389-1392, 191). | |
| 88 | Si me commanda le Roy que, les huis dudit Conseil ouvers, et tous ceulx qui wodrent entrer entrez, je publiasse ledit scrutine. (BAYE, II, 1411-1417, 130). | |
| 89 | Ouvrez, ouvrez, varlet ou maistre ; Cest huis ouvrez. (Mir. roy Thierry, c.1374, 301). | |
| 90 | ...il hurte de rechef et dit : "Ouvrez, ouvrez, je suis vostre mary..." (C.N.N., c.1456-1467, 28). | |
| 91 | ...[il] pensoit aussi que la ceruse fust tant enrouillée qu'on ne la pourroit ouvrir (C.N.N., c.1456-1467, 27). | |
| 92 | ...[il] pensoit aussi que la ceruse fust tant enrouillée qu'on ne la pourroit ouvrir, pour ce que nulle foiz ou pou souvent s'ouvroit. (C.N.N., c.1456-1467, 27). | |
| 93 | Et combien que a la premiere election faicte a Romme du Barroys, je me fusse soubmis, toutesfois moy informe viva voce par les rouges chapeaux de la seconde election Debonnaire selon la loy civile en mieulx si muay mon conseil, c'est assavoir de la premiere election, tenant moy au contraire si tresdoulcement, dame royne, que au Debonnayre, Clement VIIe appelle, dignement appartient l'ouvrir et cloyre des clefz de l'eglise de vostre Pere (MÉZIÈRES, Songe vieil pèl. C., t.1, c.1386-1389, 369). | |
| 94 | ...ledit receveur tiendra tout tel et semblable ordre ès mines d'argent de la montaigne de Joz, en Beaujoloiz, quant elle sera ouverte et en estat et disposicion de besongner (Aff. Jacques Coeur M., 1453-1457, 351). | |
| 95 | ...lequel cymetiere est de antiquité ordonné pour les moines du lieu et, quant il advient que l' on euvre aucun sepulcre trois jours après que aucun y est en terre, l' on ne treuve os, chair, ne cendre, ne aucune apartenance de corps et ceste merveille a esté souvant trouvée vraye. (SIMON DE PHARES, Astrol., c.1494-1498, f° 68 v°). | |
| 96 | Lesquelles eglises ycellui Durant ouvroit à un crochet de fer qu'il portoit avecques lui sur soy. (Reg. crim. Chât., I, 1389-1392, 96). | |
| 97 | ...en la ville de Breban, de nuyt, en une estable qu'il ouvry, print une jument qu'il mena vendre en la ville de Chaalons dessus dite. (Reg. crim. Chât., II, 1389-1392, 163). | |
| 98 | ...elle n'a peu entrer en sondit hostel, ne ouvrir son huis de sa clef de quoy elle l'avoit acoustumé à ouvrir. (Reg. crim. Chât., II, 1389-1392, 526). | |
| 99 | Ilz monterent en la chambre, qui fust tantost ouverte. (C.N.N., c.1456-1467, 494). | |
| 100 | A l'ouvrir la chambre, le clerc la vit armée (C.N.N., c.1456-1467, 279). | |
| 101 | Ceste huche vous ouverray (Mir. Rob. Dyable, c.1375, 9). | |
| 102 | ...à sa petite cote print les clefs qui pendoyent à un petit fermillet ; de l'une desquelles clefs, pour ce qu'il en y avoit plusieurs, et à très grant pene il ouvry un grant coffre, ouquel il fouilla tant qu'il trouva un petit coffret, lequel il print et emporta (Reg. crim. Chât., I, 1389-1392, 32). | |
| 103 | ...[il] entra en une basse chambre dudit hostel, en laquelle avoit un coffre tout ouvert, ouquel coffre il print le couvercle d'argent doré duquel est faite mencion cy-dessus (Reg. crim. Chât., I, 1389-1392, 217). | |
| 104 | ...eulx trois là assemblez, yceulx deux compoingnons attaingnirent deux estuiz de cuir, l'un rond et gros comme une grosse boule, et l'autre plat comme unes grans tabletes, et les ouvrirent (Reg. crim. Chât., I, 1389-1392, 423). | |
| 105 | Le charreton (...) hucha les gens et son maistre, qui ouvrirent le casier, ou ilz trouverent le pouvre prisonnier (C.N.N., c.1456-1467, 446). | |
| 106 | ...comme il passoit à un matin auprez de l'ostel Jehan de L'Olive, il trouva un hostel ouvert ouquel il entra (Reg. crim. Chât., I, 1389-1392, 10). | |
| 107 | Et retournay par ung autre chemin ou il ha ung lotgis ouvert (CAUMONT, Voy., p.1420. In : Chrestom. R., 71). | |
| 108 | Item, quiconques achete harent de Fronelaye et morues bactonnées et macquereaulx salez de marchant estrange, il convient quilz soient ouvers dedans tierce et cloz dedans vespres ; et ce est ordonné pour ce que les marchans s'en aloient trop tard (Mét. corp. Paris L., t.1, 1351, 14). | |
| 109 | Par tout on ouvrera les portes Quant on sçaura vostre venue. (Myst. Viel test. R., t.5, c.1450, 243). | |
| 110 | O souverain qui es saincts cieulx reluys, Qui peulx ouvrir et clore le grant huys De paradis ou tout plaisir domine, Oeuvre moy les jours eternelz sans nuys (MICHEL, Myst. Pass. J., 1486, 102). | |
| 111 | ...a sa gloire M'a appellé, et ouvert l'uis De son paradis (Mir. Barl. Josaph., c.1363, 271). | |
| 112 | Les autres louerent l'excellence de sa dignité en prelature en tant que Dieu le feist maistre et prince sur toute son Eglise, en tant que tous autres, feussent apostres ou disciples, voire et nostre Dame, furent en ce subgetz a luy [à saint Pierre], et ot la souveraine auctorité de clorre et ovrir paradis par la vertu et par les clefs du saint sacrement de penitence qui enclost confession. (GERS., P. Paul, a.1394, 486). | |
| 113 | A unc jour droit fist crier a abandon Pour tenir court ouverte (Renaut Mont. B.N. V., c.1350-1400, 435). | |
| 114 | Quinze jours tint le roy court ouverte pour l'onneur des princes qui estoient venuz et parloient grandement de la vallantise de Pierre. (Belle Maguel. C., 1453, 26). | |
| 115 | Meismement Herculés, pour qui la feste se faisoit, les bienvegna. L'appareil doncques estoit grant en Thebés a ce jour. Le roy tinst court ouverte. Les roys et les princes, dames et damoiselles mengerent de bonne heure. Aprés qu'ilz eurent fait bonne chiere, les dames et les damoiselles monterent sus les hours, et les chevaliers s'adouberent et monterent sus leurs chevaulz (LEFÈVRE (R.), Hist. Jason P., c.1460, 127). | |
| 116 | Pour ce que gages doivent estre delivrés ou receuz pour justice, nous traitterons comment la recreance se doit faire. L'en doit savoir que, se aucun tient les gages d'un sien homme et il n'en veult faire rendue ne recreance, ne n'en veult ouvrir sa court à son homme ou à un autre, il doit venir au souverain et le souverain y doit envoier son sergent (Cout. bourg. glosé P.M., c.1380-1400, 161). | |
| 117 | On le peut bien appeller fontaine Dieu car c'est la vraye fontaine de tous biens, mais elle n'est pas a chascun patente et ouverte. (Traité S. Sacr. B., c.1450-1500, 149). | |
| 118 | A ceste maisoncelle donques d'un povre homme, gisant en son literon avecques sa famelette, dormans tous deux, vint hurter le riche duc de Bourgongne mourant de faim et de froit, et qui avoit sa riche maison à Brusselles toute nuyt ouverte après lui (CHASTELL., Chron. K., t.3, c.1456-1471, 257). | |
| 119 | ...avoir refait de neuf les quatre astre et quatre couvertures des quatre cheminées qui sont en icelles deux maisons, tant les deux de l'estage de rez de chaussée comme les deux autres de l'estaige d'au dessus, et, au dit rez, fait parties des planchiers des ouvrentes d'icelles (Comptes Paris V.L.D., t.1, 1449-1450, 671). | |
| 120 | ...je feray ung sault jusques en la chambre de parement, et deffermeray l'huys, et le lairay ouvert. (C.N.N., c.1456-1467, 193). | |
| 121 | Je di donques que ceulz sont bestiaus qui sont telz comme fu un homme duquel l'en raconte que il fendoit et ouvroit les femmes grosses, et traioit les enfans de leur corps et les devoroit. (ORESME, E.A., c.1370, 380). | |
| 122 | Prenez moy voz courgees trenchans Et luy en bastez tant les flancs Que je le voye par tout ouvert (Myst. st Laur. S.W., 1499, 223). | |
| 123 | ...se il n'i a sanc courant par plaie ouverte. (Hist. dr. munic. E., t.2, 1334, 86). | |
| 124 | Mes amis, de ceste touaille Vous nettiray ung pol vous playes, Car assez en avés de layes Et d'ouvertes a habondance (Myst. st Adr. P., c.1450-1485, 133). | |
| 125 | Et est vray que lesdiz seigneurs, après leur mort, furent ouvers en presence de medicins et autres, et n'y avoit quelque signe d'empoisonnement (FAUQ., I, 1417-1420, 32). | |
| 126 | En iceluy an aussi mourut le pape Nicolas, qui estoit encores en la force de son âge ; mais il fut empoisonné, comme il fut trouvé quand il fut ouvert par les surgiens. (CHART. J., Chron. Ch. VII, V., t.3, c.1437-1464, 48). | |
| 127 | Comment il veult qu'il soit ouvert et qu'on gecte hors le morceau ou la mort aura touchié. Ce fait, mon corps on ouvrera Et dedant partout l'en querra Le morceau ou la mort mauldite Son mors et giste fait aura (HAUTEV., Conf. Test. am. tresp. B., c.1441-1447, 72). | |
| 128 | ...apprez son trespassement, le corps de ce très crestien Roy fut ouvert, puis ses entrailles mises et posées en certain vaissel à ce fait et ordonné tout propice (ESCOUCHY, Chron. B., t.2, a.1465, 424). | |
| 129 | ...aune et demie d'escarlatte sanguine, et aune et demie d'un marbré lonc de Broisselles, baillé à Martin de Coussy, tailleur de monseigneur le Dalphin, à faire un seurcot ouvert (Comptes argent. rois Fr. D.-A., I, 1352, 85). | |
| 130 | ...une longue robe d'orfavrerie, à grandes manches ouvertes (LA MARCHE, Mém., III, c.1470, 122). | |
| 131 | Ouvrés voz portes sans remortz, Prince d'enfer ! O portes, rompés, Et le roy de gloire varrés, Qui entrera, Dieu glorïeux ! (Pass. Auv., 1477, 226). | |
| 132 | ...Pourpoins ouvers, Bonnetz revers (ALECIS, Blas. faulses am. P.P., a.1486, 241). | |
| 133 | Ores sus .h. soit mys le pyé immobile du compas, et l'aultre soit tant ouvert qu'il puisse faire deux pointz sus les deux lignes orthogonales... (NIC. CHUQUET, Géométrie H., 1484, 290). | |
| 134 | Lors fu son testament ouvert En general et en ouvert. Cil testament faisoit sçavoir Qu'Auguste Caiius faisoit hoir Des deux pars de ce qu'il avoit (Renart contref. R.L., t.1, 1328-1342, 225). | |
| 135 | ...puis les oevre [les lettres] Et les lisi de cief en cor (FROISS., Pris. am. F., 1372-1373, 163). | |
| 136 | Par l'ordonnance du Conseil du Roy et de monseigneur le Dauphin furent receues et ouvertes les bulles du Pape Martin esleu à Constances (FAUQ., I, 1417-1420, 115). | |
| 137 | Ces lettres furent ouvertes par elle (C.N.N., c.1456-1467, 257). | |
| 138 | ...et euvre le livre Ou tu sces nostre debte ensuivre (GRÉBAN, Pass. J., c.1450, 33). | |
| 139 | Je voy la des livres ouvers (Copp. lard., a.1488, 162). | |
| 140 | Biau Dieu, oeuvre ton poing Pour aidier no querelle, Mestier avons d'aïde ! (Percef. IV, R., c.1450 [c.1340], 1101). | |
| 141 | ...et a le bras droit tendu et la main ouverte devers la Turquie (LA BROQUIÈRE, Voy. Outr. S., c.1455-1457, 159). | |
| 142 | ...lessez les fenestres et autres lieux de vostre maison ouvertes (LE FORESTIER, Rég. épid. pest., 1495. In : Chrestom. R., 280). | |
| 143 | Quant Vienne aparceust son pere, qui venoit, elle luy coroit a l'encontre, les bras ouvers, si l'ala acouler. (LA CÉPÈDE, Paris Vienne K., 1432, 113). | |
| 144 | En telles eglises la glorieuse vierge ouvri sa bouche... (Mir. Theod., 1357, 79). | |
| 145 | ...ouvrir la bouche (SAINT-GILLE, Comment. A.Y. L., 1362-1365, 314). | |
| 146 | ...tu ouvris les enfantines levres de Daniel pour la bonne Susanne, accusée à tort (CHR. PIZ., Paix W., 1412-1413, 58). | |
| 147 | Car ilz sont aucuns qui ressemblent a un sepulcre, car, quant ilz euvrent leur gorge pour parler, elle put comme fait le sepulcre quant on le desclot. (COLART MANS., Dial. créat. R., 1482, 260). | |
| 148 | ...quant ilz hauront leur hures de cenglier et appareilliés (...), si leur euvrent les goules et y mectent en chescune ung trosset de bastonnet pour les tenir ouvertes (CHIQUART, Cuis. S., 1420, 140). | |
| 149 | ...il ovry les yeulx (Chev. papegau H., c.1400-1500, 70). | |
| 150 | ...une maladie le print en l'oeil si greve, qu'il ne le povoit tenir ouvert (C.N.N., c.1456-1467, 502). | |
| 151 | [Cont. métaph.] Tu, lumiere, veritable, euvre mes iex de toute cecité humaine (GAST. PHÉBUS, Livre oraisons T., c.1380-1383, 32). | |
| 152 | LE PREMIER PRINCE. (...) Que dis tu de cest homme cy Qui t'a ouvert les yeulx ainsy ? Quel homme est il par ton semblant ? L'AVEUGLE. C'est ung prophete souffissant Vous le poez vir par son fait (MARCADÉ, Myst. Pass. Arras R., a.1440, 100). | |
| 153 | Portier, ouvre l'uys hardyment ! (LA VIGNE, S.M., 1496, 503). | |
| 154 | ...quant Dieu euvre ses ieux, Il voit leurs maulx (Myst. Viel test. R., t.5, c.1450, 3). | |
| 155 | Hault plasmateur, estens sur nous ta main, Ouvre ton oueil plein de misericorde (Myst. Viel test. R., t.5, c.1450, 124). | |
| 156 | O Lucifer, ovre tes yeulx ! Jehan baptiste a nous seans Plus ne baptizera les gens Ne ne foschera [l. preschera] a la terre. (Pass. Auv., 1477, 113). | |
| 157 | Ouvrez les yeux de cognoiscence, entre vous, miserables femmes donnees a pechié tant deshonnestement (CHR. PIZ., Trois vertus W.H., c.1405, 211). | |
| 158 | Ouvrir nous convient nos oreilles Affin que nous oyons le cry. (Vig. Trib., c.1480, 227). | |
| 159 | Ouvrez doncques les oreilles espirituelles de vostre cuer, tendez les en hault, et escoutez leur humble requeste et leur plainte doloreuse [des morts], pour les aydier, secourir et delivrer. (GERS., Déf., 1400, 226). | |
| 160 | Netes soient donc nos beguines Et prestre et clerc et chapelain, Recluse et ouverte nonnain (Best. lap. Rosarius S., c.1330, 13). | |
| 161 | ...il y a différence entre le païs d'Égipte et de Surie, car Égipte sy est plain païs et ouvert, et Surie sy est païs rusquilleux et plain de montaignes (LANNOY, Voy. amb. P.H., p.1450, 121). | |
| 162 | Aprés ce temps elle Melusigne fist faire Le bourg ou moult a beau repaire : Les murs sont haulx et les tours drues, Les alees et les venues Sont toutes faictes a couvert ; Archieres y a a l'ouvert Pour lancer, trairë et deffendre. (COUDRETTE, Mélus. R., c.1401-1402, 153). | |
| 163 | ...sy tu n'oeuvres L'entendement a ce que tu recueuvres Quelque fiance... (MESCHIN., Lun. princes M.-G., c.1461-1465, 81). | |
| 164 | Et cil qui sa porte li euvre Pert tout son bien oultreement. (Tomb. Chartr. Trois contes S., c.1337-1339, 105). | |
| 165 | ...pour bien parfonder cestui fait il convient bien avoir l'entendement ouvert et le regard parfont. (CHASTELL., Chron. IV, D., c.1461-1472, 275). | |
| 166 | Travail (...) M'ouvrist plus que tous les commens D'Averroÿs sur Arristote. (VILLON, Test. R.H., 1461-1462, 29). | |
| 167 | Nul ne doit sens celler Ne mettre en repos ne couvrir, Ains le doit a trestous ouvrir (Renart contref. R.L., t.1, 1328-1342, 2). | |
| 168 | DIEU. (...) O tres chiere nature humaine (...) Le don de mercy t'est ouvert ; Peus tu estre mieulx recouvert Que mon propre filz soit couvert De ta nature ? (GRÉBAN, Pass. J., c.1450, 49). | |
| 169 | ...la Majesté Divine, qui par sa bonté Euvre ennuit ses tresors de grace (Myst. Incarn. Nat. L., t.2, c.1454-1474, 201). | |
| 170 | Se Dieu n'y oeuvre et son espargne n'oeuvre (...), Jamais n'arons samblable personnaige [Épitaphe de Henry de Berghes] (MOLINET, Faictz Dictz D., 1467-1506, 384). | |
| 171 | La gloire si vous est ouverte Avecques Jesus, nostre sire. (Myst. st Laur. S.W., 1499, 270). | |
| 172 | Et ja pieça en furent en Savoye Ambaxadeurs pour leur ouvrir la voye. (NESSON, Lay guerre P.D., c.1424-1429, 57). | |
| 173 | Ensius les voyes de tes peres ancïens, oeuvre la voye a tes enfans (MOLINET, Faictz Dictz D., 1467-1506, 25). | |
| 174 | ...attendu le malice d'iceulx prisonniers, et la voye par eulx ouverte pour evader la punicion et juridicion du roy nostre sire, foy aucune ne soit adjoustée, ne aussi ne soit aucunement deferé à proceder à l'absolucion ou condempnacion d'iceulx prisonniers (Reg. crim. Chât., I, 1389-1392, 87). | |
|
