| 14 exemples |
| 1 | S'entray ens pour moy deporter, Pleins d'amoureuse maladie, Et pour oïr la melodie Des oisillons qui ens estoient Qui si trés doucement chantoient Que bouche ne le porroit dire, N'onques homs vivans n'ot tant d'ire Que, s'il peüst leur chant oïr, Qu'il ne s'en deüst resjoïrEn son cuer (MACH., D. verg., a.1340, 14). |
|
| 2 | Mais je m'aperçu bien que nuls N'estoit alez par ceste voie, Depuis que venus y estoie ; Qu'en riens n'i estoit depassée L'erbe poingnant, et la rousée Clere et luisant seur l'erbe drue N'estoit pas encor abatue, Et cil oisillon qui mieus mieus En plus de trente mille lieus Tout aussi com par estrivées Chantoient, les gueules baées, Si qu'il faisoient restentir Tout le vergier (MACH., R. Fort., c.1341, 109). |
|
| 3 | De laquelle chose ledit duc de Bethefort ne fut en riens d'accord ne content, ainssois disoit qu'il avoit icelle ville d'Orléans à sa voulenté, et que ceulx d'Orléans lui paieroient ce qu'il avoit cousté à tenir ledit siège et qu'il seroit bien couroucé d'avoir batu les buissons à ce que d'autres deussent avoir les oiseillons. (CHART. J., Chron. Ch. VII, V., t.1, c.1437-1464, 65). |
|
| 4 | Le septiesme estoit le personnaige d'ung homme, qui d'une parche batoit ung buisson plein de petitz oyseaulx, et près d'eulx, en ung vergier cloz de treilles de rosiers, faict très gentement, avoit ung chevalier et une dame assiz à table, lesquelz mangeoient les oisillons dont l'ung bastoit le buisson, et monstroit ladicte dame au doyt qu'il se travailloit en vain et follement perdoit son temps. (LA MARCHE, Mém., II, c.1470, 352). |
|
| 5 | Noblement sont vestu comme filz a baron, Cotes de soye a or ouvrees a oysillon (Renaut Mont. B.N. V., c.1350-1400, 204). |
|
| 6 | Et quant on vit qu'il fut bien temps D'aler coucher et departir, On fist d'espousee [l. l'espousee] partir Et en paveillon retraire. Moult avoit cousté a pourtraire, Pourtroit estoit a oysillons ; Moult estoit riches paveillons. (COUDRETTE, Mélus. R., c.1401-1402, 147). |
|
| 7 | ...li doulx chans des oisillons (Bérinus, I, c.1350-1370, 67). |
|
| 8 | À l'entrée dou mois d'avril Qu'oisillons chantent en l'arbril, Haut et cler, et font maint hoquet, L'an mil CCCLXVIJ., Au matinet, sans plus attendre, Se departirent d'Alixandre Li messages dont j'ai conté. (MACH., P. Alex., p.1369, 190). |
|
| 9 | M'entente estoit d'aler aux champs Oir des oisillons les chants. Vous, ou alez ? (Mir. Pierre Changeur, c.1378, 274). |
|
| 10 | ...tout ainsi comme oysillon Fuient devant l'esmerillon Ou devant faucon querant proye, Fuyoient Grec devant sa voye (CHR. PIZ., M.F., III, 1400-1403, 91). |
|
| 11 | ...ou quant l'estoille journale se doit prochainement lever a l'aube du jour, toute riens s'esgaye et s'esjouyst, les oysillons chantent, et la rousee descent (GERS., Concept., 1401, 391). |
|
| 12 | Vous avez bon commancement, Quant leur riviere (leur) [vous] avez ; Deça ne sauldra nullement Ung ozillon, vous le savez. (Myst. siège Orléans H., c.1480-1500, 234). |
|
| 13 | Après ce fait Devers Amours Loiauté se retrait, Et dist einsi, que riens n'eüst meffait, Se d'autel pain li eüst soupe fait. "N'il n'est raisons Pour ce, s'il est vrais, loiaus et preudons, Qu'il soit de ceuls qui batent les buissons Dont li autre prennent les oisillons. Car se la dame Que je repren moult durement et blame, - Et c'est bien drois, car elle acuet grant blame De muance faire en la fausse game, - Premierement N'eüst osté son cuer de cest amant Qui tous estoit en son commandement, Amours, Amours, je parlasse autrement..." (MACH., J. R. Beh., c.1340, 126). |
|
| 14 | Quant il me vid, il prist a rire, Et puis me commença a dire : "Amis, vous [b]atés les buissons Dont autres ont les oisillons." (MACH., Voir, 1364, 664). |
|
