| 90 exemples | | 1 | Helas ! pour quoy vi je onques sa biauté, Son corps faitis ne son gracieus port, Ne son doulz vis rient, fres, coulouré, Ne ses vairs yex ? (MACH., L. dames, 1377, 64). | |
| 2 | Requis se il se apperceut oncques que sadite femme lui feist les poisons ou sorceries, etc., dit que non (Reg. crim. Chât., II, 1389-1392, 340). | |
| 3 | Je pri à Dieu qu'il les cravant, Quant onques si grant mespresure Entra en cuer de creature. (MACH., P. Alex., p.1369, 267). | |
| 4 | Certes, cousine, il fu moult os, Oultrageus et fist grant folie, Quant onques en jour de sa vie Pensa a vous par nulle voie. (FROISS., Méliad. L., t.2, 1373-1388, 148). | |
| 5 | Je fus bien malheureux, il fault que le confesse, Quand oncques vous touchay tetins, cuisses, con, fesses (MOLINET, Faictz Dictz D., 1467-1506, 729). | |
| 6 | Einsois la teste li fendi, Si que la cervelle espandi. Apres il li copa la gorge D'un coustel de mauvaise forge, Que mal fust il onques forgiez (MACH., P. Alex., p.1369, 270). | |
| 7 | Et nye oncques, oudit jour ne paravant, avoir veu le gueulle dont est plaintif icelli Bechopois, ne aussy avoir veu l'argent qui dedens estoit, dont il est accusé par ledit Bechopois [et nie avoir jamais vu ce dit jour ni auparavant...]. (Reg. crim. Chât., I, 1389-1392, 561). | |
| 8 | Mon chier frere, par l'ame que j'ay a Dieu a rendre, il n'a personne ceans qui oncques le me conseillast [de me faire moine], car je l'ay fait de moy propre, sans conseil d'autrui et par droicte devocion. (ARRAS, c.1392-1393, 251). | |
| 9 | ...et la raison de monsr.. saint Augustin si est car les femmes ne sont pas capables de dignités, comme en la loy l'office de prebstre venoit par succession et en iceluy jamais femme ne succedoit, ne on ne trouverra point es sainctes escriptures que oncques femme legitimement si succedast en royaulme (JUV. URS., Aud. celi, 1435, 165). | |
| 10 | ...[le duc] n'y trouva homme, ne beste, ne buron, ne maison, ne chose que Dieu fit onques pour repondre ["s'abriter"] dessoubs, sinon arbres. (CHASTELL., Chron. K., t.3, c.1456-1471, 256). | |
| 11 | Il n'est Godeffroy ne Hector Qui fist oncques si grant vaillance (Pass. Auv., 1477, 118). | |
| 12 | Je renonce à tous les biens meubles et à toutes les debtes de mon seigneur et à tous les biens quelconques que mon seigneur et moy eussons oncques, excepté mon douaire (Cout. bourg. glosé P.M., c.1380-1400, 220). | |
| 13 | Or verra on qui oncques ama Josselin, mon oncle, ne son filz Olivier. (ARRAS, c.1392-1393, 70). | |
| 14 | Et dist que de tout le prouffit qu'il ot oncques de faire yceus coings, il n'ot oncques prouffit en argent comptant (Reg. crim. Chât., I, 1389-1392, 490). | |
| 15 | ...Gregore astoit la fleure De tous les chevaliers qui onque orent clameur. (JEAN D'OUTREM., Geste Liège B.B., t.1, a.1400, 603). | |
| 16 | Ceste ont gardee si curieusement tous ceulx qui oncques acquirent hault honneur et victoire par proesce d'armes que nulle chose ne se faisoit contre droit de chevalerie ou contre le commandement du chief dont la punicion ne feust capitale ou mortelle. (CHART., Q. inv., 1422, 54). | |
| 17 | ...les gemmes precieuses et l'or Qui onques furent ne vallent pas une unde De l'eau de grace qui en ceste Anne habonde (ROBERTET, Oeuvres Z., c.1450-1500, 106). | |
| 18 | ...et y eut autant de belles proesses, hardies entreprises et belles rescousses faittes que fist oncques Rolant ne Olivier (LE BEL, Chron. V.D., t.2, 1358, 128). | |
| 19 | ...laquelle dyvinacion est appellee dyvinacion fetonique, et est ainssi appellee pour ce qu'elle se fait par lez phytons, c'est a dire par lez dyvins qui sont appellés phytons, de Phyton Apolyn, qui fust le primer qui, onques, controuva telles dyvinalles. (Songe verg. S., t.1, 1378, 365). | |
| 20 | "Or pouez veoir," dist la royne aux Rommains, et par consequant a tous les Crestiens, "comment a present le royaume des Rommains va a declin. Et comment et plusque oncques mais a destruction et a non estre, il est enclin..." (MÉZIÈRES, Songe vieil pèl. C., t.1, c.1386-1389, 276). | |
| 21 | Nous perdons aujour d'uy la plus vaillant dame qui oncques gouvernast terre, et la plus saige, la plus humble, la plus charitable, la mieulx amee et la plus privee a la neccessité de ses gens, qui oncques feust veue. (ARRAS, c.1392-1393, 257). | |
| 22 | Tu as delivré cest pays de la plus grant misere ou oncques gens feussent. (ARRAS, c.1392-1393, 267). | |
| 23 | ...et fu la premiere qui oncques s'avisast de berbis tondre de laine, charpir, pigner, carder a divers outliz, nettoyer, amolir a broches de fer, filler a la quenoulle (CHR. PIZ., Cité dames C., c.1404-1407, 740). | |
| 24 | - Vien ça, dist il [le dieu Amour], mon filz, que penses tu ? Fus tu oncques de ma darde feru ? (CH. D'ORLÉANS, Ret. am. C., 1414, 7). | |
| 25 | GEOLIER. (...) Prez de moy sont [les fers], je les prandray Et luy en feray ung chaussons. Ce sont les plus pesans lassons Qu'eut oncques hons vrayement : Ilz sont bien pesans quatre cens (Myst. st Adr. P., c.1450-1485, 103). | |
| 26 | Or faulse desloialle telle, telle et telle que vous estes, je vous ay si [aussi] tresloialment servie longuement que onques homme puist servir et complaire a femme, et maintenant pour un ribaut moynne dont vous estes acointie si faulsement et deloialment vous estes deshonoree et m'avez abandonné (LA SALE, J.S., 1456, 296). | |
| 27 | ...dont la venue du dauphin devers ce duc, jà à present nouvel roy, fut matière du plus aygre et du plus périlleux bouillon qui oncques s'y trouva (CHASTELL., Chron. K., t.4, c.1456-1471, 7). | |
| 28 | ...mais, qui pis est, le roy, messeigneurs de Bourbon, de Lion, Beaujeu et evesque dudit Liege, freres, et toute la seigneurie estant devant ladicte cité furent en moult grant danger d'estre mors et tous peris, qui eust esté la plus grant esclandre qui onques feust advenu ou royaume de France depuis la creacion d'icellui. (ROYE, Chron. scand., I, 1460-1483, 227). | |
| 29 | Lequel mondit seigneur de Bourbon dist et respondit audit de l'Escluse qu'il n'en feroit riens et qu'il aimeroit mieulx estre mort et avoir perdu son vaillant et devenir en aussi grant captivité et povreté que fut onques Job, que de consentir faire ne estre fait quelque chose que ce feust qui fust au dommage ou prejudice du roy (ROYE, Chron. scand., I, 1460-1483, 364). | |
| 30 | Et n'est en riens diminuée ne amenrie sa voulenté et desir, mais demeure et persevère en icelle plus que onques. (Doc. 1454. In : ESCOUCHY, Chron. B., t.2, a.1465, 371). | |
| 31 | Jouvencel, vous m'avez fait beaucoup de grans et bons services ; mais je vous scay meilleur gré de la bonne amour et bonne nature que je voy que vous avez à voz compaignons et amyz que de tous les services que me feistes oncques... (BUEIL, II, 1461-1466, 173). | |
| 32 | ...le duc se trouvoit moult troublé de la mort du duc Philippe, et avoit fait preparer ung service et ung obseque, le plus beau que je veiz oncques (LA MARCHE, Mém., III, c.1470, 62-63). | |
| 33 | ...et challeurs excessives, inundacions de eaues, apparicions de feux et autres merveilles, sans oblier à ramentevoir sommairement les plus grans strages, clades et batailles qui oncques furent (SIMON DE PHARES, Astrol., c.1494-1498, f° 10 r°). | |
| 34 | Et toutes les franchises que Ysopes et Berinus avoient ottroyees aux barons et a toute la gent du païs, Ypamador les rappella, et furent tuit plus serf qu'il n'avoient onques mais esté a nul jour (Bérinus, I, c.1350-1370, 202). | |
| 35 | Et quant les panses furent bien plaines et farcies, et les estomacz arousez et bien abuvrez, le seignur de Saintré demanda a damp Abbés se il fut onques armé. (LA SALE, J.S., 1456, 292). | |
| 36 | Chier pere, veulliez moy pardonner vostre yre, et je vous jure que je feray refaire l'abbaye plus belle et plus riche qu'elle ne fut oncques, et y feray renter XX. moines plus qu'il n'y avoit. (ARRAS, c.1392-1393, 269). | |
| 37 | Se tu faulx, tu sera batu Plus que ne fu oncques buée. (MARCADÉ, Myst. Pass. Arras R., a.1440, 165). | |
| 38 | ...et que, pour soy garder contre eux, lui estoit besoing et necessité (...) qu'il assemblast plus grant armée que onques n'avoit fait, et mouvoir guerre au roy plus que jamais. (ROYE, Chron. scand., I, 1460-1483, 228). | |
| 39 | Pas ne veulx estre entre les vifz Au monde maulvaiz et maligne, Car si estoye, feroye pis Que oncques ne fis, si ta doctrine Et ton pouvoir doulx et benigne Ne me gardoit, je le voy bien. (Pass. Auv., 1477, 252). | |
| 40 | Voicy nouvelles d'oultrepasse Des meilleurs qui oncques jour furent ! (Myst. Pass. Troyes B., a.1482, 853). | |
| 41 | Or rougissiez De honte et de jour hors n'yssiez, Car certes se rien vaulsissiez, Si bons princes ne lessissiez, Qui deffendirent Le champ et bien chier se vendirent ; Maiz les failliz quouärs fendirent Les rengs quant a fuite tendirent Au desplachier, Sans oncques espee y sachier. (CHART., L. Dames, 1416, 284). | |
| 42 | ...Jehan Beuvet et autres en sa compaignie, sanz ce que oncque le dit exposant leur eust rien meffait ne delinqué prindrent ycellui exposant qui seoit sur une forme ou banc en la maison où la dicte confrarie avoit esté lors faite, et par maniere de blasonnement, de injure ou autrement, et oultre le gré et voulenté d'icelli exposant le prindrent et le mistrent en une moyau ou cuve (Doc. Poitou G., t.5, 1387, 328). | |
| 43 | ...[il] afferma icelles larrecins avoir faites et commises seul, sanz ce que oncques homme nul quelconques feust avec soy ou en sa compaignie, en desaccusant et descoulpant du tout et à plain ledit Perrin Lalement prisonnier cy-dessus par lui accusé (Reg. crim. Chât., II, 1389-1392, 421). | |
| 44 | ...[l'homme] vistement baise et accole, et le surplus qu'après ce ensuyt tout a son aise et loisir acheva, sans ce que le pouvre coux de la ruelle s'osast oncques monstrer [Blotti dans la ruelle du lit, un mari est témoin des ébats amoureux de sa femme] (C.N.N., c.1456-1467, 51). | |
| 45 | Mais onques tel mengier ne vi, Ne de tels mes c'on y servi ; Car on aporta sans detri Testes d'ommes mors sans laver, Betee est de sanc parmi (JEAN DE LE MOTE, Voie d'enfer P., 1340, 49). | |
| 46 | Evous qu' Esperance parole Et me dist tout premiers ensi : "Compains, j'ai grant pité de ti, Car je te voi en grant esmai, Et se onques nul homme amai Ne aidai a reconforter, Bon confort te voel enorter..." (FROISS., Par. am., c.1361-1362, 55). | |
| 47 | Qu'onques ne fu plus douce chose En ciel, en mer, n'en terre enclose, N'onques odeur ne fu si fine, Ne douceur, tant fust enterine, Qui n'eüst encontre li blasme, Tel com le fiel contre le basme (MACH., R. Fort., c.1341, 56). | |
| 48 | ...ne onques, selon ses misericordes, ses loenges et ses beneurtés, a aucun ne deffailli. (Mir. femme, 1368, 182). | |
| 49 | Ventre ot petit, basset, et hanches basses, Gent par les flans rains ; rondes, non pas casses, Grosses cuisses qui onc ne furent lasses De souffrir peines En fais d'armes (CHR. PIZ., Dit Poissy R., 1400, 194). | |
| 50 | En un temple riche, et moult bel Du dieu Appollin, son tumbel Lui ont ses amis appresté, Mais oncq si riche n'ot esté, Ne fu depuis, si com je treuve En escript, car, de moult riche oeuvre, Un tabernacle d'or macis, Richement ouvré firent cilz, De pierres precieuses tout Figuré et pourtrait about (CHR. PIZ., M.F., III, 1400-1403, 109). | |
| 51 | Oncq on ne vit cheoir le tonnoirre Au bourdeau ne a la taverne ! (Jehan A., c.1400-1500, 132). | |
| 52 | ...il les faisoit chasser et bannir et de lui esloigner [les flatteurs] ; ne onques en sa vye ne leur voult donner or ne argent (...) pour servir de telles frivolles ou de telles baveries. (WAUQUELIN, Gir. Ross. M., 1447, 232). | |
| 53 | (...) ne ne doit point mourir [cet homme] de droit par debte obligatoire, car il ne pecha oncques ne ne pechera point (CRAP., Cur Deus, De arrha B.H., c.1450-1460, 227). | |
| 54 | Mais d'une chose me reconforte, que nul bienfait ne fut onques perdu, et pour ce me suis appensee que vraiement il vous fault estre comme vos predecesseurs ont esté (LA SALE, J.S., 1456, 187). | |
| 55 | J'ay fait de fer maint cruel coustre, Mais oncques ne fis si taillant. (MOLINET, Myst. st Quentin C., c.1482, 247). | |
| 56 | MALOSTRU. Oncques vieil poullain destravé Ne tumba cul par dessus teste Comme feroit la povre beste S'il oyoit sonner ung bedon. (Copp. lard., a.1488, 167). | |
| 57 | ...car je croy [ que ] se oncques roy deust estre amé ne honnoré, que nous devons amer et honnorer le roy Charles nostre souverain seigneur qui a present est, car il est amé de Dieu (JUV. URS., T. rever., 1433, 80). | |
| 58 | Et onc n'ouy de chanter si bon maistre Qui decoupast virelais ne chançons Si doulcement ne en si plaisans sons. (SAINT-GELAIS, Séj. honn. D., c.1490-1495, 173). | |
| 59 | L'EMPEREUR JULIEN CESAR. (...) L'ymperialle rommayne monarchie Et du bas trosne toute la gerarchie Dessoubz ma main est present increpee. Condescendente n'est a nul ne fleschie, Fors a moy seul qui l'ay moult enrichie, Ne ne fut oncq par mon moyen trompee. (LA VIGNE, S.M., 1496, 154). | |
| 60 | LA FILLE. Oncque chant où il y a pause Ne denota bonne puissance, Il n'est que chanter a plaisance En toutes joyeuses musiques. (P. moyne, a.1500, 48). | |
| 61 | Et se il est ainsi, celle chose ne sera onques si grande ne telle que elle face beneurés ceuls qui ne le sont pas ne que elle oste as beneurés leur beatitude. (ORESME, E.A., c.1370, 138). | |
| 62 | Et telles sont les parties de terre qui sont ou centre ou vers le centre pour ce que puet estre que leur contraire ne approchera onques de elles et ne fera onques alteracion en elles. (ORESME, C.M., c.1377, 254). | |
| 63 | Tout aussi que de une personne qui oncques n'aura yssu de sa region ne de son pays, ne pourroit croire maintes choses qui sont a moins de ..C.. lieues prez de lui, et lui sera grant estrangetté, et dira qu'il ne se pourroit faire, et ce lui destourbera, car il n' a pas veu les lieux, car par hanter les diverses contrees et pays et nacions, et par lire les anciens livres et les entendre, congnoist on le vif et le vray des choses semblans increables. (ARRAS, c.1392-1393, 311). | |
| 64 | Quant li mort furent enterré Et tuit li navré defferré Des viretons et des sajettes Que li Turc leur avoient traites, Et que leurs plaies remuées Furent, lavées et bendées, Le prince et sa gent reposerent, Qu'onques Turq ne s'i opposerent, Car tuit avoient fait la vuide. (MACH., P. Alex., p.1369, 169). | |
| 65 | Ce jour ala li roys jouer Pour veoir et pour ordener La maison de la Marguerite Qu'au deviser moult se delite. Avec les esclaves trouva Le vallet ferré qui ouvra, Et à son col portoit la terre Dont li cuers le destreint et serre. Li roys n'en fist onques samblant, Einsois seur son mulet emblant Passa le chemin et la voie (MACH., P. Alex., p.1369, 265). | |
| 66 | Et oultre plus, icellui Hervy occist le nepveu du roy vostre predecesseur, en trahison, et s'en fouy hors du pays, ne oncques puis n'en fu nouvelle ouye. (ARRAS, c.1392-1393, 56). | |
| 67 | Oncques puis ces deux roys ne se aymèrent et se dressa de grans brouilliz entre les serviteurs du roy de Castille, qui ont duré jusques à sa mort et long temps après. (COMM., I, 1489-1491, 137). | |
| 68 | En après, se aucunement avons jamais offensé nostredit très redoubté seigneur et très amé frere, nous luy requerons qu'il lui plaise nous pardonner, car de nostre part, se oncques en quelque maniere il nous offença, de très debonnaire affection prions la divine Majesté qu'elle luy pardonne, et de bon couraige et de bonne voulenté luy pardonnons. (LE CLERC, Interp. Roye, c.1502, 284). | |
| 69 | SAINCT MARTIN. (...) Dernyerement En mon dormant, La nuyt passee, Divinement J'eus vrayement Advisement D'une pencee (...) ; Ne oncques puis ne fut cassee, Diminuee n'abaissee, Ains en croissance est essaulcee (LA VIGNE, S.M., 1496, 274). | |
| 70 | Elle est tresbelle et si va bien et doulx, et est aussi seure du pié que je n'en trouvay oncques point. (C.N.N., c.1456-1467, 312). | |
| 71 | Qui n'a pitié Du point ou mon cuer est traictié Et que Desir tient deshaitié, Il n'ot oncques point d'amitié. (CHART., L. Dames, 1416, 252). | |
| 72 | Oncques mais je ne vi bataille durer tant. (Gir. Vienne D.B., c.1350-1400, 200). | |
| 73 | Onques mais n'oy tant de ruses A fol dire qu'a celui la. (Mir. parr., 1356, 16). | |
| 74 | Ay my ! Dieu, c'est droite garnache [grenache, vin doux] ; Oncques mais ne beus tel buvrache (Myst. st Clément Metz D., p.1439, 501). | |
| 75 | Car de l'orgueil ou nous fusmes boutez Si rudement, tu nous as reboutez ; Qu'on ne nous vit oncques mais si camus, Puis que sommes en ce point surmontez, Et par toy seul, non d'autre, desmontez, Tous noz haulx faitz soubz toy Dimittimus. (LA VIGNE, Patenostre Genevois B., 1507, 171). | |
| 76 | Car onques jour je ne pensay, Combien c'on m'en ait fait essay, A faire telle mauvaistié. (Mir. marq. Gaudine, 1350, 151). | |
| 77 | Lasse ! einsi m'a mes felons cuers trahi, Car onques jour vers mon loyal ami Qui me servoit et amoit plus que li N'os cuer meü Que de m'amour li feisse l'ottri. Or sçay je bien qu'il aimme autre que mi Qui liement en ottriant merci L'a reçeü. Si le m'estuet chierement comparer, Car je l'aim tant c'on ne puet plus amer. (MACH., Motés, 1377, 495). | |
| 78 | Musique des Muses est dicte, Et fu premierement edicte Et trouvee de Tubal, qui Oncques jour ne la relainqui (CHR. PIZ., M.F., II, 1400-1403, 116). | |
| 79 | Se tu l'eus, s'elle te plut Et s'elle onques jour te deçut, S'elle fut chaste ou adultere... (DESCH., M.M., c.1385-1403, 230). | |
| 80 | ...à dire voir, onques jour de ma vie N'en fu saoul : tant l'aim à regarder Et tant me plaist estre en sa compaignie Que nullement n'en vouroie esloignier. (MACH., App., 1377, 647). | |
| 81 | Et dist, sur ce requis, que oncques jour de sa vie il ne fu faisant, participant ou consentant d'autre murdre ou larrecin que icellui dessus dit. (Reg. crim. Chât., I, 1389-1392, 156). | |
| 82 | Monseigneur, je ne viz oncques jour de ma vie que, quant on chevaulche et le traict est devant, que le traict ne fut cause de rompre la bataille (BUEIL, I, 1461-1466, 185). | |
| 83 | Brief, oncques jour de mon vivant, Congneu vos manyeres et gestes, Homme ne vis milleur servant De Dieu que je croy que vous estes. (LA VIGNE, S.M., 1496, 260). | |
| 84 | Willames de le Ghilthuuse, drapier, est banis un an sour le hart, trois lieues de le ville où le conteit s'estent, pour ce qu'il osta le sael d'un demy drap et le mist à un autre demy drap, qui onques estoit awardé des séelleurs ["qui n'a été examiné à aucun moment par..."]. (Hist. industr. drapière Flandre E.P., t.3, 1335, 645). | |
| 85 | Combien donques que li consul triste et dolent n'appellassent nullui a conseil pour ce que il veoient bien que illueques n'avoit point de lieu de conseil ne d'ayde, toutesfois li legat et li tribun et li chevalier s'assemblerent au pretoire pour demander aide de leurs ducs, laquelle li dieu non mortel leur povoient ains onques donner. (BERS., I, 9, c.1354-1359, 2.15, 4). | |
| 86 | La ou Postumius ot dit ces paroles, si grant admiration et aveuques ce miseration de cellui homme occupa tous les hommes que ainz onques cuidoient que ce feust Sp.. Postumius qui avoit esté acteur de si vilainne pais (BERS., I, 9, c.1354-1359, 8.11, 14). | |
| 87 | ...si que ains onques empetrerent il que il peussent aller devers leur senat et li reporter ce que il ordenneroit, si que ainsi il s'en tournerent au leur. (BERS., I, 9, c.1354-1359, 16.5, 28). | |
| 88 | Car li dictateur ains onques demouroient dix ou vint jours en leur dictatorie, li consul nul temps ne duroient oultre un an (BERS., I, 9, c.1354-1359, 18.13, 34). | |
| 89 | ...et certez ains onques eust on autre foiz espandu tant de sanc en une bataille comme l'en fist en icele ne fait tant d'occision, ce ne feust ce que ["s'il ne s'était pas produit ceci, à savoir que..."] la nuit vint qui recovra les Etrusquez qui estoient si obstiné a morir que li victeur lessierent avant le combatre que eulx qui estoient vaincu. (BERS., I, 9, c.1354-1359, 32.9, 58). | |
| 90 | Et en ce palais sont vergiers plains de diverses manieres de bestes, lesqueles il puet vener quant il veult onques, sanz ce qu'il voise hors. (VIGNAY, Merv. Terre Outr. T., c.1331-1333, 63). | |
|
