| 75 exemples | | 1 | Dont convient il que tu te gardes De pechié et que tu regardes Qu'il convient qu'en ce amour euvre Ou autrement rienz ne vault l'euvre. (LA BUIGNE, Rom. deduis B., 1359-1377, 94). | |
| 2 | Si ne priseray riens [mon] euvre, Se clerement je ne te preuve Que... (LA BUIGNE, Rom. deduis B., 1359-1377, 151). | |
| 3 | Neis du filz Dieu Lucas recorde Qu'il le convint l'euvre premiere Souffrir et en ceste maniere Entre en joie pardurable. (Tomb. Chartr. Dix-huit contes K., c.1337-1339, 152). | |
| 4 | ...par lequel avoit esté dit entre autres choses (...) que avant toute euvre ledit duchié seroit mis en la main du Roy (FAUQ., I, 1417-1420, 161). | |
| 5 | ...et vous appaisiez premierement avant tout euvre avec Nostreseigneur (Honn. cour. Fr. P., 1418-1420, 77). | |
| 6 | Premierement et avant euvre Ains qu'a servir Amours te rendes (...), Je t'avise que tu entendes A te congnoistre, hors et ens (MARTIN LE FRANC, Champion dames III, F., 1440-1442, 21). | |
| 7 | ...ceste bonne femme vint hucher son mary et luy ouvrit l'huys, qui demanda comment on l'avoit la laissé si longuement tenir compagnie aux colons. Et elle, qui estoit faicte a l'euvre, luy dist comment les sergens avoient toute nuyt veillé autour de leur maison [Une femme, pour rester avec son amant, a enfermé son mari dans le pigeonnier] (C.N.N., c.1456-1467, 510). | |
| 8 | Tandis que la journee dure, La nuyt viendra brune et obscure Que, quant l'omme vouldroit ouvrer, Alors n'y pourroit recouvrer ; Et par ceste euvre proprement, J'entens le present jugement ; Aprés ce temps, ce pouez croire, Euvre ne sera meritore. (Myst. Pass. Troyes B., a.1482, 445). | |
| 9 | Car Tristan faisoit l'euvre o s'amye jolye (Tristan Nant. S., c.1350, 370). | |
| 10 | J'en adverty trop bien le mien (...) quand il commença, mais il n'en laissa oncques pourtant l'euvre [Une femme rappelle à son mari qu'il a fait voeu de chasteté] (C.N.N., c.1456-1467, 204). | |
| 11 | Des pechiéz de l'euvre. (Somme abr., c.1477-1481, 91). | |
| 12 | ...coment Salomé qui ne creoit pas que Nostre Dame eust enfanté virginalment sanz euvre d'omme, perdit les mains pour ce qu'elle le voult esprouver (Mir. nat. N.S.J.C., c.1343, 205). | |
| 13 | ...il est pure necessité D'exercer euvre naturelle A jouvencel et a pucelle. (LE FÈVRE, Lament. Math. V.H., c.1380, 97). | |
| 14 | ...elle manda secretement le filz d'un cordonnier son voisin, et le fist venir en l'estable des chevaulx de son pere et le mist en euvre comme les aultres (C.N.N., c.1456-1467, 350). | |
| 15 | ...il fu aussi Par l'euvre du saint esperit Faiz et formez, sanz contredit, Et nez de la vierge pucelle... (Mir. emp. Julien, 1351, 208). | |
| 16 | Item [Dieu] pas ne se moeut par mouvement voluntaire, car pas ne se lasse ne traveille en son euvre comme les aultres qui ont ame. (Somme abr., c.1477-1481, 144). | |
| 17 | Selon la permiere maniere la remuneration des bons et la pugnition des mauvais est euvre de justice. Selon la seconde maniere l'incarnation de Jhesu Crist est euvre de justice, car ce fu promis par les prophetes. Tiercement est apellee euvre de justice, quant Dieu justifie les pecheurs, quant ilz se habilitent et ordonnent a la grace en faisant ce qui est en eulz. (Somme abr., c.1477-1481, 176). | |
| 18 | Mais pour acomplir l'euvre de justice, aucune chose est requise du costé de l'homme, comme l'exigence et la requeste des merites. (Somme abr., c.1477-1481, 179). | |
| 19 | Combien que Dieu est juste comme il est misericors, toutevoies on dist qu'il lui est propre d'estre misericors plus que estre juste, car riens est requis pour acomplir l'euvre de misericorde si non sa voulenté. (Somme abr., c.1477-1481, 179). | |
| 20 | Certes, puis que Nature a mis En elle tant de biens en euvre, Il ne puet estre, beaux amis, Que soubz eulx pitié ne se queuvre. (CHART., D. Rev., a.1424, 310). | |
| 21 | Lors m'alay tost habandonner A l'euvre (...) A ce point vint le chastellain Travail qui me dit : Doulx amis (...) bien y as fait ton devoir (JACQUES BRUYANT, Voie pauvreté richesse P., 1342, 39). | |
| 22 | Et ainsi appert que la mise est grande et l'euvre est avenant et correspondant, par quoy il s'ensuit que l'euvre soit digne de tele despense, et la despense doit superhabonder. (ORESME, E.A., c.1370, 243). | |
| 23 | Or convient il donques que le charpentier preingne de l'euvre au cordouennier et que il li retribue de la sienne. (ORESME, E.A., c.1370, 294). | |
| 24 | Aucune fois un homme qui n'est pas expert en art d'escrire, il considere et apperçoit bien se la lectre est bien formee, mais il ne la savroit faire. Et se elle est mal faite, il en scet bien parler et dire les defautes, mais il ne les savroit amender ; car il n'est pas expert de soy appliquer a l'euvre. (ORESME, E.A.C., c.1370, 539). | |
| 25 | Jehan Le Brun, prisonnier oudit Chastellet, l'a acusé en sa presence d'estre homme vacabond, qui ne fait aucune euvre de ses bras (Reg. crim. Chât., I, 1389-1392, 137). | |
| 26 | ...autre part traire Me convient, pour m'euvre accomplir, Car trop temps mettroie a l'emplir [ici travail d'écriture]. (CHR. PIZ., M.F., II, 1400-1403, 12). | |
| 27 | ...puis demi an ença, elle lui a esté baillée par ses pere et mere, afin de la aprendre le mestier et euvre de broderie. (Reg. crim. Chât., I, 1389-1392, 42). | |
| 28 | Si comme nous avon en l'Euvangile de la povre veuve donna deux petis deniers a l'euvre du temple. (ORESME, E.A.C., c.1370, 449). | |
| 29 | ...et que nul ne fust si osé ne hardy de faire euvre mecquanique en ladite ville (Procès verbal de la représentation, In : LA VIGNE, S.M., 1496, 120). | |
| 30 | Item, ordonnez que le dimanche et les autres festes soient autrement gardees de tout pechié et de euvre de main qu'ilz n'ont esté. (Honn. cour. Fr. P., 1418-1420, 77). | |
| 31 | Certes, pres de confusïon Me met la vaine oppinïon D'aucuns qui forment me espovente,Qui racontent que l'en tourmente Les ames et vont en enfer lyees en feu et en fer, Et qu'on les fait à l'euvre traire Que en cest secle souloient faire. (LE FÈVRE, Vieille, trad. De vetula H., a.1376, 359). | |
| 32 | Item que nulx tapicier ne puet ne ne doit mectre poil de vache ne vendre en euvre que il facent seur la peine dessus dictes, et sera l'euvre arse (Doc. 1343. In : G. Souchal, Bibl. Éc. Chartes 123, 1965, 119). | |
| 33 | Item, s'il advient que en ceintures ou autres ouvrages d'orfavrerie qui seront signées, comme dit est, l'en treuve faulte de loy, en telle maniere qu'elles ne soient que de XJ deniers, ou au dessoubz, l'euvre sera confisquée (FAUQ., II, 1421-1430, 303). | |
| 34 | Item, se lesdictes ceintures ou autre euvre d'orfavrerie, signée, est ja vendue et trouvée en la possession d'aucun mercier, s'elle est trouvée non estre de bon aloy, selon les ordonnances, elle sera cassée (FAUQ., II, 1421-1430, 303). | |
| 35 | ...une custode d'euvre de nonnain, pourfilée de perles, pendant à un laz (Ch. VI, D., t.2, 1418, 333). | |
| 36 | Un homme a presté a ung aultre une mesure de blé qui a dedans euvre une toyse 1/2 de long, autant de large et autant de parfont. (NIC. CHUQUET, Géométrie H., 1484, 209). | |
| 37 | A l'euvre congnoist on l'ouvrier (ARRAS, c.1392-1393, 311). | |
| 38 | A l'euvre congnoist on l'ouvrier. (MIÉLOT, Prov. U., 1456, 192). | |
| 39 | Vertu est une qualité en l'ame qui encline a bien ouvrer, et vault plus l'euvre que ne fait vertu. (ORESME, E.A.C., c.1370, 112). | |
| 40 | Nembroth, comme cy dessus appert, fut en ce temps, lequel, au moïen de la science de astrologie, se trouva le plus puissant homme de la terre et bastit la grant et incomprehencible euvre de Babillone dont est encores mencion (SIMON DE PHARES, Astrol., c.1494-1498, f° 15 r°). | |
| 41 | ...une place de siz toises de long et de vint et ung piet de let, tout dehors euvre (Ch. VI, D., t.1, 1405, 272). | |
| 42 | Architecton en edificacion, c'est le principal et le maistre de l'euvre qui resgarde et commande sus tout. (ORESME, E.A.C., c.1370, 344). | |
| 43 | L'euvre soubz dicte, pour aucuns de mes amis composee, avant que feust parfaitte et en toutes ses parties unie, exquisite et bien ornee, les premieres parties du livre secretement, moy instant, escripvoye et, en elles estudians, contemploye (CRAP., Cur Deus, De arrha B.H., c.1450-1460, 161). | |
| 44 | ...ceste glorieuse et edifiant euvre de Cent Nouvelles (C.N.N., c.1456-1467, 357). | |
| 45 | Se aussi j'ay procedé droitement selon la verité, soit loee la grace de Jhesu Crist, a l'honneur de qui et de sa tres benoite mere j'ay fait et composé le present euvre et traittié. (Somme abr., c.1477-1481, 99). | |
| 46 | ...y voulez vous proceder d'euvre de fait ? Et par la naissance Dieu, vous n'en arez fors ce qui sera de raison (C.N.N., c.1456-1467, 524). | |
| 47 | Mais pensee de doleur plaine Preuve ses parolles par euvre. (CHART., B. Dame, 1424, 342). | |
| 48 | Et a matin, a l'aube du jour, il faut qu'il soit levé et qu'il aille en sa queste bien et diligentement (...), et, en ce faisant, il ne sera point oyseus, quar touz jourz est en euvre. (GAST. PHÉBUS, Livre chasse T., 1387-1389, 54). | |
| 49 | GABRÏEL. (...) En ton ventre conceveras Et enfenteras ung beau filz, Lequel Jhesus appelleras : Oncques plus hault euvre ne feis. (GRÉBAN, Pass. J., c.1450, 51). | |
| 50 | ...je ne suys pas digne d'executer ung si grand euvre. [Un ermite apprend d'un ange que Dieu le charge d'engendrer un pape] (C.N.N., c.1456-1467, 102). | |
| 51 | ...il ne buvoit ne mengoit quelque jour, mesmement quand aultre euvre faisoit, que tousjours ne parlast de son bon curé (C.N.N., c.1456-1467, 440). | |
| 52 | M'amye, Dieu vous doint telle paix et concordance avec vostre mary que puissez faire euvre dont les sains cieulx soient rempliz. [Conseil à une jeune mariée ; jeu sur le sens sexuel] (C.N.N., c.1456-1467, 497). | |
| 53 | [Cont. érotique] ...ilz vindrent au molin, ou ilz ne furent gueres sans mettre la main a l'euvre. (C.N.N., c.1456-1467, 40). | |
| 54 | Pour ce disons que sages est cil qui sagement fait bonne euvre et non cil qui la scet seulement sans en savoir ouvrer. (CHR. PIZ., Paix W., 1412-1413, 70). | |
| 55 | LE SERGENT. Par moy te commande Que tu viengnes sans plus songier. LE BOURREAU. A, quoy faire ? LE SERGENT. Pour abreger, Ce n'est que pour te mettre en euvre. (Myst. jeune fille L., c.1413-1445 [c.1530], 50). | |
| 56 | Laboureurs trouva quant la vint (...). Saigement en euvre les mist Et en sa vigne les transmist. (GRÉBAN, Pass. J., c.1450, 223). | |
| 57 | ...et fist-en inhibicion et deffense à ses voisins qu'ils n'eussent participacion avec lui, et ne le meissent en euvre à quelque labour faire (Ch. VI, D., t.2, 1408, 270). | |
| 58 | Or avant : mettons nous en euvre. Premier vueil m'espée sachier Pour li parmy le corps fichier (Mir. Berthe, c.1373, 180). | |
| 59 | LE CHARPENTIER. J'aray tout a coup machiné Mon fait ; je me vois metre en euvre. (GRÉBAN, Pass. J., c.1450, 318). | |
| 60 | Puis doit raler a ses brisiees que j'ay dit et resbaudir ses chienz et les mettre en euvre (GAST. PHÉBUS, Livre chasse T., 1387-1389, 202). | |
| 61 | ...pour la grace de Dieu empetrer, a moi de dire, a vous de oir, mettre a euvre et retenir chose qui soit a la gloire de toute la court de paradis, au prouffit de noz ames... (Mir. nat. N.S.J.C., c.1343, 205). | |
| 62 | ...celluy qui scet le bien, si ["et qui"] ne le met a euvre pour soy ne pour autruy. (Chev. papegau H., c.1400-1500, 67). | |
| 63 | Et ceste deliberacion faicte, pour le bon desir mectre à euvre , debouta de lui tous ceulx qu'il pensa qui au contraire de son bon vouloir le peussent desmouvoir (CHR. PIZ., Paix W., 1412-1413, 68). | |
| 64 | ...le conseil du medicin fut mis en euvre (C.N.N., c.1456-1467, 144). | |
| 65 | Et pour ce, à dire des sages, y peuent estre compris, mesmement des laiz, ceulx qui ont bon entendement et prudemment scevent mectre à euvre ce qu'ilz ont experimenté (CHR. PIZ., Paix W., 1412-1413, 70). | |
| 66 | A lui pour II douzaines d'aiz qu'il a louées pour l'eschaffault du chasteau, et pour ses journées de porter et rapporter et mectre en euvre audit chaffault, pour ce ... V s. (Chartes Bourbonn. M.F., 1484, 372). | |
| 67 | ...une pointe de dyamant non mise en euvre, estant en une petite boitelecte (Comptes Lille L., t.2, a.1467, 118). | |
| 68 | ...au lendemain de ceste conclusion, a la premiere euvre, Amour envoya nostre marchant devers sa patiente [ou faut-il lire I>heure/I> ?] (C.N.N., c.1456-1467, 146). | |
| 69 | Et quant l'euvre est haulte, louable et digne, S'on l'entreprent sans ce qu'on l'enterine, C'est reprouche de lasche oultrecuidance (CHART., B. Nobles, c.1424, 409). | |
| 70 | ...car il convient comparer la superhabundance des instrumens a l'euvre et ne convient en rien faire ceste comparoison en resgardant a richeces ou a noblesce. (ORESME, Pol. Arist. M., c.1372-1374, 139). | |
| 71 | Mercy de prince esperer (Quy n'est pas bien euvre achevée)... (Prisonn. desconf. C., c.1488-1489, 4). | |
| 72 | Et [les deniers blancs appelés demi gros] seront ouvréz a III grains de loy de remede pour marc d'euvre et IIII deniers en pois, ou cas que la delivrance revenroit de tant escharse, laquelle faute tournera au prouffit de monseigneur. (Ordonn. Ph. le Hardi, Marg. de Male B., t.1, 1386, 189). | |
| 73 | ...au marc de Troies qui font XXIIII mars d'euvre (Ordonn. Ph. le Hardi, Marg. de Male B., t.1, 1392, 539). | |
| 74 | Il vous plaira tout avant euvre Que voise mon compagnon querre (Mir. Amis, c.1365, 42). | |
| 75 | Alons men ; je le vueil veoir Tout avant euvre. (Mir. Clov., c.1381, 257). | |
|
