Dictionnaire du Moyen Français (1330-1500) - ATILF - CNRS & Université de Lorraine

"Accorder qqc. par faveur (à qqn), consentir qqc. (à qqn)" : Tu dois cognoistre povretey, Affin que tu preigne en grey Ce que Dieu t'avra oultroiez. (DUPIN, Mélanc. L., c.1324-1340, 167). ...comme nostre amé et feal le prieur de Coustures d'Argençon, du diocese de Poitou, sire de la dite ville, nous eust supplié que de grace especial nous li vousissions octroier un marchié, chascune semaine, en la dite ville de Coustures, au jour du merquedi (Doc. Poitou G., t.2, 1335, 112). JÉSUS. Du tresor de ma passion Dont remanant ai grant foison, Des merites de ma mere A cui nul ne se compere, Des merites de tous mes sains Dont grant ou ciel sont les remains, A Misericorde ai baillie En un escrin et octroie Largement a souffisance, A fin quë en la balance Le mecte ou seront les bienfais (GUILL. DIGULL., Pèler. âme S., c.1355-1358, 85). Portons en pacienche et usons du merchié que fortune nous octroie, jusqu'a tant que felicité invinsible mettra fin aux maulx. (DAUDIN, De la erudition H., c.1360-1380, 206). ...j'entens douze previléges qui par excellence et singularité lui furent octroiez et donnez (Mir. femme, 1368, 181). Sire baillif, octroiez moy Un don par vostre doulx plaisir (Mir. femme, 1368, 211). Quand li bons roys sceut leur venue, Il ne demoura pas en mue En sa chambre ; ein couri au port, À grant joie et à grant deport. Moult doucement les festia, Et leur promist et ottria Guerredon, merite et salaire Si grant, que bien leur devra plaire, Comme cils qui vuet desservir Ce qu'einsi le viennent servir. (MACH., P. Alex., p.1369, 56). [Les messagers égyptiens demandent que des ambassadeurs chypriotes se rendent au Caire] Li roy respondi : "Je l'acort." Courtoisement leur [le leur] ottria, Et puis moult bien les festia, Et fist jouster en leur presence Ses chevaliers maint cop de lance. Li Sarrazin se mervilloient Coment il ne s'entretuoient (MACH., P. Alex., p.1369, 126). Li nobles roys, qui n'a pareil, En Chypre fist son appareil Tel comme il faut à si grant homme, Car il s'en vuet aler à Romme. N'autre chose n'i va querir Fors au Saint Pere requerir Qu'il ottrie un commun passage, Car faire vuet le saint voiage. Là vuet il mettre corps et mise, Tout en l'onneur de sainte Eglise, À la gloire et protection De la foy (MACH., P. Alex., p.1369, 219). Si [le pape au roi de Chypre] li dist : "Tribulations, Mortalitez, occisions, Compaingnes regnent, et pechiez ; Dont li mondes est entechiés, Si que bon ne me samble mie Que le passage vous ottrie Quant à present, car ce seroit Très grans peris que li feroit. Car pechiez nuist et s'est po gent, Et tuit seigneur ont à present Trop de riotes et de plais..." (MACH., P. Alex., p.1369, 220). Item, qui octroieroit et actribueroit si tres grant bien et si tres bon comme est felicité a fortune, pour certain ce seroit tres grant et tres perilleux mal. (ORESME, E.A., c.1370, 129). Et semble que celui qui donne octroie a l'autre l'auctorité de estriver, jugier et taxer la recompensacion. (ORESME, E.A., c.1370, 453). ...car les loys estiment ou supposent que celui a qui est octroié l'estimacion en doit plus justement ordener que celui qui li octroie. (ORESME, E.A., c.1370, 454). Et leur envoia dire que... leur acorderoit li rois et otroieroit tout che que il demanderoient (FROISS., Chron. R., X, c.1375-1400, 110). Si regarda que... il otrieroit un plain disime sus les eglises au roi et as nobles (FROISS., Chron. R., XI, c.1375-1400, 87). ...Dieux par leur pechié les fist Touz par le deluve noyer, Hors Noel ouquel octroier, A ses enffans et a sa femme Lesquieux il ot trouvé sanz blasme, Fist grace telle qu'il vesquissent Et que il la terre ramplissent [Fist octroier à Noel (à Noé) grace telle que] (Jour Jug. R., c.1380-1400, 215). Ce royaume nous vueille octroyer le Saint Esperit qui est benedictus in secula ! Amen. (GERS., Pent., p.1389, 86). ...[les barons de cette contrée] vous veullent donner la duschié de Lucembourc avecques leur dame, qui est une des plus belles de toute ceste contree. Or ne reffusez pas ce noble don. Quant Anthoine l'entendy, si pensa moult longuement, et a chief de piece respondy : Par ma foy, mes seigneurs, je ne cuidoie pas estre venuz en ceste contree pour ceste querelle. Mais puis que je le vous ay octroyé, je ne m'en desdiray ja. Or soit la damoiselle mandee, et se il luy plaist, il me plaist. (ARRAS, c.1392-1393, 170). ...plaise que Regnault, vostre frere, soit roy de Bahaingne et qu'il preingne pour moillier Aiglentine, ma niepce. Et, chiers sires, veulliez lui prier que ce ne veulle reffuser, car les barons de cest pays le desirent moult avoir a seigneur. A ce respond Anthoine : Sire roy, ceste requeste est digne d'estre octroyee, et dès cy si sera elle. (ARRAS, c.1392-1393, 190). Et par ferme foy fut ottroyé puissance a saint Pierre de faire miracles plus grans quant en aucune condicion que nous ne lisons de Jhesu Crist. (GERS., P. Paul, a.1394, 487). Ottroiez nous certaine expectacion aux riches prebendes de la grant Eglise de paradis. (GERS., P. Paul, a.1394, 492). Messires Carles ... li otria sa demande legierement, car il se sentoit moult tenus a lui. ... Qant li dons fu otroiiés, mesires Lois dist : Monsigneur, grant merchis ! (FROISS., Chron. D., p.1400, 550). Le roy tout leur bon vueil ottroye (CHR. PIZ., M.F., III, 1400-1403, 155). ...pour quoy la Court, qui est benigne et charitable et juste (...) comme elle fait à toute personne qui la requiert, lui octroya tantost audience. (BAYE, I, 1400-1410, 24). ...Gautier de Blandecque, huissier ceans et commiz à recevoir XL mil frans octroiez au Roy par les marchans frequentans la marchandie de sel es parties de Languedoil sur icelle marchandie (BAYE, I, 1400-1410, 251). Mais pense, o ame devote, pense, se tu quieres amy riche et proffitable, qui l'est plus que celuy qui octroye vie, heritage et felicité perdurable (GERS., Concept., 1401, 414). ...ledit procureur general a procuré et fait octroier et commander lettres de don de C frans que poursuira ledit Cosson. (BAYE, II, 1411-1417, 111). Pareillement, s'il plaist à Dieu M'octroier sens, bon temps et lieu, Vueil conduire, traicter et suyvre Les matières de cestui Livre (LA HAYE, P. peste, 1426, 20). Lors furent les seigneurs et barons cy devant nommez, qui ensemble furent a l'empereur supplier qu'il lui pleust consentir qu'ilz les delivrassent, et l'empereur voluntiers leur octroia. (LA SALE, J.S., 1456, 264). ...et requist avoir tresves jusques au lendemain, ce que le roy luy ottroya. (LA VIGNE, V.N., p.1495, 257). En icelluy temps, ung nommé le Conte Marquis, deliberé de s'en aller en pays d'Italie, dont il estoit, demanda et obtint dudit grant maistre qui avoit auctorité du roy, de octroyer saufconduit pour luy et cinq ou six, et luy fist ledit grant maistre confermer ledit saufconduit par le roy. (LE CLERC, Interp. Roye, c.1502, 378).

[Par une autorité] : ...par vertu du previlege ou ordenance royal sur le fait des maisons ruyneuses octroyé aus bourgois et habitanz de la ville de Paris (Chartes Abb. St-Magl. T.F., t.3, 1368, 385). Tous lesquelz delibererent et furent d'oppinion que, consideré la grace et remission à lui ottroyé par le roy nostre sire, pour raison du hanap d'argent dont dessus est faite mencion, laquelle n'estoit encore aucunement verifiée, et aussi que, en l'expedicion d'icelle, il estoit cheuz et mis, vendredi derrerement passé, en un deffaut des eslargis (Reg. crim. Chât., I, 1389-1392, 189).

[Par le Pape] : LE SAINT PERE, octroiant unes bulles faintives. (...) Ceste chose, beau sire, a vous Ottroions pour les biens qu'a nous Et noz predecesseurs a faiz (Gris., 1395, 73). ...laquelle fondacion fut confermée par nostre Saint Pere le pappe, lors estant, qui sur ce octroya bulle expresse, par laquelle, entre autres choses, il anathematiza tous ceulx qui presumeroient oster ou diminuer aucuns d'iceulx livres (SIMON DE PHARES, Astrol., c.1494-1498, f° 3 r°).

Octroyer autorité/congé/licence/pouvoir... de + inf. : Savoir faisons que pardevant Robert Beradan et Jehan Touse, clers notaires jurez et establiz de par le roy nostre sire en son Chastellet de Paris, pour ce furent personelement establiz Jehan Au Clou et Jehanne, sa fame, a la quelle sa fame il donna et octroya pardevant les diz notaires jurez plain povoir, auctorité et mandement especial de faire et accorder avecques lui les choses qui s'ensuient (Chartes Abb. St-Magl. T.F., t.3, 1351, 171). Savoir faisons que par devant Nicolas le Quentoys et Jehan le Bourguignon, notaires du roy nostre sire establiz en son Chastellet de Paris, furent presens en leurs personnes Rogier de Marbuef, pelletier et bourgois de Paris, et Alepz, sa femme, a la quelle son dit mari donna et octroia et elle prist et receupt en elle agreablement povoir, congié, licence et auctorité de passer, faire et accorder ce qui s'ensuit (Chartes Abb. St-Magl. T.F., t.3, 1377, 477). ...pour nul loyer Ne vouloit congié ottroier De passer en l'isle, ou estoit Le mouton (CHR. PIZ., M.F., III, 1400-1403, 37).

Octroyer que + subj. "Accorder que" : Et veult et otrie que oance en soit faite, li present ou absent. (Cartul. Hôtel-Dieu Cout. L., 1338, 166). Or vueilliez, s'il vous plaist, espondre Le fait de quoy vous vous dolez ; Et s'einsi faire le volez Vous ensieurez la juste voie De droit, ou je ne saveroie Le fait congnoistre ne niër. Se non, vous devez ottriër Que je m'en voise frans et quittes De ce forfait que vous me dites ; J'en atenderoie bien droit. (MACH., J. R. Nav., 1349, 166). LE MARQUIS [à Janicola]. S'ottroye et vueil en bonne foy Qu'a ma court vostre vie ayez Et chierement tenu soyez Tout pour l'amour de Griseldis. (Gris., 1395, 97). ...ycelle Court a octroyé, concedé et octroye que ladicte foire siée et tiegne, et l'ayent les religieuses, comme d'ancienneté l'avoient et selon leur requeste. (BAYE, I, 1400-1410, 290). Et parmy ce, la Court a octroié et consenti que ledit François soit escript et inrotulé oudit roole après les conseilliers (FAUQ., III, 1431-1435, 129).

Octroyer à qqn que. "Accorder à qqn de" : Vous alez devers l'empereur De Romme, qui est mon signeur, Si que à li me conformeray ; Car ce qu'il fera je feray. Pas ne di que si grandement Le face comme il vraiement ; Mais je vous promes et ottroie Qu'à mon pooir feray la voie Aveques vous pour Dieu servir, Et pour sa grace desservir, Se l'empereur l'entreprent, En qui chascuns honneur aprent. (MACH., P. Alex., p.1369, 29). Posé que un homme ait son pere et son filz bonnes gens, et sont pris en la main de leurs adversaires lesquelz octroient a cest homme que pour certaine chose il li rendront seulement ou son pere ou son filz, l'un des deux, et l'autre tantost il mectront a mort, a savoir mon lequel il doit eslire. (ORESME, E.A.C., c.1370, 460). Dous amis, pour toy conforter Je te prie, tieng ton cuer en joie Et te plaise en bon gré porter Les maus qu'Amours pour toy m'envoie, Que sauf mon honeur je t'otroie Que se loyaument veulz servir, Je metray paine au desservir. (MACH., App., 1377, 652). Si qu'onques mais si noble destinée Ne pot venir à ami n'à amie. Pour ce en chantant sera de moy loée Et humblement aourée et chierie. Plus ne li quier fors tant qu'elle m'ottrie Que par son gré de li loer me peinne Et qu'elle soit ma dame souvereinne. (MACH., L. dames, 1377, 216). Et quant merci proie, La simple, la quoye N'ottroie Que soie Ses sers ne ses amoureus, Nès que je la voie. (MACH., Les lays, 1377, 323). La Court a octroyé à Jehanne Mahiu qu'elle puisse ceans plaider sans grace par procureur, attendue sa povreté (BAYE, I, 1400-1410, 210). Mon doulx maistre, mon doulx raby, Je pry a Dieu que nous octroye Que vous voye Vune fois au reaulme de luy. (Pass. Auv., 1477, 103).

Octroyer à qqn à + inf. "Accorder à qqn ce qu'il vous demande de faire, consentir pour qqn à faire qqc" : LE MARQUIS [à ses barons]. Et je vous promet et ottroy A prendre femme et tenir foy Pour condescendre a vostre vueil. Maiz une chose quier et vueil. (Gris., 1395, 17).

Empl. pronom. à sens passif. Qqc. s'octroie à qqn. "Qqc. est accordé à qqn" : Vray Pere tout puissant, dit Charité, tu m'as faicte, et de ce en toy me glorifie, royne des Vertuz, et sans moy quelconque d'elle[s] ne se ottroye parfaictement a creature humaine (GERS., Concept., 1401, 400).

En partic.

[Lang. de l'amour] "Faire don de son amour, se donner"

Empl. abs. : Voirs est que juenesse amoureuse Puet estre souvent dongereuse En dame moult legierement, Pour tant qu'en dous commancement Amans doit servir de prier, Et la dame puet ottrier Et refuser, quant il li plait ; Li amans n'i a autre plait. (MACH., D. Aler., a.1349, 251). ...elle l[a femme] est si variable Qu'elle en rien n'est ferme n'estable Et que de petit se varie, Il faut que de po pleure et rie. Dont grant joie et grant tourment N'i puelent estre longuement, Car sa nature li enseingne Que tost rie et de po se pleingne ; Tost ottroie, tost escondit ; Elle a son dit et son desdit, Et s'oublie certainement Ce que ne voit, legierement. (MACH., J. R. Nav., 1349, 241).

Octroyer s'amour : Et quant elle en sara le voir, Volentiers le recevera Et s'amour li ottriera Liement, sans faire dangier. (MACH., J. R. Nav., 1349, 171). Guillaumes dit, tient et afferme Pour vray et que c'est chose ferme, Quant homs qui a tout son cuer mis En dame, tant qu'il est amis Et celle s'amour li ottrie, Si qu'il la tient pour vraie amie, Puis est de lui si esprouvée Qu'il la trueve fausse prouvée, Qu'il a de ce plus de grieté Qu'une dame qui loiauté En son vray ami trouvera (MACH., J. R. Nav., 1349, 189). Las ! or sui en grant freour Pour paour Qu'elle ailleurs s'amour n'ottrie ; Et s'il avient, en langour, Par tristour, Convendra qu'elle m'ocie, Car toute joieuse vie M'iert faillie (MACH., Ch. bal., 1377, 609). Or li doint Diex volenté Que s'amour m'ottroit. (MACH., Les lays, 1377, 335).

Octroyer son coeur : ...son ami (...) a qui, sanz demi, Avoit tout son cuer ottroyé (CHR. PIZ., M.F., III, 1400-1403, 92).

Octroyer joie : Mais si [ma dame] se tient chiere Et tant la truis dure et fiere, Sans amolliier, Qu'adoucir de ma priere Ne puis son dangier. S'en vueil une autre acointier Qui joie pleniere M'otriera de ligier Et à bonne chiere, Sans fin, sans amour legiere, Sans amenuisier ; Ne joye qu'à li s'affiere Ne puet homs trier. (MACH., Les lays, 1377, 406).

Octroyer merci : Je di, quant amans dame sert, Par ceste raison ne dessert Qu'il doie avoir nul don d'amie, Afin que merci li ottrie, Tant l'en face expresse demande, Se bonne amour ne le commande. (MACH., D. Aler., a.1349, 286). Or li porra faire requestes Belles, courtoises et honnestes, Afin que merci ottroiie Li soit de li par courtoisie. C'est li haus dons qu'amans desirent, Dont moult en y a qui y tirent Tout leur vivant a grant meschief, Et si n'en venront ja a chief. (MACH., D. Aler., a.1349, 304). Je l'ay servie longuement Loyaument N'onques je ne li failli ; Or me tient dolereusement En tourment, Quant son cuer mort et trahi M'a, par samblance d'ami, Et en ottriant mercy Ma mort m'a jurée. Puis qu'il li plaist, forment m'agrée. Se ma dame m'a guerpi. (MACH., Ch. bal., 1377, 587).

[De Dieu, dans des formules de souhait] : Sire roy, ce seigneur qui gouverne tout le monde vous octroie joie et honnour (Bérinus, II, c.1350-1370, 175). LA DAME. Dieu vous ottroit de corps et d'ame, Mon seigneur, et joie et santé (Mir. enf. ress., 1353, 13). Encor te vueil je sermonner Et un autre conseil donner. Bien croy que tu eschaperas Briefment, ou delivrés seras A honneur, et Dieus le t'otroie, Car, par m'ame, je le vorroie. (MACH., C. ami, 1357, 102). Quant l'empereur ot respondu, Li princes qui l'ont entendu, Et tuit li autre de la place Dirent que Dieux li ottroit grace Dou parfaire, car vaillamment A respondu et noblement. (MACH., P. Alex., p.1369, 41). Pour ceste aumosne (...) Que me faites, vous octroit Diex Qu'en la fin la gloire des cieulx Puissiez avoir ! (Mir. Clov., c.1381, 205). Lors ot le roy grant joye, et se dreca en son seant, et print l'espee par la poingnie que Uriiens lui tendoit et lui donna la collee en disant : Ou nom de Dieu, chevalier soiez, qui vous ottroit amendement. Et puis lui baille l'espee. (ARRAS, c.1392-1393, 119). Lors fist appeler le roy Uriien et la royne sa fille et leur dist : (...) Je vous commande au vray Roy de gloire qui vous octroit paix ensemble et bonne vie et longue par admendement, et vous octroit bonne vertu et puissante victoire contre les ennemis de Dieu. (ARRAS, c.1392-1393, 123). Sire roy, distrent les Hermins, Jhesucrist le vous veuille merir, qui vous ottroit bonne vie et longue. (ARRAS, c.1392-1393, 142). Et lors Gieffroy prist Hervieu, son nepveu, qui estoit a un genoil devant lui, et le leva entre ses bras en lui disant : Beau nepveu, Dieux vous octroit bon admendement. (ARRAS, c.1392-1393, 216). Dame, li Dieux qui ne devie, Qui tous nous a creez et faiz, Vous ottroit s'amour et sa paix, Et vous doint bonne vie et longue (Gris., 1395, 62).

P. ext.

"Autoriser qqc." : Sire roy, ce seigneur qui gouverne tout le monde vous octroie joie et honnour, se ainsi est que ma raison vous vueillez octroier ["autoriser que j'expose mes raisons"], ou autrement je ne le diz mie. (Bérinus, II, c.1350-1370, 175).

[Dans des tours plus ou moins stéréotypés] "Livrer, abandonner qqc." : Vostre dous maintieng simple et coy, Et vo bel aroy, Cointe et plaisant, Vo maniere sans effroy, Pris m'ont cil troy Si doucement Qu'à vous tres amoureusement Entierement Doing et ottroy Le cuer de moy Qui loing de vous esbatement N'a n'esbanoy. (MACH., Ch. bal., 1377, 624). Or soit si com vous agrée, Gentil dame, à qui Cuer, corps, pouoir et pensée Bonnement ottri. (MACH., L. dames, 1377, 31). Car je sui cilz qui cuer et corps ottry Tres humblement pour vo service faire, Ne ja pour bien ne pour dolour aussi Ne verra nulz mon cuer d'amer retraire (MACH., L. dames, 1377, 132). Et s'il vous plaist que pour vous muire einsi, Certes, la mort m'iert de douce savour, Car je sui cilz qui cuer et corps ottri À vo voloir, sans penser nul faus tour ; Et s'endure pour vous tant de dolour Qu'onques amis ne l'endura si dure : Si me merveil comment vos cuers l'endure. (MACH., L. dames, 1377, 136). Et puis que j'ay tel bien, sans desservir, Par li que j'aim plus que nulle riens née, Qu'Amours me vuet de tous maus garantir Et vuet qu'en moy joie ait sa demourée, De moy sera servie et honnourée Ma douce dame à qui mon cuer ottri, Pour la bonté dont Diex l'a enrichi. (MACH., L. dames, 1377, 153).

Octroyer qqn

"Consentir à remettre qqn, livrer qqn" : Mais il couvient, ma damme, que soiiez otroyie, A ce conte Fedry donnee et envoiie (Hugues Capet Lab., c.1358, 253). Priant, sans contredit, La fille Calcas ottroya Aux Grieux (CHR. PIZ., M.F., III, 1400-1403, 92).

Octroyer qqn à femme à qqn : Pour maintenir le terre, pour Dieu, otroyez luy Vostre fille a moullier, sy sera son mary. (Hugues Capet Lab., c.1358, 100). LE MARQUIS. Tout vient de Dieu, ce en est la somme ; Si lui recommende humblement Le sort de mon marïement, Esperant en sa bonté bele Qu'il me ottroit a femme tele Avec qui vivre puisse en paix A mon salut des ore maiz (Gris., 1395, 17).

Empl. pronom.

S'octroyer à qqc. "Consentir à qqc." : "...Si que, biaus sire, Uns tels juges seroit bons a eslire Qui vous saroit bien moustrer et descrire Li quels de vous sueffre plus de martire ; Si le prenez." Li chevaliers respondi com senez : "Je croy que Dieus nous ait ci amenez." Et dist : "Dame, s'a juge le tenez, Je m'i ottroy." Et la dame respondi sans desroy : "Sire, tant oy dire de bien dou roy, Tant est sages, preus et de bon arroy, Que je l'acort." - "Grant merci, dame ; or sommes en acort..." (MACH., J. R. Beh., c.1340, 108). Helas ! or me bas en tes las, Pris et rendu ! Ce n'est pas ton honneur, ce croy, Quant je te ser en tele foy Qu'humblement a morir m'ottroy, Se c'est tes grez, Pour ma dame que plus ne voy. Car doubte ay, dont je me marvoy, Que ses gentis cuers envers moy Ne soit irez. (MACH., R. Fort., c.1341, 45).

"Adhérer à qqc." : Au conseil Raison m'ottroiay Et doucement li depriay Qu'elle me tenist compaingnie, Par quoy je ne fausisse mie De tenir son commandement Pour vivre en pais et sagement. (MACH., D. Aler., a.1349, 389).

"Céder à qqc., se rendre à qqc." : Si ne seroie pas vaillant, Se je li estoie faillant, Ne s'en riens la desavouoie. Pour ce dou tout mes cuers s'ottroie A son plaisir et a son vueil, Car tout ce qu'elle vuet je vueil (MACH., R. Fort., c.1341, 140).

S'octroyer à + inf. "S'engager à, se consacrer à" : Un homme sui de rude engien, Si ne vous say, dame, prier Et pour ce me vueil octrier, Dame, a vous servir de chapiaux, Chascun samedi, touz nouviaux (Mir. march. larr., c.1349, 94). A rimoier ung dit s'ottroie (Pastor. B., c.1422-1425, 195). ...ainçois me octroye a faire vostre vouloir (Percef. I, R., t.1, c.1450 [c.1340], 606).

S'octroyer + complét. "Consentir à ce que" : Je m'otroy chascuns ainssin face, Bien est a faire, ce me samble (Jour Jug. R., c.1380-1400, 229).

S'octroyer à qqn. "Se donner, se confier à qqn, faire don de soi à qqn" : LE CONTE. Ha ! Doulce vierge debonnaire, Vous doit on servir et loer. (...) Car a ceulx qui a vous s'otrïent Estes, puis que de cuer vous prïent, Appareillie. (Mir. enf. ress., 1353, 71). Par Dieu, c'est grant bonne eürté D'avoir la grace a tel seigneur Qui par dessuz lui n'a grigneur ; Ja m'otroy a lui bonnement (Jour Jug. R., c.1380-1400, 229). Chevaliers qui me regardez, a vous me octroie se vous me deppendez. (Percef. I, R., t.1, c.1450 [c.1340], 192).

[Lang de l'amour] "S'abandonner, se livrer, se consacrer, se dévouer à qqn" : Mais recouvrez, ressuscitez de mort, Riche au dessus, pleins de grant reconfort, Et sans anoy Fui, quant me dist : "Amis, a ti m'ottroy De trés bon cuer." Et ce trés dous ottroy Cent mille fois me fist plus grant qu'un roy ; Si que la joie Ne porroit nuls raconter que j'avoie. (MACH., J. R. Beh., c.1340, 81). Amours que j'en pri, Qui volt et souffri Qu'a li, sans detri, Quant premiers la vi, m'offri, Li porra bien dire Que pour s'amour fri Sans plainte et sans cri, Et qu'a li m'ottri, Comme au plus trés noble tri Que peüsse eslire, Et qu'autre ne tri ; Einsois a l'ottri Qu'onc ne descouvri, Dont maint souspir ay murtri Qui puis n'orent mire. (MACH., R. Fort., c.1341, 22). Or [Fortune] m'a d'un seul tour si bas mis Qu'en grief plour est mué mon ris, Et que tous li biens est remis Qu'avoir soloie. Car la bele ou mes cuers s'ottroie, Que tant aim que plus ne porroie, Maintenant vëoir n'oseroie En mi le vis. (MACH., R. Fort., c.1341, 44). Car de mon plour Desirs estanche sa soy Et Souvenirs avec soy Qui sans sejour Me monstrent vo bel arroy, Vostre valour, Vo douçour, Vo cointe atour, Vo maintieng coy Et font qu'à vous tous m'ottroy, Sans deshonnour. (MACH., Ch. bal., 1377, 618). Car vous m'avés si franchement saisy, Pris et espris et mis en vo dangier Qu'à riens qui soit ne me doing ne ottri Fors à vous seul que j'aim sans delaissier. (MACH., L. dames, 1377, 142). Et pour ce Amours et ma dame deprie Que son service en gré vueillent avoir, Puis qu'il s'i est donnés pour miex valoir. Car je meismes m'i doing tous et ottri Com cils qui vueil, sans penser tricherie, Servir ma dame et bonne Amour aussi. (MACH., L. dames, 1377, 156). Contre ce dous mois de may, Pour avoir le cuer plus gay, Et plus joli, Et pour celle à qui m'ottri, Vueil faire un lay. (MACH., Les lays, 1377, 397). M'ame t'otri Et doing sans detri, Et te tri Seur tout tri. (MACH., Les lays, 1377, 411). Le cuer de mi N'ara bon jour ne demi Ne joie à droit, Qu'il ne porroit Ne vorroit Joieusement Vivre sans toy longuement, À qui m'ottri, Qu'onques ne vi Si joli Ne si adroit. (MACH., Les lays, 1377, 449). Dame, à qui sui ligement, Vostre doulz viaire gent, À qui m'ottry, M'a d'esperence garny Si richement Que ne me puet nullement Mettre en oubly (MACH., Les lays, 1377, 457). Et si scet bien qu'en li mon temps employ Et que je l'aim, criem, serf, desir et croy De cuer d'ami ; Et quant il n'est garison ne merci Qui me vausist, se ne venoit de li À qui m'ottry, Et son franc cuer truis si dur anemi Qu'il se delite es maus dont je langui, Chascuns puet bien savoir que j'ay menti. (MACH., Motés, 1377, 509).

Part. prés. en empl. subst. "Personne qui a autorité pour accorder qqc." : Se il [l'archevêque] a ceste puissance d'aultre, c'est assavoir du Roy couroné, ou du Roy a couroner, ou d'aultre Roy qui soit souverain de celuy qui doit estre couroné, de pueple, ou de colliege, qui ait a ce pover, il le puet avoir de pure grace, juques au bon plaisir de l'autroyent (Songe verg. S., t.1, 1378, 137).

B. -

[Domaine de l'assertion ou de la promesse] "Admettre, concéder ; garantir pour authentique"

"Admettre, concéder qqc." : ...maiz Galien dit qu'il croit que telle constipacion est faicte principalment pour apostume dure et chaude, existent en la vessie, combien qu'il octroye bien, par une maniere de suposicion, (et) l'autre maniere de constipacion (SAINT-GILLE, Comment. A.Y. L., 1362-1365, 201). Mais se elle estoit hors le milieu, elle yroit vers la partie de la circonference dont elle seroit plus pres. Et tout cecy est a otrier selonc la philosophie de Aristote. (ORESME, C.M., c.1377, 134). Et selonc la philosophie d'Aristote, qui met que le monde fu sanz commencement et sera sanz fin, il convient octroier chose semblable, quar par la glose du chappitre precedent appert que aucune lumiere ou ciel puet commencier qui onques ne fu et ja ne finera, et si est corruptible de sa nature, quar semblable sera ou ciel corrompue, si comme il appert par la glose dessus dicte. (ORESME, C.M., c.1377, 208).

Octroyer que. "Admettre que" : Item, il convient que ceulz qui ainsi dient octrient que corps est engendré et fait de non-corps, car puisque telle generacion est faite de superfices et superfices ne sont pas corps, elle est faite de non-corps. (ORESME, C.M., c.1377, 640). Mez, pour tant, jamés ne vous autroïarré que il [le Saint Père] ait cognescence dez choses temporelles en jugement contencieux, ne que il puist disposer ou aucunement autoriser es choses temporelles (Songe verg. S., t.1, 1378, 74).

Octroyer qqc. estre qqc. "Admettre que qqc. soit qqc." : Donques droit naturel est ce que chascun qui a usage de raison octroieroit estre droit de premiere face, senz autre argumentation ou auctorité ou ordenance. (ORESME, E.A.C., c.1370, 303).

"Donner qqc. pour vrai, pour authentique ; garantir (qqc.)" : Li amiraut ont acordé Ottroié, promis et juré, Comme procureur dou soudan ; Chascuns mist le doy à son dan, Si comme leur guise le donne, Qu'au soudan, en propre personne, Feront l'acort ratefier, Jurer, tenir et ottrier. Et li roys plus ne demandoit, Car il a tout ce où il tendoit, Ou au mains la plus grant partie. (MACH., P. Alex., p.1369, 135). Quant la pais fu bien acordée, Promise, ottroyé et jurée Dou roy et des IJ. amiraus, Il dist devant leurs IJ. consaus : "Seigneurs, toute raison s'acorde Que ceste pais et ceste acorde Soit publiée par la terre Dou soudan sans a longne querre..." (MACH., P. Alex., p.1369, 175). Or avint, si com nous ottroye La sainte Escripture.... (CHR. PIZ., M.F., II, 1400-1403, 264). ...d'Eneas qui vint a nage En Ytale de la grant Troie, Ainsi com l'istoire l'ottroie, Est descendus, c'est chose voire (CHR. PIZ., Chem. estude P., 1402-1403, 134). [En incise] ...comme Virgille octroye (SAINT-GELAIS, Séj. honn. D., c.1490-1495, 187).

Octroyer qqc. à verité. "Donner qqc. pour vrai" : ...si mes dictz a verité octroye... (SAINT-GELAIS, Séj. honn. D., c.1490-1495, 340).

Octroyer que. "Assurer, garantir que" : Quant li bons rois ot rendu sa sentence Dont par Raison fu faite l'ordenance, Li chevaliers iluec, en sa presence, L'en mercia. Et en pensant, la dame s'oublia Si durement que nul mot dit n'i a. Mais nompourquant en la fin ottria Qu'elle tenoit Le jugement que li rois fait avoit ; Car si sages et si loiaus estoit Qu'envers nelui fors raison ne feroit. (MACH., J. R. Beh., c.1340, 131). Si leur fist procuration [le sultan aux négociateurs] À grant deliberation, Selonc la loy, pour ottrier, Pour jurer, pour ratefier Et pour promettre qu'il feroit Tout ce que acordé seroit. Si qu'en Chypre les envoia ; Moult leur dist et moult leur pria Qu'en toutes manieres s'acordent ; Car s'il font pais, pas ne se tordent. (MACH., P. Alex., p.1369, 133).

DMF 2020 - Synthèse

Robert Martin

Fermer la fenêtre