| 127 exemples | | 1 | Et en ce veez vous la diversité entre la vertus de manificence et le vice d'orgueil, car orgueil ne quiert fors son propre los, soit que bien en doye venir ailleurs soit non, mais manificence, tout au contraire, n'a l'ueil fors au proffit d'autrui et a l'onneur de Dieu (GERS., P. Paul, a.1394, 503). | |
| 2 | Aristote dit, en sa Rethorique, que conseil est une raison excogitee et longuement deliberee en l'entendement de l'omme, a sçavoir de une chose se on le fera ou non. (FILLASTRE, Traité Conseil H., c.1472-1473, 204). | |
| 3 | Et sans point me dire de non Me vueillez dire vostre nom. (RENÉ D'ANJOU, Cuer am. espris R., 1457, 13). | |
| 4 | "Nous ferons samblant de nous retraire et de non combatre neshui." (FROISS., Chron. L., VI, c.1375-1400, 122). | |
| 5 | Et s'escusa (...) de che que il avoit tant demoret à non venir. (FROISS., Chron. R., X, c.1375-1400, 7). | |
| 6 | Mais les dames du paÿs, femmes et filles des susdiz gentilz hommes, pour non encourre ou pechié de luxure, par ancienne coustume elle ne boivent point de vin, et sont tres belles et delicieuses et tres preudes femmes (MÉZIÈRES, Vertu sacr. mar. W., c.1384-1389, 290). | |
| 7 | ...par raison desquieulx lieux d'omosne croisiée consistans et exemps, les personnes qui y ont demouré et demeurent sont et ont esté, de tel temps qui n'est memore du contraire, frans et quites a foires et marchiés et quiconques [l. quelconques ?] autres lieux, tant villes, chasteaux, forteresses que aultres, de non paier coustumes, acquis, panages, subventions, redevances, fouage, aide de guet, ou de guetier chasteaulx et de quelconques autres servitures (Mémor. Echiq. Archev. S., Pièces justif., 1391-1404, 38). | |
| 8 | Que apporte la constitution de non marier les prestres, si non tourner et eviter legitime generation pour convertir en advoultrise (CHART., L. Esp., c.1429-1430, 177). | |
| 9 | ...pour non souffrir sourdre division en sa maison (...), [le duc de Bourgogne] ordonna que l'un ne l'aultre n'aroit ce plat, mes seroit jusques a la venue de l'un des deux ordinaires absens, et lors comme alors, chescun en son estat. (CHASTELL., Chron. IV, D., c.1461-1472, 107). | |
| 10 | Et en ce mesmes temps fut pris par justice a Lille et mené a Tournay ung herese (...). Fut ramené a Lille et droit la brulé en cendres et en poudre, par la grace de Nostre Seigneur qui plus ne lui voult souffrir repaire, j'espoire, aveuques ses povres brebiottes crestiennes, desqueles il desire (...) non estre deceues et perdues par telz faulx gabuseurs, messagiers du dyable. (CHASTELL., Chron. IV, D., c.1461-1472, 227). | |
| 11 | ...conclurrent de non passer ladicte ville de Lyon (ESCOUCHY, Chron. B., t.2, a.1465, 394). | |
| 12 | A la dureté des corps s'ensieuvent trois proprietés. La premiere est non estre abile, ne disposee a recepvoir aucune emprainture. La seconde est stabilité et ferme pour demourer en soy. La tierce est force pour resister. (Somme abr., c.1477-1481, 171). | |
| 13 | Lors elle, voulant par la doulceur des fruicts du sien jardin me appaster et bailler la contrepoison au refuz que faire pourroye de non vouloir illecq a la longue demourer, (...) commença lors... (SAINT-GELAIS, Séj. honn. D., c.1490-1495, 206). | |
| 14 | Et la, voelle ou non, m'atalente De chanter ou de recorder Tout ce quoy li oÿ chanter. (FROISS., Méliad. L., t.3, 1373-1388, 56). | |
| 15 | Semblablement est il es choses ou vers les choses ausibles, c'est asavoir, que l'en peut oser et non craindre. (ORESME, E.A., c.1370, 207). | |
| 16 | "Il ont fait une folle emprisse de (...) retourner au pas par où il avoient passet, et non garder che pas jusques à leur retour." (FROISS., Chron. R., X, c.1375-1400, 291). | |
| 17 | ...encores seroit ce pis de pechier et de vouloir que jamais on ne s'en repentit, car pechier c'est fragilité humaine, mais non vouloir se repentir est obstinacion de diable [P. réf. à l'adage théol. : «Peccare humanum est, perseverare diabolicum» (Éd., 39)] (GERS., Pent., p.1389, 83). | |
| 18 | Contingence est une condition des choses et des actions des gens par laquele elles pevent estre faictes ou non [estre] faictes et avenir ou non avenir. (LA HAYE, P. peste, 1426, 184). | |
| 19 | Dit aussi qu'elle est povre femme seulle, desnuée de sondit mary, laquelle l'espousa en la ville d'Avignon, IIIJ ans a passé et plus, non sachant les usages de la ville de Paris (Reg. crim. Chât., I, 1389-1392, 42). | |
| 20 | Et, non sachant que ce fust elle, la volut voir ; et permis luy fut de seullement veoir le derriere (C.N.N., c.1456-1467, 1). | |
| 21 | ...sur petite espace l'en ne veoit que destriers et coursiers esfreement saillir et tressaillir par la champaigne, traynans par leurz estriers lez aulcuns leurz maistrez enversés et non ayans puissance de eulx relever. (Fille comte Pontieu B., c.1465-1468, 118). | |
| 22 | Le serviteur aussi ne puet entrer a religion non vueillant son seigneur, ne eslire vie monastique, ne vie de moyne, ne de religieux. (Sacr. mar., c.1477-1481, 52). | |
| 23 | ...ils [nosdits conseillers] se occupent les aucuns à lire les requestes qui leur sont baillées à rapporter, faire dictons, escripre lettres, et les autres à lire registres ou autres choses non concernans lesdits procès et matieres mises en deliberation (Ordonn. rois Fr. P., t.20, 1493, 388). | |
| 24 | ...le seigneur peut meptre hors son mansionnier, non contrestant quelque longue tenue ou cours de temps, et y mettre aultre à son profilt (Très anc. cout. Bret. P., Textes divers, 1406, 493). | |
| 25 | Toutevoie est on venu se semble en une plus grant erreur et plus perilleuses au regard du salut des armes, car on contrainct par une maniere oblique les prelas a donner, veullent ou non, lesdis benefices (JUV. URS., Nescio, 1445, 489). | |
| 26 | ...une pointe de dyamant non mise en euvre... (Comptes Lille L., t.2, a.1467, 119). | |
| 27 | ...XXXIX jours jeunables, non compris le jeudi absolu (Comptes roi René A., t.2, 1479, 440). | |
| 28 | ...en ce non compris l'estat de la cuisine de bouche ne semblablement l'abondance des grands venaisons (LA VIGNE, Sacre Anne Bret. S., 1505, 299). | |
| 29 | ...ineptitude ou non convenableté de leur habitude (SAINT-GILLE, Comment. A.Y. L., 1362-1365, 250). | |
| 30 | L'ung de vous fait le non joueur, Et contrefait le bon varlet, L'autre parlë en bastelleur Et si ne scet pas son coupplet. (Sots Magn., a.1488, 206). | |
| 31 | ...en protestant ausi oudit livre doulcement a la bonté divine que, en cas que a sa fin il ne porra faire son devoir par non poissance corporele et mentale, c'est asavoir de recognoistre, de confesser, de crier mercy, de regracier et recommander a Dieu son ame pecheresse, tel cas survenant, (...) lors ledit livre et aucun bien, s'il y est de lui venu, veulle rechevoir en bon gré (MÉZIÈRES, Test. G., 1392, 303). | |
| 32 | Se celuy qui est adjourné ou semonsé, comme dit est, en matiere de delit ne compaire au premier jour et il compare à la seconde journée qu'il luy sera assignée, et il veult alleguer cause legitime de son absence et non comparition à la dite premiere journée, il pourra sa contumace de la premiere journée purgier par alleguer cause raisonnable (Hist. dr. munic. E., t.1, 1469,,, 247). | |
| 33 | Li connestables de France fu adont si bien consilliés que dou rechevoir ces trettiés et chiaus de Brest en composition, mais que de tenir leur journée et leur marchié il delivrassent bons ostages, aultrement non. (FROISS., Chron. R., VIII, c.1375-1400, 141). | |
| 34 | Si furent des aucuns plains, et des autres non. (FROISS., Chron. R., X, c.1375-1400, 291). | |
| 35 | Item trois coppes couvertes vairées, six gobeletz varrez et martelez, trois salieres dont il en ya une qui a couverteur et les autres non, six cueilliers, le tout d'argent (Invent. test. Surreau Foville F., 1435, 50). | |
| 36 | ...item que ledit Rigaul ait et possede sissante muys de speaulte heritables pour ly a prendre et a lever a Fexhe sur les pieces de terre cy dessoub escrit, et trente et huict muyds pour dame Maroye sa soeur, nonain del Vaulx Benoiste, lequeis deverat rendre ledit Rigaul alle dicte dame le cours de le vie ledicte dame Maroye, s'il plaist a ladicte dame Maroye, et se chu non, que ladite dame Maroye soit asseneit de ces pieces de terre ung bonnier pour quattre muyds a son marmontant et toudis par nostre dict (HEMRICOURT, Pièces div. B.P., 1366, 77). | |
| 37 | Mais tout jurement selon droit se doit garder, se ce non que pour lui on perdist paradis (BOUVET, Arbre bat. R.-B., c.1386-1389, 297). | |
| 38 | ...tous les gentilz hommes y furent mis a mort et du commun poeuple ne demoura se pou non. (Percef. Compl. R., c.1450 [c.1340], 368). | |
| 39 | ..ce a quoy le conte d'Artois n'acontoit se pou non (Comte Artois S., c.1453-1467, 44). | |
| 40 | Premierement ainsi, car s'il y a deux principes, l'un tres et souverainement bon, et l'aultre souverainement mauvais, il convient qu'ilz aient communication et convenance en estre particulier par soy, comme Sortes et Plato, Phelippe, Jehan, si sont ensemble en estre, ou ilz ont convenableté et convenience en estre ou non. (Somme abr., c.1477-1481, 106). | |
| 41 | ...ny de ton ris, ny d'autruy couroux ne luy est si peu non. (CHASTELL., Chron. K., t.1, c.1456-1471, 53). | |
| 42 | ...sans aduancer leur chemin se pou non (BÉTHENCOURT, Canarien G., c.1490, 9). | |
| 43 | Item , et qui veult faire ce moust des la saint Jehan et avant que l'en treuve aucuns roisins, faire le couvient de cerises, merises, guines, vin de meures, avec pouldre de canelle sans gingembre se petit non (Ménagier Paris B.F., c.1392-1394, 262). | |
| 44 | ...l'en ne peut vendre fieu noble comme conté ou baronnie, si non que la debte monte les deux pars que le fieu vault ou que l'en le vent, et que l'en ne les peut desmembrer (Cartul. Laval B., t.2, 1385, 327). | |
| 45 | Balade balladant tient les termes de ballade commune, si non que les couplès sont comme vers septains. Autres dient qu'elle est de dix et de .XJ. sillabes, et est batelée a la .IIIJe. sillabe en certaines lignes (MOLINET, Art rhétor. L., c.1482-1492, 237). | |
| 46 | Et leur escripsoient li rois et si oncle que, à leur prière et contemplation et non d'autrui, il faissoient celle grace à leur cousine de Behaigne. (FROISS., Chron. R., X, c.1375-1400, 167). | |
| 47 | Non les sceptres et les couronnes dignifient les roys, ne leur robe de pourpre ; mais leurs vertus et leurs nobles moeurs les glorifient et les font dignes de couronne. (CHASTELL., Avert. duc Ch. K., 1467, 327). | |
| 48 | Helas ! messeigneurs, vous povez, dist il, sans dangier de vous ne d'aultry, estaindre et passer voz chaleurs desordonnées avecques pluseurs aultres qui a l'occasion de la feste de ce village, sont venues et arrivées, et pour aultre chose non que pour vous et voz semblables. (C.N.N., c.1456-1467, 549). | |
| 49 | Le second, pour qui tu as pris tant de peine, dit que voulentiers donra une chemise ou un linceul pour toy couvrir, autre riens non. (GERS., Concept., 1401, 415). | |
| 50 | LA MERE. C'est il, sire, et nul autre non, C'est mon filz, son corps, sa figure, Sa couleur et son estature : Soyez ent tout adcertené. (GRÉBAN, Pass. J., c.1450, 192). | |
| 51 | Li maronnier (...) fissent monter amont ou castiel de leurs mas un effant, asavoir se il veoit nul apparant de siège par mer ne par tière devant Seville. L'enffant ot bonne veue et juste : si respondi que non. (FROISS., Chron. R., X, c.1375-1400, 138). | |
| 52 | ...non que (...) il nous conviengne prendre aliances ailleurs ; nennil (FROISS., Chron. M., XIV, c.1375-1400, 181). | |
| 53 | Non que nullement me repente De ce que... (FROISS., Melyad. B.M., c.1383, 583). | |
| 54 | ..il [le comte d'Armagnac] cuidoit certainement avoir obtenu dispense de nostre Saint Pere de pooir maintenir sa seur en l'estat de mariage, et de cela avoit acquises bulles fauses, non que lui sceust la faulseté (...). Si en fut ledit conte deceu et mis en grant declamace du peuple (...) et, que plus est, avecques la honte du monde, encouru, ce savoit bien, en l'indignation divine dont il vouloit widier. (CHASTELL., Chron. IV, D., c.1461-1472, 257). | |
| 55 | ...a condicion sanz cause ou de non juste cause (Chartes Abb. St-Magl. T.F., t.3, 1331, 37). | |
| 56 | ...tout homme franc et de franche condicion, de quelque assemblée qui soit, puet ordener de ses biens meubles et non muebles par voie de donacion ou institucion, ou legat, en testament ou hors testament, en quelque maniere qu'il li pleira, et vaudra et tendra ce qu'il en fera, et mesmement ou cas ou il a ordené de ses couvrances (Doc. Poitou G., t.1, 1332, 389). | |
| 57 | Et recongnurent de leurs bons grez, c'est assavoir ledit messires Guichart (...) eu sur ce très meure et tres parfaite deliberacion par lonc temps, si comme il disoit, et par la grant amour et affeccion qu'il avoit audit Jocerain (...) avoir donné par donnacion franche, pure et parfaite, non révocable, faite entre les vis, (...) cinquante livres de terre à tournois de annuel et perpetuel rente (Titres Bourbon H.-B., t.1, 1347, 431). | |
| 58 | Puis ainsi com en terre entrant Le corps de moi trouvai puant, Et l'un a l'autre parlasmes Et asses entreganglasmes Jusqu'a tant qu'avant me mena Mon ange et l'ourle me moustra Ou les enfans non baptisies Estoient de clarte prives. (GUILL. DIGULL., Pèler. âme S., App., p.1358, 392). | |
| 59 | Et amistié puet estre ainsi diffinie ou descripte : Amistié est benivolence non latente ou manifeste entre pluseurs personnes de l'un a l'autre ou entrechangeable pour aucun bien. (ORESME, E.A.C., c.1370, 417). | |
| 60 | Et donques ceste Eglise, qui est appellee la naif Saint Pierre, se la partie de elle en laquelle est le gouvernement ou autre est trop grande oultre mesure et proportion competente, ceste naif est mal composee et est en voie de perisser [var. periller] mesmement en temps non paisible combien que elle ne perisse onques. (ORESME, Pol. Arist. M., c.1372-1374, 189). | |
| 61 | Et estoit quatis et arrestés en vieses maisons non habitées, qui là estoient toutes descloses (FROISS., Chron. L., VII, c.1375-1400, 194). | |
| 62 | Il fu dit pour Guillaume de la Grange contre les enfans de Doze, qui avoient esté au laidoier le cousin dudit Guillaume ; il s'en tenoit pour laidiz et queroit qu'il lui feust amendé ; les diz enfans de Doze disoient qu'il n'en povoient faire cauteracion. Dit fu que si faisoit, et respondirent que non. Trouvé fu qu'il estoit enz au laidoier et l'amenda audit Guillaume. (Cout. bourg. glosé P.M., c.1380-1400, 230). | |
| 63 | ...et veoient li non coupable que il se pooient bien purgier et excuser de ce fourfait par enseignier les coupables (FROISS., Chron. R., X, c.1375-1400, 130). | |
| 64 | Item, à Corbueil, une çainture d'argent à usage de homme, et ycelle baillée en gaige à une juisve non mariée. (Reg. crim. Chât., I, 1389-1392, 30). | |
| 65 | ...et au derrain, mectez vos espices ou potage et boulir ung boullon, et soit bien lyant et non trop jaune (Ménagier Paris B.F., c.1392-1394, 222). | |
| 66 | De la concavité du foye yst une voyne dicte porta qui est divisee en voynes miseraïques non nombrables qui sont plantés en l'estomac et es intestins (PANIS, Guidon, 1478, tr.I, doct.2, chap.6). | |
| 67 | ...car se mon pere avoit conquis un chastel ou un hostel ou un manaire ou une autre chose non deuement ou injustement et se je estoie aprés son hoir et ne savoie les injustes de mon pere... (BOUVET, Arbre bat. R.-B., c.1386-1389, 262). | |
| 68 | Et ledit Lisle-Adam, qui estoit homme gros et à la bonne foy peu mignot, mais lourdement baud et vaillant, respondit, me semble, et jeta les yeux non feintement en la face du roy, et dit... (CHASTELL., Chron. K., t.1, c.1456-1471, 179). | |
| 69 | ...encores devroit-il perdre icelluy son privilleige ou cas ouquel abuseroit d'icelluy et qu'il mueroit ou falsifieroit icelles monnoies pour son singulier gaing, ce non moins convoiteusement que laidement accroissant. (ORESME, Monnoies W., c.1365, LXXV). | |
| 70 | Li princes de Galles avoit là avoecques lui droite fleur de chevalerie, comment que il ne fuissent pas grant fuison, car il n'estoient, tout compté, non plus de huit mil hommes. (FROISS., Chron. L., V, c.1375-1400, 32). | |
| 71 | Et ne cheminoient li dit Englès le jour non plus de trois ou de quatre liewes. (FROISS., Chron. L., VII, c.1375-1400, 192). | |
| 72 | Sur les dites places qui jadiz furent du Franc, appelées les cueres, aura deux tainturiers et non plus (Hist. industr. drapière Flandre E.P., t.3, 1400, 20). | |
| 73 | La IXe question : Puet on acquerir pardons pour les mors ? Response : Je tiens que non, car pardons sont ordonnez a ceulz qui se soubmettent a la court de misericorde qui est icy et qui dure jusques a la mort, non pas aprés la mort. (GERS., Déf., 1400, 237). | |
| 74 | ...mais il ne trouva personne qui luy respondist non plus que s'il n'y eust eu personne (Percef. I, R., t.1, c.1450 [c.1340], 248). | |
| 75 | ...il n'y veoit riens non plus que s'il eust esté aveugle. (Percef. V, R., t.1, c.1450 [c.1340], 10). | |
| 76 | ...il chevauçoient trois ou quatre liewes le jour, non plus n'estoit ce point, pour le cause de leur caroy (FROISS., Chron. L., VII, c.1375-1400, 233). | |
| 77 | Et les fleur[s] de mon bouffeau, non tant seulement a Rome, mais par tout le monde rendoyent grant odeur. (MÉZIÈRES, Songe vieil pèl. C., t.1, c.1386-1389, 273). | |
| 78 | Adonc renonça a l'office De son gré, non pour aucun vice, Pour quoy furent touz courouciez Maurille qui donc ert crociez De Roën et Hue ensement Qui avoit le gouvernement De Luxies de l'evesquié. (Vie st Evroul S., c.1350, 142). | |
| 79 | Son viaulre [sa toison] assamble pour aultruy La brebisette, non pour luy (THOMAS MAILLET, Prov. Alain H., c.1375-1400, 56). | |
| 80 | L'euvre et l'ouvrier non en vain s'entrehonneurent (CHASTELL., ROBERTET, MONTFERRANT, Douze dames rhétor. C., 1462-1463, 164). | |
| 81 | ...en doulces parolles et joyeux langage toute la cité reprenoit non pour exercer lascivité de parler et procacité effrenee, mais pour les separer de vices et exciter aux estudes de vertuz et salubres doctrines (RIVIÈRE, Nef folz D., 1497, 5). | |
| 82 | (Et) pour ce, se fussiez bien saige, Ne parlissiez (pas) du bonnage Qui est mis entre vous et moy, Quar il vous bonne, non pas moy (GUILL. DIGULL., Pèler. vie hum. S., c.1330-1331, 54-55). | |
| 83 | ...pour li aviser et duire Aus amiables poins discrés, Nompas pour savoir leurs secrez Selonc especialité, Mais en la generalité De ce qu'on porroit bonnement Dire a tous bons generalment. (MACH., D. Aler., a.1349, 247). | |
| 84 | Interrogué s'il fist point fardelez et cordelez de cordes les balles de laynes qu'il avoit mis en garde en l'ostel de Bernin Vigier et s'il les fist point emmener sur chevaulx hors dudit hostel et de ladicte ville de La Rochelle, dit que non. (Aff. Jacques Coeur M., 1453-1457, 613). | |
| 85 | ...ou il troverent Lucrece, sa fame, non pas en l'estal ou il avoient trouvé lez autres brus royalz, lesquelez il avoient trouveez soy esbatanz et passans le tempz avecquez leur compeingnez en convis et en gales, eincez la trouverent, tarde nuit, occupee en lainfice, seant enmi la meson entre les chamberieres qui veilloient a la besoingne. (BERS., I, 1, c.1354-1359, 57.9, 95). | |
| 86 | ...selonc le dit de l'Apostre a Tite ou second chapitre : «Enorte les jovencellez estre chastes», non pas de chasteté constrainte mais voluntaire. (DAUDIN, De la erudition H., c.1360-1380, 408). | |
| 87 | Et fu respondus par le conseil que li rois heut que les offres, que li rois de Navare mettoit avant en termes, faisoient bien à recoellir et non pas à renonchier. (FROISS., Chron. R., IX, c.1375-1400, 60). | |
| 88 | Il estoit vestu d'une cote large et longue jusques aux piez, nonpas d'escarlete ou de fin drap de Louviers, mais de longues feuilles de pommiers treillees ensemble comme on fait ung pannier. Et portoit en sa main destre pour lui appuyer une potence et a l'autre ses patenostres de XV notz ou XX. (MÉZIÈRES, Songe vieil pèl. C., t.1, c.1386-1389, 192-193). | |
| 89 | Et ceste recommandacion soit faicte par toy non pas coursairement ne legierement, mais de grant cuer, avec laermes se faire se pourra. (MÉZIÈRES, Songe vieil pèl. C., t.2, c.1386-1389, 258). | |
| 90 | Quiconques homme vouldra prendre Ces trocisques pour soy défendre, En reçoive courtoisement Une dragme tant seulement, à la foiz o vin de grenades Acétouses et nompas fades, Et qui à ce vouldra s'embatre Faire le doit troiz foiz ou quatre, Ou plus ou mains, en la sepmaine (LA HAYE, P. peste, 1426, 146). | |
| 91 | Car ce que Dieu nous aime, ce n'est pas par charité formelement. Et nous l'amons et nous mesmes par charité effective et exemplaire, non pas formelement ne par charité formele. (Somme abr., c.1477-1481, 117). | |
| 92 | ...car nature d'iceulx de nuyt seullement laboure a digerer la viande, non pas a maturer les suparfluités, car ilz en sont quasi privés. (Rég. santé corps C., 1480, 12). | |
| 93 | Levrier doit avoir longue teste et assez grosse, fete en fourme de luz, bons cros et bonnes denz, l'unne en droit de l'autre, non pas que la maissele dessoubz passe celle dessus, ne celle dessus passe celle dessoubz. (GAST. PHÉBUS, Livre chasse T., 1387-1389, 128). | |
| 94 | Nompas que je die ne vueille aucunement estre absoulz de vous aydier (Percef. IV, R., c.1450 [c.1340], 508). | |
| 95 | Et, s'il y a aucun de ton party qu'il vueille dire qu'il soit interessé et pris soubz saufconduit, et, pour ce, qu'il te vueille demander marque sur les saufz-conduits, en disant qu'il a esté pris soubz saufconduit et, pour ce, il peult prendre soubz saufconduiz, je te dy que non (BUEIL, II, 1461-1466, 28). | |
| 96 | ...pour ce qu'il avoit oy nouvelles que les Bohémiens, induis et enseignez par ung clerc de leur pays qui estoit hérétique, s'estoient dréciez et confusément estoient entechez du venin de hérésie, non point seulement contre nostre foy catholique, mais avecques ce contre les roys d'Alemaigne, de Hongrye et de Boesme (MONSTRELET, Chron. D.-A., t.4, c.1425-1440, 23). | |
| 97 | ...non point de son mal se dolousoit mais d'aultruy damage se contristoit (Psaut. Ludolphe le Chartreux D., c.1495, 49). | |
| 98 | Et de ce fu je voir mont lies, Quar il m'en estoit bien mestiers, Non mie de necessite, Mais d'avenant congruite. (GUILL. DIGULL., Pèler. vie hum. S., c.1330-1331, 18). | |
| 99 | Aucuns voudroient dire et maintenir que le Roy soit subject a celluy qui le courone, et puet estre ainssi prové : le Roy si est a celluy subject lequel le puet examiner et approver. Car l'examinacion de la persone appartient comunement au souverain, non mie a celluy qui est parail ou maindre. (Songe verg. S., t.1, 1378, 134). | |
| 100 | Beaulx manoirs y a gracieux, Non mie si delicieux Com les premiers, n'a tel haultece, Si nobles, ne de tel richece ; Mais communables sont aux mains, Les uns plus et les autres mains. La est l'ediffice commun Pour gens moyens et pour commun. (CHR. PIZ., M.F., I, 1400-1403, 123). | |
| 101 | Et quant a vostre disputacion, que avez longuement tenue, saichiez que point ne voulons que regart aiez a nostre regle et loy generale et penible, imposee par le forfait du premier pere, car pour les autres ceste loy est faicte, non mie pour elle (GERS., Concept., 1401, 405). | |
| 102 | Tres redoubté prince, que ce diroye enfin, et tousjours pourroie dire des choses vertueuses qui convenables te sont, tout ne soye digne de reciter, mais neantmoins, vueille ta tres belle jouvence un pou estudier et nocter, non mie parolles qui sont neant, mais les beaulx dis des sages (CHR. PIZ., Paix W., 1412-1413, 176). | |
| 103 | ...car il sunt dignes d'avoir des richeces non pas seulement equalement a autres, mes plus. (ORESME, Pol. Arist. M., c.1372-1374, 94). | |
| 104 | ...toutes leur explanacions ou addicions ne vallent pas une feve non un chabot (SAINT-GILLE, Comment. A.Y. L., 1362-1365, 217). | |
| 105 | Li dis dus en avoit parlé moult avant qu'il ne s'en partiroit, si aroit le chastiel à se volenté et chiaus qui dedens estoient, non se li rois ses pères ne le remandoit. (FROISS., Chron. L., III, c.1375-1400, 128). | |
| 106 | Et là metoient avant finance toute celle que on leur demandoit, car, se il desissent dou non, il fuissent tantos mors. (FROISS., Chron. R., X, c.1375-1400, 80). | |
| 107 | ...y avinrent moult de grandes aventures (...) lesquèles je ne poroie mies toutes, non le quatrime partie, escrire ne recorder. (FROISS., Chron. L., IV, c.1375-1400, 29). | |
| 108 | "Luscebonne leur est loing à six lieues ; ilz n'y pevent courir à leur aise que ilz ne soient ratains (...) non se ilz ne prendroient ce soir l'avantaige de la nuit." (FROISS., Chron. M., XII, c.1375-1400, 151). | |
| 109 | Je fais pour bien mon paiement, Pour mal trés cruel jugement, Car je sui de tout jugeresse, De ce te fais je bien promesse, S'ay a chascun vraye amité, Mais je n'ay de nullui pité, Non qui chiesse en punition, Dont il dessert correction. (MACH., D. Aler., a.1349, 390). | |
| 110 | Ensi se porta ceste journée, et n'i eut riens fait, non cose qui à recorder face. (FROISS., Chron. L., I, c.1375-1400, 177). | |
| 111 | Car les volentés des gens sont inmanifestes et occultes, et aucuns non justes faingnent que ilz ont volenté de ouvrer justement et non ont. (ORESME, E.A., c.1370, 525). | |
| 112 | Et cuidoit que li François euissent oubliiet la courtoisie qu'il leur avoit fait, mès non avoient, ensi que bien apparut. (FROISS., Chron. L., IV, c.1375-1400, 98). | |
| 113 | Il se cuidoient tantost combatre que il seroient là venu et sans arrest. Et non fisent, ensi que il apparu. (FROISS., Chron. L., IV, c.1375-1400, 119). | |
| 114 | Si fremèrent leurs barrières et leurs portes, et puis montèrent as cretiaux, car il cuidoient bien avoir l'assaut ; mais non heurent. (FROISS., Chron. R., IX, c.1375-1400, 113). | |
| 115 | Et pour ce, un ange peut estre en un lieu sanz soy mouver nonobstant que en ce lieu pluseurs corps succedent un apres l'autre, aussi comme le ray du soleil qui passe par une fenestre n'est pas meu aveques l'aer que le vent emporte ou chace, mais samble demourer tout un combien que non soit, car ce n'est pas du tout semblable. (ORESME, C.M., c.1377, 290). | |
| 116 | Et ledit Pelart respondi que non feroit ; lequel qui deppose dist que si feroit ; et lors ledit Pelart dist que par le foutre Dieu non feroit. (Reg. crim. Chât., II, 1389-1392, 354). | |
| 117 | Et là ot pluiseurs parolles retournées, car li aucun voloient, et par especial li evesques, que tantos on les alast combatre ; et li autres, li sires de Biaumont et messires Hues de Cavrelée, dissoient dou nom. (FROISS., Chron. R., XI, c.1375-1400, 103). | |
| 118 | "...Or serons nous en paix, or est guerre faillie." Helas ! non est, se croy, (...) Car or primes leur croit grant paine et hachïe (Galien D.B., c.1400-1500, 44). | |
| 119 | ...ilz ont au commencement de la quartaine l'orine assés bien coulouree et la ypostasie aussi et semble que ce soit de la matiere de la maladie et non est, ains est de la viande (GORDON, Prat., c.1450-1500, I, 6). | |
| 120 | ...elle le prend a braz et baise et accole tant doulcement qu'on ne pourroit plus, en luy priant pour Dieu qu'il ne soit point mal content. Et le pouvre cocquard dit que non est il [Une femme tente d'apaiser son mari après le mauvais tour qu'elle lui a joué] (C.N.N., c.1456-1467, 188). | |
| 121 | LE DRAPPIER. Je vous pry que vous me baillez Mon argent dez que je y seray. PATHELIN. Feray. Et ! par Dieu ! non feray Que n'ayez prins vostre repas Tres bien (Path. D., c.1456-1469, 78). | |
| 122 | Et adonc icelluy suppliant respondi que non feroit (Doc. Poitou G., t.10, 1459, 193). | |
| 123 | ...et si ne scavoient riens les ditz Angloys de la ville de celle venue, et non faisoit mon dit seigneur de Rostrelen. (GRUEL, Chron. Richemont L., c.1459-1466, 52). | |
| 124 | LE Ier DE SIDON. Comment le porrons nous sortir ? Il vault mieulx qu'elle soit partie [la robe]. LE IIe DE SIDON. Non fait, elle sera sortie. (MARCADÉ, Myst. Pass. Arras R., a.1440, 190). | |
| 125 | Et commande aussi les oeuvres de mansuetude, si comme non batre ou ferir et non tencier ou mesdire. (ORESME, E.A., c.1370, 278). | |
| 126 | Et le prudent quiert non estre contristé pour l'absence de elles (ORESME, E.A., c.1370, 404). | |
| 127 | Item, vers les pretores ou cours, les riches ont damage et peine pecuniaire se il ne discutent les causes et se il ne funt les jugemens, et les povres ont licence de non estre a teles choses, ou les riches ont grande punition se il n'i sunt, et les povres petite, si comme il estoit es lays de Carondas. (ORESME, Pol. Arist. M., c.1372-1374, 191). | |
|
