A. -

[Comme statut social]

1.

"Qualité, condition de celui qui appartient à la classe des nobles" : Vierge, que que j'aye forfait Se Dieu plaist, je m'amenderay (...) ; Jus metteray toute noblesce Pour vostre amour. (Mir. femme roy Port., c.1342, 199). Item, aucunes choses sont desquelles, se un homme est desnué et que il ne les a pas, sa felicité en est aussi comme honnie ou avillee, ainsi comme il seroit de noblesce de bonne ligniee et de biauté. (ORESME, E.A., c.1370, 128). ...ou cas que ycellui prisonnier ne prouveroit sa noblesse par lui alleguée, qu'il lui feust rendus comme son subjet et justiçable (Reg. crim. Chât., I, 1389-1392, 3). A viz n'est que le marquis fist Trop mal d'espouser Griseldis (...) Car moult durement s'est porté Envers elle (...) Et maintenant la vuelt laissier, Et pour sa noblesce essaucier En vuelt une de hault lignage. (Gris., 1395, 79). Si a faitte bonne müance Le marquis et belle proesce, Car trop plus grant est de noblece, [la nouvelle épouse] De beauté et de jeune aage Que ne soit Griseldiz la saige (Gris., 1395, 92). ...en estat de chevalerie ou de seignourie : violence, rapine, tyrannie et puis sedition. Et quer je n'ay icy a parler que de l'estat de noblesse ou de seignourie principalment, et nous veons a l'oeil les greifs et horribles maulx qui en viennent partout (GERS., Annonc., a.1400, 238). Et quant a la noblesce, jassoit ce que tous de par toy soyent anobliz qui bien font, toutesfoys s'il faut satisfaire a la reputacion mondaine, tu scez que eulz deux sont du lignage et sang royal ton bon amy David et du sacerdotal de Aaron : sy ne faudra point a noblesse celle qui en descendra. (GERS., Concept., 1401, 396). ...se tu es noble de ligne tu dois estre plus noble de vertus, car la noblesse des bonnes meurs vault trop mieulz que la noblesse des parens, et ne puet sa noblesse, tant soit elle grande ne puissant, surmonter la mort. (LA SALE, J.S., 1456, 22).

-

Seigneurs et dames de noblesse : Si nous prie treschierement et tres affectüeusement Que vous et ma suer y [à mon mariage] y soiez Et avecques vous ameniez Seigneurs et dames de noblesce (Gris., 1395, 23).

-

La grande/haute/souveraine noblesse (de qqn) : "Mon très redoubté et souverain seigneur, par la haulte noblesce et puissance de vous, je me tieng à meffais de tant que à main armée je me mis et assamblay contre mon cousin, vostre biau frere" (FROISS., Chron. M., XIV, c.1375-1400, 170). ...par sa hardiesce Cinq roys paiens de grant noblesce Y prist (Mir. fille roy, c.1379, 84). Comsiderés la grant noblece de gentils honmes, car casquns hiaumes doit dou mains avoir .V.. honmes dalés li ; et estoient .XXIIII.M. arbalestriers genevois, espagnols et honmes des chités et bonnes villes dou roiaulme de France, tout en compte. (FROISS., Chron. D., p.1400, 822). ...vous nous veés en vostre pure volenté, pour sauver le demorant dou peuple de Calais qui sousfert a moult de grietés. Si voelliés de nous avoir pité et merchi par vostre haut noblece. (FROISS., Chron. D., p.1400, 847). Vous avés le nom et renonmee de souverainne gentillece et noblece. Or ne voelliés dont faire cose par quoi elle soit noient amenrie, ne que on puist parler sur vous en nulle cruauté ne vilonnie. (FROISS., Chron. D., p.1400, 847).

-

Avenir à noblesse : SECONT BERGIER : Et mettons paine de venir A honneur, affin qu'avenir Puissons a noblesse [en devenant chevalier] une foiz ; Ja sera pour nous vive voix Et nostre bon estat creü. (Gris., 1395, 43).

-

Fleur de noblesse. V. fleur

-

Foi de noblesse. V. foi

2.

"Ensemble de personnes ou ensemble des personnes qui appartienent à la classe des nobles"

a)

"Ensemble de personnes qui appartienent à la classe des nobles"

-

[Subst. collectif] : Et fist cescuns refierer ses chevaus et tourser ; et puis partirent de Calais avoecques le duch de Lancastre à grant noblèce. (FROISS., Chron. L., V, c.1375-1400, 192). Et ainsi fut l'accort fait, et se retrairent les freres et le maistre et leurs gens au port de Japhe, et les convoierent le galliffre et le soudant de Damas et le roy Anthenor, a moult grant noblesce de Sarrasins. (ARRAS, c.1392-1393, 237). Comment on fait l'obseque Remond a Montferrat, ouquel furent le roy d'Arragon, la royne et autres barons du pays. Ainsi comme je vous dy, fut fait l'obseque de Remond de Lusegnen, et y ot moult grant noblesce. (ARRAS, c.1392-1393, 292). Comment le roy fist son entrée en ladite ville de Caen à grant noblesse de seigneurs. (CHART. J., Chron. Ch. VII, V., t.2, c.1437-1464, 222). Et la trouverent tous les prelas, princes et seigneurs qui s'ensuivent, dont la plus grant partie furent au devant pour honorer la baniere du roy, qui tres joieux furent quant ilz virent tant de noblesse, de banieres et de gens si bien en point que pour V ou VJ^m bons combatans on ne pouoit mieulz. (LA SALE, J.S., 1456, 206). ...nostre sire le roy, la royne et monseigneur de Calabre, avecques leur noblesse sont venus disner à Gardane (Comptes roi René A., t.3, 1474, 42). Ce dit jour mesme, le pape chanta messe Au grant autel de Saint Pierre de Romme, Le roy present et toute la noblesse Du sang royal, tres grans seigneurs qu'on nomme Les chevaliers de l'ordre, et autres comme Grans capitaines, conducteurs, gouverneurs, Gens d'ordonnances, gentilz hommes, seigneurs (LA VIGNE, V.N., p.1495, 236).

-

Au plur. : Et entra li jones rois en la cité de Rains le samedi à heure de vespres, bien acompaigniés, che poés vous savoir, de toutes noblèces de hauls signeurs et de menestraudies. (FROISS., Chron. R., X, c.1375-1400, 10). ...de la il retourna au Palais et la tint son estat ; et aussi fist la roine sa fenme. Et i ot tant de nobleces, ce jour, que mervelles seroit a penser ne a recorder. (FROISS., Chron. D., p.1400, 181).

b)

[Subst. collectif] "Ensemble des personnes qui appartiennent à la classe des nobles" : Bien maleureuse est qui se fie En noblece si pou estable. (Gris., 1395, 84). ...et n'est mie loisible au peuple de faire une loy sur la noblesse, nec econtra, sans appeller ceulx à qui la chose puet touchier (FAUQ., III, 1431-1435, 103).

3.

P. méton. au plur. DR. FÉOD. Noblesses. "Privilèges, prérogatives" : ...ou prejudice et diminucion des drois, preeminences, prerogatives et noblesses de la couronne de France (FAUQ., I, 1417-1420, 64).

-

"Privilèges attachés à un fief" : ...les quelles terres, ensamble leurs appartenances, c'est assavoir maisons, terres, vignes, prez, bois et saussois, estans, rivieres et autres heritaiges, cens et censives et autres rentes, justices et autres nobleices (Doc. Poitou G., t.3, 1369, 379). ...venant ou appartenant à nous, tant pour cause de naiscent comme pour cause d'acquest, ou par eschange, avec ce toutes noblesses ou droiturez de fiefs ou d'arrierefiefs, jurisdictions, obventions, proffis, emolumens, cens et rentes reelles ou personelles (Trés. Reth. S.L., t.2, 1371, 195). ...il est bien besoing et grant nécessité pour le sauvement de nostre demaine et la conservacion de noz noblesses, drois et seigneuries de prendre diligenment garde aux dittes chartres et lettres, de mettre en nostre trésor celles qui y appartendront estre mises et de les visiter soigneusement (Hist. Lille T., t.1, 1407, 87).

B. -

"Qualités attribuées à la noblesse (élévation morale, courage, vaillance...)" : Vers heroÿques sont dicties [l. dictiés] des fais et aventures de gens de tresgrant excellence en vertu, en noblesce et puissance, comme le roy Priamus qui fu jadis tres grant en sens et en bonté, en noblesce, en richesce, tres biau, tres fort et tres puissant et excellenment aorné de filz et de filles biaus et bons. (ORESME, E.A.C., c.1370, 130). Et ainsi je croy que cuer de noble estrattion qui a la science des nobles vertus des ars dessuz diz ou cuer, qu'il n'en sauroit meserrer si tost que cil qui auroit aprins les ars par avarice de vouloir enrichir, par dissimilitude de complaire aux princes, et non monstrer le vif du droit, car rudesse de nature ne se puet bonnement appliquer a la nature nourrie en noblesse. (ARRAS, c.1392-1393, 17). Quant ceulx l'entendirent, si en furent moult joyeux, et dirent, que, s'ilz y vont [lutter contre les Sarrasins], que il leur muet de grant noblesce et grant vaillantise. (ARRAS, c.1392-1393, 82). Madamoiselle, venez veoir fleur de chevalerie, prouesse et hardement. Venez veoir honneur en son siege royal et en sa haulte majesté ; venez veoir le dieu d'armes en sa propre figure. Amis, dist la damoiselle, qu'est ce que vous me dictes ? Orvoy, dist l'escuier, je vous dy que vous venez veoir la fleur de toute noblesce et de toute courtoisie, qui de loingtain pays est cy venu combatre pour vostre honneur garder, vostre pays et voz gens. (ARRAS, c.1392-1393, 162). Les chevaliers saluerent le duc et puis dirent : Tres noble et puissant duc, la noble et bonne cité de Couloingne se recommande en vostre bonne grace. Et, chier sire, pour le grant honneur et la grant noblesce qu'ilz ont veue en vous, ilz desirent a estre voz bons amis et que vous les ayez pour recommandez, et vous envoient quatre cens hommes d'armes et cent arbalestriers d'estoffe, paiez pour VIIJ. mois, pour aler avecques vous tout partout ou il vous plaira. (ARRAS, c.1392-1393, 177). .III. filz hot de grant noblece (CHR. PIZ., M.F., IV, 1400-1403, 55). ...maiz la Court, par plus fort raison, ne povoient ne ne devoient suspendre lesdiz conseillers de leurs offices, attendue aussi l'auctorité, noblesse et preeminence desdiz conseillers (BAYE, I, 1400-1410, 151). ...la noblesse des bonnes meurs vault trop mieulz que la noblesse des parens (LA SALE, J.S., 1456, 22). Ma tresdoulce damoiselle et hostesse, pensez que je suis noble homme, et pour chose qui me peust advenir ne vouldroye faire chose qui tournast a vostre deshonneur ne blasme ; car ce ne seroit point use de noblesse. (C.N.N., c.1456-1467, 388). ...avoit ung riche et puissant chevalier, noble tant par l'ancienne noblesse de ses predecesseurs comme par propres nobles et vertueux faiz. (C.N.N., c.1456-1467, 545). Oncques ne feiz telle folie (...) Ma noblesse et netteté de mon courage ne pourroient souffrir que ainsi me gouvernasse. [L'homme est accusé de l'enlèvement de la jeune fille qui l'accompagne] (C.N.N., c.1456-1467, 550). LE TIERS CHEVALIER. Ung puissant roy des Indes la Majour A l'empereur fait moult terrible guerre. SAINCT MARTIN. Sans plus avant de ce mistere enquerre, Pour acomplir vers luy nostre promesse, Mon compaignon je vous veulx bien requerre Que lascheté en cecy ne nous blesse. Cueur vertueux, sublyme de noblesse, A son seigneur se doibt monstrer loyal. (LA VIGNE, S.M., 1496, 238).

-

"Dignité, élévation" : Humains cuers, de loer ne cesse L'infinie et vraie bonté Qui t'a mis en telle noblesce Qu'a Dieu tu as fraternité (Mir. mère pape, c.1355, 401). ...c'est a creature humaine grant noblesce et grant dignité quant une femme humaine conme toy et moy (...) est royne de paradis. (Mir. chan., c.1361, 138).

.

Noblesse des moeurs : ...se l'en treuve si tres grant noblesce et bonté de meurs (FOUL., Policrat. B., V, 1372, 351).

-

P. méton. "Ce qui manifeste de telles qualités d'élévation" : L'ystoire dit que cilz contes Aimery fu un tres vaillans homs, et qui ama toutes noblesces et fu ly plus saiges d'astronomie qui feust a son temps ne depuis Aristote. (ARRAS, c.1392-1393, 16).

C. -

P. ext.

1.

"Faste, magnificence, splendeur" : ...Remondin et Alain (...) partirent des tentes a bien LX. chevaliers, si noblement montez et parez que c'estoit merveilles. Et le roy, qui scot leur venue, avoit fait tendre et appareillier si richement qu'a merveilles, et avoit toute sa baronnie entour lui. Atant es vous venir Remondin et Alain, son oncle, et ses deux filz, et leurs gens. Et, quant ilz entrerent en la sale, toute la sale empli de noblece. (ARRAS, c.1392-1393, 55). Et moult s'esmerveille le roy de la richesce et de la noblece qu'il voit parmy la court. (ARRAS, c.1392-1393, 303). Se je vouloie tout descripre De la ville la grant noblece, La beauté, la force et richece, A tout dire trop tarderoye (CHR. PIZ., M.F., II, 1400-1403, 177).

-

À/en (moult) grand noblesse. "En grande pompe, en grande solennité" : Avant le consacration, li rois fist là devant l'autel tous les jones chevaliers nouviaulx. En apriès, on fist l'offisse de le messe très solempnellement (...). Enssi se persevera li offices en grant noblaice et disnité. (FROISS., Chron. R., X, c.1375-1400, 11). Comment Remondin espousa Melusigne a grant noblesce. (ARRAS, c.1392-1393, 38). La furent mandez le conte de Forests et le conte de la Marche, leurs freres, et firent faire l'obseque de leur pere a Nostre Dame de Lusegnen. Et la furent tous les barons du pays, et fu la le cuer ensevely a moult grant noblesce, et le disner fait. (ARRAS, c.1392-1393, 293). LE MARQUIS : Y [à mon mariage] soit semons a grant noblesce Le noble conte et la contesse De Panice (...) Et qu'avec lui grand gent amaine Des nobles de sa nacïon. (Gris., 1395, 22). Si esprouveray ma proesce, Et s'en mon cuer a gentillesce, L'en le verra bien en la guerre. Si revendray en ceste terre Bien montez et a grant noblece (Gris., 1395, 44).

-

[À propos d'un spectacle] C'est grand noblesse de voir... "C'est grandiose de voir..." : ...après la messe ouye, l'avant garde se desloga, et puis la grosse bataille, et puis le sommage, et après vint l'arriere garde ; et fu grant noblesse de veoir l'ost. (ARRAS, c.1392-1393, 224).

2.

P. méton. "Manifestation splendide ; objet splendide, somptueux" : Si vault miex que (...) relenquisse telz deliz, Que de viandes et de liz, De noblesces et de repos, Ma char norrisse en tel propos Que m'ame en souffrist mort grevaine (Mir. parr., 1356, 8). Riens ne fu espargniet de noblèces et de signouries à faire au couronnement dou jone roi Charle de France. (FROISS., Chron. R., X, c.1375-1400, 9). Et voient tout contreval les estres, grant foison de cuisines fumoier, et au dessus de la fontaine, la chappelle, belle et gracieuse et bien ordonnee, que oncques mais n'y avoient veue. Si s'en vont moult esmerveillant et dient entre eulx : Je ne scay qu'il advendra du surplus, mais veez la beau commencement et grant apparance de grans noblesces et de grant honneur. (ARRAS, c.1392-1393, 38). Mais l'avoir et les grans richesces, Les paremens et les nobleces En .C. ans ne deviseroie (CHR. PIZ., M.F., II, 1400-1403, 101). Corince, Auffrique et Macedoyne, Ou prindrent maint riche sardoine, Et mainte noblece y pillierent (CHR. PIZ., M.F., III, 1400-1403, 253). ...les noblesses de son heaume (Percef. II, R., t.1, c.1450 [c.1340], 757). Des honneurs, des dons et des bonnes chieres qui leur furent faites (...) pour abregier, je m'en passe, fors de tant que partout ilz s'en loerent, eulz merveillant de tant d'onneurs et tant de noblesses et de richesses et gens de bien qui tant estoient en celle court que escripre ne dire se pourroit. (LA SALE, J.S., 1456, 185).

Rem. Mabrien V., 1462, gloss.

-

Au plur. "Parures que donnent, avant le tournoi, les dames aux chevaliers"

Rem. Percef. IV, R., c.1450 [c.1340], gloss.

-

Jour de noblesse. "Premier jour de mai (où l'on échange des cadeaux)"

Rem. DESCH., Oeuvres Q., t.3, c.1370-1407, 229.

3.

"Caractère d'excellence (de qqc.)" : Là peuist on veoir grant noblèce de belles armeures, de riches armoieries, de banières et de pennons, de belle chevalerie et escuirie, car là en estoit toute li fleur de France. (FROISS., Chron. L., V, c.1375-1400, 19). Encore, selon Averroïz, peust l'en assigner autre cause de leur difficulté, car les corps du ciel sont tres merveilleusement differenz des corps que nous sentons ici-bas en excellence de noblesce. (ORESME, C.M., c.1377, 500).

-

Noblesse d'un lieu : Selonc verité Dieu est en ciel et en terre et partout, mais l'en li approprie le ciel par especial pour la noblesce du lieu et pour ce que yleuques apparoissent les oeuvres de Dieu plus mervilleusses. (ORESME, C.M., c.1377, 86).

-

[À propos du style] : ...de noblesce de eloquence (FOUL., Policrat. B., V, 1372, 363).

-

[À propos d'un remède] "Qualité bienfaisante" : Où gist la mine naturele Des nobles vertuz, se me semble, Qui gouvernent le corps ensemble, Et sont à cela principales Chascunes choses cordiales Qui, par leur vertu et noblesce Et selon toute leur espèce, Pevent résister à venim, Qui est périlleux et chenin (LA HAYE, P. peste, 1426, 137).