I. -

[Adv. d'intensité]

A. -

"Très, bien (+ adj. ou + adv.)"

1.

Moult + adj. : Aussi est moult seurs a gouster (Dit prunier B., c.1330-1350, 41). Et ces nouvelles li compterent Qui li furent moult aggreables. (Tomb. Chartr. Trois contes S., c.1337-1339, 79). Et y eubt moult grant murmure en celui puepple. (JEAN LE LONG, Voy. Odoric A.M., 1351, 14). Li roys molt grant courrous en a (MACH., P. Alex., p.1369, 174). Et, pour certain, translater telz livres en françois et baillier en françois les arts et les sciences est un labeur moult proffitable (ORESME, E.A., c.1370, 101). ...et nous eussent monstré que la dite maison et jardin, ja soit ce qu'elle soit moult ruyneuse, leur seroit assés habile, profitable et convenable (Chartes Abb. St-Magl. T.F., t.3, 1374, 442). ...auquel Jehan Balet, qui lors avoit vestu un manteau, ledit prisonnier requist qu'il voulsist prester ledit manteau pour un po couvrir ses espaules, et qu'il avoit moult grant froit (Reg. crim. Chât., I, 1389-1392, 177). ...veant et saichant icellui seigneur estre moult hault seigneur (Reg. crim. Chât., II, 1389-1392, 126). ...il i avoit un abbet, mout vaillant honme, qui se nonmoit Godefroi. (FROISS., Chron. D., p.1400, 421). Et aprés le dit sermon, le roy ouyt les Vespres aux Cordeliers de Viterbe, hors la ville, qui est ung moult beau et devocieux lieu. (LA VIGNE, V.N., p.1495, 271). Mais le fondement fut profondé si bas que le dict pourtail sera molt difficile a parfaire pour son extreme grandeur. (ANTITUS, Poés. P., c.1500, 55).

-

[Avec un verbe attr.] : Car moult le trueve amer et dur (Dit prunier B., c.1330-1350, 41). Moult estoit tristres et pensans. (Dit prunier B., c.1330-1350, 69). ...moult sommes mauvais et recreant (Bérinus, I, c.1350-1370, 191). Moult est vostre personne saincte (LA VIGNE, S.M., 1496, 455).

-

Moult tres + adj. : ...une moult tres belle fontaine (Bérinus, I, c.1350-1370, 265). ...laquele bataille estoit mout tres semblabe a bataille civile (BERS., I, 1, c.1354-1359, 23.1, 36). Mout tres bonne chiere li fit (MACH., L. dames, 1377, 170). Beau sire, dist Uriiens, moult tres grans mercis. (ARRAS, c.1392-1393, 91).

2.

Moult + adv. : Et ly fleur est moult tost gastee Soit par bruÿne ou par gellee (Dit prunier B., c.1330-1350, 41). ...Sy que moult pou y reposa (Dit prunier B., c.1330-1350, 58). Et moult sainctement y vivoient. (Tomb. Chartr. Trois contes S., c.1337-1339, 89). Donques est ce moult plus grant chose et parfaite procurer et sauver ce qui est bon pour toute la cité. (ORESME, E.A., c.1370, 105). ...un homme nommé Guillemin de Villiers, avecques li un autre sien compaignon et complice, qui moult injurieusement parloient a un desdiz religieux de Saint Magloire (Chartes Abb. St-Magl. T.F., t.3, 1375, 456). ...et tant que pour ce que sondit feu mary ot souspeçon qu'il ne s'entreamassent, bati, feri et blasma par plusieurs fois celle qui parle moult enormement (Reg. crim. Chât., I, 1389-1392, 269). ...et, lui estant ainsi nu, le navrerent moult durement et tellement, qu'ilz le navrerent sur la main et lui firent plusieurs playes, tant sur la teste comme aillieurs (Reg. crim. Chât., II, 1389-1392, 223). ...le roi et la roine (...) les requellierent mout courtoisement. (FROISS., Chron. D., p.1400, 283). ...et estoit moult bien acompaigné de tous ses gendarmes (LA VIGNE, V.N., p.1495, 270). ...en laquelle ordonnance se porterent et gouvernerent moult saigement (LA VIGNE, V.N., p.1495, 271). Moult fort il me tarde de voir Commant nostre affaire se porte (LA VIGNE, S.M., 1496, 471). ...lequel Marcial fist les Vigilles du feu bon roy mout autentiquement. (LE CLERC, Interp. Roye, c.1502, 204).

-

Moult tres + adv. : Car le teste avoit emplumee Et cavelure hurepee Qui en ses yeux ly estequoit Et moult tres mal ly avenoit (Dit prunier B., c.1330-1350, 49). Et moult tres bien aperchevoit Que... (Dit prunier B., c.1330-1350, 55). Moult trés liement li ottroy De la joie don et ottroy. (MACH., D. verg., a.1340, 48). ...moult trés volentiers prenoit Verdieres (MACH., D. Aler., a.1349, 395). Au partir leur dist doucement Et moult tres amiablement : ... (MACH., P. Alex., p.1369, 52).

-

Moult + compl. adv. : Lors y ala moult a envis. (Dit prunier B., c.1330-1350, 48). Et illec peult l' en veoir la roche qui fendy, ou cheit le sang de Nostre Seigneur molt en parfont, quant Nostre Seigneur receut mort. (Voy. Jérus., c.1395, 26). ...dont le François, qui tenoit le conte moult de près, s'eslongna de ceste place (LA MARCHE, Mém., III, c.1470, 12).

.

Moult à + inf. : Mais il y a encores une aultre chose mout a eviter a ung prince, c'est assavoir que... (JUV. URS., Verba, 1452, 216).

B. -

Moult + verbe (ou loc. verbale). "Beaucoup, bien" : Dames sont d'une aultre maniere Que je loe moult et ay chiere (Dit prunier B., c.1330-1350, 42). Et moult y couvient travillier, Moult jeüner et moult veillier (MACH., D. Lyon, 1342, 211). Je croy que je fis moult que sages (MACH., D. Aler., a.1349, 365). ...mais mout crain que je ne mesface. (Bérinus, I, c.1350-1370, 46). Li rois le fist tirer amont Sans delay, qui desira mont Li vëoir et parler a li. (MACH., C. ami, 1357, 44). Ou milieu des grans seigneurs ne presume de parler et, ou les anchiens sont, ne parle pas moult (DAUDIN, De la erudition H., c.1360-1380, 298). Li roy les en mercia mont (MACH., P. Alex., p.1369, 265). Semblablement est il verité que savoir la science de politiques profite moult as sages qui ont a gouverner. (ORESME, E.A., c.1370, 99). Et les richesces de celui qui peche en prodigalité ne croissent pas moult (ORESME, E.A., c.1370, 236). Lesquelles parolles oyes par icellui chevaucheur, il qui parle fu moult prié qu'il volsist aler parler audit mons. l'evesque, qui estoit à quatre lieues près dudit lieu de Poitiers (Reg. crim. Chât., I, 1389-1392, 526). ...il portoit entour soy un guelle ouquel avoit certaine monnoye qu'il portoit aus marchans du pays du Maine, pour lesquieulx il avoit vendu bestail à Paris, qui le grevoit moult à porter (Reg. crim. Chât., I, 1389-1392, 562). Luculus ne tarda pas moult (CHR. PIZ., M.F., IV, 1400-1403, 15). Lesquelles sy haultes et sy nobles parolles lui pleurent moult (LA SALE, J.S. E., 1456, 272). Mais a grant paine vouloient ilz tenir ordre, dont il se courrouça moult, car l'un vouloit marcher, l'autre non (LA VIGNE, V.N., p.1495, 283).

-

N'a pas moult. "Il n'y faut pas grand chose" : Et se mes tentes il ne ront Ausquelles rompre n'a pas mont... (GUILL. DIGULL., Livre pèler. vie hum. E.M., 1355, 916).

C. -

[Dans le temps] A moult que. "Il y a pas beaucoup de temps que, il y a longtemps que" : Bremont, Se Dieux me doint joie, il a mont Que je ne finay de penser Comment la mer porriens passer (MACH., P. Alex., p.1369, 114).

-

N'a pas moult que... "Il n'y a pas beaucoup de temps que, il n'y a pas longtemps que" : N'a pas mont que dit avïez Que pas hastive n'estïez (GUILL. DIGULL., Pèler. vie hum. S.C., c.1330-1331, 266). Et non mie fera si comme nous veismes une fois - et n'a pas moult - de noz yeulx avenir... (CHR. PIZ., Trois vertus W.H., c.1405, 79). Vray est que n' a pas moult que debat en fu devant le Roy entre lesdictes parties (BAYE, II, 1411-1417, 189).

II. -

[Dét. indéf.]

A. -

Moult de + subst.

1.

Moult de + subst. plur. "Beaucoup de ; un grand nombre de" : On poeut moult de choses parfaire Ens es nuis de ceste saison. (Dit prunier B., c.1330-1350, 56). Et il l'en rendent moult de graces. (Tomb. Chartr. Trois contes S., c.1337-1339, 83). Dame, moult de filles ont esté qui ont assemblé grant richesses, mais tu les as toutes surmontées et passées. (Mir. ev. arced., c.1341, 104). Et si ot il moult de contraires en sa venue (Bérinus, I, c.1350-1370, 64). ...et leur faisoit moult de bontez et de courtoisies (Bérinus, I, c.1350-1370, 191). ...par laquelle erreur sont moult de maulx venuz a pluseurs gens (ORESME, E.A., c.1370, 106). Mais moult d'autres cas sont selonc diverses choses asquelles pueent estre comparees les puissances (ORESME, C.M., c.1377, 192). Lequel Mathelart dist lors à lui qui parle qu'il savoit bien les estres dudit hostel, et qu'il y avoit moult de biens (Reg. crim. Chât., II, 1389-1392, 34). ...[il] lui a administré et baillié par moult de fois dagues, espées, bacinez, et autres armeures et chevaulx (Reg. crim. Chât., II, 1389-1392, 178). ...et à ce retour print le daulphin Montbeliart et y fit moult de maulx. (LA MARCHE, Mém., II, c.1470, 62). ...grant noblesse et moult de gens s'assemblerent à Chalon (LA MARCHE, Mém., II, c.1470, 174). Notez que Dieu est ez choses creees par moult de manieres (Somme abr., c.1477-1481, 138). Si demanda ses gens et serviteurs, qui de long temps l'avoient servi et auxquelz il avoit fait moult de grans biens (LE CLERC, Interp. Roye, c.1502, 143).

-

[Par l'intermédiaire d'un verbe] : Moult y fist de niches manieres (Dit prunier B., c.1330-1350, 54). Sire, moult ay de pensées Pour Guillaume, duc d'Acquitaine (Mir. st Guill., c.1347, 6).

-

En partic. [Par extraction sur l'ensemble que désigne le groupe prép.] Moult + de + dét. + subst. "Une grande part de" : Ce jour qu'il fut à Londres, il aprist moult des nouvelles du duc de Lancastre et du duc de Glocestre et de son conseil et des consaulx des Londriens, voire ce que on en povoit savoir et non aultre chose (FROISS., Chron. M., XIV, c.1375-1400, 52). ...avant que il venist a Brest, il avoit ja le plat pais de Bretagne et moult des grosses villes si contrains a lui et mis en son obeisance que... (FROISS., Chron. D., p.1400, 468). ...la Court a entendu par plusieurs foiz que moult des procureurs de ceans exigent de leurs maistres, soubz umbre de la Court et pour avancer les procès de leursdiz maistres, grans finances et argent (BAYE, I, 1400-1410, 62).

2.

Moult de + subst. sing. (massif ou abstr.). "Beaucoup de" : Bien soit venuz Berinus, mon hoste, filz Agea, ma bonne dame, qui moult de bien et d'onneur m'a fait (Bérinus, I, c.1350-1370, 42). ...et leur firent moult de laidure et de despit (Bérinus, I, c.1350-1370, 197). ...par effusion de moult d'eaue froide (SAINT-GILLE, A.Y., 1362-1365, 83). ...je croy, se Diex me pourvoie, Que n'avez pas moult de monnoie. (Vie st Fiacre B.C.P., c.1380-1400, 21).

-

[Par l'intermédiaire d'un verbe] : ...moult treuvent d'enpeschement Ains qu'a oeuvre puissent venir (Dit prunier B., c.1330-1350, 41).

-

[Avec inversion] : Et mes fréres renié m'ont Touz trois, qui du mien tiennent mont (Mir. Amis, c.1365, 49).

-

En partic. [Par extraction sur la masse que désigne le groupe prép.] Moult + de + dét. + subst. "Une grande part de" : Et fui en la compagnie dou roi, un quartier d'un an, et euch celle aventure que, ce que je fui en Escoce, il viseta tout son pais, par laquelle visitation je apris et comsiderai moult de la matere et ordenance des Escoçois (FROISS., Chron. M., XIV, c.1375-1400, 128).

B. -

[Rare sans de] : ...je y vy moult et grandes merveilles (JEAN LE LONG, Voy. Odoric A.M., 1351, 2). Et s'en douloient moult gens et disoient que or et argent estoit si chier à avoir et au conquerir que marchandise en estoit toutte morte et perdue (FROISS., Chron. M., XIV, c.1375-1400, 41). ...et largement furent serviz et de moult et riches mès et beaulx. (ARRAS, c.1392-1393, 127).

III. -

[Empl. nom., rare]

-

[Pour désigner des pers.] "Un grand nombre de personnes" : La montaigne que vois lassus Est appellee Pernasus, Ou mons Helicon est de moult Appellez ce tres biau hault mont. (CHR. PIZ., Chem. estude P., 1402-1403, 42).

-

[Au neutre] "Beaucoup de chose" : ...comme leur entendement ne puist encores estre perfect pour le juene aage qui trop pou leur a donné espace de moult aprendre et veoir parquoy aient grant experience pour bien congnoistre le mieulx du pis (CHR. PIZ., Paix W., 1412-1413, 73).

.

Avoir moult à + inf. : L'endemain assez d'un et d'el Trouva assez a besongnier, Car il avoit moult a songnier. (Dit prunier B., c.1330-1350, 47). ...certes je ne pourroie demeurer, car j'ay mout a besoignier. (LA SALE, J.S., 1456, 247).

REM. La forme féminine moulte, assez bien atestée en a.fr., a quasiment disparu : ...il me serroit moulte grande poissance et deshonur s'ils deussent perdre ascune parcelle de droyt (Lettres agn. L., 1401-1406, 108).Sans doute forme fautive dans les ex. suiv. : : Non pourtant moulte envis l'annel esconderoye, Pour ce que dirïez que villaine seroye [forme apparemment appelée par le fait que c'est un personnage féminin qui parle] (Gir. Vienne D.B., c.1350-1400, 167). Par les coustumes passes il se puet dire et conjecturer que ou dit traictie de la paix les conseillers des deux parties en parolles seront moulte humbles, mais au baisser des lances ilz feront une grande lievee de bouclier, c'est assavoir grans choses demandant l'une partie et l'autre de raison et d'equite, nonpas offrant la moitie. (MÉZIÈRES, Songe vieil pèl. C., t.1, c.1386-1389, 375).