| 145 exemples | | 1 | Quar le ciel n'est pas chose materiele ou se il est de matiere, elle est d'autre nature que la matiere des choses de ci bas qui est subjecte a corrupcion et generacion (ORESME, C.M., c.1377, 82). | |
| 2 | Et donques, puisque le monde est chose sensible, c'est une chose singuliere, quar toute chose singuliere est en matiere et, par consequant, singuliere. (ORESME, C.M., c.1377, 152). | |
| 3 | Item le ouvrier en la matere neueuse bien voit le neu ou la deffaulte de l'effect qu'il veult faire, et toutevoies il n'est pas cause du deffault qu'il voit. (Somme abr., c.1477-1481, 167). | |
| 4 | Cestui recuillit toute matiere scibille ["qu'on peut connaître"] et la mist en IIII volumes, qui sont moult beaulx. (SIMON DE PHARES, Astrol., c.1494-1498, f° 126 v°). | |
| 5 | Et si est presque impossible que beaucoup grans personnaiges ensemble et de semblable estat se puissent longuement entretenir, sinon qu'il y ait chef par dessus tous ; et si seroit besoing que cestuy-là fust saige et bien estimé pour avoir l'obeyssance de tous. J'ay veü beaucoup d'exemples de ceste matière à l'oeil, et ne parle pas par ouyr dire ; et sommes bien subjectz à nous diviser ainsi à nostre dommaige, sans avoir grant regard à la consequence qui en advient. (COMM., I, 1489-1491, 91). | |
| 6 | Dit Ihesucrist : le royaume des cieux est dedens vous, cest a dire selon Richart de saint Victor que dedens nous y a matiere de congnoistre le royaume des cieulx. (CIB., p.1451, 195). | |
| 7 | ...[Talbot] n'estoit point bien content quand on faisoit aultre chose que a point, et par especial en matiere de guerre (C.N.N., c.1456-1467, 56). | |
| 8 | Nous poursieurons la matère des Englois, et recorderons petit à petit comment il cheminèrent et quel chemin il tinrent et fissent. (FROISS., Chron. R., IX, c.1375-1400, 284). | |
| 9 | Or vous recorderai le matère dou père le signeur de Mauni, et puis retourrai au fait. (FROISS., Chron. L., III, c.1375-1400, 85). | |
| 10 | "Monseigneur, vous me desistes devant yer que quant nous venriemes au pays du Larre, vous me conteriés la matiere de Mongant de Lourde et comment il morut." (FROISS., Chron. M., XII, c.1375-1400, 48). | |
| 11 | ...je apris et comsiderai moult de la matere et ordenance des Escoçois, et sont de toute tele condition que chi desus vous est devisé. (FROISS., Chron. D., p.1400, 128). | |
| 12 | Et aussi les mauvais habis comme sont vices par mauvaises operacions, chascun en sa matiere, comme gloutonnie par ouvrer gloutement et avarice par ouvrer avaricieusement. (ORESME, E.A.C., c.1370, 148). | |
| 13 | Car celui qui aime et quiert honneur oultre raison dit que il n'en fait pas trop, mais que il fait bien a point et que il est ou moien. Et dit que celui qui est ou moien en fait peu et fait deffaute. Et aussi celui qui deffaut, il dit que il est ou moien et dit de celui qui est ou moien que il excede et fait trop. Semblablement est il en autres matieres, si comme l'avaricieus dit que le liberal est trop large, et celui qui est trop large dit que le liberal est avaricieus. (ORESME, E.A.C., c.1370, 166). | |
| 14 | Au surplus elles sont bien faictes de bois, de pierres et de telz matieres ou près comme plastre (Voy. Jérus., c.1395, 59). | |
| 15 | Alons nous ent sanz point d'esloigne, Et prenez congié a son pere. Trop est de diversse matere Quant sy faitement vous refuse. Sa jonesse povrement use, Car il ne tient de luy nul conte. Plus tendra terre que un conte S'il vit a age. (Vie st Fiacre B.C.P., c.1380-1400, 19). | |
| 16 | Sy vous pry de vraie matere, Et vostre glorïeuse mere, Que me donnez voie tenir Par laquelle puisse venir A sauvement. (Vie st Fiacre B.C.P., c.1380-1400, 20). | |
| 17 | Car certes après ces choses-icy advenues et qui estoient de grant note, plus alloit le temps avant, que plus se trouvoient les matères toudis aigres et dangereuses entre ces deux princes (CHASTELL., Chron. K., t.3, c.1456-1471, 389). | |
| 18 | ...les matières entre le duc et son fils estoient tant agues, taut difficiles et incompatibles, qu tout espoir de bien se perdoit (CHASTELL., Chron. K., t.4, c.1456-1471, 460). | |
| 19 | ...quand je regardoie les matières estre telles entre les deux personnes et de tel dangier tous deux, peu m'estoit d'autre espoir, sinon d'avoir rumeurs et turbations durant leur vie (CHASTELL., Chron. K., t.5, c.1456-1471, 372). | |
| 20 | LA DAME. "Vous aida nuls ?" L'AMANT. "Dame, nennil, Fors vous seule en qui je prenoie Chant, rime et matere de joie." (MACH., R. Fort., c.1341, 136). | |
| 21 | Ce m'esjoïst, dame, quant je puis vir Vo doulç samblant, courtois et amiable, Vo doulç regart, humain et honnourable, Vo bel accueil et vo friche jonece L'umilité de vous et la lïece, Car g' i conçoi d'esperance matere. (FROISS., Orl., 1368, 96). | |
| 22 | Item, ilz encourent souvent par leur pechié maladies, impotences, travail et ennuy, povreté, diffame, haines, perilz et pluseurs autres matieres de desplaisances selon la diversité des vices (ORESME, E.A.C., c.1370, 468). | |
| 23 | J'ay bien matére de courroux Certainement, amis : pour quoy ? Non pas pour ma mére que voy Qu'est morte (...) mais pour autre achoison. (Mir. roy Thierry, c.1374, 287). | |
| 24 | C'est la cause parquoi les guerres (...) sont (...) eslevees ens ou roiaulme de France. Et en a esté matere li calenges et la desfense (FROISS., Chron. D., p.1400, 46). | |
| 25 | ...l'ovrier de architeture ou maçonnage n'a mie fait les pierres et les estoffes, dont il bastist et ediffie le chastel ou maison, qu'il tent à perfaire et où il labeure, non obstant assemble les matieres ensemble, chascune où elle doit servir, selon la fin de l'entencion où il tent (CHR. PIZ., Faits meurs Ch. V, S., I, 1404, 191). | |
| 26 | ...la Court, oye la requeste haranguée de ladicte Université d'Orleans, a respondu que, pour oster toute matiere de division et dissention entre lesdictes Universités et nourrir amour entre elles, a esté meue de faire ledit appoinctement (BAYE, II, 1411-1417, 188). | |
| 27 | Et pour vous dire la raison Dont ce fait cy prent son motif C'est por un grant meschant chetif Qui se dist filz de Dieu le pere, Qui fondement est et matere D'erreur et incredulité, Destruisans toute verité, Lequel se fait nommer Jhesu (MARCADÉ, Myst. Pass. Arras R., a.1440, 150). | |
| 28 | J'ay jeune femme (...) qui aucunement peut estre occasion a pluseurs de la requerre de deshonneur. Et a elle aussi, s'elle estoit aultre que bonne, me bailler matiere de jalousie (C.N.N., c.1456-1467, 95). | |
| 29 | Et si vous prie que ad ce tenez la main que je n'aye cause d'en trouver aucune matere de jalousie. (C.N.N., c.1456-1467, 95). | |
| 30 | ...il est tout cler que courroux est matière d'aigreur et de felleté (CHASTELL., Chron. K., t.1, c.1456-1471, 124). | |
| 31 | ...en dura l'assault cincq heures entieres, la ou les bons corpz et les valereux corages avoient matere assez et lieu pour eulx monstrer (CHASTELL., Chron. IV, D., c.1461-1472, 78). | |
| 32 | Dont, quand ce vint que [le maréchal de Bourgogne et le seigneur de Rocefort] veoient le seigneur de Croy avoir matiere contre ly [le chancelier de Bourgogne] pour si grande comme ceste, se joingnirent a ly et conspirerent a l'enversement de sa charette, car veoient temps propre et matere. (CHASTELL., Chron. IV, D., c.1461-1472, 110). | |
| 33 | Les fains amis communement usent de flateries pour verité, mais le vray amy dit et conseille verité en tous temps et en toutes materes. (FILLASTRE, Traité Conseil H., c.1472-1473, 166). | |
| 34 | Il en i avoit pluiseurs qui ne demandoient que le rihote et le destrution des nobles et Londres estre toute courue et pillie. Che estoit le principaulx matère pour quoi il avoient commenchiet, et bien le monstroient. (FROISS., Chron. R., X, c.1375-1400, 111). Piètres dou Bos s'aquinta de lui de parolles, et puis li ouvri la matère pour quoi il estoit là venus. (FROISS., Chron. R., X, c.1375-1400, 82). | |
| 35 | En ces entrefaictes, le roy se tint et sejourna à Tours, à Amboise, Vendosme et autres lieux près d'ilec, pardevers lequel lesdiz Anglois alerent ; et aussi y fut et ala la royne d'Angleterre et le prince de Galles son filz. Et, ilec tous arrivez, fut pourparlé entre eulx de la matiere pour quoy ilz estoient ilec tous venus et arrivez. (ROYE, Chron. scand., I, 1460-1483, 240). | |
| 36 | A Lohier de Blainville, cordier, pour un cable de corde de canvre, pour guidier les matieres, pour faire la tour... (DU MAREST, Comptes L., 1412-1433, 73). | |
| 37 | Nous avons bien cause et matiére De plourer pour le grief meffait Que nous li avons a tort fait. (Mir. Theod., 1357, 124). | |
| 38 | "Et si avons trop bien cause et matère de envoiier en Engletière, tant pour le commun pourfit de Flandres que pour nous mettre à seur et donner doubte à nos ennemis." (FROISS., Chron. R., X, c.1375-1400, 262). | |
| 39 | J'ay de joie faire matere, Car j'ay les anges parceüz (Vie st Fiacre B.C.P., c.1380-1400, 28). | |
| 40 | JHESUS. Tu n'as matiere de plourer, Femme ; prens ton fils et l'enmene. (GRÉBAN, Pass. J., c.1450, 161). | |
| 41 | ...la femme qui nagueres au bailly d'Amiens se complaignit de son mary pour le tresgrand traveil qu'il luy donnoit de semblable cas n'avoit pas si bien matere de soy douloir que ceste cy. (C.N.N., c.1456-1467, 87). | |
| 42 | Quatre cens ans nostre discort A duré, et m'avez a tort Pour la vie tenu frontiere, Mais nous avons present matiere, En ceste cene tresplaniere De tenir convy triumphant. (Cene dieux, c.1492, 125). | |
| 43 | "Gentilz sires, vous me faites plus d'onneur que je ne vaille. Et Diex vous puist remerir la courtoisie que vous me faites ! Je sui uns povres homs qui desire mon avancement, et vous me donnés bien matère et exemple que je traveille volentiers..." (FROISS., Chron. L., IV, c.1375-1400, 83). | |
| 44 | ...les ordonnances et estatus anciens fait sur la pugnicion de ceulx qui sont trouvez delinquans ès cas et matiere dessus dit (Reg. crim. Chât., I, 1389-1392, 304). | |
| 45 | ...depuis leurs premiers advis et oppinions cy-dessus escrips, par eulx fais et dis, ilz avoient pensé et estudié à la matiere dessus dite, et eu regart ad ce que les drois dient de semblables fais (Reg. crim. Chât., I, 1389-1392, 362). | |
| 46 | Tous lesquelx, veu ladite enqueste et procès, consideré la matere, qui est moult grant, delibererent et furent d'oppinion que il estoit dignes et avoit desservy estre, pour les causes dessus dites, tourné ou pilory, la langue percée (Reg. crim. Chât., II, 1389-1392, 26). | |
| 47 | ...les deux premièrez tenans ensemble et joingnans l'un à l'autre, (...) butent à Jehan Aumont, le coustour, sauf et exepté le coulombier et l'aller et venir à icellui, par où il est accoustumé, et lieu et place convenable auprez d'icellui coulombier pour mettre matierez et allours à icellui repparer, touteffoiz que mestier en sera, et le mailleiz d'icellui et d'autre costé au mur desdiz religieux (Cartul. Hôtel-Dieu Cout. L., 1431, 248). | |
| 48 | ...et aussitost comme elle ot eu un petit d'eaue à boire, requist instanment que l'en la meist hors de laditte question, et elle diroit verité des crimes et excez par elle fais sur la matiere dont elle est accusée (Reg. crim. Chât., II, 1389-1392, 302). | |
| 49 | Par foy, sire roys, dist Jossellins, il dist verité. Et oultre plus, icellui Hervy occist le nepveu du roy vostre predecesseur, en trahison, et s'en fouy hors du pays, ne oncques puis n'en fu nouvelle ouye. Et lors ly roys me donna toutes a [l. toute sa] terre qu'il avoit forfaitte. Et le roy respondy : Nous avons assez ouy parler de ceste matere ; mais laissiez ce chevalier pardire sa raison qu'il a encommenciee. (ARRAS, c.1392-1393, 56). | |
| 50 | J'ay grant honte d'avoir onc plaidé cause De matiere de si grant horreur plaine. (Cene dieux, c.1492, 116). | |
| 51 | Item, que toutes les parties qui ont afaire audit Eschiquier se representent dedens dimenche pour tout le jour, c'est assavoir, pour les matieres civiles devers le greffier civil et pour les matieres criminelles devant le greffier criminel (Echiq. Normandie S., 1423, 111-112). | |
| 52 | A quoy les gens du roy requirent deffault estre donné pur et simple et, là où il ne leur en serait donné, ilz persisteroient en matière criminelle et capitale et que, à ceste fin, deffault leur fut donné. (MOLINET, Chron. D.J., t.1, 1474-1506, 580). | |
| 53 | ...audit Colin Lemercier tant pour matières que pour la paine de lui et de deux varlés d'avoir recouvert sur la court de l'Eglise de mondit seigneur, sur les chambres des examinateurs, sur les degrez par où l'en va en la salle du tynel et en l'escriptoire des clers des vicaires, que aussi pour refourmer le mur d'entre la bucherie et le petit celier (Comptes Archev. Rouen J., 1432-1433, 118). | |
| 54 | Et si y avoit matieres ordonnees pour la repparacion, mais tout fut prins, dissipé et gasté, vendu et aliené, les jardins destruis, et estoit pitié que de y estre. (JUV. URS., Nescio, 1445, 495). | |
| 55 | ...et obtint du roy, son maistre, de reclorre de murs Jherusalem, qui avoit esté razé, (...) et fist si très bonne dilligence que en deux ans et IIII mois fut close de tours et de muraille, aussi bien que oncques avoit esté, et avoient les ouvriers l'espée à leur costé et portoient les matieres et besongnoient de l'autre. (SIMON DE PHARES, Astrol., c.1494-1498, f° 48 r°). | |
| 56 | LE BOURRIAU. Alumer vueil par telx effors Ce feu, puis que j'ay la matiére, Qu'il fauldra c'on se traie arriére (Mir. femme, 1368, 216). | |
| 57 | Et tout ainsy comme le feu plus a de matiere, et plus s'espart et s'efforce, pareillement saint Pol embrasé tout de l'amour de Dieu enflammoit ceulz ausquelx il estoit joingt (GERS., P. Paul, a.1394, 511). | |
| 58 | Et les ..IIII.. elemens peuent estre dis ..IIII.. matieres des corps mixtes. (ORESME, C.M., c.1377, 700). | |
| 59 | Les fait là suz en l'air monter [plusieurs vapeurs de l'eau et de la terre], Et Mars aprèz, au vray compter, Qui trop est sec et forment chault, Les embrase par tant en hault, Dont descendent, pour la matière Estant pesant plus que légière, En forme de pouldre ou de cendre, Lesqueles certes au descendre Se meslent et font mixtion Au bas air en sa région (LA HAYE, P. peste, 1426, 27). | |
| 60 | Item la matere du feu est eternele, c'est a dire la tache et l'ordure du pechié, et pour tant la paine doibt durer sans fin. (Somme abr., c.1477-1481, 176). | |
| 61 | En oultre, il n'est pas expédient ne politique que telle matière, c'est assavoir, or et argent, soit en trop grande habundance (ORESME, Monnoies W., c.1365, XIII). | |
| 62 | ...eulx deux ensamble ont fait et fondu billon d'argent et de cuivre ensamble, et fait de l'aloy de icelle matiere, et, icelui aloy fait, ont ordonné billes de ladite monnoye, qu'il qui parle a aplaties, rongnées, arondies et blanchies (Reg. crim. Chât., I, 1389-1392, 489). | |
| 63 | Mais, pour cela que l'ambre pure Est à trouver chose moult dure Et seult couster une grant somme, Peut on composer une pomme De mainte autre bonne matière, Qui ne sera mie si chière, Pour laquele former et faire Vecy la recepte ordinaire (LA HAYE, P. peste, 1426, 147). | |
| 64 | ...et mectés dedans [dans la poelle] du lart en quoy l'on a souffrit [surfrit] le grein qui est affinés, et y mectés selon la quantité de la matere que vous avés, et soit mise sur beau feu cler. (CHIQUART, Cuis. S., 1420, 157). | |
| 65 | LE MOUNYER. Nostre matiere Se perdra, j'en ay grosse peur ; Car j'ey afaire à un trompeur (Gent. moun. T., c.1500, 336). | |
| 66 | ...comme est fievre, laquelle est causee, aucune foys, de trop grant habundance de matiere colorique et, pour ce, il avient mainte foys que, par grant habundance de celle matiere colorique, un homme voit et prent en songent une ymaginacion de fievre avenir. (Songe verg. S., t.1, 1378, 382). | |
| 67 | ...il n'est rien qui tant frappe la teste ne tant conduyse les matieres au cerveau comme le vin (PREVOST, Cir. Guill. Salicet, 1492, I, 23). | |
| 68 | Il esconvient evacuer par medecine laxative la matiere digeree, et non mouvoir la matiere crue, especialment ou commencement, se ainsi n'estoit que la matiere feust furieuse. (SAINT-GILLE, A.Y., 1362-1365, 57). | |
| 69 | ...car aussi enssuit art nature voulentiers, sy come nous veons, en l'art qui fait les pos, que une certaine terre et qui en certaine maniere est duite et preparee est matere du pot, et la forme est le tour et la figure que le potier ly baille (EVR. CONTY, Eschez amour. mor. G.-T.R., c.1400, 210). | |
| 70 | Et, se la matière est trop dure, L'en doit user de coléure De suc de cassiafistule, Car moult se griève qui recule De se laschier courtoisement Par ceste forme ou autrement (LA HAYE, P. peste, 1426, 105). | |
| 71 | Et Xantus dit a Esope : "Pour quoy est ce que, quant les hommes ont purgé leur ventre, ilz regardent leur matiere ?" Et Esope luy dit : "Le temps passé fut ung philozophe, lequel souvent purgoit son ventre, et pour la doubte que avecques sa fiente sa science espenchoit, il la regardoit. Et, de celuy temps, les hommes ont doubté cestui cas..." (MACHO, Esope R., c.1480, 39). | |
| 72 | Item, trop longuement et plus que nature requiert retenir les matieres fecales, c'est adire la grosse matiere, s'ensuivent moult d'inconveniens pour ce que le foye et les vaines meseraique sechent quasi toutes les humeurs des grosses matieres. (Rég. santé corps C., 1480, 2). | |
| 73 | Le tiers est aprés ce que l'omme est levé de son repas doit ung petit cheminer a ce que les suparfluités de l'estomac, des boyaux et du foye, comme les grosses matieres et de l'orine soient plus facilement deboutees. (Rég. santé corps C., 1480, 5). | |
| 74 | ...en l'hiver passé le roy avoit esté malade durement et lui attribuoit-on mal incurable en une jambe qui toudis couloit et rendoit matères incessamment, qui le mettoit à fin. (CHASTELL., Chron. K., t.3, c.1456-1471, 444). | |
| 75 | ...aveuques la fievre que avoit aspre et mortele luy vindrent telle habondance de fleumes contremont et de materes corrumpues que, qui ne luy eust fait une ouverture de veine, subitement il fust estouffé dedens et mort (CHASTELL., Chron. IV, D., c.1461-1472, 146). | |
| 76 | Et pour decider ceste matiere est a noter que selon la diversité du corps, plus grant ou moindre quantité de viande est convenable au disner que au souper, car les corps sont sains ou il declinent en maladie ; si declinent a maladie, ou en maladie materielle ou sans matiere. (Rég. santé corps C., 1480, 11). | |
| 77 | La troiziesme [chose] sont le boire et le mengié chault, car par la chaleur la matiere de la rume froide se pourrist et digere. La quarte est le traveillier, car le traveil consume la matiere de la rume et deseiche toutes les suparfluités du corps. (Rég. santé corps C., 1480, 131). | |
| 78 | Environ ce est a noter que fistule est ulcere de laquelle fluit continuelment matiere, et a periode en son flui selon divers temps ou diverses lunes jetant matiere en plus grande quantité. (Rég. santé corps C., 1480, 133). | |
| 79 | ...toutesfois le sanc est le fondement de la chaleur naturelle, naturellement car de lui sont les esperis et la chaleur naturelle, et pour ce celui qui evacue le sanc evacue la chaleur naturelle qui doit digerer et maturer la matiere de la maladie, et pour ce la maladie s'en prolonge et la vertu se debilite (Rég. santé corps C., 1480, 162). | |
| 80 | Mais, au contraire, la matiere premiere n'est pas la substance de la chose composee tant comme est la forme. (ORESME, C.M., c.1377, 616). | |
| 81 | Deux autres philosophes cest assavoir ypasus et eraclitus mirent le feu estre principe et matere des choses et puet estre furent meus ad ce pour la soubtillete et noblece quil a. (CHR. PIZ., Avision T., 1405, 122). | |
| 82 | ...estans ta consideracion sur toy mesmes qui es terre quant au corps, tu y trouueras grant latitude de diuerses choses et merueilleuses, et par ceste meditacion tu loueras ma puissance, ma sapience et bonte. Considere quant au corps la matiere, la forme, la multitude des menbres et la connexion, lordre et adaptacion diceux, comment ilz seruent naturellement lung a lautre et secourent lung lautre (CIB., p.1451, 185). | |
| 83 | Mais pour ce qu'en Dieu n'est aucune division partissable et est totalement simple selon la vertu, puissance et essence, il ne puet estre infini selon la vertu qu'il ne soit aussi infini selon l'essence. Selon la seconde maniere la matere, qui est ung des principes de choses corporeles et visibles, est infinie, car elle est imparfaite et sans perfection. (Somme abr., c.1477-1481, 133). | |
| 84 | Semblablement se char et os sont la matiere de honme, et se de toute la char et de touz les os qui sont et qui pueent estre, estoit fait un honme lequel ne puet estre dissolut ou courrompu, pour certain nul autre honme ne pourroit estre. (ORESME, C.M., c.1377, 156). | |
| 85 | ...et sy y ra une chose qui demeure et arreste en toute la transmutacion dessusdite et qui devant estoit soubz la forme de l'yaue corrumpue et maintenant elle est soubz la forme de l'air de nouvel engendree, et c'est ce que on appelle proprement la matere ; et de ce s'enssuit il que la matere est ingenerable et incorrumpable, come Aristote dit. (EVR. CONTY, Eschez amour. mor. G.-T.R., c.1400, 211). | |
| 86 | La matiere a en soy une puissance qui est commune a deux choses contraires et pour ce si tost comme elle est soubz une forme, elle a desirz et appetit d'estre soubz son contraire (CORBECHON, Propriétés, 1372, X, 1, 179 v°). | |
| 87 | Et tout ce est possible, et ceste possibilité sera reduite a fait en ceste maniere par neccessité de nature, qui ne puet souffrir que une matere ait touzjours une forme ne que une chose corruptible dure touzjours. (ORESME, C.M., c.1377, 256). | |
| 88 | ...après leur a esté dit par la Court, que pour ce que la matiere est grande, grosse et notable, et est expediens que chacun l'oie et entende, que le jour que parleront proposient en françoiz, pour ce que touz ceulx qui viennent ceans oïr les Plaidoiries n'entendent pas latin. (BAYE, I, 1400-1410, 158). | |
| 89 | Et a dit la Court que ceste matiere devoit premierement estre traictée ou Grant Conseil du Roy, presens monseigneur le Daulphin et les autres du Grant Conseil, ausquelz appartenoit principalment du pourveoir sur ce. (FAUQ., I, 1417-1420, 30). | |
| 90 | ...esperant que pendant ledit temps ilz deussent envoier devers vous pour l'adoussissement des matières (ESCOUCHY, Chron. B., t.3, Pièces justif., 1448, 195). | |
| 91 | Car la certainneté ne doit pas estre quise, ne aussi ne pourroit estre trouvee en toutes sciences semblabement en l'une comme en l'autre ; aussi comme nous voions des arts manueles, que l'en oeuvre plus proprement d'une matere que d'autre. (ORESME, E.A., c.1370, 106). | |
| 92 | ...et au regard des materies dont nous a parlé ledit Angel, nous l'avons voulentiers oy, et sur icelles l'avons fait expédier en la manière que par luy pourrez savoir. (Roi René vie L., 1451, 265). | |
| 93 | ...le dit seigneur roy de Secille me dist que à mes argumens ne me sauroit soulder, et que puisque je ne me contentoye de sa responce, il envoiroit quérir messire Jehan Martin son chancellier de Prouvance, et messire Vidal de Cabannes pour me respondre et débatre la matière avec moy (Aff. Jacques Coeur M., 1453-1457, 202). | |
| 94 | Si commenchièrent à aler de l'un à l'autre li doi trettieur et à mettre raisons et pareçons avant, et à entamer matère de paix ou de respit. (FROISS., Chron. R., VIII, c.1375-1400, 191). | |
| 95 | ...je diray ce que j'ay sceu d'un bien grant qui a esté de vostre court, c'est que une foys quant on parloit a vous de ceste matiere, vous respondistes que vous aymeriez mieulz attendre la misericorde de Dieu jusques a mourir que faire ou ordonner chose qui fust contre nostre foy. (GERS., Noël, p.1404, 312). | |
| 96 | Et, sans plus avant parler ou dire de ceste matiere ensamble, se parti, lui qui parle, de la compagnie d'icelle Perrete, et print congié d'elle. (Reg. crim. Chât., I, 1389-1392, 275). | |
| 97 | Et dist oultre et cogneut que, depuis ce que elles deux ont esté prisonnieres en la Griesche, pour souspeçon de ce que dit est dessus, elles ont parlé ensamble de ceste matiere, et que elles s'entredirent que elles gardassent bien que elles ne deissent aucune chose de la matiere dessus dite, et n'en accusassent point li une l'autre. (Reg. crim. Chât., I, 1389-1392, 357). | |
| 98 | Et de ceste matiere parle Vallerius au commencement de son VIe livre (LA SALE, Salade, c.1442-1444, 25). | |
| 99 | Sur quoy, par l'advis de Octo, leur ay fait responce que ceste matière m'estoit nouvelle et n'en avoye jamais oy parler (Aff. Jacques Coeur M., 1453-1457, 140). | |
| 100 | J'ay escript de ceste matière audit Monseigneur de Bourbon par mon clerc Alain Delacroix afin qu'il se déporte desdictes entreprinses et empeschemens (Aff. Jacques Coeur M., 1453-1457, 142). | |
| 101 | Vous savez que nous avons beaucop demain a besoigner, et qu'il nous fault lever matin pour telles materes, et pour telles, qu'il vous fault expedier (C.N.N., c.1456-1467, 208). | |
| 102 | Un povre homme puet bien avoir le cuer et la volenté de ouvrer selon magnificence, mais il n'en puet user ne la excercer par deffaute de matere et de mise. (ORESME, E.A.C., c.1370, 245). | |
| 103 | ...comme si pour une grosse matere fust allée devers monseigneur le chanoine, ainsi honorablement et gravement y alla elle [Elle va retrouver son amant, le chanoine] (C.N.N., c.1456-1467, 521). | |
| 104 | ...le clerc cuidoit que elle luy deust ouvrir quelque matiere grosse et difficile (C.N.N., c.1456-1467, 572). | |
| 105 | Quant ce vint apriès souper, sus l'eure de mienuit, et que on eut ordené leur ghet, ensi que on bourde et gengle d'armes, et il en avoient entre iaux assés matère de parler, messires Gallehaus dist... (FROISS., Chron. L., V, c.1375-1400, 204). | |
| 106 | ...mais sachez: de quelle condicion qu'elle soit, proude femme ou aultre, il y a une reigle generalle en mariage, que chacune croit et tient que son mary est le plus meschant et le moins puissant au regard de la matere secrete que touz les autres du monde. (Quinze joies mar. R., c.1390-1410, 57). | |
| 107 | Ainxin le fait et joue tres bien son personnage, quar il n'est rien si sachant come est femme en ce qu'elle vieult faire touchant la matiere secrete. (Quinze joies mar. R., c.1390-1410, 89). | |
| 108 | Une fois estoit le sire de Corasse d'en costé le conte de Foeis. Si gongloient entre eulx deulx ensamble de Harton, et chey à matiere que le conte li demanda : "Sire de Korasse, avez-vous point encores veu vostre messagier ?" (FROISS., Chron. M., XII, c.1375-1400, 177). | |
| 109 | Pour doncques entrer en matiere et pour vous donner confort en vostre adversité, dittes moy se vous estes le Chevalier Doré, ou au moins celui que l'en nomme ainsi (Percef. III, R., t.2, c.1450 [c.1340], 18). | |
| 110 | Mais Blanchette demoura avecques Liriope et Priande, qui estoient ferues d'Amours, dont elles entrerent en matiere, car il n'en avoit nulles des trois qui n'y fust boutee bien avant. (Percef. III, R., t.1, c.1450 [c.1340], 224). | |
| 111 | Ilz laverent, et s'assistrent, et furent bien servi. Et puis, après soupper, si deviserent de pluseurs materes, et puis alerent couchier. (ARRAS, c.1392-1393, 37). | |
| 112 | ...les deux bons chevaliers se mettent en devises de pluseurs et diverses materes. (C.N.N., c.1456-1467, 75). | |
| 113 | ...le Roy ordonne que la maison messire Charles de Savoisy sera demolie et abatue aux coulx et despens de la matière d'icelle maison, et le residu d'icelle matiere sera baillée à l'eglise de Saincte Katerine du Val des Escoliers (BAYE, I, 1400-1410, 112). | |
| 114 | ...[il] ne fut depuis gueres aise tant qu'il eut trouvé le pere de sa dame et se mist en langage avecques luy de pluseurs et diverses materes. (C.N.N., c.1456-1467, 295). | |
| 115 | Ilz commencerent a deviser d'unes et d'aultres matieres. (C.N.N., c.1456-1467, 345). | |
| 116 | Quant la bielle le vit [son ami sortir d'un dragon et entrer dans sa chambre], se mua le coulour. Ne vous mervilliez pas s'elle ot adont paour ; Si hardy homme n'a en tiere paiennour Qui ne perdist matere. (Jourd. Blaye alex. M., a.1455, 748). | |
| 117 | ...pour approchier nostre matere et verifier, il avint depuis que le duc de Guerles, nepveux du roy Edouart d'Angleterre, morut sans avoir enfans (FROISS., Chron. M., XIV, c.1375-1400, 152). | |
| 118 | ...le roy de France et le duc de Bourgoingne (...) mistrent le main à celle guerre ; et pour venir au fons de la vraye hystoire et matiere, et le contenir au long, je vous diray ainsi. (FROISS., Chron. M., XIV, c.1375-1400, 142). | |
| 119 | ...nous (...) procederons en nostre hystoire et vraye matiere. (ARRAS, c.1392-1393, 10). | |
| 120 | ...avinrent aussi entre Engleterre et Escoce aultres besongnes et grans fais d'armes, desquelles je vous parlerai car la matere le demande. (FROISS., Chron. D., p.1400, 201). | |
| 121 | De cestui Cressus Vallerius parle grandement en son premier livre et au chappittre des Estranges Songes et en la lettre "Efficax, etc.", et aussi en ce meismes lieu en la lettre "Cirus, etc." ; qui sont très belles et delitables matieres : sy les pourra la veoir qui vouldra. (LA SALE, Sale D., 1451, 155). | |
| 122 | ...[Le livre] traicte cent histoires assez semblables en matere, sans attaindre le subtil et tresorné langage du livre de Cent Nouvelles. (C.N.N., c.1456-1467, 22). | |
| 123 | Pour retourner a la matere de nostre propos encommancé, nous lairrons nostre homme ou bahu (C.N.N., c.1456-1467, 185). | |
| 124 | L'eglise y est faicte de grant matiere, A haulx pilliers de moult riche entaillure (LA VIGNE, V.N., p.1495, 205). | |
| 125 | Pour rentrer en matere, ceste bonne dame fut mariée a ung aultre chevalier. (C.N.N., c.1456-1467, 423). | |
| 126 | Je lui donne [à mon père adoptif, Guillaume de Villon] ma librarye Et le roumant du Pet au Deable, Lequel maistre Guy Tabarye Grossa, qui est homs veritable. Par cayeulx est soubz une table ; Combien qu'il soit rudement fait, La matiere est si tres notable Qu'elle admende tout le meffait. (VILLON, Test. R.H., 1461-1462, 78). | |
| 127 | Samblablement le filz adoptif aprez la mort du pere adoptant ne puet contraire mariage avec celle qui a esté femme de son pere. Et souffisse a present de ceste matere. (Sacr. mar., c.1477-1481, 62). | |
| 128 | LE MESSAGIER. (...) Messieurs, allez vous tous disner, Car pause faisons sur ce poinct ; Mais, s'il vous plaist, n'arrestez point De revenir, d'amour entiere, Car au jour d'uy, de poinct en poinct, Acheverons nostre matiere. (Cy finist la matinee du mercredi, troisiesme jour de ce present mistere.) (LA VIGNE, S.M., 1496, 514). | |
| 129 | Et de ceste matere et autres choses le roy en rescripvit audit grant maistre qui en fist responce, et escripvit au roy en ceste maniere... (LE CLERC, Interp. Roye, c.1502, 362). | |
| 130 | ...mais quant la matere est subtilement couchee en briefves paroles, lors memoire les met en garde. (DAUDIN, De la erudition H., c.1360-1380, 102). | |
| 131 | Premierement, pour mieuls entrer en la matere (...) vous devés sçavoir que (...) li biaus rois Phelipes de France eut mariee sa fille Izabiel au roi Edouwart d'Engleterre (FROISS., Chron. D., p.1400, 41). | |
| 132 | Nous nos cesserons a parler dou roi d'Engleterre, tant que temps et lieus retourneront que il en apertenra a parler, et enterons en la matere des gerres de Bretagne, qui furent moult grandes et moult fortes, et qui durerent moult longement et par lesquelles moult de mauls et de violenses sourdirent (FROISS., Chron. D., p.1400, 461). | |
| 133 | Pour rentrer en matere, ceste bonne dame fut mariée a ung aultre chevalier. (C.N.N., c.1456-1467, 423). | |
| 134 | Mais il convient bien aviser de quel matere on veult l'engien de l'escolier endoctriner. (DAUDIN, De la erudition H., c.1360-1380, 40). | |
| 135 | ...ung ouvrier ne peult ouvrer s'i n'a la matiere requise a son ouvrage (LE FORESTIER, Rég. épid. pest., 1495. In : Chrestom. R., 279). | |
| 136 | Et comme dist Hugue : "La leçon administre matere pour congnoistre verité, et meditation le applique". (DAUDIN, De la erudition H., c.1360-1380, 124). | |
| 137 | ...en grant devotion parla au dit custode de pluseurs choses touchans a son emprise de recouvrer son royaume de l'estat d'Oryent du souldan de Babilone du paÿs de par dela, et comment legierement a l'ayde de Dieu se porroit conquerre et des circunstances appartenans a la dicte matere. (MÉZIÈRES, Vertu sacr. mar. W., c.1384-1389, 387). | |
| 138 | ...l'un des dictz marchans, voyant que ou demené de la matere on n'y prouffitoit en riens, il dist qu'il luy sembloit qu'il avoit advisé ung aultre expedient (C.N.N., c.1456-1467, 393). | |
| 139 | ...de grand haste et ardent desir qu'il eut d'entamer la matere qu'il vouloit ouvrir [projet ici de caractère sexuel], il oblya de serrer l'huys de la chambre (C.N.N., c.1456-1467, 432). | |
| 140 | ...avoit une fin dernière résolue en bien, et pour icelle accomplir s'associa au jeune duc de Bourgongne, parce que en luy véoit matière semblable à la sienne : c'estoit du voyage en la Terre-Sainte par chrestien effort (CHASTELL., Chron. K., t.1, c.1456-1471, 334). | |
| 141 | ...de tout son pooir il s'employroit voulentiers en ceste matere (CHASTELL., Chron. IV, D., c.1461-1472, 92). | |
| 142 | Ledit du Lau honnoura mal [son] veu, quant il voulut mettre en servitude le roy et qui tant luy avoit fait de biens et honneurs. Et est à noter que, [de] ceulx qui se meslerent de ceste matiere, les aucuns en moururent confez et repentans (LE CLERC, Interp. Roye, c.1502, 189). | |
| 143 | Mais nous devon laissier maintenant les questions natureles qui pourroient estre faites en ceste matiere (ORESME, E.A., c.1370, 415). | |
| 144 | Et quant ausdictes finances, pour y pourveoir plus especialment, soient appelez dix ou douze preudommes et expers en tele matiere qui advisient aucun bon remede (BAYE, II, 1411-1417, 157). | |
| 145 | Certes tu as bien matiere et large en toy, tant en ton corps que en ton âme, sur laquelle tu peulx eslargir et espandre ta meditacion a la fois sur le corps a la fois sur lame selon son estre et condicion naturelle (CIB., p.1451, 185). | |
|
