I. -

[Idées d'abattement, de tristesse ou bien de faiblesse, ou encore de morosité]

A. -

[D'une pers.] "Abattu, triste, affligé, découragé" : L'un a sus l'autre telle envie Qu'il en sont touz mat [var. mornes] et pensis. (DUPIN, Mélanc. L., c.1324-1340, 170). Sachiez que ces sis damoiselles, Qui sont juenes, gentis et belles, Sont champions et advocas Pour l'amant qui est si trés mas Qu'il est de toute doleur pleins Pour la doubtance des villeins. (MACH., D. verg., a.1340, 43). Mais quant mes maus retraire li cuidoie, Si paoureus, Si veins, si mas, si las, si engoisseus, Si desconfis, si tramblans, si honteus Estoit mes cuers et dou mal amoureus Si fort espris, Qu'en li n'avoit scens, maniere, n'avis, Einsois estoit com transis et ravis (MACH., J. R. Beh., c.1340, 75). ...elle [Fortune] ne sejourne, Eins tourne, retourne et bestourne, Tant qu'au desseure Mest celui qui gist mas en l'ourne ; Le sormonté au bas retourne, Et le plus joieus mat et mourne Fait en po d'eure. (MACH., R. Fort., c.1341, 34). Si tournay un petit ma teste En gettant un plaint dolereus, Comme homs veins, mas et langoreus, Et entrouvri l'un de mes yeus Un petit, - car je ne pos mieus, - Pour ce que voloie vëoir Entour moy. (MACH., R. Fort., c.1341, 54). Mais vous qui avez de perir Tant de grans pecheurs respité D'un en vueillez avoir pitié Qui ceens est tristes et mas Pour ses pechiez (Mir. parr., 1356, 58). Las ! ce m'ocist et me fait dire : helas ! Ce fait que sui dolens, tristes et mas, Ce me deveure. (MACH., F. am., c.1361, 160). ...j'estoie du tout perdus, Mas, desconfis et esperdus (MACH., Voir, 1364, 174). Mais je serai lors tous chenus, Foibles, impotens, mas et sombres. (FROISS., Joli buiss. F., 1373, 60). Amis, dolens, maz et desconfortez Partez de moy et volez que je croie Que vos cuers m'est tous entiers demorez. Tres bien le croy ; dont je ne vous porroie Si biau don guerredonner, Et vous peüsse à fin souhait donner Quanque desirs en ce monde saveure, En lieu dou cuer, amis, qui me demeure. (MACH., Bal., 1377, 544). Et seul pour ce que je ne die pas Que ja mes cuers ait chose qu'il desire, Mors ne me vuet penre ne deingne occire, Dont je languis, dolans, tristes et mas. (MACH., Les lays, 1377, 303). Ce me tient com faucon en mue, Merencolieuse, esperdue, Triste, mate, taisant et mue ; Ce ma joie en tristece mue, Ce confont mon cuer amoureus. (MACH., Les lays, 1377, 367). Et tant s'esploicta qu'il vint au palais, et la descendy. Si trouva le peuple moult mat. Lors demanda qu'il leur failloit. Par foy, fait ly uns, assez devons dueil mener, car nous perdons le meilleur roy et le plus preudomme qui oncques feust en ce royaume. (ARRAS, c.1392-1393, 114). Tristes, mornes, mas et pensifs (CHR. PIZ., M.F., II, 1400-1403, 297). L'ABBÉ. (...) Saichez seurement Que nostre evesque est trespassé (...). PRIEUR. J'ay le cueur triste, mact et las, Le corps plain de proplecité, Bany de joye et de soullas S'ainsi est qu'avez recité. (LA VIGNE, S.M., 1496, 575). DECIUS. Laissez le la, ma seigneurie, Dessus le feu, je le conclus ; Car je m'en voys matte et confus : Oncques nul jour ne le fuz tant. (Myst. st Laur. S.W., 1499, 249).

-

[Du coeur] : Dame, oncque me cuer ne fu mas De vos seruire en volenté (Sept péchés C., c.1300-1350 [p.1478], 218). Brief, le souvenir Rent mon cueur tout mat et cassé. (Myst. jeune fille L., c.1413-1445 [c.1530], 7).

-

[Du visage] Mate chere. V. chere : Ne m'en faites ja mate chiére (Mir. enf. diable, c.1339, 5). LA CHAMBERIERE. Lasse ! J'ay bien de mate chiere Faire cause et raison sanz faulte Pour vous (Mir. enf. ress., 1353, 40). Joie n'avoie ne soulas, Ains disoie souvent : "Hé ! las !" Secretement et en mon lit, Sans avoir joie ne delit, N'avoie bon jour ne demi. Mais il ne m'estoit riens de mi, Fors de ma douce dame chiere, S'en avoie mate la chiere. (MACH., Voir, 1364, 88). A l'endemain que la besongne fu avenue à Juberot (...) le conte de Foeis le sceut, dont on ot grant merveille comment ce povoit estre, et (...) il fist à Ortais, en son chatel, si mate et si simple chiere que on ne povoit estraire parole de lui. (FROISS., Chron. M., XII, c.1375-1400, 171). Et quant on a receu un hoste en son hostel et on lui fait mate chiere, il a cause de s'en aler. (Horloge de sapience S., c.1389, 98). ...cuer triste et mate chiere (Prières saints R., t.2, 1400-1500, 329). ...laquelle faisoit une tresmate chiere et ung trespiteux semblant. (WAUQUELIN, Belle Hélène Const. C., c.1448-1452, 48). ...aprés la lecture d'icelles [lettres] elle fist tres macte chiere (LA SALE, J.S., 1456, 262). ...il faindit, comme bien le savoit faire, une sure et matte chere, et monstra semblant de courroux. (C.N.N., c.1456-1467, 231). ...elle ne respondoit mot, mais tousjours [rechignoit], et de plus en plus triste chere et matte elle faisoit (C.N.N., c.1456-1467, 471). Pÿons y feront macte chierre, Qui boyvent pourpoint et chemise ! Puis que boiture y est si chiere, Dieux nous garde de la main mise ! (VILLON, Test. R.H., 1461-1462, 75).

-

Estre mat de : Mais si tu fais que joie aqueure Et que de confort me sequeure, Par quoy de ses douçours saveure, Tres bien feras. Car quant tu vois bien que tu m'as Et qu'en ma vie ne fui mas De toy servir, tu ne dois pas A tel besoing Moy faillir comme en mortel cas, Eins dois estre mes advocas (MACH., Compl., 1340-1377, 247). Or chevauche li roys de Chipre, Qui n'est pas vestus de drap d'Ipre, Mais d'un drap d'or fait à Damas. Il n'est remes piteus ne mas De sa besongne pourchacier, Eins ne fait qu'aler et tracier Les signeurs partout, et querir, Pour leur aïde requerir. (MACH., P. Alex., p.1369, 43).

B. -

[D'une pers., d'un animal ou d'une chose] "Sans force, sans vigueur, affaibli" : ...Et si me prist par la main destre De la sienne, blanche et polie, Pour mieus savoir ma maladie ; Si senti mon pous et ma veinne Qui estoit foible, mate et veinne. Mais sa main n'ostoit a nul fuer De la veinne qui vient dou cuer, Car bien savoit, la bonne et sage, Que dou cuer me venoit la rage Qui si griefment me demenoit (MACH., R. Fort., c.1341, 57). Einsi le vi .IX. fois ou dis [le lion] En tel point qu'il sambloit toudis Qu'il deüst morir sans demeure, N'onques mais, se Dieus me sequeure, Ne vi beste, grant ne petite, Si mate ne si desconfite. (MACH., D. Lyon, 1342, 183). Car einsi comme on voit a l'ueil Que la grant chaleur dou soleil N'iert ja si chaude a desmesure, Ne pleinne de si grant ardure, Qu'un petit de vent ne l'abate Et qu'il ne la rende pour mate, Dont on dit que ja ne fera Trop grant chaut, puis qu'il ventera, Et si voit on qu'un po de pluie Souvent un grant vent chace en fuie, Dont on recorde moult souvent Qu'a pou de pluie chiet grant vent (MACH., D. Lyon, 1342, 195). Quant li bons roys cuida descendre, Li Sarrasin, sans plus attendre, Entrerent jusques au nombril Dedens la mer plus de XX. mil ; Car la mer estoit là si plate, Si pleinne, si coie et si mate, Que pour ce estoient demourées Long dou port toutes les galées, Aussi comme à get d'une pierre, Que ne pooient penre terre. (MACH., P. Alex., p.1369, 68). Si estoient leurs chevaulx maigres et affoiblis par les povres nourrechons. Bien leur cheoit quant ilz trouvoient de l'erbe à pasturer ; si ne povoient aler avant, car ilz estoient si mat et si afoibliz que ilz mouroient sus le chemin de chaleur et de povreté (FROISS., Chron. M., XIV, c.1375-1400, 93). Nostre Dame, que je suis mat ! Vo[us] [m'] avez presque fait chier ! (Janot sac G.-Z. R., c.1450-1500, 72-73). [Jeanne d'Arc :] (...) Vous savez qu'i [les ennemis] sont mas et las, N'y n'ont plus force ne puissance ; Delesser ne les devez pas, Mes les assaillir a oultrance. (Myst. siège Orléans H., c.1480-1500, 472).

-

Mat de joie. "Comme suffoqué par la joie" : ...elle eut sy grant joye qu'elle ne peut parler, ains se teut comme mate de joye (Percef. IV, R., c.1450 [c.1340], 977).

Rem. Même passage dans Percef. Compl. R., c.1450 [c.1340], 386 (...elle fu tant joieuse qu'elle ne peult parler, ainchois se sey, mate de la joie qu'elle avoit).

C. -

[Du temps qu'il fait] "Moite, sombre, morose"

Rem. Doc.1424 (Nevers, et a esré le temps mat et pluvieux moult longuement et les gens mal avitailles) ds GD V, 199c.

II. -

[Croisement avec mat², idée de défaite (v. aussi les empl. p. métaph., s.v. mat² et mater1)] "Vaincu, battu, brisé" : Quar je pense que mas par li [dame Raison] Seroit li vilain rechine Qui si fort m'avoit agroucie, Et si fu il finablement (GUILL. DIGULL., Pèler. vie hum. S., c.1330-1331, 161). Or me hez et m'as abatu De haut en bas Et de tes verges si batu En ta chartre ou m'as embatu Que je me rens dessous l'escu Veincus et mas. Si fais trop mal, se tu me bas, Quant je me ren et que pris m'as, Car prisonnier on ne doit pas, S'on l'a vaincu, Batre ne ferir en nul cas (MACH., R. Fort., c.1341, 45). Et quant de l'amoureuse ardure Est espris, tellement l'endure Qu'einsois morroit dessous l'escu Qu'on le veïst mat ne veincu. (MACH., J. R. Nav., 1349, 242). La ne trouvasses verité, Equité, raison ne pité, Plaisence, amour, fors le contraire De tout ce qu'on te deüst faire. Tout ce pues vëoir clerement Par vray et juste experiment, Car maint en sont mat et perdu, Honni, destruit et esperdu D'estat, d'onneur et de chevense, Et maint de ceste pestilence Sont mort, dont leur hoir tel seront Que jamais ne reverdiront, Dont c'est grans dues et grans damages. (MACH., C. ami, 1357, 101). Ceulx de Damecte et de Damas Conquist, et rendy vains et mas. (CHR. PIZ., M.F., IV, 1400-1403, 38). TOST VERSEE [à la fille]. Qui ne leur faict crier "Helas !" [aux amants] Soubz umbre d'amoureuse aysance, Et qu'ilz soyent fort matz et las Jamais n'atrapperez chevance. (Myst. jeune fille L., c.1413-1445 [c.1530], 25). ...Feru d'un aspre cop mortel Par ton regard dont je suy mas ! (TAILLEV., Deb. cuer ueil D., c.1444, 204).