I. -

"Maquereau (poisson)" : Les saulmons, et les turbotz, et maquerelles, en françois maquereaulx, ne sont pas louables, car ilz sont de grosse substance, et viscieux, et difficiles a digerer, et de grande suparfluité, et pour ce ne sont utiles fors que a gens de grant excercité, et fault, avec aulcunes, saulces qui oste en partie leur viscosité et grosseur et froideur. (Rég. santé corps C., 1480, 75).

Rem. FEW XVI, 503b : "Nfr. maquerelle f. "petit poisson qui sert d'appas" (Trév 1721-Boiste 1829)".

II. -

"Entremetteuse ; celle qui vit de la prostitution des femmes"

A. -

"Entremetteuse" : ...quant n'ose parler a ascune qe jeo quide q'elle serroit dangerouse, jeo envoieroi ascune makerel a qi jeo parleroie mult pitousement et dirroi : "Jeo ne su qe mort, si vous ne me eidetz" (HENRI LANC., Seyntz medicines A., 1354, 21). LA MAQUERELLE. Est ce chose qui soit secrée ? Ne me ment mie. L'AMANT. Tout te diray conme a m'amie. J'ains Theodore vraiement (Mir. Theod., 1357, 72). Et comment elle [Hélène] fu ravie Et menee a Troie a navie. Paris li disoit sa karelle ; Venus en estoit maquerelle Et dou brandon qu'art sans fumee Dame Helainne a si alumee Qu'elle n'i savoit quel tour prendre Dont elle se peüst deffendre. (MACH., F. am., c.1361, 190). Par laquelle bellecte, assez luxurieuse, puent estre entendues les flateresses des dames et les vieilles maquerelles qui scevent bien oindre et lechier des dames les mamelles, c'est la beaulte de leur corps flactant, bourdant et leur vil office faisant et a luxure semonnant. Et vrayment telles maquerelles et villes mercieres, quant on les reprent de leur office, elles deviennent puantes comme la belecte iree. (MÉZIÈRES, Songe vieil pèl. C., t.1, c.1386-1389, 314). Si avient souvent que la femme qui ainxin se gouverne gaste tout et met tout a perte par son mauvés gouvernement et follement baille les biens que le pauvre mary acquiert a grant travail, selon l'estat dont il est, et les despent en moult de manieres, tant a son amy que a veilles maquerelles que a son confesseur, qui est ung cordeler ou ung jacopin, qui a une grousse pencion d'elle pour la absouldre chacun an, car telles gens ont voulentiers le pouoir du pape (Quinze joies mar. R., c.1390-1410, 60).

Rem. GRÉBAN, Pass. J., c.1450, 7704 (macquerelle).

B. -

"Celle qui vit de la prostitution des femmes" : Katherine, femme Henryet du Roquier, prisonniere oudit Chastellet, pour ce que l'en dit que elle est maquerelle publique et commune, et aussi que, puis naguere, elle a vendu, baillé et livré une jeune fille nommée Margot (Reg. crim. Chât., I, 1389-1392, 42). Oyes lesquelles oppinions, et veu ledit procès, ycelle Katherine fu par ledit lieutenant condempnée à estre tournée ou pillory et brulée comme maquerelle (Reg. crim. Chât., I, 1389-1392, 47). - He ! tu mens fausement ; tu as esté avecque tes filletes putaignes et makerelles, et pour ce je pri à Dieu que de malle faucille roillie peus tu avoir le vit coupee (Man. lang. G., 1396, 73-74). ...à paine povoit on avoir droit des folles femmes de Paris, tant [le prevost] les supportoit, et leurs macquerelles. (Journal bourgeois Paris T., 1446, 383). Que de macquerelles a Paris. (Rapp., c.1480, 59). Le dyable y soit la macquerelle Froncline luy est venu dire (Myst. st Martin K., a.1500, 320).

-

Empl. adj. : Feray sçavoir mes diverses cautelles Et mes engins qui sont inumerables, Pour actraper petites puterelles, Louves puantes, matrones macquerelles, Vielles ribauldes et paillardes prestresses (LA VIGNE, S.M., 1496, 222).

-

[Terme d'injure] : Raison, ceste orde maquerelle, Vous a fait baillier ceste quaille. (Pouvre peuple H., c.1450-1492, 228). Foy que je doys Nostre Sauveur, Se d'icy ne vous en allez Et plus ainsi me ravalez, Je vous donray telle querelle, Dehors, orde vieille maquerelle, Sur vostre nez qu'il y perra. (Sav. serg. D.L., c.1480-1490, 32). Et en despit de tout le pouoir myen Ne des enffers toute l'orreur cruelle, Mauldite soit la putain macquerelle Qui jamais jour le paillart enffanta ! (LA VIGNE, S.M., 1496, 368).

REM. Ou deux mots différents ? V. aussi maquereau.