| 327 exemples | | 1 | Car tant me plaist a regarder Son cler vis et sa doulce chiére Et sa gracieuse maniére [de vostre fille] Que surpris m'a. (Mir. femme roy Port., c.1342, 160). | |
| 2 | Il m'est avis, A la samblance de ton vis, A ton estat, a ta maniére Et a la couleur de ta chiére, Que tu es grosse. (Mir. st J. Cris., c.1344, 272). | |
| 3 | Pourquoy il est assavoir que Olimpiade estoit ung gieu par maniere de bataille, que Herculès estably sur le mont de Olimpe (LA SALE, Sale D., 1451, 175). | |
| 4 | ...doulx sire, pour Dieu refraingnez vostre maniere, car en ceste douleur demener ne pouez vous riens gaigner, ne il n'affiert mie a vous que vous soiez de tel maintien, ains est droit usage a femme de plourer et de faire duel. (Bérinus, II, c.1350-1370, 84). | |
| 5 | Il couvient que je le vous die, Pour refraindre vostre maniere. (DESCH., M.M., c.1385-1403, 122). | |
| 6 | LE COUSIN. Sus, (...) sus ysnel le pas (...). LE MARI. Las ! J'ay le cuer si endormi Et si pensant, au dire voir, De dueil, que je ne sçay avoir En moy maniere. (Mir. enf. ress., 1353, 72). | |
| 7 | ...le pouvre mary se trouva si honteux et tant esbahy qu'il ne savoit sa maniere, si non de soy taire. (C.N.N., c.1456-1467, 198). | |
| 8 | ...la dame fut tant esperdue, qu'elle ne savoit sa maniere. (C.N.N., c.1456-1467, 250). | |
| 9 | C'est le beau Narcisus joieux, Que j'aime tant, se m'aïst Dieux, Que je ne sçay tenir maniere, Quant je voy son corps gracïeux Et son visaige precïeux En jeune aage, fresche et entiere. (Narcissus, p.1426, 286). | |
| 10 | CAŸPHE. ...Harau, j'enraige, je devye, Le cueur de dueil me va partant ! (...) ANNE. ... Mais, monseigneur, tenez maniere, Ne descouvrez point telz rancunes (GRÉBAN, Pass. J., c.1450, 222). | |
| 11 | ...elle [la reine], qui sçavoit bien la cause [de l'émoi de Lyonnel voyant la pucelle qu'il aimait] car autreffois avoit esté en ce dangier, print la parolle et dist affin qu'il tenist maniere... (Percef. III, R., t.1, c.1450 [c.1340], 310). | |
| 12 | Prudence, si que j'ay dit devant, avertira la sage princepce comment l'ordre de son vivre sera riglee, et par elle et par son enortement tendra telle maniere : elle se levera tous les jours assez matin, et seront ses premieres paroles adreçans a Dieu, en disant : Daigne nous, Sire, garder ceste journee de pechié, de mort soubdain, et de toute mauvaise aventure. (CHR. PIZ., Trois vertus W.H., c.1405, 47). | |
| 13 | Et de ces manieres tenir te soit mirour et lecçon de ton bon ayol, le susdit roy Charles (CHR. PIZ., Paix W., 1412-1413, 93). | |
| 14 | Moult loing derriere Furent leurs gens, si firent chiere Tant mate et si triste maniere, Ne leurs habiz ne furent guiere De trop grant monstre. (CHART., L. Dames, 1416, 209). | |
| 15 | Et par ycestes manieres tenir est la cause pourquoy si vaillans gens estoient les rommains, tant en prouesce d'armes comme en prudence, science acquise, et preudommie et en toutes choses qui affierent à hault et esleu gouvernement, que oncques puis ou monde les pareulx ne furent. (CHR. PIZ., Paix W., 1412-1413, 102). | |
| 16 | ...je vous veil apprendre et enseigner la maniere que vous devrez tenir en celle matere, s'elle survient. (C.N.N., c.1456-1467, 563). | |
| 17 | ...ce n'est pas mal demandé ; vous avez bien cause d'en tenir telle maniere (C.N.N., c.1456-1467, 463). | |
| 18 | ...des dommaiges et boygis que les gens dudit bastart avoient fait et s'efforçoient faire sur les pays et subgietz de nostre tres redoubté seigneur monsr le Duc et des manieres qu'ilz y tenoient (Ecorch. Ch. VII, T., 1445, 36). | |
| 19 | ...il fut si honteux que a peine savoit il tenir sa maniere (C.N.N., c.1456-1467, 371). | |
| 20 | ...la marchande (...) pour la grand joye et ardent desir qu'elle avoit de tenir son clerc en sa maison, trembloit et ne savoit tenir maniere. (C.N.N., c.1456-1467, 571). | |
| 21 | C'est le beau Narcisus joieux, Que j'aime tant, se m'aïst Dieux, Que je ne sçay tenir maniere, Quant je voy son corps gracïeux Et son visaige precïeux En jeune aage, fresche et entiere. Desir, qui boute a la barriere, Veult que je luy face prïere, Sans faire de personne compte. (Narcissus, p.1426, 286). | |
| 22 | Et avecques ce se plaignoient des manieres que on tient au regart de monseigneur de Bar qui est si prouchain du Roy que chascun scet. (BAYE, II, 1411-1417, 119). | |
| 23 | Alors dist Montbleru, qui tenoit trop bien maniere... (C.N.N., c.1456-1467, 399). | |
| 24 | Si sont par especial deux : le premier est que maniere tenissent les dis princes que les mauvais fussent pugnis sans nulle espargne de faveur qui qu'ilz fussent selon les cas de leurs deliz et non par hayne nullement mais en droituriere justice, et les vicieux et de male meurs et non vallables deboutéz, quelque grans ou riches qu'ilz fussent conte n'en fust fait ne acourt bien venus (CHR. PIZ., Paix W., 1412-1413, 101). | |
| 25 | ...et là tous ensemble eurent plusieurs paroles, entre lesquelles enquirent et voulurent sçavoir pourquoy, ni à quelle cause iceluy de Lalaing avoit fait adresser pour faire armes audit maistre James de Douglas, et bien aigrement le demandoient, et de prime face, au semblant et manière qu'ils faisoient et monstroient, n'estoient pas bien contens. (Faits Lalaing K., c.1470, 170). | |
| 26 | Il [le roi] est venu, s'a commandé A Verité que la premiere Parlast, quar bien a la maniere De tout voir dirë et briefment Desclairier son entendement. (LA BUIGNE, Rom. deduis B., 1359-1377, 146). | |
| 27 | Raison la premiere parla, Qui bien de parler maniere a (LA BUIGNE, Rom. deduis B., 1359-1377, 183). | |
| 28 | "En nom Dieu, cy a bien maniere", S'a dit Diligence, "a passer [la rivière]." (LA BUIGNE, Rom. deduis B., 1359-1377, 169). | |
| 29 | Or y a il moult bien maniere, Quant on li oste la filliere [à l'oiseau de proie], Que l'en en ait tellement soing Que on ne le leurre pas de loing Et que le cheval soit bien p[res] (LA BUIGNE, Rom. deduis B., 1359-1377, 355). | |
| 30 | Aucuns nous veulent tesmoigner Qu'il a esté mené tantost Devant Pylate, le prevost, Lequel, bien cauteleusement, S'est deporté du jugement Et, pour mieulx trouver la maniere, Il l'a fait remener arriere Chiés Herode, le fel payen. (GRÉBAN, Pass. J., c.1450, 294). | |
| 31 | Ainxin peut on dire de ceulx qui sont en mariage, car ilz voient les autres mariez dedens la nasse, qui font semblant de noer et de soy esbatre, et pour ce font tant qu'ilz trouvent maniere d'y entrer, et quant ilz y sont, ilz ne s'en pouent retourner et demourent la. (Quinze joies mar. R., c.1390-1410, 3). | |
| 32 | ...on vouloit trouver maniere d'avoir finance desdiz religieux par engaigement ou vendicion de leurs joyaulz (FAUQ., I, 1417-1420, 123). | |
| 33 | ...le dit Jehan Stotton, au deceu du dit Thomas, trouva maniere d'avoir entrée et faire le gracieulx envers leur dite hostesse, (C.N.N., c.1456-1467, 386). | |
| 34 | ...[elle] n'a jamais arresté tant qu'elle ayt trouvé maniere de impetrer son congé pour venir en ceste ville. (C.N.N., c.1456-1467, 409). | |
| 35 | Quelque devoir que nostre mary peust faire, il ne peut trouver la maniere d'estre receu a cest escu (C.N.N., c.1456-1467, 498). | |
| 36 | Or portoi je adont par maniere Une moult petite aloiiere Que d'espriveteur on appelle, De blanc samis : moult estoit belle. (FROISS., Pris. am. F., 1372-1373, 64). | |
| 37 | De long temps a, n'ay sceu ouvrir, Ne trouver maniere ne tour De ceste embusche descouvrir, Ou ma joye est en un destour. (CHART., D. Rev., a.1424, 317). | |
| 38 | ...ne savoient trouver les compaignons fasson ne maniere d'emmener ce fol yvroigne. (C.N.N., c.1456-1467, 64). | |
| 39 | ...[il] ne sceut tout ce jour ne oncques puis trouver maniere ne fasson d'avoir devises avec elle. (C.N.N., c.1456-1467, 181). | |
| 40 | ...la doleur estoit qu'ilz ne savoient trouver fasson ne maniere d'estre a part et en lieu secret (C.N.N., c.1456-1467, 434). | |
| 41 | Tuit en furent espouentez Et piteusement guermentez Se sont a Dieu, par grant priere, Qu'il leur doint trouver la maniere Que de lui puissent eschapper, Si qu'il ne les puisse attrapper, Et sa sainte loy garder vueille, Si qu'Olophernés ne la cueille Et destruise par ses frivolles Et veines et faulses ydoles. (CHR. PIZ., M.F., II, 1400-1403, 218). | |
| 42 | Estre vouldroient en leur terre, Car ne voyent pas la maniere Que la cité noble et plainiere Puissent jamais prendre, n'avoir Par force, ne par nul savoir (CHR. PIZ., M.F., III, 1400-1403, 137). | |
| 43 | Il n'est moyen que j'y congnoisse Pour ravoir mes loys coustumieres Se n'est de trouver les magnieres Que ce Jhesus soit mis a mort, (GRÉBAN, Pass. J., c.1450, 203). | |
| 44 | ...ung gros marchant (...) duquel l'industrie et maniere de vivre estoit mener et conduire grosses marchandises par la mer (C.N.N., c.1456-1467, 554). | |
| 45 | Avoec moi menrai Atemprance, Advis, Maniere et Congnissance, Francise et Debonnaireté, Sens, Pité et Humilité, Qui tout soustenront ma baniere. (FROISS., Par. am., c.1361-1362, 58). | |
| 46 | Il convient aussi que le maistre ait maniere en enseignant, non seulement en paroles, mais aussi en fais. (DAUDIN, De la erudition H., c.1360-1380, 27). | |
| 47 | Et ceulx [les barons] prirent Eudes par belle maniere et par belles paroles, et le menerent en une cave, car, s'il se feust donnez de garde de ce que on lui vouloit faire, ilz ne l'eussent pas eu sans peril ne sans peine. Ilz l'enfermerent, et l'estoufferent de fumee de foing moillié, et puis le mirent en une biere. (ARRAS, c.1392-1393, 261). | |
| 48 | Et avec ce y mist Diex plainement [en la vierge Marie] Humilité, senz, maniére et raison, Biauté, bonté... (Mir. st Val., c.1367, 169). | |
| 49 | Je t'enseigneray [à une dame] trois vertuz, Le sens naturel et l'acquis, Et maniere est pardessus (DESCH., Oeuvres R., t.8, c.1370-1407, 289). | |
| 50 | Pour ce vueil que congié lui donne D'aler, quant temps le requerra, Aux festes, ou elle verra Les honeurs et les courtoisies, Et celles qui seront proisies De sens, de maniere et d'amis, De beau maintien, de beaus habis, Pour faire ainsi qu'elles feront (DESCH., M.M., c.1385-1403, 109). | |
| 51 | Certainement, je m'esbahÿs Comment soubz un si povre habit Puet avoir si riche esperit D'onneur, de meurs et de prudence, De maniere et de continence, Comme en ceste povre femme [Griseldis] a (Gris., 1395, 93). | |
| 52 | ...par amour, par priere qu'elle [la reine] fist au roy que a Margiste, par force, par maniere ne pour quelconques aultre chose, par don ne par promesse qu'elle donnast, presentast ou proumist a la damoiselle qui l'uis de la chambre gardoit, ne pouvoit au lit de Alixte aler (Hist. Berthe Pépin T., c.1400-1500, 189). | |
| 53 | Dit cy dessus que à la parfin celle puissance est ferme et seure qui impose et met maniere en ses forces. (CHR. PIZ., Paix W., 1412-1413, 125). | |
| 54 | Quel chose est meilleur que sens ? raison. Quel chose est meilleur que raison ? maniere. Car maniere est la coronne de toutes vertus. (LA SALE, J.S., 1456, 21). | |
| 55 | ...dames, se j'ai Mespris, je vous crie merchi, Quant seulet m'avés trouvé chi Pour moi deduire et solachier Et sus mes amours reprochier Des painnes que jou ai eües, Je vous voi si biel pourveües De sens, d'arroi et de maniere Que vous recevrés ma priiere Et si me dirés, s'il vous plest,Vostres mestres quels homs il est (FROISS., Par. am., c.1361-1362, 47). | |
| 56 | Maniere en plaisant arroi Est forment recommendee En dame (FROISS., Joli buiss. F., 1373, 152). | |
| 57 | ...maniere apoint arree, Soit a vue ou en requoi, Est volentiers regardee (FROISS., Joli buiss. F., 1373, 152). | |
| 58 | ...en demandant au dit Thomas, en maniere de grand doubte et paour, s'il avoit point encontré son mary (C.N.N., c.1456-1467, 391). | |
| 59 | Adont, sanz tarder, Vint la royne celle part, Qui de beauté ot si grant part, De sens, d'arroy et de maniere, Qu'en ce monde plus belle n'iere, Plus sage, ne a qui mieulx seïst A faire quanque lui seïst. (CHR. PIZ., M.F., II, 1400-1403, 267). | |
| 60 | La tierche chose requise en disputation est maniere ou moderation, c'est qu'elle soit faite en actemprance et en gravité ou en pesanteur, selonc le dit de saint Clement : "Verité soit requise en repos et par ordre." (DAUDIN, De la erudition H., c.1360-1380, 142). | |
| 61 | En che convient encore garder maniere, car comme dist Varron : «Il est impossible de scavoir toutes choses, mais peu scavoir aussi n'est pas loable». (DAUDIN, De la erudition H., c.1360-1380, 102). | |
| 62 | Dit cy dessus que à la parfin celle puissance est ferme et seure qui impose et met maniere en ses forces. (CHR. PIZ., Paix W., 1412-1413, 125). | |
| 63 | MISERICORDE. Dya, Justice, pardonnez moy, Vous estes ung petit trop fiere. Mais parlons ung peu par maniere, S'il vous plaist, et je respondray. (GRÉBAN, Pass. J., c.1450, 40). | |
| 64 | LUCIFER. Sathan, tiens ung pou ta memoire Et compte tes fais par maniere. (GRÉBAN, Pass. J., c.1450, 141). | |
| 65 | Non pas toutefois que ceste abstinence soit sans maniere et que le corps soit debilité de sa force, et ajoint ichelui saint Jerome : "A moy desplaissent longues jeusnes et sans maniere, singulierement en tendres eages." (DAUDIN, De la erudition H., c.1360-1380, 369). | |
| 66 | Non pas, pourtant, que on doie entendre que ceste benignité doye estre nice et sans maniere, si que à tous se rende trop privé et communal, qui est chose non partinant à grant seigneur ne meismement à quelconques homme sage, comme il en fust moins prisiéz et tenus à fol ou vil. (CHR. PIZ., Paix W., 1412-1413, 141). | |
| 67 | "Ma dame, Vostre amour m'a si pris, par m'ame, Que je ne puis maniere avoir !..." (FROISS., Joli buiss. F., 1373, 148). | |
| 68 | En la viande qu'on prent convient garder maniere affin qu'elle soit prinse nectement et actrempeement. (DAUDIN, De la erudition H., c.1360-1380, 253). | |
| 69 | Sy assambla ses plus privés amis et leur dit : "En ce chastel nous convient entrer par maniere beaux signeurs, fet il, et se dedans pouons jusques a vint ou .XXX. de nous entrer, je ne doubte nullement qu'il ne soit noustre conquis..." (Guill. Orange T.H.G., t.2, p.1450, 671). | |
| 70 | Ainsi que homme remply de raige, Sans tenir maniere ne gestes, Il [Pilate] a parmi le sang des bestes Meslé le sang d'humanité, En Galilee, vostre cité : Dont nous sommes fort esbahys. (MICHEL, Myst. Pass. J., 1486, 449). | |
| 71 | Adont fu appellé messire Raymond de Cruvale, et li fu demandé de la maniere, ordonnance et condition du chastel, et se il y avoit une voie dedens terre croutée (FROISS., Chron. M., XII, c.1375-1400, 196). | |
| 72 | Or me convient tourner arriere, A vous raconter la maniere De l'edefice (CHR. PIZ., M.F., I, 1400-1403, 122). | |
| 73 | Qant li rois d'Engleterre qui se tenoit devant Dignant, et ses gens orent avisé la maniere dou lieu, si lor sambla que elle estoit bien prendable, car elle n'estoit pour lors fremee que de palis et de fosses grans et larges, et en esquels on pooit bien naviier. (FROISS., Chron. D., p.1400, 586). | |
| 74 | Au jour d'ui, entre X et XJ heures, les prelas et clergié de France assemblé au Palaiz sur le fait de l'Eglise, ont esté amenez maistre Sance Loup, nez du païz d'Arragon, et un chevaucheur du pape Benedict qui fu derriere, nez de Castelle, en IJ tumbereaux, chascun d'eulx vestuz d'une tunique de toille peincte où estoit en brief effigiée la maniere de la presentation des mauveses bulles (BAYE, I, 1400-1410, 235). | |
| 75 | S'envoioit par ses lettres closes au duch de Bretagne (...) le manière et l'ordenance dou trettié (FROISS., Chron. R., VIII, c.1375-1400, 204). | |
| 76 | Il fist escrire tantos une lettre qui contenoit auques la maniere dou sauf conduit (FROISS., Chron. D., p.1400, 753). | |
| 77 | Et lui aulna le drap devant lui et rompi la lisière, prist sa mesure, et gecta hla manière de l'abit qu'il devoit faire pour ledit Thévenin d'autre drap (Ch. VI, D., t.2, 1386, 159). | |
| 78 | ...à laquelle prinse il ot deux hommes tuez par la maniere que dit a en la confession par lui faite devant le dessus dit maistre Henry de Marle. (Reg. crim. Chât., I, 1389-1392, 24). | |
| 79 | ...le cas et maniere du murdre, proposé et appensé de longue main, et à fait appensé (Reg. crim. Chât., I, 1389-1392, 268). | |
| 80 | ...car au pardehors avoit maniere et semblant de rien savoir et percevoir le gouvernement de sa femme, ung de ses serviteurs le vint trouver ung jour en sa chambre (C.N.N., c.1456-1467, 310). | |
| 81 | Et pour lors estoit venus Remonnet, son frere, pour informer Gieffroy du courroux que son pere avoit sur lui, et lui dist toute la maniere et la guise, du commencement jusques en la fin, comment leur mere estoit partie, et toute l'adventure, et comment elle avoit dit, au partir, qu'elle estoit fille au roy Elinas d'Albanie. (ARRAS, c.1392-1393, 268). | |
| 82 | ...dedans lesquelles lettres closes estoient encloz le cas et la maniere au vray du murdre traicteusement fait et perpetré en la personne de feu mondit seigneur le duc (Comptes Etat bourg. M.F., t.2, 1419, 536). | |
| 83 | ...en son tort evident fut le mary conclu, qui demoura trompé de l'Escossois en la fasson et maniere que avez oy. (C.N.N., c.1456-1467, 53). | |
| 84 | Loé soit Dieu de ce qu'il nous envoye ! S'il nous a donné ung enfant par miracle, ou par aucune secrete fasson dont nous ignorons la maniere, il ne nous a pas oblié d'envoier chevance pour l'entretenir. (C.N.N., c.1456-1467, 128). | |
| 85 | ...elle compta tout au long la fasson et maniere de sa maladie (C.N.N., c.1456-1467, 139). | |
| 86 | ...par le dit marchant fut dit et narré toute la maniere du dit différent. (C.N.N., c.1456-1467, 394). | |
| 87 | ...[elle] racompta toute la maniere du baptisement (C.N.N., c.1456-1467, 427). | |
| 88 | Requise qui li aprint la maniere du coq dessus dit, comment elle feroit venir à soy le deable et le invoqueroit, dit par son serement que (Reg. crim. Chât., I, 1389-1392, 357). | |
| 89 | Et, ce fait, fu de rechief fait jurer, ledit sire de Haguenonville, de dire verité sur la maniere de ladite sainture à lui baillée par ladite madame sa femme. (Reg. crim. Chât., II, 1389-1392, 364). | |
| 90 | JUDAS. ...Maudit soit cil qui te forga [l'argent] Et qui en trouva la maniere Et mauldicte soit la miniere, La terre et le lieu ou tu creuz (GRÉBAN, Pass. J., c.1450, 289). | |
| 91 | LA FEMME. Aussi bien feray les manieres Que la femme de Pathelin. Mais vous n'estes point assez fin Pour proprement patheliner. LE CRESTIEN. Oncques Pathelin affiner Ne peult son drappier si a point Que l'affineray, car a point Ay son or par pathelinaige. (Mir. st Nic. juif, c.1480-1500, 96). | |
| 92 | Sachiez que tant que vous userez de loyauté, sans penser ne faire tricherie, ne mauvaitié, et que vous les ayez sur vous [les deux bagues], vous ne serez desconfiz par armes, mais que vous ayez bonne querelle ; ne sort, ne enchantement d'art de magique, ne de poisons, de quelconque maniere, ne vous pourra nuire, que si tost que vous les regarderez, que ilz n'aient perdu toute leur force. (ARRAS, c.1392-1393, 84). | |
| 93 | Toudis y cuidoye cheoir, Car tout le lieu d'un costé panche, N'il n'y a pont levis, ne planche, Qui ne soit assis en crosliere, Jamais n'est de droite maniere Et a toute heure, je m'en vens, Queurent la tous les .IIII. vens, Car il est assis si tres hault, Que, face froit ou face chault, Si sera il bien eventé, Ce scevent ceulx qui l'ont hanté. (CHR. PIZ., M.F., I, 1400-1403, 61). | |
| 94 | Escharboucles luisans et beaulx Y ot et plusieurs columbeaulx, Tous de saphirs ou d'autre fine Pierre, la meilleur que l'en fine, Une chayere haulte et chiere, De moult honorable maniere, Assirent en ce tabernacle, Devant un precïeux oracle, A leur maniere, ou un autel Avoit (CHR. PIZ., M.F., III, 1400-1403, 109). | |
| 95 | ...et, entre autres choses, exposa les causes et maniere de sa legacion et ambassade (FAUQ., I, 1417-1420, 124). | |
| 96 | La premerainne roe qui y loge, Celle est la mere et li commencemens Qui fait mouvoir les aultres mouvemens Dont l'orloge a ordenance et maniere. (FROISS., Orl., 1368, 85). | |
| 97 | Et por ce que ceste roe premiere A de mouvoir ordenance et maniere, Par la vertu dou pois que le plonc donne, Dont, selonc ce, elle dou tout s'ordonne. (FROISS., Orl., 1368, 87). | |
| 98 | LE MARQUIS [à Griseldis]. (...) Bien pense que pas oublïee N'as la vie et la povreté Ou tu as en t'enfance esté, Ne la maniere par laquelle Tu, qui estois povre pucelle, Entras en celle seignourie. (Gris., 1395, 52). | |
| 99 | ...j'ose bien dire, s'il est possible de jamais le trouver, que j'en apprendray la maniere. (C.N.N., c.1456-1467, 45). | |
| 100 | Ha ! madame, dist il, par ma foy, si vous voulez bien, il n'est maniere qu'on ne treuve. [Deux amants recherchent un lieu discret] (C.N.N., c.1456-1467, 247). | |
| 101 | "...Helas ! dit l'autre, le bon conseil, qui en pourroit venir a chef ! - J'ay trouvé la maniere, dit le premier..." (C.N.N., c.1456-1467, 363). | |
| 102 | SAINCT MARTIN. De vous complaire, au temps qui vient, ma mere, Et a mon pere poinct ne m'est chose amere, Car faire espere vostre commandement ; Ne en ce cas ne feray la commere N'aultre manyere, car la chose premyere, Tressinguliere pour avoir saulvement, C'est d'acomplir vostre bon mandement Soubdaynement, de bon cueur, humblement (LA VIGNE, S.M., 1496, 146). | |
| 103 | ...il s'advisa qu'il l'espanteroit par une voye et maniere qu'il trouva. (C.N.N., c.1456-1467, 519). | |
| 104 | Et disoient que les libéralités et honneurs que le duc avoit monstrées à ceste ambassade angloise, ce n'estoient que gloires et beubans monstrés devant eux, causés pour se faire grandir et pour leur donner exemple et manière d'amiration non ailleurs pareille. (CHASTELL., Chron. K., t.4, c.1456-1471, 392). | |
| 105 | "...je te fais bailler ce que tu aymes. - Ayme ! dit le mignon, il y a maniere. J'ayme tresbien voirement pastez d'anguilles (...) Mais de dire que tous les jours les voulsisse avoir sans menger aultre chose, par Nostre Dame, non feroye..." (C.N.N., c.1456-1467, 83). | |
| 106 | Parvenir si est de maniere, Mais a ung fol ne luy chault gaire Quelque chose qu'il ait comprinse, Mais qu'il ait fait son entreprinse ["Il y a manière et manière de parvenir..."]. (S. fol, c.1480-1490, 8). | |
| 107 | Es sciences expert estoit, car en gramaire, qui aprent la maniere des moz, estoit souffisamment fondez, et toutes en sçavoit les rigles. (CHR. PIZ., Faits meurs Ch. V, S., II, 1404, 34). | |
| 108 | ...afin que ilz saichent congnoistre les façons et couples des lais, la maniere des balades, chançons et rondeaulx en pluseurs et diverses manieres (DESCH., Art dictier R., 1392, 272). | |
| 109 | Item, quant est aux pastoureles et sotes chançons, elles se font de semblable taille et par la maniere que font les ballades amoureuses, excepté tant que les materes se different selon la volunté et le sentement du faiseur (DESCH., Art dictier R., 1392, 287). | |
| 110 | Li Englès (...) estoient en trop dur parti par deux manières ; car il plouvoit nuit et jour (...) et avoech tout ce, il avoient si grant defaute de vivres qu'il ne savoient que mengier. (FROISS., Chron. L., VII, c.1375-1400, 145). | |
| 111 | Aprés il monstre que pluseurs ne gardent pas la maniere que l'en fait es autres ars. (ORESME, E.A.C., c.1370, 536). | |
| 112 | Item on pourroit doubter de la maniere de noz receptes, car aucuneffois nous mettons la matiere et non pas les doses (GORDON, Prat., c.1450-1500, I, 20). | |
| 113 | Mesmes Flamine, qui ne creoit point en celle abusion, estoit moult esmerveillie de sa mere [qui est morte] qu'elle veoit, comme il lui sambloit, en tant triumphant maniere (Percef. III, R., t.2, c.1450 [c.1340], 107). | |
| 114 | Proesce fait aux nobles assavoir, Qui ont le cuer de suyvre sa banniere, Que nul ne peut par elle pris avoir N'estre receu a sa grant cour plenniere S'il n'a en soy trop plus fait que maniere, Sens pour choisir bon parti justement Et, a l'exploit, conduite et hardement, Ferme propos et arresté courage, Diligence, secret et peu langage (CHART., B. Nobles, c.1424, 400). | |
| 115 | À maistre Jehan Du Bois, cirurgien de mondit seigneur, la somme de vint frans monnoye royal qui deue lui estoit par mondit seigneur pour drogueries et autres manieres de cirurgie (Comptes Etat bourg. M.F., t.1, 1420, 407). | |
| 116 | ...comme ycellui maire avoit voulu proceder à l'examen et inter[rogatoire] dudit prisonnier, pour savoir de son estat, vie et renommée, et la manière comment et où il avoit prinses icelles he[ures], ycellui prisonnier s'estoit advoué gentilhomme (Reg. crim. Chât., I, 1389-1392, 2). | |
| 117 | Et dist qu'il n'est pas en la poissance d'omme, quel qu'il soit, s'il ne scet la maniere comment l'en jeue audit jeu, qu'il ne perdist à icellui. (Reg. crim. Chât., I, 1389-1392, 169). | |
| 118 | ...par ledit mons. le prevost demandé auxdiz presens conseillers qu'il estoit bon estre fait, et la maniere comme l'en avoit à proceder contre ledit prisonnier. (Reg. crim. Chât., I, 1389-1392, 209). | |
| 119 | Et dit, sur ce requis, que oncques icelli Rogier ne lui volt dire, monstrer ou apprendre la maniere coment il ouvroit iceulx huis et coffres sans rompre (Reg. crim. Chât., II, 1389-1392, 14). | |
| 120 | La maniere conment il se sauverent, je ne le sçai pas (FROISS., Chron. D., p.1400, 731). | |
| 121 | Faictes que chascune journee Vous ramentoive bien souvent La maniere quoy et comment, Ja pieça, me feistes promesse, Quant vous retins premierement Ma Dame, ma seule maistresse. (CH. D'ORLÉANS, Ball. C., c.1415-1457, 77). | |
| 122 | Et, s'il vous plaist, sire, ferez getter l'oppinion par escript dudit seigneur de Bueil et autres notables gens qui sont icy presens et assemblés et la forme et maniere comment il entendoit faire ledit combat. (LE CLERC, Interp. Roye, c.1502, 273). | |
| 123 | ...de trouver la maniere comment ilz se pourroient conjoindre bien amoureusement ensemble fut difficile (C.N.N., c.1456-1467, 492). | |
| 124 | ...la maniere comment on pourroit actuellement et par effect mettre a execution ses ardens desirs, l'on ne la savoit comment trouver. (C.N.N., c.1456-1467, 503). | |
| 125 | PATHELIN. (...) Et quant il viendra, vous direz : "Ha ! parlez bas !" et gemirez En faisant une chere fade. "Las ! ferez-vous, il est malade Passé deux mois ou six semaines." (...) Et le me laissez flageoler, Car il n'en aura aultre chose. GUILLEMETTE. Par l'ame qui en moy repose, Je feray tres bien la maniere. (Path. D., c.1456-1469, 90). | |
| 126 | ...et vous diray la manière pour quoy je faiz ce compte. (COMM., III, 1495-1498, 308). | |
| 127 | ...ilz leur donneroit a disner, affin qu'ilz fussent advertiz de la maniere et comment le dit dyamant estoit venu en ses mains. (C.N.N., c.1456-1467, 394). | |
| 128 | Par quelle maniere ne comment me pourroit advenir ung si abhominable delict ? (C.N.N., c.1456-1467, 564). | |
| 129 | Pierre, dy moy pour q... La maniere et coment Tu fis mourir Symon Ainssi villainement. (Mart. st Pierre st Paul, fragm. Anholt R., c.1480-1500, 197). | |
| 130 | "...Ce n'est pas merveille, dit il, mais regardez comment nous ferons. - Il n'est maniere que je voye, dit elle, comment il se puisse faire..." (C.N.N., c.1456-1467, 248). | |
| 131 | Et pour ce, se un homme d'estrange terre ne fait pas les honeurs et reverences a la maniere de cest paÿs, se l'en l'a pour ce en derision, c'est simplesce et ignorance. (ORESME, E.A.C., c.1370, 459). | |
| 132 | "...Faites aporter des grans mairiens, ouvrés à manière de pillos ["pieux"], et hurter as murs de l'abbeye..." (FROISS., Chron. L., II, c.1375-1400, 67). | |
| 133 | Et disoient li François par maniere de reproce : "Li rois d'Engleterre a songniet que il doit estre rois de France ; or le viengne calengier et il vera bien quel pourfit il i prendera..." (FROISS., Chron. D., p.1400, 267). | |
| 134 | ...qant leur piere est escaufee, il jettent de celle clere paste sus celle caude piere et en font un petit tourtiel a maniere de une oublie de begine, et le menguent pour conforter lor estomach. (FROISS., Chron. D., p.1400, 127). | |
| 135 | Par approbacion de sapience du roy Charles, nous convient recorder aucuns moz et paroles notables en maniere de prouverbes, que à certains et divers propos, comme vray philosophe, il dist de sa bouche. (CHR. PIZ., Faits meurs Ch. V, S., II, 1404, 49). | |
| 136 | Quant à faire le seigneur, j'en feray bien la manière, mais que me faciez faire une belle robe. (BUEIL, II, 1461-1466, 15). | |
| 137 | Un peu après, en approchant le terme de la fin, en la maniere des anciens Peres patriarches du viel Testament, fist amener devant lui son filz ainsné, le dauphin (CHR. PIZ., Faits meurs Ch. V, S., II, 1404, 190). | |
| 138 | Quant on voit ces petis enfans courir parmi les rues a chevaulx de bois, a tout lances et desguisez par maniere de gens de guerre, c'est tout vray signe de prochainement avoir guerre et discention ou pays. (Ev. Quen., I, c.1466-1474, 87). | |
| 139 | ...et de l'ange la salutacion qu'il fist a la vierge benoite, et ceste disons nous par maniére de loenge et de salutacion. (Mir. fille roy, c.1379, 6). | |
| 140 | Et par ce que dit est, il n'entendent pas qu'il ait esté fait, quar quant il parlent de la generacion du monde, il ne veullent pas dire que il fu aucune foys engendré apres ce que onques n'avoit esté - quar il a esté touz temps perpetuelment - mais il mettent telle chose par maniere de doctrine aussi comme es descripcions de geometrie. (ORESME, C.M., c.1377, 182). | |
| 141 | ...et par maniere d'esbatement, se prindrent à chanter haut et cler de leur povoir, afin que les voisins ne peussent pas si aisiement oïr aucune noise (Reg. crim. Chât., I, 1389-1392, 102). | |
| 142 | Et, pour ce, sadite marrine lui conseilla que, par maniere de don ou rente annuele, elle lui feist par chascun an quatre deniers paris. de rente (Reg. crim. Chât., II, 1389-1392, 290). | |
| 143 | ...par toutes les villes ou il passoient, par devant le dit messire Hue, on sonnoit grant fuisson de tronpes et de tronpetes et de taburs, et tout par maniere et ordenance de derision. (FROISS., Chron. D., p.1400, 91). | |
| 144 | Ce jour, la Court a ordonné que par maniere de provision l'abbé de Clugny prestera et baillera à cellui qui de par la Court sera commiz dès maintenant C frans (BAYE, I, 1400-1410, 70). | |
| 145 | ...la Court respond qu'elle baille ceste response par maniere d'advis tant seulement (FAUQ., I, 1417-1420, 21). | |
| 146 | Et pour ce ledit suppliant, qui n'y pensoit a nul mal, et ne savoit rien de la besongne, lui dist par maniere d'esbatement, et come a son singulier amy, qu'il ne se souciast de ce et que eulx mesmes en buvoient bien souvent. (Chancell. Henri VI, L., t.1, 1424, 172). | |
| 147 | Quant je deusse bonne chiere Demener en compaignie, Je n'en fais que la maniere : Car quoy que ma bouche rie, Ou parle parolle lye, Dangier et Destresse fiere Boutent mon plaisir arriere (CH. D'ORLÉANS, Ball. C., c.1415-1457, 44). | |
| 148 | Il t'avoit establi despensier, tant de sa pecune et monnoie, comme de celle des siens, qui leur avoit esté donnee par maniere d'ausmonne (MIÉLOT, Spec. hum. salv. L.P., 1448, 137). | |
| 149 | ...si d'adventure le mary se servoit aucunesfoiz des aultres membres, ce n'estoit que par maniere d'emprunt, car ilz estoient a son amy (C.N.N., c.1456-1467, 318). | |
| 150 | ...quand ilz furent a l'ostel, le mary commença a dire en maniere de farse... (C.N.N., c.1456-1467, 374). | |
| 151 | Qant ce vint sus le point dou jour, doi trompeur d'Escoce, qui trop avoient dormi, s'enbatirent sus un gait qui getoit les camps et estoit la establis a maniere d'escoute. (FROISS., Chron. D., p.1400, 149). | |
| 152 | Et le jour devant de la promesse, laquelle ne povoit acomplir,pour quoy il savoit bien qu'ilz se partiroient, sy envoya a Octalius, son anemy, ung sien feal homme par maniere de transfuge (LA SALE, Salade, c.1442-1444, 60). | |
| 153 | La font comme il est de maniere : Trois bans et le quart d'abondance. (Serm. plaisant K., c.1500, 464). | |
| 154 | ...au prince plus seigneuriement parler et de plus grave et grant maniere affiert, et faire son introite de choses grandes se la matiere le requiert, non mie que ce soit fait par orgueil ne menaceusement, par fierté, haulçant la teste et levant les sourcilz comme beste effraiée, mais modereement parler comme seigneur de belle et haulte maniere, lesquelles grandeurs n'affierent mie à toute personne. (CHR. PIZ., Paix W., 1412-1413, 166). | |
| 155 | ...Si prent son escu et sa lance Et li court sus de grant manière (LA BUIGNE, Rom. deduis B., 1359-1377, 270). | |
| 156 | Si furent resvillié de grant manière : car li plus grant partie en furent mort et occis, et demorèrent sus le place. (FROISS., Chron. L., VII, c.1375-1400, 237). | |
| 157 | Qant les Englois veirent que combatre les convenoit, il se missent tout a piet et prissent les glaves et les apuignierent et conmenchierent a pousser de grant maniere, et li Savoiien et Bourgignon sus euls. (FROISS., Chron. D., p.1400, 371). | |
| 158 | De quoy ledit gentil homme, faisant samblant que riens n'en savoit, en fit maniere d'une amiration (CHASTELL., Chron. IV, D., c.1461-1472, 218). | |
| 159 | Lors commencent les Cipriens qui gardoient le pas, a traire et a lancier de grant maniere, et la ot mort et occiz grant foison de Sarrasins. (ARRAS, c.1392-1393, 106). | |
| 160 | En sa dextre, de grant maniere, Une espee tint fierement (CHR. PIZ., M.F., III, 1400-1403, 110). | |
| 161 | Quant elle fut devant le roi, elle s'engenilla tout bas ; li rois vint vers li, et le prist par le main, et le fist lever et le regarda de grant manière. (FROISS., Chron. R., XI, c.1375-1400, 229). | |
| 162 | Leur prince avoit nom Lucifer, Ancor est Lucifer clamé, Mais il est adés mau nommé, Car de lui au nom a redire Y a, car, autant vault a dire Lucifer com portant lumiere, Mais ore est lait de grant maniere. (CHR. PIZ., M.F., II, 1400-1403, 135). | |
| 163 | Les Rommains, pour leurs prisonniers, Envoyerent, a grans deniers, Au roy Pirrus, qui, sans argent, Les rendi, et toute la gent Rommaine, qui ert prisonniere, Car les prisoit de grant maniere. (CHR. PIZ., M.F., III, 1400-1403, 205). | |
| 164 | Si vinrent François et Breton devant le forterèce armé et paveschié de bonne manière. (FROISS., Chron. R., VIII, c.1375-1400, 58). | |
| 165 | LE TIERS CHEVALIER. Bien croy que [le marquis] petit y aconte [prendre femme], Maiz je pense, s'on lui moustroit Par bonne maniere et par droit, En lui a plain signifïant Comment il lui seroit seant (Gris., 1395, 8). | |
| 166 | ...et soy taire et respondre par bonne maniere est signe de saige home. (JUV. URS., Aud. illos, 1432, 31). | |
| 167 | ...toutesvoyez, se les advocas, ou les partiez mesmes, estoient trop longs en parolles ou disoient parolles superflues non servans aux cas, par bonne maniere on les doit faire abreger et respondre. (JUV. URS., Aud. illos, 1432, 30). | |
| 168 | J'ay choisi bergiere Qui chapeau de may Me fait par maniere. Dieu, bon gré l'en sçay (Pastor. B., c.1422-1425, 79). | |
| 169 | Or vous prie je que chascun de vous face comme vous me verrés faire, et lors que vous pencerés que ilz [les ennemis] nous puissent veoir clerement, vous escartés chascun, l'un ça, l'autre la, faissans maniere de gens espardus (Guill. Orange T.H.G., t.1, p.1450, 217). | |
| 170 | Neantmoins, il s'advisa arriere En soy repentant par maniere De la faulte qu'il avoit faicte, Et fist doulcement sa priere Envers la Vierge tresoriere Qui de secours est tant parfaicte. (RÉGN., F.A., 1432-c.1465, 116). | |
| 171 | ...li François s'en vont sans dire adieu. Il fault que il paient lor bien allee en auqune maniere (FROISS., Chron. D., p.1400, 750). | |
| 172 | Ce n'est pas chose droituriere ne raisonnable en nulle maniere de ensuivir les fortunes en jugeant de la felicité ou de la misere d'un homme. (ORESME, E.A., c.1370, 133). | |
| 173 | Et dist, sur ce requis, qu'il ne scet lire en aucune maniere, ne congnoistre un A d'un B, I>nec e contra/I>. (Reg. crim. Chât., I, 1389-1392, 94). | |
| 174 | ...de ladite navreure à moy par ledit Perrin faite, tu n'en es coulpable en aucune maniere, ne en savoies rien, ne aucun consentement d'icelle as donné ou presté (Reg. crim. Chât., I, 1389-1392, 272). | |
| 175 | ... quant les barons virent qu'ilz ne le povoient mettre hors de sa doulour, ne appaisier en aucune maniere, si furent moult doulens. (ARRAS, c.1392-1393, 253). | |
| 176 | ...ladicte taille ne pourrions et aussy ne voudrions en aucune maniere conseiller ne consentir (BAYE, I, 1400-1410, 36). | |
| 177 | Au jour d'ui, la Court a defendu à maistre Pierre de Perach (...) que en nulle maniere il ne conseille, ne ayde, ne conforte messire Raymon de Turenne (BAYE, I, 1400-1410, 149). | |
| 178 | ...n'ay amy ne personne en ce monde, tant soit mon privé, a qui je vouldroye en nulle maniere descouvrir. (C.N.N., c.1456-1467, 388). | |
| 179 | Si fu mis hors d'icelle question, mené choffer en la cuisine en la maniere acoustumée, et en après ramené en jugement sur les quarreaux. (Reg. crim. Chât., I, 1389-1392, 233). | |
| 180 | Les compaignons si me disoient Que je feisse tresbonne chiere Et que certes ilz me feroient Compaignie non pas trop chiere, Pour ce faisoye la maniere D'estre joyeulx, fleuster et rire, Combien qu'il me tensist derriere (RÉGN., F.A., 1432-c.1465, 9). | |
| 181 | Et pour raporter de ce exemples selon la maniere acoustumée, apres les bonnes et vehementes raisons retournerons à notre motif du prealigué roy Charles, aux usages qu'en celle vertu avoit, et premierement en ce qui touche la vertu de liberalité en bon prince. (CHR. PIZ., Paix W., 1412-1413, 154). | |
| 182 | Ce jour, je, Clement de Fauquembergue, ay esté receu en l'office de greffier civil, et ay fait le serement comme autresfois en la maniere acoustumée. (FAUQ., I, 1417-1420, 147). | |
| 183 | Avecques ce fit tant qu'a l'ayde de maistre de l'artillerie Jehan de la Grange, le capitayne des Allemans et les dictz Allemans que l'artillerie fut tiree et menee par les dites Arpes et montaignes par le col des hommes en la maniere de chevaulx en montant icelle (LA VIGNE, V.N., p.1495, 278). | |
| 184 | LA MARQUISE [au marquis]. (...) N'onques ne me reputay digne D'estre seulement ta meschine, Ne t'espeuse en quelque maniere (Gris., 1395, 81). | |
| 185 | ...ledit Raart ira sanz prejudice dudit Raoul, et senz ce que le exercice que fera ledit Raart tourne audit Raoul en prejudice en quelque maniere une autre foiz (BAYE, I, 1400-1410, 40). | |
| 186 | Cedit jour, la Court a defendu à maistre Dominique qu'il ne mesdie, en quelque maniere que ce soit, à maistre N. d'Orgemont. (BAYE, I, 1400-1410, 154). | |
| 187 | Hermant Le Fevre, tondeour de grans forces, et est de Coloingne sur le Rin, qui va en maniere de varlet ès marches de Boulenoys, de Terrouenne et là entour ; et doibt retourner à Calais en guyse de chevalier sauvage. (Reg. crim. Chât., I, 1389-1392, 384). | |
| 188 | Mon tresredoubté seigneur et pere, je ne suis pas celle qui vous vouldroye en maniere du monde desobeir (C.N.N., c.1456-1467, 170). | |
| 189 | Et vint Remondin, et Alain, et ses enfans faire la reverence au roy, et puis les autres, en suivant. Et le roy les receupt moult liement. Et lors appella Alain et lui dist en telle maniere. Alain, dist ly rois, je me donne merveille de ce chevalier estrangier a qui vous estes si acointtés, qu'il quiert en ce pays. (ARRAS, c.1392-1393, 55). | |
| 190 | Mais, avant que le jayant peust ravoir son coup, le fery Gieffroy de l'espee sur le costé tellement qu'il lui fist le levier saillir des poings, et en sailly une grant piece. Moult fu le jayant doulent quant il voit son levier ainsi et par telle maniere froez, et gesir sur la place, car il ne se ose abaissier pour le prendre. (ARRAS, c.1392-1393, 264). | |
| 191 | ...après ce qu'il l'eut assez avant descouverte, fist comme maniere de regarder ça et la (C.N.N., c.1456-1467, 46). | |
| 192 | ...le dit honmage se fera en ceste maniere. Li rois d'Engleterre, dux de Giane, tenra ses mains entre les mains dou roi de France. (FROISS., Chron. D., p.1400, 194). | |
| 193 | Si avint en telle maniere : Miracle y fist grant la deesse (CHR. PIZ., M.F., I, 1400-1403, 45). | |
| 194 | ...le premier [ermite] trait a mont le vivre pour eulx VIJ. et en prent sa refeccion pour la journee. Et cellui qui lui est plus prouchain dessus lui, la trait a mont en pareille maniere. (ARRAS, c.1392-1393, 272). | |
| 195 | Cil roy, dont je vous dy, n'ot oncques puis joye au cuer, et regna grant temps, mais de jour en jour fondoit et decheoit en pluseurs manieres et en fin il mouru. (ARRAS, c.1392-1393, 306). | |
| 196 | ...je vous feray faire des oeufs en plus de cent mille manieres (C.N.N., c.1456-1467, 581). | |
| 197 | Et encore est ceste difference plus proprement ou ciel, tant pour ce que il est ainsi meu naturelment, continuelment et ordeneement, tant pour ce que il n'est enclin a autre mouvement, tant pour ce que ou ciel n'a desus ne desouz en quelcunque maniere fors seulement ou resgart de cest mouvement quant aus parties qui sont en equale distance du centre du monde. (ORESME, C.M., c.1377, 324). | |
| 198 | Et quant à ladite vaissele d'estain qui lui fu monstrée, dit et par serement que oncques ne la vit, ne icelle n'a vendue, bailliée ou engaigée en quelque maniere ausdiz mariez. (Reg. crim. Chât., II, 1389-1392, 31). | |
| 199 | Et autre chose ne plus ne scet de mesfais ou larrecins que fais ait, en quelque maniere que ce soit. (Reg. crim. Chât., II, 1389-1392, 170). | |
| 200 | Arismetique est discipline De numbres et toute riens cline, Laquelle, par belle maniere, Les anciens ont la premiere Mise entre les disciplines Mathematiques et latines, Car elle n'a d'autre besoing, Affin qu'elle soit pres ou loing (CHR. PIZ., M.F., II, 1400-1403, 114). | |
| 201 | Et se le tamps on y pert [en amour], Li vie en est si plaisant et si chiere Qu'otretant bien, en plus grosse maniere, L'omme hardi et le couart qui tramble On paie mal, selonc ce qu'il me samble. (FROISS., Pris. am. F., 1372-1373, 107). | |
| 202 | Si fist maniere de vouloir mectre son chapperon, qui sur son espaule estoit, dessus sa teste ; et en ce faisant, tout au propos luy fist hurter si rudement a son atour qu'il l'envoya par terre (C.N.N., c.1456-1467, 238). | |
| 203 | ...vous, qui estes d'Escoce des plus grans et li consauls dou roi, tenés contre l'onnour et majesté roial dou roi d'Engleterre et de ses hoirs, la chité de Bervich et grant pais qui s'estent jusques a bonnes de la mer d'Escoce, et volés demorer en celle tenure par maniere de conqués. (FROISS., Chron. D., p.1400, 215). | |
| 204 | Ce jour, Guillaume d'Avaugour, escuier, a esté receu par maniere d'election en l'office du bailliage de Touraine (FAUQ., I, 1417-1420, 120). | |
| 205 | Oultre plus aucunes propositions ypothetiques sont appellees racionnelles, les quelles procedent par maniere de raison et d'argument, et contiennent en (soy) antecedent et consequant. (LEGRAND, Archil. Sophie B., c.1400, 71). | |
| 206 | Avecques le roy estoient les nobles du royaulme assembléz par manière d'arrière ban. (COMM., I, 1489-1491, 185). | |
| 207 | Hennequin, qui est mon ami et l'omme du monde que je ayme mieulx, et duquel j'ay eu plusieurs biaux enfans, ne me veult par nulles des voyes ou maniere du monde espouser, pour ce qu'il est de plus grans amis que je ne suis. (Reg. crim. Chât., II, 1389-1392, 307). | |
| 208 | Et lors la dame lui dist moult attrempeement : Sire chevalier, monseigneur n'est pas ceans, et pour tant vueil je aler par devers monseigneur nostre maistre, pour savoir que c'est qu'il lui plaist, car il me semble qu'il soit cy venus comme par maniere de faire guerre. Et ne croy pas que ce soit a monseigneur ne a nulz de ceulx de ceste forteresce, car ja ne plaise a Dieu que monseigneur ne nul de ses gens ait fait chose qui puisse desplaire a Gieffroy ne a monseigneur son pere (ARRAS, c.1392-1393, 207). | |
| 209 | Et le porc s'escout et le getta a genoulx a terre, mais il ressault sus comme preux et vistes, et le cuide renferrer. Mais le porc tourne et se met au cours par telle maniere qu'il n'y ot chien ne chevalier ne homme qui n'en perdist la trace et veue (ARRAS, c.1392-1393, 19). | |
| 210 | LE SECONT BARON. (...) Sire, pour Dieu, laissiez aler Vostre oyseau aprez celle proye En tel maniere qu'il la voye. (Gris., 1395, 6). | |
| 211 | LE MARQUIS [à Griseldis]. (...) Savoir vueil par droit convenant Se (...) vuelz encliner et soubzmettre A ma voulenté, sanz demettre, Par tel maniere que de toy Et de ta personne, par moy (...) Soit fait tout ce qui me plaira (Gris., 1395, 37). | |
| 212 | ...toutes gens (...) avoient (...) copé et haiiet le bois de tel maniere que on ne pooit venir a euls fors a grant malaise. (FROISS., Chron. D., p.1400, 329). | |
| 213 | Et a ce elle respondit, faisant maniere de trembler (C.N.N., c.1456-1467, 387). | |
| 214 | Car l'embuche, qui fu derriere, Les envay de tel maniere Qu'ilz ne pevent avant marcher (CHR. PIZ., M.F., II, 1400-1403, 207). | |
| 215 | Et par tel maniere le die que par ses parolles puist induire et provoquer les courages des oyans à son entencion, si que de ces choses cy apres sera parlé. (CHR. PIZ., Paix W., 1412-1413, 167). | |
| 216 | ...et par especial pourveez bien et diligemment au fait de nostredicte ville, en faisant qu'elle soit et demeure tousjours en nostre bonne et vraye obeyssance, en telle maniere que autre n'y ait auctorité, fors nous à qui seul elle apartient (BAYE, I, 1400-1410, 250). | |
| 217 | Je te acorde que tu en uses en telle maniere qu'ilz ne te abusent, et que tu t'en aides sans souffrir qu'ilz te nuysent (CHART., L. Esp., c.1429-1430, 131). | |
| 218 | ...ung jeune homme, nommé maistre Marcial d'Auvergne (...) perdi son entendement en telle maniere que, le jour Saint-Jehan Baptiste, environ IX heures de matin, une telle frenesie le print qu'il se getta par la fenestre de sa chambre en la rue, et se rompit une cuisse et froissa tout le corps, et fut en grant danger de mourir (ROYE, Chron. scand., I, 1460-1483, 161). | |
| 219 | Et semble que elle seüroie raison en la maniere que aucuns servans vistes et hastis qui s'en cueurent executer avant que il aient oÿ tout le commandement. (ORESME, E.A., c.1370, 383). | |
| 220 | Et delectacion parfait operacion non pas comme un habit parfait son subject en quoy il est, mais comme une fin seürvenante en la maniere que beauté est perfeccion de joenesce. (ORESME, E.A., c.1370, 508). | |
| 221 | ...s'ilz eussent continué l'assault et à l'endemain ilz se fussent revenus par la manere qu'ilz avoient ordonné, ilz nous eussent eu à voulenté. (FROISS., Chron. M., XIV, c.1375-1400, 38). | |
| 222 | Tempter a figurer les corps simples en la maniere que font aucuns est chose desraysonnable. (ORESME, C.M., c.1377, 640). | |
| 223 | Et avoient deservi par la diverseté de lors fais a estre justichiet en trois manieres, c'est assavoir premiers trainnés, et puis decolés, apriés pendut a un ghibet. Tout en la maniere que il furent jugiet, furent il tantos justichiet par devant le castel de Bristo (FROISS., Chron. D., p.1400, 86). | |
| 224 | ...[il] le renvoya a sa cure, ou il se maintint et conduisit haultement, gardant ceste derreniere maniere qu'il avoit aprinse a la sueur de sa bourse. [L'official a infligé une forte amende au curé qui se coiffait et s'habillait de manière excentrique] (C.N.N., c.1456-1467, 533). | |
| 225 | LE PREVOST. (...) Payez les despens (...) Qui ont esté faictz en la cause. LE JUIF. (Icy fait maniere de bailler argent a ceulx de la justice.) (Mir. st Nic. juif, c.1480-1500, 134). | |
| 226 | Si estoient l'Empereur et les .II. roys assis en troys chaieres couvertes de drap d'or, et les autres sus bancs et doubles fourmes couvertes, en la maniere que on fait à conseil. (CHR. PIZ., Faits meurs Ch. V, S., II, 1404, 116). | |
| 227 | Et pis y a, car tout ainsi comme une seule vertu ne se pourroit passer à par elle et que autre n'atraist, semblablement est des vices lesqeulz en la maniere que les aneaulx d'une chayenne s'entresuivent et tiennent est il d'iceulx. (CHR. PIZ., Paix W., 1412-1413, 78). | |
| 228 | ...et entre autres que, quelque chose qu'ilz eussent fait, le roy voulsist estre content d'eulx et qu'il lui pleust declairer qu'ilz n'avoient point failly ne fait chose contre lui dont il leur voulsist donner pardon, grace ou remission, et que le roy de là en avant les afranchist en la maniere qu'il avoit fait ceulx de sa ville de Paris, et plusieurs autres requestes firent au roy, qui leur rendi response que sur tout il y aroit son advis. (ROYE, Chron. scand., I, 1460-1483, 152). | |
| 229 | ...en telle maniere comme a ce appartient. (ORESME, E.A., c.1370, 152). | |
| 230 | Et donques en la maniere que il est en prestz que ceulz qui doivent vouldroient que ceulz a qui ilz doivent ne fussent pas en vie, et ceulz qui ont presté ont cure et solicitude que la vie de leur debteurs soit sauvé, semblablement ceuls qui ont bien fait veulent que ceulz vivent a qui ilz ont bien fait pour gaaignier et recevoir de eulz graces et retribucions. (ORESME, E.A., c.1370, 473). | |
| 231 | ...si eurent consel de trettiier deviers messire Carle. Et tretiierent par celle maniere que la ville et li chastiaus se renderoient a lui, parmi tant que les hostels et maisons qui fustees estoient, seroient restaulies au plus priés conme on poroit, et raveroit casquns et casqunes ses coses. (FROISS., Chron. D., p.1400, 560). | |
| 232 | Et remoustra au roy son signeur les biaus jeuiaus que li rois de France li avoit fait presenter. Et demanda fiablement au roy quel cose en estoit bonne à faire ; car il les avoit receus par manière que, se il plaisoit à lui, il les retenroit, ou aultrement il les renvoieroit. (FROISS., Chron. L., IV, c.1375-1400, 9). | |
| 233 | ...mais Protheus, dieu de la mer, lui conseilla que nullement du monde il ne la laissast, mais que il la suivist diligemment en quelque maniere qu'elle se muast, et lui promist que finablement elle se mueroit en face de femme. (LEGRAND, Archil. Sophie B., c.1400, 196). | |
| 234 | Aultres raisons monstrans evidemment n'estre que desrision ce que Henry de Lenclastre se disoit avoir esté esleu roy, et comment le royaulme ne luy devoit advenir par quelque maniere qu'il vacquast (JUV. URS., T. crest., c.1446, 155). | |
| 235 | Item, quant il sunt en eage et il sunt hommes, tous sunt en une maniere quant a ce que dit est, et ne a nulle distinction du povre au riche (ORESME, Pol. Arist. M., c.1372-1374, 182). | |
| 236 | Or avient que sont faictes entreprinses ou sieges assis ou le ban des princes est crié et le jour souvent nommé pour les champs tenir, mais plusieurs y viennent par maniere plus que pour doubte d'y faillir et pour paour de avoir honte et de reprouche plus que pour vouloir de bien faire, et si est en leur chois le tost ou le tart venir, le retour ou la demeure. (CHART., Q. inv., 1422, 56). | |
| 237 | Et donna à entendre à tous chiaus qui avoecques lui estoient, qu'il aloit devant le chastiel de Roleboise, que manière de gens nommés Compagnes tenoient. (FROISS., Chron. L., VI, c.1375-1400, 100). | |
| 238 | ...si entroient toutes manieres de pillars en ce païs et aussi amassoient et fortefioient par maniere de conqueste. (FROISS., Chron. M., XIV, c.1375-1400, 5). | |
| 239 | ...ledit hermite li dist qu'il avoit, en celle compoingnie qui devoit assembler, plusieurs manieres de gens, de jacobins et autres (Reg. crim. Chât., I, 1389-1392, 473). | |
| 240 | ...gent (...) de mainte maniere (CHR. PIZ., M.F., I, 1400-1403, 10). | |
| 241 | Aultres prelas y ot assez, Et, par celle porte passez, De toutes maniere de gent, Mais qu'ilz eüssent or et argent (CHR. PIZ., M.F., I, 1400-1403, 66). | |
| 242 | ...le Roy defent à toutes manieres de gens, de quelque estat qu'ilz soient, que d'ores en avant aucun ne soit si hardi, ne si osé d'atacher aucunes teles cedules aux portes desdictes eglises ne autre part (BAYE, I, 1400-1410, 95). | |
| 243 | Et ce fait, a dit ledit Connestable qu'il faloit et fault avoir argent promptement par emprunt, et que la Court advisast comment l'en contraindroit toutes manieres de gens à prester au Roy (FAUQ., I, 1417-1420, 19). | |
| 244 | Car je entens que en Toscanne avoit .X. manieres de gens qui povoient avoir chascun sa maniere de sacreffier. (LA SALE, Sale D., 1451, 57). | |
| 245 | Le promoteur de Therouenne, que telles manieres de gens appellent dyable, fut informé du gouvernement de nostre gentil curé (C.N.N., c.1456-1467, 530). | |
| 246 | [Dans l'analyse et la distinction de diverses choses] Item, selonc la premiere magniere est possible que de .II. mouvemens drois soit fait un mouvement circulaire (ORESME, C.M., c.1377, 64). | |
| 247 | ...[elle] tint maniere comme toute esperdue et effrayée (C.N.N., c.1456-1467, 390). | |
| 248 | ...et y a une autre maniere de poisons qui doit estre poudrée tout enmy les fontennes (Reg. crim. Chât., I, 1389-1392, 437). | |
| 249 | ...tout chil qui le voloient aler veoir, estoient (...) servis de deus ou trois manieres de vins (FROISS., Chron. D., p.1400, 167). | |
| 250 | ...li signeur (...) se conmenchierent a deslogier et a tourser tentes et tres, auqubes et pavillons et toutes manieres de logeis portatis (FROISS., Chron. D., p.1400, 308). | |
| 251 | ...lesquelx André et J. Marcel auront le gouvernement et administration de ladicte femme et chambre, et pourverront à icelle femme et comme de raison à ses enfans de vivres, vesteure et de toute autre maniere d'alimens necessaires et pertinens (BAYE, II, 1411-1417, 247). | |
| 252 | ...et avec ce leur donnoit auctorité et povoir de trouver et mettre sus toutes manieres de finances et subvencions (FAUQ., I, 1417-1420, 211). | |
| 253 | ...[il] fist ung petit extraict pour luy, ou quel estoient emprinses, descriptes et notées pluseurs manieres de tromperies (C.N.N., c.1456-1467, 256). | |
| 254 | Item, fera ledit prevost crier par tous les lieux où la criée pourra proffiter, que les bonnes gens des marches où lesditez compaignies seront logées portent toutes manieres de vivres esditz villages où les gens d'armes seront logés, pour iceulx leur livrer et vendre au pris et taux faict par ledit prevost. (LE CLERC, Interp. Roye, c.1502, 342). | |
| 255 | ...pour ce que ledit seigneur de Ternant sçavoit que la duchesse de Bourgoingne pourtoit et soubstenoit le cas et la querelle des Angloix, il s'appensa de conduire son cas et sa prinse par subtilité, et tint maniere de donner congié à plusieurs ses serviteurs, qui tous se rassemblerent à l'entour de Gravelines (LA MARCHE, Mém., II, c.1470, 141). | |
| 256 | ...au dextre cousté de l'ymaige, fut figurée une dame moult honnestement et richement vestue, et de son chief en simple atour ; et tenoit maniere de plourer tellement que les larmes tomboient et couroient jusque sur le costé senestre, où fut une fontaine figurée (LA MARCHE, Mém., II, c.1470, 146). | |
| 257 | ...et devant [la nef] avoit ung cigne d'argent portant en son col ung collier d'or auquel tenoit une longue chaine d'or dont ledit cigne faisoit maniere de tirer la nef (LA MARCHE, Mém., II, c.1470, 342). | |
| 258 | [Les Gandois]... luy crierent mercy [au duc de Bourgogne], et tenoient maniere qu'ilz ne demandoyent que de demourer bons sugectz (LA MARCHE, Mém., II, c.1470, 222). | |
| 259 | Celui que quiers j'ay suspeçon Que ce soit il, a la façon De sa maniére. (Mir. parr., 1356, 48). | |
| 260 | Je ne scé se ma femme encore Fait autel dueil conme yer faisoit. (...) Je m'en vois veoir a maison Sa contenance et sa maniére. (Mir. Theod., 1357, 88). | |
| 261 | ...car celui qui fait bien, ce n'est sa maniere souffrir de legier que l'en li face bien. (ORESME, E.A., c.1370, 233). | |
| 262 | Tristifer par grant convoitise Tant se desnature et desghise Qu'ill fait a son frere dolour, Dont il pert maniere et colour, Qui ot clere face et flouree (Pastor. B., c.1422-1425, 94). | |
| 263 | LE ROY. Anne, m'amie, je ne sçay En quel maniére me contiengne, Que la lerme a l'ueil ne me viengne, Quant de la royne ay memoire (Mir. fille roy, c.1379, 36). | |
| 264 | ...attendu l'estat d'iceli, et la maniere et constance de sa personne, et ce que dit est dessus, delibererent et furent d'oppinion que (...) il feust mis à question (Reg. crim. Chât., II, 1389-1392, 10). | |
| 265 | Or vous voel un petit deviser la maniere et la nature des Escoçois et conment il sevent guerriier. (FROISS., Chron. D., p.1400, 125). | |
| 266 | C'estoit leur guise et leur maniere (CHR. PIZ., M.F., IV, 1400-1403, 5). | |
| 267 | Le seigneur de Saintré (...) prist en soy maniere telle que se de tout ce ne fust riens esté. (LA SALE, J.S. E., 1456, 417). | |
| 268 | ...quelque part qu'il enconstrast sa femme, il l'abbatoit (...) Et ne dura pas ceste maniere ung moys ou deux seullement (C.N.N., c.1456-1467, 87). | |
| 269 | ...si luy demanda qu'il avoit et que sa maniere monstroit que son cueur n'estoit pas a son aise. (C.N.N., c.1456-1467, 231). | |
| 270 | ...vostre maniere et voz parolles portent et jugent qu'il vous fault quelque chose, que je ne saroie penser. (C.N.N., c.1456-1467, 234). | |
| 271 | Espoir qu'il n'est pas homme. Il le fault esprouver, car jusques a la IIIJe nuyt il a continué ceste maniere. [Un jeune marié n'accomplit pas son devoir d'époux] (C.N.N., c.1456-1467, 299). | |
| 272 | ...Avoir ama et le tint tant Qu'aux fourches en fu baliant ; Et tant sieuy haultesse a l'oeul Et le surmonta orgueul, Et oultrecuidance et maniere, Que des fourches tint la chariere. (Renart contref. R.L., t.1, 1328-1342, 31). | |
| 273 | Et, venant du costé du beaufroy et mené par la main dudit bastard, [messire Jehan de Rebremettes] entra bien en maniere a tout une bannierolle en sa main painte des ymages d'aulcuns sains et saintes selong sa devotion, et estoit vestu d'une robbe longue simple assez et non bobansiere. (CHASTELL., Chron. IV, D., c.1461-1472, 161). | |
| 274 | Dieu regarde en priere cuer humble et devost et n'a cure de paremens ne de haulte maniere, comme font ces foles hardies qui vont baudement le col estendu comme serf en lande et regardent de travers comme cheval desréé. (Ménagier Paris B.F., c.1392-1394, 45). | |
| 275 | Uns homs d'une haute maniere, Ne say ou d'achat ou de don, A trois oyseaux en sa maison (LA BUIGNE, Rom. deduis B., 1359-1377, 100). | |
| 276 | A quoy la Court a respondu que ce n'estoit point la maniere de venir ceans signifier les assemblées, attendu l'estat de la Court qui n'estoit subgecte ne jurée que du Roy (BAYE, I, 1400-1410, 342). | |
| 277 | C'estoit leur guise et leur maniere, Quant grant desplaisance pleniere Leur sourdoit, tous leur paremens Et leur nobles aournemens Laissoyent, et robes de dueil Prenoyent jusques a leur vueil En fussent bien venus a chief, Puis les prenoyent derechief. (CHR. PIZ., M.F., IV, 1400-1403, 6). | |
| 278 | Vous ne sçavés pas la magniere : Il vous fault donné quesque estrainne. (Myst. st Bern. Menth. L., c.1450, 26). | |
| 279 | Se de telz confors me mesloye, Ce seroit pitié sans maniere (CHART., B. Dame, 1424, 356). | |
| 280 | En Cypre ont il vne maniere que seigneur et valles [l. vallés] tous manguent par terre (MANDEVILLE, Voy. L., p.1360, 243). | |
| 281 | Après jour ne nuit ne dormoit, Mais avoit coustume et maniére Que touz jours estoit en priére (Mir. st Alexis, 1382, 361). | |
| 282 | ...le loysir qu'elle eut de respondre si tresbien l'asseura et sa contenance de maniere si bien ordonna, que, a l'oyr, sa response estoit plus asseurée que la plus juste de ce monde (C.N.N., c.1456-1467, 465). | |
| 283 | Et lors manderent les deux chevaliers, qui y vindrent moult liement. Et, quant ilz furent venus, les deux enfans les bienviengnerent moult amiablement. Et leur commencierent a enquerre de leur voyage, et des usaiges et manieres des pays ou ilz avoient esté ; et ceulx leur en dirent la verité. (ARRAS, c.1392-1393, 81). | |
| 284 | ...trois assez honnestes compaignons court vestus (...), chascun tenant un baton par maniere de costeret affaitié en leurs mains, vindrent en hault en la chambre ou sale desdites estuves (Reg. crim. Chât., I, 1389-1392, 263). | |
| 285 | ...neantmoins selon la simplece de mes sens non encore du tout parcreuz, m'informoie adés des coustumes, manieres et condicions de ladicte dame. (CHR. PIZ., Avision R.D., 1405, 15). | |
| 286 | Queulx manieres ! Tu veulx fere cuider Que vostre filet soit tout plain. [Réf. à l'épisode de la pêche miraculeuse (Luc 5, 7)] (Pass. Auv., 1477, 126). | |
| 287 | ...la fille dou duch de Braibant, madamoiselle Jehane (...) lors estoit la plus belle, la plus gente, la plus frice et mieuls aians toutes nobles manieres que nulle jone dame dont on euist la congnissance (FROISS., Chron. D., p.1400, 267). | |
| 288 | Car chevalereuses manieres Ot et condicions humaines Plus que femenines, ne vaines. (CHR. PIZ., M.F., II, 1400-1403, 182). | |
| 289 | A brief parler, tant pourchaça Paris et tant celle chaça, Par promesses et par prieres Et par ses courtoises manieres Et sa beauté, qui n'ot pareille, Avec Amours, qui lui conseille, Que du tout s'amour lui ottroye Et o lui s'en yra a Troye (CHR. PIZ., M.F., III, 1400-1403, 66). | |
| 290 | Et ses manieres belles et bonnes estoient tenus en Lombardie ou temps de Messieur Bernabo et de Galiache son frere, qui puissamment obtindrent leur seigneurie. (CHR. PIZ., Paix W., 1412-1413, 135). | |
| 291 | ...[elle] estoit belle et gente et de plaisans manieres (C.N.N., c.1456-1467, 293). | |
| 292 | Ne touchés a rien qui soit mien, Vos manieres sont outrageuses (Dorib., p.1480, 252). | |
| 293 | ..."Voir, tant croi Ma dame chiere Que, se je sui ores de li arriere, Tant est loyal et de bonne maniere Ja ne m'en ert, je croi, espoir, plus fiere A mon retour..." (FROISS., Dits Débats F., 1363-1393, 158). | |
| 294 | Michault estoit homme de courroussant maniere, qui voulentiers et trop tost frappoit de ce qu'il tenoit. (Nouvelles inéd. L., p.1452, 43). | |
| 295 | ...un eschanteillon de bois, qui est par maniere de compas, à prendre et faire le tour de cloches (Reg. crim. Chât., I, 1389-1392, 364). | |
| 296 | ...un roy de fiere maniere, De grant poissance et de grant terre (CHR. PIZ., M.F., IV, 1400-1403, 15). | |
| 297 | ...car il apertient a dame qui a tel charge, que elle se prengne bien garde que environ la fille du prince ne repaire fille ne femme ou il ait reprouche ne qui soit mal condicionee, legiere ou fole, ne de laide maniere, afin que l'enfant n'y peust prendre aucun mauvais exemple. (CHR. PIZ., Trois vertus W.H., c.1405, 61). | |
| 298 | ...li contes Marescaus (...) fu homs de sauvage et diverse maniere. (FROISS., Chron. D., p.1400, 45). | |
| 299 | A laquele chose vault moult ajouster exemples manifestes, selonc le dit de Varron : «Tres clere maniere de enseignier est ajouster exemples». (DAUDIN, De la erudition H., c.1360-1380, 22). | |
| 300 | Il semble que ceste repproche ne soit pas contre l'intencion de Plato ne des siens, mais seullement contre la maniere de parler (ORESME, C.M., c.1377, 182). | |
| 301 | Doncques, et en conclusion, si que dit Tulles, se tu te delictes à avoir et posseder, comme bien t'appartiengne, les tres plus belles et meilleurs choses si eslis de sur toutes pour souverain bien la tres meilleure et plus belle maniere de vivre. (CHR. PIZ., Paix W., 1412-1413, 65). | |
| 302 | Car je entens que en Toscanne avoit .X. manieres de gens qui povoient avoir chascun sa maniere de sacreffier. (LA SALE, Sale D., 1451, 57). | |
| 303 | Ceste maniere de faire dura beaucop et longuement (C.N.N., c.1456-1467, 217). | |
| 304 | Et sembleroyt à leurs obduracions et manière de faire, qu'ils feussent et soient latentement persuadéz et portéz par aucuns pour cuyder parvenir à quelque pernicieuse et scandaleuse conclusion. (Cartul. Laval B., t.3, 1486, 317). | |
| 305 | "Par Dieu, ma commere, dit l'autre, nous irons toutes et ferons bonne chiere et y vendra ma commere telle et mon cousin tel", qui a l'aventure ne lui est rien, mais c'est la maniere de dire et ont entreprins d'aller en voiage pour ce qu'ilz ne pouent pas bien faire a leur guise en leurs mesons. (Quinze joies mar. R., c.1390-1410, 67). | |
| 306 | Et quant il approucha un petit plus, il apperceut un hostel de pierre a maniere d'une chappelle. (ARRAS, c.1392-1393, 29). | |
| 307 | Dont a che propos saint Jerome dist : «Se nous sommes auchunefois constrains de nous concorder aux escriptures seculieres et d'icelles auchunes choses aprendre que nous aviemes mis en oubli, che n'est pas de nostre volenté mais, par maniere de parler, che nous est pour tres grant necessité, afin que nous provons les choses dittes des prophetes passé moult long temps estre contenues es escriptures tant des Grecs comme des Latins et d'aultres gens». (DAUDIN, De la erudition H., c.1360-1380, 116). | |
| 308 | Il fist le jugement sur la nativité de dame Yolland, duchesse de Savoye et fist la nativité du duc Amé de Savoye qui fut l'an mil IIIIcXXXV, le premier jour de fevrier, aucun peu après la minuyt, où il dist choses certaines que puis l'experience a monstrées veritables, tant de l'un que de l'autre et plusieurs jugemens escripz de Sauvain Futeroye que j'ay achapter en mon jeune aage au poix d'or, par maniere de parler , pour ce que tant l'avoye oy renomer à ceulx qui l'avoient veu et congneu. (SIMON DE PHARES, Astrol., c.1494-1498, f° 155 v°). | |
| 309 | Si fuioient devant les Englès de si lonch qu'il en ooient parler, et laissoient leurs maisons, leurs gragnes toutes plainnes ; ne il n'avoient mies art ne manière dou sauver ne dou garder. (FROISS., Chron. L., III, c.1375-1400, 139). | |
| 310 | Tel homme a haulte maniere et contenance rassise non mie par orgueil, car riens n'est qu'il tant desprise, mais pour l'estat du degré où il est. (CHR. PIZ., Paix W., 1412-1413, 104). | |
| 311 | ...les Escoçois conmençoient a doubter ce roi Edouwart. Et disoient li anciien et li sage en Escoce que il feroit un vaillant honme, et en avoit bien la chiere et la maniere. (FROISS., Chron. D., p.1400, 220). | |
| 312 | Adont le chevalier se teut ung petit, puis changea couleur et maniere (Percef. III, R., t.2, c.1450 [c.1340], 135). | |
| 313 | Or est bien changiee la verve, Qu'il faut que s'ennemie serve Cellui, qui son pareil n'avoit De fierté, et si pris se voit D'une pucellete jeunette Qu'il couvient que tout se soubzmette En sa subjeccïon plainiere, Et si lui fait changier maniere Qu'il est comme aignel ramenez, Qui est a l'escorcheour menez. (CHR. PIZ., M.F., III, 1400-1403, 115). | |
| 314 | ...je suis seur qu'elle est en enfer, car oncques chose creé n'approucha plus a faire la maniere des deables qu'elle faisoit. (C.N.N., c.1456-1467, 490). | |
| 315 | Il se mist entre les bailles et le porte de le ville, en bon couvenant, et fist le porte de le ville ouvrir toute arrière, et monstra et fist bien cière et manière de deffense. (FROISS., Chron. L., I, c.1375-1400, 167). | |
| 316 | MARTHE. Mon frere, de vous me complains Que ne prenés joyeuseté ; Puis que fustes resuscité, Chere ne feistes ne maniere. (MICHEL, Myst. Pass. J., 1486, 202). | |
| 317 | Ma dame, j'ay esté un pou malade et ay eu ung pou de fievre en maniere de continue. (ARRAS, c.1392-1393, 244). | |
| 318 | ...Et, pour l'onneur imperïal, Par mandement especïal, Chascun face d'honneur maniere Devant l'estendart et baniere Et l'ymage de l'empereur (MICHEL, Myst. Pass. J., 1486, 30). | |
| 319 | Quand elle voit que maniere ne faisoit pour parler [l'homme, qui, ignorant ce que la dame attend de lui, reste muet], elle commença et dist... (C.N.N., c.1456-1467, 572). | |
| 320 | ...quelque maniere que vous facez, il ne vous chault gueres de moy. Vous en avez bien d'aultres dont il vous chault plus que de moy. (C.N.N., c.1456-1467, 71). | |
| 321 | Qu'est cecy, dirent ilz, que tu nous faiz estrange maniere ? (C.N.N., c.1456-1467, 552). | |
| 322 | ...faisoient bons compaignons la roe, et se pourmenoient par devant elles, devisans d'un costé et d'aultre, et faisans cent mille manieres pour dire : "Nous ne tenons compte de vous" (C.N.N., c.1456-1467, 363). | |
| 323 | De vostre amour, dame que tant desir, M'a esmeü vo beauté qui tout passe, Quant je vous vi premiers, n'oc pas espasse De concevoir de vo beauté les tains, Ains fu mon coer si pris et si attains, Et si ravis en parfette plaisance, Que j'en perdi maniere et contenance (FROISS., Orl., 1368, 87). | |
| 324 | Mes le tres grans habondance de corage que vous avés et le desir d'estre amoureus vous ont si ataint et le coer enflamé que bien souvent vous en perdés maniere et contenance. (FROISS., Pris. am. F., 1372-1373, 151). | |
| 325 | Certes, dame, quant je vous voy, (...) Desir m'enlace et estraint Si que je pers maniére toute, Ne de contenance n'ay goute. (Mir. emper. Romme, 1369, 263). | |
| 326 | Durement en devint perplex, et tout plein d'effroy cuidoit certainement estre trahy jusques à perdre toute manière et parole. (CHASTELL., Chron. K., t.3, c.1456-1471, 303). | |
| 327 | Sire, tout le sens me deffault, Je pers manyere et contenance Pour la tristesse qui m'assault, Si de vous n'ay quelque alegence. (LA VIGNE, S.M., 1496, 389). | |
|
