| 170 exemples | | 1 | Et puis après A grans roches tout entour, nom pas près, Eins sont si loing dou chastel qu'il n'est fers, Engiens, ne ars qui y getast jamès. Mais la maison Sus la roche est si bien qu'onques mais hom Ne vit autre de plus belle façon ; Car il n'y a nesune meffaçon. (MACH., J. R. Beh., c.1340, 110). | |
| 2 | Dont mes ris, ma joie et mes chans Sont si feni, ne say pourquoy, Qu'il me couvient taire tout quoy, Se ce n'est pour ceste raison Que j'ay veüe la maison Qui trop plus belle est de tout estre, Que ne soit paradis terrestre. C'est li lieus ou ma douce amour Et mes cuers aussi font demour : Autre raison n'i say trouver. (MACH., R. Fort., c.1341, 114). | |
| 3 | A la venue desquelles gens d'armes pluiseurs du peuple de Paris s'esleverent et conduisoient lesdictes gens d'armes par les hostelz et maisons de pluiseurs desdis conseilliers, officiers et bourgois que on souspeçonnoit d'avoir favorisié ledit d'Armignac (FAUQ., I, 1417-1420, 127). | |
| 4 | Nota que le roy a acoustumé de donner le gouvernement des maladeries et des maisons Dieu a ceulx que son aumosnier nomme, a ce qu'on n'y mette pas gens qui ne soient de bon gouvernement et proufitables (ODART MORCHESNE, Formulaire G.L., a.1427, 68). | |
| 5 | ...les hospitaux et les maisons de Dieu, les ordres mendyans et tout ce qui est semblable, tous emporterent et reçurent don (CHASTELL., Chron. K., t.4, c.1456-1471, 109). | |
| 6 | Ce jour, les Anglois vindrent courir devant les portes de Paris et se tindrent par long espace de temps près de la maison Saint-Ladre, devant la porte Saint-Denis (FAUQ., I, 1417-1420, 311). | |
| 7 | ...la ou est maintenant la maison du temple de saint Jehan (LA SALE, Salade, c.1442-1444, 23). | |
| 8 | LE PAPE. Seigneurs, puis qu'en la Dieu maison Sommes, je pren ma place cy. (Mir. st Alexis, 1382, 354). | |
| 9 | En ceste region (...) a plusieurs maisons sainctes, stacions, sacraires et aultres ediffices dediez aux dieux et aux deesses (Hist. prem. destruct. Troie R., c.1470-1480, 66). | |
| 10 | ...à Jehançon Garnache (...) pour avoir commancé de tailler l'aultre arc boutant enssuivant du costé de la maison épiscopal... (Doc. cathédr. Troyes A., 1494-1495, 418). | |
| 11 | Contre nous [Satan] esmuet la querelle Et remettre nous veult arriere En la maison d'enfer chartriere ! (Myst. Adv. N.D. R., c.1360-1365, 62). | |
| 12 | ...et luy fut demandé [au seigneur de la Gruthuse] s'il vouloit estre jugié par ceulx de l'ordre de la Thoison d'or, dont il estoit confrere, ou par ceulx de la loi de Bruges ; et il respondit qu'il vouloit estre jugé par ceulx de la loy de Bruges. Si fut mené en la maison des prisons de la ville, où il fut prisonnier par certain temps. (LA MARCHE, Mém., III, c.1470, 276). | |
| 13 | S'en declara s'entencion A son pere et a se maison. (Dit prunier B., c.1330-1350, 79). | |
| 14 | ...de là, considerant que Lion estoit lieu assez humain, me i retiré et là basti une maison assez près de Saint Jehan et pensé y resider et y acoustré une estude en laquelle je mis IIc volumes de livres (SIMON DE PHARES, Astrol., c.1494-1498, f° 156 v°). | |
| 15 | Il entent par maisons les gens des ostelz. (ORESME, Pol. Arist. M., c.1372-1374, 132). | |
| 16 | ...envie et discorde se boutent volentiers en maison ou paix est, pour tout touellier. (FROISS., Chron. D., p.1400, 182). | |
| 17 | Par quoy j'adreschay de tout mon coeur mes prieres a Jupiter (...) que, se aulcune adversité deüst advenir au poeuple rommain, qu'elle vous quittast et convertist toute sur ma maison. (LA SALE, Sale D., 1451, 36). | |
| 18 | ...elle cheut en une desplaisante et dangereuse maladie que communement l'on appelle broches. La doulce maison fut treslargement troublée (C.N.N., c.1456-1467, 32). | |
| 19 | Le charreton de nostre maison a couché avecques moy plus de quarante nuiz (C.N.N., c.1456-1467, 72). | |
| 20 | ...le surplus de la maison s'efforçoit fort de luy complaire, saichant estre le bon plaisir de monseigneur et de madame. (C.N.N., c.1456-1467, 75). | |
| 21 | LE JUIF. (...) Je n'y voy rime ne raison De vouloir nostre loi desdire. Jamais n'y vouldroye contredire : A moy seroit grant trahison. Toute ma maison En est soubtenue ; Parquoy mesprison Auroye encourue. Ma foy est ferue En ung tres fort las (Mir. st Nic. juif, c.1480-1500, 78). | |
| 22 | Parler boute feu en maisons Et destruit paix, ce riche avoir : On aprent a taire et a veoir, Selon les temps et les saisons, Sauves toutes bonnes raisons. (CH. D'ORLÉANS, Rond. C., 1443-1460, 376). | |
| 23 | ...lequel messire J. [de Montagu] (...) avoit esté elevé en telle auctorité et eminence qu'il avoit en son temps gouverné toute la maison du Roy et de la Royne et de monseigneur le Dauphin (BAYE, I, 1400-1410, 291). | |
| 24 | Et, le tiers jour de septembre mil IIIIcLXI, le roy avecques les seigneurs et aucuns gentilzhommes de sa maison soupperent en l'ostel de maistre Guillaume de Corbye, lors conseiller en sa court de Parlement, et celle nuit le roy [le] fist et crea premier president du Daulphiné. (ROYE, Chron. scand., I, 1460-1483, 31). | |
| 25 | Ce puis dont je vous parle estoit en un gaste lieu repuz, ne il n'avoit a dix lieues environ borde ne maison, habitacion ne repaire. (Bérinus, I, c.1350-1370, 322). | |
| 26 | Et avecques le roy estoit sa garde, ses gentilzhommes de sa maison, le conte de Dampmartin, qui se y trouva moult fort pompeux. (ROYE, Chron. scand., I, 1460-1483, 311). | |
| 27 | Le roy estoit emmy la rue, bien accompaigné, car tous ses trois cens hommes d'armes y estoient, et sa garde, et aucuns seigneurs et gentilz hommes de sa maison. (COMM., I, 1489-1491, 161). | |
| 28 | ...monsieur le Vydame, messire Jehan Jacques et monsieur Camille, ytaliens, avecques plusieurs autres grans seigneurs de France, de la maison du roy et de l'armee, tous en moult belle ordre et dueil sumptueux. (LA VIGNE, V.N., p.1495, 312). | |
| 29 | ...un chevalier Alemant, qui porte aussi samblables armes, vient en France au joustes ou au tournays ; certes, pour tant, il ne fait aucune injure au chevalier Françoys, posé que il ait darrenierement enleüe telles armes, pour la tres grant distance laquelle est entre leurs maysons, et pour ce que ilz ne se trouverront mie souvente foys en guerre, en joustes ne en tournoys. (Songe verg. S., t.1, 1378, 289). | |
| 30 | Car vindrent lors au devant de ma memoire pluseurs dis de la saincte Escripture et des hystoires et de experience, qu'il n'est si riche maison, si noble ou ferme cité, et puissant royaume, si estable empire que ceste beste infernale qui est composee de deux vices qui semblent contraires, c'est assavoir de prodigalité et de rapacité, ne perde et abate, ne degaste, ne subvertisse du tout en tout se elle s'i embat et y demeure. (GERS., Noël, p.1404, 309). | |
| 31 | [Maistre Jehan de Clugny, ambassadeur du duc de Bourgogne, au roi de France :] ...il [le duc de Bourgogne] est tenu de pourchasser l'honneur, le bien, l'union et la prosperité de vostre maison, ce a quoy faire vouldroit employer corps et chevance. (CHASTELL., Chron. IV, D., c.1461-1472, 38). | |
| 32 | ...[à propos du dauphin] ainsy que a filz de telle maison dont il est yssu appertient (CHASTELL., Chron. IV, D., c.1461-1472, 44). | |
| 33 | [Maistre Jehan de Clugny, ambassadeur du duc de Bourgogne, aux députés du roi de France :] Cest matere est et doit estre commune entre vous et nous (...). Et jasoit ce que elle touce principalement le roy et sa maison, neantmoins samblablement elle nous touche et y devons avoir singulier affection a l'appaisement d'icelle, affin que, mondit seigneur [le dauphin, réfugié auprès du duc de Bourgogne] reduit devers le roy son seigneur et pere, la prosperité de ceste françoise maison soit tousjours entretenue, et par consequent la nostre. (CHASTELL., Chron. IV, D., c.1461-1472, 47). | |
| 34 | ...ne luy faisoit besoing alors [au duc de Bourgogne], qui avoit sa maison transquille, que pour le debat du pere et du filz [le roi de France et le dauphin] il s'allast boutter parcial entredeux (CHASTELL., Chron. IV, D., c.1461-1472, 92). | |
| 35 | ...il [le duc de Bourgogne] savoit bien que elles [des Parisiennes] estoient de ceur et d'affection a ly et enclinees envers sa maison ; (...) il leur voult envoier a chescune une petite souvenance pour leur donner cause de plus encore parler que devant (CHASTELL., Chron. IV, D., c.1461-1472, 240). | |
| 36 | Il n'a ne borde ne maison, Ne forteresce de ci au Quaire Où vous vous peüssiez retraire, Non jusques en Jherusalem. (MACH., P. Alex., p.1369, 82). | |
| 37 | ...et, à l'eure qu'il deust mourir, [ung gentilhomme] (...) parla moult honnorablement et publiquement devant tous dudit seigneur de Beaujeu, en disant par lui qu'il estoit bon et leal et qu'il n'avoit riens sceu de ladicte trahison, mais d'icelle en charga fort le Cabdet d'Albret, seigneur de Saincte-Basile, ouquel ledit de Beaujeu avoit eu grant confidence pour ce qu'il avoit esté nourry et eu moult de biens en la maison de Bourbon. (ROYE, Chron. scand., I, 1460-1483, 289). | |
| 38 | Si y quist entretenement ledit chevalier, y fut receu et luy fit le conte de Mirre, capitaine de leans, bonne chiere et joyeuse, pour cause que se renommoit de la maison de Bourgoingne a qui Portingal estoit allié, ainsi que vous savez, par la ducesse mere au conte de Charolois. (CHASTELL., Chron. IV, D., c.1461-1472, 78). | |
| 39 | Ledict conte de Warvic soustenoit la maison d'Iort, et le duc de Sombresset la maison de Lanclastre. (COMM., I, 1489-1491, 53). | |
| 40 | Maistre Gilbert de Chasteaudun fut moult aprecié en la maison d'Orleans pour la science des estoilles. (SIMON DE PHARES, Astrol., c.1494-1498, f° 140 v°). | |
| 41 | Environ l'aube du jour, lors que la premiere clarté du soleil et nature contente du repos de la nuit nous rappellent aux mondains labours, n'a gaires me trouvay soudainement esveillié et, ainsi que a l'entendement après repos se presente ce que l'en a plus a cuer, me vint en ymaginacion la douloureuse fortune et le piteux estat de la haulte seigneurie et glorieuse maison de France, qui entre destruction et ressource chancelle douloureusement soubz la main de Dieu, ainsi que la divine puissance l'a souffert. (CHART., Q. inv., 1422, 6). | |
| 42 | ...car ce seroit très grievement et enormement desrogué à l'honneur et sublimité de la très noble, très haulte et très christianne maison de France, où astrologie a tousjours flory jusque à vostre temps, comme dit est et sera cy après. (SIMON DE PHARES, Astrol., c.1494-1498, f° 6 r°). | |
| 43 | Ou est une noble maison en France qui se puisse dire quitte dez dangiers de prison, ou exempte dez douleances de nouvelle mort ? (CHART., L. Esp., c.1429-1430, 80). | |
| 44 | Yssu estoit de haulte maison Et mareschal de l'empereur ; C'estoit l'ung des plus grant seigneur Qui fut pas en trestout l'empire (Myst. st Adr. P., c.1450-1485, 101). | |
| 45 | ...la femme estoit une jeune pucelle (...) laquelle estoit née et yssue de grand maison et noble parentage. (C.N.N., c.1456-1467, 549). | |
| 46 | Ceste femme est une jeune pucelle, ma cousine prochaine, yssue de noble maison. (C.N.N., c.1456-1467, 550). | |
| 47 | Fai tant que de li m'estorde ; Car il n'a maison ne borde Qui vils, sale, obscure et orde Ne soit, pleinne de puour Et de laidour (MACH., Les lays, 1377, 413). | |
| 48 | ...ledit suppliant, qui est nobles homs et de grant maison, nous a servy ou fait de noz guerres et sert de jour en jour, quant mestier en est (Doc. Poitou G., t.10, 1459, 136). | |
| 49 | ...les gens du roy prindrent grant quantité, c'est assavoir comme de IXc à mil prisonniers, entre lesquelz y fut pris ung des filz du roy de Poulaine et ung autre jeune filz que on disoit estre le mignon dudit duc en Autriche, avecques grant nombre de gens de bonne et grande maison et tous bons prisonniers. (ROYE, Chron. scand., II, 1460-1483, 92). | |
| 50 | À l'occasion duquel cas, ledit suppliant, doubtant rigueur de justice, s'est absenté du païs et a delaissé Marie Cospete, sa femme, qui est de bonne maison (Doc. Poitou G., t.10, 1463, 411). | |
| 51 | Au regard du service, madame la nouvelle duchesse fut servie d'eschançon et d'escuyer tranchant et de pannetier, tous Angloix, tous chevaliers et gentilzhommes de grant maison ; et l'uissier de salle cria : "Chevaliers, à la viande !" Et ainsi alla on au buffet la viande querir (LA MARCHE, Mém., III, c.1470, 121). | |
| 52 | ...lequel est filz de chevalier et de bonne maison (Lettres Ch. VIII, P., t.2, 1488, 158). | |
| 53 | Cestui estoit fort studieux et solitaire et lui vint deux disciples Anglois et ung d'Almaigne, de fort grande maison. Les Anglois furent Richard de Vinderose et Marc Wicleff et l'Allement fut Wilrefire. (SIMON DE PHARES, Astrol., c.1494-1498, f° 156 v°). | |
| 54 | Item, donne a sire Denis Hyncelin, esleu de Paris, Quatorze muys de vin d'Aulnys Prins sur Turgis a mes perilz ; S'il en buvoit tant que periz En fust son sens et sa raison, Qu'on mecte de l'eaue es bariz : Vin pert mainte bonne maison. (VILLON, Test. R.H., 1461-1462, 88). | |
| 55 | Princesse suis et tressouefve royne, J'ay des biens prou, ne te chaille de rien ; Puis j'ay le chant plus doulx c'une serayne Pour acquerir bruyt et lox terrïen ; Et te dis plus, que de meschant mesrien Ne de maison povre ne suis venue : Fille de roy suis et noble, combien Qu'a toy me rens, voire vestue et nue. (LA VIGNE, S.M., 1496, 481). | |
| 56 | Il nous convient aussy secondement entendre et savoir les natures et les significacions des .XIJ. maisons qui partissent aussy le ciel en .XIJ. parties, maiz c'est en autre sens et en autre maniere que les .XIJ. signes dessus diz ne partissent le zodiaque en .XIJ. Pour laquelle chose aucunement comprendre il nous convient deux cercles grans ymaginer ou ciel, c'est assavoir le cercle appellé orizon et le meridien, dont nous avons ja autrefois parlé. (...) Ces deux cercles donc s'entrecopent et croissent devers midy et devers septentrion et passent et partissent le ciel en quatre egaulx parties. Et se nous ymaginons oultre que chascune de ces quatre parties soit devisee en .IIJ. aussy precisement par deux cercles passans par les poins dessus diz ou les deux premiers cercles s'entrecroissent, nous arons tout le ciel lors devisé en .XIJ. egaulx parties qui sont les .XIJ. maisons dessus dictes, ausquelles sont aussy attribuees des astronomiens significacions diverses. (EVR. CONTY, Harm. sphères H.P.-H., c.1400, 19-20). | |
| 57 | Vi comment yceulx signes sont Les maisons que planetes ont, Des quelles planetes li cercle, Qui de rondeur sont li couvercle, Assis sont l'un plus hault que l'autre Par ordre qui ne puet tressauldre. (CHR. PIZ., Chem. estude P., 1402-1403, 84). | |
| 58 | La n'ot ne borde, ne maison, Et de logier estoit saison (CHR. PIZ., M.F., II, 1400-1403, 297). | |
| 59 | ...et aussi le saint evesque Johannes Hyspalense le allegue souvant ou livre de ses Interrogacions, par especial en la septiesme maison, en laquelle il traicte du fait des guerres, des furs et choses absconses (SIMON DE PHARES, Astrol., c.1494-1498, f° 12 v°). | |
| 60 | ...et predist sur ladicte conjunction l'infortune des scribes pour la presence de Mercure, Venus et la Lune ou signe de Gemini, et que les subjectz desdaigneroient leurs seigneurs et que les voies et chemins seroient infestés par larrons, à la cause qu'il trouva Mars et Saturne en la IXe maison et qu'il seroit grandes batailles en Armenie et que tuez seroient les prebtres moabitains (SIMON DE PHARES, Astrol., c.1494-1498, f° 31 v°). | |
| 61 | ...et commence son livre : "Dixit Albubater" et procede par les XII maisons, lequel livre ay veu au Colliege du roy Charles le Quint en la librairie de astrologie à Paris (SIMON DE PHARES, Astrol., c.1494-1498, f° 82 r°). | |
| 62 | Cestui escripvit sur les nativités et sur les ellections de la VIe maison. (SIMON DE PHARES, Astrol., c.1494-1498, f° 139 v°). | |
| 63 | Fist aussi ung traicté sur la VIe maison, qui est des maladies, qui moult sert à prenostiquer de toutes maladies. (SIMON DE PHARES, Astrol., c.1494-1498, f° 162 r°). | |
| 64 | Depuis que lé 4 souverains maisons sont trouvés, il faut apres trouver les autres 8. (PÈLER. PRUSSE, Élect. L.F., 1361, 96). | |
| 65 | Le quel degré ascendent doit estre mis sur l'orison orientel, et doncques le degré qui cherra sur la lingne de midi et celui qui cherra sur occident, le quel est tousjours opposit avecques le ascendent, et le degré qui cherra sur la minuit, qui est opposit contre le midi, commencent les quat[re] quartes et 4 maisons principaulz. C'est la premiere, la 10e, la 7e, et la 4e. (PÈLER. PRUSSE, Astrolabe L.F., 1362, 52). | |
| 66 | Et adoncques aussi povez vous veoir les 4 maisons principales du ciel c'est assavoir quel signe et quel degré est ascendent c'est a dire en l'orizon d'orient, aussi lequel est en occident, aussi lequel est en signe du midi et aussi lequel est en signe du minuyt (FUSORIS, Astrolabe P., c.1407-1412, 112). | |
| 67 | Mectez le soleil ou aucune estoille en sa haulteur entre les almicantharatz, et vous aurez les 4 maisons principales comme dit est ou 2e chappitre, c'est assavoir le degré ascendent qui est le commencement de la premiere maison, et le degré d'occident qui est le commencement de la 7e maison, et le degré de midi qui est le commencement de la 10e maison et le degré de la ligne de mynuyt qui est le commencement de la 4e maison. (FUSORIS, Astrolabe P., c.1407-1412, 115). | |
| 68 | ...mectez doncques la reglete sur la fin des heures inesgalles qui sont et le degré du soleil a l'endroit d'icelles, et aussi vous aurez les heures egalles et les 4 maisons principales (FUSORIS, Astrolabe P., c.1407-1412, 124). | |
| 69 | Laboureux ont du mal foison Car ilz n'ont borde ne maison Ou ilz se sachent maintenir, Ilz ne scevent que devenir, Në ou aller, në eulx tenir. (RÉGN., F.A., 1432-c.1465, 61). | |
| 70 | Car, jà cessans les fictions, Très mauvaises conjonctions Des devantdictes sept Planètes Alors venues et eschéetes En la maison ou domicile De Saturnus tout inutile, Furent de fait occasion De si dure corruption Qu'avint en l'air, en cellui temps (LA HAYE, P. peste, 1426, 40). | |
| 71 | ...et estoit à presupposer la destruction de France, pour ce que Jupiter [qui gouverne la France] ne regardoit icelle conjunction [de Saturne et de Mars, gouvernant l'Angleterre et l'Allemagne], ainsi il ne povoit expelir la malice des conjoins, mais, par mouvement retrograde, laissoit sa maison de Pisces et s'en aloit fuyant en leur maison et premier en celle d'Aquaire qui est Saturne, qui signiffioit la fuite du roy de France pour le signe de Cancer. (SIMON DE PHARES, Astrol., c.1494-1498, f° 136 r°). | |
| 72 | Derechief, le soleil a une vertu qui donne vie, car rien ne puet vivre ou le soleil ne puet attaindre. Et pour ce dit Tholomee que soubz le souleil est le Lyon, et est la maison ou regne ou signe du Mouton, et descent du royaume ou signe de la Livre, etc... (CORBECHON, Soleil Lune S., 1372, 349). | |
| 73 | Selon Tholomee, soubz la lune est le signe du Cancre, et le Cancre est la maison de la lune ; et regne ou Cancre et fine son royaume ou signe de la Livre [plutôt Scorpion ?]. La lune est une planette froide et moiste excessivement ; et est feminine et nocturnal et demeure en chascun signe .II. jours et six heures, et acomplist son cours en .XVIII. jours. (CORBECHON, Soleil Lune S., 1372, 351). | |
| 74 | ...les aultres oïent paroles attraihans a mal et qui boutent le feu mauvais es maisons Dieu et es hospitaulx du Saint Esperit, c'est a dire es ames. (GERS., Pent., p.1389, 80). | |
| 75 | Pense en ce que dit est lestat de gloire et comment diuerses mansions sont donnees aulx sains en la maison de Dieu, et comme les vngs sont plus glorieux que les autres, comme celle compagnie des sains est enluminee de la clarte de Dieu. (CIB., p.1451, 189). | |
| 76 | A Dieu je vouldroye obeyr (...) Et tousjours, en toute saison, Vueil estre sa povre servante, Actendant sa vraye maison Lassus ou ciel, ou est m'entente. (Myst. siège Orléans H., c.1480-1500, 293). | |
| 77 | ...de quoy ilz [des serviteurs du roi] et les leurs sont obligez, s'ilz ne demeurent ingratz, de prier Dieu pour son ame ; laquelle luy supplie très humblement et affectueusement qu'il luy plaise la bien logier en ses bonnes et eternelles maisons. Amen. (LE CLERC, Interp. Roye, c.1502, 400). | |
| 78 | O devot peuple crestien, en ceste maniere ou samblabe puet et doit chascune ame devote appeler le benoit Saint Esperit en sa maison espirituele ou logis de son cuer, pour y demourer et habiter ; et cest office fait la premiere chamberiere et damoiselle que je nomme Oroison. (GERS., Pent., p.1389, 75). | |
| 79 | Dame, c'on doit sur toutes honnorer, Cité de Dieu forte, riche et vaillans, Maison royaulx, assise ou throne cler... (Mir. Theod., 1357, 132). | |
| 80 | Ces trois capitainnes tenoient, en le marce de Campagne et sus le rivière de Marne, plus de soixante chastiaus et fortes maisons. (FROISS., Chron. L., V, c.1375-1400, 135). | |
| 81 | ...le filz qui tient heritages de son pere à un fief et l'eritage de sa mere à un autre, soit chastellerie, soit maison fort, soit terre plaine (Cout. bourg. glosé P.M., c.1380-1400, 208). | |
| 82 | ...li rois d'Engleterre (...) li donna (...) une forte maison que on dist Fretun. (FROISS., Chron. D., p.1400, 875). | |
| 83 | Helas ! or est a euls grans blames, Que justice est vague et en fuite Et l'eglise est toute destruite ; Les vesves et les orfelins N'ont maisons ne fours ne molins, Helas ! car il ont tout perdu, Et si ne l'ont pas despendu. (MACH., F. am., c.1361, 185). | |
| 84 | ...la forte maison dudit Warmeriville, close et fermée de fossés (Trés. Reth. S.L., t.2, 1408, 575). | |
| 85 | ...douze moye de bois ou environ, appelez les bois du Fay, sceans assez près d'icelluy chastel et forte maison des Hermoises (Trés. Reth. L., t.4, 1451, 350). | |
| 86 | Plusieurs de sesditz serviteurs bastirent et edifierent soubz son regne de bonnes, belles et fortes maisons, places et chasteaulx, et acquirent plusieurs bons et grans heritaiges (LE CLERC, Interp. Roye, c.1502, 400). | |
| 87 | ...et s'estendoit ce quartier jusques à la rivière dessusditte, venant de la ducé de Julers, passant devant l'abbaye, emprès laquelle le duc fit lever sa maison portative et tendre ès jardins à l'environ ses pavillons très ricement armoyéz de ses armes, où il se loga de sa personne (MOLINET, Chron. D.J., t.1, 1474-1506, 35). | |
| 88 | L'Empereur monta en sa litiere et le roy à cheval, et chevaucha le roy coste lui tousjours devisant, et tous les seigneurs, prelaz, et barons, et grant multitude de gens avecques eulz, et le convoya le roy assez près de la maison de Plaisance, ce que l'Empereur ne vouloit que tant venist avant, et là pristrent congié l'un de l'autre, mais si fort plourerent qu'à peine povoient parler (CHR. PIZ., Faits meurs Ch. V, S., II, 1404, 129). | |
| 89 | Ledit chancelier de Bretaigne fut prins en une maison de plaisance qu'il avoit emprès Nantes. (MONSTRELET, Chron. D.-A., t.5, c.1444-1453, 12). | |
| 90 | ...le jour qu'il fut pris, lui vinrent les nouvelles de cestui son fils, qui fut né à Rouvre-lez-Dijon, en une maison de plaisance (CHASTELL., Chron. K., t.5, c.1456-1471, 236). | |
| 91 | Chastellerault, ou il y a très beau logis, amenable et delectable bien et honneste demoure, assise en très bonne et belle situacion de païs, environnée et circuye de beaulx et plaisans chasteaulx, places et maisons de plaisance alentour et de tous les coustez d'icelle ville (Doc. Poitou G., t.12, 1482, 59). | |
| 92 | ...ou ledict seigneur fut logé luy et son train, soit en ville ou en villaige, en chasteau ou en maison de plaisance (LA VIGNE, V.N., p.1495, 129). | |
| 93 | Cest homme est soubtil a merveilles Pour gouverner plusieurs denrees. Il scet pratiques nompareilles Pour trouver en maintz lieux entrees. En maintes choses anulees Sy bien employe ses espreuves Que de vielles maisons brullees Scet tirer cueilliers toutes neuves. (Prov. rimes F.M., c.1485-1490, 65). | |
| 94 | Alez a Dieu : je me vois traire Devers maison. (Mir. chan., c.1361, 146). | |
| 95 | Je vueil estre le charpentier Ou masson, qui est de mestier, Qui font souvent par leur raison De vieil mesrien neufve maison. (RÉGN., F.A., 1432-c.1465, 155). | |
| 96 | Et, s'aucuns voulloient arguer que je vueil faire de vieil bois nouvelle maison, pour ce que de longtemps ceulx qui ont escript les faiz des Rommains, les Cronicques de France et les autres batailles du temps passé, ont mys suffisamment la manière en escript et la façon de soy gouverner à la guerre, par quoy ne seroit aucun besoing que j'en feisse mention, je respons à cest argument que qui ne cesseroit jamais de renouveller les sciences, si trouveroit-on tousjours quelque chose de nouveau (BUEIL, I, 1461-1466, 17). | |
| 97 | Que fait celuy qui distribue Chose a luy mal atribuee Quant du sien riens n'y contribue ? Il fait draps blans d'autruy buee. Gloire est elle a Dieu tribuee S'il luy presente ce metz ? Rien. Il fait maison d'autruy mesrien. (CHAST., Temps perdu D., a.1450, 28). | |
| 98 | [Réponse du roi Henri lorsqu'on lui conseille de ne pas trop se fier en son armée] De tel marrien qu'ai me fault faire maison. (CUVELIER, Chron. Guescl. C., t.1, c.1380-1385, 384). | |
| 99 | Je n'estoye mort ne mallade Ne Fortune ne me troubloit ; Je faisoye diz et ballades Et le temps mes doulx ans embloit Et a celle heure me sembloit Qu'il ne me fauldroit jamais rien : De maison neufve viel mairien. (TAILLEV., Passe temps D., c.1440, 136). | |
| 100 | Ne dit le proverbe rural, et commun que "bien se bat qui par autrui se chastie", et que "qui autrui maison voit brusler de la sienne paour doit avoir" ? (CHR. PIZ., Avision R.D., 1405, 47). | |
| 101 | Et cil doit avoir grant paour de sa maison, qui voit le feu en la maison de son voisin. (Honn. cour. Fr. P., 1418-1420, 70). | |
| 102 | J'ay souvenance Que qui voit la maison ardoir De son voisin, je croy et pense Que grant doubtance De la sienne bien doit avoir. (RÉGN., F.A., 1432-c.1465, 200). | |
| 103 | Alons touz quatre en ma maison : Je vous donrray a grant foison Rost et pastez... (Mir. nat. N.S.J.C., c.1343, 242). | |
| 104 | Pour che dist Tulle ou livre de Viellesse : "Le tres sage prend la mort en gré et se part de ceste vie comme d'un ostel, non pas de sa maison. Nature nous a donné lieu en ce monde pour ung peu demourer, non pas pour tousjours habiter." (DAUDIN, De la erudition H., c.1360-1380, 349). | |
| 105 | ...onques ne vi faire tel vent, Car les tieules par l'air voloient Et les cheminees chëoient Et se chaÿ pluiseurs maisons. (MACH., Voir, 1364, 608). | |
| 106 | LE MARI. (...) Conment le fait on en ma maison ? Ne me mentez. (Mir. enf. ress., 1353, 55). | |
| 107 | Ce fu droit en mois de novembre, Qu'on fait feu en sale et en chambre ; Si demourai en ma maison Jusqu'a la nouvelle saison (MACH., Voir, 1364, 666). | |
| 108 | Li vieulx Drusïus, ce tendiz, Fu murdris dedens sa maison (CHR. PIZ., M.F., IV, 1400-1403, 5). | |
| 109 | Et, se l'air n'est bel, par raison Doit un chascun en sa maison Labourer et s'exerciter, Pour greigneur péril éviter (LA HAYE, P. peste, 1426, 85). | |
| 110 | ...si bien exploicta a l'ayde du grand desir qu'il a de se trouver en sa maison et es braz de madame, que en pou de jours en Artois se trouva. (C.N.N., c.1456-1467, 110). | |
| 111 | Vien t'en souper a ma maison. (Path. D., c.1456-1469, 194). | |
| 112 | ...si s'advisa a chef de piece qu'il la chassera paistre en sus de luy, et ne sera jamais d'elle ordoyée sa maison [Un mari renonce à détourner sa femme de la luxure] (C.N.N., c.1456-1467, 419). | |
| 113 | Bien sçay, se j'eusse estudïé Ou temps de ma jeunesse folle Et a bonnes meurs dedïé, J'eusse maison et couche molle (VILLON, Test. M., 1461-1462, 36). | |
| 114 | Ne vous travailhés plus ; Trop estes courtois et benigne, Car, raby, je ne suis pas digne Qu'ad ma maison, sire, veignés. Car par ung seul mot que dirés, Mon enfant recepvra sancté. (Pass. Auv., 1477, 128). | |
| 115 | Or avon donques .IIII. especes de industrie qui sunt requises en gouvernement de maison (ORESME, Ycon. Arist. M., 1374, 821). | |
| 116 | Et que quant eu palais seroient, Tres bonnes gardes metteroient En tous les lieus de la maison ; Et li princes qui par raison Devoit estre li plus privez Dou roy et tous li mieus amez, Tout bellement et sans effroy, Yroit hurter à l'uis dou roy (MACH., P. Alex., p.1369, 266). | |
| 117 | Et, quant femme s'en va par voye, Cuides tu pour ce qu'elle doye Pour ce mal faire ou mal penser ? Nenil, nul ne l'en doit tenser, Car jamais n'yroit sanz raison, Mais il lui fault en sa maison Quelque chose qu'elle va querre ; Et aussi moins est femme en serre Et moins est du mari guettée, Et tant sera meilleur trouvée Que celle a laquele on deffent D'aler au marché ou l'en vent Ce qu'il fault de neccessité Pour le bien, pour l'utilité Du gouvernement de maison. (DESCH., M.M., c.1385-1403, 289). | |
| 118 | Le .IIIIe. est gouverner la maison, selonc le dit de l'Apostre a Tite ou second chapitre : "Amonestes aux fenmes estre sages, en aiant la cure et le soing de la maison", en sagement administrant et dispensant les choses d'icelle maison. (DAUDIN, De la erudition H., c.1360-1380, 417). | |
| 119 | On prant femme communement Pour avoir hoirs, et c'est raison, Et pour gouverner sa maison Et les choses qui s'y affierent: Maleureux sont ceuls qui se fierent A leurs femmes, comme les bestes, Par nulles voies deshonnestes. (DESCH., M.M., c.1385-1403, 177). | |
| 120 | Helas, fait elle, je travaille tant a gouverner la maison et tout ce que je puis faire et amasser se pert. (Quinze joies mar. R., c.1390-1410, 12). | |
| 121 | Se ta femme crout en maison Et garde le feu et les cendres, Elle en vault pis, tes noms est mendres ; D'oneur ne sçara tant ne quant, S'iert comme une chievre vacant Qui ne scet que brouter et paistre (DESCH., M.M., c.1385-1403, 107). | |
| 122 | ...[il] la chargea [sa femme] de bien se tenir a l'hostel et garder la maison, pource que ses affaires ne povoient souffrir que celle nuyt il retournast. (C.N.N., c.1456-1467, 24). | |
| 123 | Dont dist Lactanche : "Non pas au nobles", c'est au riches et puissans ou siecle, "doit estre ouverte la maison du juste et du sage, mais aux humbles et aux deboutéz." (DAUDIN, De la erudition H., c.1360-1380, 316). | |
| 124 | Je ay heü mout fain et soif, Povre hostel et grant poverte, Nulz ne m'a sa maison ouverte, Ne bien fait, se trop petit non (Jour Jug. R., c.1380-1400, 252). | |
| 125 | Puis que j'ay santé recouverte Je vueil tenir maison ouverte A Jesus et a ses consors (MICHEL, Myst. Pass. J., 1486, 124). | |
| 126 | En ce temps [l'an quatre cens cinquante six] que j'ay dit devant, Sur le Noël, morte saison, Que les loups se vivent du vent Et qu'on se tient en sa maison, Pour le frimas, pres du tyson, Me vint ung vouloir de briser La tres amoureuse prison Qui faisoit mon cueur debriser. (VILLON, Lais R.H., c.1456-1457, 11). | |
| 127 | Ainsi comme elle nestoioit et balyoit la maison d'icellui, trouva un escu d'or de XVIIJ s.par. soubz une table estant oudit hostel, lequel elle bailla à sondit maistre. (Reg. crim. Chât., I, 1389-1392, 309). | |
| 128 | Quant en cel poynt le veit son pere, Grant joie en out, si out sa mere, Et dient que bien fust seson Que il tenist de soy meson Et que se deüst marïer (Vie st Evroul S., c.1350, 43). | |
| 129 | ...Fortune tient illec sa maison [à la cour] ; Regner un temps, languir l'autre saison Y voit on maint, cheoir soudainement De hault en bas (DESCH., Oeuvres Q., t.5, c.1370-1407, 289). | |
| 130 | ...[il] part de leans, et vint en sa maison (C.N.N., c.1456-1467, 46). | |
| 131 | Car les gens sont plus ordenéz par nature a communiquer ensemble en mariage que en policie ou communité civile, de tant comme maison ou habiter et communiquer ensemble en maison est premier naturelment et plus neccessaire que n'est habiter ou communiquer en cité ou communité. (ORESME, E.A., c.1370, 443). | |
| 132 | ...si ay fait comme le paient qui bouta le feu en sa maison pour oster les mouches, car j'ay toute m'onneur getté pour oster un pou de merencolie que je avoye. (Bérinus, I, c.1350-1370, 55). | |
| 133 | Il n'est danger que de villain (...), Ne menger fors quant on a fain, N'emprise que d'omme hardi, Ne povreté que maladie, Ne hanter que les bons et preux, Ne maison que la bien garnie, Ne chere que d'omme joieux (CHART., R. Bal., c.1410-1425, 392). | |
| 134 | ...mes pays ne sont pas si grands que nous faille autres lieutenans que nous ; d'autre part, le fol est mieux aux besongnes de sa maison que ne fait le sage en celle d'un autre. (LESEUR, Hist. Gast. IV, C., Pièces justif., t.2, 1470, 386). | |
| 135 | Au propos dessus dit de ce qui s'ensuit du fait de convoitise, dist Salemon en ses Proverbes cy dessus allegué, que mieulx vault la petite piece de pain seiche à joye et paix que la maison plaine de richesses à noise et contens. (CHR. PIZ., Paix W., 1412-1413, 152). | |
| 136 | S'en dist-on .j. parler, en .j. commun langage : Que qui nette maison voelt tenir par usaige, Ne prestre, ne coulon, ne tiengne en sa manage. (Baud. Sebourc B., t.1, c.1350, 193). | |
| 137 | Au contraire dist aultre part l'Escripture : "Trois choses boutent hors l'omme de sa maison : la fumee, la goutiere et la mauvaise fenme." (DAUDIN, De la erudition H., c.1360-1380, 309). | |
| 138 | Et sy tost que ilz eurent passé aussy que une maison ou deux oultre la maison dudit Jehan de La Ramée, ycellui Jehan de La Ramée, qui estoit à son huis, appella ledit deffunt en disant : Vien çà, vien çà. (Reg. crim. Chât., I, 1389-1392, 413). | |
| 139 | ...et vous souviengne du prouverbe rural que dit que : Troiz choses sont qui chassent le preudomme hors de sa maison, c'estassavoir : maison descouverte, cheminee fumeuse et femme rioteuse. (Ménagier Paris B.F., c.1392-1394, 100). | |
| 140 | De quoy dist Tule : "On doit aorner dignité a la maison mais ne le fault pas querir venant de la maison, et n'est pas le seigneur honnoré par la maison mais la maison par le seigneur." (DAUDIN, De la erudition H., c.1360-1380, 313). | |
| 141 | Item Seneque ou livre des .IIII. vertus : "Habite salutairement et ne veulles pas que le seigneur soit congneu par la maison mais la maison par le seigneur." (DAUDIN, De la erudition H., c.1360-1380, 314). | |
| 142 | Ichelui a Lucile en la .Ve. epistre dist : "Chilz qui entre en la maison soit plus esmerveillié de nous que de nostre aournement." (DAUDIN, De la erudition H., c.1360-1380, 314). | |
| 143 | ...solon le common proveirbe poevre hons en sa maison roy est (STAVELOT, Chron. B., a.1447, 198). | |
| 144 | Tel moeut de sa maison, qui scet bien quant il va, Mais point ne scet à dire le jour qu'il revenra. (Enfances Doon de Mayence P., c.1450-1500, 466). | |
| 145 | - Dame, respondy l'ancien preudhomme, moult seroie heureux se illecq pouoie avoir aucun pou de maison. - Certez, sire, dist elle, il y aura moult brief demeure pour nous et pour aucun de nos amis (Percef. IV, R., c.1450 [c.1340], 578). | |
| 146 | ...l'en trouvoit que les sales et la Chambre de Parlement estoient estayés par dessoubz les vostes, et si empiroient les murs, et plouvoit presques par tout, et estoient les maisons du Palaiz en voie de ruine qui n'y remedieroit (BAYE, I, 1400-1410, 219). | |
| 147 | Adonc prist cellui Sanson plusieurs goupilz que on dit renards et ensemble les acoupla, et par les queues les ungs aux autres les lia, et feu sagement mis y atacha. Et comme il fust ja nuit venue, ou premier somme gecta ces renards : es maisons plaines de fains de ses ennemis partie d'iceulz renards, et les autres chaça es blefs des champs et en leurs bois et en leurs vignes. (CHR. PIZ., Avision R.D., 1405, 36). | |
| 148 | En cellui temps par le cry du camelion s'esveillierent une maniere de gent de reprouvee generacion qui distrent qu'ilz ne souffreroient mie l'injurieuse clamour des voix femenines. Si entrerent es maisons des oysiaux de leurs forests et tant y furent que volans eles leur furent donnees ; par ycelles en plusieurs parties se translaterent jusques dedens les cavernes des taissons de mes bois. (CHR. PIZ., Avision R.D., 1405, 24). | |
| 149 | ...les loges et vielz maisons qui sont sur les fossez de la ville de Paris (Reg. crim. Chât., II, 1389-1392, 253). | |
| 150 | Le loutre est mont soutille beste pour prendre et decevoir le poisson, de quoi il se vit, et ses messons ou il demeure sont terrieres, qui sont a l'ouree des rivieres et des yaues. (HENRI FERR., Modus et Ratio, Livre deduis T., c.1354-1377, 153). | |
| 151 | DEMANDE. Quelle est la plus forte beste du monde ? RESPONSE. C'est ung limechon, car en soy mettant au chemin, il porte sa maison aveuc lui. (Devin. R., c.1470, 65). | |
| 152 | Premierement je considere ensi, Selonc l'estat de l'orloge agensi, Que la maison qui porte et qui soustient Les mouvemens qu'a l'orloge apertient Et le fais, dont on doit mention faire De tout ce qui poet estre neccessaire, Et li quels a matere, par raison, De servir a sa composition, Proprement represente et segnefie Le coer d'amant qui Fine Amour mestrie. (FROISS., Orl., 1368, 84). | |
| 153 | Briefment, qui voelt bien parler par raison, Le coer loyal est la droite maison, Au dire voir, et la principal loge Ou quel Amours plus volentiers se loge. (FROISS., Orl., 1368, 84). | |
| 154 | Et vous dy que au dehors de Clermont, ou chemin de Montferrant, a une eglise et maison de Freres-Mendians, la plus belle, la plus forte et le mieulx edifiée que on sache en tout le royaulme de France (FROISS., Chron. M., XIV, c.1375-1400, 221). | |
| 155 | ...car il [Laurens le Viguereux] les bouta [les cordeliers de Mascon] hors de leur maison et eglise, et prist leur robes, livres et joyaux, et les banni hors de Mascon et du royaume (BAYE, I, 1400-1410, 200). | |
| 156 | Ces deux maisons voisines estoient, comme l'on dit de coustume, la grange et les bateurs. [Il s'agit d'un monastère et d'un couvent] (C.N.N., c.1456-1467, 105). | |
| 157 | ...ung maistre jacobin (...) hanta, visita et frequenta en une bonne maison de dames de religion (C.N.N., c.1456-1467, 305). | |
| 158 | ...ledit connestable (...) dist et declaira à sesdiz confesseurs qu'il avoit dedens son pourpoint LXX demys escuz, qu'il tira hors d'icellui, en priant audit cordelier qu'il les donnast et distribuast pour Dieu et en aumosne pour son ame et en sa conscience. Lequel cordelier lui dist qu'ilz seroient bien emploiez aux pauvres enfans novices de leur maison ; et autant lui en dist ledit confesseur augustin des enfans de leur maison. (ROYE, Chron. scand., I, 1460-1483, 365). | |
| 159 | Item, iceulx taverniers, depuis que queuvre feu est sonné, ne pourront asseoir ne traire vin en leurs maisons a beuveurs, sur peine de LX sols d'amende. (Mét. corp. Paris L., t.1, 1351, 10). | |
| 160 | Item, dit que le lendemain ou environ, un homme vestu à guise d'escuier parla audit de Cessieres au devant de la maison d'un potier d'estain emprès la porte du Palaiz (BAYE, I, 1400-1410, 4). | |
| 161 | ...il ouvra de sondit mestier d'orfaverie, tant en la maison Claylours comme ès maisons de Jehan de Legode, Jaquemart de Terouane, et derrenierement en la maison maistre Jehan de Breubant, tous orfevres (Reg. crim. Chât., I, 1389-1392, 482). | |
| 162 | ...il estoient retourné par Vicongne et avoient ars la maison dou Pourcelet et abatu le moulin et la fontainne (FROISS., Chron. D., p.1400, 423). | |
| 163 | Item, que le roy édiffiera en ladite ville de Montereau ou emprès une prieuré de douze religieux de l'ordre des Chartreux, avec les granges, greniers et maisons à labeur appartenant (Doc. 1450. In : CHART. J., Chron. Ch. VII, V., t.1 c.1437-1464, 195). | |
| 164 | ...les diz maire et eschevins avoient le gouvernement et administracion d'icelle Loy et, pour ce faire, avoient chartres, seel de commugne et seel as causes, comme avoit et a la ville de Saint Pol, aveuc maison d'eschevinage, pillory, cloque pour eulx assambler (Hist. dr. munic. E., t.3, 1390, 245). | |
| 165 | ...nous vous mandons et ordonnons bien expressement que incontinent vous assamblez en vostre maison commune de ladicte ville, et illecq faites et despechiez en fourme autentique lesdictes seuretez et promesses avecq les minutes (Lettres Ch. VIII, P., t.4, 1494, 37). | |
| 166 | ...pour payer et employer tant en la facon de la tour, de la chapelle, de l'horloge et de la maison de la ville (Ordonn. Ph. le Hardi, Marg. de Male B.-B., t.2, 1396, 127). | |
| 167 | Et fu ordonné, comme dit est, que les dessusdis assemblassent chascun jour ordinairement en la maison de la Ville pour adviser sur tout ce qui seroit neccessaire, convenable et expedient pour la conservacion de ce royaume (FAUQ., I, 1417-1420, 221). | |
| 168 | En oultre, la Court a commis maistres H. Le Coq et G. Aimery pour assembler chascun jour en la Maison de la Ville avec ledit prevost des marchans et autres du Conseil d'icelle Ville. (FAUQ., I, 1417-1420, 320). | |
| 169 | Mais le samedy dix-huitiesme jour du mesme mois, au plus matin, ala ledit arcevesque, et ceulx qui avoient esté avec luy au port S.-Oueyn, en l'ostel et maison de ville d'icelle cité, pour dire et rapporter devant les bourgeois et citoyens de la ville (...) l'appoinctement et les paroles qu'ils avoient eues avec les gens du grant conseil du roy de France (CHART. J., Chron. Ch. VII, V., t.2, c.1437-1464, 147). | |
| 170 | ...il avoit donné et otrié, quitié et délessié, afin de héritage, au priour et es frères de la meson Dieu de Coustances (...) sept boisseaux de forment, à la mesure de Coustances, d'anuel rente à la saint Michiel, et un pain et une geline de regart à Noel, o deux hommages, dont joit Johan Ober trois boisseaus de forment mesure de Coustances et un pain et une geline o son hommage (Cartul. Hôtel-Dieu Cout. L., 1331, 158). | |
|
