| 21 exemples |
| 1 | Seroit aussi evacuee et widié la liberté et franchise de la liberté, qui est franche a faire ou non faire equalement. Item et ne seroient a reprendre ne a vituperer les malfaiteurs, ne a loer les bienfaitteurs. (Somme abr., c.1477-1481, 167). |
|
| 2 | Et aussi soy mesmes loer N'est riens fors que soy amboer. (LA BUIGNE, Rom. deduis B., 1359-1377, 283). |
|
| 3 | Mais il le prist [le roi d'Autriche] par la ventaille A force dedens la bataille Et le mena a Bruguelis, Son chastel, ou n'a fleur de lis, Car il y fait froit en esté. Bien le say, car j'y ay esté. Li rois se dut loer de Mars, Car il en ot cent mille mars Et pluseurs forteresses bonnes Qui de Behaingne sont les bonnes. (MACH., C. ami, 1357, 106). |
|
| 4 | Si que d'Amours me vueil loer et pleindre : Loer m'en vueil en tant que sans refreindre Fait mon vray cuer en tel dame remeindre Ou tout bien meint ; Mais je m'en plein pour ce que, pour li creindre, Servir, amer et desirer sans feindre, Ne puis faire qu'a merci puisse ateindre Ne qu'elle m'eint. (MACH., F. am., c.1361, 159). |
|
| 5 | Seur tous amans me doy pleindre et loer D'Amour qui m'a mis en joie et en plour. Loer m'en doy en tant que desirer Tres loiaument, sans penser deshonnour, Me fait dame qui est des flours la flour. Mais je m'en doy pleindre aussi durement, Car tant ne puis faire que nullement Sache m'amour, qu'à li me sui rendus (MACH., L. dames, 1377, 19). |
|
| 6 | De Fortune me doy pleindre et loer, Ce m'est avis, plus qu'autre creature (MACH., L. dames, 1377, 176). |
|
| 7 | Et quelle chere, dit le mary, vous a fait vostre hoste ? (...) Je ne m'en saroie loer que tout a point. (C.N.N., c.1456-1467, 410). |
|
| 8 | ...en luy estoient tous les biens de quoy l'on pourroit jamais loer homme. (C.N.N., c.1456-1467, 310). |
|
| 9 | Einsi fortune le demainne En grant peril et en grant peinne. Tant a floté, tant a vagué Qu'il et sa gent se sont trouvé Droit au lieu dont parti estoient, Dont nostre signeur loer doient. (MACH., P. Alex., p.1369, 113). |
|
| 10 | Puet on penser chose plus digne Ne faire plus gracieus signe Com d'essaucier Dieu et sa gloire, Loer, servir, amer et croire, Et sa douce mere, en chantant, Qui de grace et de bien a tant Que le ciel et toute la terre Et quanque li mondes enserre, Grant, petit, moien et menu En sont gardé et soustenu ? (MACH., Prol., c.1377, 9). |
|
| 11 | Sires, donneurs de touz biens, donne moy purté de cuer et lié pensement, par quoy parfaitement je te puisse amer et dignement servir et loer. (GAST. PHÉBUS, Livre oraisons T., c.1380-1383, 39). |
|
| 12 | En l'onneur de ma douce amour Que j'aim miex que my proprement Ay mis cuer et corps et vigour, Ma pensée et mon sentement En toutes dames loer ; N'onques heure ne m'en pos saouler. (MACH., L. dames, 1377, 207). |
|
| 13 | ...[elle] ne cessoit de loer Dieu qu'il leur avoit rendu leur beau filz et retourné en si beau point. (C.N.N., c.1456-1467, 324). |
|
| 14 | Si vueil mettre dès or mais ma pensée, Ma plaisance, mon cuer et m'estudie En li loer, dont meinte autre honnourée Sera de moy pour li, je n'en doubt mie. (MACH., L. dames, 1377, 216). |
|
| 15 | ...plaisante et desirable est celle de ton ame, a laquelle garder tu doys mettre toute ta cure, o ame devote, tellement que point tu ne soyes halee par l'ardeur de luxure, enflee par orgueil, noire et tachee par envie, aveuglee et chascieuse par mescreance et ignorance, begue ou muette par paresce de Dieu loer et de prier (GERS., Concept., 1401, 418). |
|
| 16 | Ne say comment commencier Un tres dous lay Pour bon Amour mercier De l'espoir qu'ay Et pour ma dame au corps gay Glorefier Et loer, car trop po sçay Pour telle ouevre edefier. (MACH., Lays, 1377, 389). |
|
| 17 | Et par ce sçay qu'elle ne m'aime mie ; Car ses frans cuers, c'on ne puet trop loer, Rien qu'il amast ne lairoit demourer En la dolour dont je cuit vraiement Morir pour li tres dolereusement. (MACH., L. dames, 1377, 64). |
|
| 18 | Ce que crestiens vont preschant En ceste vie desprisant Fet a loer. (DU PRIER, Roy Adv. M., 1455, 356). |
|
| 19 | Dame, pour vous ma joie se define Et ma dolour est à recommencier, Quant je me part de votre douçour fine Que nulz ne puet trop loer ne prisier ; Car li desirs que j'ay de repairier Par devers vous ne me laist joie avoir, Pour ce que trop vous desir à veoir. (MACH., L. dames, 1377, 81). |
|
| 20 | Il fut en son temps ung des beaulx princes de son royaulme, garny et adressié de tout ce qu'on saroit loer et priser [en] ung noble homme (C.N.N., c.1456-1467, 191). |
|
| 21 | Qui vouldroit parler de loenge ou de loer en la maniere que l'en en use communelment et en latin et en françois, il n'est chose tant soit bonne que l'en ne puisse et doye loer. (ORESME, E.A.C., c.1370, 138). |
|
