| 25 exemples | | 1 | Amis, ainçois abendonner Me vueil a ceste lettre lire. J'ay bien veu qu'elle veult dire... (Mir. parr., 1356, 53). | |
| 2 | Varro Marcus fut environ ce temps, homme de merveilleux labeur et estude, duquel il est escript par Therence qu'il composa plus de livres que homme en sa vie ne sauroit lire. (SIMON DE PHARES, Astrol., c.1494-1498, f° 68 v°). | |
| 3 | L'ABBÉ. (...) En voz livrez pensez de lire A voiz bassete. (Mir. Theod., 1357, 89). | |
| 4 | HONOIRES. (...) Dites : qui voulez vous, saint pére, Qui la vous lise ? LE PAPE. Ce cardinal, qui scet la guise De lire latin et romans. (Mir. st Alexis, 1382, 364). | |
| 5 | Puis, seigneurs, qu'advés fait l'office, Les sancts prophetes vouldroye lire. Balhés moy, si vous plait, le livre, Et vous me fairés grant plaisir. (Pass. Auv., 1477, 116). | |
| 6 | ...icelle sa marrine se mist à par soy en une chambre, print un grant livre ouquel elle commença à lire et estudier ; et après ce que elle qui parle ot ainsi veue sadite marrine lire, se parti d'icelle chambre (Reg. crim. Chât., II, 1389-1392, 291). | |
| 7 | De là fuz pour aprandre à lire, à escripre, compter et gecter soubz maistre Jehan Blondel, singulier arismeticien, et y fuz deux ans et furent XII, puis fuz envoyé à Baugenci, devers ung autre nouvellement venu au lieu où je fuz un an (SIMON DE PHARES, Astrol., c.1494-1498, f° 156 v°). | |
| 8 | Après laquelle response ainsi faite et donnée par ledit Girart, prisonnier, pour ce qu'il ne savoit lire mot de lettre, lui fu dit et donné temps et terme prefix, nonobstant qu'il eust sur lui le signe de tonsure, de moustrer et exiber le tiltre d'icelle tonsure (Reg. crim. Chât., I, 1389-1392, 245). | |
| 9 | ...il avoit esté, avec plusieurs enfans d'icelle ville de Chasteau-Regnaut, à l'escole en ladite ville, et avoit aprins jusques à son Donnet ou Caton, n'est record lequel, et que lors il savoit bien lire (Reg. crim. Chât., II, 1389-1392, 103). | |
| 10 | Requis se il scet lire ne congnoistre lettre aucune à lui sur ce monstrée, dit que non, par ce que dit est, et qu'il n'a point frequanté l'escolle ne aussi aprins à lire. (Reg. crim. Chât., I, 1389-1392, 75). | |
| 11 | Et pour savoir s'il est voir ou non, lui a esté monstré le Sautier, ouquel et sur lequel l'en a acoustumé de examiner et esprouver ceulx qui dient qui sont clers, pour savoir de lui s'il sauroit lire ou cognoistre lettre aucune. (Reg. crim. Chât., II, 1389-1392, 103). | |
| 12 | Et s'il avient que je li vueille escrire, Ne say s'elle vorra ma lettre lire. Et de si long ne li porroie dire Qu'elle m'affame Des tres dous biens amoureus, si qu'eslire De mes meschiés ne saroie le pire, Car en mon fait ne voy rien qui n'empire (MACH., F. am., c.1361, 162). | |
| 13 | ...a lui s'en vint uns messagiers De Prouvence, preus et legiers, Qui li aportoit lettres closes, En un petit coffret encloses. Il les prist, si les resgarda Et de haut lire se garda ; Car pluseurs secrez devisoient. Et ou darrein point contenoient Que s'amie estoit mariée Au plus vaillant de la contrée, Et estoit ja grosse d'enfant. (MACH., J. R. Nav., 1349, 215). | |
| 14 | A ceux qui ces lettres verront Fas savoir, ou qui les orront Lire... (Mir. st Alexis, 1382, 364). | |
| 15 | Tant y sejourna, a brief dire, Que tout conquist, com j'oÿ lire (CHR. PIZ., M.F., IV, 1400-1403, 23). | |
| 16 | ...Ceulx qui doivent lire a l'escole (Renart contref. R.L., t.1, 1328-1342, 4). | |
| 17 | ...de longtemps estudiant en theologie et prest de lire en la dicte Faculté (SAINT-GILLE, Comment. A.Y. L., 1362-1365, 373). | |
| 18 | J'ai veu lire sans estre clerc ["sans que celui qui enseignait fût clerc"] (Rapp., c.1480, 68). | |
| 19 | Par tout elle [Nature] tient son escolle (...) Par tout veult lire ces leçons. (LA BUIGNE, Rom. deduis B., 1359-1377, 205). | |
| 20 | Mais ceste raÿson deffaut en .II. poins. Un est quar de tote chose a venir contingente, indifferenment l'en puet dire que son estre et son non-estre regardent egalment aucun temps, si comme seroit de la leçon que je pourroie lire demain. (ORESME, C.M., c.1377, 240). | |
| 21 | Encores veul et vous prie que vostre plaisir soit a souvent lire belles histoires, especialment les autentiques et merveilleux faiz que les Romains firent (LA SALE, J.S., 1456, 75). | |
| 22 | Duquel [livre du ciel] le très suserain Maistres Forga et si forma les letres, Par lesqueles, n'en songez mie, Tout bon Maistre d'Astronomie Peut sentir, lire et mastiquier, Et loyalment pronostiquier Les groz effectz et les notables Qui par Nature sont faisables Et par Raison doivent reluire Et se monstrer, pour le vray dire (LA HAYE, P. peste, 1426, 29). | |
| 23 | ...en sa presence cils lais vint (Et venus y estoie aussi, Dont j'os puis assez de soussi) Qu'elle me commanda au lire. Si ne li osay escondire, Eins li lus tout de chief en chief, A cuer tramblant, enclin le chief, Doubtans qu'il n'i eüst meffait, Pour ce que je l'avoie fait. (MACH., R. Fort., c.1341, 26). | |
| 24 | "Sire, vostre requeste Tenez ; vesla ci toute preste". Il la prist et puis la lut toute ; Onques n'i fist arrest ne doute Qu'escripte ne fust mot a mot, Einsi com devisé la m'ot. Et quant il ot laissié le lire, Il prist moult bonnement a rire (MACH., F. am., c.1361, 197). | |
| 25 | Aussi avoit fait li bons roys Maintes saillies, mains conroys, Et autres armées menues, Qui ne sont pas ci contenues, Car trop longue chose seroit Qui toutes les y metteroit, Et anuier porroit au lire Qui toutes les vorroit escrire. (MACH., P. Alex., p.1369, 218). | |
|
