A. -

Au propre

1.

[À propos de toilette, d'hygiène corporelle]

a)

Empl. trans.

-

Laver une partie du corps : Si me mis outre la haiette Sus la fonteinne clere et nette Ou mon vis lavay et mes yeus ; Et puis je m'assis ; car li lieus Ou einsi m'estoie arrivez Me sambloit estre moult privez. (MACH., R. Fort., c.1341, 31). Se tu n'iès couchiés et levez, Pingniez, gallandés et lavez, Vestis et chauciez nettement, Einsois es tenus povrement, Po honnourez et po servis Et de ta franchise asservis (MACH., C. ami, 1357, 62). Son visage et ses mains lava Eu ruisselet de la fonteinne. (MACH., F. am., c.1361, 233). ...la damoiselle de l'ostel et ses femmes entrerent en la chambre et aportent une robbe à messire Cleriadus, l'autre aportoit de l'eaue chaulde à lui laver le coul et le visaige [et l'autre] de l'eaue rose (Cleriadus Z., c.1440-1444, 90). Item des ragadies ou fendures, se a ceulx qui les ont et qui cheminent se c'est bon de laver les piés d'eaue chaulde et puis oindre et semble que oÿ selon Avicene (GORDON, Prat., c.1450-1500, I, 29). .. "Mon doulx amy, venés avecques moy ; car je vous ay ordonné aulcun lavement pour laver vous piez et aussy vous jambes, que vous confortera tout. Et ay bonne fiance a Dieu mon createur que per son plaisir il vous tournera a bonne santé de vostre personne." (Belle Maguel. C., 1453, 54). David ly roys, saiges prophetes, Crainte de Dieu en oublia, Voyant laver cuisses bien fetes. (VILLON, Test. M., 1461-1462, 64). ...et oultreplus une seulle pensee de la dame luy fist escroter sa robe, tendre ses chausses, noircir ses sorlez, laver sa vermeille face, pignier ses cheveulx et luy faire rere. (Jehan d'Avennes F., c.1465-1468, 23). Cestui, comme aucuns recitent, fut commis à soy enquerir la verité d'une fontaine estant en Lorraine, juxte Montchastel, que l'on disoit puis n'avoit gueres estre muée en sang, et lui fut administrée une femme qui avoit lavée sa face en ladite fontaine, qui apparoissoit sanguinolente en plusieurs jours. (SIMON DE PHARES, Astrol., c.1494-1498, f° 110 v°). ...si le fist mener par ses escuiers en une chambre richement habillee ; ilz le desarmerent et puis lui firent apporter de l'eaue a laver son coul et son visaige ; et puis lui baillerent ung mantel forré de ermines, a mectre sur ses espaulles, car ainsi estoit il acoustumé a faire aux chevaliers erranz. (Charles de Hongrie C., c.1495-1498, 109).

-

En partic. [Avant de passer à table et aussi (mais moins souvent évoqué) en sortant de table] Laver les/ses mains : ...on prist l'iaue a corner Par le chastel, et forment a tromper ; Si se leverent, Et deus et deus en la sale en alerent ; Après leurs mains courtoisement laverent ; Puis s'assirent, si burent et mengierent (MACH., J. R. Beh., c.1340, 133). Et de leurs mains oster les rapes, L'un sëoir jus, l'autre troter, Et l'autre ses crotes froter, Laver et nettoier leurs mains, A l'un plus et a l'autre mains, Einsois qu'on alast assëoir, C'estoit merveilles a vëoir. (MACH., R. Fort., c.1341, 144). ...que elle ne lavast point ses mains au dimenche et ne dist point sa patenostre, ne feist point de croix sur elle (Reg. crim. Chât., II, 1389-1392, 281). ...une chauffrete ou lavoir à mains, à quoy les prestres d'icelle eglise ont acoustumé de laver leurs mains (Reg. crim. Chât., II, 1389-1392, 463). Item, semblablement avoir mal prins à une lingiere vendant lin en la sale du Palaiz, une petite touaille à laver mains vendue IIIJ blans. (Reg. crim. Chât., II, 1389-1392, 471). LE GAUDISSEUR. (...) Pain blanc, miches, tartes sucrees, Tout cela si fut apporté. LE SOT. A Jesus ! benedicite . LE GAUDISSEUR. L'eaue rosë a laver les mains, Aprés disner, furent les baingz Bien preparez par beaulx conduitz. (Gaud. sot, c.1450, 14). Lors furent les tables mises et le soupper tout prest, Madame lava ses mains seulle et damp Abbés et le seigenur [l. seigneur] de Saintré aprés (LA SALE, J.S., 1456, 275).

-

Empl. abs. "Se laver les mains" : LA CHARBONNIÉRE. (...) Et toy a laver li donras A ce pot que li verseras Dessus ses mains. PREMIER FIL. Si con le dites, plus ne mains, Bien le feray. LE ROY. Puis qu'il est prest, laver yray. Versez. (Mir. roy Thierry, c.1374, 304). DEUXIESME SERGENT. (...) ça ! vezci Tout prest : lavez. LE ROY. Tempré ceste yaue bien avez. Versse, verse. Diex ! qu'elle est bonne ! Or avant a m'ostesse en donne. Lavez, m'ostesse. (Mir. roy Thierry, c.1374, 335). Chevalier et escuier sallirent avant, qui aportèrent l'aigue. Tout ensi comme il lavoit pour seoir à table, evous le secont message dou conte Jehan de Penebruch, qui entre en la salle. (FROISS., Chron. L., VII, c.1375-1400, 178). Et lors, en peu de heure après fu temps de soupper. Ilz s'assemblerent en la grant tente, et laverent et s'assistrent a table, et furent richement serviz. Et après soupper furent les tables levees et furent graces dictes. (ARRAS, c.1392-1393, 40). Quant ilz orent souppé, et ilz orent lavé, et que graces furent dictes, ly sires de layens print Remondin par la main et l'enmena asseoir sur une couche pour deviser entre eulx, tant comme les derreniers soupperent. (ARRAS, c.1392-1393, 53). ...il l'aprochierent et l'enclinerent bien bas. Il les fist tous lever sus piés l'un apriés l'autre et leur dist : "Bien venant." Et tantos chevaliers aporterent l'aige, et lava li rois et puis esquiers d'offisce, et donnerent a laver. (FROISS., Chron. D., p.1400, 873). Et quant le prince veult laver, le panetier baille la serviete au premier maistre d'hostel qui doibt servir pour ceste fois. (LA MARCHE, Mém., IV, Pièces annexées, 1474,,, 22).

.

Crier à laver. "Inviter (les convives) à se nettoyer les mains" : Quant elle [l'eau] fu cornée on cria a laver, Et quant on ot lavé on s'asist au dingner (Brun de la Mont. M., c.1350-1400, 13).

.

Prov. À manger faut qui a lavé. "Il ne suffit pas de se laver les mains pour avoir à manger (?)" : A court mes ans legier passay En mengant mainte soupe grasse ; A espargner riens ne pensay, Ne me challoit fors d'estre en grace. Mais Viellesse qui tout desbrasse M'a ores prins a pié levé : A mengier fault qui a lavé. (TAILLEV., Passe temps D., c.1440, 142).

-

En laver ses mains. [P. réf. à l'attitude de Ponce Pilate au cours du procès du Christ (Matth. 27, 24)] "Dégager sa responsabilité d'une affaire" : Et puis en lava ses mains, Affin que depuis le plus grand Juif qu'au moins Chascum puisse sçavoir et entendre, Contre luy mal ne vouloit entreprandre, Aussy que n'eusse culpe en sa mort, Quar sçavoit bien que avoent tort. (Pass. Autun Biard F., 1470-1471, 100). MERCURE. Se vous voulez qu'il en perisse mains, Et moy aussi j'en ay lavé mes mains. Pour leur faire souffrir maulx inhumains, Me voicy jà armé de pied en cappe. MERCURE. Et moy aussi, j'en ay lavé mes mains Et me consens qu'un tout seul n'en eschappe. VENUS en pleurant. Je më oppose qu'a mort on les frappe Tant que nature y ait son cours parfait, Juste juge ! (Cene dieux, c.1492, 117).

-

Laver qqn : Jason se despoulla a ces parolles et entra ou baing, et Medee se mist en son corset, qui n'avoit nulles mances, puis rebraça ses manches de chemise et vint froter et laver son amy Jason. (LEFÈVRE (R.), Hist. Jason P., c.1460, 210). La pluye nous a esbuez [nous, les pendus] et lavez Et le soleil deseichez et noircis. (VILLON, Poèmes variés R.H., c.1456-1463, 66).

-

Laver les pieds de qqn. : ...et tout [les travaux, les difficultés...] ne luy fait de mal pour ce qu'il est resconforté de l'esperance qu'il a aux cures que la femme prendra de luy a son retour, aux aises, aux joyes et aux plaisirs qu'elle luy fera, ou fera faire devant elle: d'estre deschaux a bon feu, d'estre lavé les piez, avoir chausses et soullez fraiz, bien peu, bien abeuvré, bien servy, bien seignoury, bien couché en blans draps et cueuvrechiez blans, bien couvert de bonnes fourrures, et assouvy d'autres joyes et esbatemens, privetez, amours et secretz dont je me taiz. (Ménagier Paris B.F., c.1392-1394, 99). Et sans ce qu'il en sache riens, je vous envoyeray une grant paelle pour luy souvent laver les piez, garnison de busche pour le chauffer, ung bon lit, et duvet, draps et couverture selon son estat, cueuvrechiefs, orilliers, chausses et robes-linges nectes. (Ménagier Paris B.F., c.1392-1394, 114). GRISELDIS [à son père]. Querre voiz pour laver voz piez Au soir, quant vous vous coucherez, Une cruche d'eaue ci prez (Gris., 1395, 34).

.

En partic. [P. réf. au lavement des pieds des apôtres par Jésus] : ...Diex après la cène saint Le drap dont les piez qu'il lava A ses apostres essuia (Mir. fille roy Hongrie, c.1371, 82). Premiers, une croix d'arain, qui est moult digne et de grant vertu, laquelle fut faicte du bacin en quoy Nostre Seigneur lava les piez a ses appostres. (Voy. Jérus., c.1395, 9). Or parle JHESUS a cé disciples. Segnieurs, alés moy queri de l'iaulx, Quar vrayemant je ay desir De vous lavés a tous lé piés. Pour ce que soye exemple, Lavé lé vous veulx en charité. (Pass. Autun Roman F., c.1400-1500, 177). Il leur lava les piedz, puis fist son testament, En la clause duquel leur laisa propprement Le fruit de paradix, et leur leur(s) abandonna, Quant ou Saint Sacrement son corps il leur donna. (Pass. Semur D.M., c.1420 [1488], 121). D'uile ne m'as pas oint ma teste, Ne d'eau lavé mes piés fangeux (Pass. Auv., 1477, 154).

.

[P. réf. au geste de Marie-Madeleine accueillant Jésus] : MAGDELENE. (...) Ses piez j'en oindra doulcement Pour ce qu'i les a decirer De chemener et travaillier. Premier, certes, le laveray Des larmes que je ploreray. De mes cheveulx les paneray, Affin que de moy mercy ay. (Pass. Autun Biard F., 1470-1471, 72). En ta maison je suis entré, Et tu ne m'as pas baisé ; Et ceste femme mes piés baise. D'uile ne m'as pas oint ma teste, Ne d'eau lavé mes piés fangeux ; Et elle de l'eau de ses yeulx Moult bien nectiés A doulcement lavé mes piés Et de ses doulx chaveulx nectiés (Pass. Auv., 1477, 154).

-

Laver sa gorge. "Boire" : Aprés avoir un peu lavé leurs gorges, Car de partir sans boire estoit egrum, Pour ce disner prindrent d'assault les Forges Et au souper Nostre Dame d'Embrun. (LA VIGNE, V.N., p.1495, 156).

.

Laver ses tripes d'un breuvage : Et pour estre meilleur devin N'ayez jamais pytié de vin, Mais en lavez souvent voz trippes Et puis apres lechez voz lippes. (ROBERTET, Oeuvres Z., c.1450-1500, 108).

-

Laver une plaie : Quant li mort furent enterré Et tuit li navré defferré Des viretons et des sajettes Que li Turc leur avoient traites, Et que leurs plaies remuées Furent, lavées et bendées, Le prince et sa gent reposerent, Qu'onques Turq ne s'i opposerent, Car tuit avoient fait la vuide. (MACH., P. Alex., p.1369, 169). Et desja le chevalier du boys avoit ointes d'erbes que il avoit et lavees du jus toutes les plaies de Cleriadus et, du pannoncel de sa lance, furent enveloppees et tresbien bendees. (Cleriadus Z., c.1440-1444, 127).

.

[De la pluie] : ...mais furent lavez par force de la pluie leurs plaies, que au matin n'y avoit que sang bete, ne ordure sur leurs plaies. (Journal bourgeois Paris T., 1405-1449, 91).

-

[À propos de toilette post mortem] : Laquelle teste incontinent après fut prinse par les cheveulx par icellui Petit Jehan et mise laver en ung seau d'eaue estant près d'ilec, et puis mise sur les apuyes dudit petit eschafault et monstrée aux regardans ladicte execucion, qui estoient bien IIc mil personnes et mieulx. (ROYE, Chron. scand., I, 1460-1483, 361). Et, après que ledit de Bourgongne ot esté porté audit lieu de Nancy et ilec lavé, emondé et netyé, il fut mis en une chambre bien close, où il n'y avoit point de clarté, laquelle fut tendue de veloux noir, et estendu le corps dessus une table, habillé d'un vestement de toile depuis le col jusques aux piez, et dessoulz sa teste ung orillier de veloux noir (ROYE, Chron. scand., II, 1460-1483, 42).

-

Laver un animal ou une partie de son corps : Et, s'ilz ont les soles batues et se duelent pour ce qu'ilz auront chascié en dur païs ou de pierres ou autrement, prenez de l'yaue et dou sel menu dedanz et leur en lavez les piez le jour qu'ilz auront chascié. (GAST. PHÉBUS, Livre chasse T., 1387-1389, 120). Aussi li vueil aprendre a sausser les piez aux chienz d'iaue et de sel, quant ilz ont chascié par dur païs et en sec temps ou sus pierres ou roches, et aussi, se ilz ont les piez eschaufez, les leur laver de vin aigre et de la suye des chemineies. (GAST. PHÉBUS, Livre chasse T., 1387-1389, 149). De puis en ce lieu on a fait Une yaue qu'on nomme de fait La probatica piscina, Qui maint beau miracle fait a, C'est la piscine ou sont lavées Les bestes qui sont presentées Au temple pour faire offertoire (MARCADÉ, Myst. Pass. Arras R., a.1440, 180).

b)

Empl. pronom. réfl. Se laver : Atant se partirent de leur conseil et s'en vindrent a Orchaz leur hoste, si le festïerent et conjoïrent et le firent baigner et laver, et lui firent vestir de blans draps linges et de riches robes toutes neufves, et lui porta Aigres compaignie bonne et loyal, et le servy a son pouoir comme filz de roy. (Bérinus, II, c.1350-1370, 71). Va, dist [il], laval au Tibre et te lave, et puis vendras ton buef sacrefier ! (BERS., I, 1, c.1354-1359, 45.6, 76). Un jour estoit Susenne alee En vergier en tele maniere Comme elle en estoit coustumiere, O deus pucelles seulement, Car en vergier secretement Pour la chaleur qui grande estoit Baingnier et laver se voloit. Si leur dist : "Alez sans targier Et cloez l'uis de ce vergier Et m'aportez oile a mon vueil, Car laver et baingnier me vueil." (MACH., C. ami, 1357, 6). Susanne vint oudit jardin pour soy laver selon ce que leur loy le donnoit, et mena avecques soy deux de ses pucelles, lesquelles elle renvoya en sa maison pour ly rapporter oeille et oingnemens pour soy enoindre. (Ménagier Paris B.F., c.1392-1394, 49). ...les povres gens [Au Caire] se vont laver en la riviere. Et sachiés que nous les veismes laver ; mais ilz se lavent moult dehonnestement et devant les gens. (Voy. Jérus., c.1395, 60). Moult s'est bien pignee et lavee Et atournee richement (CHR. PIZ., M.F., II, 1400-1403, 266). Va t'em laver en l'eaul clere Du fluve nommé Siloé Tes yeulx quil sont par moy boué, Et ainsin recepvras clarté. (Pass. Semur D.M., c.1420 [1488], 127). Et en aucune similitude de la loy crestienne et du baptesme establist aux Sarrasins les eauez ou ilz se lavent souvent, cuidans par eaue pure estre nestoiez de leurs pechiés sans confession et sans penitance. (CHART., L. Esp., c.1429-1430, 120). Tres bien l'omme qu'on dit Jhesus, De la terre et de sa salive Fist de la boue, et, sans estrive, Incontinent m'a envoyé Laver aux bains de Syloé ; Lavé m'y suis et, Dieu mercy, Je vois tout cler. (Myst. Pass. Troyes B., a.1482, 449).

-

[D'un animal] Se laver : Et sera ta force et ta jeunesse renovellee, comme la vieille aigle devient forte et jeune quant en la fontaine s'est lavee. (MÉZIÈRES, Songe vieil pèl. C., t.2, c.1386-1389, 171). Et, quant il [le lièvre] s'en ira a son giste, il prendra aucune voye, ou petite ou grant, la quele il ira batant une grant piece, et puis se croupira et lavera et limera ses piez, son visaige et ses oreilles, puis ira oultre ou revenra sus soy, et fera ses malices et soubtilitez. (GAST. PHÉBUS, Livre chasse T., 1387-1389, 222).

2.

[À propos de nettoyages divers]

-

Laver la lessive/du linge : ...le moine, en lieu de drapiaux A laver, dedans un cuvier Sera bouté (Mir. emp. Julien, 1351, 184). ...Et ou ruissot laviens nos cotes, Nos caperons et nos cemises (FROISS., Espin. amour. F., c.1369, 53). Du moustrer me vueil entremettre : L'en voit souvent que lavandier Font leurs draps desur le gravier Laver premiers en l'eaue froide, Pour ce qu'elle est un petit roide, Puis en la chaude et au souleil Pour seichier leur font appareil. (DESCH., M.M., c.1385-1403, 218). Illec recouscha Nostre Dame son cher enfant et lava les drappelletz de Nostre Seigneur de l'eaue d'icelle fonteine, et puis estandi iceulx drappelletz par dessus la terre pour les essuyer (Voy. Jérus., c.1395, 57). ...la maistresse (...) cuidera que sa chamberiere soit a la riviere pour laver sa lexive, elle est aux estuves paix et aise (CHR. PIZ., Trois vertus W.H., c.1405, 210). Le lavandier doibt laver et nettoyer le linge, et pour ce est il comprins de la paneterie. (LA MARCHE, Mém., IV, Pièces annexées, p.1468-1500, 31).

-

Empl. abs. "Faire la lessive" : ...et estoit chamberiere ladite Colete oudit hostel pour y laver et faire les besongnes neccessaires en icellui. (Reg. crim. Chât., II, 1389-1392, 528).

-

Laver n'importe quelle chose : Et se pour ce le vin ne veult esclarcir, prengne plain pennier de sablon bien lavé en Seine, et puis gecte dedens la queue par le bondonnail, et il esclarcira. (Ménagier Paris B.F., c.1392-1394, 134). Et premierement l'en eslit, mince, lave et esverde les poreaulx -- c'est assavoir en esté quant iceulx poreaulx sont jeunes, maiz en yver quant iceulx poreaulx sont plus vielz et plus durs, il les couvient pourboulir en lieu d'esverder. (Ménagier Paris B.F., c.1392-1394, 200). GRISELDIS. (...) Maiz que j'aye fait mon devoir Et mes escüelles lavees Et deswidïes mes fusees Et mise no maison a point. (Gris., 1395, 33). ...et Ladiree fist les litz et lava les escuelles et ballaye l'ostel et le met si bien à point que c'estoit merveilles, tant estoit necte et propice à faire tout ce qu'elle faisoit (Cleriadus Z., c.1440-1444, 313). Alors Gerars, (...) sy tira son espee hors de la gorge du serpent. Puis a ung petit ruissot d'une fontaine la estant le lava, sy l'essua a son mantel et reboutta l'espee ou lieu dont il avoit sachye. (Gérard de Nevers L., c.1451-1464, 25).

-

MINES "Soumettre un minerai ou un métal à différents bains ou courants d'eau pour le rendre plus pur" : ...les regrez estans audit martinet de Cosne en quatre monceaux, dont le premier, qui est le plus proche de la rivière a esté lavé une foiz au rouable et deux foiz au plat ; le second et le plus grant qui est entre le premier dessus dit et le lavouer a esté lavé une foiz au rouable tant seulement ; le tiers et plus petit monceau, qui est au plus près dudit lavouer et qui est yssue de la mine de la montaigne des seigneurs de Chastillon et Poloninieu, a esté lavé une foiz seulement au rouable (Aff. Jacques Coeur M., 1453-1457, 259). ...ledit maistre fondeur et affineur sera tenu laver, adouber et ouvrer de toutes façons, tous les regretz et louppes estant de présent ou dit martinet, à ses propres despens et missions, excepté boys et charbon, comme dit est, dont on le fournira aux despens du Roy. Et pour chacun marc d'argent fin qu'il en tirera, ouvrera et délivrera audit receveur avec son plomb aura ledit Brouart, la somme de 25 s. tournois. (Aff. Jacques Coeur M., 1453-1457, 312). ...tant à l'occasion du foiblaige des escuz forgez en noz monnoyes, qui sont chacun jour lavez et roignez, que aussi des monnoyes d'or et d'argent estranges d'autre coing que des nostres, estans de bas et mauvais aloy, feoibles de prix (Lettres Ch. VIII, P., t.3, 1493, 346).

-

[À propos de nourriture]

.

Laver de la viande. "Tremper dans de l'eau" : Item, nota que le meilleur chaudeau qui soit c'est de la joe de beuf lavee en eaue chaude ..II.. foiz ou troiz, puis boulir et bien escumer. (Ménagier Paris B.F., c.1392-1394, 198). Prenez la menue haste d'un porc, laquelle soit bien lavee et eschaudee, puis rostie comme a demy sur le greil, puis mincié par morceaulx (Ménagier Paris B.F., c.1392-1394, 217).

.

En partic. [Dans le régime alimentaire des oiseaux de proie] : Et se vous n'avez eaue tyede fors froide, si y trempez vostre char ; puis l'espreigniez fort et eschauffez par force d'espraindre entre deux esseules ; puis en paissiez vostre esprevier comme dessus, car char lavee l'amaigrist. (Ménagier Paris B.F., c.1392-1394, 153). Et se vous apercevez qu'il le soit trop [gras] pour mectre a raison, il le convient paistre de char lavee ou de beuf. (Ménagier Paris B.F., c.1392-1394, 155).

B. -

Au fig.

1.

RELIG.

-

Laver qqn/l'ame de qqn (de qqc.). "Purifier qqn (des péchés)" : La sainte salutacion (...), Par laquelle de mort amére Et de pechié fusmes lavé (Mir. abbeesse, 1340, 61). Dame de pitié tresoriére, Dame de grace donnarresse Et de pechié pardonnerresse, S'a mercy ne me recevez Et de pechié ne me lavez, Onques homs ne vous fist d'onneur Tant com vous feray deshonneur, Car vostre nom abateray Et vostre honneur affaceray. (Mir. pape, 1346, 381). Quant baptesme receverez De touz pechiez lavez serez. (Mir. Barl. Josaph., c.1363, 298). ...pendre vit en croiz sa doulce flour Et son chier filz presser par telle envie Que la rendi, pour sauver sa mesnie, L'iaue et le sanc dont nous sommes lavé (Mir. femme, 1368, 232). Tant a Magdelaine valu Qu'elle fut garie et lavée De l'orde boe deslavée, Dont elle avoit esté pourprise Du pechié de char et reprinse. (DESCH., M.M., c.1385-1403, 213). Et certes par autel raison Fontaine de compunction Lave l'ame et sa face aussi Et a la pensée embelli (DESCH., M.M., c.1385-1403, 220). Ainsy pluseurs viennent a la parole de Dieu, laquelle est dicte pour laver l'ame et la faire blanche par pureté, et plaisant a Dieu, mais ilz s'en partent souvent ainsy noirs comme par avant ou plus. (GERS., Concept., 1401, 427). Car par la grace du Saint Esperit, nous sommes nettoiéz et lavéz de noz pechiéz, conferméz en bien et separéz des choses terriennes. (Somme abr., c.1477-1481, 122). L'esperit de Dieu nous saintefie, l'eaue de baptesme nous lave et nettie, le sang de nostre redempteur nous a racheté de la mort eternele (Somme abr., c.1477-1481, 127). Pourquoy encontinant que feus Devant eulx lavés trestout nus De l'eaue que vehu avés De tous mes pechiés feus lavés (OUDIN, St Genis M.S., c.1490, 78).

.

"Sauver qqn (d'un malheur, d'une misère)" : Voy en pitié ces povres fugitifz Grans et petiz, miserables doubtifz Comme captifz, et de ta paix les laves ! (LA VIGNE, V.N., p.1495, 130).

.

Se laver de ses pechés : En terre trop convoiteux fustes, Et envieux et trop aver, Or ne vous pouez si laver De vos pechiez qui sus vous queurent, Qui vous affolent et ac(o)[e]urent. Alez avec ces vilz deables. (Jour Jug. R., c.1380-1400, 253).

-

Laver qqc. "Ôter, effacer qqc." : Car de grace estes la fontaine Ou laver peut toute discorde Pecheur qui de cuer vous recorde. (Mir. st J. Cris., c.1344, 301). Vostre chier fil puis nommer justement Mer de purté pour touz vices laver (Mir. st J. Paulu, c.1372, 150). Fruit et medecine Pour tous maus curer, Par tel vertu qui ne Porroit empirer, Fonteinne divine Pour pechiés laver, Rose sans espine, Douce à oudourer, Vous estes la mine Qu'on ne puet miner, Quar qui plus y mine, Plus a à miner (MACH., Les lays, 1377, 403). Ainsis que les piez portent l'omme En alant le chemin de Romme Ou ailleurs a sa voulenté, Puelent li bon estre porté Par desir a ce doulz ruissel De compunction bon et bel Qui monde et lave toute ordure De l'ame ou corps de creature (DESCH., M.M., c.1385-1403, 220). La grace du Saint Esperit, Qui procede du pere et du filz, Tantost en vous je envoyra, Qui tous vous pechiés lavera, Affin que vous soyés tous nez Pour plus tost en paradis monté. (Pass. Autun Biard F., 1470-1471, 144).

-

Au passif : En ces ruisseaulx sont lavez lors Les dolens pechiez vils et ors Et les taiches de la povre ame, Et purgiez du corps li diffame, Et par dedenz ce ruisselet Sont li vestement ort et let De l'ame monde et de l'ordure Des gros pechiez et leur laidure (DESCH., M.M., c.1385-1403, 216).

2.

Se laver d'une faute. "Se faire pardonner (une faute), se débarrasser de" : Si se sont aucuns essaiez A eulx laver de telx meschiés, Maiz tel deffaut si fort s'atache Que nulz n'en puet oster la tache. (LA BUIGNE, Rom. deduis B., 1359-1377, 115). ...papes Urbains (...) envoia tantost ses messages en Castille devers ce roy dan Piètre, en lui mandant et commandant qu'il venist tantost et sans delay, en propre personne, en court de Romme, pour lui laver et purgier des villains mesfais dont il estoit amis. (FROISS., Chron. L., VI, c.1375-1400, 186). Venons a parler de la folle erreur et des partiz que tu m'acuses d'avoir soustenuz, et s'il estoit aussi grant besoing du dire comme il est honneste du taire de tel vice ou obprobre comme il y peut avoir, aucuns des tiens ne s'en sauroient laver ne que moy. (CHART., Q. inv., 1422, 39).

3.

Fam. Laver qqn. "Réprimander qqn, passer un savon à qqn" : Que diriez vous (...) D'ung qui, de peur d'estre lavé, Se tient loin a part sur les rencz ? On presume que le pavé Luy semble plus doulx que les champs. (COQUILL., Oeuvres F., 1478-p.1494, 181). MAUCOURANT. ...il fault, ennuyt ou demain, Escarmoucher sur le pavé. S'on y fault, je seray lavé De messeigneurs, Dieu scet comment. (MICHEL, Myst. Pass. J., 1486, 258). ...Plusieurs mignons, se donnans du bon temps, Grans gaudisseurs et gasteurs de pavé, De l'escouter ne furent pas contens [un prêcheur qui dit du mal des dames de Paris et de ceux qui les fréquentent], Combien que lors se monstrèrent constans, Veu que chascun se y trouva bien lavé ; Mais tout soudain, le sermon achevé, S'assemblèrent en congregacion Pur en faire leur consultacion. (MAXIMIEN, Avocat dames Paris M.R., c.1485-1490, 16).

-

Laver la teste à qqn : Ceulx qui avoient esté courroucéz de la paix de Verseil furent fort joyeulx de la tromperie que nous avoit faict le duc de Milan, et en acreut leur auctorité ; et me laverent bien la teste (comme on a accoustumé faire es cours des princes en cas semblables), si en estois je asséz marry. (COMM., Mém. B., 1489-1491, 690).