I. -

[Pour désigner une personne qui a des attitudes, des façons d'être, des comportements agréables, positifs]

A. -

[Attitudes qui expriment une certaine joie de vivre]

1.

"Joyeux, heureux" : ...se vous avéz bien, j'en sui trestous joly, Car nous devons bien yestre et loyaus et amy (Flor. Rome W., c.1330-1400, 180). Or soit que j'aie falli Au don de vostre merci, S'ai je en retour Le desir de vostre amour, Qui me tient gai et joli. (FROISS., Pris. am. F., 1372-1373, 80). Dont doi je bien estre jolis, Quant sui clamés De celle en qui tous biens sont mis : "Amis amés". (MACH., L. dames, 1377, 45). Mais or n'argent en grosses sommes Ne vault tant que les cuers des hommes, Car chascuns puet et doit sçavoir Qui a les cuers, il a l'avoir, Mais qui a l'avoir sanz les corps, Ce n'est pas li plus sains tresors. Se les princes y advisoient, Jamais gaiges ne leur donrroient [aux prélats] Que ilz prannent si excessis, Et si seroient tous jolis De venir, se on les mandoit Sanz argent, et ce seroit droit. (DESCH., M.M., c.1385-1403, 155). PREMIER BERGIER. (...) la pastoure Griseldiz (...) [lui] Est advenue dignité D'estre marquise de Saluce. Foy que doy Dieu et sainte Luce, Bien en devons estre jolis, Et quant a moy, chappeau faitiz, Gans et nouvelle gibessiere Avray desormaiz, et bergiere Aimeray (Gris., 1395, 43). ...puis escrie Peleüs, le roy de Cornuaille, qui moult estoit joly d'une lance qu'il avoit aucunement recouvree (Percef. IV, R., c.1450 [c.1340], 29). ...les chevaliers s'en tenoient a plus jolis [d'avoir été parés de fleurs par les jeunes filles] que leurs predicesseurs n'avoient fait jadis d'or, d'argent et de draps de soye. (Percef. IV, R., c.1450 [c.1340], 966). Oncques mais ne feus si joullys (OUDIN, St Genis M.S., c.1490, 88).

2.

"Enjoué, gai" : La onziesme joye de mariage si est quant ung gentil gallant, jeune et jolis, s'en va par païs gaiement et est en franchise et peut aller de lieu en lieu a son plesir sans nul empeschement, et va au long de l'an en pluseurs lieux et par especial ou il sceit dames, damoiselles, bourgeoises ou aultres femmes selon l'estat dont il est. (Quinze joies mar. R., c.1390-1410, 82). Et y verriés de ces galens Oyseux, qui tavernes poursuivent, Gays et jolis, comme ilz se vivent (CHR. PIZ., M.F., II, 1400-1403, 75).

-

[Du regard] "Vif, enjoué" : Qu'est devenu ce front poly [que j'avais moi, la belle Heaumière, dans ma jeunesse], Cheveux blons, ces sourciz voultiz, Grant entreuil, ce regard joly, Dont prenoie les plus soubtilz, Ce beau nez droit, grant ne petiz, Ces petites joinctes orreilles, Menton fourchu, cler viz traictiz, Et ces belles levres vermailles (VILLON, Test. R.H., 1461-1462, 55).

-

"Fringant, guilleret..." : La m'arestai .V. mois ou sis Et fui jolis et esbatans, Liés, envoisiés et embatans En tous deduis, en tous depors, En toutes places, ens et hors, Ou je pooie avoir raison D'estre et d'aler pour le saison. (FROISS., Pris. am. F., 1372-1373, 53).

3.

"Aimable, agréable" : Ne je ne pris un bec de jay Ceuls qui s'en vorroient ruser, Car je ne puis mon temps user En milleur n'en plus bel usage [que d'écrire] Pour avoir noble et lié corage Et pour estre gais et jolis, Gens, joins, apers, cointes, polis. (MACH., Prol., c.1377, 7). En sa jeunesce fu prince bel, gracieulx, amiable, jolis, joyeux festoiant et de honnourable amour amoureux et sanz pechié, selon que relacion tesmoigne, joieux, gentil en ses manieres, benigne en ses paroles, large en dons, avenant en ses fais, d'acueil si gracieux que tiroit à lui amer princes, princepces, chevaliers, nobles et toutes gens, qui le frequentoient et veoient. (CHR. PIZ., Faits meurs Ch. V, S., I, 1404, 153).

B. -

En partic. [Domaine des valeurs courtoises et chevaleresques]

1.

"Qui met en oeuvre toutes ses qualités pour mériter l'amour de sa dame" : Si vueil mettre tout mon entendement, Voloir, desir, cuer, pouoir et penser Pour jolis estre et pour joliement Servir Amours et ma dame honnourer, Comme humbles sers qui ne saroit fausser Et qui seray loyauls, où que je soie, Qu'Amours le vuet et ma dame m'en proie. (MACH., L. dames, 1377, 88). Douce dame, vo bonté desirée Et la douceur de vo gracieus vis Ont maintes fois en estrange contrée Fait que j'estoie amoureus et jolis, Par vo biauté, qui n'a per, Tres doucement souvent ymaginer. (MACH., L. dames, 1377, 228).

-

[Accompagné d'autres adj. qui indiquent des états d'âme, sans que la spécificité de joli apparaisse clairement] "Galant, loyal, aimable, dévoué, fidèle..." : Et nompourquant ja pour ce ne sera Que je ne soie Loiaus amis, jolis et pleins de joie (MACH., J. R. Beh., c.1340, 135). Pour ce vous pri que des or mais Soiez cointes, jolis et gais, Loiaus, secrez sans venterie, Car vous avez loial amie. (MACH., R. Fort., c.1341, 141). Secré, discré et joli, Plain de toute courtoisie, De sens et d'onneur garni, Digne d'avoir belle amie : A tel amer ne fail mie, Et mon coer me juge, voir, Que j'en doi pité avoir. (FROISS., Ball. B., c.1362-1377, 30). Car, quant il voit dame ou desirs l'atrait, Qui bellement le daigne conjoïr Et sur li ses yeux ouvrir Liement, par maniere d'acointance, Gais et jolis et liés s'en doit tenir, Rices d'espoir, vuis de toute ignorance. (FROISS., Ball. B., c.1362-1377, 19). Si vous conselle que vous soiiés secrés, discrés et gais, jolis et renvoisiés pour l'amour de li et acquerés de tous et de toutes loenge et bon renom, et especiaument de chiaus et de celles qui entours vostre dame repairent, et soiiés larges et courtois selonc vostre estavoir et alefois un petit hardis d'embatre et de parler. (FROISS., Pris. am. F., 1372-1373, 61). Gais et jolis, liés, chantans et joieus Sui, ce m'est vis, en gracieus retour, Pleins de desirs et en cuer familleus De reveoir ma dame de valour, Si qu'il n'est maulz, tristesse ne dolour Qui de mon cuer peüst joie mouvoir: Tout pour l'espoir que j'ay de li veoir. (MACH., L. dames, 1377, 52). Nulz ne me doit d'ore en avant reprendre, Se je sui gais, liés, chantans et jolis, Car j'aim et serf et desir, sans mesprendre, De toute flour la biauté et le pris. (MACH., L. dames, 1377, 75). Quant ses resgars me vint enamourer, J'estoie liez, gais et jolis et baus. (MACH., L. dames, 1377, 110). Et vraiement je ne voy Q'autre paradis Soit en l'amoureuse loy Fors d'estre toudis Loyaus, joieus et jolis, Et que sans desroy S'aimment amie et amis, Et en vraie foy. (MACH., Les lays, 1377, 345). Mais quant amans est vray sougis, Cointes, joieus, gais et jolis, Amours en fait son paradis. (MACH., Les lays, 1377, 455).

-

[Du coeur] : Einsi pers je mon juene aage, Mon temps, ma dame et mon joli corage. (MACH., F. am., c.1361, 157). Aies le coer courtois et honnourable, Humle et discré, secré, vrai et joli, Liet, atempré, et retien ce notable : Aies le coer [courtois et honnourable], Et selonc ce que tu poes te fait able (FROISS., Rond. B., c.1365-1394, 66). S'ainsi estoit, miex chanteroie De fin cuer amoureus joli. (MACH., L. dames, 1377, 27). Plus n'i a, se Diex me gart, Fors amiable langage, Doucement tramis, Plaisance, riant regart, Franc cuer et joli corage, Pensers volatis (MACH., Les lays, 1377, 385).

-

[Du regard] "Qui exprime l'amabilité, la bienveillance" : Selonc ce que j'aim chierement Et que j'ay longuement servi Vostre dous viaire plaisant, Dame, d'umble cuer vous depri Qu'au retour d'un regart joli, Pour moy rendre sens et maniere, Secourés moy, ma dame chiere. (MACH., L. dames, 1377, 129). Douce dame, je vous requier mercy Qu'au retourner devers vo dous viaire D'aucun dous mot ou d'un regart joli Ou d'un dous ris vueilliés mon cuer refaire (MACH., L. dames, 1377, 132).

-

[D'un sentiment] "Consacré à l'amour" : Se vous en failliés, je di Et vous plevi Que mon sentement joli Sera feni Et mi chant seront tari Et contrefait, Se vous mettés en oubli Tout ce que j'ay pour vous fait. (MACH., L. dames, 1377, 220).

2.

"Qui possède les qualités chevaleresques telles que bravoure, vaillance, loyauté..." : Cuer qui se sent jeune, jolis et gais Et art et frit de venir à honneur, Se Fortune li fait de ses faux trais Ou qu'au premier ne li viengne d'amour Tout si bien comme vouroit, Ce seroit fort, se pour ce il se tenoit D'estre amoureux, car il est asenez Qu'il ait desir d'amer ou d'estre amez. (MACH., App., 1377, 638). En ce temps trespassa de cest siècle, en la duchié de Lucembourcq, li jolis et gentils duc Wincelins de Boesme, dus de Lucembourch et de Braibant, qui fu en son temps nobles, jolis, frisques, sages, armerès et amoureux. (FROISS., Chron. R., XI, c.1375-1400, 155). ...[Thierry de Soumain] fut aussi attaint de celle maladie et mourut (...) Sachiez bien qu'il n'y avoit si preu, si riche, ne si joly, qu'il ne fust en grant effroy de luy-meismes et qui n'attendesist aultre chose tous les jours que la mort. (FROISS., Chron. M., XIV, c.1375-1400, 113). Et fu cils sires Espensiers, de son temps et dou mien, li plus jolis chevaliers, li plus courtois, li plus honnourables et amoureus et bacelereus assés qui fust en toute Engleterre, et li plus larges de donner le sien la ou il veoit que il estoit bien emploiiet, et qui mieuls sceut vivre et dou plus biel estat et bien ordonné. (FROISS., Chron. D., p.1400, 108). Qant les Englois veirent le dangier ou il estoient, et n'i avoit si fort, si jone, ne si joli qui ne fust tous pesans de merancolie (FROISS., Chron. D., p.1400, 137).

C. -

[Avec une valeur moralement moins positive] "Lascif, porté à la luxure" : Et quant les galans voient une belle jeune fille mariee a ung tel homme ou a ung sotin et ilz voient que elle est jolie et goye, ilz mectent leur aguet, car ilz pensent bien qu'elle devroit mieulx y entendre que une aultre, qui a mari jeune et abille. (Quinze joies mar. R., c.1390-1410, 102).

-

Estre de vie jolie. "Être débauché" : [Les femmes mariées doivent se tenir à l'écart] ...de ceulx et celles qui sont renommez et renommees d'estre de vie jolye, amoureuse, ou dissolue. (Ménagier Paris B.F., c.1392-1394, 57).

-

[D'un animal] "Porté au plaisir, à la luxure" : Le bouc est vne beste iolye qui tous iours desire luxure et d'acomplir sa nature selon ce que dit Ysodore en son XIIme. liure lequel dit que ses yeulx regardent tous iours de trauers et de ce la print il son nom. Et dit on communeement que regars de trauers ou du cornet de l'eul sont regars de chieure (Best. hérald. H.E., c.1435-1450, 472).

II. -

[Désigne, p. ext., une façon d'apparaître, de se donner à voir, plaisante, agréable]

A. -

[D'une pers]

1.

[Aspect physique]

-

"Qui est d'une apparence agréable, qui est beau, élégant..." : Or est ainssi que chelle dont je vous voy parlant Fu tant bielle et jolie et de tel avenant Que Paris ou Elainne et l'amie Tristant (...) Ne furent de biauté a cestuy affreant (Flor. Rome W., c.1330-1400, 132). Bien doy haïr me vie S'à cestui je ne rens le grande courtoisie Qu'il fit au tamps passé à me fille jollie (Hugues Capet L., c.1358, 74). ...il estoit si friches et si joli chevaliers, et si bien li avenoit à faire quanqu'il faisoit, que il estoit partout li bien venus dou roy, de la royne, des dames et des damoiselles d'Engleterre. (FROISS., Chron. L., IV, c.1375-1400, 67). - Cleriadus, mes tresoriers vous delivreront demain deux mille marcs d'or que je vous donne et à voz compaignons pour vous faire bien jolis à la feste. (Cleriadus Z., c.1440-1444, 73). Et quant le roy sailly de sa chambre et voit le petit Saintré ainsin abillié, il se print a rire et demanda a l'escuier dont ce venoit qu'il estoit ainsin jolis devenus. (LA SALE, J.S., 1456, 54). "Ma dame," dist il, "c'est, Dieu mercy, madame ma mere qui m'a fait ainsin joly." (LA SALE, J.S., 1456, 56). Et quant Madame vist qu'il se taisoit, dist a Jehan et a Thiebaut : "Ce maistre cy que vous veez porter robe de martres fourree, pourpoint de soye, chausses brodees, et si jolis, nous veult faire entendre qu'il n'a point de dame, et qui pis est, n'est point amoreux..." (LA SALE, J.S., 1456, 62). En riens certes ne le cognoiz ; Je cuide que ce n'est pas luy, Car mon filz est bien plus joly. Pour le mieulx veoir, advansons nous. (Pass. Auv., 1477, 190). GLORIEULX. Vous n'empirez pour temps qui vienne, Pleuve, gresle ou face vent. Le sang bieu ! plus allez avant Et plus estes fricque et jolye. AFFRICQUEE. Que c'est bien dit ! (P. Jouh. D.R., a.1488, 28). C'estoyt celluy Qui estoit toujours tant joly En tous les lieux ou il estoit. (Vig. Trib., c.1480, 230).

-

Empl. adv. "De belle manière, joliment" : Je les voy tous ensemble, car vraiement le bel ordre qui y estoit tenus le donnoit assez à congnoistre, c'est assavoir chevaliers et escuirs devant, si que est la coustume, mais Dieux scet comment jolis habilléz et montéz, car n'en faiz doubte que cellui qui sur tous les roys qui de trop long temps aient esté tenoit pontifical estat en toutes choses, n'eust jamais souffert, quoy que nul die, que ses gens n'eussent esté tres richement ordonnéz, et bien leur donnoit de quoy. (CHR. PIZ., Paix W., 1412-1413, 72).

-

Faire le joli : Et encore je tiens a plus beste veil homme qui cuide faire le jolis et se marie avec jeune femme. (Quinze joies mar. R., c.1390-1410, 101).

-

[Du corps] "Beau, harmonieux" : Sans nul mestret Avoit le corps par mesure pourtret, Gent, joint, joli, juene, gentil, grasset, Lonc, droit, faitis, cointe, apert et graillet. (MACH., J. R. Beh., c.1340, 71). Car quant je vi la gente taille De son corps faitis et adroit, Cointe, joli, gent, joint et droit, Assés longuet, grasset a point, En qui de meffaçon n'a point, Il ne me vint pas a merveille Se li lions pour amer veille Celle qu'on doit clamer "Tout passe", Qui toutes dames veint et passe De quanqu'on puet penser ne dire, Peindre, pourtraire ne escrire. (MACH., D. Lyon, 1342, 185). Mais onques en jour de ma vie Maniere qui fust plus jolie En homme n'en femme ne vi, Et s'ot corps trop bien assevi, Car il estoit grans, lons et drois, Bien façonnés en tous endrois, Gens, joins, jolis, juenes et cointes. (MACH., F. am., c.1361, 182). Gent corps, faitis, cointe, apert et joli, Juene, gentil, paré de noble atour, Simple, plaisant, de bonté enrichi Et de biauté née en fine douçour, Mon cuer ha si conquis par sa vigour Le dous regart de vo viaire cler, Qu'autre de vous jamais ne quier amer. (MACH., L. dames, 1377, 21).

-

[D'une attitude, d'une allure] "Gracieux, élégant" : Quant je ne voy vostre viaire gay, Par qui j'ay tant de dueil et de courrous Qu'il me convient dire : "aymi", Et vostre maintieng joli, Regret souvent (MACH., L. dames, 1377, 147). Si m'en defri, Qu'onques mais ne vi Maintieng si joli. (MACH., Les lays, 1377, 438).

.

"Aguichant, provoquant" : Lors les gallans, qui la voient bien abillee et bien emparlee, se avencent chacun endroit soy de luy ouffrir raison l'un plus que l'autre, quar jolis maintien et gaillart de femme donne hardement a couart. (Quinze joies mar. R., c.1390-1410, 16).

2.

[Aspect social] "Qui fait socialement bonne figure"

-

"Qui a de quoi tenir son rang" : A bonne cause je fais tout : Tout homme est sanz moy en debout, Voise s'en hors d'entre la gent, Il est meschant, s'il n'a argent, Et soit si sages qu'il vouldra Et si preux, car on le tendra Pour maleureux, s'il n'a de quoy Estre jolis. (CHR. PIZ., Chem. estude P., 1402-1403, 171).

-

"Qui a une vie facile, agréable" : J'ay, la Dieu mercy ! des biens assez, dont vous serez dame et maistresse, et vous feray bien jolye. [Promesse d'un vieux mari à sa jeune femme] (C.N.N., c.1456-1467, 341).

-

[D'un niveau de vie] "Important" : ...ce non obstant, la dame ne s'est pas tant donné de paine come le proudomme, qui a moult travaillé a la tenir bien aise et pour son estat que elle a voulu avoir tousjours jolis et de grant chatel. (Quinze joies mar. R., c.1390-1410, 33).

B. -

[D'un animal] "Plaisant à voir, à entendre, agréable" : Mais n'i fis pas moult lonc sejour, Car grant piece devant le jour M'esveilla li dous rossignos, Qui jolis estoit et mignos, Li tarins avec l'alouette, Le chardonnerel, la linnette (MACH., D. Lyon, 1342, 160). La ot il a ma bienvenue Mainte parole respondue, Et tout de la grant gentillece Des oiseaus selonc leur noblece, Tant qu'on cheï en un acort De faire un gracieus recort De grant deliberation De parler de l'alerion Qui est uns oiseaus gentillès, Gais, gens, jolis, joins et quillès. (MACH., D. Aler., a.1349, 294). Il est biaus, gais, jolis et gens Et gracieus a toutes gens De façon avec sa couleur Tout en nombre de sa valeur. (MACH., D. Aler., a.1349, 326). Et Nature a ce dont semont Ces oiselés gais et jolis A prendre solas et delis En fontenis et en ruissiaus, Sus buissons et sus arbrissiaus, En bois, en gardins et en chans Et en melodiier leurs chans : En autre soing ne sont ravi (FROISS., Pris. am. F., 1372-1373, 115).

-

"Mignon" : J'amay les menus oiselès, Gens, gais, jolis et nouvelès, Hui .I., puis un autre demain. (MACH., D. Aler., a.1349, 243).

C. -

[D'une chose]

1.

"Agréable aux sens"

a)

"Agréable à voir, à regarder"

-

[D'un objet] : Ilz ont le pont levé a la chesne jolie (Hern. Beaul. D.B., c.1350-1400, 40). Le roy s'estoit levé a nonne de coucher, S'avoit fait aporter ung jolis eschiquier, Pour ce qui se voulloit ung pou esbanoyer. (Ren. Gennes D.B., c.1350-1400, 90). La maint en y a de moult beaulx [joyaux] Et trestous les jours de nouveaulx Y en fait on et de nouvelles Façons moult jolies et belles. (CHR. PIZ., M.F., I, 1400-1403, 138). Jusqu'es piés est armés d'armëures jolie (Huon Bordeaux B., c.1400-1450, 18). De rechief donne a Perrenet, J'entens le bastart de la Barre, Pource qu'il est beau filz et net, En son escu, en lieu de barre, Trois dez plombez de bonne quarre Et ung beau joly jeu de cartes. (VILLON, Test. M., 1461-1462, 93). Voyla le gaige de bataille, Qui est jolis, plaisant et beau ; Vous leur porterez, comment qu'il aille ; Fait faire l'avons tout nouveau. Vous voyez c'est ung rossigneau Qui tout melodieusement chante. Presenter leur ce bel joyau ; La chose si est belle et gente. (Myst. Siège Orléans H., c.1480-1500, 308).

-

[D'un édifice] : Venez veoir le chastel, noble, jolis et grant. (Hern. Beaul. D.B., c.1350-1400, 10). Ilz vinrent devant Pulpuron, et y mistrent le siege. C'est ung chastel qui siet sus une motte de roche tout à l'environ et est moult jolis et de belle vue. (FROISS., Chron. M., XII, c.1375-1400, 191). C'est trop plus grant magnificence et meilleur chose de faire un temple ou un palais longuement durable de quoy il est aussi comme perpetuel memoire de celuy qui l'a fait et proffit au bien publique, que de faire une tele chose bele et jolie et de petite duree. (ORESME, E.A.C., c.1370, 246). Entrés est o palaix, qui est beaux et jolis. (Huon Bordeaux B., c.1400-1450, 89).

-

[D'un lieu aménagé] : Tuit cil qui sont et ont esté En vint et quatre jours d'esté Ne te diroient les delis Dou vergier, tant estoit jolis, Et pleins d'odeur plaisant et fine. (MACH., C. ami, 1357, 86). Moult par estoit li lieus jolis, Anquelies, roses et lis A l'environ d'illuech croissoient, Et rossegnol si s'escroissoient Au chanter d'un assentement, Qui n'euïst eü sentement Onques de par amours amer, Lors l'en couvenist entamer. (FROISS., Par. am., c.1361-1362, 41).

-

[D'un pays, d'une région ; avec une nuance sentimentale] "Beau" : ...devers France vont, celle terre jolie. (Hern. Beaul. D.B., c.1350-1400, 8). Si doutoit (...) que li bons et jolis païs de Hainnau couvertement ou ouvertement des passans de France alans en Flandres n'en fust grevés. (FROISS., Chron. R., XI, c.1375-1400, 186).

-

[Dans une formule laudative après un nom de pays, de ville] : Vengons nous de Huon qui, par losengerie, A esté couronné en France le jollie (Hugues Capet L., c.1358, 186). ...jusques à Joigne, où il y a huit grosses lieues qui en valent bien seize de France la jolye, que Dieu saulve et gard ! (ROYE, Chron. scand., II, 1460-1483, 9).

-

[D'une ville] : Droit en une cité qui belle est et jolie Sont venus li enffant plain de chevalerie (Hern. Beaul. D.B., c.1350-1400, 8). A Reges est venus, une cité jolie ; Buinemons le tenait, qui moult ot seignourie. (God. Bouillon R., t.2, c.1356, 19). Mais Monmiral est forte et bien abertesquie, Et haute durement et bien edefiie, Et c'est de petit tour, si a ville jollie (Hugues Capet L., c.1358, 224). Adont a au vilaige se grant gent envoïe ; S'entra avoec le duc en la citet jolie (Geste ducs Bourg. K., c.1410-1419, 266).

-

[D'une période de l'année] "Qui offre à l'oeil des choses belles à voir" : Des autres mois soit desjoins et ostés Et de Nature oubliés et hays, Et Avril soit exauciés, honnourés, Li biaus, li dous, li courtois, li jolis, Qui florist de toutes pars Les prez, les bois et les champs et les pars, Et me garist maugré Mars et sa route, Quant il m'a fait avoir en piet la goute. (MACH., L. dames, 1377, 222). Pour oublïer melencolie Et pour faire chiere plus lie, Un doulz matin es champs yssy, Ou premier jour qu'Amours ralie Les cuers et la saison jolie Fait cesser ennuy et soulcy. (CHART., L. Dames, 1416, 198). L'an de l'Incarnacion courant Mil .IIIIcIIIIxx. et huit, Des jours il estoit dix huit De ce beaul joly mois de may, Ung dimanche aprés dimay, Ceste notable Passïon Fust par grande devocïon Achevee du tout d'escripre (Pass. Semur D.M., c.1420 [1488], 269).

-

[Du temps qu'il fait] : Et pour ces jours le temps estoit si bel et si jolys, et l'air si quoy et si atempré, que c'estoit grant plaisance à aler par mer. (FROISS., Chron. M., XII, c.1375-1400, 303).

.

[Dans une tournure impers.] Faire joli. "Faire beau" : Si chevaucièrent tout ensamble baudement, banières et pennons ventelant, car il faisoit bel et joli. (FROISS., Chron. R., VIII, c.1375-1400, 186). Ce jour fist il moult biel, moult cler et moult joli, ensi que il fait ou mois de mai, et fu la nuit de une asention. (FROISS., Chron. D., p.1400, 382).

b)

"Agréable à entendre" : Lors me laissay tout bellement chëoir Et me coiti si bien, a mon pooir, Sous les arbres, qu'il ne me pot vëoir, Pour escouter Le trés dous son de son joli chanter. (MACH., J. R. Beh., c.1340, 58). ...s'i vins hui a matin, Pour escouter Leur biau service et leur joli chanter, Comment que po s'i peüst deporter Mon cuer que riens ne porroit conforter. (MACH., J. R. Beh., c.1340, 114). Gabriel, chantons par musique Gaie et jolie. (Mir. parr., 1356, 37). Quant montez fu, il m'est avis Qu'il tourna par deça son vis, Et d'une vois bele et jolie, Pleinne de tres grant melodie Et d'un amoureus sentement, Prist a chanter joliement : "Eu païs ou ma dame maint Pri Dieu qu'a joie mi remaint." (MACH., F. am., c.1361, 243). La bergiere se mist a faire ung chapelet de florettes (...) et regardoit tousjours, disant la chansonnette jolye, pour veoir s'il [le berger] reviendroit point a l'amorse (C.N.N., c.1456-1467, 483).

c)

Empl. adv. [Dans une tournure impers.] Faire joli + inf.. "Faire bon + inf." : Or regardés s'en si faite prison Il fait plaisant ne joli herbergier. (FROISS., Ball. B., c.1362-1377, 26).

d)

En partic. [À propos du plaisir amoureux]

-

Le joli métier : Son mary savoit bien que de telle condicion estoit, mais de subtilier ne querir remede pour luy donner empeschement, il ne le savoit trouver, tant estoit a ce joly mestier rusée. (C.N.N., c.1456-1467, 518).

-

Le joli esbattement : ...rien ne faisoit plus voluntiers que ce joly esbatement que chacun scet ; et ou elle povoit desploier ses armes, elle se monstroit vaillant (C.N.N., c.1456-1467, 521).

2.

"Plaisant pour l'esprit"

-

[D'une production intellectuelle] : Michiel, disons cy d'une vois Ce rondel cy qui est jolis. (Mir. marq. Gaudine, 1350, 158). A che que Plaisance me tente, Si fis un rondelet joli. (FROISS., Par. am., c.1361-1362, 61). Et li virelais de par Rose, Que trouvai en la lettre close, Me sambla jolis et nouviaus, Car toute joie et tous reviaus, Tout deduit, tout esbatement Et tout amoureus sentement Doient en coer d'amant manoir. (FROISS., Pris. am. F., 1372-1373, 72). [C'est Nature qui s'adresse à Machaut] Einsi ti fait seront frique, N'a ce faire ne pues estre faillans , Car tu as Scens, Retorique et Musique. Ti fait seront plus qu'autre renommé, Qu'il n'i ara riens qui face a blasmer, Et si seront de toutes gens amé, Soutis, loyaus, jolis et sans amer. (MACH., Prol., c.1377, 2). Et les termes de Médicine, De diverse sorte et racine, Sont trop merveilleux et divers À faire rime et joliz vers. (LA HAYE, P. peste, 1426, 165).

-

[D'un tour, d'une farce] Jouer un joli tour à qqn. "Jouer un bon tour à qqn" : Or sus, anffans, c'om estudie Legierement, sans nul sejour, A trover quelque joly tour C'om joera ad ce Povre Peuple Pour luy faire perdre son meuble Et tout tant qu'il tient a la ronde. (Pouvre peuple H., c.1450-1492, 189).