| 175 exemples | | 1 | Lors vint vers moy tout belement Li lions, aussi humblement Com se fust un petit chiennet. Et quant ce vi, je dis : "Bien est." Si li mis ma main sus la teste. Mais plus doucement qu'autre beste Le souffri et joint les oreilles, Dont j'avoie trop grant merveilles Comment une beste si fiere Estoit de si douce maniere. (MACH., D. Lyon, 1342, 170). | |
| 2 | Les pierres y sont de tele nature que au cop du martel il se fendent tortueusement, si convient pour les joindre a point et pour mectre la boce contre la fosse justement, que les maçons aient regles de plonc. (ORESME, E.A.C., c.1370, 325). | |
| 3 | Quant Susanne son jugement Vit et sa mort apertement, A haute vois, sans detrier, Les mains jointes, prist a crier : "Sire Dieus, qui es pardurables, (...) Tu scez que je n'ay riens meffait..." (MACH., C. ami, 1357, 10). | |
| 4 | A la VIJe course, au joindre des lances, le destrier de messire Enguerrant senestra, et par ainsin ne firent riens. (LA SALE, J.S., 1456, 117). | |
| 5 | ...quant François perçurent leurs ennemis estre tous mis à pié et qu'en semblant ils ne demandoient que le joindre ensemble... (CHASTELL., Chron. K., t.2, c.1456-1471, 97). | |
| 6 | Et la commencerent les Troyens et les Gregois une tres chaude escarmouce, a sy grant occision que au joindre il y eut maint homme mort et navré. (LEFÈVRE (R.), Hist. Troyes A., c.1464, 343). | |
| 7 | Joindez, ouvrez, tyty tata ! Laissier vous fault vo pucelaige ! (Serm. plaisant K., c.1500, 468). | |
| 8 | Au point du jour, que l'esprevier s'esbat, Meu de plaisir et par noble coustume, Bruyt la mauviz et de joye s'esbat, Reçoyt son per et se joinct a sa plume (VILLON, Test. R.H., 1461-1462, 111). | |
| 9 | Quant les femmes sont devenues Vieilles (...), Lors convoitent elles le joindre (LE FÈVRE, Lament. Math. V.H., c.1380, 94). | |
| 10 | J'ay veu, par Dieu, en une nuyt, Il vault mieux que n'en disse rien... A deulx culz faire si grant bruyt. Je ne scay se c'estoit pour bien Du joindre assez cela trop bien, Il sambloit a les voir jumeaux. Du surplus je n'en diré rien, Ilz n'entreheurtoient des trumeaux, Qui ne me le font, (ouy) dea, de beaux, Je priseroye bien la maniere. (S. fol, c.1480-1490, 7). | |
| 11 | Item, pour ce cuident aucuns que le lieu qui est en la fin de terre habitable vers occident environ les colompnes de Hercules et le lieu qui est en la fin d'orient habitable vers Inde soient prochains, et que la mer qui joint a l'un et a l'autre soit une meisme mer. (ORESME, C.M., c.1377, 566). | |
| 12 | Sire roys, mes peres avoit lors prins congié du roy, et s'en estoit alez en son pays. Et avoit coustume qu'il aloit tous les matins en la forest qui joint a la forteresse, disant ses heures tous seulz. (ARRAS, c.1392-1393, 58). | |
| 13 | ...Bures, qui joindoit au royaulme de Saragosse (JEAN D'OUTREM., Myr. histors G., a.1400, 94). | |
| 14 | Après laquelle response il lui pria pour Dieu, en joignant les mains, que elle lui dist, et il lui donrroit de son or et de son argent tant comme elle vouldroit, et que se elle ne lui enseignoit, il se tenoit ou rendroit pour mort (Reg. crim. Chât., II, 1389-1392, 281). | |
| 15 | ...une tournelle qui joint à la porte du Bourg l'Abbé, que soulloit tenir feu Pierre Vinaise, laquelle a esté baillée à vie à Me Andry Courtevache, clerc des Comptes du Roy nostre sire (Comptes Paris V.L.D., t.1, 1424-1425, 14). | |
| 16 | ...une maison wide et vague, seant au Bourc l'Abbé, joingnant a la maison du dit Jehan de Tramblay (Chartes Abb. St-Magl. T.F., t.3, 1363, 261). | |
| 17 | ...tant sur le dit moulin comme sur un autre joingnant a lui (Chartes Abb. St-Magl. T.F., t.3, 1389-1390, 613). | |
| 18 | ...il vit une aumaille estant en ycellle chappelle, laquelle estoit ouverte, et lors il, à l'ayde d'une grosse pierre joignant à ladite chappelle, monta par dessus l'uys d'icelle chappelle (Reg. crim. Chât., I, 1389-1392, 4). | |
| 19 | ...ainsi comme il passoit par le chemin près d'un villaige assiz et joignant de la ville d'Amiens (Reg. crim. Chât., II, 1389-1392, 175). | |
| 20 | ...iceulx glaçons par leur impetuosité et heurs ont au jour d'ui rompu et abatu les IJ petis pons, l'un qui estoit de boiz joignant du Petit Chastellet, l'autre de pierre, appellé le Nuef Pont (BAYE, I, 1400-1410, 216). | |
| 21 | ...et l'ostel du Polin, tenant et joingnant audit hostel (FAUQ., II, 1421-1430, 336). | |
| 22 | Et se bouterent les aucuns d'iceulz dedens la riviere joingnant des murs, en peril de leur vie (FAUQ., II, 1421-1430, 343). | |
| 23 | Les aultres l'appellent le lac de la Sibille, pour ce que le mont de la Sibille est devant et joingnant a cestui, fors d'un petit ruisseau qui court entre deux. (LA SALE, Salade, c.1442-1444, 69). | |
| 24 | ...une fosse plaine de mer, joignant a la fontaine (Percef. III, R., t.2, c.1450 [c.1340], 282). | |
| 25 | Au jour d'ui, Raoulet Grison, clerc du Roy nostre Sire (...) est venus en jugement, et à IJ genoulx et en pleurant a crié mercy à la Court à mains joinctes (BAYE, I, 1400-1410, 127). | |
| 26 | Item, lay a Fastreit, mon frere, le chesteal, selon les conditions del testament monsangnour jadit mon pere, item, le brexine devant ledit chasteal, item, dois chapons sor le curt monsangnour Ameile, seiante deleis le curt Pulhet en le vilhe de Selve, item, un chapon sor le curt monsangnour Amele, joindante, en le vilhe de Ferme, alle curt Johan de Cressant (HEMRICOURT, Pièces div. B.P., 1364, 72). | |
| 27 | ...Sy pres du hault bois que joignant ["tout à côté"] (Pastor. B., c.1422-1425, 126). | |
| 28 | Et se viennent ferir des fers des lances aguz et trenchans sur le comble des escuz par telle maniere qu'il n'y ot nerf ne aiz qui ne feust perciez de part en part, tant que les fers des lances vindrent joindre sur les pieces d'acier, de si grant force que il n'y ot si bon cheval qui ne chancellast et ploiast l'eschine, et la lance du soudent vola en pieces. (ARRAS, c.1392-1393, 231). | |
| 29 | ...et doit la poullie qui tient a la gielle estre court atachiee et doit couler contreval la gielle, et aussi doit joindre le bout du chambel a la grosse gielle a pié (HENRI FERR., Modus et Ratio, Livre deduis T., c.1354-1377, 281). | |
| 30 | Car li desirs qui se joint Ens ou coer le feu engendre (FROISS., Ball. B., c.1362-1377, 35). | |
| 31 | Balhe ça ces cordes et las, Et Cinelle et moy tirarons Si fort que ses os desjoindrons Et les piés joindront au partuis. (Pass. Auv., 1477, 198). | |
| 32 | ...sa femme a ceste heure n'avoit pas ce loisir [de rire], tant estoient ses levres empeschées de se joindre (C.N.N., c.1456-1467, 26). | |
| 33 | Et de cube qui est .I. corps figuré comme un dé, verité est que .VIII. telz se peuent joindre ensemble sanz viedenge et ce appert legierement et le peut l'en veoir sensiblement. Et pour ce, se l'en prenoit une grant multitude de telz, si comme pour exemple un mieu de déz, l'en les pourroit adjouster et mettre en un vaiseau sanz ce que entre telz corps eust espace ne lieu vieu de telz corps (ORESME, C.M., c.1377, 646). | |
| 34 | Les VJ. bannieres des freres se joingnent ensemble, et les VJ. freres devant en une flote. (ARRAS, c.1392-1393, 287). | |
| 35 | ...la femme d'un laboureur (...) enfanta une fille gemelle, ou deux filles joingnans ensemble en ung seul ventre (FAUQ., II, 1421-1430, 310). | |
| 36 | ...les genoulx a terre et les mains joinctes au ciel (CHR. PIZ., Trois vertus W.H., c.1405, 23). | |
| 37 | Si vueil merci souffissance apeler Et ensement souffissance mercy, Car c'est tout un ; ne je ne puis trouver Que qui a l'un qu'il n'ait l'autre aussi, Quant en amours ; ne veoir ne puis ci Que l'un peüst par sans l'autre durer, Qu'on ne porroit nullement separer L'un de l'autre : tant sont joint et onni. (MACH., Lays, 1377, 339). | |
| 38 | ...la tour (...) estoit quarree et haulte bien .lx. toises, mais moult estoit rudement et mal jointe et ovree. (Chev. papegau H., c.1400-1500, 80). | |
| 39 | Ces harnois cy sont il pourris ? Ses mailles joingnent elles mal ? Sont les brancs a ruer aval ? Sont ses espees vermolues ? (Myst. Pass. Troyes B., a.1482, 765). | |
| 40 | La sont li dent menu, plaisant, Blanc, net, joignant, bien arrengié (ACART, Prise am. H., 1332, 30). | |
| 41 | Et puis en son chef li metez Une couronne bien joignant (Myst. Pass. N.S. R., c.1350-1370, 174). | |
| 42 | Et doivent estre les laz tenduz pour le cerf, les bouz dessoubz un pié de haut sus terre, et bien joinhanz de chascun costé (GAST. PHÉBUS, Livre chasse T., 1387-1389, 253). | |
| 43 | C'est une espine ou une areste Qui garde qu'elle [la couronne d'épines] ne peult joindre. (MICHEL, Myst. Pass. J., 1486, 366). | |
| 44 | N'ay pointure Ne morsure, Quant je voy sa pourtraiture Qui à mon desir se joint. (MACH., Lays, 1377, 443). | |
| 45 | Estat, de soy, est bon, quer il est dit de stabilité ou estableté ou fermeté. Maiz quant oultrage se joint et se marie a estat, tres mauvaise lignee s'ensuit (GERS., Annonc., a.1400, 237). | |
| 46 | Quelz furent les miracles au jour d'uy faiz ? Je dy que l'un fut de la fontaine d'uile et l'autre du temple de paix qui cheut, l'autre de l'estoille qui apparut aux trois roys, qui fut au jour d'uy formee, les autres quelle mere fut vierge, que foy et cuer humain se joignirent, et Dieu fut homme (GERS., Noël, p.1404, 299). | |
| 47 | ...puis joindy ses mains a Gadiffer [vers Gadiffer] (Percef. III, R., t.2, c.1450 [c.1340], 163). | |
| 48 | Je t'avoie dit et enjoint Que ton cuer fust a moy si joint Qu'adès de moy te souvenist Loing et près, quoy qu'il avenist. (MACH., R. Fort., c.1341, 115). | |
| 49 | Pour ce changier Ne me quier, Et j'ay droit ; Qu'en mon cuer est si trés ferme et si jointe L'amour de li qu'estre n'en puet desjointe (MACH., L. plour, 1349, 286). | |
| 50 | Mais sachiez bien, Dame, comment qu'il n'ait partout que bien, Qu'en ce vostre entendement et le mien Ne se joingnent, ne acordent en rien, Eins sont contraire, Einsi com je le vous pense a retraire, Quant poins sera. (MACH., J. R. Beh., c.1340, 93). | |
| 51 | Cuides tu, se prosperité Est en li, que felicité Avec la boneürté vraie Y soient ? De ce ne t'esmaie ; Car c'est chose qui ne se puet Joindre. Et vez ci ce qui me muet : La bonneürté souvereinne Et la felicité certeinne Sont souverein bien de Nature Qui use de Raison la pure ; Et tels biens, on ne les puet perdre. Pour ce comparer ne aërdre Ne s'i puelent cil de Fortune. (MACH., R. Fort., c.1341, 90). | |
| 52 | Vous nous requerez courtoisie, Et si nous faites villonnie ! N'est pas chose qui se puist joindre, Quant vous nous volez poindre et oindre. Nous ferons ce que vous ferez, N'autre chose n'em porterez ; Et se vous nous estes courtois, Nous serons de la gent d'Artois. (MACH., P. Alex., p.1369, 117). | |
| 53 | Or sommes nous donc en acort ; Si te vueil moustrer clerement Que tu as fait bon jugement. Cuides tu, se prosperité Est en li, que felicité Avec la boneürté vraie Y soient ? De ce ne t'esmaie ; Car c'est chose qui ne se puet Joindre. (MACH., R. Fort., c.1341, 90). | |
| 54 | Et comment se pourroit il joindre ? (GRÉBAN, Pass. J., c.1450, 131). | |
| 55 | Je sçay bien que j'en doy avoir Six aulnes tout en une piece, Mais ceste femme me depiece De tous poins mon entendement. Il les a eues vrayëment ! Non a, dea, il ne se peult joindre : J'ay veu la Mort qui le vient poindre, Au mains, ou il le contrefait. Et si a ! Il les print de fait Et les mist dessoubz son esselle ["il est impossible que Pathelin soit au lit, en proie au délire et qu'il ait acheté du drap"]. (Path. D., c.1456-1469, 114). | |
| 56 | Que Jupiter avecques Mars, Par leurs désordonnez regars Et mesmement quant ilz sont joins En aucun des signes ou poins Du Zodiaque et par droiture, Soit de chaulde et moiste nature, Fait avenir et apparoir Grant pestillence et mal en l'air (LA HAYE, P. peste, 1426, 27). | |
| 57 | Assigna propre mouvement [aux planètes], Lequel ne pevent translater Par pou mouvoir ne trop haster, Dont leur fault, selon l'ordonnance, Continuer toudis leur dance, Se joindre et desjoindre souvent Selon l'estat de leur couvent (LA HAYE, P. peste, 1426, 39). | |
| 58 | ...a mains joinctes le cop de l'espée, cuidant morir, actendoit. (C.N.N., c.1456-1467, 62). | |
| 59 | Au moyen de quoy plusieurs de bonne heure se tirerent ès autres parties salubres, et fut l'an du monde IIIImIIIcLVI ; fut moult pestiffere, pour ce qu'elle [une comète] estoit joincte à Mars. (SIMON DE PHARES, Astrol., c.1494-1498, f° 38 r°). | |
| 60 | Cestui parla haultement des petites conjunctions et, entre autres choses, dist que touteffois que Mars et le Soleil ce joingnoient en signe de feu que l'an devoit estre rampli de maladies chauldes et seches, sinon qu'il y est bon regard et quant Venus et Mercure estoient conjoinctz, lors est la gloire des hommes licterés et nuysance aux vielz gens. (SIMON DE PHARES, Astrol., c.1494-1498, f° 79 r°). | |
| 61 | ...Ce beau nez droit, grant ne petiz, Ces petites joinctes orreilles (VILLON, Test. R.H., 1461-1462, 55). | |
| 62 | Et atant [Garnier] se part par une faulse poterne, monte sur un appert coursier, et prent le couvert des fossez, et passe joint a joint des logeiz, que oncques ne fu congneuz, mais cuidierent que ce feust un de leurs chevaliers qui se alast esbatre, car il aloit tout le petit trot. Mais quant il fu un pou esloingniez, si fiert le cheval des esperons tant comme il puet, et le cheval l'emporte moult raidement. (ARRAS, c.1392-1393, 206). | |
| 63 | ...vostre cotte joincte (Percef. IV, R., c.1450 [c.1340], 1104). | |
| 64 | ...elle vit une fillete de l'aage de XV mois ou environ, laquele fu trouvée à Nostre-Dame de Paris après disner sur les carreaux, emprès une femme aveugle, laquelle estoit joignant la chappelle Saint-Sebastien (Reg. crim. Chât., II, 1389-1392, 530). | |
| 65 | A ceste cinqme course, messire Enguerrant print joingnant la broiche au double grant gardebras, et Saintré au pié du demi heaume, et tous deux rompirent bien leurs lances et tellement que les esclas voulerent par l'air (LA SALE, J.S., 1456, 117). | |
| 66 | ...une coleuvrine joignant ses oreilles (CHASTELL., Chron. K., t.3, c.1456-1471, 300). | |
| 67 | Enchise a travers celle char joingnant de l'espaule (HENRI FERR., Modus et Ratio, Livre deduis T., c.1354-1377, 52). | |
| 68 | ...icelle alee est pres et joignant de ladite fosse (Chartes Abb. St-Magl. T.F., t.3, 1368, 374). | |
| 69 | ...[le serviteur] laissa monseigneur le president, qui loa Dieu a joinctes mains de ce qu'il est quicte de sa femme. (C.N.N., c.1456-1467, 314). | |
| 70 | ...et encise en travers celle char joignant de l'espaule (GAST. PHÉBUS, Livre chasse T., 1387-1389, 179). | |
| 71 | ...elle se seyt sur une scabelle, auprès de la couchette, puis le fist seoir sur une aultre joignant d'elle (C.N.N., c.1456-1467, 572). | |
| 72 | Quoy que je lui voulsisse dire [à la femme aimée], Elle estoit preste d'escouter Sans m'acorder ne contredire. Qui plus, me souffroit acouter Joingnant d'elle, pres sacouter... Et ainsi m'aloit amusant Et me souffroit tout raconter, Mais ce n'estoit qu'en m'abusant. (VILLON, Test. R.H., 1461-1462, 67). | |
| 73 | Sainct Anthoine au gris mantellet Sera joindant du pourchellet (MOLINET, Faictz Dictz D., 1467-1506, 544). | |
| 74 | Et en la ville a grans ponts sur rivieres, Fortifïees de choses singulieres Et mesmement d'une grosse tour forte, Aboutissant tout joignant de la porte (LA VIGNE, V.N., p.1495, 248). | |
| 75 | Aprés disner, joignant de Villefranche Et oultre l'eau se parqua ce jour mesme (LA VIGNE, V.N., p.1495, 277). | |
| 76 | Item, cogneut oultre que, VIJ mois a, auprès et joignant de Sainte-Katherine... (Reg. crim. Chât., II, 1389-1392, 75). | |
| 77 | ...un estal à mercier joignant près de la grant porte dudit Palais (Reg. crim. Chât., II, 1389-1392, 72). | |
| 78 | Et autel est il des bestes sauvages - comme d'un sanglier, ung cerf, une biche - qui ont nature sauvage, suivent et se tiennent joingnans et apres de leurs maistres et maistresses et laissent tous autres. (Ménagier Paris B.F., c.1392-1394, 69). | |
| 79 | ...et à l'environ tenoient ledit poyle les autres conseilliers de ladicte Court et les greffiers et notaires d'icelle Court, qui estoient joingnans et prochains desdis presidens et conseilliers (FAUQ., II, 1421-1430, 71). | |
| 80 | Et dames de joindre les mains Quand ilz virent donner l'assault. (Fr. arch. B., c.1468-1480, 35). | |
| 81 | ...et en y alant [à Chartres], ainsy comme à mi-voye, il trouva enmi les champs, sur le chemin, un homme et une femme seans à terre, joingnans l'un de l'autre, emprès lesquelx il se assist (Reg. crim. Chât., I, 1389-1392, 426). | |
| 82 | Tout au joignant es deux celiers Avoit six muiz de vin de plat (HAUTEV., Invent. biens B., c.1441-1447, 50). | |
| 83 | Et aussi y avoit au joignant de ladicte lictiere six des pages dudit defunct, housez et esperonnez, sur six coursiers tous vestus et couvers de veloux noir, et lesdiz pages oudit habit de dueil. (ROYE, Chron. scand., I, 1460-1483, 22). | |
| 84 | Et aussi, ce mesme jour, le roy à privée mesgnée ala jusques au joignant de Conflans parler à mondit seigneur de Charrolois (ROYE, Chron. scand., I, 1460-1483, 124). | |
| 85 | Et après s'en ala en une chambre ou retrait, au joignant de ladicte chambre, où il trouva sadicte femme mucée dessoubz la couste d'un lit, où avoient couché ses enfans (ROYE, Chron. scand., II, 1460-1483, 16). | |
| 86 | ...luy suppliant aussi A joinctes mains qu'il les print a mercy. (LA VIGNE, V.N., p.1495, 247). | |
| 87 | Et se folement me sui pleins, En moy dementez et compleins De toy et des amoureus pleins Dont j'estoie chargiez et plains, Je te depri a jointes mains Que a grevence Ne me tourt, et que plus ne meins Ne t'en soit, car tiens suis remeins. (MACH., R. Fort., c.1341, 119). | |
| 88 | ...quant chascuns fu departis et les pans du paveillon furent joins... (ARRAS, c.1392-1393, 41). | |
| 89 | Et quant ma maladie Garie Ne sera nullement Sans vous, douce anemie, Qui lie Estes de mon tourment, à jointes mains deprie Vo cuer, puis qu'il m'oublie, Que temprement m'ocie, Car trop langui longuement. (MACH., Ch. bal., 1377, 585). | |
| 90 | Et puis que j'aim sans fausseté, à loy de tres loyal ami Qui vueil faire tout vostre gré, Pour Dieu, à mains jointes, vous pri Que de vous ne soie en oubli, Car en tous temps et à toute heure, Ma dame, li cuers vous demeure. (MACH., L. dames, 1377, 152). | |
| 91 | Et quant dou mal qui m'est remains à jointes mains Pri qu'aie meins, Adont Amours pis me demainne. (MACH., Lays, 1377, 289). | |
| 92 | Or dist l'ystoire que les deux barons, qui furent de noble cuer et de haulte puissance, s'esloingnent l'un de l'autre, et joingnent les targes contre leurs pitz, et brandissent leurs lances, et estraingnent les costez, et s'embronchent les chiefs es heaumes, comme vassaulx duiz du mestier d'armes, et laissent courre les chevaulx tant comme ilz pevent. (ARRAS, c.1392-1393, 231). | |
| 93 | Ce miraicle te plaise faire, Mon tresdoulx sauveur debonnaire ! En celle foy je la mettray Et a son bras luy adjoindray, Et vous ferés vostre plaisance. [Indication scénique] Cy joigne la main au bras, et soit joincte. (Myst. st Adr. P., c.1450-1485, 186). | |
| 94 | Langue poignant, aspre, amere et aguë En traïson souvent me mort et point (...). Sa fausseté n'est pas bien congneüe, Car par samblant aucune fois elle oint ; Mais elle point, envenime et partue Souvent celui qui près de li la joint. Si en penray vengence par ce point Que, par joie maintenir et bien faire, Je la feray morir de dueil ou taire. (MACH., L. dames, 1377, 172). | |
| 95 | Lors joindirent leurs escus, puis tirerent leurs espees et s'en vindrent l'un contre l'autre (Percef. III, R., t.1, c.1450 [c.1340], 130). | |
| 96 | ...joindre la chose separee et oster la superflue. (PANIS, Guidon, 1478, chap. sing.). | |
| 97 | Il fault qu'ilz [les pieds] soyent ensemble lié (...) D'une corde pour le mieulx joindre. (Pass. Auv., 1477, 198). | |
| 98 | ...et arriva au dehors de Bruges, joindant la porte, à ix heures du matin (LEFÈVRE ST-RÉMY, Chron. M., t.2, c.1462-1468, 164). | |
| 99 | ...il sembloit qu'ilz deussent menger l'un l'autre, tant mettoient et joindoient leurs dens ensemble. [De deux amants] (C.N.N., c.1456-1467, 505). | |
| 100 | ...car la mort separe et dessevre les choses jointes par nature, mais elle ne peut separer les jointes par grace et par amour (Mir. st Val., c.1367, 121). | |
| 101 | Mes chiers amis, Puis qu'Amours ad ce nous a mis Que nos deus cuers ensamble joindre Vuet sans partir et sans desjoindre, Et que faire vuet un de deus, Pour Dieu, ne faisons paire d'euls. (MACH., R. Fort., c.1341, 148). | |
| 102 | ...il sembloit que ce fust une beste monstrueuse a deux corps joins ensemble, qui n'avoyent semblance de corps humain fors es visages. (GERS., Noël, p.1404, 308). | |
| 103 | Ayes charité, car c'est le bien de perfection, c'est à dire que c'est ce qui consumme et joint toutes vertus ensemble si que il s'ensuit apres d'icellui meismes. (CHR. PIZ., Paix W., 1412-1413, 179). | |
| 104 | Et tant montent les routz dessus ditz quant ilz sont jointz ensemble (NIC. CHUQUET, Triparty M., 1484, I, 609). | |
| 105 | À quoy valent en vérité Le jus et l'acétosité De frans citrons et de bons coignz, O lesquelx pevent estre joignz Camphre et sandaulx, qui sont moult chiers, Et pommes d'aigres grenadiers (LA HAYE, P. peste, 1426, 121). | |
| 106 | Et fu sur ce leur deposicion par moy escripte pour joindre aux informacions faictes en ceste matiere à l'instance du procureur du Roy (FAUQ., II, 1421-1430, 86). | |
| 107 | Voulenté de sensualité est seulement es bestes mués. Et pour ce quant a ceste tele voulenté point pecheriesmes, se nostre raison ne fust joincte a icelle par accord a laquelle raison apartient de refrener ou restraindre et retraire la sensualité (Somme abr., c.1477-1481, 174). | |
| 108 | Toutesfois après lesditz contreditz et salvations (...) fourniz seront incontinent joinctz ou procès sans en prendre autre delay de faire preuve des contenuz esditz contredictz et salvations (Cout. instit. Anjou Maine B.-B., t.4, 1496, 432). | |
| 109 | ...mais par luy veue laditte depposition et enqueste, en laquelle gisoit la purification dudit conte, sollicita à toute dilligence l'expedition dudit arrest sans y joindre laditte enqueste, pour ce [que], comme dist est, elle parloit au prouffit de la purification dudit conte. (LE CLERC, Interp. Roye, c.1502, 162). | |
| 110 | Si vous requier, dame, mains jointes, Que bien le m'aidez a parfaire. (Mir. enf. diable, c.1339, 38). | |
| 111 | ...laquelle depposition signée et scellée dudit conseillier, avoit esté baillée par le roy audit de Meleun pour joindre ["pour qu'on la joigne"] au procès dudit de Chabannes, ce qu'il ne fist (LE CLERC, Interp. Roye, c.1502, 162). | |
| 112 | ...et, ce fait et tout joint au procès principal, la Court fera droit auxdictes parties (BAYE, I, 1400-1410, 198). | |
| 113 | Appoincté que IIIJ ou V tesmoins seront oïz par Longueil et Gaillart, et tout joinct avecques les lettres fera droit la Court (BAYE, II, 1411-1417, 235). | |
| 114 | ...il vouloit joindre son armée avec l'autre sienne armée qu'il avoit en Picardie (LE CLERC, Interp. Roye, c.1502, 309). | |
| 115 | ...et lors les joingnirent [des taureaux] au char (BATALLIER, Lég. dorée D.-L., 1476, 638). | |
| 116 | Jamais ne t'a pleu mariage ; fuy l'as tousjours, craint et refusé, mesmement hay et mesprisé les bons et justes conseilz de ceulx qui t'y ont voulu joindre affin que tu eusses lignée (C.N.N., c.1456-1467, 556). | |
| 117 | Lequel luy respondit que ouy, et qu'il en avoit apportées unes à l'admiral de Montauban pour le joindre et virer au service du roy, et unes autres à Boniface, lesquelz le conte de Dampmartin tenoit pour ses amys (LE CLERC, Interp. Roye, c.1502, 149). | |
| 118 | Car j'ai matere Qui si priés me touce et me joint Que pour ce di qu'elle me point (FROISS., Pris. am. F., 1372-1373, 140). | |
| 119 | ...il [le curé] print le vieil homme riche et la jeune fille pouvre et les joignit par l'aneau du moustier ensemble. (C.N.N., c.1456-1467, 339). | |
| 120 | LE PAPE. (...) En mon palais nous en irons : La seront joins et ordenez Par mariage (Mir. Rob. Dyable, c.1375, 77). | |
| 121 | Quant je vi que c'estoit mes sires, Qui des maus amoureus est mires, Onques de lui ne m'esloingnay, Mais devant lui m'ageloingnay, Et li requis en souspirant, A mains jointes et en plourant, Qu'il me vosist reconforter Dou mal que j'avoie a porter, Et que donner meilleur espoir, Me vosist (MACH., D. verg., a.1340, 26). | |
| 122 | Pechié est fait en cincq manieres entre l'homme et la femme ensemble joincts et mariéz (Sacr. mar., c.1477-1481, 46). | |
| 123 | Jhesu Crist (...) Bonne vie et longue vous doingne, Saint pére, et a s'amour vous joingne Par son plaisir. (Mir. pape, 1346, 357). | |
| 124 | ...et après a lui Diex la joint [la vierge] et aglutina (Mir. st J. Paulu, c.1372, 92). | |
| 125 | Duquel vers la sentence est telle : cellui qui premiers me joignist a lui, lasse moy ! Il emporta mes vraies amours, et veul qu'il les ait tousjours et qu'il les garde en son sepulcre avecques lui. (LA SALE, J.S., 1456, 4). | |
| 126 | Neantmoins, le dit roy d'Angleterre, et le prince de Galles son filz, lequel avoit paraillement juré lez dittes aliences, en venant follement contre leurs promesses et seremens, soubstindrent et jindrent plusieurs gens de Conpaigne, tant leurs subjés que aultres, ou royaume de France (Songe verg. S., t.1, 1378, 282). | |
| 127 | ...et s'il y avoit encores qui voulsissent champier, il estoit appareilliéz ; et s'ilz vouloient joindre leurs oustz ensemble, il les metoit jour a l'endemain (JEAN D'OUTREM., Myr. histors G., a.1400, 80). | |
| 128 | Et quant Esperence ne joint A mon cuer, einsois s'en desjoint, Se Fol Espoir a li se joint, N'est pas merveille, Puis que tu fais si mal a point Que tu m'as maté et empoint Par ton meffait en l'angle point, Vueille ou ne vueille. (MACH., R. Fort., c.1341, 50). | |
| 129 | ...c'est assavoir que Diex la pensée de la vierge purgea et saintiffia, de graces raempli et aourna, et qu'a li se joint et aglutina (Mir. st J. Paulu, c.1372, 92). | |
| 130 | Et quant il voult joindre a la baniere, lors fut de toutes pars assailli, que se ne fust l'aide de Dieu et bien tost secoru, sans nule remede il estoit mort. (LA SALE, J.S., 1456, 218). | |
| 131 | LA MÉRE. (...) Filz, bien vegniez. LE ROY D'ESCOSSE. Dame, près de moy vous joingniez. Je vous jur, ou voir me direz, Ou maintenant arse serez. (Mir. fille roy Hongrie, c.1371, 71). | |
| 132 | ...jamais je ne cesseray De loer vous et gracier (...) A genouz et a jointes mains. (Mir. abbeesse, 1340, 90). | |
| 133 | Le bon bourgoys (...) au plus près d'elle se bouta, et luy chargea bien qu'elle se joignist près de luy (C.N.N., c.1456-1467, 25). | |
| 134 | ...se efforchèrent (...) joindre si près du roy d'Angleterre qu'ilz lui abbateroient la couronne jus de la teste (LEFÈVRE ST-RÉMY, Chron. M., t.1, c.1462-1468, 250). | |
| 135 | ...le soupper fait, qui sembla estre audit Jehan moult long, se joignit avecques sa dicte hostesse (C.N.N., c.1456-1467, 389). | |
| 136 | ...[il] monte sur le lit, et se joinct au plus près de sa dame, la lance au poing, et luy presente la bataille. (C.N.N., c.1456-1467, 497). | |
| 137 | ...si vostre plaisir portoit de vous joindre emprès luy... (CHASTELL., Chron. K., t.4, c.1456-1471, 329). | |
| 138 | Ce venu à la congnoessance du roy que ladite ville de Gergeau avoit ainssy esté prinse d'assault comme dit est, manda gens d'armes de toutes pars pour venir et soy joindre avecquez ledit duc d'Alençon (CHART. J., Chron. Ch. VII, V., t.1, c.1437-1464, 83). | |
| 139 | ...cuidans aler eulx joindre avecques les compaignies des ducs de Berry et de Bretaigne (ROYE, Chron. scand., I, 1460-1483, 64). | |
| 140 | ...et qu'il se haste de se joindre avec vous et toute l'armée de par delà (LE CLERC, Interp. Roye, c.1502, 234). | |
| 141 | ...ceulx de la garnison de Therouenne s'en allerent joindre à l'armée où estoit Messrs d'Esquerdes et autres lieutenans et capitaines pour le roy (LE CLERC, Interp. Roye, c.1502, 391). | |
| 142 | ...et non aiant Dieu ne l'onneur et prouffit du roy ne du royaume devant ses yeulx, amena le roy jusques à Peronne, auquel lieu il le fist joindre avec icellui de Bourgongne et leur fist faire ensemble une telle quelle paix (ROYE, Chron. scand., I, 1460-1483, 227). | |
| 143 | Mais s'einsi ma vie define, A ma dame qu'aim d'amour fine, Les mains jointes, la chiere encline, Vueil rendre l'ame. (MACH., R. Fort., c.1341, 54). | |
| 144 | Chascuns avoit l'espée ceinte Et tenoient moult grant enceinte, Tant estoient serré et joint L'un devant l'autre et si à point Qu'estre ressambloient IJ. murs. (MACH., P. Alex., p.1369, 196). | |
| 145 | ...et qu'il se garde bien de combatre tant que le roy soit joinct avec luy (LE CLERC, Interp. Roye, c.1502, 267). | |
| 146 | ...Jesus (...) Tout droit joingnant a la dextre du Pere (Prières saints R., t.2, 1400-1500, 202). | |
| 147 | Lors me joingniz et ralié prés du brouet de sa cuisine (Abuzé D., c.1450-1470, 92). | |
| 148 | ...car lui joignant à son lez dextre... (CHASTELL., Chron. K., t.4, c.1456-1471, 19). | |
| 149 | Si chevaucherent tant qu'ilz vindrent joindre jusques aux derniers ["se placer auprès des derniers, rejoindre les derniers"] (Jehan de Paris W., 1494-1495, 30). | |
| 150 | Et ainsy que ledit comte approcha ladicte ville, (...) mandèrent audit comte que lui et sa compaingnie tirassent avant, ce qu'ilz firrent, et ensamble vindrent goindre aux barrières d'icelle (ESOUCHY, Chron. B., t.1, c.1453-1460, 418-419). | |
| 151 | Je requiers le doulx Jhesucris (...) Que vostre main que appourtée J'ay, devotement honnorée, Se soulde et jougne a vostre bras, Dont elle fut, a mon pourchas, Hostée, au jour de vo martire (Myst. st Adr. P., c.1450-1485, 185). | |
| 152 | ...et qui a ce paumier, c'est a la croiz, se joindra par compassion, benoist sera. (Mir. st Guill., c.1347, 3). | |
| 153 | NOSTRE DAME. Ces boistes nous fault entamer. A ce saint corps ci nous joingnons Toutes trois, et si l'en oingnons Et par devant et par derriére. (Mir. st Guill., c.1347, 46). | |
| 154 | Et quant riens plus ne ressongnay, A deus genous m'agelongnay Emmi la sentelette estroite, Les mains jointes, la face droite Vers le lieu precieus et digne Qui m'estoit apparence et signe A l'esperence que j'avoie Que la ma dame trouveroie. (MACH., R. Fort., c.1341, 117). | |
| 155 | Et desormés en son obeissance Tres humblement tous ilz se maintiendroyent, Son nom gardroyent, ses armes deffendroyent ; Et oultre plus, pour leur erreur distraire, A telle loy qu'il vouldroit se joindroient, Sans jamais jour eulx ayder du contraire. (LA VIGNE, V.N., p.1495, 208). | |
| 156 | Ou cheval monte et si se joint Sus ses estriers (FROISS., Méliad. L., t.2, 1373-1388, 286). | |
| 157 | Melyador adont se joint En sa targe (FROISS., Méliad. L., t.1, 1373-1388, 254). | |
| 158 | Et se joindent en leurs escus (FROISS., Méliad. L., t.2, 1373-1388, 4). | |
| 159 | Cescuns se restraint et joindi Dedens sa targe en lui couvrant (FROISS., Méliad. L., t.2, 1373-1388, 53). | |
| 160 | Mais se joint dedens son escu (FROISS., Méliad. L., t.2, 1373-1388, 288). | |
| 161 | ...l'autre chevalier (...) joinct en son escu... (Percef. IV, R., c.1450 [c.1340], 332). | |
| 162 | ...joincts en leurs armes (Percef. IV, R., c.1450 [c.1340], 842). | |
| 163 | ...quant leurs masles s'en volent, et elles apres, joingnant a joingnant. (Ménagier Paris B.F., c.1392-1394, 68). | |
| 164 | Quant il veïrent la baniere De Nostre Dame et la bataille Dou prince, il alerent sans faille Celle part moult apertement Joint et serré et tellement Qu'il deüst à chascun sambler Qu'à li vosissent assambler ; Et si tost qu'il estoient près, Il s'en retournoient adès. (MACH., P. Alex., p.1369, 166). | |
| 165 | E ! dame, estaingniez les pechiez De moy pecheur qui cy dedans Sui devant vostre autel adens Jointes les mains. (Mir. parr., 1356, 54). | |
| 166 | Et ja soit que tous ces pechiéz empeschent a contraire mariage, toutevoies generalement a parler si sont adolescentes personnes et jones gens et on doubte de incontinence, on leur doibt donner licence d'eulz a mariage joindre. (Sacr. mar., c.1477-1481, 62). | |
| 167 | ...quand il vindrent pour joindre l'un a l'autre, l'ivroigne salua premier le prieur [Les deux hommes se croisent, lors de leur promenade] (C.N.N., c.1456-1467, 60). | |
| 168 | ...les ungs se joignirent à elle tout appertment, et les autres n'en ozoient faire semblant (LEFÈVRE ST-RÉMY, Chron. M., t.2, c.1462-1468, 116). | |
| 169 | Sy joingnirent les deux osts royaux pres de l'un l'autre jusques à livrer escarmuce (CHASTELL., Chron. K., t.3, c.1456-1471, 355). | |
| 170 | Or vindrent ces deux chevaliers joindre a haces (...) et n'y avoit cely qui ne se tint en sa garde et deffence sur son compaignon, rabbatans tousjours les coupz de l'un l'aultre sans pooir joindre au corps, car tous deux savoient du mestier assez (CHASTELL., Chron. IV, D., c.1461-1472, 167). | |
| 171 | Nous ferons de chaudes descousses Se unes fois nous venons a joindre. (MICHEL, Myst. Pass. J., 1486, 264). | |
| 172 | Mais einsi com je remiroie La dame en qui je me miroie Et la maniere dou lion, J'entrevi un escorpion Et pluseurs bestes en la place De celles qui mieus vont par trace Qui volentiers l'alassent poindre, S'elles s'osassent a li joindre. (MACH., D. Lyon, 1342, 180). | |
| 173 | Lors le seigneur de Loissellench abandonna sa lance pour soy joindre a Saintré, mais ne pouoit, car Saintré, voiant sa lance actaichee, boutoit tant qu'il pouoit avant. (LA SALE, J.S., 1456, 165). | |
| 174 | Toutes fois, quant ils veirent leur cappitaine La Hire et les autres combatre si vaillamment, ils prindrent courage fort et joignirent après. Et tellement fut combattu que les Bourguignons furent desconfis (RAOULET, Chron. Ch. VII, V., c.1461-1467, 176). | |
| 175 | Il tirerent hors leurs chevaus Et monterent comme vassaus En belle et en bonne ordenance, Com chevalier plein de vaillance. Si ont tant fait et tant erré, En bataille joint et serré, Que devant Triple sont venu, Grant et petit, juene et chenu, En ociant leurs annemis Qu'à fort sont en la ville mis. (MACH., P. Alex., p.1369, 208). | |
|
