| 61 exemples | | 1 | Sans nul mestret Avoit le corps par mesure pourtret, Gent, joint, joli, juene, gentil, grasset, Lonc, droit, faitis, cointe, apert et graillet. Trés bien tailliez Hanches, cuisses, jambes ot, et les piez Votis, grossez, bien et bel enjointiez, Par maistrise mignotement chauciez. (MACH., J. R. Beh., c.1340, 71). | |
| 2 | En ceste gent dont je vous conte Demouroient Paours et Honte ; Car einsi com la fueille en tramble Contre le vent fremist et tramble, Leur trambloit li corps et les james En la presence de leurs dames, Voire, dès le piet jusqu'en chief, Tant avoient il de meschief ; Et si trés parfont soupiroient Qu'un seul mot dire ne pooient... (MACH., D. Lyon, 1342, 196). | |
| 3 | Le lit preparé, madame se coucha, aprèz les danses de la nuit et les bancquetz ; et, comme il est de coustume aux princes espouser par procureur, le bastard de Savoye se coucha auprèz d'elle, une jambe nue boutée au lit, presens tous ceulx et celles qui avoyent esté aux espousailles. (MOLINET, Chron. D.J., t.2, 1474-1506, 492). | |
| 4 | Malbec, frapons Dismas accop ! Jambes et cuisses luy rompons. [Réf. à Jean 19, 31] (Pass. Auv., 1477, 229). | |
| 5 | Le grant pié ou la grande jambe dure depuis la joincture de scia jusques aux dernieres parties des arteilz. (PANIS, Guidon, 1478, tr.I, doct.2, chap.8). | |
| 6 | Soubs le genoil sont ordonnes les os de la petite gembe (PREVOST, Cir. Guill. Salicet, 1492, IV, 5). | |
| 7 | ...et est vestu d'une robe de gris camelin, manteau sangle de mesmes, fendu au costé de la longueur de ladite cotte, qui est longue jusques au gros de la jambe, fendue par devant (Reg. crim. Chât., I, 1389-1392, 463). | |
| 8 | ...une femme passeroit Le gué, sanz ses genoulz moullier, Ne le gros des jambes toullier. (CHR. PIZ., M.F., II, 1400-1403, 200). | |
| 9 | Une partie du grant pié ou de la grande jambe est dicte coxa, l'autre est dicte parva tibia, l'autre est dicte pes parvus mais la grecque translacion appelle crus ce que l'arabicque translacion appelle coxe et jambe ce qui est appellé cuisse. (PANIS, Guidon, 1478, tr.I, doct.2, chap.8). | |
| 10 | Je n'ay ventre, costé, ne flanc, Jambes, cuisses, ny autre membre Nul (...) Qui n'ait santé. (Mir. Amis, c.1365, 61). | |
| 11 | Il a unes botes qui ont bien deux ou trois ans et ont tant de foiz esté reppareillees par le bas qu'elles sont courtes d'un pié et sans faczon, car ce qui souloit estre au genoil est maintenent au milieu de la jambe (Quinze joies mar. R., c.1390-1410, 28). | |
| 12 | ...V pièces de veluiau noir figuré ; brochié d'or, que ledit S avoit par avant fait prendre et acheter de lui l'un parmi l'autre, ledit pris, dont il a fait faire trois houppellandes à my jambe (Comptes Lille L., t.1, 1412, 66). | |
| 13 | Et pour che, chaschun en son fait se adreche tellement et meuve que en quelque partie il ne excede le sentier ou fourme d'onnesteté. C'est, affin que en peu de chose je en mecte exemple, qu'il rie sans les dens moustrer, qu'il regarde sans les yeulx en bas fichier, qu'il parle sans extendre les mains et sans faire signe du doy, sans tordre les levres, sans jecter la teste, sans eslever les surcilz, sans compter ses pas, sans eslever les bras, sans esmouvoir les espaules, seoir sans croisier les gambes ou mectre les piéz l'un sur l'autre, sans aler en extendant ou jettant les jambes, sans ploier plus d'un costé plus de l'autre et sans dejetter quelque membre [membre]. (DAUDIN, De la erudition H., c.1360-1380, 249-250). | |
| 14 | ... pour ce que l'eaue de nostre estang du dit Varoyes, est pour la plupart du temps esdits preys, jusques en my jambes d'ung homme. (Chartes communes Bourg. G., t.2, 1456-1457, 600). | |
| 15 | Quant il orent jousté toute jour ajournée, La jouste s'enforsa encontre l'avesprée ; La ot maint chevalier versé jambe levée, Et tué maint cheval... (Brun de la Mont. M., c.1350-1400, 76). | |
| 16 | Et Gieffroy lui escrie : Deffend toy, je te deffy. Puis broche le cheval des esperons, et abaisse la lance, et fiert le jayant enmy le pitz si raidement qu'il le fait voler par terre, les jambes contre mont. (ARRAS, c.1392-1393, 263). | |
| 17 | Gardez vous de moy aprouchier, car je vous envoyeroie les gambes levees ! (Percef. III, R., t.2, c.1450 [c.1340], 183). | |
| 18 | D'un coup ou de deux vous respont Que les Tourelles mectrez jus, Et tous les Anglois qui y sont Cherront les jambes contre sus. (Myst. siège Orléans H., c.1480-1500, 244). | |
| 19 | ... et depuis tumba sur les espaules, les jambes contremont (LE CLERC, Interp. Roye, c.1502, 353). | |
| 20 | Item, que toutes choses leur sont communes. Item, que amistié est equalité. Item, que amis sont prouchains comme jambe et genouil. (ORESME, E.A., c.1370, 477). | |
| 21 | Et sur ce le galant, qui a ung pou de deloy, desplee ses jambes et s'en va, et l'autre va aprés, qui n'a pas loisir de tuer sa femme (Quinze joies mar. R., c.1390-1410, 104-105). | |
| 22 | Romain, vien t'en a moy parler, Car je n'ay plus jambes ne bras De quoy je me puisse ayder. De peur je ne faiz que trambler Pour les choses que j'ay songé, Car on m'est venu menasser Que Pilate sera dampné. (Pass. Auv., 1477, 167). | |
| 23 | Lors nous faillist descendre, tant que jambes nous povoient porter, et maintesfoiz de haste tresbuchier et longuement roullier (LA SALE, Salade, c.1442-1444, 145). | |
| 24 | Se puce estoie devenus, Pour moins poindre et piquer les dames, Je me reponrroie tous nus, Pour moins paroir, entre les jammes. (DESCH., Oeuvres R., t.8, c.1370-1407, 114). | |
| 25 | Le mort boug 'il janbe ne cuisse ? Regardez comment il se porte. (Mart. st Pierre st Paul R., c.1430-1440, 128). | |
| 26 | Jamés il n'en sera parlé. Il ne tire ne pié ne jambe. (Myst. st Sébast. M., c.1450-1500, 276). | |
| 27 | S'elles osoyent, vous sauldroyent Au col, voirement assauldroyent, Et tant feroyent en la luite Que toutes vos vertus fauldroyent. Femme des jambes moult fort luite. (MARTIN LE FRANC, Champion dames I-II, P., 1440-1442, 211). | |
| 28 | C'est l'art qui fait les belles dames Souvente foiz lever les games (Renart contref. R.L., t.1, 1328-1342, 4). | |
| 29 | Et après ramenerent elle qui parle en sadite chambre, en laquele sa chambre ycellui Baudet se efforça moult de congnoistre elle qui parle charnelment, la jetta en la ruelle de son lit où ilz furent eulz deux bien le quart d'une heure, ledit Baudet touzjours soy efforçant d'entrer ès jambes d'elle qui parle pour la charnelment congnoistre et batant et freant de la pamme et des poins elle qui parle, laquele, en soy revengant et debatant, fu si floibe que elle ne se pot plus aider et falu qu'elle souffrist dudit Baudet que, malgré qu'elle en eust, qu'il la cogneust charnelment. (Reg. crim. Chât., II, 1389-1392, 510-511). | |
| 30 | "Filz, tu vas voir disant, Mais qui plus fort voeult courre que son pouair n'est grant Si se troeuve abatu ; pour ce dit le sachant : Selonc gambe le caup, c'est pour aler avant." (Enfances Doon de Mayence P., c.1450-1500, 419). | |
| 31 | ..."ou il convient que les dons faiz par superflue largesse se restraingnent discretement, selon la jambe le coup, et oublier les grans largesses royalles des predecesseurs, qui avoient justement de quoy ou bien le pouoient faire..." (MÉZIÈRES, Songe vieil pèl. C., t.2, c.1386-1389, 241-242). | |
| 32 | Et disoient que "selon la jambe le coup" l'en se doit vestir, car le monde parle aujourd'uy trop de legier, et se fait bon garder des premiers couroux. Or disoient il que sa dicte robe ou houpelande que ceste appellante avoit fait faire n'estoit pas selon son estat... (MART. D'AUV., Arrêts Am. R., c.1460-1466, 143-144). | |
| 33 | Elle est a tel pot tel cuillier Et selon la gembe la chausse. (GRÉBAN, Pass. J., c.1450, 307). | |
| 34 | Je croy qu'il [mon cheval] fu mis dedens l'arche Noë(l), car bien est garnis d'ans : On le voit trop bien à ses dans. Il est velus comme uns louviaux, Et s'a les .IV. piez nouviaus, Espavins, courbes et moletes, Et s'a les jambes trop mal nettes, Car nuls nettoier ne li puet, Pour ce que souffrir ne le vuet. Et si a mules traverseinnes Qui ne sont pas en yver sainnes ; .IJ. seuros ha en ses genous (MACH., Compl., 1340-1377, 263). | |
| 35 | ...icellui Thiebaut lui avoit dit, et à plusieurs autres ses varlés, que, en quelque lieu, que ledit sergent feust trouvez, qu'il feust batus et que l'en lui coppast les jambes. (Reg. crim. Chât., I, 1389-1392, 181). | |
| 36 | Apres ce, maistre Jehan, tu doiz adviser se le cheval a bonne encontre et bonne herpe et ouverte, qu'il ne soit courbé ne fuiselé (et s'il est durié, c'est bon signe) ; et par entre les deux jambes de devant regardez aux deux jambes de derriere qu'il n'y ait espavain ou corbe. (Ménagier Paris B.F., c.1392-1394, 138). | |
| 37 | Cestui prenostica la mort dudit roy estre causée par beste quadrupedalle, ce qui advint, car, tantost après son couronnement, qui fut l'an mil CXXXIII, ung pourceau se mist entre les jambes de son cheval, par quoy il cheut et se tua tout froit. (SIMON DE PHARES, Astrol., c.1494-1498, f° 116 r°). | |
| 38 | [Le lion] Humblement et courtoisement, Devers la dame se trey Qu'il ama moult et oubey, Et devant li s'ageloigna : Bien vi que moult la ressoingna, S'avoit sa queue entre ses gemmes. Mais de toutes les autres dames Ne faisoit chiere ne samblant. (MACH., D. Lyon, 1342, 177). | |
| 39 | Aucunes genz dient que a la jambe devant on cognoist quanz anz un sangler a, quar il a tantes petites foussetes en la jambe comme il a des anz, mais je ne l'aferme mie. (GAST. PHÉBUS, Livre chasse T., 1387-1389, 92). | |
| 40 | ...un beuf ayant a son col entre ses cornes et ses premieres jambes un linceul ou drap de lit (Doc. 1464. In : Z. frz. Spr. Lit. 64, 1940-1942, 56). | |
| 41 | Le bouchier, qui retournoit de ses affaires, advisa le chien qui emportoit le dit cueur et jouoit des jambes pour le doubte de tripe de fagot de laquelle le dit bouchier l'avoit autreffois desjeuné. (TARDIF, Apologues R., c.1493-1498, 68). | |
| 42 | Les autres ont un viell coc et le plument entour le cul et le pendent par les jambes et par les eles. (GAST. PHÉBUS, Livre chasse T., 1387-1389, 115-116). | |
| 43 | Item, les ungz ont jambes et piez rouges, et dit l'en que ceulx sont de haire de jenne mouchet ; et les autres qui ont jambes et piez jaunes, dit l'en qu' ilz sont de aire de vielz mouchet ; les aucuns ont jambes rondes et les autres sur le plat, scilicet sur le demi rond, de ceulx ne scay quel signe c'est. Mais en somme l'esprevier de grant courage qui a teste de serpent -- c'estassavoir menue teste seche -- qui est bien chappé (...), qui ait bons serceaulx (...), courtes jambes grossectes, ses ongles entieres (...) et que le remenant de son corps et de ses piez soit tenu entier, qui soit bien esveillié et se perche bel : tel esprevier est d'eslite. (Ménagier Paris B.F., c.1392-1394, 151-152). | |
| 44 | Quant il preignoit repas, de peu de pain il estoit content, mais quant a la pitance, il mengoit en ung repas la quarte partie d'un mouton ou deux chappons ou une grosse oye ou une bonne jambe de porc ou ung paon ou une grue ou ung lievre entier. (BAGNYON, Hist. Charlem. K., c.1465-1470, 16). | |
| 45 | Dou griefz que se en commence, que li diz messire Guillaumes fait gaigier des chambes de baquons salez. (Chartes communes Bourg. G., t.2, 1341, 234). | |
| 46 | Aucuns d'eulx furent navrez ou cuer de saiectes qui sont en peril, les autres ou chief, autres es bras, autres es gembes, autres es mains (BAYE, I, 1400-1410, 103). | |
| 47 | ...eslever une cheminée toute de pierre de taille et estoffer de jambes et de mantelles ; de jeux ; de sommiers, de pierres qui portent ledit manteau (Trés. Reth. S.L., t.2, 1409-1410, 596). | |
| 48 | ...par dehors oeuvré et fait II elles de maçonnerie es deux costés de bloc et de plastre pour la soustenir [la cheminée] et la hauchier et enchapperonner par hault et fait en la salle au dessoubz de la tref, jambes de la cheminée et ravalé de plastre au dessoubz d'icelui et restouppé plusieurs trous end. hostel (Comptes Archev. Rouen J., 1437-1438, 165). | |
| 49 | A Herri de Fontaines et Jehan de Fontaines, machons, demourans audit Lucheu, a esté paié (...) pour avoir fait une queminée en le cuisine desoulx le logis où est logiet le cappitaine au castel dudit Lucheu, les gambes de ladite queminée de huit piez de hault depuis le fondacion jusques aux sommiers du manteau d'icelle portant besses... (Comptes seigneurie Lucheux D.W., 1473-1474, 146). | |
| 50 | A Renier De Peskencourt pour taillier 2 gambes de feniestre et 2 degreis rons qui sont al huis et I parpain desous le puye del huis marcandet en tasque (Comptes Mons P., t.1, 1335, 436). | |
| 51 | Item paié par la main que dessus pour la journée d'un maçon et de son varlet à remaçonner la jambe de la porte de la ditte granche des Hayez, qui estoit route...... 5 s.t. (Chartes Ste-Chapelle Vincennes B., t.1, 1403-1404, 157). | |
| 52 | ...les jambes des portes, qui avoient esté taillées selon le premier marchié, ont servi èsdictes portez et ne furent point retaillées ne changées, sinon la teste desdictes jambes (Aff. Jacques Coeur M., 1453-1457, 221). | |
| 53 | ...une piece de chaussée commençant à l'endroit de la rue des Bretons du costé des Jacobins, en venant au long de ladite rue Saint Jacques, jusques à l'endroit et à l'opposite d'une jambe de pierre de taille qui fait le coing de la rue Saint Estienne des Grez, contenant 29 toises de long sur 2 toises et ung quart de toise de lé, rapporté le large contre l'estroit, avallué à 65 toises et ung quart de toise (Comptes Paris V.L.D., t.1, 1424-1425, 58). | |
| 54 | ...pour avoir relevé tout de neuf le conduit d'une piece de chaussée devant le Palais du Roy nostre sire, à commencer à la jambe d'une maison appartenant à Robin de Cahours, du costé devers Grant Pont, faisant le coing de la Vieille Pelleterie, en montant jusques oultre la premiere porte dudit Pallaiz, à l'endroit du second piller d'emprès ladicte porte (Comptes Paris V.L.D., t.1, 1442-1443, 328). | |
| 55 | ...et aussy le nom d'un aultre qui me semble des parties de France ou de Angleterre, selon le langaige de son nom, qui se appelle Thomin de Pons ou de Pous, ne scay se la lettre des deux jambes est n ou u (LA SALE, Salade, c.1442-1444, 111). | |
| 56 | Et puis sans mouvoir les jambes du compas ; je metz le pyé immobile d'icellui sus .d., et faiz deux aultres traiz volans comme dessus vers .b. et vers .c. (NIC. CHUQUET, Géométrie H., 1484, 387). | |
| 57 | Je m'en allay sans plus attendre Tant que jambes peurent estandre Mon chemin tout droit a Saint Jaques. (Gaud. sot, c.1450, 10). | |
| 58 | ...pour 2 bendes de fer pesans 8 livres emploiees a tenir en estat les gambes du flayel du dit moulin (Doc. 1405. In : Y. Coutant, Terminol. du moulin médiév. dans le comté de Flandre, 1994, 712). | |
| 59 | Vous ne caqueterez jamais ; Gembe n'arez que je ne froisse. (GRÉBAN, Pass. J., c.1450, 354). | |
| 60 | J'ay la teste blance et canue, Le toux, qui fort me diminue, Et les gouttes, qui bien peu vallent ; J'ay coeur, més les gambes me fallent Et le palazin me desvoye. (MOLINET, Faictz Dictz D., 1467-1506, 625). | |
| 61 | Le chevallier estoit assis sur la chaire, armé de toutes armes, la cotte d'armes au doz, et avoit une sallade à visiere et courte baviere, et tenoit sa bannerolle en sa main, et acheva ung oraison qu'il avoit commencé. Il avoit les jambes croisées ; et, à la verité, il ressembloit un Caesar ou un preux à son triumphe (LA MARCHE, Mém., II, c.1470, 183). | |
|
