| 95 exemples | | 1 | Item note que rompure par relaxacion vient plus souvent en enfance et rompure par violente intencion en jeunesse (GORDON, Prat., c.1450-1500, VII, 7). | |
| 2 | Mais l'en pourroit dire que ceste pesanteur est divisible selon intencion et selon degrés, mais non pas selon extension et quantité. (ORESME, C.M., c.1377, 592). | |
| 3 | ...et nature si a tousjours son intencion a la plus parfaite chose et la plus noble, laquelle est le masle (SAINT-GILLE, Comment. A.Y. L., 1362-1365, 129). | |
| 4 | ...pour regracier la Court de par ledit convent de sa bonne justice, especialement d'un arrest derrainement pronuncié à leur intencion à l'encontre de l'evesque de Paris (FAUQ., II, 1421-1430, 268). | |
| 5 | Item je vuil et ordonne que mes sire Claude Garret, prebstre, demorant a Besançon et de present vicayre et desservant la cure dudit Saint Moris, diet et celebre trente messes pour l'ame de moy telles et de telz saincts qu'il luy plaira, moyennant que dira la collecte des mors pour moy et ma bonne intencion, et pour ce luy donne et vuil estre donner et paier par mondit frere et heritier quatre florins monnoye pour une foys, tant pour lesdictes trente messes que en recompense de sa visitacion que m'a fait pendant ma presente maladie. (Test. Besanç. R., t.2, 1479, 183). | |
| 6 | ...pour lesquelles dix lyvrees de terre je vuis et ordonne que li moignes dudit covent de Balme soient chargiez et tenuz de celebrer en ladicte chapelle par expecialx trois messes chascune semayne a touz jours maix perpetuelment ou remede des armes de mes ancesseurs, de moy, de mes successeurs et de tous ceux que je hay a ma intencion. (Test. Besanç. R., t.1, 1363, 440). | |
| 7 | Item je vuil et ordonne que mes sire Claude Garret, prebstre, demorant a Besançon et de present vicayre et desservant la cure dudit Saint Moris, diet et celebre trente messes pour l'ame de moy telles et de telz saincts qu'il luy plaira, moyennant que dira la collecte des mors pour moy et ma bonne intencion, et pour ce luy donne et vuil estre donner et paier par mondit frere et heritier quatre florins monnoye pour une foys, tant pour lesdictes trente messes que en recompense de sa visitacion que m'a fait pendant ma presente maladie. (Test. Besanç. R., t.2, 1479, 183). | |
| 8 | De la premiere intention [de l'enfant qui veut apprendre], asscavoir de curiosité, on doit scavoir que, selonc saint Augustin, c'est concupiscence des yeulx, de laquelle parle saint Jehan en sa Canonique premiere ou .IIe. chapitre, et aussi saint Augustin ou quart chapitre du livre des Confessions : «Une convoitise, dist il, est de experimenter choses vaines et curieuses, converte du nom de science et de congnoissance, qui est en desir de scavoir." (DAUDIN, De la erudition H., c.1360-1380, 92). | |
| 9 | ...messire Guillaume de La Trimoulle (...) dist tout secretement sa intencion à messire Servais de Meraude, son compaignon, et l'emprinse qu'il vouloit faire. (FROISS., Chron. M., XIV, c.1375-1400, 193). | |
| 10 | Li rois d'Engleterre, en la presense de ces signeurs desus nonmés, demanda au duch de Braibant quelle estoit se intension : de venir devant Cambrai ou dou laissier. (FROISS., Chron. D., p.1400, 309). | |
| 11 | A vostre intention avez vieument failli. (Cip. Vignevaux W., p.1400, 114). | |
| 12 | ...ou Conseil du Roy avoit pluseurs de ses ennemiz que le Roy devoit tenir ses ennemiz, auxquelx [le duc d'Orléans] ne voudroit ses faiz, response et intentions aucunement estre communiqués (BAYE, II, 1411-1417, 14). | |
| 13 | Et les .III. choses desus dites qui sont es corps sont finies et distinctees et divisibles, mais celles de Dieu sont plus que infinies ou simplement infinies et sont une chose tres simple sanz distinction et du tout indivisible, car son eternité est sanz succession et son immensité sanz extension et sa toute-puissance sanz intension. (ORESME, C.M., c.1377, 272). | |
| 14 | ...tant avoit fait au fourrier [du duc de Bourgoigne], que cest hostel luy avoit delivré, affin de mieulx pourchasser et conduire sa queste, et venir aux fins et intencions ou il entendoit (C.N.N., c.1456-1467, 502). | |
| 15 | Il luy descouvrit son intencion et maniere de son prochain voyage (C.N.N., c.1456-1467, 561). | |
| 16 | Secondement quant on se conforme en la chose volue et en la fin, mais point en la maniere, comme quant on fait aucune chose non par charité. Tiercement quant se conforme en la chose voulue et en la maniere, mais pas en la fin, comme quant l'intention du faisant se extend et retort en aultre fin bonne. (Somme abr., c.1477-1481, 175). | |
| 17 | Mais la grant seduction que par vous luy fut faitte ne l'en peust oncquez desmouvoir qu'il n'alast vers vous soubz esperance de la fiance qu'il avoit en vous, non precogitant le dangier où il se mist d'estre entre voz mains, et ne luy en demoura que la paine et le traval d'y aller, dont la Bonté Infinie l'a preservé et gardé que ne peustes venir à voz fins, et fera encores, se Dieu plaist, et de voz malignes intencions oblicques et occultes. (LE CLERC, Interp. Roye, c.1502, 262). | |
| 18 | Ce que je vous escripz presentement adfin que m'en faictes savoir quel (le) charge vous avez touchant ce et aussi de vostre intencion quant à leur dit passaige. (LE CLERC, Interp. Roye, c.1502, 334). | |
| 19 | Et furent icelles processions faictes, qui alerent de Nostre-Dame à Madame Saincte-Geneviefve au Mont de Paris, et y fut illec presché par le prieur des Carmes, qui illec declaira bien au long et honnorablement l'intencion et contenu desdictes lettres du roy. (ROYE, Chron. scand., II, 1460-1483, 79). | |
| 20 | Grant grace de vous recevront Par divine operacion, Ceulx qui vostre vouloir feront En toute bonne intencion. (Myst. Pass. Troyes B., a.1482, 35). | |
| 21 | Aucuns y allèrent par bonne intention pour cuyder pacifier les choses. (COMM., I, 1489-1491, 92). | |
| 22 | Pour laquelle cause ilz furent prins et ramenez au roy audit Hedin ; auxquelz fut fait leur procès et par icellui trouvé qu'ilz aloient oudit voyage en mauvaise intencion (ROYE, Chron. scand., II, 1460-1483, 47). | |
| 23 | Doux Iesus ie te crie mercy Au commencement de la messe Me vueille garder de tristesse Et de malle intention. (Myst. st Martin K., a.1500, 317). | |
| 24 | Premierement, se le ciel estoit meu irregulierement, il convendroit que son mouvement eust intension et enforcement ou accressement de isneleté, et que il eust vertu et estat de sa plus grant isneleté et remission [ ou ] afflebiement de elle, car tout mouvement irregulier a ces .III. choses. (ORESME, C.M., c.1377, 412). | |
| 25 | Tout mon comfort, tout mon desir Si est en vous, doulce Pucelle, Desirant que puissiez venir A vostre intencion formelle. (Myst. siège Orléans H., c.1480-1500, 410). | |
| 26 | Et, après ce que ledit de Bourgongne ot bien sceu la gaigne que lesdiz Liegois avoient fait de ladicte ville de Huye, et qu'ilz y avoient tué plusieurs Bourguignons, il assembla tout son ost, en soy deliberant d'aler en armes sur les champs, en intencion de tout destruire et mettre à feu et à sang lesdiz Liegois. (ROYE, Chron. scand., I, 1460-1483, 184). | |
| 27 | Si se mist au chemin en intencion d'executer ce qu'elle avoit conclud. (C.N.N., c.1456-1467, 275). | |
| 28 | ...[il] trouva un certain cisel bien tranchant, et ycellui mussa en son sain, en intencion que s'il veoit que temps et lieu feust, que dudit cisel il peust ouvrir aucunes serrures de coffres pour prendre et appliquer à son prouffit ce qu'il trouveroit en yceulx. (Reg. crim. Chât., I, 1389-1392, 4). | |
| 29 | Ossi li dus d'Ango, toute celle saison, avoit retenu gens d'armes de tous costés sus l'intencion que de mettre le siège devant Bourdiaux et Blaves. (FROISS., Chron. R., IX, c.1375-1400, 68). | |
| 30 | Ches parolles dou roi rafrenoient de non combattre les Englès, liquel aloient toudis avant, sus l'intencion d'entrer en Bretaigne. (FROISS., Chron. R., IX, c.1375-1400, 275). | |
| 31 | [Li rois englès] fist un grant mandement parmi son royaume pour estre à Paskes en le cité de Evruich ou pays de Northombreland, sus l'intention que pour aler en Escoce et tout destruire le pays. (FROISS., Chron. L., III, c.1375-1400, 5). | |
| 32 | ...et pour ce, a nous qui avons intencion a determiner de vertu, est il neccessaire determiner de voluntaire et de involuntaire. (ORESME, E.A., c.1370, 175). | |
| 33 | Requis qu'il vouloit fere oudit hostel, et s'il avoit intencion de y tuer ne murdrir ame de leans, dit que non, et qu'il n'y vouloit entrer fors pour embler tout ce qu'il eust peu trouver et prendre de bon. (Reg. crim. Chât., I, 1389-1392, 20). | |
| 34 | Ma dame, nous avons ouy dire que le roy de Chippre est assegiez du soudant de Damas en la cité de Famagosse, et la avons nous intencion de aler pour lui secourir des faulx Sarrasins. (ARRAS, c.1392-1393, 83). | |
| 35 | Item vecy signes mortelz en ictericie : intencion de jaunisse ou corps et remission de l'orine sans aulcune allienacion et insomnité, ablacion d'appetit et mollificacion de nerfz mouvans la langue (GORDON, Prat., c.1450-1500, VI, 6). | |
| 36 | ...lesquelz ambassadeurs avoient intencion de partir lendemain pour aler audit lieu de Meleun, mais leur voiage fu retardé (FAUQ., I, 1417-1420, 133). | |
| 37 | LE DRAPPIER. C'est ung tresbon drap de Rouen, Je vous prometz, et bien drappé. PATHELIN. Or vrayement j'en suis attrappé Car je n'avoye intencïon D'avoir drap, par la passïon De Nostre Seigneur, quant je vins. J'avoye mis appart quatre vings Escus pour retraire une rente, Mais vous en aurez vingt ou trente... (Path. D., c.1456-1469, 64). | |
| 38 | ...le duc de Bourgongne et ceulx de son ost estoient en telle orphanie de vivres que ung pain de deux deniers à Beauvais valoit audit ost III sols parisis, et que icellui Bourguignon avoit intencion de jouer au desespoir et avoir ladicte ville pour y perdre la pluspart de tous ses gens. (ROYE, Chron. scand., I, 1460-1483, 275). | |
| 39 | MARIE. Joseph, mon espoux c[or]dïal, N'ayez sur moy suspicion, Car je n'eus oncques intencion De vouloir commettre aulcun vice (Myst. Pass. Troyes B., a.1482, 178). | |
| 40 | Mons. le grant maistre, il me semble que devriés deslogier le premier, pour faire place à moy et aux aultres qui viennent derriere ; car s'il falloit que passissions vostre logis, nous aurions trop de traict ; et ay intencion d'estre demain logé oultre Creil se je puis. (LE CLERC, Interp. Roye, c.1502, 308). | |
| 41 | Et avoient bien entention que de assallir à l'endemain. (FROISS., Chron. L., IV, c.1375-1400, 12). | |
| 42 | ...et demanda à ceulx qui l'en enfourmoient (...) quel chose le conte d'Armignac mettoit avant (...) et se il avoit entencion que de eulx ensonnier. (FROISS., Chron. M., XIV, c.1375-1400, 139). | |
| 43 | Et n'avoient pas li Escoçois entension que d'atendre le roi d'Engleterre (FROISS., Chron. D., p.1400, 209). | |
| 44 | ...et estoit lor intension d'entrer en ces fourbours et tout ocire (FROISS., Chron. D., p.1400, 119). | |
| 45 | Li intension des signeurs d'Engleterre estoit que de tenir ces Escos la endroit pour assegiés, puisque il ne se pooient bonnement a euls combatre. (FROISS., Chron. D., p.1400, 145). | |
| 46 | Or avons donques que la cause pourquoy pluseurs mouvemens sont ou ciel est generacion des choses qui sont ici-bas. Et selon Averroïz, ceste cause est final et comme fin, mais non pas comme fin de premeraine intencion, mes come fin de seconde intencion, aussi comme l'effit est fin de sa cause. (ORESME, C.M., c.1377, 362). | |
| 47 | ...en disant oultre que ce n'estoit et n'est pas leur intencion de poursuir ladicte appellacion, ne adherer à ycelle (FAUQ., I, 1417-1420, 76). | |
| 48 | Combien que chascun des degrez deuant dis requerroit vng special traictie [l. traictié] qui vouldroit insister sur ce, toutesuoies mon intencion est a present de me determiner a la matiere de saincte meditacion (CIB., p.1451, 180). | |
| 49 | ...ce n'est pas mon intencion de partir d'icy qu'il ne soit demain. (C.N.N., c.1456-1467, 211). | |
| 50 | Et estoit l'intencion de leur guide de les mener a l'hostel de la dame (C.N.N., c.1456-1467, 477). | |
| 51 | Oudit temps aussi, le roy escripvy aux prevost des marchans et eschevins de ladicte ville de Paris que son plaisir, voulenté et intencion estoit de faire et tenir la feste de son ordre en ladicte ville de Paris, et que, pour ceste cause et pour estre à icelle feste, y ameneroit tous les seigneurs de son sang, qui y vendroient et seroient à grant compaignie de gens (ROYE, Chron. scand., I, 1460-1483, 250). | |
| 52 | ...mais son intention, comme bien la monstra, estoit de traicter paix et de departir la compaignye, sans mectre son estat, qui est si grand et si bon que d'estre roy de ce grant et obeissant royaulme de France, en peril de chose si incertaine que une bataille. (COMM., I, 1489-1491, 65). | |
| 53 | Se vostre dame au maintieng coi A de vous vir affection, Onques ne fu s'intention Que vous vous mettés en peris Ou pluiseurs ont esté peris. (MACH., Voir, 1364, 610). | |
| 54 | Et estoit l'intencion de ceulx qui en parloient que ceste armée se trairoit en Castille et en Portingal, et que sans faulte il ne povoit estre que il n'y eust armes. (FROISS., Chron. M., XII, c.1375-1400, 299). | |
| 55 | C'est l'intencion du conte d'Armignac qu'il vuelt retenir, et à ses coustages, ceulx qui de ces fors se departiront, et les menra en Lombardie (FROISS., Chron. M., XIV, c.1375-1400, 139). | |
| 56 | Et estoit bien l'intencion du roy et de son conseil qu'il feroit guerre au duc de Bretaingne. (FROISS., Chron. M., XIV, c.1375-1400, 18). | |
| 57 | ...la fin et intencion de cirurgie (PANIS, Guidon, 1478, chap. sing.). | |
| 58 | ...li intension de li estoit telle que il venroit combatre le roi d'Engleterre, fust devant Cambrai ou ailleurs (FROISS., Chron. D., p.1400, 314). | |
| 59 | Nous mercions le roy de l'onneur qu'il nous fait, mais quant de nous entrer en fort, n'en chastel, n'en ville, tant que nous puissions bonnement passer par ailleurs, ce n'est pas nostre intencion, mais pensons, au plaisir de Dieu, a tenir les champs et faire bonne guerre a noz ennemis. (ARRAS, c.1392-1393, 98). | |
| 60 | Et croiez qu'il cuidoit bien faire, et a bonne intencion le faisoit. (C.N.N., c.1456-1467, 59). | |
| 61 | Et se un cirurgien fendoit ou tranchoit aucun membre pour garir .I. homme et il le occioit et se aucun vouloit monstrer a un autre comment champions se doivent combatre, et en ce faisant, il le ferist par quoy il le bleçast malement contre son entencion. (ORESME, E.A., c.1370, 182). | |
| 62 | Hors son intencion, si comme celui qui trait une sajecte pour ferir un cerf et il fiert .I. homme. (ORESME, E.A.C., c.1370, 306). | |
| 63 | Mais quant ilz scorent que le roy estoit mort, si assemblerent leurs gens et se mistrent en mer a bien LX. mille payens, pour venir destruire toute l'isle de Chippre et les habitans. Et ce cuidoient ilz faire a pou de paine, car ilz cuidoient que ly Chipprien n'eussent point de roy. Et s'avancoient fort de venir arriver sans ce que ilz feussent apperceu ou pays, pour mieulx venir a leur intencion. Mais ceulx de Rodes l'avoient ja signifié au roy Uriien, qui avoit fait assembler toutes ses gens et bien ordonner pour la bataille. (ARRAS, c.1392-1393, 128). | |
| 64 | Hannibal voult conquester Romme Mais tout, en somme, Faillit par ung bon champion, Plus hardy n'eut d'icy en Somme Le vaillant homme, Et avoit a nom Scipion, Il eut a sa promotion Commission De conquester ceulx de Cartage, Et vint en son intention, Sans fiction Aux Rommains leur fit faire hommage. (RÉGN., F.A., 1432-c.1465, 199). | |
| 65 | Dont ainssy fut Henno sattiffait doublement et vint a son intencion ; car les Rommains a ceste battaille perdirent moult de leurs gens, et sy fut vengiez des Galz, comme il est dit. (LA SALE, Salade, c.1442-1444, 60). | |
| 66 | ...tant hanta, visita et frequenta en une bonne maison de dames de religion de ce royaume, qu'il parvint a son intencion, laquelle estoit de coucher avec une des dames de leens. (C.N.N., c.1456-1467, 305). | |
| 67 | Et quand il fut en sus d'elle, il se doubta beaucop de point parvenir a son intencion (C.N.N., c.1456-1467, 316). | |
| 68 | ...les choses contre nature et la maladie car de cella est prinse l'intencion curative. (PANIS, Guidon, 1478, chap. sing.). | |
| 69 | Si ceste voye ne leur est assez seüre et bonne pour venir à leur intention, ilz en ont d'autres plus soudaines et disent qu'il estoit bien necessaire pour donner exemple et font les cas telz que bon leur semble. (COMM., II, 1489-1491, 214). | |
| 70 | De che Plinus en son epistre qu'il escript a ung nommé Ursin : «Comme les brandons souvent rassambléz gardent le feu d'estraindre et, quant ilz sont espars, ne le peuent bonnement faire, ainsi la chaleur du parlant et l'intention de l'escoutant est gardee par continuation et affoiblie par trop estre entrelaissie». (DAUDIN, De la erudition H., c.1360-1380, 27). | |
| 71 | On en treuve peu qui gardent la droite maniere de aprendre, pour y tenir ordre, affection et deue intention, comme plus a plain sera chi aprés dit. (DAUDIN, De la erudition H., c.1360-1380, 34). | |
| 72 | ...quoy qu'elle penssast en sa condition, Adiès a Esmeret avoit s'opinion Et le prist a amer a son intention. (Flor. Rome W., c.1330-1400, 157). | |
| 73 | Enssi ot Esmeréz la dame o le crin blon Et fu loncq tamps o lui en grant solation A joie sans anuy et sans discention, Et siervirent Jhesus par vraie intention. (Flor. Rome W., c.1330-1400, 280). | |
| 74 | Et mentons faulcement par fole entencïon, Car se nous le laissons en sa regnacïon, Il nous vouldra tenir en grant subjeccïon (Hern. Beaul. D.B., c.1350-1400, 42). | |
| 75 | "Chevalier," dist li hostes, "oiiez m'entencïon, Ayés en vostre cuer tresbonne entencïon, Car vëez cy Olive a la clere façon..." (Ren. Gennes D.B., c.1350-1400, 106). | |
| 76 | Je vous prie et requiers par vraye intencïon Que vous me pardonnés vo condampnatïon (Huon Bordeaux B., c.1400-1450, 336). | |
| 77 | Crestienne devinst par bone intencion (God. Bouillon R., t.2, c.1356, 11). | |
| 78 | Ens entrerent ly VI. san point d'arestison ; Ly IIII. sont dehors par bonne intension, Et leur chevaulz gardoient dont il aront besson. (Hugues Capet L., c.1358, 114). | |
| 79 | ...mais que seullement [le chirurgien] soit informé selonc Galien des intencions de la cure (PANIS, Guidon, 1478, chap. sing.). | |
| 80 | Toutesvoies, ceste responce ne souffist pas du tout, car l'en n'est pas fait juste pour faire choses justes a l'aventure ne autrement qui ne les fait a bonne intencion (ORESME, E.A.C., c.1370, 156). | |
| 81 | Vo filx m'avoit prïé, par bonne intencïon, Que j'allasse en gibier avoeucques sa fasson (Huon Bordeaux B., c.1400-1450, 12). | |
| 82 | Tres humble supplication Vous fait par lamentaction, Piteusement, sans fixion, Vostre povre bailly d'Aucerre, Qui vous a par dilection Servy en bonne intention, Et sans dissimulation, Par temps de paix et temps de guerre, Dont il a grant vexation Et de vous n'a solation, Car tant a eu d'affliction Que venduë en a sa terre. (RÉGN., F.A., 1432-c.1465, 170). | |
| 83 | Et croiez qu'il cuidoit bien faire, et a bonne intencion le faisoit. (C.N.N., c.1456-1467, 59). | |
| 84 | Aucuns y allèrent par bonne intention pour cuyder pacifier les choses. (COMM., I, 1489-1491, 92). | |
| 85 | Or pousons que ce soit voir, donques il s'ensuit que ceste chose avra eu estre et non-estre ensemble par tout le temps infiny passé et semblablement pourroit l'en dire de la chose qui avroit fin sanz commencement. Ce me semble l'intencion d'Aristote. (ORESME, C.M., c.1377, 240). | |
| 86 | Je vous ottroye que l'intencion du Roy est fondee de Droit comun, quant a l'exercisse et quant a l'aministracion, ez persones layes seulement et non mie ez clers, car lez clers ne luy sont mie subjés (Songe verg. S., t.2, 1378, 92). | |
| 87 | Et sachiez que nulz de nous ne s'en mesleroit jamais [de trouver un nom à la forteresse] par dessus vous. Chiers sires, dist Melusigne, vous avez tout appenseement gardee ceste response pour moy rigouller. Mais, quoy qu'il en soit, je vous requier que vous m'en vueilliez dire vostre intencion. Par ma foy, ma niepce, dist le conte, ja nul de nous ne s'en meslera par dessus vous, car, par raison, puis que vous en avez tant fait que d'avoir assouvy si belle place comme ceste qui est pour le present la plus forte et la plus belle que j'aye veue, vous ly devez donner don a vostre gré. (ARRAS, c.1392-1393, 47). | |
| 88 | ...maistres Ja. du Gard et J. du Molin yroient par devers ledit cardinal lui dire de par ladicte Court l'intencion et deliberacion de la Court (FAUQ., I, 1417-1420, 113). | |
| 89 | ...pour conferer ensemble de ceste matiere et oïr plus à plain la deliberacion et intencion de la Court sur ce que dit est. (FAUQ., II, 1421-1430, 198). | |
| 90 | Item, elle [la vraye fortitude] ne oeuvre pas pour bonne fin ne a bonne entencion. (ORESME, E.A.C., c.1370, 215). | |
| 91 | "Monseigneur (...) ja ne vous faulrons jusques à la mort, car nous le avons juré et promis par foy et par obligation au jour de vostre coronnement, et tant amames-nous le Roy vostre pere que nous ne vous pourrions faillir par voie nulle quelconques." - "C'est bien nostre intention", ce dist le Roy. (FROISS., Chron. M., XII, c.1375-1400, 156). | |
| 92 | Li disimes traitiés si est des intencions, des quelles li science est tres a esmerveillier et esbahissaule. (Compil. sc. étoiles C., a.1324, 56). | |
| 93 | Li science des jugemens d'astronomie si est ausi prouvee par les revolucions, par les mutacions de l'air, par les nativités, par les questions, par les elections, et par les entencions... (Compil. sc. étoiles C., a.1324, 92). | |
| 94 | La .VIIJe. partie des jugemens de astronomie est des intencions. Et ceste partie s'esforce, si comme elle pretend, de aprendre et de faire savoir l'entencion du cuer et la pensee, qui est une grant chose. (EVR. CONTY, Harm. sphères H.P.-H., c.1400, 42). | |
| 95 | Briefment, combien que honme en universel ne soit autre chose fors cestuy et cestuy, toutevoies la consideracion et l'intencion ou concevement de l'entendement est autre de honme en espece et de cestuy ou de cestuy, quar le premier est general et commun a plusseurs et ne represente plus un que l'autre, mais le secont est propre a cestuy ou a cel autre. (ORESME, C.M., c.1377, 152). | |
|
