| 119 exemples | | 1 | LE FÉVRE. (...) Alons ; vezci mes instrumens, Tenailles, martel, clos, liens, Poinçon, turquaises. (Mir. st Guill., c.1347, 26). | |
| 2 | Et sy y avoit poy de gens qui eussent hache ne cuignye, ne instrument pour loger ne pour boys coper (LE BEL, Chron. V.D., t.1, 1352-1356, 57). | |
| 3 | Apres dispose ton instrument tout de plat en maniere que .a.d. qui est la ligne qui compose l'ung des costez du quadrant devantdit, soit sus la ligne .j.g. (NIC. CHUQUET, Géométrie H., 1484, 171). | |
| 4 | ...lez subjés aussi, quant en lez livret, protesterent que ilz ne renuncient mie a la souveraineté et ressort du roy de France, et si reportoirent au dit traitié de Calays, conme tout ce appiert par instrumens publiques, lezquelx devent estre ou tresor du Roy, auxquellez lettres ne protestacions le roy d'Angleterre ne sez procureurs ne se opposerent onques, ne contredirent. (Songe verg. S., t.1, 1378, 278). | |
| 5 | Et ou cas qu'il ne vouldroit faire ces choses gracieusement, ilz le requerront par instrumant publique secrètement (Ch. VI, D., t.1, 1380, 7). | |
| 6 | ...nostre Saint Pere (...) a voulu absolument, non obstant excusacions, que sur painne d'inobedience et d'incourir son indignacion, je [Pierre d'Ailly] acceptasse le dit eveschié de Cambray, et qui plus est, a voulu ad ce avoir soubz instrument publique le consentement de mon procureur (Doc. 1397. In : P. Piétresson, Bibl. Éc. Chartes 113, 1955, 123). | |
| 7 | Je produiray deux faulx tesmoings, Ung escript, ung faulx instrument (MICHAULT, Doctr. temps prés. W., 1466, 87). | |
| 8 | ...ledict Morin a produit en la matiere quelque faulx instrument et productions, sur quoy ont esté faiz certaines informacions (Lettres Ch. VIII, P., t.2, 1488, 43). | |
| 9 | Jay [l. J'ay], disoit il [Sathan], vng instrument publique, que Dieu ditta de sa propre bouche, qui est tel, que, a quelconque heure que lomme [l. l'omme] mengera du fruit deffendu, il morra. Cest homme cy est de celle lignie, doncques il est mien. (MIÉLOT, Mir. N.D. W., 1456, 7). | |
| 10 | Et Sathan fut la et dit : "Vous n'avez riens de propre en ceste ame, mais doit estre mienne, car j'ay instrument publique." Au quel Nostre Seigneur dist : "Ou est ton instrument ?" "J'ay, dit il, instrument que tu dictas de ta propre bouche et l'ordonnas a durer perpetuellement, car tu dis : "A quelconque heure que vous mangerés de ce fruit, vous mourrez de mort." Et cestuy est de la ligniee de ceulx qui mangerent la viande prohibee [;] par le droit de celuy instrument publique, il doit demourer avecques moy par jugement." (BATALLIER, Lég. dorée D.-L., 1476, 752). | |
| 11 | Finablement le dit pecheur Si se donna a l'ennemy Et renonca son createur (...) Dont le dyable ne faillit mye A en demander instrument. (MART. D'AUV., Mat. Vierge L.H., c.1477-1483, 137). | |
| 12 | Les instrumens de medicine sont regime, pocion, diete, seignee, unguens, emplastres et pouldres. (PANIS, Guidon, 1478, chap. sing.). | |
| 13 | ...quant aucun veult ouvrer et mener a fait aucun art, si comme celui de medecine, il est de neccessité qu'il use de deux instrumens, c'est assavoir de raison et d'experience (SAINT-GILLE, Comment. A.Y. L., 1362-1365, 372). | |
| 14 | ...et leur donna belle librarie bien garnie de livres, speres, astrolabes, saphée et autres instrumens servans à ladicte science, qui encores y sont (SIMON DE PHARES, Astrol., c.1494-1498, f° 3 r°). | |
| 15 | Et pour ce donques que monnoie est l'instrument pour permuer les Richesses naturelles, les ungs aux aultres, comme dit est ou Chapitre précédent, il fut expedient que tel instrument fut apte et convenable a traictier et manier legièrement des mains (ORESME, Monnoies W., c.1365, XI). | |
| 16 | Et quant est de vertu pratique, richesces sont instrumens de ouvrer selon tele vertu, si comme il appert ou premier de Politiques. (ORESME, E.A.C., c.1370, 528). | |
| 17 | Que le beau Ciel, de vertu plain, Avec les Estoiles qu'il porte De diverse nature et forte Si ont tousjours en leur baillie Pour exercer leur seigneurie Des instrumens triple manière C'est assavoir, noble lumière, Simple influence et mouvement, Par lesquelz respectivement Gouverne nature célestre, Et meut les choses qu'el fait naistre (LA HAYE, P. peste, 1426, 3). | |
| 18 | Iay plus parle de la vertu ymaginatiue que des autres pour ce que souuent elle empesche saincte meditacion et que le deable en fait souuent son instrument a nous deceuoir (CIB., p.1451, 214). | |
| 19 | ...et tu donc qui es de la mesme nature comme eulx et as les mesmes instrumens pour te deffendre et glorifier comme eulx... (CHASTELL., Temple Boc. B., 1463-1464, 143). | |
| 20 | Item, en influence et vertu, car par les mouvemens et par les lumieres et par les influences celestielz est gouverné tout cest monde cibas, si comme il appert ou premier de Metheores, et est a entendre excepté ce qui depent de liberté, de volenté et souz Dieu, car les cielz sont instrumens de Dieu par lesquelz Il oeuvre selon ce que il Lui plaist, si comme dist Bernardus Silvester (ORESME, C.M., c.1377, 282). | |
| 21 | Et la cause est car le serf est un instrument vif et qui a ame. (ORESME, E.A., c.1370, 439). | |
| 22 | ...quant il y a d'aucune vertu ou de honneste proffit instrument et occasion. (FOUL., Policrat. B., I, 1372, 121). | |
| 23 | Mais, a fin que l'en ne die que nous querions seulement noz exemples selon les fais des Griex et les instrumens de leurs vertus... (FOUL., Policrat. B., III, 1372, 243). | |
| 24 | ...et descripvit la mer et la terre et fut l'un de ceulx qui composa l'espere materielle et qui trouva les instrumens et premieres orloges pour trouver au juste les oroscopes. (SIMON DE PHARES, Astrol., c.1494-1498, f° 44 v°). | |
| 25 | Cestui composa ung subtil instrument que l'on appelle le manodin, qui moult sert en astrologie. (SIMON DE PHARES, Astrol., c.1494-1498, f° 57 v°). | |
| 26 | Cestui fist ung instrument astrologal, appellé Sexagenaire, duquel le canon se commence : "Plurimorum virtus ad unum dumtaxat..." (SIMON DE PHARES, Astrol., c.1494-1498, f° 158 v°). | |
| 27 | ...l'endemain fist faire engins et instrumens pour assaillir la fortresse (LE BEL, Chron. V.D., t.1, 1358, 252). | |
| 28 | ...et fist faire le roy assez d'engins et d'instrumens pour venir seurement jusques aux murs (LE BEL, Chron. V.D., t.1, 1358, 283). | |
| 29 | Cordes, mast et autres instrumens de navire... (TARDIF, Apologues R., c.1493-1498, 71). | |
| 30 | Jehan Perrot, qui apporta au Roy 1 instrument appellé l'eschequier, qu'il avoit fait [sic], le roy d'Angleterre avoit donné au Roy (Comptes argent. rois Fr. D.-A., I, 1359-1360, 273). | |
| 31 | Et quelque jeu ou instrumens qu'il voie, il luy souvient tourjours de son mesnage et ne peut avoir plaisir en chose qu'il voye. (Quinze joies mar. R., c.1390-1410, 29). | |
| 32 | Et par ce s'ensuit et est verité que qui feroit une tour bien haute et meneroit le mur tout droit en haut a plon, celle tour seroit plus large par haut que par bas. Item, semblablement qui feroit une parfonde fosse tout droit selon l'instrument appellé plun, elle seroit plus estroite en bas que en haut continuelment en descendant. (ORESME, C.M., c.1377, 574). | |
| 33 | Et de telles arts et doctrines aucunes sont dessous une autre, si comme art de faire frains est soubz art de chevauchier et aussi sont toutes les autres arts de faire instrumens ou hernoys pour chevaux. (ORESME, E.A., c.1370, 104). | |
| 34 | Et maintenant aucunes gens usent de uns instrumens mecaniques et artificialz qui funt les corps de tels enfans impervertibles ou droiz et bien formés. (ORESME, Pol. Arist. M., c.1372-1374, 336). | |
| 35 | ...l'arcq, la saitte et tous les instrumens qui y appartiennent (...) tant en dient les artilliers de ceste cité qui l'ont mis en point pour en tirer qu'il n'y a ceans escu que la sayette ne perchast de part en autre. (Percef. IV, R., c.1450 [c.1340], 254). | |
| 36 | Mais n'alay pas le trait d'un arc Que près de la tour vi un parc Ou prëaus ot et fonteneles, Dames, chevaliers et pucelles, Et d'autre gent grant compaingnie, Moult joieuse et moult envoisie Qui dansoient joliement ; N'il n'avoient la instrument, Ne menestrels, fors chansonnettes Deduisans, courtoises et nettes. Quant je les vi, moult m'esjoy, Et plus, quant je les entroï. Lors alai tantost celle part. (MACH., R. Fort., c.1341, 123). | |
| 37 | La plaisance qui vient des sons De trestous les instruemens [éd. : instru[e]mens]... (HENRI FERR., Modus et Ratio, Livre deduis T., c.1354-1377, 252). | |
| 38 | [Orphée] Sa harpe acorda sans delay Et joua son dolereus lay Et chanta de vois douce et seinne, De si grant melodie pleinne, Qu'a sa vois, qu'a ses instrumens, Fist cesser d'enfer les tourmens ; Car les infernaus s'esjoïrent De la douceur, quant il l'oïrent. (MACH., C. ami, 1357, 82). | |
| 39 | La oÿrent le[s] instruemens Et virent moult d'esbatemens (LA BUIGNE, Rom. deduis B., 1359-1377, 276). | |
| 40 | Je vous diray les propres noms Qu'il avoient et les seurnoms, Au meins ceuls dont j'ay congnoissance, Se faire le puis sans ventance. Et de tous instrumens le roy Diray premiers, si com je croy. Orgues, vielles, micanons, Rubebes et psalterions, Leüs, moraches et guiternes Dont on joue par ces tavernes, Cymbales, citoles, naquaires, Et de flaios plus de X. paires, (...) Cors sarrasinois et doussaines, Tabours, flaüstes traverseinnes, Demi doussaines et flaüstes (...), Trompes, buisines et trompettes, Guigues, rotes, harpes, chevrettes, Cornemuses et chalemelles, Muses d'Aussay, riches et belles, Et les fretiaus, et monocorde, Qui à tous instrumens s'acorde, Muse de blé, qu'on prent en terre, Trepié, l'eschaquier d'Engletere, Chifonie, flaios de saus. (MACH., P. Alex., p.1369, 35-36). | |
| 41 | Et la chanterés balades et motés, virelais et rondiaux, et arés menestres et menestreles qui jouront de divers instrumens, et puis enterrés en voz chambres bien parees et souef flairens, et dormirés souefvement et molement, sanz sousy et sanz noyse. (Songe verg. S., t.1, 1378, 40). | |
| 42 | Il vous convient violer : le roy Ogiers, qui cy veis, ne vit oncques plus celle instriment [sic]. (JEAN D'OUTREM., Myr. histors G., a.1400, 6). | |
| 43 | J'ai ung instrument si prest et si bien trenchant, que je vous feray present de ses genitoires avant qu'il ait loisir de moy rien dire. [Il s'agit ici d'un rasoir] (C.N.N., c.1456-1467, 404). | |
| 44 | ...lors de tabours Et d'instrumens, villes et bours Ouyst on partout ressonner (CHR. PIZ., M.F., II, 1400-1403, 216). | |
| 45 | Et se instrumens avez propices Comme sont simballes et cors, Tamburs, orghenes ou aultre acors, Timbres, tinpanes et vielles, Herpes, leuz, choses nouvelles, Buisines, clarons, instrumens Et semblables abillemens, Pour nostre sabbat decorer, Je le vous enjoing aporter (MARCADÉ, Myst. Pass. Arras R., a.1440, 124). | |
| 46 | ...il y avoit un tel deduit d'instremens que ce sambloit un droit paradis. (Percef. IV, R., c.1450 [c.1340], 15). | |
| 47 | Des roys d'armes, des heraulz, poursuivans, trompectes, clarons et menestriers de divers instrumens qui devant eulz aloient, que je delaisse pour abregier. (LA SALE, J.S., 1456, 164). | |
| 48 | ...ilz estoient si bien d'accord qu'oncques musicque ne fut pour eulx plus doulce, [ne] instrumens ne pourroient mieulx estre accordez que eulx deux (C.N.N., c.1456-1467, 432). | |
| 49 | ...pour le grand plaisir qu'elle print aux doulx et melodieux chans et armonie d'instrumens dont l'on jouoit a son huys, elle s'avança (C.N.N., c.1456-1467, 567). | |
| 50 | ...l'on sonna touttes les cloches de la ville, trompettes, clarons, gros tamburs et aultrez instrumens de joye, et crioit l'on : "Vive Bourgoigne !" (MOLINET, Chron. D.J., t.2, 1474-1506, 150). | |
| 51 | Mais je te prie que tu met Ton instrument en bon acort (OUDIN, St Genis M.S., c.1490, 57). | |
| 52 | Aussy a leur partement il leur fist grans dons, semblablement a leurs tabourins, trompettes et clerons et autres joueurs d'instrumens servans au mestier de la guerre. (LA VIGNE, V.N., p.1495, 318). | |
| 53 | ...les ars des instrumens de musique (ORESME, E.A.C., c.1370, 404). | |
| 54 | S'ensuit le Voyage de Napples, auquel l'on pourra trouver comment le Roy fist faire grans preparatives de gens, d'ouvriers, d'instrumens, oustilz, harnoys, artillerie, vivres, navires pour les porter a parachever son emprise (LA VIGNE, V.N., p.1495, 129). | |
| 55 | Item, touz corps qui resonent tremblent et fremissent, si comme il appert des campanes et des instrumens de musique, et ou ciel ne peut estre tel tremblement qui n'est pas mouvement simple, car le ciel est meu tant seulement de mouvement purement circulaire. (ORESME, C.M., c.1377, 476). | |
| 56 | L'autre [chose] si est riches atours et precieuses robes, linge soubtil, beaux jardins et fontaines, instrumens doulx et lyesse, et le chantant du roussigneul, qui a (a) mon plaisir de chanter soit tousjours prest, voire en belles chambres parees d'aromaz bien enfumees, a ung grant lit de dumet. (MÉZIÈRES, Songe vieil pèl. C., t.1, c.1386-1389, 339). | |
| 57 | "Encores, il est chose convenable que tu ayes des menestriers a bas instrumens, pour aucune recreacion de ta personne royalle, faisans bon digestion apres les consaulx et travailz de ta royalle mageste, [desquelz] doulz instrumens, Beau Filz, tu dois prendre le son sobrement et non pas charnelment pour aucune recreacion..." (MÉZIÈRES, Songe vieil pèl. C., t.2, c.1386-1389, 243). | |
| 58 | ...et là jouerent selon la coustume les menestrelz de bas instrumens, si doulcement comme plus se peut (CHR. PIZ., Faits meurs Ch. V, S., II, 1404, 109). | |
| 59 | ...Jean de Cordouva, aveugle, joueur des bas instruments (...) Jean Fernandez, joueur des bas instuments (Comptes Lille L., t.1, 1456-1458, 470). | |
| 60 | ...ménestriers, héraulx et gens de bas instrumens (CHASTELL., Chron. K., t.4, c.1456-1471, 390). | |
| 61 | ...et fist diligence de se trouver a l'eure assignee garny des bas menestriers et de tous autres bas instrumens de melodie qu'on povoit finer (MART. D'AUV., Arrêts Am. R., c.1460-1466, 93). | |
| 62 | ...et près d'eulx jouoient plusieurs bas instrumens qui rendoient de grandes melodies. (ROYE, Chron. scand., I, 1460-1483, 28). | |
| 63 | Oudit temps, le roy fist venir grant nombre et grant quantité de joueurs de bas et doulx instrumens qu'il fist loger à Saint-Cosme près Tours (ROYE, Chron. scand., II, 1460-1483, 122). | |
| 64 | Las ! ou sont les haulx instrumens, Les draps d'or... ? (DESCH., Oeuvres R., t.8, c.1370-1407, 85). | |
| 65 | Coustume est en Bourgoingne que l'en ne praigne bestes trayans par maniere de gage ne par autre maniere et que on ne gage homme de son fessour, ne que on le gagoit de nul instrument par quoy le cultivement de la terre soit empeschié (Cout. bourg. glosé P.M., c.1380-1400, 163). | |
| 66 | ...ainsy que les nobles chevaulx de leur droite nature s'esjoÿssent et demainent et deviennent plus fiers et plus hardiement s'en vont en la bataille contre les ennemis des lors qu'ilz oyent les trompettes sonner ou les busines ou les haulx instrumens appartenans a la musique frigiste qui aux armes affiert, si comme il est ramenteu en l'istoire de Job. (EVR. CONTY, Harm. sphères H.P.-H., c.1400, 90-91). | |
| 67 | Et, au son des hault instrumens, Entre dedens la grande sale (MARTIN LE FRANC, Champion dames I-II, P., 1440-1442, 14). | |
| 68 | Et si y avoit autre grant nombre de clairons, trompetes, chantres, haulz et bas instrumens de diverses sortes, qui tous ensemble jouoient chacun en droit soy moult melodieusement à l'eure que ladicte royne, ses dames et damoiselles entrerent en leur basteau (ROYE, Chron. scand., I, 1460-1483, 177). | |
| 69 | ...l'instrument de la vertu auditive (SAINT-GILLE, Comment. A.Y. L., 1362-1365, 293). | |
| 70 | ...ou cervel et ners qui sont instrumens de mouvement (SAINT-GILLE, Comment. A.Y. L., 1362-1365, 293). | |
| 71 | ...les instrumens des vertus si comme l'oye, les yeulx [,] le nez et les autres (SAINT-GILLE, Comment. A.Y. L., 1362-1365, 293). | |
| 72 | Mais il samble que nature ait ainsi fait a encient et ainsi comme de bonne science en leur ostant [aux estoilles] ou non-donnant toutes choses par quoy elles peussent soy mouvoir et proceder par soy, car, quant a leur figure, elles sont moult loing des corps qui ont instrumens habiles a tel mouvement. (ORESME, C.M., c.1377, 452). | |
| 73 | ...par lequel vent et air sont lesdictes infections corrumpues espartes et eslongnees de l'instrument dont la personne les pourroit aucunement assavourer et soy emplir d'icelles (Abuzé D., c.1450-1470, 21). | |
| 74 | L'instrument de l'oïe est fait de os petreux et d'ung nerf espandu et de nerf obtique concave et d'air qui se pose et de divers cercles et de circonvolucions qui entrent ou trou et ou cartilage de dehors apparans entour le trou en maniere de estoupaux (GORDON, Prat., c.1450-1500, III, 8). | |
| 75 | ...la beaulte du corps et les menbres du chief, des sens qui sont en luy, et la grant armonie des organes et instrumens qui sont pour les operacions corporelles. (CIB., p.1451, 186). | |
| 76 | Il se disposa ung jour de aller aux champs pour prendre proye et se cherga de ses raitz, instrumens et exploiz propres et convenables pour le fait de oyselerie faire et excercer. (TARDIF, Apologues R., c.1493-1498, 82). | |
| 77 | Ilz [les membres composés] sont appellez organicques et instrumens car ilz sont instrumens de l'ame comme la main, la face, le cueur, le foye. (PANIS, Guidon, 1478, tr.I, doct.1, chap.1). | |
| 78 | Pour ce donc que les 9 instrumens dessusdiz sont cause de parole et de la voix humaine sur laquelle est fondee l'instrumental musique dessusdite (EVR. CONTY, Eschez amour. mor. G.-T.R., c.1400, 95). | |
| 79 | Quant aux connins que dittes qu'ay amez, Ilz sont pour moy, plusieurs ans a passez, Mis en oubly ; aussi mon instrument Qui les servoit a fait son testament Et est retrait et devenu hermite ; Il dort tousjours, a parler vrayement, Comme celui qui en riens ne prouffite. (CH. D'ORLÉANS, Ball. C., c.1415-1457, 136). | |
| 80 | Ung tour de bec, dire ung tatin - Soudain que la gouge en emmanche, - Luy rebailler le picotin Si l'instrument ne se desmanche ! (COQUILL., Oeuvres F., 1478-p.1494, 321). | |
| 81 | ...son mary, lesquel n'estoit pas encore assouvy d'elle, mais estoit l'instrument toujours royde, tellement que par derrière il congneut sa femme (TARDIF, Facéties Pogge M., c.1490, 21). | |
| 82 | ...il cuidoit aussi bien estre party de l'instrument naturel que voisin qu'il eust (C.N.N., c.1456-1467, 471). | |
| 83 | "...Encores", dist la vieille, "je fays plus, car les grans princes et roys, qui devroient estre miroir de toute honnestete, je les fais aler court vestuz, voire si court que de ma precieuse forge les instrumens dessoubz la robe se moustrent aux dames publiquement et a toutes manieres de gens..." (MÉZIÈRES, Songe vieil pèl. C., t.1, c.1386-1389, 342). | |
| 84 | ...ne fault pas dire que aucunes damoiselles ne furent bien marries d'avoir perduz les instrumens de monseigneur le curé. [Il a été châtré] (C.N.N., c.1456-1467, 406). | |
| 85 | ...l'instrument qu'il vouloit accorder au bedon de la gouge (C.N.N., c.1456-1467, 456). | |
| 86 | ...en pluseurs religions y a de bons compaignons a la pie et au jeu des bas instrumens (C.N.N., c.1456-1467, 534). | |
| 87 | Et, aprés qu'il eut getté ses instrumens et tous ses raitz et engins en la mer, il pescha... (TARDIF, Apologues R., c.1493-1498, 77). | |
| 88 | Hotin faisoit grand clicquetis De ses bas instrumens gentilz (MOLINET, Faictz Dictz D., 1467-1506, 763). | |
| 89 | TESTE LIGIERE. Les bas instrumens j'enstresuys, Du bas mestier souvent me mesle. SOCTE MYNE. Pour tenir tetin et mamelle Je suis froit [comme] l'eau d'ung puys. (Sots, c.1480-1500, 264). | |
| 90 | LE MOYNE. Quant est d'instrumens organistes Gros et ouvers pour ung plain chant, Je suis fourni comme ung marchant, Par ma foy, il ne m'en fault rien. (P. moyne, a.1500, 48). | |
| 91 | Veez cy le petit asnon de ceans, qui n'a gueres d'aage avec demy an, et si a l'instrument grand et gros de la longueur d'un braz. (C.N.N., c.1456-1467, 472). | |
| 92 | ...Ou se quelque fille secrette A presté ung peu l'instrument (COQUILL., Oeuvres F., 1478-p.1494, 40). | |
| 93 | D'une on dit qu'elle ayme hutin, Et a l'instrument compassé (COQUILL., Oeuvres F., 1478-p.1494, 238). | |
| 94 | Pour hanter l'instrument de bas Je suis banny de saincte Croix (Sots, c.1480-1500, 265). | |
| 95 | Chascun son instrument si print De ce que le testament tint. (Renart contref. R.L., t.1, 1328-1342, 177). | |
| 96 | ...par instrument, avec le serement que... (VIGNAY, Théod. Paléol. K., c.1333-1350, 101). | |
| 97 | ...toutes les debtes bonnes et loyaulx, recongnues ou prouvees par lettres, instrumens, tesmoingns ou autres loiaux enseignemens que vous trouverés estre deuz audit Jehan ou a sa dicte nieche, de laquelle il est tuteur et curateur, comme dit est, ou a sa dicte niece appartenans, vouz, ou l'un de vous, levés et recevez en contraignant ou faisant contraindre les debteurs a les paier par prinse et vendue de biens (Clos galées Rouen M.-C., t.2, 1344, 65). | |
| 98 | ...un instrument a saigner subtil et menu (SAINT-GILLE, Comment. A.Y. L., 1362-1365, 193). | |
| 99 | Notaires qui instrumens fais... (DESCH., Oeuvres R., t.8, c.1370-1407, 143). | |
| 100 | Et afin que les princes ou officiers ne emblent les biens qui sunt communs, l'en doit faire que les pecunes soient bailliés presens tous les citoiens, et que les rescrips ou instrumens ou cartes de ce soient mis par devers les fraternités et par devers les compaignies et les lignages. (ORESME, Pol. Arist. M., c.1372-1374, 229). | |
| 101 | ...toutes les choses dessus dites pueent ou doient estre en pareille substance plus à plein contenuez en lettres passées par devant lesdis tabellions, soubz le seelle de la baillie de Rethelois, et en certain instrument passeit par devant ledit notaire et tabellion usent d'auctorité apostolique et imperial (Trés. Reth. S.L., t.2, 1373, 205). | |
| 102 | Nostre fait li dirons [à maistre Pierre le Page] en somme, Et instrument nous en fera Et si le nous apportera Fait et signé. (Mir. roy Thierry, c.1374, 320). | |
| 103 | ...il le pourroit prouver par instrumens ou par tesmoings (BOUVET, Arbre bat. N., c.1386-1389, 244). | |
| 104 | Lequel defunct, et en presence de bonnes gens, descoulpa du tout elle qui parle du fait ou consentement de la navreure de lui, si comme il appert par un instrument duquel la teneur est telle (Reg. crim. Chât., I, 1389-1392, 271). | |
| 105 | Comme le prieur et les frères prescheurs de Coustances fussent tenuz et obligiez a tournoir et assoir afin de héritage au priour et es frères de l'ostel Dieu de Coustances quarante et cinq solz tournois de rente chacun an à la feste Saint Michiel, comme plux a plain peut apparoir par un instrument sur ce fait, parmi lequel ces présentes sont annexées (Cartul. Hôtel-Dieu Cout. L., 1391, 195). | |
| 106 | ...et sera faicte collation de tous les procès, actes, lettres et instrumens produiz par lesdictes parties (BAYE, I, 1400-1410, 197). | |
| 107 | Instrument est une escripture publicque pour faire instrucion et preuve d'aucune chose. (Cout. instit. Anjou Maine B.-B., t.2, 1437, 210). | |
| 108 | Mes amys, oncques ne fust nul qui chartre ne instrument eust de sa vye... (LA SALE, Sale D., 1451, 27). | |
| 109 | Item en un estui, [le chirurgien] doibt porter six instrumens, c'est assavoir forcetes, pincetes, rasoers, esprovetes, lancetes et aguilles. (PANIS, Guidon, 1478, chap. sing.). | |
| 110 | ...par scellés et instrumens (CHASTELL., Chron. K., t.5, c.1456-1471, 475). | |
| 111 | De toutes lesquelles choses mes dis seigneurs les commis ont quis et demandé à nous les dis notaires instrument au profit du Roy, nostre sire, que leur avons ouctroié et mis en ceste forme. (Archives servit. Louis XI, T., 1477, 100). | |
| 112 | ...mais que tu me donnes bons plesges et respondans par devant notaire, duquel je veul avoir instrument. (COLART MANS., Dial. créat. R., 1482, 264). | |
| 113 | Ce jour tenu conseil ouquel furent leus les instrumens des juremens que firent les Rois Charle premier, Charle second, Robert et la Roynne Jehanne et le jurement ordenné à faire par Madame. (LE FÈVRE, Journ. M., c.1380-1390, 156). | |
| 114 | Don à deux notaires, c'est assavoir : Blangeriis et Girardi d'Avignon, qui ont passé l'instrument de la vendition de la maison du roy, estant au dit lieu faicte par les chartreux de Villeneusve (Comptes roi René A., t.1, 1478, 27). | |
| 115 | À Jacquet Decomont, pour avoir grossoié en parchemin un instrument de la ratiffication du don de nostre filz, le roy de Sicile, pour ce VI go (Comptes roi René A., t.1, 1480, 249). | |
| 116 | Si conclut que ledit instrument appellatoire et tous autres semblables soient deschirez et rompuz, et soit deffendu aux notaires qui ont receuz ou fais lesdis instrumens qu'ilz n'en facent desormais nulz semblables (FAUQ., I, 1417-1420, 65). | |
| 117 | ...en cas d'appel en païs de droit escript où il avoit instrument appellatoire. (BAUDE, Eloge Ch. VII, V., p.1484, 134). | |
| 118 | Leur office si est estre devant les juges, faire et escrire instrumens autentiques, reciter les condempnacions et les condonacions recevoir (FERRON, Jeu eschaz mor. C., 1347, 234). | |
| 119 | A touz apparesse par cest publique instrument que... (Doc. 1336. In : P. Marchegay, Bibl. Éc. Chartes 35, 1874, 379). | |
|
