A. -

"Défaut d'attention portée à ce que l'on fait" : ...par leur douce simplesce ou inadvertance, où il cuident garder justice, il la destruisent (FOUL., Policrat. B., I, 1372, 82). Et disoit le procureur du Roy que par ladicte faulte et inadvertence dudit bailli la Court estoit souvent empeschée en la visitation et jugement desdiz procès (FAUQ., II, 1421-1430, 83).

-

Par inadvertance. "Par manque d'attention" : ...ledit Guillaume et moy en avions compté ensemble et à part, et furent les dictes parties par inadvertence escriptes et prinses en la despense dudit compte (Compte Navarre I.P., 1367-1371, 416). ...si comme ceuls qui en leur parler dient, par inadvertence, aucune chose dont ilz ne se prenoient garde ou qui leur eschape et par ce se excusent. (ORESME, E.A., c.1370, 181). ...par inadvertance ou oubliance (Ch. VI, D., t.1, 1381, 10). ...lesquelz quatre gobellez pesoient ung marc la piece, le marc au pris de 75 frans, montent 300 frans ; et par inadvertance l'en n'en compta ne prist l'en entre les parties des estrainnes de mondit seigneur que 200 frans seulement (Comptes Etat bourg. M.F., t.1, 1419, 130). ...soubz umbre de ce que aucuns ont voulu dire que par negligence, inadvertance ou foible resistence a la defense d'icelui chastel iceulx ennemis avoient icelui prins (Chancell. Henri VI, L., t.2, 1431, 158). [Maistre Jehan de Clugny, ambassadeur du duc de Bourgogne, au roi de France :] Dont se d'aventure je disoie chose par inadvertence qui fut a vostre desplaisance et mal dicte, je vous supplie, sire, en telle humilité que je puis, qu'il vous plaise non l'attribuer a malice, arrogance ou fol hardement, mes le imputer a ma simplesse et ygnorance (CHASTELL., Chron. IV, D., c.1461-1472, 34). Vray Dieu, ayés de nous mercy Par vostre divine clemence ! Se nous avons vers vous failly Par folleur et inadvertance, Pardonnez nous nostre ignorance Sans nostre meffait regarder, Car nous avons dueil de l'offence Se nous le peussions amender. (Myst. Pass. Troyes B., a.1482, 69).

-

"Imprudence" : Pensez que j'ay grant desplaisance : Tant de gens de bien qui sont mors Par deffaulte de inadvertence Qui ne fussent puissans et fors. (Myst. siège Orléans H., c.1480-1500, 161). Je prans en moy ung grant plaisir A voir ceste noble cité [Orléans] ; Si convient les faire morir, Se sera grant adversité Et grant dommaige en verité ; Et n'est que par inadvertence Comme par une hostinité, Ou il ont bouté leur plaisance (Myst. siège Orléans H., c.1480-1500, 180).

B. -

P. méton. "Faute commise par inattention" : ...ledit Jehan Fraignot qui, pour ce, a veu son manuel, dit et affirme qu'il ne trouve pas avoir baillié sa lettre de plus grant somme que desdiz 2.678 frans et que ladicte inadvertance et vice d'escripvain vient par erreur pour occasion de ce qu'il se remembre que quant il cuida avoir ladite somme de 3.678 frans dudit tresorier il escrivi en son papier et en fist sa descharge, laquelle fut depuis diminuee et refaite desdiz 2.678 frans, car de plus ne se vouloit chargier ledit tresorier. (Comptes Etat bourg. M.F., t.2, 1419, 613).