| 61 exemples | | 1 | Et se la joie Que j'avoie, quant en sa grace estoie, Ne fust plus grant que dire ne saroie, N'ymaginer ne penser ne porroie, La grief dolour Qui me destreint en fust assez menour. (MACH., J. R. Beh., c.1340, 97). | |
| 2 | Encor y a maint ressort : Ramembrer, Ymaginer En dous plaisir Sa dame vëoir, oïr, Son gentil port, Le recort Dou bien qui sort De son parler Et de son dous regarder, Dont l'entrouvir Puet garir Et garentir Amant de mort. (MACH., R. Fort., c.1341, 17). | |
| 3 | ...nuls ne scet ce que j'endure ; N'elle meismes ne scet pas la pointure Que mes cuers sent pour sa douce figure, Et que vëoir, Ymaginer, penser ne concevoir Ne puis comment je puisse joie avoir, Car je la ser et aim sans decevoir Et sans laidure. (MACH., F. am., c.1361, 153). | |
| 4 | Et tout ainsi comme je le ymaginay il m'en avint. (FROISS., Chron. M., XII, c.1375-1400, 2). | |
| 5 | Il n'est joie ne joïr N'autre bien qu'on puist sentir N'imaginer Qui ne me samble languir, Quant vo douceur adoucir Vuet mon amer. (MACH., Ch. bal., 1377, 612). | |
| 6 | Car Raisons vuet, s'il aimme sans folour Et sans partir, qu'il en soit remeris, Et d'autre part bonne Amour son labour Ne vuet, ne doit souffrir qu'il soit peris ; Si que je ne puis veoir, Ymaginer, penser ne concevoir, Par quel moyen escuser me porroie Envers Amours, se son bien ne voloie. (MACH., L. dames, 1377, 179). | |
| 7 | Douce dame, vo bonté desirée Et la douceur de vo gracieus vis Ont maintes fois en estrange contrée Fait que j'estoie amoureus et jolis, Par vo biauté, qui n'a per, Tres doucement souvent ymaginer. Et près de vous souspir, pleure et gemi, Quant vous m'avés de vo grace banni. (MACH., L. dames, 1377, 228). | |
| 8 | Mais quant li tristes ymagine La grant biauté, la douceur fine De celle qui n'a de li cure, Dont li venroit envoiseüre, Que elle aimme un autre que li ? (MACH., Prol., c.1377, 8). | |
| 9 | Ainsi comme au vray l'imagin (CHR. PIZ., M.F., II, 1400-1403, 133). | |
| 10 | O ceur de Chrestien, ung petit ymagine Ceste douce enffance, ceste douce gessine ; En la craiche est par toy cil quil tout enlumine ; - Pour Dieu, mes douces gens, pensés i(l) sans termine. (Pass. Semur D.M., c.1420 [1488], 79). | |
| 11 | Et jà soit ce qu'en nulz aages Les plus subtilz ne les plus sages Ne pourent onc déterminer, Sentir bien ne ymaginer Du tout causes qui soient clères De telz effectz et telz matières, Desquelz aucuns sont par Nature, Et autres sourdent d'aventure (LA HAYE, P. peste, 1426, 18). | |
| 12 | ...ou pour ce que en dormant ilz ymaginent qu'ilz sont es privees ou en lieu ou ilz ont acoustumé de picer et adonc vertu imaginative commande a vertu expulsive, ainsi ilz picent ou lit (GORDON, Prat., c.1450-1500, VI, 15). | |
| 13 | Ma dame reverent et chiere, Digne de loange et d'onnour, Excellent en toute valour Que cuers porroit ymaginer, Yeus vëoir, oreille escouter, Main figurer, ne bouche dire, Soutils entendemens descrire, Goust savourer, ne tast sentir, Desirs, voloirs, cuers asentir (MACH., R. Fort., c.1341, 83). | |
| 14 | Si ne savoit que penser ne ymaginer par quelle façon il s'en pourroit honestement descharger. [Un homme veut se séparer de sa femme infidèle] (C.N.N., c.1456-1467, 311). | |
| 15 | ...sans penser ne ymaginer peril ne dangier ou il se boutoit (...) toute raison estoit de luy a cest cop arriere mise (C.N.N., c.1456-1467, 456). | |
| 16 | ...il se doubtoit tresfort de ce qui estoit. Mais la maniere comment se povoit faire, il ne le povoit ymaginer (C.N.N., c.1456-1467, 493). | |
| 17 | Six jours entiers demoura la dedens Ou ce pendant seigneurs et presidens De parlement et de son grant conseil Qui pour tel temps y furent residens, Ymaginerent les moyens evidens Pour sur les mons conduire l'appareil De son estat aux autres nompareil, Et contemplerent les voyes oportunes Comme on sçauroit eviter les fortunes Et les dangiers qui pourroient survenir Pour bien aller et pour assur venir. (LA VIGNE, V.N., p.1495, 146). | |
| 18 | Je ne di mie que Nature De po de chose n'ait assez ; Mais se li mondes entassez Estoit dou ciel jusqu'a la terre De quanque cuers porroit requerre, Dire et ymaginer d'avoir, N'en y porroit il tant avoir Qu'il peüst jamais, a droit dire, A un cuer couvoiteus souffire (MACH., R. Fort., c.1341, 101). | |
| 19 | Mais einsi com je l'escoutoie, Dedens mon cuer ymaginoie Que c'estoit aucuns esperis Dont je peüsse estre peris. Adont durement me doubtay Et dedens mon lit me boutay. (MACH., F. am., c.1361, 146). | |
| 20 | Li contes Guis de Blois (...) imagina en lui meïsmes que che ne li seroit pas honnerable cose de sejourner. (FROISS., Chron. R., XI, c.1375-1400, 125). | |
| 21 | Qant messires Hues li Espensiers en fu enfourmés, si se doubta grandement que la poissance dou roi de France ne le fesist tresbuchier jus de ses estas, car bien imaginoit au fort [que] ses sires li rois d'Engleterre n'oseroit courouchier le roi de France. (FROISS., Chron. D., p.1400, 51). | |
| 22 | Si avisa et imagina li dis rois que li François ne pooient venir a lui, ne aprochier son hoost ne la ville de Calais, fors que par une voie laquelle venoit tout droit le grant cemin, ou par les dunes de la mer, ou par deviers Ghines, Melq et Oie, ou il avoit grant fuisson de fosses et de lieus imposibles pour si grande hoost (FROISS., Chron. D., p.1400, 826). | |
| 23 | Adont imaginerent chil signeur de France que il convenoit emplir les fosses pour aprochier de plus priés (FROISS., Chron. D., p.1400, 493). | |
| 24 | Et pour ce que ne l'oubliasse, Failloit il que la recordasse. Mais si com je l'imaginoie En mon cuer, et la recordoie De si trés bonne affection Que toute l'inclination Des cinc sens que Dieus m'a donné Y estoient si ordonné Que n'avoie cuer ne penser Que lors peüsse ailleurs penser, Fors tant qu'adès me souvenoit De celle dont mes biens venoit, La dame fu esvanoïe. (MACH., R. Fort., c.1341, 107). | |
| 25 | Ces nouvelles vinrent au prince de Galles, qui pour le temps se tenoit à Bourdiaus, et pensoit et imaginoit nuit et jour comment à sen honneur il poroit parfurnir ce voiage. (FROISS., Chron. L., VI, c.1375-1400, 214). | |
| 26 | Et s'il est hault en montaignes ou en tour ou sur ponz ou en nefz, il ne doit point regarder bas ne ymaginer ne regarder parfont (GORDON, Prat., c.1450-1500, II, 11). | |
| 27 | Avecques eulx facteurs, jeunes bancquiers Acompaignez de laquais et picquiers, Vestuz, chaussez, bendez et bigarrez De fin drap d'or et de velours barrez Comme l'espitre l'ymagine et divise, Et si estoyent leurs hocquetons fourrez D'un fin satin cramoisy de Venise. (LA VIGNE, V.N., p.1495, 165). | |
| 28 | Et quant j'eus tout cela veü, Ymaginé et conceü, J'en os en moy moult grant frëour Pour le feu, doubtance et paour, Qu'adès vraiement me sambloit Que vers moy lancier le voloit. (MACH., D. verg., a.1340, 20). | |
| 29 | Comme de tout laissier ester, Puis qu'on ne le puet contrester, Et de faire selonc le sage Qui dit et demoustre en sa page Que, quant il a tout conceü, Tout ymaginé, tout veü, Esprouvé, serchié, viseté Le monde, c'est tout vanité, Et qu'il n'i a autre salaire Fors d'estre liez et de bien faire. (MACH., J. R. Nav., 1349, 142). | |
| 30 | Si se couvient bien consillier, Ymaginer, penser, veillier Comment ceste chose se face, Si qu'à s'onneur Dieus la parface ; Car sans li ne se porroit faire : Homs ne doit penser le contraire. Si vous diray que je feray. (MACH., P. Alex., p.1369, 38). | |
| 31 | Quant il orent bien tout veü, Ymaginé et conceü, Leur maniere et leur logement, Et leur estat tout clerement, Longuement n'ont pas sejourné, Eins sont au prince retourné, Pour avoir conseil qu'on feroit (MACH., P. Alex., p.1369, 150). | |
| 32 | ...et commencièrent à aviser et imaginer le forterèce, et cogneurent assés que elle estoit bien prendable. (FROISS., Chron. L., V, c.1375-1400, 7). | |
| 33 | Et regardèrent l'un parmi l'autre, tout consideré et imaginé le poissance des François, que ce n'estoit mies bon d'yaus attendre. (FROISS., Chron. L., V, c.1375-1400, 189). | |
| 34 | Si ne pooit estre que il ne imaginassent et considerassent là où il faisoit le plus fort et le plus foible. (FROISS., Chron. L., V, c.1375-1400, 152). | |
| 35 | Et quant Espoir qui en mon cuer se tient Fait dedens moy si grant joie venir, Lonteins de vous, ma dame, s'il avient Que vo biauté voie que moult desir, Ma joie, si com j'espoir, Ymaginer, penser, ne concevoir Ne porroit nuls, car trop plus en aroie, Qu'en cent mille ans desservir ne porroie. (MACH., R. Fort., c.1341, 111). | |
| 36 | Quant il fu venu jusques à Lourde, et il ot bien avisé et ymaginé la ville et le chastel et le pays, si le recommanda moult tant pour la force du lieu que pour ce que Lourde sciet sur frontiere de pluseurs pays. (FROISS., Chron. M., XII, c.1375-1400, 17). | |
| 37 | Adonc descendirent li signeur et imaginèrent le passage, et dissent : "Par ci, se nous volons aler oultre, nous faut passer, car ailleurs ne trouvons nous point de passage." (FROISS., Chron. R., IX, c.1375-1400, 287). | |
| 38 | Là estoit li sires de Sempi qui trop loiaument s'aquita de estre gaite et escoutète des Flamens, car il estoit ou premier chief et aloit songneusement tout en tapissant veoir et imaginer leur convenant. (FROISS., Chron. R., XI, c.1375-1400, 20). | |
| 39 | Si vous di que c'estoit grans biautés dou veoir et imaginer ces signeurs de France et le riche arroy et richesse d'yaus. (FROISS., Chron. R., VIII, c.1375-1400, 58). | |
| 40 | Il fu une foys ung oysel qui nasqui et apparut au monde sans plumes ; les autres oyseaux, quant ilz le sceurent, l'alerent veoir pour tant que il estoit si bel et si plaisant en regard, et ymaginerent sur lui et se conseillierent quelle chose ilz en feroient, car sans plumes il ne povoit voler, et sans voler il ne povoit vivre. (FROISS., Chron. M., XII, c.1375-1400, 229). | |
| 41 | Et croy certainement qu'il n'est si dur cueur au monde (...) qui lors eust veu et ymaginé le port de l'ardant desir que les vertueux et nobles gendarmes qui la estoient avoient de servir leur vray prince et seigneur, veu le dangier merveilleux ou ilx estoient, qui n'eust esté commeu et provocqué a lermes de piteuse compassion. (LA VIGNE, V.N., p.1495, 284). | |
| 42 | Nul confort ne li povoit venir de nul costé, fors par Engleterre ; c'estoit ce dont il faisoit le plus grant doubte, et quant il avoit ymaginé, il sentoit les Englois moult loing de là (FROISS., Chron. M., XII, c.1375-1400, 12). | |
| 43 | Pluiseurs fois eut en pensée que il le feroit ocire par ses frères, mais il ne parosoit pour le doutance dou conte. Tant soutilla, visa et imagina que il i trouva le chemin. (FROISS., Chron. R., IX, c.1375-1400, 160). | |
| 44 | La ducoise de Braibant, qui estoit une dame bien imaginans, toutes ces coses remonstra as oncles dou roi et à son conseil en le cité de Cambrai. (FROISS., Chron. R., XI, c.1375-1400, 223). | |
| 45 | ...des queles [instruments en figure plate] le plus bon et vray et plus acoustumé en usage est ce qui est appelé astralabe, le quel le tresreverent Ptholomee a demonstré par drois commencemens de art de mesure et de nombre estre figuré de tous cercles essencieles et accidenteles imaginés en la figure de la neuviesme spere exstant toute reonde compasser et figurer sans faillir ou dit instrument en plainne et plate figure. (PÈLER. PRUSSE, Astrolabe L.F., 1362, 32). | |
| 46 | Tous ceuls qui sunt et ceuls qui furent Et tous ceuls qui sont a venir Jamais n'i porroient venir, Tant s'en sceüssent encombrer ; Car nuls ne les porroit nombrer, Ymaginer, penser, ne dire, Figurer, moustrer, ne escrire. (MACH., J. R. Nav., 1349, 151). | |
| 47 | Et se un honme est hors la carole et il la resgarde devant soy, je di que, en quelconque lieu que il soit, la destre de toute la carole ensamble est touzjours a sa destre et ausi est la destre du grant honme ymaginé parmi la carole qui avroit son devant contre cest honme. Item, je met encore un autre exemple et pose que le desus d'un arbre soit la racine, jouste ce que fu dit ou quart chapitre, et ymagine que cest arbre soit meu circulairement en son lieu et sanz issir de son lieu. (ORESME, C.M., c.1377, 344). | |
| 48 | Pareillement Ptholomeus ymagina au ciel que a l'endroit du pole artique y eust une plaine superfice, et que du pole antartique il y eust lignes signés traictes par l'equinocial et les autres cercles et les principales estoilles fixes et sans faulte elles signeront [ms. B : elles signifiront et signeront] la face de l'astralabe en la dicte superfice. Et par ceste ymaginacion fut trouvée l'astralabe. (FUSORIS, Astrolabe P., c.1407-1412, 112). | |
| 49 | Dont joie en ton cuer tant s'anulle, Ne dont tu aies tant d'irour, Comme de vivre en telle errour Que tu tiens ta dame pour fole ; Et ce te destruit et affole ; Car tu penses et ymagines, Ce m'est vis, songes ou devines, Qu'elle pas n'entende ou congnoisse L'amour qui en ton cuer s'engroisse, Et crois qu'elle ne voie goute. (MACH., R. Fort., c.1341, 66). | |
| 50 | Mais ceaus qui sont en tristesse, en ardure, En plours, en plains, en dolour sans cesser, Et qui dient qu'Amours leur est si dure Qu'il ne puelent sans morir plus durer, Je ne puis ymaginer Qu'il aimment sans decevance Et qu'en eaus trop ne s'avance Desirs ; pour ce sont einsi, Qu'il l'ont desservi. (MACH., R. Fort., c.1341, 73). | |
| 51 | J'ymagine que tes cuers m'aint Et que li miens en toy remaint, Et Dieu pri qu'a bien te remaint. La me confort. (MACH., F. am., c.1361, 230). | |
| 52 | Amours me fait desirer Et amer De cuer si folettement Que je ne puis esperer Ne penser N'ymaginer nullement Que le dous viaire gent Qui m'esprent Me doie joie donner, S'amours ne fait proprement Telement Que je l'aie sans rouver. (MACH., L. dames, 1377, 161). | |
| 53 | Mon cuer, m'amour, ma pensée, ma cure Mist si bien à mon plaisir Qu'à souhaidier peüsse je faillir, N'en ce monde ne fust mie trouvée Dame qui fust si tres bien assenée. Car je ne puis penser n'imaginer Ne dedens moy trouver qu'onques Nature De quanqu'on puet bon et bel appeller Peüst faire si parfaite figure Comme est cils, où mi desir Sont et seront à tous jours sans partir (MACH., L. dames, 1377, 176). | |
| 54 | Qant les nouvelles furent esparses parmi le pais (...) que d'Artevelle estoit mors, et que chil de Gant l'avoient ocis, si en furent li pluisseur moult tourblé pour le pourfit conmun dou pais de Flandres, et imaginerent que li rois d'Engleterre, outre mesure, seroit moult courouciés et que li pais de Flandres le poroit bien trop cierement comparer ; si regarderent que generaument il s'envoieroient escuser (FROISS., Chron. D., p.1400, 640). | |
| 55 | Si comme une ligniee ymaginee du ciel a terre passe par diverses regions - par feu, par air, par eaue. (ORESME, E.A.C., c.1370, 505). | |
| 56 | Et ce est selonc partie d'une ligne ymaginee du centre du monde a la circonferance qui est appellee semidiametre du monde, si comme est la lingne .ab. (ORESME, C.M., c.1377, 60). | |
| 57 | ...Si com sapience eternelle Vous eslut mére paternelle Du fruit de substance divine, Car sanz humain charnel convine, Mére Dieu, vous ymaginon. (Mir. parr., 1356, 36). | |
| 58 | ...le roy de Chippre (...) ne tendoit ne ymaginoit nuit ne jour à autre chose fors que il peust acquiter la Sainte Terre et mettre hors des mains des mescreans. (FROISS., Chron. M., XII, c.1375-1400, 208). | |
| 59 | Einsois te vient de droite ligne, Li sires qui droit regle et ligne Prent ses vengences si obscures Maintes fois sus les creatures Que nuls ne le porroit penser, Ymaginer ne recenser, Et par maniere trop diverse Trebuche l'un et l'autre verse. (MACH., C. ami, 1357, 67). | |
| 60 | Tu dois en ton cuer concevoir, Ymaginer, penser, pourtraire La biauté de son dous viaire Et ses crins d'or, crespes et longs, Qui li batent jusqu'aus talons, Et de ses dous yeus les espars, Seur toy mignotement espars (MACH., C. ami, 1357, 77). | |
| 61 | Si te pri (...) que nullement ne desdeingnes Ton povre ou petit anemi, Car, foy que doy l'ame de mi, On en voit assez meschëoir. Et tu le pues assez vëoir, Car il ne fera que veillier, Ymaginer et soustillier Comment de lui grevez seras ; Et tu riens ne le priseras Ne point ne seras seur ta garde, Si que tu ne t'en donras garde, Qu'il te porra tuer ou prendre. (MACH., C. ami, 1357, 123). | |
|
