| 95 exemples | | 1 | Et la dame qui resgardoit Devers l'uis et ne s'en gardoit, Le vit et congnut a l'entrée ; Se s'est tantost en piez levée ; S'ala a l'encontre de lui, Et se n'i atendi nelui. (MACH., J. R. Nav., 1349, 187). | |
| 2 | ...A l'huis dou gardinet (FROISS., Pris. am. F., 1372-1373, 86). | |
| 3 | ...elle se vint arrester au devant d'un petit guichet (...) qui estoit l'huys du jardin de la damoiselle (C.N.N., c.1456-1467, 209). | |
| 4 | Il descendit a l'huis de l'eglise (C.N.N., c.1456-1467, 447). | |
| 5 | ...pour le grand plaisir qu'elle print aux doulx et melodieux chans et armonie d'instrumens dont l'on jouoit a son huys, elle s'avança (C.N.N., c.1456-1467, 567). | |
| 6 | ...c'estoit bien grant rigeur a eulx de empescher qu'elle ne venist a l'huy (MART. D'AUV., Arrêts Am. R., c.1460-1466, 76). | |
| 7 | Lors alerent tant cherchant de rue en rue qu' ils trouverent un mout riche hostel, si comme il pouoit apparoir par dehors, car moult y avoit belles portes et belle entree et estoient les huys et les portes ouvertes (Bérinus, I, c.1350-1370, 40). | |
| 8 | Or comsiderés la grande mauvesté des Englois chiés qui li signeur de Hainnau estoient logiet, car il lor fremoient et barroient les huis et les portes au devant, ne point ne les voloient laissier entrer dedens lors maisons. (FROISS., Chron. D., p.1400, 117). | |
| 9 | ...huis ne porte (Mir. ste Genev. S., c.1410-1420, 66). | |
| 10 | Si les gouverne Et enyvre du vin de sa taverne Amours qui clos les tient dedens son cerne, N' ilz ne scevent huis, porte ne posterne Par ou saillir. (CHART., D. Fort., 1412-1413, 159). | |
| 11 | Il n'y a que de bien garder Noz huys et noz portes a force (...) Barrez noz huys a gros verroulx, Tenez noz portez bien fermees (GRÉBAN, Pass. J., c.1450, 328). | |
| 12 | A l'autre huys on donne deux pains. (MIÉLOT, Prov. U., 1456, 192). | |
| 13 | ...[il] vint aus fenestres de la sale dudit hostel, lesquelles il trouva ouvertes, et par ycelles entra en ladite sale, vint à l'uys petit de la chambre d'icelle dame, qu'il trouva fermé, et aussi le grant huys ; la barre duquel huys il recula à la pointe de sa dague, entra en ycelle chambre (Reg. crim. Chât., I, 1389-1392, 32). | |
| 14 | Si trouvay Pitié chamberiere Qui de sa grace l'uys derriere Me ouvrit pour entrer au vergier. (HAUTEV., Conf. Test. am. tresp. B., c.1441-1447, 36). | |
| 15 | ...de nuyt, par l'uys de derriere (ALECIS, Blas. faulses am. P.P., a.1486, 232). | |
| 16 | JOSEPH. Dame, alons tost de huis en huis Demander se nuz l'a veu. (Mir. nat. N.S.J.C., c.1343, 107). | |
| 17 | En ce lieu ou dit jour se assemble tout le commun de la dite rue, non pas par cry, mais par le commandement au sergent fait à eulx de huys en huys (Chartes communes Bourg. G., t.1, 1371, 397). | |
| 18 | La faim d'uis a huis nous dechace (Jour Jug. R., c.1380-1400, 231). | |
| 19 | ...Et vont truandant d'uys en huys (GRÉBAN, Pass. J., c.1450, 260). | |
| 20 | Aller nous fault, pour abreger, Briber ["mendier"] d'huys en huys quelque part. (Pasté T., c.1475-1500, 187). | |
| 21 | A chascun [le jeune] menasse la mort, Et s'en va courant d'uys en huys ; Quelcun l'assomme comme ung porc, Jeune fait mal et prent du pys. (Pass. Auv., 1477, 118). | |
| 22 | Ainsi m'ont Amours abusé Et pourmené de l'uys au pesle. (VILLON, Test. T., 1461-1462, 147). | |
| 23 | ...Prandre ung baisier entre deux huys. (HAUTEV., Conf. Test. am. tresp. B., c.1441-1447, 60). | |
| 24 | ...ilz avoient trouvé (...) entre les deux huis du guichet de Chastellet une bourse semblable (Reg. crim. Chât., II, 1389-1392, 9). | |
| 25 | ...il la baisa malgré elle et a force entre deux huis. (MART. D'AUV., Arrêts Am. R., c.1460-1466, 78). | |
| 26 | ...l'on ne peut avoir ung seul bien come d'un baisier en passant et entre deux huys (MART. D'AUV., Arrêts Am. R., c.1460-1466, 210). | |
| 27 | ...Qui tient prison a us ouvert. (Tomb. Chartr. W., c.1337-1339, 37). | |
| 28 | Et li princes hurta plus fort, En disant : "Compains, euvre l'uis." Et cils respondoit : "Je ne puis." - "Si feras, on sonne la cloche ; Je suis li princes d'Antioche, Qui vueil un po au roy parler Pour ce qu'il me faut hors aler." (MACH., P. Alex., p.1369, 267). | |
| 29 | ...mais me prestez le couvert Et que me soit vostre huis ouvert (Mir. st J. Paulu, c.1372, 107). | |
| 30 | Et, ce fait, ont esté les huys ouvers et leues les ordenances touchans advocas et procureurs et parties. (FAUQ., I, 1417-1420, 142). | |
| 31 | ...nous leurs ferons ouvrir l'us. (DU PRIER, Roy Adv. M., 1455, 289). | |
| 32 | ...en ouvrant l'uz (DU PRIER, Roy Adv. M., 1455, 289). | |
| 33 | Sus, a coup ouvrez moy ces huz ! (DU PRIER, Roy Adv. M., 1455, 331). | |
| 34 | Elle ouvrera l'huys (C.N.N., c.1456-1467, 107). | |
| 35 | ...[il] vint à l'uys dudit hostel de l'Escu de France, cuidans entrer en icellui par ledit huys, entra en icellui hostel par une haulte fenestre qu'il trouva ouverte (Reg. crim. Chât., II, 1389-1392, 256). | |
| 36 | ...lesquelles lettres furent leues et publiées, les huiz ouvers publiquement (BAYE, I, 1400-1410, 69). | |
| 37 | ...qu'il le feroit de rechief appeller à la barre à huis ouvert (MOLINET, Chron. D.J., t.1, 1474-1506, 580). | |
| 38 | Un jour estoit Susenne alee En vergier en tele maniere Comme elle en estoit coustumiere, O deus pucelles seulement, Car en vergier secretement Pour la chaleur qui grande estoit Baingnier et laver se voloit. Si leur dist : "Alez sans targier Et cloez l'uis de ce vergier Et m'aportez oile a mon vueil, Car laver et baingnier me vueil." Li vieillart reponnu s'estoient Ou vergier, et la la gaitoient Que seule la peüssent prendre. (MACH., C. ami, 1357, 6). | |
| 39 | Et sont de diverses raisons et especes, si comme par equivocacion l'en appele clef un membre qui est ou col d'une beste et appelle l'en clef ce a quoy l'en ferme les huis. (ORESME, E.A., c.1370, 277). | |
| 40 | Cloz a huys (GRÉBAN, Pass. J., c.1450, 318). | |
| 41 | ...vous viendrez tout secretement, et entrerez en la dicte chambre et fermerez l'huys (C.N.N., c.1456-1467, 193). | |
| 42 | Je suis seur que pas ne fera Fermer l'uys ainsi qu'il a fait, Mais a grant joye l'ouvrera Ou fera ouvrir en effect. (LA VIGNE, S.M., 1496, 503). | |
| 43 | Cedit jour, furent à huiz cloz leues certeinnes lettres empetrées sur le lieu de maistre Thomas d'Aunoy (BAYE, I, 1400-1410, 74). | |
| 44 | Cestui saphir est proprement la pierre precieuse que Jesu Crist porta aprés sa Resurection quant il entra avec ses apostres a huis clos et leur dit... (MÉZIÈRES, Vertu sacr. mar. W., c.1384-1389, 329). | |
| 45 | ...je feray ung sault jusques en la chambre de parement, et deffermeray l'huys, et le lairay ouvert. (C.N.N., c.1456-1467, 193). | |
| 46 | ...le jour saint Crespin les cordouanniers de Troyes avoient esté devent l'uiz de monseigneur le premier president in turba et tumultu (BAYE, I, 1400-1410, 48). | |
| 47 | Je vouldray tres bien sceller l'uys Pour en estre plus seur encore. (GRÉBAN, Pass. J., c.1450, 377). | |
| 48 | Quand elles furent toutes hors de la sale, l'huys fut serré (C.N.N., c.1456-1467, 225). | |
| 49 | ...la dame le mena (par leans) par la main tout devisant en sa chambre, et serra l'huys (C.N.N., c.1456-1467, 320). | |
| 50 | Ilz ne furent pas si folz (...) qu'ilz ne tirassent la clef dedans et resserrerent tresbien l'huys. (C.N.N., c.1456-1467, 202). | |
| 51 | ...sans plus dire tire l'huys et s'en va. (C.N.N., c.1456-1467, 433). | |
| 52 | ...[vous] n'avez pas eu tant de sens, quand vous voulez faire telz choses, que de serrer et tirer les huys après vous. (C.N.N., c.1456-1467, 433). | |
| 53 | En la chambre à parer [les conjurés] entrerent Qu'onques un seul mot ne sonnerent ; Chascuns son espée tenoit, Et li princes qui les menoit À l'uis de la chambre hurta. Uns chambrelains bien l'escouta Qui dedens la chambre gisoit ; Si li respondoit et disoit : "Hurtez bellement, li roys dort." (MACH., P. Alex., p.1369, 267). | |
| 54 | Et alors ledit Jehan Eutasse hurta à l'uis dudit hostel des Corneilles, pour aler veoir ceulx qui estoient dedens encores ; auquel huis estoit la femme dudit defunt, qui lui refusa l'entrée (Reg. crim. Chât., I, 1389-1392, 412). | |
| 55 | ...ycellui prisonnier dist qu'il se recordoit bien que, depuis ledit murtre fait par ycellui Eustace l'aisné, et qu'il vit ycellui homme mort à son huys, il vint hurter à l'uys dudit Phelipot (Reg. crim. Chât., II, 1389-1392, 408). | |
| 56 | ...et oy que moult esfréement on hurtoit à son huis (Reg. crim. Chât., II, 1389-1392, 508). | |
| 57 | Ne passe de nostre huis lez bonnes ["le seuil"], Va-t-en tost ! (Mir. ste Genev. S., c.1410-1420, 66). | |
| 58 | ...et oy que moult esfréement on hurtoit à son huis, et tant que ycellui son huis fu rompu en pieces, et entrerent et monterent amont ycelle chambre quatre compaignons (Reg. crim. Chât., II, 1389-1392, 508). | |
| 59 | ...à la requeste dudit Alain alerent en entencion de rompre l'uys d'icelle Perrete et de la prendre pour avoir sa compaignie charnele et que, pour ce que icelle Perrete ne leur voult ouvrir son huys, ilz rompirent icellui. (Reg. crim. Chât., II, 1389-1392, 512). | |
| 60 | ...ilz vindrent hurter a la chambre ou estoit la pucelle (...) et bouterent l'huis oultre. (C.N.N., c.1456-1467, 551). | |
| 61 | Il fait bon fermer son huys, Quant la nuyt est venue. (Vir. H., c.1400-1500, 101). | |
| 62 | Mal yst d'huis qui n'y scet entrer. (TAILLEV., Prise Luxemb. D., 1443, 169). | |
| 63 | ...ledit Edouart (...) fist reparer de nuyt secretement o des huys et des tables le pont de Poissi sur Saine qui avoit esté demolly (Droiz Cour. Fr. H., 1460, 412). | |
| 64 | ...et au desloger abatirent toute la couverture dudit lieu, et en emporterent toutes les poultres, solives, huys, portes, fenestres et tout le portatif, pour eulx taudir et pour ardoir. (ROYE, Chron. scand., I, 1460-1483, 96). | |
| 65 | ...pourveus de culeuvrines, hacquebuses, arbalestres, gros bancqs, fors huys et larges planches, saillirent par grant hardement en la mine desdis Lombars (MOLINET, Chron. D.J., t.1, 1474-1506, 80). | |
| 66 | Parmi les huis Gieffroy se lance, Moult hardiement tenoit sa lance (COUDRETTE, Mélus. R., c.1401-1402, 276). | |
| 67 | Et pendant ce temps s'apprestèrent Parisiens pour recevoir le roy, et firent un grand appareil. Firent sur le pont l'huys de la porte où devoit entrer, [et là emprès] une grande barge toute argentée à deux chasteaux devant et derrière [représentation des armes de Paris] (CHASTELL., Chron. K., t.4, c.1456-1471, 73). | |
| 68 | A cest ui demander yray Pour l'amour de Dieu une aumosne. (DU PRIER, Roy Adv. M., 1455, 160). | |
| 69 | C'est faict, c'est mon, advisez l'huys ! (COQUILL., Oeuvres F., 1478-p.1494, 286). | |
| 70 | C'est une maison Dedalus, Car, quant on cuide sortir hors, Tant y a de chemins retors Qu'on ne scet jamais trouver l'us. (ALECIS, Blas. faulses am. P.P., a.1486, 235). | |
| 71 | Là fleurs ne fruis N'a, seule y suis ; Pour ce ne puis De joie l'uis Trouver. Là sont longues mes nuis, Là me destruis, Quant ne te truis (MACH., Lays, 1377, 422). | |
| 72 | Le Saint Esperit hurte a l'uis de la sainte ame par grant son de cremeur et d'espouentement (GERS., Pent., p.1389, 76). | |
| 73 | Vous veés [en] saint Pol, que tantost a la vocacion ou prevencion de Dieu il respondit en ouvrant l'uys de son consentement : "Sire, que veulz tu que je face ?" (GERS., P. Paul, a.1394, 498). | |
| 74 | ...les amonnestemens, desirs, et saintes inspiracions qui par ton Saint Esperit sont par maintes fois venus hurter a l'uis de ma conscience (CHR. PIZ., Psaumes allég. R., 1409, 99). | |
| 75 | Il [Soussy] romproit l'uis de la Pensee (CH. D'ORLÉANS, Rond. C., 1443-1460, 423). | |
| 76 | Je vous sans et congnois venir, Anuyeuze Merencolie ; Maintez fois, quant je ne vueil mye, L'uys de mon cueur vous fault ovrir. Point ne vous envoye querir, Assez hay vostre compaignie (CH. D'ORLÉANS, Rond. C., 1443-1460, 538). | |
| 77 | Helas, qui pouroit cloire l'uys Et le trelhis A trayson et a malice ? Je croit que nul, tant soit soubtis. (Pass. Auv., 1477, 111). | |
| 78 | Ouvrés de votre huis pectoral [?] Le point soit divin ou moral Pourquoy nous somme cy presens (MOLINET, Myst. st Quentin C., c.1482, 5). | |
| 79 | Le seigneur de Saintré, estant du tout armé, ordonna a ses gens a bien garder l'uis que nul n'entrast ne yssist hors de la sale, et dist aux dames et damoiselles, aux moynnes et a tous autres qui leans estoient : "Tenez vous la a cel huys, et n'y ait homme ne femme qui se meuve ne dye mot, car qui fera le contraire je lui fendray la teste jusques aux dens !" (LA SALE, J.S., 1456, 294). | |
| 80 | Mais sanz saint Pierre a la grant Romme Requerre, ne si loing aler, Puis qu'est a l'uis, j'en vueil parler D'une [feme] qui est tant belle et bonne Que je croy qu'il ne soit personne Vivant qui ne l'aime (Mir. ste Bauth., c.1376, 83). | |
| 81 | Mais ceuls qui or vont a l'estude Sont negligens ou d'engin rude : [...] Vuis y vont et wiz en reviennent, Les ars saluent dehors l'uis Et pour ce s'en retournent wis. (LE FÈVRE, Vieille, trad. De vetula H., a.1376, 151). | |
| 82 | LAZARON. (...) Je suis ja de la mort a l'uis, En mon fait n'a point de retour. (GRÉBAN, Pass. J., c.1450, 197). | |
| 83 | La mort me chasse jusqu'a l'uys (MICHEL, Myst. Pass. J., 1486, 184). | |
| 84 | ...bien pensans non encourir ainsy acoup leur derniere heure, et non si tost clorre en effect l'huys de leur vie. (SAINT-GELAIS, Séj. honn. J., c.1490-1495, 160). | |
| 85 | ...tout va a perdicion, Dont mains regnes sont ja a l'uis ! (DESCH., Oeuvres R., t.8, c.1370-1407, 165). | |
| 86 | ...Puis aler toucher les clicquetes Des huys de leur dame aveiglectes [var. avenectes] (HAUTEV., Conf. Test. am. tresp. B., c.1441-1447, 61). | |
| 87 | Laisse bailler la cote vert, Puis assaillir ung huys ouvert (HAUTEV., Conf. Test. am. tresp. B., c.1441-1447, 62). | |
| 88 | ...Abatre a terre ung huys ouvert (Amant cord. M., 1490, 28). | |
| 89 | Si n'eurent gaires quiz quant ilz entrerent en une chambre ou ilz trouverent un huis qui acouvroit l'entree d'une fosse tant parfonde comme de trois estages d'homme. Adont ilz rompirent la serrure, puis ouvrirent l'huis ; si trouverent que c'estoit une terrible fosse machonnee de bonne pierre. (Percef. IV, R., c.1450 [c.1340], 302). | |
| 90 | ...en cest estat devant l'huys de sa maisonnette se fait des bonnes femmes saluer. (C.N.N., c.1456-1467, 101). | |
| 91 | Y a il point icy aucun Qui me voulsist, sans point mentir, Souffler au cul sans repentir Ou passer par bonne maniere Son nez par mon huys de derriere ? (S. fol, c.1480-1490, 8). | |
| 92 | Estoupe tous les yeus [var. I>les/I> huis, I>les issues/I>] du tesnier ou le goupil sera bouté (HENRI FERR., Modus et Ratio, Livre deduis T., c.1354-1377, 91). | |
| 93 | A ce propos Jhesucrist dit En l'ewangille ou n'a mesdit, Que plus tost un chamel chargié Yroit, sans estre deschargié, Par mi l'estroit et petit huis De l'eguille, qui a pertuis Bien petit, que un riche n'iroit En paradis, car lui nuiroit Sa richece. (CHR. PIZ., Chem. estude P., 1402-1403, 197). | |
| 94 | Et adonc est Marsile [Marseille] faite pres des huis du Rone (VIGNAY, Le Miroir historial C, 1333, III, 567). | |
| 95 | Les bons sont clerseméz lesquelz a paine sont en nombre autant qu'il y a de portes a Thebes ou combien y a de huyz au riche fleuve Nyle (PICCOLOMINI, De curialium miseriis epistola L., c.1458-1477, 113). | |
|
