A. -

"Action de tuer un être humain (au cours d'une rixe, volontairement ou non, au cours d'une bataille ou bien par meurtre)" : ...les deux Mortimers furent juggez à Weimouster devant VJ. justices d'estre treyné et pendu pur homicide et robberies (Chron. London A., c.1350, 45). ...[l'Université] dit une escripture faicte en un quaier, appellée la Justification du duc de Bourgoigne, estre injurieuse à la justice du Roy (...) contenens sedition, ouvrans voie à parjuremens et homicides (BAYE, II, 1411-1417, 260). ...de resister de corps et de toute puissance au dampnable propoz et entreprinse des crimineux (...) coulpables et consentans de la mort et homicide dudit feu duc de Bourgoingne derrenierement mort (FAUQ., I, 1417-1420, 319). Meurtre et omicide est octision d'omme sans cause et sans commandement de justice (Cout. instit. Anjou Maine B.-B., t.2, 1437, 489). ...la ou il apperra esvidanment homicides, traysons ou aultres griefz, violences ou malefices (LA SALE, Salade, c.1442-1444, 208). Et j'en ay veu plusieurs eschaper par telle violance et souvent je ay accusé de homicide ceulx qui les gardoient quant ilz ne me laissoient faire et plusieurs en estoient guaris (GORDON, Prat., c.1450-1500, II, 13). ...attendu que ledit procès principal estoit contesté et que, après contestacion en la court dudit seneschal de Xaintonge, estoit acoustumé faire eslargissement à tous ceulx qui demandoient l'enterinement de lettres de grace et remission en cas de omicide. (Doc. Poitou G., t.10, 1462, 348). ...en cas toutes voies que il n'apparra deuement aux keuriers que le dit homicide est casuel et advenu par telle maniere qu'il n'estoit ne pensée ne vraysemblable que le dit cas d'homicide devist ou pevist advenir, en quel cas le meffaiteur fera paix à partie intéressée et aux parens du mort et l'amendera au seigneur de soixante s. (Hist. dr. munic. E., t.1, 1469,,, 251).

-

Avoir esté à un homicide. "Avoir participé à un meurtre" : ...comme Guion Pevrier, de Conne sur Loyre, ait esté accusé par un homme appellé Jehanin du Char, qui par ses demerites fu executés à Lille soulx Monreau, en Bourgoigne, d'avoir esté à un homicide et à pluseurs autres malefices (Doc. Poitou G., t.2, 1348, 412).

-

Faire / perpetrer (un) homicide : ...car bien est verité que couchier aveques la femme son voisin et ferir son prouchain et donner de sa main argent pour faire homicide, teles choses sont faites de legier et sont en la puissance des gens. (ORESME, E.A., c.1370, 321). O quans en y a qui en la nef francoise perpetrent cestui homicide et si n'en feront ja conscience. (Songe verg. S., t.1, 1378, 151). Il samble que champ de bataille soit lisible en aucuns cas : primierement, quant aucun fait un homicide durant la paix, car il doit mourir se il ne se puet purgier en champ de bataille (Songe verg. S., t.1, 1378, 353). ...fu attaint et fait venir des prisons où il estoit Jehan de La Ramée, prisonnier detenu oudit Chastellet, pour souspeçon d'estre consentant, confortant et aydant de l'omicide fait et perpetré en la personne de feu Jehan de Criquetot (Reg. crim. Chât., I, 1389-1392, 406). Requis se du roy il ot oncques grace ou remission des homicides par lui faiz, commis et perpetrez ès personnes de messire Estienne Laisné, promoteur de la court de l'official, et Thevenin Le Moine, sergent du guet (...) dit et par serment que oncques n'ot remission du roy et que d'iceulz homicides il a esté purgiez, comme clerc non marié qu'il estoit lors, par monseigneur l'evesque de Paris comme son juge ordinaire, et desquelz il a purgacion. (Reg. crim. Chât., II, 1389-1392, 490). ...un voiage qu'il fit, par l'ordonnance de madicte dame et de mondit seigneur le duc, son filz, devers le conte de Foix et plusieurs autres seigneurs du pais du Daulphiné, leur porta lettres closes de par madicte dame et mondit seigneur pour eulx adherer et emploier avec eulz à la vengence et pugnicion de l'omicide traicteusement perpetré en la personne de feu mondit seigneur (Comptes Etat bourg. M.F., t.2, 1419, 354). PILATE. Je vorroy Barraban pugnir, Aultre fois a fait homicide En ceste cité, dont je cuide Que par son col le feray pendre. (MARCADÉ, Myst. Pass. Arras R., a.1440, 90). Tu ne feras point omicide. (LA SALE, J.S., 1456, 37). Les citéz de refuge estoient ordonnees par Moyse, ausquelles s'enfuioient ceulz qui avoient fait homicide, esquelles ilz estoient asseuréz. (Somme abr., c.1477-1481, 125).

-

Homicide volontaire : Car une espece de causes homicidialz est des homicides qui sunt faiz par premeditation ou a guet appensé, l'autre d'omicides voluntaires faiz par chaleur et par hastiveté (ORESME, Pol. Arist. M., c.1372-1374, 201). Et se vous me dittes que cez textes, cy dessus allegués, si pallent d'omicide voluntaire, mez ceste maniere de champ de bataille dont nous pallons si depent de la disposicion de nature et, ainssi, ce ne vient mie de pure et franche volanté, mez par contrainte de l'ynclinacion naturele (Songe verg. S., t.1, 1378, 349). ...pourveu toutesvoyes qu'il n'ait, en sa personne, fait ou commis ravissement de femmes ou de filles, violences d'eglises, omicide voluntaire sur nos subgiez, ne bouté feu (Doc. Poitou G., t.8, 1446, 296).

Rem. Dict. encyclop. du Moy. Âge, t.1, 1997, 738 (Claude Gauvard).

B. -

P. ext. "Mort d'homme"

Rem. Scheler, Gloss. Geste Liège, 67 (II, 7698, Tout par ["à cause"] les hommes chides [l. hommechides] de la grant pestilenche Qu'il avient à Lonchin).

C. -

Au fig.

-

Homicide espirituel. "Fait de causer un grave préjudice moral" : La tierce maniere si est homicide espirituel, qui fort desplaist a mon Pere, c'est assavoir occire l'omme par detraction et lui oster sa dignite et sa bonne renommee, dont aucunesfoiz cellui qui sera ansi diffame en mourra de douleur ou par adventure en sera occis de ses ennemis. (MÉZIÈRES, Songe vieil pèl. C., t.2, c.1386-1389, 151).