"Celui qui fabrique et entretient les horloges, horloger" : Et pour ce que li orloges ne poet Aler de soi, ne noient ne se moet, Se il n'a qui le garde et qui en songne, Pour ce li fault a sa propre besongne Un orlogier avoir, qui tart et tempre Diligamment l'aministre et attempre, Les plons relieve et met a leur devoir, Et si les fait rieuleement mouvoir, Et les roes amodere et ordonne, Et de sonner l'ordenance lor donne. Encores met li orlogiers a point Le foliot, qui ne cesse point, Le fuiselet et toutes les brochetes Et la roe qui touce les clochetes. Dont les heures, qui ens ou dyal sont, De sonner tres certainne ordenance ont, Mes que levee a point soit la destente. Encores poet moult bien, selonc m'entente, Li orlogiers, quant il en a loisir, Toutes les fois qu'il li vient a plaisir, Faire sonner les clochetes petites Sans desrieuler les heures dessus dittes. Selonc l'estat dont j'ai parlé premiers, Souvenirs doit estre li orlogiers. (FROISS., Orl., 1368, 105).