| 116 exemples | | 1 | Il convient de neccessité, Pour garder pais et amité, Qu'elle soit toudis sus sa garde Pour mesdisans et qu'elle garde Que trop ne soit large en ottry, Car là doit on mettre detri, Qu'elle aime honeur et doubte honte (MACH., Compl., 1340-1377, 268). | |
| 2 | ...tout einsi truis Que Fortune par ses conduis Monte l'un, l'autre avale, et puis Rien n'i aconte A roy, a duc, a per, n'a conte : L'un donne honneur, et l'autre honte ; L'un desgrade ; l'autre seurmonte ; C'est ses deduis ; Tout orgueil amolie et donte. (MACH., R. Fort., c.1341, 36). | |
| 3 | Le cueur, qui des membres est sire, Peut bien esmouvoir et contraindre La main de la complaincte escripre, Ou la bouche doulcement dire Son piteux cas, sans honte craindre. (Narcissus, p.1426, 287). | |
| 4 | Feray je telle destinee De faire honte a mon lignaige ? (Myst. jeune fille L., c.1413-1445 [c.1530], 21). | |
| 5 | Mez filz m'ait bien honni(r), dont bien me doit faire ante. (Lion Bourges K.P.F., c.1350, 33). | |
| 6 | En ceste gent dont je vous conte Demouroient Paours et Honte ; Car einsi com la fueille en tramble Contre le vent fremist et tramble, Leur trambloit li corps et les james En la presence de leurs dames (MACH., D. Lyon, 1342, 196). | |
| 7 | Il ha sept chiés, et vraiement, Chascuns à son tour contredit La grace, où mon vray desir tent, Dont mes cuers an doleur languit : Ce sont Refus, Desdaing, Despit, Honte, Paour, Durté, Dangier, Qui me blessent en l'esperit, Quant à ma dame merci quier. (MACH., Bal., 1377, 564). | |
| 8 | Honte est ly droit chief de valour Que soit en toute vassellage (GOWER, Miroir homme M., c.1376-1379, 139). | |
| 9 | ...mais a parler de Vergongne en ceste maniere [Aristote] ne la print pas pour vice, ains la prent pour paour de reproche et de reprehencion ou de estre repris de aulcun meffait. Et c'est ce que on appelle communement homte (LA SALE, Sale D., 1451, 197). | |
| 10 | Le petit Saintré, comme josne enfant, innocent et plain de honte, voult la boursse reffuser en disant : "Ma dame, je vous en remercie, ne vous desplaise..." (LA SALE, J.S., 1456, 50). | |
| 11 | ...mais sans honte et folement je me avanche et me moustre, prest a parler, hatif a enseignier, tardif a oïr. (DAUDIN, De la erudition H., c.1360-1380, 291). | |
| 12 | Ainssi font cheux qui sans honte moustrent leurs pechiés ou publient, selonc le dit de Ysaÿe ou .IIIe. chapitre : «Ilz ont preschier leurs pechiés comme Sodome et ne l'ont pas muchié». (DAUDIN, De la erudition H., c.1360-1380, 330). | |
| 13 | ...homme tenu et reputé sans verité, sans foy, sans honte et menant vie dont il estoit hays par tout son royaume (LA MARCHE, Mém., I, c.1470, 108). | |
| 14 | ...le deshonneur de l'un ne peut estre sans la honte de tous deux. [Dans un couple] (C.N.N., c.1456-1467, 562). | |
| 15 | Et brief, je puis dire de eulz ce que dit saint Bernard des Rommains, non pas des sages et vertueux du temps passé, mais de ceulz qu'il y trouva de son temps qui estoient la lye et la fange des bons anchiens, et dist ainsi qu'ilz sont sans honte a demander, legiers a refuser ce que on leur demande. (FILLASTRE, Traité Conseil H., c.1472-1473, 160). | |
| 16 | ...ilz lui enchargerent mout fort qu'il ne laissast point que, mardi prouchain, il ne feust devers eulx audit lieu, et leur apportast de leur droit d'icelle cendrée, XIX frans, et ilz lui feroient très bonne chiere et paieroient bon vin, disans qu'ilz avoient honte de porter vendre icelle cendrée, pour l'estat de leurs personnes, et que ceste courtoisie et amictié il leur voulsist faire. (Reg. crim. Chât., II, 1389-1392, 395). | |
| 17 | ...lors est bon que on se tourne a prier pour les mors, soit en son lit soit ailleurs, en disant Pater noster ou De profundis ; les lieux sont les moustiers et le cimitiere et sa chambre, qui a honte de plourer en publique, combien que David feist penitence publique pour soy humilier et monstrer bon exemple. (GERS., Déf., 1400, 234). | |
| 18 | ...car se elle a honte de bien faire, elle a honte de se sauver. (CHR. PIZ., Trois vertus W.H., c.1405, 39). | |
| 19 | Or voy que li roy et li conte, Li prince et li duc n'ont pas honte De vestir un povre pourpoint Qui leur est fais trop mal a point. (MACH., C. ami, 1357, 130). | |
| 20 | Et meismement n'aura mie honte la bonne dame de viseter elle meismes aucunes fois les hospitaulx et les povres a tout son estat (CHR. PIZ., Trois vertus W.H., c.1405, 38). | |
| 21 | ...tu en porteras la honte (CHASTELL., Temple Boc. B., 1463-1464, 141). | |
| 22 | Je suis infame Plus que autre femme - devant le monde ; Chascun me clame Et me reclame - putain immunde, Tant suis parfunde En toute onte, - que riens ne vaulx. (Pass. Auv., 1477, 151). | |
| 23 | Toutes fois il s'avise en tant Qu'il ne poet, la en combatant Encontre le dit chevalier, Point de son honte revengier, Mais accroistre assés le poet il. (FROISS., Méliad. L., t.1, 1373-1388, 172). | |
| 24 | LE ROY. (...) Se c'est voir, je feray a honte Tantost la royne morir. (Mir. femme roy Port., c.1342, 193). | |
| 25 | ... en tel guyse Que les evesques que le conte Guillaume a degradez a honte Resoient en leur estat mis (Mir. st Guill., c.1347, 12). | |
| 26 | ...un edit faire et un decret Que quincunques petition, Sacrefice ou oblation (...) A quelque dieu ou a quelque homme Fera, qu'a Daire seulement, Qu'il soit getés isnellement Ou mis en la fosse aus lions, De quelque estat que soit li hons, Pour li faire, sans demourer, Morir a honte et devourer. (MACH., C. ami, 1357, 36). | |
| 27 | Car par ma foy, mieus ameroie, S'empereres ou rois estoie, Despendre tout en bonne guerre, Qu'on me tollist un piet de terre, Car tout prince desherité Vit a honte et a grant vilté. (MACH., C. ami, 1357, 126). | |
| 28 | Faux glos, dist Charlez, tu resemble le pourceil qui n'est oncquez aise sy ne gist en l'ordure ! Tu ois l'amour en honneur, a joye et a prouffit, du bon Danois, se ne le peu[s] tenir, ains l'as perdue a honte et par trahison. (JEAN D'OUTREM., Myr. histors G., a.1400, 110). | |
| 29 | Lors li roys Guillaume manda Et le fait li recommanda Ou gisoit s'onneur et sa honte. Mais pas n'en vueil tenir lonc conte, Pour au droit propos revenir Douquel me doit bien souvenir. (MACH., D. Aler., a.1349, 316). | |
| 30 | Et ainsi ceste tour bastirent Li geant, qui puis s'en partirent A honte et a confusion (CHR. PIZ., M.F., II, 1400-1403, 151). | |
| 31 | S'a honte viz, te dois tu doncques plaindre ? (VILLON, Poèmes variés R.H., c.1456-1463, 64). | |
| 32 | ...riens n'y font repentailles C'on n'en meurre a honte et diffame (VILLON, Test. R.H., 1461-1462, 129). | |
| 33 | Qu'esse d'un maulvais garnement Que maleur et orgueil surmonte, Aussi maulvais gouvernement, Tant qu'il luy fault mourir a honte ? Ung fol, comme on dit en ung conte, Jamais son bon sens n'apperçoit Tant que sa folye le dompte Ou c'un bien grant mal en reçoit. (LA VIGNE, S.M., 1496, 320). | |
| 34 | Et mieulx vault a honneur mourir Qu'a honte fuïr et courir (CHR. PIZ., M.F., III, 1400-1403, 91). | |
| 35 | ...par honeur faisoit ce que pour honte oncques puis ne laissa. [Pour sauver son abbesse malade le couvent s'est converti à la débauche] (C.N.N., c.1456-1467, 144). | |
| 36 | Si que, ma dame, S'espris m'avez de l'amoureuse flame, Plus ne desir pour le corps et pour l'ame, Car je n'en puis avoir honte ne blame : Tant estes monde Qu'en Ynde n'a si precieuse jasme De vo douceur vaurroit mieus une drasme Que tout le miel et le sucre et le basme Qui est en monde. (MACH., Compl., 1340-1377, 261). | |
| 37 | Aussi bien dame disposée De maintieng courtois et honneste, Attraians de joie et de feste Ou elle ne puet avoir honte, On en tient meins, present li, compte, Qu'on ne fait autre part assez. (MACH., D. Aler., a.1349, 351). | |
| 38 | Aucuns homs sara que sa fame Se gettera en un diffame Par sa folie et son outrage, Dont elle ara honte et damage, Ou d'un amant sa bien amée Qui porra estre diffamée Par la maniere devant dite Que j'ay en sousposant descrite. (MACH., D. Aler., a.1349, 388). | |
| 39 | S'en compteray un petit compte Qui vous fera avoir grant honte, Et a ma dame grant honnour, Et grant clarté a mon signour, Dont il verra plus clerement Comment vous errez folement. (MACH., J. R. Nav., 1349, 201). | |
| 40 | LA MARQUISE. Certes, vous ne me pourriez Monstrer que ce soit cy amour, Mais grant honte et grant deshonnour (Mir. marq. Gaudine, 1350, 133). | |
| 41 | Quant li chevaliers l'entendi, A po li cuers ne li fendi, Car il ot paour que sa dame Honte pour li n'eüst ou blasme. Si dist : "Amis, foy que li doy, Avuec l'anel ara mon doy, Car ja par moy n'en partira." Si que lors un coutel tira, Son doy copa (MACH., J. R. Nav., 1349, 236). | |
| 42 | Quoi qu'il en aviegne, Tout y ariens honte et diffame, Se par le consel d'une fame Nous couvenoit user, qui sommes Tant de nobles et vaillans hommes, Et nos consaus ne fust oïs. (FROISS., Pris. am. F., 1372-1373, 121). | |
| 43 | Et demander de couvoitise Est engenrez contre franchise ; N'on ne doit pas si haut monter Qu'on ait honte dou desvaler, Eins doit on le moien eslire, Car meintes fois ay oï dire, Qui plus haut monte qu'il ne doit De plus haut chiet qu'il ne vorroit. (MACH., R. Fort., c.1341, 139). | |
| 44 | Mais a l'asnier dis assez honte Et de mon hostel le mis hors. (Mir. mère pape, c.1355, 406). | |
| 45 | LE ROY. Alons men ; puis qu'en prison est, Je li feray honte et annuy (Mir. Barl. Josaph., c.1363, 278). | |
| 46 | Si vous pri, biau filz, pour le miex, Dites tout et n'y faites compte : Ainsi ferez au dyable honte, Et les anges esjoirez, Et ainsi vous vous sauverez (Mir. emper. Romme, 1369, 307). | |
| 47 | ...maint grant maistre deceu En ont esté, et mis a honte Pourcequ'il ne tenoient compte De Raison ne ses fais ensuire (JACQUES BRUYANT, Voie pauvreté richesse P., 1342, 27). | |
| 48 | LA MARQUISE. (...) Ainçois vous di, si ait Diex m'ame, Qu'a honte sui et a diffame A tort menée. (Mir. marq. Gaudine, 1350, 163). | |
| 49 | Quant Hanibal ot finee sa raison, li aveugle, cui Dieu doint male honte, se presenta et se mist devant le seneschal et dist : ... (Bérinus, I, c.1350-1370, 83). | |
| 50 | ...et puis porta les clefs au chastelain, a qui Dieu doint male honte (Bérinus, II, c.1350-1370, 95). | |
| 51 | Se tu t'armes, en aventure Seras d'estre a desconfiture ; Car teles gens ne doubtent honte Et si ne scevent qu'onneur monte. S'il te meschiet, ne te saroient De riens aidier, qu'il ne porroient. (MACH., C. ami, 1357, 118). | |
| 52 | Nostre sire leur envoit honte. (LA BUIGNE, Rom. deduis B., 1359-1377, 189). | |
| 53 | Et li Sarrazin ensement S'estoient tout premierement Mis de la plainne en la montaingne ; Honte et mescheance leur veigne, Car ce sont gent qui trop nous héent, Et qui à nous destruire béent ! (MACH., P. Alex., p.1369, 148). | |
| 54 | Male honte ait le chevalier qui se depart de la bataille ains la fin de victoire, car a ceulz apertient la couronne de laurier qui perserverent. (CHR. PIZ., Trois vertus W.H., c.1405, 8). | |
| 55 | Chascuns parle de divers gieux jouer, De cliner l'oeil, de porter male honte... (DESCH., Oeuvres Q., t.5, c.1370-1407, 54). | |
| 56 | ...il gastent leur vie, la quelle il demainent toute en grans desconvenues, chetivetéz et folies, viltéz et pechiés et hontes. (FOUL., Policrat. B., I, 1372, 111). | |
| 57 | ...s'ilz fussent arrivéz ung mois plus tost, les maulx et hontes qui leur advindrent, comme entendrez, ne leur fussent point advenues ne les divisions (COMM., III, 1495-1498, 255). | |
| 58 | Si ne te dois pas desconfire Einsi, ne toy mettre a martyre, Car c'est grant honte et grans deffaus (MACH., R. Fort., c.1341, 58). | |
| 59 | Mieus t'en ameront ti amy ; Aussi feront ti anemy, S'on te voit sans desconfiture ; Car c'est grant honte et grant laidure A prince qui se desconforte. (MACH., C. ami, 1357, 63). | |
| 60 | Et s'homme y a qui les efforce Ou qui les vueille penre a force, Fay justice, et on s'en tenra, Et par Dieu, grans biens t'en venra, Car c'est deshonneur et grant honte A un prince qui tant s'ahonte Qu'il sueffre tels gens en sa route Et tel meffait, et ne fay doubte Qu'en ce cas en ta sauve garde Doivent estre. (MACH., C. ami, 1357, 121). | |
| 61 | Et si avez (...) Grans heritages a tenir (...) et certes grant honte Sera a vous se les laissez (Mir. chan., c.1361, 143). | |
| 62 | Souvent honneur amaine a honte. (Mir. emper. Romme, 1369, 292). | |
| 63 | ...et dit que ce sera honte à la Court, se la chose n'est jugée et expediée. (BAYE, I, 1400-1410, 164). | |
| 64 | Car quant elle se vit a gast, Honte lui fut de retourner (Mir. mère pape, c.1355, 387). | |
| 65 | Toutes gens de piet demourerent En Chypre, et le païs garderent, Car honte est de perdre sa terre, Pour aler une autre conquerre (MACH., P. Alex., p.1369, 59). | |
| 66 | Or regardons que nous ferons, Et se nous les assauterons ; Car hontes seroit de partir Sans eaus penre, ou sans assaillir : Et pour ce à vous tous m'en conseil. (MACH., P. Alex., p.1369, 80). | |
| 67 | Et ne cuide point nulle, tant soit grant maistresse, que ce soit honte ne contre son estat d'aler devotement et humblement aucunes fois visiter les pardons, les eglises et les sainctes places (CHR. PIZ., Trois vertus W.H., c.1405, 39). | |
| 68 | ...et seroit honcte a moy (...) resider en ce pays de Libie sans acomplir mon voyage (Eneydes, 1483. In : Chrestom. R., 233). | |
| 69 | Tiercement de tant que nostre Seigneur a receu plus de honte et de indignité pour nous, de tant luy devons nous plus de louange et gloire. (GERS., Noël, p.1404, 296). | |
| 70 | ...en mentant me dis(t) honte ["c'est une insulte que de me mentir"] (JEAN D'OUTREM., Myr. histors G., a.1400, 47). | |
| 71 | ...ilz se vouldrent prendre au marchant, et luy dirent autant de honte qu'oncques saint Pierre eut d'honneurs (C.N.N., c.1456-1467, 384). | |
| 72 | Rois, or saches certeinnement Que Daniel communement Aoure son dieu a genous Trois fois le jour. Chascun de nous Le scet, l'a veü, l'a prouvé, Et tantost li avons trouvé, Et nous t'en portons tesmognage De ce despit, de cest outrage, Qu'a ta loy nulle riens n'aconte, Et si vous fait despit et honte. (MACH., C. ami, 1357, 39). | |
| 73 | Elle [l'épée] vaint et donne victoire, Honneur et honte, enfer et gloire. Et si signefie conqueste, Qui est chose belle et honneste. Car quant uns haus princes conquiert Par l'espée, gloire en acquiert, Honneur et profit tout ensamble (MACH., P. Alex., p.1369, 15). | |
| 74 | Je suis cy venus pour vous deslivrer dez servages ou vous estes, et vous me faictes tel honte ? (Chev. papegau H., c.1400-1500, 7). | |
| 75 | ...donnez nous voye que la puissions avoir ; aultrement vous ferons honte et blasme, car en publicque ycy nous l'amerrons, et chacun de nous quatre en fera son bon plaisir. [Quatre ribauds demandent à un aubergiste de leur livrer une jeune fille logée chez lui] (C.N.N., c.1456-1467, 549). | |
| 76 | À ceste cause il fut envoyay par icelui Xerxes amasser gens et navires, pour venger la honte que les Grecs avoient faicte à son pere (SIMON DE PHARES, Astrol., c.1494-1498, f° 46 v°). | |
| 77 | DEUXIESME BARON. Il dit voir ; j'en scé bien tielx six [preudommes] Et plus, dont on faisoit grant compte, Qu'il a destruit et mis a honte. (Mir. Rob. Dyable, c.1375, 15). | |
| 78 | Je ne vous voeul pas mettre en compte Murdres, sacrileges, pillages, Ne pucelles mises a honte (MARTIN LE FRANC, Champion dames I-II, P., 1440-1442, 106). | |
| 79 | LA FILLE. (...) Dame, conment me cheviray ? Se le roy me treuve, j'aray Honte du corps, j'en ay grant doubte. (Mir. fille roy Hongrie, c.1371, 77). | |
| 80 | E ! Diex, mon cuer pourquoy ne part Et créve afin que je morusse, Si que plus honte ne beusse Du grant meschief ou je me voi ? (Mir. femme, 1368, 211). | |
| 81 | Qui a toutes ses hontes beues, Il ne lui chault que l'en lui die, Il laisse passer mocquerie Devant ses yeulx, comme les nues. S'on le hue par my les rues, La teste hoche a chiere lie. (CH. D'ORLÉANS, Rond. C., 1443-1460, 405). | |
| 82 | En l'an de mon trentiesme aage, Que toutes mes hontes j'euz beues... (VILLON, Test. R.H., 1461-1462, 23). | |
| 83 | Et quant au pais sont tournez [après toutes sortes de voyages], Se tiennent si mal atournez De scavoir qu'on ne tient d'eulx compte, Dont il fault qu'ilz beuvent le honte (RIVIÈRE, Nef folz D., 1497, 175). | |
| 84 | Car il n'i avoit Sarrazin Qui ne deïst à son voisin, En soupirant, s'on en parloit, Que ceste pais riens ne valoit, Et que tout estoit deshonneur Et grant honte pour leur signeur. (MACH., P. Alex., p.1369, 186). | |
| 85 | Quant li prince vuet guerroier Pour aucunne honte vangier [var. aucun honte revengier], Moult saigement le doit empranre. (DUPIN, Mélanc. L., c.1324-1340, 83). | |
| 86 | De tropt grant fait se vuet chargier Qui touz ses honte [var. toutes ses] vuet vangier. (DUPIN, Mélanc. L., c.1324-1340, 186). | |
| 87 | Quar tiex sa honte souvent croit Qui la cuide vengier [en se défendant mal] (Best. lap. Rosarius S., c.1330, 134). | |
| 88 | Si nous volons vivre en leësse, En pais, en repos, en richesse, De tout ce qu'on puet faire et dire, N'en mettons a nos cuers point d'ire, Et ne nous chaille dou dangier Qu'on appelle contrevangier, Car tels cuide vangier sa honte Qui l'acroist et qui plus s'ahonte. (MACH., J. R. Nav., 1349, 178). | |
| 89 | Mais, si comme le proverbe dit : Tel cuide vengier sa honte qui l'accroist. (ARRAS, c.1392-1393, 70). | |
| 90 | Mais tel cuide se honte vengier aulcune fois Que plus le multeplie (Cip. Vignevaux W., p.1400, 163). | |
| 91 | Tel cuide aucuneffois vengier sa honte qui aincoires l'augmente et l'accroist. (Percef. III, R., t.1, c.1450 [c.1340], 296). | |
| 92 | Tel cuide vengier sa honte qui la double (Percef. III, R., t.3, c.1450 [c.1340], 29). | |
| 93 | ...qui cuident venger leur honte, et ils accroissent leur deuil. (CHASTELL., Chron. K., t.5, c.1456-1471, 321). | |
| 94 | ...entre toutes choses il li desplaisoit qu'il estoit chauve et pellé et li desplaisoit quant on li disoit, et tant que les cheveus de derriere il retournoit par devant pour couvrir sa honte. (FOUL., Policrat. B., III, 1372, 243). | |
| 95 | ...afin que elle peust faire et acomplir ses voulentez et plaisirs, et afin d'avoir très-grant honeur et prouffit en ce monde, et pour ce que elle craingnoit et doubtoit plus la honte et deshonneur de ce monde que celle de l'autre, elle avoit donné audit Haussibut, pour venir en son ayde et secours, son arme et un des dois de sa main (Reg. crim. Chât., II, 1389-1392, 290). | |
| 96 | Nous dormons, et nos annemis Ne dorment pas, mais toudis veillent, Et de nous grever se traveillent. Si ne devons mie dormir, Ne nous à tel sejour tenir ; Eins devons toudis travillier, Quant einsi les veons veillier, Pour eaus porter honte et damage, Car il tiennent nostre heritage. (MACH., P. Alex., p.1369, 112). | |
| 97 | Se ceulz ausquelz je sers ont mal ou dommaige, bien leur en conviengne ; telle me vuellent, telle me trouveront, ou autrement tantost me chasseroyent dehors a honte et dommaige. (GERS., Noël, p.1404, 305). | |
| 98 | Et quant Amours t'a mis en sente De sa bonne grace esperer, Tu ne te dois pas desperer Pour un petit de mesprison, Car mauvaistié ne traïson N'i ot, quant a la verité, Fors paour, honte et nisseté Avec Amours qui s'i mesla, Quant servis fus de ce mès la Qui te mist en cuer l'apostume Dont ta douceur en amer tume. (MACH., R. Fort., c.1341, 60). | |
| 99 | Cuides tu que dame honnourée, Sage, loial et avisée, Prise celui qui s'amour rueve Par mos polis, pleins de contrueve, Et qui, en priant, son langage Farde pour mieus faire le sage, Ou qui la requiert baudement De s'amour, et hardiement ? Certes, nennil ! Ce ne puet estre, Eins laisse tels gens a senestre Com celle qui riens n'i aconte. Mais il n'ont vergongne, ne honte, Ne courrous, s'il sont refusé ; Car si mauvais et si rusé Sont qu'il ne doubtent ce qu'on dit A eaus, quant on les escondit (MACH., R. Fort., c.1341, 63). | |
| 100 | Secondement que les povres ne doyvent point avoir de honte de leur povreté, ne les riches orgueil de leurs richesses (GERS., Noël, p.1404, 296). | |
| 101 | ...ainsi animé et aguillonné de honte et de desir, il reprend la levriere par les oreilles (C.N.N., c.1456-1467, 195). | |
| 102 | Si tost que mengié ot la pomme, De sa femme ot grant onte l'homme. (Renart contref. R.L., t.1, 1328-1342, 70). | |
| 103 | Et pour ce doivent avoir grant honte et grant confusion ceulx qui s'enorgueillissent de leur parentage (Mir. st Val., c.1367, 122). | |
| 104 | "...j'en doy avoir la moitié et vous autant. - Comment osez vous demander, dist l'autre, plus que vous n'avez deservy ? Avez vous point de honte ?..." (C.N.N., c.1456-1467, 523). | |
| 105 | BURGIBUS [à saint Martin]. (...) N'as tu honte, par ton serment, Quant tu voy tes moynes meffaire, De si tost et legierement De leurs pechez pardon leur faire ? (LA VIGNE, S.M., 1496, 484). | |
| 106 | ...a la perpetuelle honte et diffame du peuple françois (CHART., Q. inv., 1422, 28). | |
| 107 | ...j'ay veu du ciel Que Guillaume de Poitiers conte A au cuer de ses meffaiz honte (Mir. st Guill., c.1347, 24). | |
| 108 | J'ay ci devant tenu mon conte, Dou quel je ne doy avoir honte, Car c'est sans nul villain excès, Et s'en sui encor en procès, D'un oisel qui est renommez Et est alerions nommez. (MACH., D. Aler., a.1349, 301). | |
| 109 | Honte avoir doy bien et vergongne Des grans mesfaiz et des meschiez Que je sui de faire entechiez. (Mir. Rob. Dyable, c.1375, 26). | |
| 110 | Et n'a point honte de mentir (FOUL., Policrat. B., III, 1372, 212). | |
| 111 | Ha dea ! vecy pis que raige ! Seigneurs, or escoutés les comptes De ces ribaulx, qui n'ont point d'hontes De parler a nous fierement. (Myst. st Adr. P., c.1450-1485, 79). | |
| 112 | De me conbatre n'ay pas onte ! (Pass. Auv., 1477, 204). | |
| 113 | N'avés vous onte, Dictes, Marie, En si grand unde - malencolie [l. malenconie] Monstrer ? La vie Tantost perdrés, Je vous affie, - pour voz regrés. (Pass. Auv., 1477, 240). | |
| 114 | J'ay grant honte d'avoir onc plaidé cause De matiere de si grant horreur plaine. (Cene dieux, c.1492, 116). | |
| 115 | ...car le vercundeus a honte de ce que il a fait mal. (ORESME, E.A.C., c.1370, 274). | |
| 116 | LA FILLE. (...) je voy que par ma folie J'ay fait honte a tout mon lignage ; Car j'ay donné mon pucellage A tel qui n'a ne sens n'avoir (Mir. Theod., 1357, 103). | |
|
