A. - | "Mettre en forme, rédiger l'original, faire la grosse d'un acte officiel (compte, pièce de procédure, lettre...)" : ...Garrigues dist (...) qu'il l'en avoit bien blasmé son complice et repris des faussetez dudit procès, avant qu'il fust onques grossez ([Conf. Jug. Parlem. Paris L.L., 1348, 178]). Et comant lidit Estene est trapassez de cest siegle devant ce qu'il heüt groissez ou saigniez ycés lettres et mis en forme dehue pour ce a l'instance de ces cui il appartient, nous de nostre office et auctoritez ordenaire havons commis et fait grosser et metre en forme ces lettres ou testament ([Test. Besanç. R., t.1, 1349, 393]). ...nous plaist que tous les instrumens, lettres et autres munimens, que les dis freres ou l'un d'eulx diront ou affermeront par leurs seremens estre perdus, facent refaire et grosser par les notaires et tabellions qui autres fois les ont fais, selon la fourme et teneur de leurs papiers et registres ([Doc. Poitou G., t.4, 1372, 128]). Et pour ce que cest mien present testament vaille et qu'il soit tenus et gardex fermement a ung chascung de ceux a qui ill appartient, je vuis et ordene qu'il soit fais et grossiés en romant par le notaire cy desos escript ([Test. Besanç. R., t.1, 1372, 463]). Après toutes ces ordenances faites et ceste chartre de la paix grosée et seellée, elle fu leute et publiie par devant les parties. ([FROISS., Chron. R., XI, c.1375-1400, 309]). ...je vueil tout premierement que les convenances et ordonnances soient si fermement prises, escriptes, grossées, tabellionnées et scellées, que jamais en ruine ne en debat de touttes parties elles ne puissent enccoir ne venir ([FROISS., Chron. M., XIV, c.1375-1400, 149]). Et grossera le commissaire, là où mieulx lui plaira, à ses despens, la dite enqueste. Et sera paié de la grosse d'icelle par ceste maniere : c'est assavoir d'un chascun pié d'escripture du long escript, sanz fraude, 1 gros et demi. ([Cout. bourg. glosé P.M., c.1380-1400, 172]). LE GROSSAIRE DU PAPE. (...) ja [les bulles] sont faittes et grossees Et en las de soye sellees. Vez les ci, mon seigneur, tenez ! ([Gris., 1395, 74]). À Malelime, notaire de Chastellet, pour faire III vidimus (...). Item, pour faire grosser une quittance que ledit viconte fist à part du fait dessusdit, seellée de son seel : 2 s. 6 d. t. ([RAPONDE, Comptes La Trémoille L.T., 1396-1406, 47]). À Jehannin Grimoart, clerc, pour sa peine et salaire d'avoir minué en papier ces présens comptes et yceulx grossez deux foiz en parchemin... ([RAPONDE, Comptes La Trémoille L.T., 1396-1406, 119]). Il fist escrire tantos une lettre qui contenoit auques la maniere dou sauf conduit, et puis le bailla au chevalier, et li dist : "Cambeli, tenés, qant vous venés par de dela, si le faites, par un clerc qui s'i congnoise, groser sus la fourme et ordenance que on a en France..." ([FROISS., Chron. D., p.1400, 753]). ...lequel arrest fu grossé deux foiz et baillié aux gens dudit marquiz, signé du seing dudit de Cessieres. ([BAYE, I, 1400-1410, 4]). À Oddot le Pediet, clerc, demourant en la ville de Dijon, pour avoir minué et grossé jusques au nombre de XL lettres de mandement de MdS ([Comptes Lille L., t.1, 1416, 102]). À Andrieu de La Vaquerie et Jehan du Chesne, clers de maistre George de La Boede, secretaire de mondit seigneur, la somme de vint cinq escuz dudit pris, pour leur paine et salaire d'avoir minué en papier, grossé en parchemin, et registré en un registre de papier pluseurs grans lettres patentes d'icelui seigneur donnees et faictes en certains blans pour la seurté de certaines villes, renneurs, receveurs et fermiers de Flandres ([Comptes Etat bourg. M.F., t.3, 1418-1420, 675]). ...et les registres de là en avant (...) lui avoient esté bailliez en minues de papier, sans ce que aucuns feussent grossez, pour ce, comme disoient lesdiz clers, que ledit maistre Clement n'avoit peu avoir parchemin pour ce faire. ([FAUQ., III, 1431-1435, 173]). ...il escripvy audit monseigneur de Bourgoigne unes lettres, par le conseil dudit seneschal, pour tousjours mieulx entretenir ledit Bourgoigne, dont il reteint la minute, laquelle, avant qu'elle feust grossée, ledit seneschal vit tout du long. ([ESCOUCHY, Chron. B., t.3, Pièces justif., 1448, 333]). Premierement, pour avoir escript et grossé le testament du dict deffunct soubz le scel aux causes de la dicte eglise, minué, grossé et doublé ces presens comptes et l'inventoire... ([Invent. test. beauv. L., 1453, 85]). ...pendant lequel temps les comptes dudit Huguet, qui vint audit lieu de Paris furent grossés et mis au nect ([Aff. Jacques Coeur M., 1453-1457, 121]). ...et aussi que lesdits notaires n'ayent à grosser ou faire grosser les instrumens par eux receus, ne pareillement leurs subrogez, sinon que expressément ils en soient requis par les parties ([Ordonn. rois Fr. B., t.14, 1456, 399]). ...nous (...) avons grossé tous lesdis articles en deux cahiés de parchemin bien faiz selon lesdis memoires, et aussi les vidimus, et renvoyé a Paris par devers maistre Jehan Roudet, solliciteur ([Trés. Reth. L., t.3, 1456, 359]). Lequel suppliant envoya querir ung nommé Thibault Legendre, auquel il fist grosser ladicte minute en parchemin et en feist deux grosses, jasoit ce que ledit suppliant cuidast qu'il n'en eust fait que une. ([Doc. Poitou G., t.10, 1457, 35]). Je lui donne [à mon père adoptif, Guillaume de Villon] ma librarye Et le roumant du Pet au Deable, Lequel maistre Guy Tabarye Grossa, qui est homs veritable. Par cayeulx est soubz une table ; Combien qu'il soit rudement fait, La matiere est si tres notable Qu'elle admende tout le meffait. ([VILLON, Test. R.H., 1461-1462, 78]). |
