| 127 exemples | | 1 | Et a Sisiphus point ne grieve La grant roche pesant et grieve. (MACH., C. ami, 1357, 90). | |
| 2 | Item, j'ordonne a Saincte Avoye, Et non ailleurs, ma sepulture ; Et afin q'un chascun me voye, Non pas en char, mais en painture, Que l'en tire mon estature D'encre, s'il ne coustoit trop cher ; De tombel, riens, je n'en ay cure, Car il greveroit le plancher. (VILLON, Test. R.H., 1461-1462, 141). | |
| 3 | Le cas trop me griefve et escorche (Colin loue dép. Dieu T., c.1485, 172). | |
| 4 | Bien est verités que li arcier traiirent de commencement ; mès leurs très ne greva noient as François, car il estoient trop bien armet et fort. (FROISS., Chron. L., VI, c.1375-1400, 162). | |
| 5 | ...pour lui faire guerre, grever et dommagier à son povoir, lui, ses seignories, terres et subgiez (Ch. VI, D., t.1, 1387, 77). | |
| 6 | En ceste partie dit l'ystoire que la puissance du roy Solodus de Craquo fu moult grande, et n'osoit pas bonnement a plain le roy Fedric yssir. Non pour quant fist il mainte saillie sur les Sarrasins, ou il les greva moult, et y ot mainte grosse escarmouche, et presque tous les jours estoit la meslee a la barriere. (ARRAS, c.1392-1393, 180). | |
| 7 | Le roy Selodus fut moult courroucié de la response, et fait escarmouchier souvent et assaillir la cité et les descuere et griefve quanqu'il puet, car il voit et appercoit que ceulx de dedens se deffendent lentement ; et, se ne feust la doubte et crainte des nobles du pays qui la estoient, ilz se feussent rendus de fait. (ARRAS, c.1392-1393, 182). | |
| 8 | Cil roy Hanibal (...) Ala Rommains moult engoissant, Et encor, pour plus les grever, En leur terre les voult trouver. (CHR. PIZ., M.F., III, 1400-1403, 213). | |
| 9 | ...chil signeur de France se remissent ensamble pour avoir consel conment, ne par quel art ne maniere, il poroient le mieuls esploitier pour grever lors ennemis. (FROISS., Chron. D., p.1400, 661). | |
| 10 | ...lesdictes gens d'armes, qui s'estoient efforciez et efforçoient de entrer à Paris, vouloient grever et destruire les gens du duc de Bourgongne et bourgois de Paris. (FAUQ., I, 1417-1420, 131). | |
| 11 | Le prince qui vuelt estre emperreur par ceste deuxisme maniere, c'est assavoir sans ellection, lui fault estre sy tresfort et puissant devant la cité d'Aix en Allemaigne, que nulz ne le puisse grever ne deslogier. (LA SALE, Salade, c.1442-1444, 229). | |
| 12 | Et coustoit artillerie et equippage dudit duc de Bourgoigne, durant qu'il fut devant laditte ville, tous les jours, douze cens lyons d'or, et si avoit XII cens hommes d'armes à sa soulde. Et greva fort icelle ville et les habitans dedans, y donna et fist donner de grans et merveilleux assaulx, ausquelz il fist tuer grant nombre de gens de bien de sa compagnie, et si y perdit grant quantité d'artillerie. (LE CLERC, Interp. Roye, c.1502, 299). | |
| 13 | ...et, pour ce, le roy, voulant resister à leur mauvaise et dampnée entreprinse [des Anglais], et pour les grever et nuire en tout ce que possible seroit, mandoit audit connestable que par toutes villes, pays et lieux dudit royaume, es places où l'en a acoustumé de faire cry publique, il fist assavoir que tous nobles tenans du roy en fief et arriere fief, de quelque estat ou condicion qu'ilz feussent, feussent en armes et habillement (ROYE, Chron. scand., I, 1460-1483, 158). | |
| 14 | Assez souvent voit l'en cheoier Les orguilleux en grant poverte, Et en prent Dieu venjance aperte Pour les povres qu'il ont grevez (Tomb. Chartr. Dix-huit contes K., c.1337-1339, 24). | |
| 15 | Mieulx vault grever son ennemi que ce que on soit grevé de li. (FROISS., Chron. R., X, c.1375-1400, 50). | |
| 16 | Et li sieges se tenoit devant Thun l'Evesque et avoient li François siis grans enghiens jettans a la forterece qui moult les greva, car avoecques tout ce que la poissance et continuance des enghiens avoient abatu les tois et esfondut les planciers des tours et moult adamagiés les murs, leur jetoient chil de l'oost a lors enghiens, pour euls enpunasier, mors chevaus et mortes bestes. (FROISS., Chron. D., p.1400, 397). | |
| 17 | ...de jour en jour mectoient grant peine et faisoient diligence de grever ladicte ville, c'estassavoir de grosses bombardes, canons, bricoles et autres habillemens de guerre (MONSTRELET, Chron. D.-A., t.3, c.1425-1440, 6-7). | |
| 18 | Lesquelz Bourguignons recueillirent vigoreusement le roy et sadicte compaignie, car ilz s'estoient serrez en bataille et par ordre et leur artillerie aprestée, de laquelle ilz greverent fort les gens du roy et en tuerent plusieurs gens de bien et aussi de ceulx de la garde du roy, qui moult vaillamment s'i porterent et servirent bien le roy (ROYE, Chron. scand., I, 1460-1483, 66). | |
| 19 | Domicius Tribulo disoit que on devoit ainchoiz grever son anemy en toutes manieres et subtillitez d'engins, avant que y emploier ou exposer son corps. (LA SALE, Salade, c.1442-1444, 61). | |
| 20 | De tant comme celui qui fait aide la fait plus liberalment et senz estre requis, et de tant comme l'autre la reçoit plus vertueusement en ce que il ne vouloit pas requerir ne grever son amy. (ORESME, E.A.C., c.1370, 493). | |
| 21 | BRAYART. Ne vous chault, nous vous menrons bien : La voye est tres belle et pleine. LONGIS. En vouldrez vous prendre la peine Et, se grever ne vous cuidoye, Voulentiers m'y transporteroye (GRÉBAN, Pass. J., c.1450, 353). | |
| 22 | JOSEPH. Voicy des drappeaulx six ou sept, Tieulz que je les ay peu trouver ; Mettés en l'enfant sans grever (GRÉBAN, Pass. J., c.1450, 72). | |
| 23 | Et fisent tous à une fois desclicquer plus de trois cens canons, et tournèrent autour de ce plasquier, et misent ceulx de Bruges le souleil en l'ueil, qui mout les greva. (FROISS., Chron. R., X, c.1375-1400, 226). | |
| 24 | Ainsy despendit gramment Ogier a faire ces choses, maiz il avoit tant de tresoir du roy Ogier, son parin, que ce luy grevoit pou. (JEAN D'OUTREM., Myr. histors G., a.1400, 65). | |
| 25 | Et disoient que, dou temps passé et qu'il avoient obei au roy de France, il n'avoient esté grevé ne pressé de nul souside, imposition, fouage ne gabelle. (FROISS., Chron. L., VII, c.1375-1400, 67). | |
| 26 | Adont vesti mon vestement, Si m'atournay d'un atour simple, Touret de nes je mis et guimple, Pour le vent qui plus grieve a l'ueil En octobre que grant souleil. (CHR. PIZ., Chem. estude P., 1402-1403, 30). | |
| 27 | ...et fit un sault ou deux en l'air si ligier et si viste, que l'on veoit bien que harnois et habillement qu'il eust ne luy grevoit riens, et marchoit à l'encontre de sa partie moult vigoureusement. (LA MARCHE, Mém., II, c.1470, 71). | |
| 28 | Que vous grieve, ma dame, S'un franc cuer d'omme vous veult bien ? (CHART., B. Dame, 1424, 338). | |
| 29 | Que te grevoit [Mort] sa santé desirée En qui gisoit la vie bienheurée Et le salut de tant de nobles hommes ? (GRÉBAN (S.), Epit. Ch. VII, A., p.1461, 327). | |
| 30 | LE PRESTRE. (...) Veulx du donc vestir la haire Sans plus, (tout) au large de ton ventre ? RIFFLART. Nenny, dea, j'ay la chair trop tendre, Je seroye trop mal traicté, Elle escorcheroit mon costé. Par le(s) sainct(z) Dieu, j'ay grant merveille Qui vous a ce mis en l'oreille, Mais que vous griefve ma chemise ? (C. Riffl., c.1480-1520, 60). | |
| 31 | LE DRAPPIER. Vrayement, cest homme m'assotist. Alez devant. Sus ! je iray doncques Et le porteray [le drap]. PATHELIN. Rien quiconques ! Que me grevera il ? Pas maille. Soubz mon esselle ! LE DRAPPIER. Ne vous chaille ! Il vault mieulx, pour le plus honeste, Que je le porte. (Path. D., c.1456-1469, 76). | |
| 32 | Il ne s'ermoit que de satin, Tant craignoit a grever ses reyns. (Fr. arch. B., c.1468-1480, 36). | |
| 33 | De ces aides dou roiaulme de France, dont les povres gens sont tant travilliet et grevés, usés ent à vostre consience, et les hostés dou plus tost que vous poés (FROISS., Chron. R., IX, c.1375-1400, 283). | |
| 34 | ...on demande tailles sur tailles et aydes sus aydes, et si a esté le royaulme plus taillié et plus grevé de telz choses non accoustumées puis le couronnement du roy, que il n'avoit esté chinquante ans en devant (FROISS., Chron. M., XIV, c.1375-1400, 25). | |
| 35 | ...les deux princes (...) vivoient largement et honnestement du leur, sans grever ne travaillier leur peuple, ne de mettre nulles mauvaises ordonnances ne coustumes en leurs terres. (FROISS., Chron. M., XIV, c.1375-1400, 160). | |
| 36 | Puis que de tyrannie avons pallé, je vous pri, conment pourra le roy de France estre de tyrannie excusé, ne lez aultres princes seculiers, qui grievent leurs subjés par tailles, fouages, gabelles et imposicions, et en aultres aides imposibles a soubstenir ? (Songe verg. S., t.1, 1378, 229). | |
| 37 | ...il [le prince] a bien de quoy il puist resister a sez anemis sanz sez subjés grever ne tallier. (Songe verg. S., t.1, 1378, 232). | |
| 38 | ...car les povres gens ont assez à faire sans les grever de faire paier VJ solz pour grace à plaider par procureur (BAYE, II, 1411-1417, 199). | |
| 39 | ...il est expédient de adviser bonnes et souffisans personnes, aians gaiges raisonnables, pour, de vostre partie, avoir regard sur lesdiz prévostz fermiers sans grever les povres gens, en demandant amendes raisonnables. (Doc. 1412. In : MONSTRELET, Chron. D.-A., t.2 c.1425-1440, 330). | |
| 40 | Afin que nature ne soit grevee et chargiee de viande, et afin que les humeurs ne soient escommeües pour le labeur. (ORESME, E.A.C., c.1370, 535). | |
| 41 | Et certes, il n'est pas a oublier ne a laissier les perilz qui mainteffoiz a pluiseurs seigneurs sont advenus pour trop desordonneement grever leur peuple ; car peupple est de telle condicion que moult se tient agrevez seullement de leurs despences neccessaires. (LA SALE, Salade, c.1442-1444, 14). | |
| 42 | ...certains restes de raencons deuz au chastel de Saint- Sauveur (...) que Monseigneur fist lever par ses gens par le consentement de Jehan Cokingues, cappitaine de Saint-Sauveur, affin que le païz en fust moins grevé (Compte Navarre I.P., 1367-1371, 36). | |
| 43 | Vaz me tost, vaz sanz delaiance De Julien prendre venjance. Tu le doiz bien grever et nuire (Mir. emp. Julien, 1351, 196). | |
| 44 | ...ce nonobstant, ycellui deffunt print une fourche à fiens, et yssy en la rue, et d'icelle de rechief se efforça de ferir parmy le corps ledit Jehan Eutasse ; mais il ne pot, pour ce que il en fu destourné et que on lui osta. Et ce veu par ledit pelletier, il dist audit trespassé que puisqu'il vouloit grever son compere, il le comparroit ; et tenoit en sa main un baston de cotheret, dont il se efforça de ferir ledit trespassé ; mais il ne pot, pour ce que ledit baston lui fu osté par lui qui parle. Et de rechief en ala querir un autre, qui aussy lui fu osté ; car il se efforçoit d'en vouloir grever ledit defunt. (Reg. crim. Chât., I, 1389-1392, 412). | |
| 45 | PILATE. ...Mais, voicy, pour faire autrement, Ung bon moyen que j'ay trouvé, Ou il n'aura homme grevé (GRÉBAN, Pass. J., c.1450, 300). | |
| 46 | Sire compais, dist-il, je vous aciertefie C'un prince doit avoir en y ceste partie Qui me doit geurver et faire vilonnie (God. Bouillon R., t.2, c.1356, 19). | |
| 47 | Mais li a plus grevé cent tans Le veillier et le mauvais giste. (Mir. Theod., 1357, 115). | |
| 48 | Et sacent tout que, se il en sont negligent ou defallant, avoech le painne dessus ditte, nous leur ferons rendre les damages à tous ceulz qui par leur deffaute ou negligense aront esté grevés ou damagiés. (FROISS., Chron. L., VI, c.1375-1400, 50). | |
| 49 | ...nullement il ne devoient voloir ne consentir que li bons païx de Hainnau (...) fust molestés ne grevés par nulle voie quelconques. (FROISS., Chron. R., XI, c.1375-1400, 65). | |
| 50 | Alons-nous-ent, menons leurs chevaulx, nous ne les povons mieulx grever ne donner plus de paine que de eulx faire retourner à pié. (FROISS., Chron. M., XII, c.1375-1400, 291). | |
| 51 | Nous avons les yeux si grefvés Que a peine les pouvons ouvrir. (MICHEL, Myst. Pass. J., 1486, 284). | |
| 52 | Item, Perrotin de Cisternes, de Memac, qui plusieurs fois, ou nom et pour Gieffroy Teste-Noire, est alez ès bonnes villes enquerir des nouvelles et entreprinses que on faisoit contre ledit Gieffroy Teste-Noire, et les lui rapportoit, ou qui le vouloit chevauchier ou autrement grever, afin qu'il feist provision au contraire, et aloit descouvrir et chevaucher le pays quant lesdiz Gieffroy et Merigot vouloient chevauchier, et aussi leur rapportoit où ilz povoient mieulx faire leur prouffit. (Reg. crim. Chât., II, 1389-1392, 179). | |
| 53 | Et son fil, li dus Jehans de Normendie (...) resgna hausterement, et fist faire moult de crueuses justices en son temps. Par quoi li roiaulmes de France, par toutes ses parties, en fu si grevés et si batus et si persequtés, que .CC. ans a venir les traces i parurent (FROISS., Chron. D., p.1400, 594). | |
| 54 | L'un l'autre greva moult le jour (CHR. PIZ., M.F., III, 1400-1403, 83). | |
| 55 | ...et qu'il soit vray sans faille, ceste liberalité est tant noble que, quant elle vient de bon courage, elle fait plus joieux en la faisant cellui qui la fait que cil qui la reçoit ; avec ce, donner aux povres pour l'amour de Dieu et ne les grever, car ceste est l'espargne qui en sainte huche se met pour le temps à venir, si ne doit estre plaint, car mestier aura. (CHR. PIZ., P.V.H., 1416-1418, 36). | |
| 56 | Helas, oncques ne leur greva Le bon seigneur ne leur nuysi, Et si le toumentent ainsi (GRÉBAN, Pass. J., c.1450, 294). | |
| 57 | ...il n'est chose en ce monde plus cruelle ne plus grevant les personnes. (C.N.N., c.1456-1467, 560). | |
| 58 | SATHAN. (...) tous deux les emporteray En Enfer sans point de respit, Et pourchasseray (...). Ma raison totalle E(s)t plus principalle, C'est de les grever, Car leur face palle Pourchasseray malle. (Mir. st Nic. juif, c.1480-1500, 123). | |
| 59 | Pour quoy se tient il a greve [l. grevé] de rendre son .Xe. pour Dieu quant aucune foiz soudainement il pert tout, ou par tempestes ou par guerres ? (FERRON, Jeu eschaz mor. C., 1347, 223). | |
| 60 | Mort assourdie, Prompte a grever, a mal faire hardie... (GRÉBAN, Pass. J., c.1450, 339). | |
| 61 | Grant talent a de soy grever Qu'a tel court vuet de plait user (DUPIN, Mélanc. L., c.1324-1340, 69). | |
| 62 | Jamais ne me levay de table si saoul que mon ventre feust grevé (COLART MANS., Dial. créat. R., 1482, 24). | |
| 63 | ...qu'en effet il se grevast soy-mesme pour complaire à autrui, ce ne luy cheut oncques en coeur (CHASTELL., Chron. K., t.4, c.1456-1471, 411). | |
| 64 | LE CRESTIEN. Le juif ay si bien blasonné Et attiray tant en mes las, Au moyen de sainct Nicolas, Qu'il m'a presté cent escus d'or. (...) Il nous fault nostre estat refaire Et marchander comme devant. LA FEMME. Et se ce juif vient nous grevant ? LE CRESTIEN. Ung nego ne coustera gueres. (...) Oncques Pathelin affiner Ne peult son drappier si a point Que l'affineray, car a point Ay son or par pathelinaige. (Mir. st Nic. juif, c.1480-1500, 96). | |
| 65 | LE MARI. (...) Tant me tourmente et tant me greve La paine qu'il ly fault encourre. (Mir. enf. ress., 1353, 60). | |
| 66 | Doulx Diex, ce m'est le cuer grevant Que les gens de ce pais voy Vivre ydolatres sanz ta foy Tenir (Mir. Barl. Josaph., c.1363, 245). | |
| 67 | Onques riens tant ne me greva Com les menaces qu'il me dit, De quoy plourer forment me fist. (Mir. Amis, c.1365, 41). | |
| 68 | SATURNUS. Pugnir convient par esclipseux bissexte Le menstrueux et detestable inceste Dont genre humain est souillé maintenant. MARS. Affin que mieulx on les greve et moleste, Envoyés [leur] guerre, famine et peste Que de mil ung n'en demeure vivant. (Cene dieux, c.1492, 118). | |
| 69 | Avec Juno et la Mort vous commetz A tous humains subitement destruire, Et ne cessez vous et elle jamais De les grever et a tous les leur nuyre. Pour offrandes ne de suif ne de sire, D'or ne d'argent ne leur faictes support... (Cene dieux, c.1492, 139). | |
| 70 | ...Ses parens (...) En Jherusalem le perdirent [Jésus] (...) dont moult se greverent, Et finablement le trouverent Entre les docteurs disputant (GRÉBAN, Pass. J., c.1450, 136). | |
| 71 | ...si fu mont grevé Et marri de la mort son pere. (Vie st Evroul S., c.1350, 127). | |
| 72 | L'AVEUGLE. Cil qui Jhesus ce fait nommer, Que vous avez veu en mains lieux, Mist de la boue sur mes yeux Et m'envoya, sans moy grever, Es bains de Siloé laver. (Myst. Pass. Troyes B., a.1482, 452). | |
| 73 | ...laquelle nef ledit seigneur fait presentement mener et conduire dudit Rouen au havre de Harefleu, pour ilec estre effondrée, pour garder que les Angloys ne puissent venir à navire oudit havre, pour grever le siège que ledit seigneur fait presentement tenir devant ledit Harefleu. (ESCOUCHY, Chron. B., t.3, Pièces justif., 1450, 373). | |
| 74 | Archidyaque, bien nous grave De voustre mal ; a Dieu soié. (Myst. st Bern. Menth. L., c.1450, 105). | |
| 75 | Mes leur doit bien laissier acuillir et bien emprendre a chascier, quar un cerf, quant il est laissié corre, tournie volentiers en sa meute, querant le change, pour ce qu'il se veult demourer, et li grieve de laissier son pays. (GAST. PHÉBUS, Livre chasse T., 1387-1389, 197). | |
| 76 | Par son pais il [le cerf] va tournant, Tant luy greve de le laisser. (BRÉZÉ, Chasse T., c.1481-1490, 35). | |
| 77 | Et à qui qu'il grieve ne couste, Il sont arrivez à droit port, à grant joie et à grant deport. (MACH., P. Alex., p.1369, 171). | |
| 78 | Sur ces paroles la royne s'en va entrer en sa chambre, pourquoy estoit force que Pierre et Maguelonne se departissent, nonobstant qu'il leur grevast fort. (Belle Maguel. B., c.1400-1450, 13). | |
| 79 | Pour faire la chose plus brieve, Vous dy qu'a qui qu'il plaise ou grieve, Tout ainsi comme Judas fist, Qui trop tachoit a son prouffit, Dit Anthenor : " Ne vous doulez... " (CHR. PIZ., M.F., III, 1400-1403, 155). | |
| 80 | Et j'ay bien veü grant cerf et viell qui avoit bien crueses trasces, et ce ne puet grever, mes que les autres signes dessus diz y soient, quar creuses trasces et taillant ongle ne signifie, se les signes dessus diz y sont, forsque cerf qui aura hanté mol païs et ou il n'aura gueres de pierres ou qui n'aura gueres esté chassié. (GAST. PHÉBUS, Livre chasse T., 1387-1389, 151). | |
| 81 | Et, s'il encontre d'un sangler qui li plaise en aucunnes questes que j'ay dit dessus et il entre es hautes fustoyes, combien qu'il y puisse demorer, poursieve le hardiement, quar, s'il l'en fet aler, ne puet gueres grever, quar il est de bon raprouchier, plus que nulle autre beste, pour l'ourgueill qu'il a. (GAST. PHÉBUS, Livre chasse T., 1387-1389, 170). | |
| 82 | Item, je donne a maistre Jacques Raguier le Grant Godet de Greve, Pourveu qu'il paiera quatre placques, Deust il vendre, quoy qu'il lui griesve, Ce dont on coeuvre mol et greve, Aler nues jambes en chappin, Se sans moy boyt, assiet ne lieve Au trou de la Pomme de Pin. (VILLON, Test. R.H., 1461-1462, 89). | |
| 83 | On doit ung trayteur, quant on le voit pulent, En fausse vollenté et en mal convenent, Guerver en tous estas sans nul detriement (Hugues Capet L., c.1358, 220). | |
| 84 | Pour ce que jour et nuit ta main est grevee sur moi, je me suis convers en ma misere et povreté quant l'espine s'i confiche. (CHR. PIZ., Psaumes allég. R., 1409, 90). | |
| 85 | Au retourner en Angleterre il fu durement grevés et appressés de le marée. (FROISS., Chron. L., III, c.1375-1400, 19). | |
| 86 | ...riens ne les grevoit ne les pooit tant grever que li affamers (FROISS., Chron. L., IV, c.1375-1400, 30). | |
| 87 | ...[les chevaux] estoient tous foulez et oppressez, quoy que ilz eussent esté bien songniez de foin, d'avaine, d'aigue doulce, mais otant bien leur grieve la flaireur de la mer comme elle fait aux gens. (FROISS., Chron. M., XII, c.1375-1400, 311). | |
| 88 | ...sus la mer li vens li fu si contraires, et ot ils et sa compagnie tant de fortunes et de tempestes, que il furent .V. jours sus la mer. Au sisime il prissent terre au Crotoi, et de la il vinrent a Abeville. Mesires Hervis de Lion fu si grevés de la mer que il ne pot sousfrir le cevauchier, et fu mis en une litiere et ensi amenés a Paris. (FROISS., Chron. D., p.1400, 600). | |
| 89 | [MADELEINE]. J'entreray dedens voirement, Mais ce sera secretement Et ne seray pas au dessus, Mais au piedz du benoist Jhesus M'iray gecter tout en plourant, Humblement mercy requerant Du meffait qui me griefve moult. (Myst. Pass. Troyes B., a.1482, 436). | |
| 90 | ...En la mamelle l'attoucha [la maladie] Si asprement qu'el en coucha Ou lit, tant en fut el grevee. (Tomb. Chartr. Trois contes S., c.1337-1339, 93). | |
| 91 | Mont ierent que fievres grevoient (Vie st Evroul S., c.1350, 101). | |
| 92 | ...de ce estoit tout enfourmés li dus de Normendie (...) comment li rois de France ses pères estoit fort grevés de maladie. (FROISS., Chron. L., VI, c.1375-1400, 98). | |
| 93 | Avoecq tout ce, d'autres maladies dedentrainnes estoit li rois trop durement grevés et bleciés, et par especial dou mal des dens. (FROISS., Chron. R., IX, c.1375-1400, 281). | |
| 94 | ...mon maistre est relevé Du grant mal qui tant l'a grevé. (Pac. Job M., c.1448-1478, 394). | |
| 95 | LE VENEUR. (...) Et si [Griseldis] couche son pere et lieve Et soustient, que point ne lui grieve Sa vieillesce, treshumblement ; Et lui fait, pour dire briefment, L'amour toute et l'umanité, Qu'elle puet en sa povreté (Gris., 1395, 29). | |
| 96 | Tous membres ont labeur Quant il vient douleur Qui griefve le chief. (Rapp., c.1480, 70). | |
| 97 | Se la vie des humains ne rectourne Et convertit a Dieu plain de mercy, N'ait plus d'espoir que la peste sejourne A les grever... (Cene dieux, c.1492, 140). | |
| 98 | ...plus greve secours pramis Que s'il ne fust point attendu, Quant il n'est au besoing rendu. (Tomb. Chartr. Trois contes S., c.1337-1339, 73). | |
| 99 | ...departir de plaisance fort griefve (MESCHIN., Lun. princes M.-G., c.1461-1465, 1). | |
| 100 | CAYFFAS. Ce larron tantost me prenéz, Contre la croix soit cy barréz (...) Car il congnoisse sa folie (...) GAMALIEL. Ceste chose n'est pas grevant. Juz, truant, juz ses veistement (Pass. Semur D.M., c.1420 [1488], 210). | |
| 101 | Et, se la matière est trop dure, L'en doit user de coléure De suc de cassiafistule, Car moult se griève qui recule De se laschier courtoisement Par ceste forme ou autrement (LA HAYE, P. peste, 1426, 105). | |
| 102 | Lors te fauldra un po grever, Car d'un coustel que prest aras En la cuisse te navreras (Mir. Berthe, c.1373, 167). | |
| 103 | Ou t'es tu si du corps grevé ? Je voy tu as un oeil crevé : Que veult ce dire ? (Mir. Rob. Dyable, c.1375, 20). | |
| 104 | ...il fut si fort grevé que on cuidoit que il fust mort (LEFÈVRE ST-RÉMY, Chron. M., t.1, c.1462-1468, 164). | |
| 105 | ...Si vueil prouver Que c'est la riens qui plus me puet grever Et qui plus fait mon cuer desesperer Que souvenir. (MACH., J. R. Beh., c.1340, 95). | |
| 106 | NOSTRE DAME. ...Mon ame se voulsist partir De mon povre corps qui luy griefve. (GRÉBAN, Pass. J., c.1450, 219). | |
| 107 | Il [Desirs] me fait par son enort Honnourer, Servir, doubter, Et oubeïr Ma dame et li tant chierir Qu'en son effort Me deport, Quant il me mort Et vuet grever, Mais qu'a li vueille penser Qu'aim et desir Sans partir, Ne repentir ; La me confort. (MACH., R. Fort., c.1341, 25). | |
| 108 | Et se ma dame est en acort De moy grever, je te pri fort Que tu li moustres qu'elle a tort Et qu'elle teingne Tant de moy que, s'elle s'amort A moy grever, elle m'a mort, Et qu'elle est ma vie et ma mort, Que qu'il aveingne. (MACH., R. Fort., c.1341, 47). | |
| 109 | ...Car puisqu'Amours me grevera Et Fortune qui honni m'a, Ma grant loiauté m'ocira, Si com j'espoir. (MACH., R. Fort., c.1341, 52). | |
| 110 | Douce Esperance, c'est le port De ma joie et de mon deport ; C'est ma richesse, mon ressort ; C'est celle en qui je me deport ; Car es maus d'amours que je port Ay tel plaisence, Car quant il font plus leur effort De moy grever, plus me confort, Et tout par son noble confort Suis je respitez de la mort Qui m'eüst, s'elle ne fust, mort Sans deffiance. (MACH., R. Fort., c.1341, 120). | |
| 111 | Si [Amours] me monstra la droite voie Comment ma dame amer devoie, Servir, oubeïr, honnourer, (...) Et que, se de l'amoureus fais Me venoit peinne, ne dolour, Ou merencolie, ou tristour, Que tout humblement recueillisse, Et qu'a grevez [var. que agreuez, qua gueriz, que agreure ne me t.] ne m'en tenisse... (MACH., R. Fort., c.1341, 6). | |
| 112 | Et ledit feu Colin dist (...) que autresfoiz ledit Faupoint l'avoit foulé et grevé de sa parolle, se lui avoit on dit. (Chancell. Henri VI, L., t.1, 1426, 313). | |
| 113 | ...lequel pour celle heure n'avoit point d'armée, car estoit grevé de maladie. (CHASTELL., Chron. K., t.1, c.1456-1471, 235). | |
| 114 | ...Sa joliveté puis parer Au rossegnol et comparer A son chant et a ses douls mos. Qui le voit et entent chanter Seriement sans li grever, C'est pour un amant grans repos. (FROISS., Dits Débats F., 1363-1393, 140). | |
| 115 | Donques aussi comme nous veons en force et en santé de corps que la superhabundance et excés de labourer corporelment et de soy trop excercer, travaillier et grever et, d'autre partie, deffaute de labourer, de soy excercer et trop soy reposer corrumpent ou apeticent la force du corps (ORESME, E.A., c.1370, 150). | |
| 116 | ...Nature m'a tel fet, Si avanciet et si parfet, Que je sçai, et sans moi grever, Le bien et le mal dessevrer (FROISS., Pris. am. F., 1372-1373, 93). | |
| 117 | ...vous avez doubtance Que Jhesus de mort ne relieve ; Par quoy, cy aprés, ne vous griève La sentence que vous donnastes Quant en croix mourir le jugastes. (GRÉBAN, Pass. J., c.1450, 407). | |
| 118 | Or mettez là, sans long blason, Pur eviter de me grever (Cuv. T., c.1475-1500, 48). | |
| 119 | JHESUS (à ses disciples) Grevéz estes oultre mesure ; Pour conforter vostre appetit, Reposez vous cy ung petit (GRÉBAN, Pass. J., c.1450, 251). | |
| 120 | Et plusieurs foiz tel cours de vent, Qui par grant force va grevant Mains fors chasteaulx et beaulx moustiers, En faisant mains autres dangiers. (LA HAYE, P. peste, 1426, 8). | |
| 121 | Pour quoy fait en mourir saint Pere De mort sy dure et sy amere Contre justice et equité ? En quoy a il grevé la cité ? (Mart. st Pierre st Paul R., c.1430-1440, 149). | |
| 122 | ...Si vouldront [les partisans de Jésus] nostre loy grever Pour ses fabuses eslever (GRÉBAN, Pass. J., c.1450, 231). | |
| 123 | En paroxismes, on doit soustraire boire et mengier ; car faire le contraire greveroit nature (SAINT-GILLE, A.Y., 1362-1365, 55). | |
| 124 | Les vens de midy grefvent l'oye, font les yeulx calligineux, griefvent le chief, font les hommes perecheux, dissolvent les humeurs (SAINT-GILLE, A.Y., 1362-1365, 66). | |
| 125 | Les malades sont plus grefvez en declinant estroicte diete, car plus a paine le seuffrent (SAINT-GILLE, A.Y., 1362-1365, 54). | |
| 126 | Li rois (...) li manda que, se il soustenoit (...) monsigneur Robert d'Artois, il n'aroit pieur ennemit de lui, et le greveroit et porteroit damage en toutes les guises qu'il poroit. (FROISS., Chron. L., I, c.1375-1400, 101). | |
| 127 | En toutes manières doit on et poet par droit d'armes grever son ennemi. (FROISS., Chron. L., V, c.1375-1400, 207). | |
|
