| 93 exemples | | 1 | S'il avoit une cote grise De drap de Pouleinne ou de Frise Et un cheval tant seulement, Il li souffissoit hautement. (MACH., C. ami, 1357, 104). | |
| 2 | ...[il] apperçut, à une perche estant en ycelle eglise, une robe de drap burel grise, qui est robe à femme (Reg. crim. Chât., I, 1389-1392, 7). | |
| 3 | Item je lesse a l'Ordre Grise Ma viez braie et ma viez chemise, Et a l'Ordre de Premontré L'esbatement dedanz mon pré, Puis que l'erbe en sera ostée. (DESCH., Oeuvres R., t.8, c.1370-1407, 30). | |
| 4 | La a abbesse et mainte suer De Cisteaux, qui est ordre grise, Qui lui rendent digne servise, Chascun jour, comme fonderesse Du lieu, dame et deffenderesse. (DESCH., M.M., c.1385-1403, 311). | |
| 5 | Je regny saint Gris, c'est ung cu ! Que le feu saint Anthoine l'arde, Et le mau saint [Faront] la farde, Et le mau saint Jehan si l'alume ! M'as tu fait becquer ceste enclume ! (Tr. Men., c.1480-1500, 293). | |
| 6 | CALBAIN, I>en chantant/I> "M'amour et m'amyette, Souvent je t'y regrette." Hé, par la vertu sainct Gris ! (Sav. Calb. T., c.1475-1500, 145). | |
| 7 | JOYEULX. Y sert on de si gros morceaulx ? BEAUCOP. Quoy, de si gros, ventre saint Gris, Je baillay dix salus bien beaulx Pour une fourrure de gris. (B. veoir, p.1480, 16). | |
| 8 | O qu'elle sembloyt godinne, Qui avoyt en toute saison Robe de drap en sa maison, Fourée de beaulx dos de gris Ou de grignos ! Ventre sainct Gris, Y m'est advis que je les voy ! (Mère Ofic. T., c.1500, 116). | |
| 9 | TESTE CREUSE. Et l(es)'escumeur(s) de latin ? SOTIN. Gris ! On ne sert les gens d'aultre metz. ROUSSIGNOL. Et noz lardeurs ? SOTIN. Et bien aprés ! (Sots Magn., a.1488, 193). | |
| 10 | Item, est Sayette ville fermée, très petite, assez bien édefiée de maisons basses, toutes de pierres grises, située bas sur ces deux pors, comme on peult vëoir par exemple, et n'y a que ung sengle mur bas en toute la fermeté, devers la mer (LANNOY, Voy. amb. P.H., p.1450, 153). | |
| 11 | Ja nulz autres dis N'en soit dis, Quar demis De deport, Par naturel port, Suis si fort Que je port Cheveux gris (MACH., Les lays, 1377, 480). | |
| 12 | Lui counte de Suffolk y fu Qui ot le pil gris et kenu (HÉRAUT CHANDOS, Vie Prince Noir T., c.1385, 72). | |
| 13 | ...il prist l'habit d'ermite selonc l'ordre de Saint Maurice, c'estassavoir grise robe, longue mantel et chaperon gris à courte cornette d'un pied ou environ, et ung bonnet vermeil par dessoubz son chaperon, et par dessus ladicte robe, ceinture dorée, et par dessus le mantel, une croix d'or, assés pareille que les portent les empereurs d'Alemaigne. (MONSTRELET, Chron. D.-A., t.5, c.1444-1453, 111). | |
| 14 | Confortant ainsi Verite la royne la cite de Venise, soudainement entra ou palays en la presence de la royne une vieille dame, toute decyree et de ses gris cheveulx toute deschevelee. Elle portoit en sa main ung baton appuyal, et en l'autre un petit livret, descouvert et toute rongie de raz. (MÉZIÈRES, Songe vieil pèl. C., t.1, c.1386-1389, 257). | |
| 15 | ...ledit Mansseau estoit petit homme, de l'aage de LX ans ou environ, et avoit le visaige crasset, assez coulouré, une barbe courte, noire, petiz cheveux gris (Reg. crim. Chât., I, 1389-1392, 465). | |
| 16 | Chier sire, je vous veulx requerre, Pour mieulx acomplir vostre emprise, Que desormais ne veillez querre Les chevaliers a barbe grise ; Car la grant payne qu'ilz ont prise, Soubz vous excersant leur noblesse, Maintenant les ront et debrise Pour ce qu'ilz sont ja en viellesse. (LA VIGNE, S.M., 1496, 157). | |
| 17 | Pourtant se j'ay la barbe grise... (P. moyne, a.1500, 49). | |
| 18 | ...et l'eust juré le villain gris ! (Myst. st Vincent L., 1471 (1476), v. 6435. In : X. Leroux, R. Ling. rom. t.77, 2013, 493). | |
| 19 | Venus est à l'abé dessus ung cheval gris, Grant et haut, bien courant et moult amanevis. (God. Bouillon R., t.2, c.1356, 35). | |
| 20 | ...[il] se transporta en l'ostel d'un marchant de chevaux demourant près de Saint-Honoré, où il acheta un petit cheval gris garni de selle et de bride (Reg. crim. Chât., I, 1389-1392, 128). | |
| 21 | Regnaut de Saint-Marc, prisonnier detenu illec, pour souspeçon d'avoir mal prins et emblé un cheval de poil gris sur le blanc (Reg. crim. Chât., II, 1389-1392, 165). | |
| 22 | Grant temps après vint Oliviers, armez moult noblement, montez sur un moult riche destrier, et bien sembloit homme de grant affaire, et si estoit il. Et venoit Jossellin, son pere, devant lui, sur un palefroy griz. (ARRAS, c.1392-1393, 61). | |
| 23 | ...une haguenee grise pommelee (Comptes Etat bourg. M.F., t.2, 1418-1420, 124). | |
| 24 | ...ceulx qui vouldront faire en nostredite ville et forsbors d'Angiers draps de bonne layne, tant gris que de couleurs, en vingt et deux cens ou dix huit cens pour le moins, aprestez bien et convenablement de toutes façons, le pourront faire (Roi René vie L., 1461, 295). | |
| 25 | ...une hacquenée grise pommelée (Comptes roi René A., t.2, 1477, 199). | |
| 26 | Et, eulx estans à laditte malladerie et ainsy qu'ilz parloient ensemble, virent venir ung chevaucheur, bien monté sur ung cheval de poil gris, auquel fut demandé par ledit Voyau dont il venoit (LE CLERC, Interp. Roye, c.1502, 177). | |
| 27 | ...et sy avoit sur son chief un chappeau de bièvre gris, fouré de satin vermeil, à une houppette dessus, de fil d'or et de soye (ESCOUCHY, Chron. B., t.1, c.1461-14, 238). | |
| 28 | ...pour troys douzaines de jennètes grises, deux noires mouchetées et une peau de léopart, dont le roy lui mesmes a fait le pris en sa chambre ; pour ce, LVIII fo. (Roi René vie L., 1360-1483, 378). | |
| 29 | ...et d'abondant, ledit escuïer est tenu (...) rendre et païer chacun an au terme saint Michiel (...) quarante sayettes enpanées d'oe grise et liées de fil, et quarantte fers barbeléz (HECTOR DE CHARTRES, Cout. R., 1398-1408, 79). | |
| 30 | Aussi l'asemblee se doit fere en yver pour le sangler comme en esté pour le cerf, fors tant que celx de la venerie doyvent estre vestuz de gris, et en la sayson du cerf ilz doivent estre vestuz de vert. (GAST. PHÉBUS, Livre chasse T., 1387-1389, 184). | |
| 31 | Il vit en bonne esperance, Puis qu'il est vestu de gris, Qu'il aura, a son devis, Encore sa desirance. (CH. D'ORLÉANS, Chans. C., c.1415-1440, 252). | |
| 32 | Gris Je qui suis gris signiffie esperance, Coulleur moyenne de blanc et noir meslée ; Et soye seulle ou à autre assemblée, Le moyen tiens en commune actrempence. (ROBERTET, Oeuvres Z., c.1450-1500, 139). | |
| 33 | A l'heure que ceci m'avint J'estoye tout vestu de gris, Car Esperance en moi la vint Au point que je fus trop surpris (Doc. 1450-1500. In : Romania 94, 1973, 289). | |
| 34 | Noir et tanné sont mes couleurs. De gris ne veuil plus porter, Car je ne puis plus supporter Mes tres graves douleurs. (Doc. 1500. In : Romania 94, 1973, 292). | |
| 35 | Et devez savoir que, quant ledit serment fut faict du Bien Publique contre le roy, que la plupart desditz seigneurs furent trovez au Palaiz, chascun ung de leurs gens portant une sainture grise, affin qu'ilz se puissent congnoistre les ungs aux aultres, et par ce moyen le roy ne les peut congnoistre. (LE CLERC, Interp. Roye, c.1502, 195). | |
| 36 | Ce sont les juges infernaulx, Trop plus gris qu'il ne nous convient. [Éd. "lugubres"] (Moralité cincq pers. B., 1484, 83). | |
| 37 | De gris je vestiray mon cueur Et de noir feray ma livree ; C'est pour monstrer la grant douleur Ou mon amy m'a cy laissee. (Doc. 1500. In : Romania 94, 1973, 294). | |
| 38 | Et de là en avant le conte de Flandres laissa les armes gyronnées, qui furent les anciennes armes de Flandres, et prist l'escu d'or et le lyon de sables, rampant, moufflé de gris, et encoires durent icelles armes. (LA MARCHE, Mém., I, c.1470, 81). | |
| 39 | SOTIE. Qu'esse la ? je vous oys debatre. Qui a il de nouveau ? TESTE. Brief et somme, Chascun trenche du gentilhomme. Je n'y congnois ne blanc ne gris. SOTIE. Voire dea, saint Pierre de Romme, Et par saint Pol, il a mespris Et en sera de moy repris [S'il faict aultre chose qu'a poinct. (...)] (Sots triumph., c.1475, 40). | |
| 40 | Vous n'avés bien fait du gris, Més vous en serés a bas. (OLIOU, Mess. Arg. A., c.1470, 494). | |
| 41 | Nous estions gentils gallois, Et en faisions de bien grises, Et telles que souvent les mises Montoient plus que les receptes. Nous entretenions garcettes. D'estudier, Dieu en soit garde ! (COQUILL., Oeuvres F., 1478-p.1494, 357). | |
| 42 | Item, por les Cordeliers, un gris et un blant du pris de 24 lb. la piece (Doc. 1340. In : G. De Poerck, La Drap. médiév. en Flandre et en Artois, t.2, 1951, 101). | |
| 43 | ...et poverement estoit cele lit garny de covertour forsqe d'un grande rude piere, et n'estoit mye menyver [l. menu vair] einz estoit de grys ; et par dedeinz le lit n'avoyent pas de lyntheux forsqe ceo qe vostre benoit corps estoit einz envolupee quant pris feust juse de la croice. (HENRI LANC., Seyntz medicines A., 1354, 204). | |
| 44 | ...2 aultres draps de blanc gris, 20 franz le piece (Doc. 1374. In : G. De Poerck, La Drap. médiév. en Flandre et en Artois, t.2, 1951, 101). | |
| 45 | Une bonne robe de gris De quoy le villain est vestu, Qui vault encore ung bon escu, Voire deux frans, par Dieu le doux. (Pouvre peuple H., c.1450-1492, 188). | |
| 46 | Item, ordené est que tout drap gris nayëu ["uni"] n'aient que 41 anne es liches... (Doc. 1358-1359. In : G. De Poerck, La Drap. médiév. en Flandre et en Artois, t.2, 1951, 101). | |
| 47 | ...neuf aulnes de gris pour les manteaux des paiges (Comptes roi René A., t.2, 1451, 4). | |
| 48 | Et au regard des deux aulnes et demye de gris de 30 s. l'aulne, et trois aulnes de blanchet de 15 s. l'aulne, que on trouve par les papiers de l'Argenterie, j'ay appoincté qu'il prouvera dedens ung mois que Guillaume luy donna ledit drap ainsi qu'il a proposé (Aff. Jacques Coeur M., 1453-1457, 33). | |
| 49 | Luy donnèrent une escarlate moult belle et un gris le plus fin des autres, sans les vins et autres gratuités qui estoient de grand coust. (CHASTELL., Chron. K., t.4, c.1456-1471, 190). | |
| 50 | PATHELIN. J'acheteray ou gris ou vert, Et pour ung blanchet, Guillemette, Me fault trois quartiers de brunette Ou une aulne. (Path. D., c.1456-1469, 54). | |
| 51 | ...il print furtivement une pièce de drap de gris, contenant trois aulnes ou environ et deux couvrechiez qu'il emporta oudit lieu de la Mothe et s'efforça de les vendre ; mais il ne peut trouver à qui, et fut ledit cas averé. (Doc. Poitou G., t.10, 1457, 19). | |
| 52 | À messire Jehan, l'astrologien, dix-huit paulmes de gris pour faire manteau et chaperon à la romanesque, à raison de XI fo la canne, vallent, XXIIII fo I go. À maistre Henriet, chaussetier d'Aix, le XXIIIIe jour de mars, pour XXII cannes et demye de drap pour vestir les XIII pouvres le jour de Pasques, LXIII fo IX go. (Roi René vie L., 1478, 378). | |
| 53 | À Jehan Bidet, tappicier du roy, ledit jour, X paulmes de gris, que ledit seigneur lui a fait délivrer, pour une robbe, à ladite raison de VI florins, la canne (Comptes roi René A., t.1, 1479, 260). | |
| 54 | ...X aulnes de gris blanc de Moustierviller (Compte Navarre I.P., 1367-1371, 177). | |
| 55 | Item, une pièce de gris blandelet de Rouen, contenant 12 aulnes 3 quars et demi, qui est de Jehan Le Blanc, à 3 réaulx l'aulne (Aff. Jacques Coeur M., 1453-1457, 555). | |
| 56 | À Phelip de Compans, drappier, le VIIe jour de février, pour 7 aulnes de gris brun fin de Moustiervillier, dont ont esté faites deux hoppelandes pour Monseigneur (RAPONDE, Comptes La Trémoille L.T., 1396-1406, 60). | |
| 57 | Item, une houppelande de gris drap de Monstreviller, doublé de pers, et longue jusques aus piez. (Reg. crim. Chât., I, 1389-1392, 15). | |
| 58 | Une autre pièce de gris brun entière, contenant, comme il appert par le brevet quatorze aulnes non scellées (Aff. Jacques Coeur M., 1453-1457, 62). | |
| 59 | ...III cannes II paulmes de gris cordelier, pour faire manteau et chaperon à Martin qui fut homme d'armes de monseigneur de Sault, et depuis s'est rendu hermite (Comptes roi René A., t.2, 1478, 80). | |
| 60 | ...une canne de gris cordelier pour faire manteaulx à deux dévotes (Comptes roi René A., t.2, 1480, 432). | |
| 61 | ...XIX aulnes de gris de Rouen dont on fist une houppelande à mi jambe doublé tout d'un... (Comptes Lille L., t.1, 1416, 138). | |
| 62 | ...car, si je demandoie du gris de Rouen, ilz n'avoient que du vert de Montevilliers (Abuzé D., c.1450-1470, 74). | |
| 63 | Pour trois quartiers et demy de gris de Rouen pour recouvrir les brigandines de Mahieu Lombart...XXXV s.p. (Fr. arch. Compiègne B.H., 1456, 144). | |
| 64 | Alors de beau gris de Rouen Elle vous va couper dix aulnes, Et m'en fist les mains toutes jaulnes. (B. veoir, p.1480, 18). | |
| 65 | Vous ne sçavez, Belle dame ! Se vous n'avez Du drap pour nous deux largement, Si me desmentez hardiement. Quel couleur vous semble plus belle D'ung gris vert ou d'une brunette Ou d'aultre ? Il le me fault sçavoir. (Path. D., c.1456-1469, 54). | |
| 66 | ...une aulne trois quartiers de gris de viconté (Aff. Jacques Coeur M., 1453-1457, 58). | |
| 67 | ...X paulmes de gris forêt de Perpignan, que le roy lui a donné pour faire une robbe (Comptes roi René A., t.2, 1478, 95). | |
| 68 | Nul ne porte pour moy le noir, On vent meillieur marchié drap gris (CH. D'ORLÉANS, Ball. C., c.1415-1457, 133). | |
| 69 | Draps envoiez à Guillaume de Varie (...). Cinq grans blanchetz, ung rouge, ung violet et ung gris mabré, le tout de Londres, contenant chacune pièce 22 aulnes, coste en premier denier chacune pièce 24 saluz (Aff. Jacques Coeur M., 1453-1457, 555). | |
| 70 | ...pour demi gris neif de Broisselles lonc contenant XII aulnes (Compte Navarre I.P., 1367-1371, 176). | |
| 71 | Et la dame viesty un pelichon de gris. (Flor. Rome W., c.1330-1400, 249). | |
| 72 | ...5 aunes de camelin à faire cote et mantel fourré de grix, à relever de nuis, pour monseigneur le Dauphin (Comptes argent. rois Fr. D.-A., I, 1352, 88). | |
| 73 | "Il sont vestu de velours et de camocas fourés de vair et de gris, et nous sommes vesti de povres draps." (FROISS., Chron. R., X, c.1375-1400, 96). | |
| 74 | Item, ung autre mantel de chappelle froncié, d'une escarlate sanguine, fourré de gris, où a troys petiz boutons d'argent garniz de muglias (Invent. mobilier Ch. V, L., 1379, 357). | |
| 75 | Et qu'elle soit bien ordonnée, Vert, bleu, fin pers et escarlate Et fin blanc d'Yppre lui achate, Pour faire surecos ouvers, Cours et longs, et des menuz vers, Gris escureulx, fines laitisses, Afin que plus soient faitisses, Pannes de roix leur sont moult bonnes. (DESCH., M.M., c.1385-1403, 43). | |
| 76 | Les perres et pelles, le menu veoir et le griz, les escarlates et les draps fins, l'argent et l'or en masse estoient semez parmy la nef comme denrees communes. (MÉZIÈRES, Songe vieil pèl. C., t.1, c.1386-1389, 546). | |
| 77 | ...VIJ pannes de gris et d'escureux, contenans 2100 dos, (...) pour fourrer les robes de maistre Jehan Perdrier, maistre de la Chambre aux Deniers de la Royne, et maistre Jehan de Chastenay, contreroleur de ladicte Chambre (Comptes argent. rois Fr. D.-A., II, 1387, 251). | |
| 78 | ...pour raison de certain mantel de gris, fourré de gris, appellé mantel de nuit, qui fust audit Roy en son vivant (FAUQ., II, 1421-1430, 92). | |
| 79 | Item, tout dessoubz cedit sainct mont, a une chappelle de moignes gris, toute close de paroix, de laquelle l'en peult veoir ladite teste de Adam en ladite roche fendue. (Voy. Jérus., c.1395, 26). | |
| 80 | A Genève aussi vous yrés, Et de trestout nous furnyrés, De fins draps, aussy de damas, De velous et de fins cendalz De carmesim, forreure fines, De gris, de martres et d'erminnes, De chaynne d'or, aussy d'affiques (Myst. st Bern. Menth. L., c.1450, 64). | |
| 81 | LE TAILLANDIER. Que voulez vous faire tailler Monseigneur iay de bon burreau De bons gris qui sont bons et beaulx Ou de meilleur si vous voulez (Myst. st Martin K., a.1500, 311). | |
| 82 | Et, avec ce, à une autre fois, douze doz de gris par lui semblablement venduz, en icelle ville, la somme de douze soulz parisis. (Reg. crim. Chât., II, 1389-1392, 367). | |
| 83 | A Colin de Vaubricet, pelletier, demourant à Paris, pour 539 dos de gris à 10 tires, qu'il a livré pour fourrer une houppelande de noir pour Monseigneur de Pontieu ; pour ce, 21 livres 11 sous 2 deniers poitevin parisis. (CHART. J., Chron. Ch. VII, V., t.3, Fragm. hist., 1405, 261). | |
| 84 | ...IIc l doz de griz à neuf tires dont on fourra ung plicon (Comptes Lille L., t.1, 1416, 138). | |
| 85 | Guillemin le Boulangier, pelletier de la Royne, a mis à pris 59 manteaulx de penillières de gris (...) cinq manteaulx d'orillons de martres de païs à 3 escus la pièce (...) ung manteau de costes de martres de païs qui autresfois a esté porté à 5 escuz. (...) deux manteaulx de queues de martres de païs, chacun à deux escus. (Aff. Jacques Coeur M., 1453-1457, 30). | |
| 86 | Robe (...) fourée de beaulx dos de gris (Mère Ofic. T., c.1500, 116). | |
| 87 | ...délivrance d'un millier et XIIII dos de fin gris a X tirés, bailliez et délivrez pour lui par ledit marchant le XIXe jour d'aoust mil CCCCXII, dont on a fourré, pour ledit S, une houppellande (Comptes Lille L., t.1, 1412, 73). | |
| 88 | Or ça, mon ami, je veul que vous aiez deux autres robes, dont l'une sera de fine brunecte se Saint Lo, qui sera fourree de martres, et l'autre sera d'un fin gris de Monstierviller, qui sera doublé d'un fin blanchet (LA SALE, J.S., 1456, 58). | |
| 89 | Messire Bernard, de present Je vous vesteray le surplis Et celle ambaince de fin gris. (Myst. st Bern. Menth. L., c.1450, 81). | |
| 90 | En alant dedans cedit hostel a une moult belle chappelle et devoste, et y sont residens moignes gris. (Voy. Jérus., c.1395, 37). | |
| 91 | ...pour la façon d'avoir fourré de gris rouge une houppellande de vert et de rouge, à eschiquiers, pour Coquinet, fol dudit mons de Thouraine (Comptes argent. rois Fr. D.-A., II, 1387, 317). | |
| 92 | ...une longue houppellande de drap vermeil fourrée de gris rouge (Reg. crim. Chât., I, 1389-1392, 63). | |
| 93 | Dos de petit gris 7 cents 50, prisé le tout 7 escus, valent 9 l. 12 s. 6 d. Item, 22 manteaux de doz de martres sebelines (Aff. Jacques Coeur M., 1453-1457, 91). | |
|
