| 106 exemples | | 1 | Ceste peuture, a proprement parler, Est le filz Dieu, qui de mort le tourment Volt endurer pour nous de mort oster : Lors descendi en enfer le puent Et si en traist Adan, Eve et sa gent, Et après ce ses benois esperis Refu en corps conme devant unis (Mir. ev. arced., c.1341, 145). | |
| 2 | Par le conduit et par l'auctorité du dict Appius li Poticien, qui estoient une gent qui tousjours avoient acoustumé a estre prestre au grant autel d'Ercule, avoient pris certainz cerfs publiques les drois et les sollempnitez de celui sacrifice (BERS., I, 9, c.1354-1359, 29.9, 53). | |
| 3 | "Hai, chetive gent maleuree, sans courtoisie et sans mesure, qui estez en servage par vostre couardie ! Je suis cy venus pour vous deslivrer..." (Chev. papegau H., c.1400-1500, 7). | |
| 4 | Noble gent, tout d'une coulour Vestus, avecques soy mena Et chacun joye y demena. (CHR. PIZ., M.F., I, 1400-1403, 37). | |
| 5 | Cil en enfence esté avoit Bergier, nez de petite gent (CHR. PIZ., M.F., III, 1400-1403, 254). | |
| 6 | Ceste annee fist la dame faire le chastel et le bourc d'Ainnelle, et fist faire Vuavent et Meurvent ; et puis fist faire le bourc et la tour de Saint Messent, et fist commencier l'abbaye, et faisoit moult de bien a povre gent. (ARRAS, c.1392-1393, 78). | |
| 7 | La fait on maintes povres veilles Et la s'assemblent povre gent, Qui n'ont ne pain, ne vin, n'argent. (CHR. PIZ., M.F., I, 1400-1403, 96). | |
| 8 | ...Dieu nous donne tout bien, Ne nous fault rien que gaignage et argent : Tousjours arons assez de povre gent. (MOLINET, Faictz Dictz D., 1467-1506, 356). | |
| 9 | SATHAN. Comment donc l'entendez ? J'ay mes chevaulx, mes hacquenees, De ses putains habendonnees, Estans au bourdeau pour l'argent. LUCIFER. Faiz tu chevaulx de telle gent ? Tu ne dois pas crouppir en peaultre. (Myst. Pass. Troyes B., a.1482, 823). | |
| 10 | Item, est assavoir que les Voltes furent une gent qui moult furent anemis des Rommains (LA SALE, Salade, c.1442-1444, 35). | |
| 11 | Et de ceste gent miserable [le peuple juif] Ysaÿe disoit ainsi (...) "J'ay nourry mes enffans assez, Puis eslevé, puis essauciéz Et, puis, m'ont decharpy en fin." (GRÉBAN, Pass. J., c.1450, 219). | |
| 12 | Le duc des Normans pour regent Nomme et di sur françoise gent, Et pour estre leur gouverneur (Mir. ste Bauth., c.1376, 107). | |
| 13 | PREMIER SERGENT. (...) si metteray cure et paine A assembler de gent romaine Briefment foison. (Mir. st Lor., 1380, 146). | |
| 14 | Jadis, de la troyenne gent Fu fondee, et siet bel et jent. (CHR. PIZ., M.F., I, 1400-1403, 13). | |
| 15 | Pour ces parolles, ne laissierent A eulx mouvoir, ains deslogierent Les grans osts de la gent gregoise. (CHR. PIZ., M.F., II, 1400-1403, 312). | |
| 16 | Ceste Hester avoit este [l. esté] une povre pucelle de la gent des Juifz (MIÉLOT, Spec. hum. salv. L.P., 1448, 156). | |
| 17 | Gent philistine Leur font de terribles assaulx ; Ilz endurent beaucoup de maulx En leur ost. (Myst. Viel test. R., t.4, c.1450, 122). | |
| 18 | Que songiés vous, François et gent romaine, Preste et humaine a noble sang vengier ? (MOLINET, Faictz Dictz D., 1467-1506, 14). | |
| 19 | Et voion entre les hommes que ceuls qui sont d'une gent ou d'un lignage aiment l'un l'autre. (ORESME, E.A., c.1370, 413). | |
| 20 | ...il sera une beste venant d'Orient, de qui le rugissement sera oÿ de la gent punicque (MOLINET, Faictz Dictz D., 1467-1506, 17). | |
| 21 | Mais par le Dieu qui tout vainct J'apaiseray ceste noise, Et la gent barbarinoise Je mettray au pain menu. (Vie st Eust. 2 P., c.1400-1450, 212). | |
| 22 | NOSTRE DAME. (...) A Dieu te conment, doulce suer, Je vois autre gent visiter. (Mir. enf. diable, c.1339, 4). | |
| 23 | ...pour l'amour d'eulx je vous proy Que nous ouvrons conme gent sage (Mir. enf. diable, c.1339, 29). | |
| 24 | ...pour eulz aisier, Quis a chascun une norrice, Dont je ne me tien point a nice, Combien qu'il m'aient grant argent Cousté, ce scévent pluseurs gent (Mir. roy Thierry, c.1374, 307). | |
| 25 | Beaulx seigneurs, dist Remondin, alez en la garde de Dieu, qui vous conduise, et me vueilliez recommander au roy tres humblement. Quant les deux chevaliers se furent esloingniez d'une veue de Remondin, si dirent l'un a l'autre : Par foy, veez la moult honnourable gent. Certes ilz ne viennent pas en ce pays sans grant affaire. (ARRAS, c.1392-1393, 52). | |
| 26 | Si tient grant court et moult plainiere, Ou gent a de mainte maniere (CHR. PIZ., M.F., I, 1400-1403, 10). | |
| 27 | JUDAS. Ha, gent de teribble vouloir, Je vous ay livré en voz mains Le plus juste sang des humains Et s'il fault qua la mort parviengne, C'est ma coulpe. (GRÉBAN, Pass. J., c.1450, 289). | |
| 28 | Mon seignieur, veé la assemblée De gent de bien : alons a eulx. (Myst. st Bern. Menth. L., c.1450, 157). | |
| 29 | ...si eurent grant hide et grant paour pour la multitude de gent qu'ilz veoient et furent en grant doubtance de perdre la terre, car ilz n'estoient mie gent pour guerre souffrir. (Bérinus, I, c.1350-1370, 121). | |
| 30 | Mais, se leurs filz laissent ma loy et ne cheminent en mes jugemens et par despit degettent et villainent mes justices et pas ne gardent mes tesmoinages, je visiterai leurs mauvestiéz et leur iniquité en forte verge et transporterai leur royaume de gent en autre gent et deffaceray les hoirs de leur semence selon la char, et la succession sera transportee a ceus qui seront trouvéz hoirs de foy et de justice. (FOUL., Policrat., IV, 1372, 77). | |
| 31 | Mais en la fin ot Agriano vittoire par la grant plenté de gent qu'il avoit (Bérinus, I, c.1350-1370, 123). | |
| 32 | Adonc cuidierent Anglois que grant foison de gent y eust, et partir se cuidierent (CHR. PIZ., Faits meurs Ch. V, S., I, 1404, 205). | |
| 33 | Foi que doi saint Pere l'apostre, Tout aient il gent a plenté, Si n'est ce point ma volenté Qu'a la cité ravoir ne tende. (Tomb. Chartr. Trois contes S., c.1337-1339, 76). | |
| 34 | Adont appareilla il grant gent et l'envoya par mer au roy Mirame de Blandie. (Bérinus, I, c.1350-1370, 184). | |
| 35 | Un po après o sa puissance Passa et vint le roy anglès A tout grosse gent a Calès Par Artois et par Vermendois (DESCH., M.M., c.1385-1403, 375). | |
| 36 | Et par especial li sires de Fauquemont, qui fu moult bacelereus, vint servir le conte a deus cens armeures de fier, li sires d'Augimont a grant gent, li sires de Montjardin et moult de aultres, et tant que il se trouverent, qant il furent tout assamblé, bien diis mille armeures de fier. (FROISS., Chron. D., p.1400, 357). | |
| 37 | Assez pres de la est li lieux, La ou gist Anthenor li vieulx, Qui de Troye jadis la vint, Atout grant gent (CHR. PIZ., M.F., II, 1400-1403, 21). | |
| 38 | Et en ce lieu est encores un grant peril de mer et y sont mainte gent pery. (Bérinus, I, c.1350-1370, 132). | |
| 39 | La s'assemblerent moult de gent (DESCH., M.M., c.1385-1403, 371). | |
| 40 | Grant peuple y ot et moult de gent, Assez avoir, or et argent. (CHR. PIZ., M.F., II, 1400-1403, 155). | |
| 41 | Or suis cy seule traveilliée, Esgarée et morant de fain. Vierge mére au roy souverain, Mal semble estre de gent royal. (Mir. Berthe, c.1373, 184). | |
| 42 | Cestui ci a nom: Juste Vie, Dont trop pou de gent ont envie, Et si fait il tant a louer Qu'assez acheter ne louer On ne pourroit cellui passage. (CHR. PIZ., M.F., I, 1400-1403, 121). | |
| 43 | Moult peu y a de gent novices, Ains s'estudient a savoir Tous a l'un l'autre decevoir. (CHR. PIZ., M.F., I, 1400-1403, 146). | |
| 44 | Si s'en est fuis erramment, A tant de gent qu'il pot avoir. (CHR. PIZ., M.F., II, 1400-1403, 249). | |
| 45 | D'Ector aussi peut on enquerre Que tant estoit doulx et humains Qu'a toute gent tendoit les mains, Tant yert plain de grant amistié (CHR. PIZ., M.F., II, 1400-1403, 35). | |
| 46 | ...Et pour verité, g'i prenoie Plaisance [à Cointise] en tant, qu'entre la gent Me faisoit contenir plus gent (ACART, Prise am. H., 1332, 39). | |
| 47 | En sa povreté se maintiengne, Aux festes qu'om va entre gent D'un simple habit honneste et gent, Long et large comme un ouvrier, Et ne face pas l'escuier (DESCH., M.M., c.1385-1403, 139). | |
| 48 | Alez y sanz plus deporter, Et vous tenez entre la gent Simplement. (Mir. Theod., 1357, 90). | |
| 49 | Pour ceste heure, je ne suis point En estat pour estre entre gent (MOLINET, Faictz Dictz D., 1467-1506, 806). | |
| 50 | SECOND SERGENT D'ARMES. Bonne gent, ne vous ennoit mie. Traiez vous un petit en la. (Mir. enf. diable, c.1339, 34). | |
| 51 | Sauveur, sires, en vostre nom L'appelleront la bonne gent. (Mir. enf. diable, c.1339, 52). | |
| 52 | ...elle fu née De royal gent et de sanc hault. (Mir. Clov., c.1381, 196). | |
| 53 | LE ROY. Bien viengne ceste bonne gent. (Mir. femme roy Port., c.1342, 180). | |
| 54 | ...je supplie, sy treshumblement que puis, a tous princes et aultres hayneurs que paix leur soit recommandee et que vous et tout bon prince la querez, se par vous se povoit raisonnablement recouvrer, comme la chose que toute bonne gent desirent plus. (LA SALE, Salade, c.1442-1444, 10). | |
| 55 | Vieulx soudoiers avecques jeune gent Ne sont prisiez la valeur d'une mitte (CH. D'ORLÉANS, Ball. C., c.1415-1457, 137). | |
| 56 | Gens et gentes qui pourrez oÿr dire Ceste balade, faictes moy ce plaisir : Priez a Dieu trestous, sans contredire, Que male mort si les puist accueillir [Danger et Malebouche] (GARENC., Poésies N., 1389-1415). | |
| 57 | ...il ne craint vent qui vente, Ne gent, ne gente (MOLINET, Faictz Dictz D., 1467-1506, 377). | |
| 58 | Ne scé pour quoy nous menacez ; De bonne gent sommes assez Pour nous deffendre. (Mir. Oton, c.1370, 332). | |
| 59 | Et tout li aultre chevaliers et esquiers qui bien estoient .CCC. armeures de fier et droite gent d'armes, demoroient au pont et gardoient le pasage (FROISS., Chron. D., p.1400, 440). | |
| 60 | Li rois de France (...) avoit la plus belle gent d'armes que on peuist veïr ne imaginer, et la plus grant fuisson. (FROISS., Chron. R., XI, c.1375-1400, 134). | |
| 61 | Tant y ont assemblé de gent D'armes (Mir. ste Bauth., c.1376, 127). | |
| 62 | ...tout aussi comme le bon gouverneur d'un ost use de sa gent de tant et de telz comme il sont au miex que il appartient selon fait d'armes (ORESME, E.A., c.1370, 135). | |
| 63 | Et l'autre fut gentilliene, car l'en ordena que des ores mes en la gent et ou lignage des Mauliens nulz ne fust appelez Marc Maulius ["en la gent et ou lignage" trad. I>gens/I>] (BERS., VI.20, c.1354-1359, ms. Paris, B.N.F., fr. 263, f° 120b). | |
| 64 | "Bretons sont male gent. Ilz pilleront la ville et l'ardiront et puis s'en partiront." (FROISS., Chron. M., XIV, c.1375-1400, 194). | |
| 65 | ... ilz furent couru sus de gent aspre et qui estoient duit du mestier d'armes, que en petit de heure furent mis les pluseurs a la fuite. (ARRAS, c.1392-1393, 112). | |
| 66 | Li rois Phelippes (...) avoit le plus belle hoost et le plus belle gent dou monde. (FROISS., Chron. D., p.1400, 177). | |
| 67 | ...grant gent ne lor convenoit point pour faire lor emprise (FROISS., Chron. D., p.1400, 352). | |
| 68 | "Pourquoi alés vous avant, folle gent, sans les banieres des marescaus ? Vous vos alés perdre..." (FROISS., Chron. D., p.1400, 722). | |
| 69 | Et quant le jour apparust, Claudius et sa gent vittorieuse a tresgrant joye saillirent a battaille devant Hanibal, lui monstrant les prisonniers. (LA SALE, Salade, c.1442-1444, 45). | |
| 70 | PILATE. Tantost je le ferai conduire - Par ma gent bien sera tenu - En Galilee dont est venu (Myst. Pass. N.S. R., c.1350-1370, 164). | |
| 71 | Mais le soudant, qui fu plain de grant cuer et de grant vaissellage, ralie sa gent autour de lui, et livre assault a noz gens moult fierement. (ARRAS, c.1392-1393, 112). | |
| 72 | Et Gieffroy fait sonner ses trompettes et armer sa gent, et s'en va pour assaillir la ville (ARRAS, c.1392-1393, 223). | |
| 73 | "...Je me confioie en ma gent, et il m'ont trahi." (FROISS., Chron. D., p.1400, 499). | |
| 74 | ...celi Paulus, duquel le precedent exemple parle, ot quatre filz, desquelz il donna l'un en adoption selon la coustume de Rome lors a la gent fabienne, l'autre a la gent cornelienne ; et les autrez deus retint a li pour la lignie emilienne (SIM. HESDIN, Val. Max., 1375-1383, II.9.4, glose, f° 138c). | |
| 75 | "Ma bonne gent de Hainbon sont, je le sçai bien, a grant malaise de moi..." (FROISS., Chron. D., p.1400, 518). | |
| 76 | Par Mahon, dist le soudant de Damas, moult sont ces crestiens dure gent et qui pou ressoingnent la mort. (ARRAS, c.1392-1393, 226). | |
| 77 | Lors escrie a sa gent : Avant, seigneurs bacheliers, veez la Gieffroy qui se combat tous seulz a la gent Mahommet. Qui ore ne lui aidera, honny soit il de Dieu ! (ARRAS, c.1392-1393, 232). | |
| 78 | SECOND HERMITE. Dieu m'envoie moult belle offrande (...). J'aray un hoste de sa gent : A joie soit il cy venuz. (Mir. enf. diable, c.1339, 39). | |
| 79 | NOSTRE DAME. (...) Vez cy la lettre despecie, Dont vous conme mauvais usez. Vous escripsiez et seellez Pour la gent mon fil decevoir. (Mir. enf. diable, c.1339, 48). | |
| 80 | LE ROY. (...) Egar ! qu'est ma gent devenue ? J'ay la sente et la voiz perdue D'eulx : si ne say quel part aler (Mir. femme roy Port., c.1342, 154). | |
| 81 | LE CHASTELLAIN. Mon seigneur, ou sont vostre gent, Qu'il ne sont ci ? LE ROY. Chastellain, pour voir vous affi Qu'ilz ont un grant lievre esmeu (Mir. femme roy Port., c.1342, 157). | |
| 82 | Quant Sarrasins furent partiz, le roy et ses gens rentrerent en la ville. Mais quant ilz sceurent la bleceure du roy, lors recommenca la douleur moult grant. Lors dist le roy : Ma bonne gent, ne faictes tel douleur, mais pensez a vous deffendre du soudant, et, se Dieu plaist, je seray tost gueriz. Lors se repaisa le peuple un petit, et le roy, qui disoit ces paroles pour son peuple resbaudir, sentoit bien qu'il ne povoit eschapper. (ARRAS, c.1392-1393, 107). | |
| 83 | JUDAS. ...Jhesus ou tous biens sont compris, Je fus de ta gent Jadis (GRÉBAN, Pass. J., c.1450, 283). | |
| 84 | Et se parti de Paris à grant gent et en ala prendre le saisine et possession et l'ommage des barons (FROISS., Chron. L., VI, c.1375-1400, 134). | |
| 85 | ...vous me promectiez d'entendre songneusement et mettre toute vostre cure et diligence pour ma paix et amour garder (si comme vous disiez bien saigement par plus sage conseil, ce croy je bien, que le vostre) en moy priant humblement en nostre lit, comme en suis recors, que pour l'amour de Dieu je ne vous voulsisse mie laidement corrigier devant la gent estrange ne devant nostre gent aussi, mais vous corrigasse chascune nuit, ou de jour en jour, en nostre chambre et vous ramenteusses les descontenances ou simplesses de la journee ou journees passees et vous chastiasse s'il me plaisoit (Ménagier Paris B.F., c.1392-1394, 1). | |
| 86 | Quant li rois Phelippes fu partis de la Broie (...), à moult seule gent, il chevauça celle nuit tant que le dimence il vint en le bonne cité d'Amiens. (FROISS., Chron. L., III, c.1375-1400, 191). | |
| 87 | ROY FLOIRES. Assez avez gent de conmun ; Mais pour estre voz conseillers Vous arez ces deux chevaliers Et ces deux massiers (Mir. Berthe, c.1373, 200). | |
| 88 | De gent de court de bas estas Je vi, en cellui lieu, maint tas, Faisans de grans extorcions Aux povres gens et mocions De plusieurs riotes faisoient, Qui a mainte gent desplaisoient. (CHR. PIZ., M.F., II, 1400-1403, 42). | |
| 89 | La, chacun le sert par grant cure, Mais de gent d'eglise n'a cure, Vers lui ne mettroient le pas, Mais, que je ne vous mente pas, Bien oÿ dire que d'Espaigne En y avoit en sa compaigne, Toutes fois n'y en vi je nulz De sa court, n'en tous les venus N'y choisi chanoines, ne prestre, Loing de lui les fait trestous estre. (CHR. PIZ., M.F., I, 1400-1403, 35). | |
| 90 | PIERRE. Sire, mon frere et moi peschons : Povre gent sommes de mestier (GRÉBAN, Pass. J., c.1450, 147). | |
| 91 | En ce temps fist Jaques de Saint Pol refaire et enforcier le chastel de Lille pour le roy et autres chasteaux du pays, et fist la commune gent taillier pour payer ces fraiz (Chron. norm. 14e M., c.1369-1372, 16). | |
| 92 | Les ungs s'en mocquent, et les aultres y adjoustent foy, par l'ancien parler de la commune gent (LA SALE, Salade, c.1442-1444, 80). | |
| 93 | La fu le roy Richars, qui le cuer ot joiant De chou qu'est escapez de le gent Tervagant (Jourd. Blaye alex. M., a.1455, 205). | |
| 94 | De che cop fu le gent Mahon sy adolee (...) Qu'il n'alaissent avant pour d'or une caree (Jourd. Blaye alex. M., a.1455, 249). | |
| 95 | ...moult se redoutoit en se condissïon Que li bourgois de Blavez par leur male fachon N'eussent vendut Gerart a le gent Baraton. (Jourd. Blaye alex. M., a.1455, 848). | |
| 96 | ...et pour l'amour Qu'ilz ont a moy de bon courage M'ont admonnesté mariage, Disans : "Tu es uns riches homs, Et si as diverses maisons : Ton eage est encor ou moyen ; En cest estat n'espargnes rien : Estrange gent le tien aront, Tes biens po te proufiteront..." (DESCH., M.M., c.1385-1403, 6). | |
| 97 | Jourdain tient en ses poins le rice branc d'achier, Entre paiiens se fiert, le gent a l'aversier (Jourd. Blaye alex. M., a.1455, 199). | |
| 98 | Et ainsis qui lire sçara, Trouver puet la destruction, Les ans de l'incarnacion Et de l'Olimpiade dicte, Que Jherusalem fut afflicte Et destructe par .XII. fois, Tant du pais sarrazinois Comme de la gent crestienne, Des Turs et de la loy paienne, En moins assez de .II. ans, Par diverse espace de temps, Par le moien de toy, Folie : Fait perdre as mainte seignourie Et maint peuple jusques a cy. (DESCH., M.M., c.1385-1403, 365). | |
| 99 | Pharisïens, durs ypocrites Les loys des prophetes escriptes Preschiez a la gent populaire (GRÉBAN, Pass. J., c.1450, 179). | |
| 100 | PILATE. ...Se sont ses menuz gens, espoir, Gens de comung, gent populaire, Qui ne servent rien que de braire Toute jour (GRÉBAN, Pass. J., c.1450, 430). | |
| 101 | Et quant la menue gent virent que li grant baron estoient assenti a la voulenté du roy, sy virent bien que leur deffense n'y vauldroit riens, si firent aler leur femmes avec les autres. (Bérinus, I, c.1350-1370, 117). | |
| 102 | Rentes, meubles ne revenue, Ainsis que celle gent menue Qui vont devant autrui ouvrer, Et leurs femmes vont labourer, A telz chetis deust l'en deffendre, Non pas a toi, de femme prandre, Qui ont des enfans .III. ou quatre Et n'ont pas de quoi eulx embatre Un seul oeuf ou un mors de pain En leurs bouches ou en leur main (DESCH., M.M., c.1385-1403, 288). | |
| 103 | Si sont les cloistriers Assez plus que les seculiers En voie de salvacion, Car tant n'ont de temptacion Ne pugnicion si amere Comme ont celle gent seculiere, Qui fait penser a leurs labours, A leurs femmes, a leurs atours, A leurs enfans, a leurs bestaulx, Ou ilz n'ont que paine et travaulx Et abregement de leur vie, Ce que gens du cloistre n'ont mie, Qui n'ont a faire fors orer Et en leur moustier demourer. (DESCH., M.M., c.1385-1403, 246). | |
| 104 | Cilz Famius estoit homs de grant noblesse et assasez de grant richece, et estoit estrait de haute gent et de vaillant, si qu'il estoit homs de grant affaire et cremuz et amez de tout le païs, si que, pour la haultece de lui, il print a femme une damoiselle gentil et de grant lignage, mais je ne vous sçay mie a dire s'elle estoit riche d'avoir, car a cellui temps l'en entendoit plus a honnour, a sens, a bonté et a gentillece, que a richece ne a avoir amasser (Bérinus, I, c.1350-1370, 6). | |
| 105 | ...comme il fu dit en la prefacion de ceste regle, a nostre propos il est expedient de presenter a nos crestiens aujourduy, et especialment a seculers et laie gent, aucun doulz electuaire nouvel et delicatif par maniere de medicine (MÉZIÈRES, Sustance H., 1396, 52). | |
| 106 | Si com dyent la gent lectree. (CHR. PIZ., M.F., III, 1400-1403, 234). | |
|
