| 23 exemples |
| 1 | Je te di que Typhoeüs Fu uns jaians trop deceüs, Que dechacier volt par sa guerre Les dieus dou ciel et de la terre. Mais li dieu si fort se courcierent Que crueusement s'en vengierent (MACH., C. ami, 1357, 84). |
|
| 2 | Et encore y pert en la roiche ou les chainnes de fer furent atachiees, dont Andromades vn grant geant fu mis en prison deuant le flueue de Noel, du quel geant les scines de ses costes ont xl. piez de lonc. (MANDEVILLE, Voy. L., p.1360, 244). |
|
| 3 | Ysles, a grans geans orribles, Et pays, a serpens terribles, Grans et fiers, de maintes natures, Et de moult estranges figures, Monstres sauvages perilleux Y a, et hommes merveilleux, Qui ont les corps trop desguisez (CHR. PIZ., M.F., I, 1400-1403, 144). |
|
| 4 | Adont, pour emprendre la guerre, Plusieurs joyans envoya querre Nambroth (CHR. PIZ., M.F., II, 1400-1403, 148). |
|
| 5 | Et ainsi ceste tour bastirent Li geant (CHR. PIZ., M.F., II, 1400-1403, 151). |
|
| 6 | ULIXES en retournant de la destruction de Troye arriva en une isle en la quelle regnoit un geant nommé Pollifernus, le quel estoit si grant que il gectoit les montaignes aprés les gens comme l'en feroit pierres (LEGRAND, Archil. Sophie B., c.1400, 204). |
|
| 7 | ...Pirithoüs fut filz de Yxion le gayant (LA SALE, Sale D., 1451, 163). |
|
| 8 | ...et s'il vous surmonte comme un jaiant qu'il est au regart de vous, il ne vous puet tant fouler que le monde ne vous en prise trop plus que se n'aviez eu a faire a lui (LA SALE, J.S., 1456, 151). |
|
| 9 | Et quant Charles vit que personne ne couragoit de soy combatre a cestuy jayant Fyrebras, il va dire a Roland : «Mon cher nepveu, je te prie que tu te dispose pour assaillir ce Turcq et que tu y faces ton debvoir...» (BAGNYON, Hist. Charlem. K., c.1465-1470, 31). |
|
| 10 | Par la porte où tous les aultres entremectz estoyent passez et entrez, vint ung geant plus grant, sans nul artiffice, que je visse oncques, d'ung grant pied, vestu d'une robe longue de soye verde, royée en plusieurs lieux, et sur sa teste avoit une tresque à la guise des Sarrasins de Grenade (LA MARCHE, Mém., II, c.1470, 362). |
|
| 11 | Et, qui pis est, y a ja ans et ans Qu'ilz s'efforcent [les humains] de monter jusque es cieulx Comme firent autresfois les gayans, Qui longuement menerent guerre aux dieux Et se dirent heritiers cause ayans De nostre lieu, tant sont ambitieux. (Cene dieux, c.1492, 110). |
|
| 12 | ...et monstra icellui Ionicus d'icelle science à plusieurs haulx hommes, par especial à Nembroth, premier empereur sur la terre et roy de la grant Babillonie, et lui donna conseil comme il resgneroit sur les grans geans et sur son peuple (SIMON DE PHARES, Astrol., c.1494-1498, f° 14 v°). |
|
| 13 | Encor raconte Galatee, Qui du jaiant fu tant amee, Que sa grant cruauté dontoit Amours, pour ce qu'il la doubtoit. (MACH., Voir, 1364, 628). |
|
| 14 | Cestui fut en Affricque et, parquerant les choses esconses trouva les os d'un géant et, entre autres choses, en envoya à Romme une dent, laquelle l'en estymoit cent foiz plus grosse que la plus grosse que homme commun peust avoir. (SIMON DE PHARES, Astrol., c.1494-1498, f° 93 v°). |
|
| 15 | ...ains tenoit Haulte Clere plus trenchant que rasouer de guigant ["I>Guigant/I> pourrait être une ville", G. Roques, I>R. Ling. rom./I> 62, 1998, 571.] et prent le demourant de son escu et s'en couvre. (Galien Rethoré K.K., 1500, 333). |
|
| 16 | Si leur coururent sus et combatirent à eulx bien appertement, en tel maniere que leurs anemis furent desconfis et en mourust en la place X, dont l'un estoit geant de IX pies de lonc (BÉTHENCOURT, Canarien C., c.1490, 269). |
|
| 17 | Il [un poëte] vouloit dire que ce geant Encheladus ne povoit fuir en lieu ou Dieu ne fust. (ORESME, C.M., c.1377, 278). |
|
| 18 | Mais n'aresteray mes talons, Jusques vous avray assemblé(e)s Les os de .XXV. contrées De jayans et de Jupïans Pour combatre aux crestïens (Jour Jug. R., c.1380-1400, 243). |
|
| 19 | "...Dame royne," dist la vieille, "il vous souvient bien que mes besans jadis je forgoie par les jayans, devant le deluge, et apres par Nembroth edifiant la tour de Babel, par laquelle montier ou ciel je desiroie..." (MÉZIÈRES, Songe vieil pèl. C., t.1, c.1386-1389, 324). |
|
| 20 | Or advint en ce temps qu'il ot un jayant en Gueurrande, en qui avoit si grant orgueil que par sa force il mist tout le pays en patiz jusques a la Rochelle. (ARRAS, c.1392-1393, 239). |
|
| 21 | Moult fu le jayant esbahy quant il ot perdu son bras. Nonpourtant il haulse le pié et cuide ferir Gieffroy ou pitz. Mais il l'en garda bien et le fery de l'espee sur la jambe, dessoubz le genoil, par telle puissance qu'il lui a trenchié en deux. Et le jayant chiet et giette un cry si hault que toute la valee en retentist. (...) Et Gieffroy couppa au jayant les laz du heaume, et puis lui trencha la teste. (ARRAS, c.1392-1393, 247). |
|
| 22 | Item, en la Maison Dieu de Venise est l'un des gros dans d'un jayant c'om appeloit Goliast, lequel jayent David occist. (Voy. Jérus., c.1395, 4). |
|
| 23 | ...un geant qui n'avoit que un seul oeil en my le front, d'orrible grandeur. (CHR. PIZ., Ep. Othea L., c.1400-1401, 186). |
|
