A. -

"Plainte, lamentation" : Avec che doit ramembrer les benefices de pere et mere, asscavoir procreation ou estre, education ou nourrisement et erudition ou enseignement et choses samblables, lesqueles il leur doit rendre affin qu'il acomplisse che qui est dit en Ecclesiastique ou .VIIe. chapitre : «Honneure ton pere et ne met pas en oubly les gemissemens de ta mere.» (DAUDIN, De la erudition H., c.1360-1380, 337). Mais quant repos en moy nature Voloit prendre, une creature Oy qui trop fort se plaignoit, Et bien vi que pas ne faingnoit, Car son plaint si parfondement Prenoit, et son gemissement, Que j'en os horreur et frëour, Doubtance, frisson et paour. (MACH., F. am., c.1361, 145). J'ay tant de plours arosée ma face Et de souspirs fait mes gemissemens Que cuers m'estraint et viaire m'efface, Et que de mort sont venus les tourmens (DESCH., Oeuvres Q., t.3, c.1370-1407, 285). Defaudra ma vie en douleur et mes ans en gemissemens ? (GAST. PHÉBUS, Livre oraisons T., c.1380-1383, 61). Lors pleure le bon homme ses pechiez en la nasse ou il est enclos, dont il n'ystra jamés, mes y demourra en douleurs et gemissemens (Quinze joies mar. R., c.1390-1410, 93). J'ay pour toy fait mains pleurs et mains gemissemens ; tu les sces bien ; sy te prie et requier que tu ne me failles mie a ce darrain besoing. (GERS., Déf., 1400, 227). Mais ne pot Lucresce porter pacientment ce grant desplaisir, dont quant vint au jour, elle envoya querre son mary et son pere et ses prouchains parens qui estoyent les plus grans de Romme, si leur regehy a grans pleurs et a grans gemissemens ce qui luy estoit advenu. (CHR. PIZ., Cité dames C., c.1404-1407, 886). J'ay labouré en mon gemissement. Je laveray par singulieres nuis mon lit, et arroseray mon giste de mes larmes. (CHR. PIZ., Psaumes allég. R., 1409, 86). Car, comme souvent repetent les anciens escrips, pour la misere des povres et gemissemens des souffreteux la divine justice donne sentence de tresaigre punicion. (CHART., Q. inv., 1422, 24). ...et les envayrent très asprement, non mie tant seulement une foiz, mais plusieurs, iceulx abatans et occians très terriblement, sans en avoir mercy. Et furent là adonc faictes si grans douleurs, gémissemens et complaintes d'iceulx ainsi prosternez et abatus, que ce seroit longue chose à dire. (MONSTRELET, Chron. D.-A., t.1, c.1425-1440, 363). Je mueray vos chantemens En plaintes et gemissemens. (MARCADÉ, Myst. Pass. Arras R., a.1440, 57). ...et, pour la matere abregier, prist le dur congié de sa bonne et belle femme a sy grans pleurs et parfons gemissemenz qu'elle demoura toute pasmee et cuida l'en longuement que son corpz fust sans vie. (Comte Artois, c.1453-1467, 26). ...ilz la veoient deffaillir en pleurs et gemissemens. (COLART MANS., Dial. créat. R., 1482, 202). Ung jour comme le roy venoit de la messe acompaigné de ses barons et chevaliers, et ainsi qu'il estoit à l'entree de son palaix royal, et que celuy jour estoit une solempne feste, arriva devant luy le roy d'Espaigne qui en grans pleurs et gemissemens se gecta aux piez du roy de France. (Jehan de Paris W., 1494-1495, 2).

B. -

"Remord, repentir" : Vain y est [au jugement dernier] tout gemissement Ne rien qui la balanciere Muer pëust, tant est fiere, De faire son pois justement. (GUILL. DIGULL., Pèler. âme S., c.1355-1358, 358). Et doit il ou elle savoir que contriction requiert douleur de cuer en grans gemissemens et repentences, et couvient que en grant contriction et treshumblement le pecheur requiert pardon et mercy (Ménagier Paris B.F., c.1392-1394, 15). Durant laquelle maladie fist plussieurs regretz et gémissemens, soy repentant merveilleusement de ses péchiez, comme une bonne et vraye catholicque doit faire. (CHART. J., Chron. Ch. VII, V., t.2, c.1437-1464, 35). Maintenant est ton labeur fructueux, ton pleur acceptable, ton gemissement exaulchable, ta doleur transitore et purgative. (Internele consol. P., 1447, 345). ...et les aultres, navréz et demy mors, menoyent piteux regrets et gemissemens en attendant l'heure de Dieu. (MOLINET, Chron. D.J., t.1, 1474-1506, 59). Dyables horribles les lyeront Comme fagotz, et brusleront En feu ardant ; lors urleront En grans pleurs et gemissemens, A dentz tremblans par grissemens (ALECIS, Passe temps P.P., 1480, 289). SATHAN. Il [le chrétien mourant] a donné consentement Et en cest estat l'ay trouvé. Ergo, donc, eternellement, Je vueil dire qu'il est damné. S. NICOLAS. Au cueur a eu gemissement : Parquoy il n'est pas reprouvé Et n'en fais plus nul argument, Car par moy Dieu l'a preservé. (Mir. st Nic. juif, c.1480-1500, 146). Aultres vers sizains. Congiés et adieux, Regretz, plaintes, dieulx Et gemissement De pecheurs vers cieulx Qui dorment es cielz Se font bien souvent. (Traité rhétor. L., c.1482-1500, 256).

-

À larmes et à gemissements/en pleurs et en gemissements : Mais si tost comme il renia Les ydoles et qu'il pria A Dieu merci devotement En plours et en gemissement, Dieus l'escouta et entendi Et son roiaume li rendi Et li remist seigneur et mestre Assez plus que ne soloit estre. (MACH., C. ami, 1357, 57). Veons comment la premiere damoiselle fait son office et appelle le Saint Esperit, comme en se complaignant et huchant a basse chierre, a face esplouree, a lermes et gemissemens : «O tres doulx et tres begnin Saint Esperit, protecteur certain et conforteur des desolez (...) devant le throne de vostre haulte majesté, je fais ma complainte et ma querelle.» (GERS., Pent., p.1389, 74). ... il le prieroit [le prevost ou juge] de bon cuer en grans pleurs, en gemissemens et grans contrictions de cuer sans penser autre part (Ménagier Paris B.F., c.1392-1394, 15). O tu, qui blasmes saint Pierre pour ce qu'il renia son maistre, ou qui pour ce veulz tes pechiez excuser, avise, je te prie, comment a ung seul regart de Jhesu Crist, il se converti soudainement a repentence tres amere, en pleurs et en gemissemens continuelz. (GERS., P. Paul, a.1394, 489). Pour ce te vueil je donner a congnoistre quelles sont les contrefaites esperances, qui les personnes mainent a confusion lez bras au col, et en riant, par consolation faintive, et folle fiance mal fondee, lez tirent a gemissemens et a lermes. (CHART., L. Esp., c.1429-1430, 101). Tu es enclin en vices et tantost coules en pechie, et a vertus tu es foible et a peine fais oeuures vertueuses: regarde de quoy tu te dois orguillir et enfler, vrayement se tu te congnois es choses deuant dictes tu te conuertiras a lermes et a gemissemens, tu te conuertiras a dieu en humilite disant auecques le psalmiste : sana domine animam meam quia peccaui tibi. (CIB., p.1451, 198). ...ne nous desconfortons pour tant, mais laissons nous, par l'inspiration du Saint Esprit, mener ou desert qui est l'asperité de penitence, en lieu solitaire et secret, en angoisse et desplaisance de nos pechiez, [en] doloureuses pleurs et en parfons gemissemens (FILLASTRE, Traité Conseil H., c.1472-1473, 193).

C. -

Gemissement des boeufs. "Beuglement" : Et ce avoit il [l'inventeur] ordonné affin que les soupirs et clameurs des encloz dedens [une construction où on ferait mourir les condamnés] ressemblassent aux gemissemens des beufz et bestes et qu'il [le tyran] n'en eust aucune pitié (COLART MANS., Dial. créat. R., 1482, 239).