| 81 exemples | | 1 | Item donne et legue a ma niepce, la fille de ma suer la dame de Popet, ma frontiere de perlles. (Test. Besanç. R., t.1, 1400, 542). | |
| 2 | ...Lequel de ses beaulx ornemens Est paré et sainctz vestemens D'ung peuple ou drap de fin sandal Partout ses membres et aval, Et sur le chief la grant frontiere De mesmes devant et derriere. Toutesfois n'est pas d'ung tenant Des Minerves de maintenant. De ses pierres, perle et joyaulx Ses ornemens sont plus loyaulx, Establis en aultre façon Sur chief et teste (RIVIÈRE, Nef folz D., 1497, 761). | |
| 3 | Et lors messire Loys de Sancerre, qui sceut le conestable devoir combatre contre les Anglois, desfit toutes ses frontières, et les mena après lui (CABARET D'ORV., Chron. Loys de Bourb. C., 1429, 25). | |
| 4 | Et assit le conestable ses frontières, et s'en alla à Paris (CABARET D'ORV., Chron. Loys de Bourb. C., 1429, 41). | |
| 5 | ...Messire Ambroys, sire de Loré, qui estoit capitaine d'une ville nommée Saincte-Susanne en la frontière des ditz Angloiz (CHART. J., Chron. Ch. VII, V., t.1, c.1437-1464, 33). | |
| 6 | Le tiers estoit qu'il laissa toutes ses villes du royaulme, tant celles qui estoient en paix comme celles qui estoient sus les frontières, si bien fortifiées, qu'il ne seroit possible de y mieulx pourveoir. (LE CLERC, Interp. Roye, c.1502, 399). | |
| 7 | Puis le Roy laissa des frontières contre Nyort (GRUEL, Chron. Richemont L., c.1459-1466, 159). | |
| 8 | Desploiez vostre banniere, Loyauté, je vous en prie, Et assailliez la frontiere Ou Dueil et Merencolie, A tort et par felonnie, Tiennent Joye prisonniere. (CH. D'ORLÉANS, Ball. C., c.1415-1457, 43). | |
| 9 | Elle [Janville] est en pays sontheneux [l. sousteneux (?)] Pour nous garder de nul mal faire, Que ell'est ville de frontiere En pays plat, de toutes gens : Ung siege y auroit fort a faire De nous assiger en tous sens. (Myst. siège Orléans H., c.1480-1500, 644). | |
| 10 | ...ledit de Saint Pol alleguoit que (...) d'aulcunes terres, bonnes villes et seigneuries appertenans a sa femme, la contesse de Marle, comme Bourbourg, Dunquerque et Gravelingnes, villes frontieres sur Calais, on luy faisoit difficulté (CHASTELL., Chron. IV, D., c.1461-1472, 80). | |
| 11 | Et lui pleut [au duc de Bourgogne] (...) le rappeller et le recepvoir en sa bienveullance comme son bon parent et subgect, vaillant et bon chevalier, et de qui bien et grandement se pooit servir (...) car avoit cely de Saint Pol beaucop de belles et bonnes places frontieres entre France et Picardie, et par lesquelles il pooit nuire et aidier grandement a l'un des partis (CHASTELL., Chron. IV, D., c.1461-1472, 212). | |
| 12 | Il regardèrent et avisèrent li un par l'autre qu'il se departiroient et se trairoient ens ès garnisons, et guerrieroient par forterèces, et metteroient sus les camps entre quatre cens ou cinq cens combatans dont il feroient frontière. (FROISS., Chron. L., III, c.1375-1400, 53). | |
| 13 | Car elle avoit ses yeulx aussy clers comme deux estoilles, belle frontiere et large, le nez tresbien seant, les joues avoit vermeilles, coulourees d'une blanscheur parfaitte, les sourcilz compassés, qui faisoient ung petit d'ombre a la couleur de son visaige, les cheveux reluisans comme l'or, longs jusques au millieu du corps, la bouche avoit tresbien composee d'une rondeur atrempee, le col ung petit long, et ung petit plus bas les espaules belles et bien croyssees, et d'aultre part les deux mamelles petites et rondettes, eslevees sur le corps comme deux petites montaignetes. (BAGNYON, Hist. Charlem. K., c.1465-1470, 171). | |
| 14 | Lors fist li rois ordonner tous ses vaissiaus et mettre les plus fors devant, et fist frontière à tous costés de ses archiers. (FROISS., Chron. L., II, c.1375-1400, 35). | |
| 15 | [Il] donnèrent le chastiel à monsigneur Gautier Huet, à Jehan Cressuelle et à David Holegrave et as compagnes qui bien estoient cinc cens combatans, pour faire la frontière as Poitevins contre chiaus d'Ango et du Maine. (FROISS., Chron. R., VIII, c.1375-1400, 21). | |
| 16 | Mieulx vaulsist que paie en fust fecte En acquitant aucune debte Aux bons chevaliers de la terre, Pour la frontiere et pour la guerre (DESCH., M.M., c.1385-1403, 155). | |
| 17 | ...donnons par cesdites présentes plain povoir, auctorité et mandement espécial de mander, assembler et faire venir devers lui, toutes foiz que bon lui semblera, les nobles, vassaulx et subgetz d'iceulx païs qui ont acoustumé d'eulx armer, et aussi tous cappitaines et autres gens d'armes et de traict par nous ordonnez et establiz pour la frontière desdiz pays (Roi René vie L., 1468, 327). | |
| 18 | ...et aprés vostre delivrance estes venu en ceste cité de Beauvais qui est en frontiere des ennemis du royaulme, c'est assavoir Anglois et leur alliez, qui est la principalle et pereilleuse frontiere de ce royaulme, pour vous emploier ou service du roy, qui sont toutes choses et signes de vaillant et noble corrage de prince. (JUV. URS., Prop. I, c.1438, 289). | |
| 19 | Ha ! Sallebry ! Noble coraige, Ta mort nous sera vendue chiere ; James ung tel de ton paraige Ne se trouverra en frontiere. (Myst. siège Orléans H., c.1480-1500, 182). | |
| 20 | De la Pucelle, en somme toute, On ne luy doit riens refuser. Et que son plaisir on escoute Que bel vois luy fait propposer, Des places qui sont a avoir Au lonc la riviere de Loire ; Bon seroit premier les avoir Que y nous sont trop en frontiere, Et en nestoyer le repere Ains que proceder plus avant ; Et ne vous doubtez de victoire, Que elle vous est preminant. (Myst. siège Orléans H., c.1480-1500, 515). | |
| 21 | Ilz furent mis (...) ens es troix chastiaulx que le duc de Guerles calengoit (...) : Gaugelch, Buch, Mille. Et là se tindrent en garnison et firent bonne frontiere, et estoient à la foiz sus les champs pour rencontrer leurs ennemis. (FROISS., Chron. M., XIV, c.1375-1400, 192). | |
| 22 | Et oultre la chité de Durem sciet la bonne ville dou Noef Chastiel sus le Thin, belle ville forte et bien fremee, et fait la frontiere encontre les Escos (FROISS., Chron. D., p.1400, 124). | |
| 23 | ...et faisoient doubte que (...) il ne vosist venir a Cambrai et saisir la chité, pour faire ent frontiere et garnison sus le roiaulme de France. (FROISS., Chron. D., p.1400, 290). | |
| 24 | Et quant ilz eurent bon, ilz entrerent ens et se partirent du havre de Luscebonne et singlerent vers les frontieres d'Engleterre. (FROISS., Chron. M., XII, c.1375-1400, 13). | |
| 25 | ...li dus de Normendie (...) donna biaucop de ses gens d'armes congiet et en envoia une qantité en garnison en Lille et en Douai, pour faire frontiere a la conté de Hainnau (FROISS., Chron. D., p.1400, 391). | |
| 26 | ...ont esté veuz, receus et passez à monstre les hommes d'armes et gens de trait cy devant nommez oudit nombre de quatre cens paies d'ommes d'armes à compter comme dessus, que par l'advis desdictes gens du Conseil et des Comptes nous avons mis et mectons en frontieres pour les causes (Ecorch. Ch. VII, T., 1444, 27). | |
| 27 | Et ja s'estoient cueilliet et pourveu li Bourghegnon grandement et mis en frontière contre les ennemis. (FROISS., Chron. L., VI, c.1375-1400, 144). | |
| 28 | Ces noces faites, (...) li consaulx dou roi de Portingal ordonna que ces gens d'armes, qui se tenoient à Lusebonne et là environ, se departiroient et iroient d'autre part tenir leur frontière. (FROISS., Chron. R., X, c.1375-1400, 158). | |
| 29 | LE GENDARME [à la Fille]. Je vous bailleray mon tresor, Mon or, mon argent, ma chevance Et vous maineray a l'essor Tous les jours a vostre plaisance. Oultre se n'est que l'ordonnance De nous qui tenons les frontieres Que nous ayons des chamberieres, [Personne ne s'en scandalise]. (P. moyne, a.1500, 48). | |
| 30 | Mes pensons de nous en vengier Et nous tenir tous en frontiere (Myst. siège Orléans H., c.1480-1500, 445). | |
| 31 | ...paiement de certain nombre de gens d'armes et de trait qu'ilz tenoient de par le roy, la royne et mondit seigneur ou pais de Masconnois en deffense, resistance et frontiere contre ceulx de la ville de Lyon tenans le party des Armignaz (Comptes Etat bourg. M.F., t.2, 1419, 599). | |
| 32 | Si conseille que incontinent On le voise abatre et bruller [le boulevard (rempart)] ; Oultre plus, il nous convient faire Sus le pont autre bouloart Pour tenir la ville en frontiere, A la garder de celle part. (Myst. siège Orléans H., c.1480-1500, 168). | |
| 33 | ...la somme de cinq cens frans, en deniers paiez à Jaques de La Baulme estant pour le fait de la fronctiere que l'on tient ou pais de Masconnoiz contre ceulx de Lion pour le bien du roy nostre sire (Comptes Etat bourg. M.F., t.2, 1418, 65). | |
| 34 | Sy envoya le roy Charles gesn d'armes une bonne quantité dedens la ville de Melun pour la garder d'oppression de ses voisins et pour tenir frontière aussi à l'encontre de ceux de Paris (CHASTELL., Chron. K., t.2, c.1456-1471, 29). | |
| 35 | Pour les despens du dit Pierre Davy, Vincenot du Homme, Robin Le Fevre (...) faiz du 9e jour de juing 340 qu'il demourerent sur les frontieres de la mer tant au Crotay, a Boulongne comme a Calays, pour secourre monseigneur l'amiral, sire Nicolas Behuchet et les genz de la dite armee d'argent se il en avoient besoing, jusques au 15 de juillet qu'il retournerent a Paris apres la desconfiture de la dite armee (Clos galées Rouen M.-C., t.2, 1341-1342, 63). | |
| 36 | En ladicte année, les garnisons pour le roy estans au pays de Picardie, tenans frontiere sur lesdis Flamens, nonobstant la treve firent de grans courses les ungs contre les autres en faisant mauvaise guerre, car tous les prisonniers de guerre prins de chascun desdiz costez sans misericorde aucune estoient penduz quant prins estoyent, sans aucun en mettre à rençon. (ROYE, Chron. scand., II, 1460-1483, 109). | |
| 37 | ...mais ilz combatoient les ennemis du royaulme, et tenoient les frontieres aux Angloix, à l'honneur et recommandacion d'eulx et de leurs renommées (LA MARCHE, Mém., I, c.1470, 244). | |
| 38 | Fille, vous dictes chose horrible Et ne sont point voz diz a croire. L'armee de France bien paisible Ensemble ne le pourroit faire ; Et vous qui de simple maniere Estes et de simple maintien, Contre anemis tenir frontiere ! (Myst. siège Orléans H., c.1480-1500, 384). | |
| 39 | ...il subjugua ses adversaires et debella la superbe violence des repugnans chasteaulx et des citez à luy voulans tenir frontiere (SAINT-GELAIS, Séj. honn. J., c.1490-1495, 256). | |
| 40 | Non ferez vous, je m'en fays fort, Ennuy, armé de Desconfort, Qui tousjours me tenez frontiere. (CH. D'ORLÉANS, Rond. C., 1443-1460, 524). | |
| 41 | "Si ai-ge tousjours tenu frontiere et fait guerre pour le roy d'Engleterre ; car mon hiretaige sciet et gist en Bourdelois." (FROISS., Chron. M., XII, c.1375-1400, 106). | |
| 42 | ...Anglois et Escots ont esté de tout temps ennemis ensemble, tenans frontaire l'ung contre l'autre (CHASTELL., Chron. IV, D., c.1461-1472, 253). | |
| 43 | Mon filz, puis que sommes d'acord Et que estes serviteur de (la) mort, Comme moy, faisons bonne chere. Quatre cens ans nostre discort A duré, et m'avez a tort Pour la vie tenu frontiere, Mais nous avons present matiere, En ceste cene tresplaniere De tenir convy triumphant. (Cene dieux, c.1492, 125). | |
| 44 | Et y estoient avecques luy missire Guillaume d'Elbret, seigneur d'Orval, et le lieutenant du marechal de Bossac, nommé Bochardon, et l'estandart du dit marechal et tous ses gens, et toutes les basses frontieres. (GRUEL, Chron. Richemont L., c.1459-1466, 60). | |
| 45 | Le Jouvencel, qui venoit le premier avecques toutes les frontières, descendist à pié devant le duc Baudouyn et manda au conte de Parvanchières qu'il s'avançast (BUEIL, II, 1461-1466, 146). | |
| 46 | "Où poons nous mieux faire nostre pourfit que de entrer en celle rice frontière de mer de Bourbourc, de Dunquerque (...) de Ippre et de Popringhe ?" (FROISS., Chron. R., XI, c.1375-1400, 94). | |
| 47 | Et, sur ce, mondit maistre fit toute dilligence d'assembler toutes les frontières qu'il peust. (TRING., c.1477-1483, 285). | |
| 48 | Nous avons perdu Sallebry, Qui estoit tout nostre frontiere ; Et pour vengier ce vitupere, Allencontre de ceulx d'Orleans, En tous leurs lieux de deça Loire, Je mectroye le feu dedans. (Myst. siège Orléans H., c.1480-1500, 188). | |
| 49 | Et avoient hors la cité royalme la ou le païz estoit digne de estre dit royalme, et en frontieres il avoient seulement le duchey ou le princey des guerres. (ORESME, Pol. Arist. M., c.1372-1374, 148). | |
| 50 | ...nous (...) emportasmes tout le nostre que nous avions conquis en celle saison par armes en la frontiere de Flandres. (FROISS., Chron. M., XIV, c.1375-1400, 38). | |
| 51 | Et tenoient en ce temps li Englès plus de soixante fors castiaus en celle frontière de Roerghe, d'Auvergne et de Quersi et de Limosin, et pooient aller de fort en fort et venir jusques à Bourdiaux. (FROISS., Chron. R., XI, c.1375-1400, 144). | |
| 52 | ...les frontières de Poito et de Limosin. (FROISS., Chron. R., XI, c.1375-1400, 209). | |
| 53 | ...veu que par iceulx chevaliers fu tesmoignié, et par leurs seremens, que au temps qu'ilz ont esté oudit pays de Limosin, ès frontieres dudit pays, pour deffendre icellui et resister à la male entreprinse dudit Merigot (Reg. crim. Chât., II, 1389-1392, 202). | |
| 54 | ...les gens d'armes (...) establi ens es garnisons de Saint Omer, d'Aire, de Tieruane et des fortereces françoises marcissans sus les frontieres de Flandres (FROISS., Chron. D., p.1400, 444). | |
| 55 | Et vinrent toutes ces gens d'armes en Ancheni sus la frontiere et entree de Bretagne, et la sejournerent trois jours (FROISS., Chron. D., p.1400, 492). | |
| 56 | ...le chastel de Saint Laurent du Pont et de Meysiat, qui sont situez es frontieres dudit Dauphiné (BAYE, I, 1400-1410, 267). | |
| 57 | ...venoient pardevers ou au mandement de nostre amé et féal chevalier, Pierre de Breban (...) admiral de France, pour nous servir (...) sur les frontières de la mer, à l'encontre des Anglois (Ch. VI, D., t.2, 1415, 39). | |
| 58 | ...c'estoient les frontières et limytes de leurs seigneuries (COMM., I, 1489-1491, 9). | |
| 59 | Si fu envoiiés à Hantonne messires Jehans d'Arondiel, atout deus cens hommes d'armes et trois cens arciers, pour garder le havene, le ville et le frontière contre les François. (FROISS., Chron. R., VIII, c.1375-1400, 229). | |
| 60 | ...il desconfi par pluisseurs fois en bataille les Escoçois et conquist sus euls la chité de Bervich et la frontiere d'Escoce jusques en la chité d'Abredane (FROISS., Chron. D., p.1400, 43). | |
| 61 | ...de perdre une telle ville que Calais est, ce pooit estre trop grandement au blame et ou prejudice dou roiaulme de France, et par especial des marces et frontieres de Piqardie. (FROISS., Chron. D., p.1400, 769). | |
| 62 | ...les Escoçois (...) estoient issu d'Escoce et ja entré ens es frontieres de Norhombrelande (FROISS., Chron. D., p.1400, 771). | |
| 63 | Ensi avenoient les armes ens es frontieres de Hainnau et de Tournesis (FROISS., Chron. D., p.1400, 433). | |
| 64 | Et tantost après fut la terre et frontière desdiz Anglois esmeue et pleine de rumeur, et tant qu'ilz se retrahirent à tous leurs cornes rabaissées. Mais dedens brief temps recommençèrent. Et quant le connestable vid qu'ilz ne se absentoient de faire guerre, il eut conseil avec aucuns chevaliers de ses gens et autres (MONSTRELET, Chron. D.-A., t.2, c.1425-1440, 267). | |
| 65 | Selon les lieux, les pays, les frontieres Faisoit repeues demyes ou entieres (LA VIGNE, V.N., p.1495, 147). | |
| 66 | ...nous avons sceu que avez esté trés fort requis par le seigneur de Montigny de bailler vostre place et chastel de Bossut en l'obeissance du duc d'Austriche, laquelle chose, si ainsi eust esté, nous eust pu porter grand dommage, attendu qu'elle est assise en pays de frontiere (Lettres Ch. VIII, P., t.1, 1486, 118). | |
| 67 | Prince d'Amours, se je pleure et souspire, C'est bien raison quant je suis en frontiere Qui nuit et jour eslis des maulx le pire Pour les amans mettre a mort et en biere. (TAILLEV., Edif. hôt. am. D., p.1440, 269). | |
| 68 | ...je consilleroie que nous chevaucissions sus les frontières de nos ennemis (FROISS., Chron. L., V, c.1375-1400, 204). | |
| 69 | ...ses terres [du comte de Vendosme] et segnories ont esté destruittes pour la guerre du Roy et encores presentement sont en frontières contre lesdiz ennemys, et tellement qu'il l'a moult grand charge de fournir son estat et de entretenir ses objez, terres et segnories en l'obeïssance du Roy (ESCOUCHY, Chron. B., t.3, Pièces justif., 1442, 83). | |
| 70 | ...ladite ville [Saint Jean-d'Angély] est assise en frontiere (Doc. 1351. In : P. Rézeau, R. Ling. rom. 78, 2014, 421). | |
| 71 | ...ladite ville est en frontere de guerre (...) ...ladite ville qui est en la frontiere des ennemis (Doc. 1351. In : P. Rézeau, R. Ling. rom. 78, 2014, 421). | |
| 72 | ...et la, adjournay le dit prieur a la personne de Robin de Ligandry, son vallet, au jeudi lors ensuivant, contre les dis religieux ou leur procureur pour eulx, a comparoir pardevant moy, le dit jeudi, a heure de prime, en certains terrouoirs, assis assés prez de la ville de Saint Germain dessus dit et de Saint Ligier et d'ileuc environ, cy aprés nommez et esclarcis, c'est assavoir premierement ou terrouoir de Gaudine, et aprés ou terrouoir des frontieres de Feullencourt, et puis aprés ou terrouoir des Groes, et en oultre ou terrouoir de Chapelet, pour oïr une complainte et requeste que yceulx religieux ou leur procureur pour eulx, ou nom d'eulz et de leur eglise, entendoient a fere contre le dit prieur, sur les lieux et les terrouoirs dessus nommez et sur chascun d'iceulx, en cas de saisine et de nouvelleté, selon la teneur des dittes lettres dessus transcriptes, et pour proceder en oultre comme de raison seroit (Chartes Abb. St-Magl. T.F., t.3, 1369, 402). | |
| 73 | ...Par le chemin, et en frontiere, Avoit la garde riche et belle, Avec trompettes et clairons. (Entrées roy. G.L., 1484,,, 112). | |
| 74 | Si leur delivra-on ung chevalier de la frontiere de Lourde, lequel on appeloit messire Monnaut de Salenges. Cil les emprist à conduire et mener sauvement. (FROISS., Chron. M., XII, c.1375-1400, 191). | |
| 75 | ...la frontière de Calais et de Boulongne (FROISS., Chron. R., XI, c.1375-1400, 156). | |
| 76 | ...la roine d'Engleterre avoit fait son asamblee (...) en la marce et frontiere d'Iorch (FROISS., Chron. D., p.1400, 772). | |
| 77 | ...suppliant qu'il ne lui voulsist reffuser les treves de deux mois, c'est assavoir du XVe jour d'avril jusques au XVe jour de juing, par les pays de Guines et de Boulayne, françois et anglois, et les frontieres de Calais (LA SALE, J.S., 1456, 175). | |
| 78 | Donques, maintenant, quant vit la frontiere Cepte estre comme à repos et relenquié des Affricans, se voulut transporter en Castille arrière pour aller en Grenade (CHASTELL., Chron. K., t.3, c.1456-1471, 355). | |
| 79 | Et heurent avis messires Thumas de Felleton et chil quatre baron gascon, que il chevaucheroient sus les frontières des Franchois et se metteroient en lieu parti, pour sçavoir se sus leur avantaige ils porroient riens pourfiter. (FROISS., Chron. R., IX, c.1375-1400, 7). | |
| 80 | "Et vous envoierai un bon mareschal et vaillant homme, messire Guillaume de Biaucamp, car je l'ai envoiiet querre : il est en la marce d'Escoce, où il a la journée et frontière de parlement pour nous contre les Escos, car les trieues de nous et des Escos doivent falir à celle Saint Jehan." (FROISS., Chron. R., XI, c.1375-1400, 91). | |
| 81 | En sa jeunece, ou temps du roy Charles, estoit communement à grant armée es frontieres des anemis, et par lui et sa compagnie, comme dit est, fu prise la ville d'Ardre et pluseurs autres forteresses, lorsqu'il estoit alé devant Calais, et aussi furent autre part plusieurs chasteaulx. (CHR. PIZ., Faits meurs Ch. V, S., I, 1404, 145). | |
|
