I. -

Empl. intrans. "S'agiter par petits mouvements rapides" : Item, il convient estre pourveu et avoir ung cheval basset et aisié pour monter et descendre souvent, qui soit paisible au chevauchier, sans fretillier, ne tournoyer, ne tourner la bride, ne regiber, ne faire autres empeschemens qui doient empescher a l'esprevier quant il sera reclamé. (Ménagier Paris B.F., c.1392-1394, 145). ...il [le cheval] fertille, saulte et treppe Comme se l'en lui eust frappé Soubz la queue une chaudefreppe. (MARTIN LE FRANC, Champion dames I-II, P., 1440-1442, 25). Item, a ces gentilz galans Je laisse avoir les cueurs vaillans En la noble amoureuse queste, Rire de ungs doulx yeulx fretillans Et estre tousjours assaillans Pour avoir du bien par conqueste. (HAUTEV., Conf. Test. am. tresp. B., c.1441-1447, 58). Elle sautelle, elle fretille, Pour cuider rompre la regnette, Comme ung cheval doulz a l'estrille A qui on serre la grommette. (COQUILL., Oeuvres F., 1478-p.1494, 43). Le cuer au ventre me ferteille, Tant sont mes membres forbatus. (MOLINET, Myst. st Quentin C., c.1482, 125).

-

"Frissonner" : Quant un petit fu revenus Ses povres cuers [de l'oiseau] las et menus, En mon sein prist a fretillier. Je qui la senti resvillier, La repris amiablement Et li loiay moult belement L'un des piez d'un filet de soie. (MACH., D. Aler., a.1349, 394).

-

Fretiller de joie/de deuil : Quant me souvient des bons jours, Des sejours, Des grans festes, des estours Qui furent en mainte ville Fais pour moy (...), De dueil li corps me fretille (DESCH., Oeuvres Q., t.2, c.1370-1407, 183). Et trop estoit courouciés li contes de Saint Pol qu'il n'avoit là tout son arroi et especialment sa banière, car il l'euist boutée hors, et fretilloit telement de joie, qu'il sambloit qu'il n'i deuist ja à temps venir. (FROISS., Chron. R., VIII, c.1375-1400, 186).

-

[D'un vin] "Pétiller" : Veez cy du vin de la Cougnille Et du vin blanc de Pie Girard Advisez commë il fretille ; Il brusle le goisier et ard. (Bataille st Pens. A., a.1485, 21).

-

Au fig. : Chere suer, aucunes autres femmes sont que quant elles ont desir de faire une chose en une maniere, maiz icelle maniere doubte que son mary ne vueille pas ainsi, si n'endure ou ose et fretille et fromie (Ménagier Paris B.F., c.1392-1394, 90).

-

Inf. subst. : Ung jour la dame a son vergier Fist un poure homme herbegier, Auquel bailla une aloette ; A son anel le va lyer, Mais l'oisel par son fretiller S'envolla dessus la canvrette. (Percef. lyr. L., c.1450 [c.1340], 61).

II. -

Empl. factitif. Fretiller un cheval. "Agiter, mouvoir" : "Sire de Persi (...) dist messires Aymeris, qui un petit issi de son conroy en fretillant son coursier, vous dittes voir." (FROISS., Chron. R., VIII, c.1375-1400, 156). Che premier jour (...) s'en vint li sires de Hangès (...) courir jusques as barrières d'Arde, et dist, quant il fu là venus en fretillant et remuant son coursier, par quoi il ne fust avisés dou trait : "(...) Que ne rendés vous ceste forterèce à monsigneur de Bourgongne ?" (FROISS., Chron. R., VIII, c.1375-1400, 244).

-

[Du cheval] Fretiller (la queue) : ...la cruelle beste, en mourant a grant destresse, debattoit ses ordes entrailles, fretilloit la queue, gectoit venin, souffloit de paine et s'esprouvoit au tressaillir, cuidant eschaper (Jehan d'Avennes F., c.1465-1468, 36).