| 110 exemples | | 1 | J'ai jeu a la femme mon frére Conme folz mauvais frenetiques (Mir. st Guill., c.1347, 34). | |
| 2 | ...on le scet et voit clerement Par vray et juste experiment, - Comment nuls ne fait son devoir, Comment chascuns quiert decevoir Son proisme ; car je ne voy pere, Fil, ne fille, ne suer, ne frere, Mere, marrastre, ne cousine, Tante, oncle, voisin, ne voisine, Mari, mouillier, amy, n'amie Que li uns l'autre ne cunchie... (MACH., J. R. Nav., 1349, 139). | |
| 3 | Ma dicte dame et monsieur son beau filz Avec son frere, dit monsieur Constantin (LA VIGNE, V.N., p.1495, 179). | |
| 4 | La Court a au jour d'ui donné congié à frere Nycolle de Peronne d'aler à son couvent de S. Quentin (BAYE, I, 1400-1410, 58). | |
| 5 | ...et fist le sermon ung cordelier nommé frere Pierre aux Buefs, confesseur de la Royne (FAUQ., I, 1417-1420, 188). | |
| 6 | Je voy la, ce m'est vis, un frére Hermitte en my ce boys ramu (...). Frére, Dieu vous vueille donner Pais et santé et bonne vie. (Mir. enf. diable, c.1339, 36). | |
| 7 | DIEU. Frére Honnouré, je n'attendoye Fors que toy pour lui baptizier. Fay huille et cresme appareillier, Dont crestienté li donray. TIERS HERMITE. Vray Dieu, tout appareillié l'ay (Mir. enf. diable, c.1339, 51). | |
| 8 | Par son boire devient frere Frappart (DESCH., Oeuvres Q., t.4, c.1370-1407, 281). | |
| 9 | Mais quel suere Pour vestir ung frere frappart ! (Pipée R., c.1470-1480, 173). | |
| 10 | ...le roy ouyt la messe aux freres de l'Observance, hors de Versay. (LA VIGNE, V.N., p.1495, 308). | |
| 11 | Ung fermillet d'or appellé les trois frères, garny de trois grans tables de balays, d'un gros dyamant pointu à fasse et trois perles. (Comptes Lille L., t.2, a.1467, 110). | |
| 12 | ...et habandonnèrent leur arteillerie, c'est asscavoir les .III. Frères de Lengres, le Chien d'Orleans, une bombarde et aultres engiens (MOLINET, Chron. D.J., t.1, 1474-1506, 205). | |
| 13 | ...tant que vous puissies veoir par le trou du mylieu de la dicte espere une estoille qu'on appelle transmontaigne et par le bout de la dicte espere le plus clere de deux qu'on appelle le deux frères qui sont asses loing de la transmontaingne. Et est veant la dicte transmontaigne par le dicte tru et le plus cler de deux freres par le bort, comme dit est, menes la languette de vostre espere tant qu'elle soit en droit le frere du coste ou est la plus longue. (FUSORIS, Maniére de trouver l'heure, éd. G. Arrighi, c.1407-1412, 348). | |
| 14 | Il est vray que vostre pere, depar ses ancesseurs, doit avoir grant chose en la Brute Bretaigne, laquelle vous sera declaree ou pays. Vous en yrez de cy droit a un fort appellé Quemeniguigamp, et y trouverez un moult ancien chevalier qui fu frere de vostre pere, et l'appelle l'en Alain, et vostre pere ot nom Hervy de Leon, lyquelz fu en sa jeunesse moult de chaude colle. (ARRAS, c.1392-1393, 48). | |
| 15 | ... le roy de Armenie (...) estoit frere au roi de Chippre... (ARRAS, c.1392-1393, 124). | |
| 16 | ...messire Bernart de Chevenon, evesque de Beauvès, frere et heritier de feu Jehan, segneur de Chevenon (FAUQ., I, 1417-1420, 179). | |
| 17 | DEUXIESME FIL. Qu'as tu, mon frére ? Est ce mon pére Qui t'a batu ? PREMIER FIL. Nanil, mais nous avons perdu Ma mére (Mir. nonne, 1345, 347). | |
| 18 | ROY DE GRENADE. (...) Frére, bien puissiez vous venir ! Quel vent vous maine ? AFONS. Frére, ce que j'ay le demaine D'Espaigne et la terre perdu (Mir. Oton, c.1370, 328). | |
| 19 | Haa, monseigneur, dist Guyon, quant vous aurés rigoulé moy et un autre encores, ne seront ce que deux. Mais je loue Jhesucrist de la vertu que il m'a donnee, combien qu'elle ne se pourroit comparer a la vostre, laquelle Dieux vous maintiengne. Mon frere, dist le roy, je ne vous cuide pas rigouler ; car se nostre fait estoit achevez jusques a ces deux, je me fie tant en Dieu et en vous que j'en actendroye l'adventure que Dieu nous voldroit donner. Sans doubte, monseigneur mon frere, dist Guyon, se la besoingne ne tenoit que a eulx IJ., il en fauldroit attendre l'adventure. (ARRAS, c.1392-1393, 136). | |
| 20 | Que vous semble il, mon beau frere ? Est il temps de nous mectre a table ? (Pass. Auv., 1477, 90). | |
| 21 | Que ferons nous, mon frere Andrieu ? Irons nous charcher nostre maistre ? (Pass. Auv., 1477, 123). | |
| 22 | Lazer, mon amy, mon bon frere (...) nous devons ayder Es grans pecheurs pour les retraire De mal et a bien les tirer (Pass. Auv., 1477, 133). | |
| 23 | Et de faillir de aide a son frere est plus dure chose que faillir a un estrange et ferir son pere que quelconques autre. (ORESME, E.A., c.1370, 432). | |
| 24 | Il est tart, frere ; il nous fault Aler vers ce bon Jhesus. (Pass. Auv., 1477, 135). | |
| 25 | ...il fu ordonné par les Englois et par ledit seigneur de Nuefville, mesire Richart de Rademain et mesire Guillaume de Gommegnies, à qui il se dist freres bastars, à revenir par desà, pour savoir de l'estat du roy et de l'armée, que on disoit que le roy entendoit à faire en Engleterre ou en Espaingne (Reg. crim. Chât., I, 1389-1392, 383). | |
| 26 | Appolo Delphicus fut, selon aucuns, seconds filz de Jupiter et de Latone et frere besson de Dyane. (SIMON DE PHARES, Astrol., c.1494-1498, f° 24 r°). | |
| 27 | Polistratus et Ypodides, freres jumeaux, nez en une ventrée, lesquelz furent en leur vivant grans philozophes et souverains astrologiens (SIMON DE PHARES, Astrol., c.1494-1498, f° 52 r°). | |
| 28 | ...l'un frére charnel appetice et amenuise l'eritage de l'autre frére, et de tant conme ilz sont plus de fréres charnelx de tant a chascun mendre heritage (Mir. st Val., c.1367, 121). | |
| 29 | ...Qui met (...) zizanie ente les frères, Tant charnelz que espirituelz (Myst. Viel test. R., t.4, c.1450, 366). | |
| 30 | ...ton pére Et moy sommes deux germain frére (Mir. march. larr., c.1349, 98). | |
| 31 | Li roys qui ja bien le savoit, Son commandement fait avoit Au noble prince d'Entioche, Qui est fors com chastiaus sus roche, En batailles fermes, seürs, Sages, avisiez et meürs, Dous aus gens d'armes et humains, Et s'estoit ses freres germains, Engendrez de pere et de mere. Et monsigneur Jaque, son frere, Fu avec li à ceste emprise. (MACH., P. Alex., p.1369, 138). | |
| 32 | ...sur le murtre fait en la personne du feu duc d'Orleans, frere germain du Roy nostre dit seigneur (BAYE, II, 1411-1417, 170). | |
| 33 | ...tout son heritaige eschiet a cez suers ou a ces freres que sont germain (Jug. maître-échev. Metz S.M.S., t.1, a.1494, [1345], 245). | |
| 34 | Cogneut avec ce qu'il a un sien frere appellé Tautin Marchès, filz de sondit feu pere, lequel, tout le cours de sa vie, a tenu le parti du roy de France, et esté bon et loyal François, jusques au temps de l'emprisonnement de lui qui parle, qu'il lui a esté rapporté que, pour cause de sa prinse, sondit frere s'est tourné Engleiz (Reg. crim. Chât., II, 1389-1392, 185). | |
| 35 | Cestui fut moult en grace et familier du roy Philippe le Long, XXXVIe roi de France, second filz de Philippe Ve et frere germain de Loys 35e. (SIMON DE PHARES, Astrol., c.1494-1498, f° 140 v°). | |
| 36 | Cestuy est mien, et cest icy Est nostre nepveu, tressainct pere, Et filz de nostre jeune frere. (Myst. st Laur. S.W., 1499, 163). | |
| 37 | Item, a sire Jehan Perdriel Riens, n'a Françoys son second frere ; Sy m'ont voulu tousjours aidier Et de leurs biens faire confrere (VILLON, Test. R.H., 1461-1462, 112). | |
| 38 | ...ses deux beaux freres Gadiffer et Nestor (Percef. IV, R., c.1450 [c.1340], 381). | |
| 39 | Le conte de Paniche, frere en loy du marquis, manda un chevaucheur devant certifier le jour qu'il seroit a Saluce et amenoit avec lui la vierge que le marquis devoit espouser et son frere aussy (MÉZIÈRES, Vertu sacr. mar. W., c.1384-1389, 373). | |
| 40 | Et au prendre congié de messire Anguerran, il [messire Enguerran] me dist : "Roy, vous me recommanderez bien a mon frere Jehan de Saintré..." (LA SALE, J.S., 1456, 105). | |
| 41 | Mon tresdoulz cuer, freres, compains et tres loy[aus] amis, vous m'avés escript que vous me venriés veoir... (MACH., Voir, 1364, 780). | |
| 42 | Pour ce, Champaigne (...) [un compagnon chevalier], mon tresdoulx frere chier (...), Je vous supply... (GARENC., Poésies N., 1390, 30). | |
| 43 | Worequiers, frere, dist la damme... (JEAN D'OUTREM., Myr. histors G., a.1400, 127). | |
| 44 | Nous, volant continuer l'amour et aliance dessusd.. avecques belle tante d'Orliens et avecques beau frère son filx (Ch. VI, D., t.1, 1408, 309). | |
| 45 | ...sa noble serour Marie, fille de Jehan, roy de France, duchesse de Bar, marquise du Pont, avoit supplié d'avoir la dicte hystoire à mon dessusdit seigneur, son tres chier et amé frere (ARRAS, c.1392-1393, 1). | |
| 46 | ...Colas, serviteur de beau-frère l'arcevesque de Rins (Comptes roi René A., t.3, 1479, 237). | |
| 47 | LE FILZ. (...) Seigneurs, pour l'amour saint Martin, Que je parle a nostre saint pére. PREMIER SERGENT D'ARMES. Vous n'y poez parler, mon frére. Orendroit traiez vous arriére. SECOND SERGENT D'ARMES. Tray t'en la, que l'en ne te fiére (Mir. enf. diable, c.1339, 30). | |
| 48 | Je luy disoye que son feu pere Fut si vaillant. "Ha !" fais je," frere, Qu'estes vous de bon parentaige ! Vous estes", fais je, "du lignaige D'icy entour plus a louer." (Path. D., c.1456-1469, 86). | |
| 49 | ...qu'einsois Qu'il partissent, il se croisierent, Et le saint passage vouerent, Et maint autre vaillant preudomme, Qu'en ce livre ci pas ne nomme, Par l'ordenance dou saint pere Et des cardinaus, qui sont frere. (MACH., P. Alex., p.1369, 22). | |
| 50 | Pourtant je vueil par bon arroy Maintenant cy ma court tenir Et tous mes sotz faire venir Pour me faire la reverence, Et aussi que c'est grand plaisance Quant freres habitent ensemble, Comme l'on chante, se me semble. (Roy sotz, c.1450-1500, 211). | |
| 51 | Et, le dimenche ensuivant, VIIIe jour de septembre, feste de Nostre-Dame, le roy parti de son hostel des Tournelles pour aler en la grant eglise Notre-Dame, et, en y alant, passa par l'eglise de la Magdaleine, où ilec il se fist frere et compaignon de la grant confrarie aux bourgois de Paris, et avecques lui s'i mirent monseigneur l'evesque d'Evreux et autres. (ROYE, Chron. scand., I, 1460-1483, 102). | |
| 52 | Esbatez vous avec Chascun, Mes sotz ; Chascun est vostre frere. (Sots triumph., c.1475, 42). | |
| 53 | Ilz veillent jour et nuit en plusieurs perilz : en peril de mer, en peril de fleuve, en perilz dez pons, en perilz dez mons, en peril de faulx freres et en plusieurs aultres perilz innumerables. (Songe verg. S., t.1, 1378, 233). | |
| 54 | ...je suys prisonnier Et en ceste prison fichier De mon propre consentement, Avec mes freres en tourment, Crestiens que veez em presence, Lesquelx ont en Jhesus creance Et pour luy ja martirezer Ont esté et tyrannizer (Myst. st Adr. P., c.1450-1485, 107). | |
| 55 | Et tout chil dessus dit estal eskaient au plus proisme hoir u hoirs, apries le trespas des possessans, s'il n'en avoient ordenet en leur vivant. Et quiconques aroit estaus en le ditte halle, faire en puet sen pourfit et se volenté devant le prevost u le mayeur de le halle et 2 freres de la halle, par ensi que li acquerans doit 5 s. blans au mayeur pour le halle (Drap. Valenc. E., 1344, 267). | |
| 56 | Anthoine bienviengna moult le roy Regnault et la royne, sa seur, et Ollifart, son nepveu. Et la duchesse Crestienne leur vint encontre, o lui ses IJ. filz Bertran et Lohier, le mainsné. La fut la joye grant des freres et des sereurs et des nepveux. (ARRAS, c.1392-1393, 280). | |
| 57 | ...frere de ladicte charité [les cordonniers metteurs en scène des Mystères de saint Crépin] (Doc. 1493. In : E. Lalou, Bibl. Éc. Chartes 143, 1985, 107). | |
| 58 | Gand, Bruges, tout le pays du Francq [châtellenie de Bruges], furent pleins de cestes enquestes (...). Haynau pareillement avoit les frères enquesteurs. (CHASTELL., Chron. K., t.3, c.1456-1471, 335). | |
| 59 | ...ceste honte esceue en ung si hault et noble personnaige, leur frere de serment [dans l'ordre de la Toison d'or], leur estoit [à d'autres frères] une dure passion en ceur, et bien cause d'en faire deul. (CHASTELL., Chron. IV, D., c.1461-1472, 122). | |
| 60 | Dont, se mal estoit advenu ne esclandre en cestuy noble prince d'Alençon qui en estoit frere [de l'ordre de la Toison d'or], ne vint pas pourtant de la nature de l'ordre, mes de l'infelicité de la personne (CHASTELL., Chron. IV, D., c.1461-1472, 124). | |
| 61 | ...le duc de Bourgoingne en ce temps cy avoit conclu de tenir au mois de may prochain la feste de son ordre, pour cause que plusieurs d'icellui ordre freres estoient trespasséz. (CHASTELL., Chron. IV, D., c.1461-1472, 273). | |
| 62 | ...pareillement ne le vouloient les chevaliers ses freres [dans l'ordre de la Toison d'or] honorer droit cy [le duc d'Alençon] ne condempner pour ce que, s'il l'eussent souffert appeller a l'offrande avec eulx, ce eust semblé vilipendence de la justice du roy et que a tort eust fait condempner leur frere d'ordre et privé d'onneur, quant eulx le maintendroient non meffait (CHASTELL., Chron. IV, D., c.1461-1472, 281). | |
| 63 | ...les freres d'armes, Lesquelx pour foy seulent perir (MARTIN LE FRANC, Champion dames III, F., 1440-1442, 180). | |
| 64 | Et ce n'eust esté un paige Qui nous vint trencher le chemin, Mon frere d'armes Guillemin Et moy, (Dieu luy pardoint pourtant, Car quoy ! il nous en pend autant A l'oeil) nous eussions sans nulle faille, Frappé au travers la bataille Des Bretons (Fr. arch. B., c.1468-1480, 34). | |
| 65 | ...son commilitant et frère d'armes (MOLINET, Chron. D.J., t.1, 1474-1506, 230). | |
| 66 | Vous est [sic] moy sommes freres d'armes Et des long temps l'avons esté, Portant haubergons et jusarmes Tant en yver comme en esté (Myst. siège Orléans H., c.1480-1500, 297). | |
| 67 | En grant contens furent li frere [Ethioclés et Pollinicés] Lequel d'eulx tendroit la couronne. (CHR. PIZ., M.F., II, 1400-1403, 296). | |
| 68 | Quant le roy Guion ouy ces nouvelles, si se mist en mer a tout bien six mille Ermins armez, et bien mille arbalestriers, et s'en vint a Rodes, ou il trouva le grant maistre au port. Et quant le maistre le vit, si ot grant joye, et lors entra en mer a bien IIIJm. hommes d'armes, que freres chevaliers que freres sergens d'armes, que autres estrangiers, qui aloient querant les adventures. (ARRAS, c.1392-1393, 214). | |
| 69 | En Rodes ot un amiral Qui les freres de l'Ospital, Qui sont bon chevalier de pris, Et les gens d'armes dou pourpris Et dou païs fist mettre ensamble. (MACH., P. Alex., p.1369, 59). | |
| 70 | Li rois estoit sus son cheval, Et les freres de l'Ospital Environ lui, trestous ensamble. (MACH., P. Alex., p.1369, 87). | |
| 71 | Et s'en vindrent refreschir en l'isle de Rodes. Et donnerent aux freres de la religion les fustes qu'ilz avoient conquises. (ARRAS, c.1392-1393, 90). | |
| 72 | L'ERMITE. O Dieu, je seroyes appostat Se je delaissoyes mon habit. LE PRINCIPAL. Ha frere, que vela bien dit, Par Dieu, si le mettrés vous jus. L'ERMITE. Helas, mon redempteur Jhesus, Ne me faictes pas ceste oultraige. (Sots gard., a.1488, 101). | |
| 73 | Qui est celui catholique crestien qui a la poitrine ferree et le cuer dur comme pierre, qui ne soit esmeus a pitie et profundement larmoier oiant la dolour et affliction de noz freres crestiens et le vitupere de la foy catholique. L'apostre saint Pol dit que nous sommes tous freres en Jhesu Crist. Il s'ensuit donques que a nos freres susdis en telle necessite nous doions aidier et sousvenir et vaillaument les secourre a present (MÉZIÈRES, Sustance H., 1396, 55). | |
| 74 | ...mais le frére espirituel n'amenuise pas l'eritage de son frére espirituel, ainçois l'acroist, et cest heritage c'est vie pardurable. (Mir. st Val., c.1367, 121). | |
| 75 | SAINT BASILLE. Mes fréres, sans arrestoison Nous convient a l'encontre aler De l'emperiére (Mir. emp. Julien, 1351, 176). | |
| 76 | Vous devez savoir que par grace nous sommes fréres et germains. Pour quoy ? Car nous sommes touz creez d'un pére, c'est assavoir de Dieu, et d'une mére, c'est assavoir de sainte eglise. (Mir. st Val., c.1367, 121). | |
| 77 | Le second remede ou consideration est penser a la povreté de ses propres subgietz et freres, quant a nature, et seigneurs souvent, quant a bonté de grace. (GERS., Annonc., a.1400, 238). | |
| 78 | Car l'aimait comme frère (CHASTELL., Chron. K., t.4, c.1456-1471, 53). | |
| 79 | ...nous vous supplyons, par iceluy digne salut, par icelle amour naturele qui doit estre entre freres et seurs tout d'un sang, d'une char, en quoy vous participez avecquez nous - tant soyons povres, chetifs, en prison ou en exil, toutesfoiz sommez nous voz freres et suers (GERS., Annonc., a.1400, 239). | |
| 80 | Messeigneurs et mes freres, nous avons tous desservi la mort pardurable, nous qui avons pechié mortelment. (GERS., Déf., 1400, 242). | |
| 81 | De nostre mal personne ne s'en rie, Mais priez Dieu que tous nous vueille absouldre. Se freres [nous, les pendus] vous clamons, pas n'en devez Avoir desdaing, quoy que fusmes occis Par justice (VILLON, Poèmes variés R.H., c.1456-1463, 66). | |
| 82 | Freres humains qui aprés nous vivez, N'ayez les cueurs contre nous [nous, les pendus] endurcis (VILLON, Poèmes variés R.H., c.1456-1463, 66). | |
| 83 | DOYEN. Puisqu'avons ung pasteur, au moins, Petis et grans, Gaudeamus ! Et sur ce poinct, freres humains, Chantons : Te Deum laudamus. (LA VIGNE, S.M., 1496, 418). | |
| 84 | Dieu nostre frére devint, Quant en toy prist humanité (Mir. chan., c.1361, 140). | |
| 85 | Les frères de Saint-Anthoine de Vienne, à Londres, pour don en aumosne, 10 escuz (...). Les frères croisiez, près du chastel de Londres, pour samblable, 10 escuz (Comptes argent. rois Fr. D.-A., I, 1359-1360, 260). | |
| 86 | ...et sytost comme il trouva icelli Robinet, le blasma de ce et fist blasmer par un frere des Billetes de Paris, nommé frere Gile, qui lors demouroit en icelle ville de Harfleu (Reg. crim. Chât., I, 1389-1392, 488). | |
| 87 | ...aux freres des Billettes (MARTIN LE FRANC, Champion dames III, F., 1440-1442, 77). | |
| 88 | Je croy qu'il n'a terre ne meuble ; Il est des freres de saint Pol. (Pouvre peuple H., c.1450-1492, 179). | |
| 89 | ...monseigneur le duc de Berry, frere du roy (ROYE, Chron. scand., I, 1460-1483, 37). | |
| 90 | Laquelle beneiçon monseigneur Saint François dist a frere Lyon son compaignon, tempté de aucune diabolique temptacion, laquelle onques puis ne lui vint. (LA SALE, J.S., 1456, 42). | |
| 91 | ...frere Anthoine Fradin, de l'ordre des Cordeliers (ROYE, Chron. scand., II, 1460-1483, 71). | |
| 92 | Item, je donne a frere Baude [de l'ordre des Frères mendiants], Demourant en l'ostel des Carmes, Portant chierre hardie et baude, Une sallade et deux guisarmes (VILLON, Test. R.H., 1461-1462, 99). | |
| 93 | Item, aux Freres mendïans, Aux Devotes et aux Beguines, Tant de Paris que d'Orleans, Tant Turlupins que Turlupines, De graces souppes jacoppines Et flans leur faiz oblacïon, Et puis aprés, soubz ces courtines, Parler de contemplacïon. (VILLON, Test. R.H., 1461-1462, 97). | |
| 94 | ...l'eglise des Freres Meneurs (Reg. crim. Chât., I, 1389-1392, 245). | |
| 95 | Lesquelz tous [des ambassadeurs d'Orient] menoit et conduisoit comme moveur de tous eulx (...) ung tresreligieux homme, frere mineur, nommé Loÿs, patriarche d'Antioce, orateur de nostre Saint Pere. Lequel frere mineur, norry et conversant de son tout jeusne eage es marches d'Orient et en ycelles diverses loingtaines regions, tant y estoit congneu et d'auctorité qu'a son pourchas et a sa grant diligence tous les dessusdiz roys et princes, et plusieurs aultres, s'estoient condescendus a faire paix entre eulx et venir a union ensemble pour entendre a la destruction, avecques l'aide des crestiens par deça, du Grant Turcq et de sa puissance (...). Et pour ceste cause voire et a l'instance dudit cordelier (...), ces roys et princes droit cy envoierent leurs ambassadeurs par deça pour y impetrer ayde (CHASTELL., Chron. IV, D., c.1461-1472, 288). | |
| 96 | Frere Vincent, de l'ordre des Freres Mineurs, notable theologien et grant astrologien, fut en ce temps. (SIMON DE PHARES, Astrol., c.1494-1498, f° 113 r°). | |
| 97 | ...un dévot frère cordelier (CHASTELL., Chron. K., t.3, c.1456-1471, 112). | |
| 98 | Naguieres je lisoie d'un frere precheur, qui fu penancier en l'eveschie de Cambray, qui recite de II ou III personnes, lesquelles il oÿ en confession (GERS., Pent., p.1389, 77). | |
| 99 | ...frere Jehan Thiebault, de l'ordre des freres prescheurs (Comptes Etat bourg. M.F., t.1, 1419, 46). | |
| 100 | Ce seroit une chose laide A l'enfant et grans vitupere De laisser sa mere ou son pere, Frere ou seur ou femme ou mary Premier qu'il fust mort ou gary, Ce ne seroit pas charité. (Cene dieux, c.1492, 134). | |
| 101 | ...un frère pescheur, maistre en théologie... (CHASTELL., Chron. K., t.1, c.1456-1471, 79). | |
| 102 | Cy commence le prologue de ce present volume qui se dit le somme abregiet de theologie fait et composé par tres excellent docteur en theologie de l'ordre des freres prescheurs, Albert le grant archevesque de Ratispone comme on dist. (Somme abr., c.1477-1481, 98). | |
| 103 | Sus, pendez ce frere prescheur ! (Mart. st Pierre st Paul R., c.1430-1440, 148). | |
| 104 | THEODORE. Je vous requier, sire, et a touz Voz autres fréres qui sont cy Que (...) Vous me deigniez en frére prendre (Mir. Theod., 1357, 86). | |
| 105 | L'ABBÉ. (...) Theodore, amis, vien avant. Frére te fas de ce convent (Mir. Theod., 1357, 87). | |
| 106 | Lors monta le prieur a moult les eschielles, et vint a l'eglise, et trouva Gieffroy ou cuer de l'eglise, qui avoit ouy messe. Il lui fist la reverence moult courtoisement, et lui dist que l'eglise, et tous les freres, et tous leurs biens estoient a son plaisir. (ARRAS, c.1392-1393, 277). | |
| 107 | Item, l'eglise de Saint Antoine dedans Paris que autressi il renta et y establi freres. (CHR. PIZ., Paix W., 1412-1413, 155). | |
| 108 | L'ABBÉ. (...) Sus, mes fréres, sanz attendue Si m'escoutez. (Mir. Theod., 1357, 122). | |
| 109 | Et dist que la boiste sur lui trouvée lui fu faite et baillié par un hermite d'Estrechy, nommé frere Jehan (Reg. crim. Chât., I, 1389-1392, 313). | |
| 110 | ...il avoit dit et confessé à la justice de Chasteaudun et à nous, que un appellé frere Pierre, du couvent des Jacobins d'Orleans, lui avoit baillié lesdites poisons (Reg. crim. Chât., I, 1389-1392, 442). | |
|
