C.N.R.S.
 
Exemples de l'entrée 
StructureSans exempleCompletFormesExemples
FamilleTextesSourcesImpressionAide à la lecture
FOULON1
  Tri :
12 exemples
 1 Pour che encore venir a mendre science, qui se fait tant par la langue comme par la main, la l'ovriers de terre, machons, fevres, charpentiers, drappiers et foullons, et tous les aultres faisans divers mestiers, ne peuent scavoir che qu'ilz aprennent s'ilz n'ont qui leur enseigne. (DAUDIN, De la erudition H., c.1360-1380, 51).
 2 En che tamps s'esmut uns contens et une mautallens entre les gros et les menus de Bruges, car li menut mestier voloient faire à leur entente, et li gros ne le peurent souffrir : si revelèrent, et en i ot de foulons et de tisserans mors une quantité, et li demorant s'apaissièrent. (FROISS., Chron. R., X, c.1375-1400, 51).
 3 ...George Comptart, foulon de draps (Comptes Paris V.L.D., t.1, 1442-1443, 316).
 4 ...Guillaume Moreau, foulon de bonnets (Comptes Paris M., t.2, 1470-1471, 228).
 5 Et pource que depuis VIII- ou X ans, de foulons et de tysserans sans cop ferir ilz ont eu une victoire par la sentence de Dieu et vengeance de pechie, ilz ont prins vaine gloire. (MÉZIÈRES, Songe vieil pèl. C., t.1, c.1386-1389, 525).
 6 ...il print et embla, chez un foulon demourant à Pontoise, un drap de sanguine (Reg. crim. Chât., I, 1389-1392, 29).
 7 ...un autre nomé Rogier de Merse, et est devers Ays en Alemaingne, et est foulons (Reg. crim. Chât., I, 1389-1392, 385).
 8 Et samble par l'inspection d'icellui drap, qu'il ait esté osté nouvellement des lices où il avoit esté mis par les foulons, ou celui et ceulx à qui il appartient, pour le appareillier, comme il appartient à faire. (Reg. crim. Chât., II, 1389-1392, 172).
 9 ...sachiez que serviteurs sont de troiz manieres : les ungs qui sont prins comme aides pour certaine heure a ung besoing hastif (comme porteurs a l'enfeutreure, broutiers, lyeurs de fardeaulx et les semblabes) ou pour ung jour ou deux, une sepmaine, ou une saison, en ung cas necessaire ou penible, ou de fort labour (comme soyeurs, faucheurs, bateurs en granche, ou vendengeurs, hostiers, foulons, tonnelliers et les semblabes) (Ménagier Paris B.F., c.1392-1394, 125).
 10 ...et useront lesdiz teincturiers, drapiers, foulons, tisserans et habitans dudit S. Deniz, comme ilz faisoient paravant (BAYE, I, 1400-1410, 281).
 11 Item, et sy commencheront lesdicts foullons à fouller lesdictes saies depuis le jour de Pasques carnées jusques au jour sainct Remy à cincq heures du matin (Hist. Lille T., t.2, 1500, 516).
 12 Ordonnances anciennement faictes sur le mestier des foulons drappiers de la ville et terre Saincte Genevieve (Industr. Paris F., 1330-1500, 335).
DMF 2020Robert Martin
Fermer la fenêtre