| 17 exemples |
| 1 | Et tant chevauchierent qu'ilz vindrent a Aigres et a Orchas, qui les fourriers tenoient moult cours et les navroient et abatoient, et tant les detrïerent que ceulx du chastel vindrent au secours. (Bérinus, II, c.1350-1370, 118). |
|
| 2 | En dementrues que ces deux hos estoient ensi assamblées (...) et logies sus le rivière d'Escaut, li François devers France et li Haynuier sus leur pays, couroient li fourier fourer là où par tout trouver il le pooient. (FROISS., Chron. L., II, c.1375-1400, 29). |
|
| 3 | Et cela fait, chacun s'en alla loger ainsi que par les fourriers estoit ordonné, pour prendre la réfection du disner. (CHART. J., Chron. Ch. VII, V., t.2, c.1437-1464, 311). |
|
| 4 | Lors il [Saintré] fait partir tous les premiers ses deux fourriers, ses queux et son chapelain, quatre trompectes pourtans les bannieres de ses armes (LA SALE, J.S., 1456, 99). |
|
| 5 | Les varletz de corps nettoient les chevaulx d'estrilles et de flassars, et leur donnent l'avaine, font les littieres, fientent les chevaulx, et tiennent l'escuyrie honneste. Les mareschaulx ferrent et medecinent les chevaulx ; les bottelleurs livrent le foin, l'avaine et la littiere ; les chevaulcheurs font la despence et les pourveances, et les aydes d'iceulx chevaulcheurs sont fourriers de l'escuyrie, et prendent les logiz. (LA MARCHE, Mém., IV, Pièces annexées, 1474,,, 66). |
|
| 6 | Ce fait et dit, il y transmist fourriers Et d'autres gens certayne quantité Pour y loger gentilz hommes gorriers (LA VIGNE, V.N., p.1495, 207). |
|
| 7 | Les fourriers d'Amours m'ont logé En un lieu bien a ma plaisance, Dont les mercy de ma puissance Et m'en tiens a eulx obligé. (CH. D'ORLÉANS, Chans. C., c.1415-1440, 241). |
|
| 8 | Les paintres font les cottes d'armes, banieres et estandars ; les aultres varletz de chambre servent de faire le lict, et à mettre à point la chambre ; et doibt le fourrier battre et escourre le lict, c'est à sçavoir la coustelle et le coussin où le prince doit gesir ; et pour ce seullement est le fourrier nommé varlet de chambre ; et doibvent les principaulx estendre les linceux et la couverture. (LA MARCHE, Mém., IV, Pièces annexées, 1474,,, 18-19). |
|
| 9 | Ne me creez pas se je ne vous monstre, par le texte de l'euvangile presente, que le saint ange Gabriel, qui estoit comme fourrier de Dieu pour apprester son logeis, trouva ces trois pucelles, chamberieres ou damoiselles ou chambellaines, pour elle servir. (GERS., Annonc., a.1400, 232). |
|
| 10 | Or dit l'ystoire que le roy Uriien fut logiez en une moult belle praerie, sur une riviere, et fu en la place mesmes ou ly fourrier du soudant furent desconfiz au pont. Et avoit le roy envoié ses espiez a savoir ou les Sarrasins se logeroient. (ARRAS, c.1392-1393, 133). |
|
| 11 | Et, sur l'esperance d'icelle trefve, le roy delibera soy en retourner de Compiengne, où il estoit, pour s'en venir à Creil et à Pontoise. Et, pour ceste cause, envoya ses fourriers audit lieu de Pontoise, qui y prindrent son logis ; mais depuis il changa propos et retourna hastivement dudit lieu de Compiengne à Noyom, où peu de temps par avant y avoit esté. (ROYE, Chron. scand., I, 1460-1483, 212). |
|
| 12 | Et avoient esté ledit suppliant et autres loigiez audit villaige par fourrier, et avoit esté dit et ordonné que nul desditz loigiez ne fourrageroit point le loigiz de l'autre, maiz ce non obstant ledit Gilles Le Bacle par aucun de ses gens fist prendre à l'une des hostesses dudit suppliant neuf poulles, qui estoit tant qu'elle en avoit (Doc. Poitou G., t.12, 1480, 337). |
|
| 13 | Forrier vous fas de prendre hostiex Pour moy et pour mes gens (Mir. roy Thierry, c.1374, 328). |
|
| 14 | Après disner, ilz prindrent vin et espisses en la chambre du roy et congiet. Leurs lettres furent touttes appareilliez. Sy monterent aux chevaulx, si tost que ilz furent retourné à leur hostel et furent delivré de tous poins de par les fourriers du roy (FROISS., Chron. M., XIV, c.1375-1400, 109). |
|
| 15 | ...un vallet appelé Lusarches, fourrier des maistres d'ostel (Comptes hôtel rois Fr. D.-A., 1380-1381, 31). |
|
| 16 | ...Emery Rigal, serviteur et fourrier desdis chappellains à 5 solz 4 deniers par jour (...) et parmi ce lesdis sommelliers ne prendront doresenavant aucune livree en l'ostel de mondit seigneur et ne lui demanderont aucuns dons pour leur monteure, pour perte de chevaux ne aultrement (Comptes Etat bourg. M.F., t.1, 1419, 34). |
|
| 17 | Et adonc le roy yssi de sa barge et se loga en son chastel, oudit lieu de Calais. Et semblablement tous les autres, yssans de leurs vaisseaulx, furent logez, tant en la ville comme ès lieux voisins, selon l'ordonnance du roy et de ses fourriers. (MONSTRELET, Chron. D.-A., t.4, c.1425-1440, 43-44). |
|
