| 34 exemples | | 1 | ...petit de mors y eubt, se ce ne fut en la foule et en la presse. (FROISS., Chron. M., XIV, c.1375-1400, 71). | |
| 2 | La foule et la presse estoit si très grande sus les champs et sur le chemin en venant à Bruges que c'estoit grant hideur à veoir et de oïr les navrés et les blechiés plaindre et crier. (FROISS., Chron. R., X, c.1375-1400, 227). | |
| 3 | Mes le duc, voyant la constance de ly et la bonne voulent de tous deux, et que bien longuement (...), ilz s'estoient combattus et esprouvéz comme vaillans et bons chevaliers, et que chescun y avoit de l'honneur largement et assez et nul foule, il getta son baston et les fit prendre sus au plus felle et estroit de leur bataille. (CHASTELL., Chron. IV, D., c.1461-1472, 169). | |
| 4 | Les deux nobles hommes se comparurent parez de leurs cottes d'armes, et se combatirent chevaleureusement, sans faire grant foulle l'ung sur l'aultre, et ainsi se partirent icelles armes (LA MARCHE, Mém., II, c.1470, 407). | |
| 5 | Et le lendemain firent armes à pied messire Jehan de Chassa et ung escuyer gascon nommé Loys de Bretelles, serviteur de monseigneur d'Escalles, et accomplirent icelles armes sans grant foulle l'ung sur l'aultre (LA MARCHE, Mém., III, c.1470, 54). | |
| 6 | Conduisez vous honnestement Sans saillir sur eulx a la foulle, Que vous pourriez aucunement Peut estre y perdre coq et poulle. (Myst. siège Orléans H., c.1480-1500, 237). | |
| 7 | Feu, boys, charbon, fins souffres, salpestres, Brayes et guestres pour fonder ostz champestres, Et pour gens paistre durement a la foulle, Cherz, charïotz, brouettes, huys, fenestres, Cordes, chevestres, soubbassemens silvestres En mains sequestres redigea on par roulles (LA VIGNE, V.N., p.1495, 133). | |
| 8 | Pallefrenyers et autres perruquetz Dedens Florence entrerent a la foulle. (LA VIGNE, V.N., p.1495, 219). | |
| 9 | Et icelles courses faites et leurs lances rompuez, commencerent a jouster a la foule eux [et] XV ou XVI moult asprement l'un contre l'autre, tous housséz et abilléz de soye nouvellement (CHASTELL., Chron. IV, D., c.1461-1472, 131). | |
| 10 | ...et furent les joustes en harnois de joustes, en selle de guerre, et à la foulle, sans toille. (LA MARCHE, Mém., I, c.1470, 267). | |
| 11 | ...par ce que attif homme estoit [l'évêque d'Autun] et agu et de grant port a cause de son pere [le chancelier de Bourgogne], apliquoit a l'espiritualité beaucop de choses temporelles dont ne devoit avoir cognoissance, en foulle certes des nobles et vassaux qui s'en doloient et ausquelz par chescun jour il donnoit traveil sans que remedier y peussent. (CHASTELL., Chron. IV, D., c.1461-1472, 111). | |
| 12 | O n'est il vray que au temps de sa tribulation jeusne [du roi Charles VII], lorsque le plus fort bras de son royame le tint en compression et ung autre, son ancien ennemy, en dure foule (...), vainqui Dieu quasi et le compella en pitié envers lui a la mesure de sa pacience ? (CHASTELL., Chron. IV, D., c.1461-1472, 320). | |
| 13 | Et lequel pont ledit conte de Campbatz avoit empesché, et y estoient lui et ses gens et autres gens d'armes tous en armes, et avoit fait mettre des chariotz au travers dudit pont, et, ainsi que la foule desdiz Bourguignons y arrivoit, trouvoit ilec sa resistence. (ROYE, Chron. scand., II, 1460-1483, 39). | |
| 14 | ...et pour ce alla le duc à Lucembourg, et renouvela leurs seremens, et tousjours leur laissa Cornille, son filz bastard, qui les gouvernoit et tenoit en moult bonne justice, et les gardoit et garantissoit de toutes foulles de voisins. (LA MARCHE, Mém., II, c.1470, 207). | |
| 15 | ...nous plaist que lesdiz manans et habitans de ladite ville d'Angiers, et aussi ceulx dudit pays d'Anjou, eux puissent assembler assemblément et particulièrement, ainsi qu'ilz verront mieulx estre à faire, et asseoir et imposer sur eulx, en la présence d'aucuns des officiers de nostredit oncle, jusques à la somme de trente mil francs ou au dessoubz, soit par manière d'aide ou de impost, lequel qu'il leur semblera estre moins à leur foulle et charge (Roi René vie L., 1470, 341). | |
| 16 | ...esperans que vous y servirez et eulx aussi à nostre intention, qui est et sera à la moindre foulle et charge de nostredict peuple que faire se pourra. (Lettres Ch. VIII, P., t.1, 1486, 101). | |
| 17 | Maintenant voit on clerement la petite constance de ton muable couraige, peuple seduit et legier a decevoir, quant tu ne sceis souffrir l'aise de paix et si ne peus soustenir la durté de la guerre, car, lors que tu es riche et plantureux de biens, tu ne peuz vivre sans blapheme et sans murmure, et si tost que la foule des guerres que tu pourchasses vient sur toy, tu es enclin a toute sedicion et ne le peus soustenir sans forvoyer de vraye obeissance (CHART., Q. inv., 1422, 25). | |
| 18 | ...et aussi que tous iceulx seigneurs (...), qui ont servy mondit seigneur et mesdiz seigneurs, demeurent en sa bonne grace et soient remis en leurs terres, estas et offices, et que pour chose qu'ils ayent fait, ils n'ayent pour ce mal, foule, desplaisir ne dommage en aucune manière (ESCOUCHY, Chron. B., t.3, Pièces justif., 1440, 23). | |
| 19 | ...se tant estoit qu'ilz voulsissent tirer à Montbeliart pour le plus court, il les conviendroit passer et traverser, actendu la marche ou ilz sont presentement, les pays de Charolois, des duchié et conté de Bourgongne, qui seroit grant foule et dommaige pour lesdits pays, et de quoy tenons que le Roy et mondit seigneur le Daulphin ne seroient pas contens, lesquelx ne vueillent point fouler ne domaiger les pays et subges de nostredit seigneur (Ecorch. Ch. VII, T., 1445, 37). | |
| 20 | Lesquelles choses ont esté faictes ou grant contempt, mespris et foule de nous et de nostre justice et auctorité royal. (ESCOUCHY, Chron. B., t.3, Pièces justif., 1445, 132). | |
| 21 | Ce roy droit cy [Charles VII] (...), né en guerre et en tribulation, norry et parcreu en povreté et en misere, en tristes nouvelles, en dures ruynes, en multitude de foules, en ejection de ses villes (...), et en fin par constant endurement (...) il a vaincu tout, tout rompu et cassé son maleur, il a mis bras au deseure de fortune (CHASTELL., Chron. IV, D., c.1461-1472, 313). | |
| 22 | ...pour ce que nous cognoissons que nostre peuple du plat pays a eu de grans foules par les gens d'armes qui y ont logié (...), nous (...) vous mandons (...) que (...) vous ayez regard à deschargier le peuple du plat pays le plus que vous pourrez, (...) et vous informez à ceste fin bien au vray de la faculté d'un chacun et lesquelz ont esté le plus ou moins foulez en vostre election (Lettres Louis XI, V.M., t.10, a.1483, 458). | |
| 23 | Et l'ay escript a la requeste de certaines damoiselles qui m'en ont prié, et si elles n'en estoient contentes et elles vouloient que je prenisse paine a escripre pour elles, a l'entencion d'elles et a la foulle des homes, ainxin qu'elles le pourroient entendre, en bonne foy je m'y ouffre, car j'ay plus belle matiere de le faire que ce n'est, veu les grans tors, griefs et oppressions que les hommes font aux femmes en plusieurs lieux generallement, par leurs forses et sans raison, pour ce qu'elles sont febles de leur nature et sans deffense et sont tourjours prestes a obeïr et servir, sans lesquelles ilz ne savroient ne pourroient vivre. (Quinze joies mar. R., c.1390-1410, 116). | |
| 24 | ...et icelles raisons trouveras ailleurs en cest livre enregistrées et rapportées par le graphier en tables et tout droit pour la presse et foule de gens d'armes et autres qui estoient en ladicte sale. (BAYE, I, 1400-1410, 223). | |
| 25 | ...en plusieurs lieux de nostre royaulme, on s'efforce prandre et allouer lesdits faulx gros et targes [monnaies], à la grant foule, charge et interestz de la chose publique (Ordonn. rois Fr. P., t.20, 1487, 2). | |
| 26 | Mais quelque bonne chère que le roy feïst audict seigneur de Contay, si ouyt-il maintes mocqueries par la ville, car les chançons se disoient publicquement à la louenge des vainqueurs et à la foulle du vaincu. (COMM., II, 1489-1491, 109). | |
| 27 | Comme nous [Loys] ayons esté advertiz et informez que en nostre duchié de Guienne (...) en noz pays de (...) la Marche, Xaintonge et autres pays voysins aient esté et soient encores chascun jour faites plusieurs forces et violances publiques, desrobemens, destructions d'esglises, murtres mutilacions, ravissemens, pilleries, roberies, rançonnemens et autres maulx et oppressions intollerables sur noz subgetz, à la grant foule et desolation de nostre povre peuple (LE CLERC, Interp. Roye, c.1502, 226). | |
| 28 | ...et luy donnasmes povoir de mettre et donner ordre et pollice au faict de la justice et autres afaires desdits pays, de pugnyr et corrigier les faultes, abuz, delictz et malefices qui y avoient esté et estoient commis à la foulle et charge de noz subjectz et de la chose publique desditz pays, prejudice et dommaige de nous, diminution et retardement de noz droictz, deniers et demaine, et generallement de y faire et besongner en toutes autres choses, tout ainsi que eussions fait et peu faire se y eussions esté en personne (LE CLERC, Interp. Roye, c.1502, 254). | |
| 29 | ...et gardoient que la fole des gens, dont trop grant quantité y avoit, ne venist sus les princes (CHR. PIZ., Faits meurs Ch. V, S., II, 1404, 102). | |
| 30 | Mais à leur veüe ne fut point tué, mais par une grant foulle de gens qui y survindrent, qui le tuèrent et le despouillèrent en la grant trouppe, sans le congnoistre. (COMM., II, 1489-1491, 153). | |
| 31 | Gieffroy le fiert par telle vertu, a ce que l'espee fu dure et pesans et qu'il y mist toute sa force, que l'espee lui coula jusques en la cervelle, que oncques le bacinet ne l'en pot garantir, et l'abat a terre mort jus du destrier. La fu grant la foule, car les deux soudans y admenerent leur puissance, et cuidoient bien redrecier l'admirault, mais pour neant s'en peinent, car il est mort. (ARRAS, c.1392-1393, 235). | |
| 32 | ...lors ma veue tournee celle part, comme j'avisasse les costez blans et tendres par force de presse et de desfoulement noircis et betez et par lieux encavez aucques jusques aux entrailles non mie trenchez de cops d'espee, mais froisiez par force de grans foules (...), pris au mieulx que scoz a conforter la desolee (CHR. PIZ., Avision T., 1405, 86). | |
| 33 | ...Tous les archiers de la garde du corps Autour du roy pour garder diligens Que nul ne fist foulle, insulte, discors. (LA VIGNE, V.N., p.1495, 216). | |
| 34 | Le soudant chey par terre, et y ot si grant foule de chevaulx d'une partie et d'autre, que la bataille y fu si dure et si forte que ses gens ne lui porent oncques aidier (ARRAS, c.1392-1393, 113). | |
|
