| 177 exemples | | 1 | Et vraiement, j'estoie mors, Sans avoir de vie remors ; Mais Douce Esperence acouri Qui au besoing me secouri Et vint en trop plus belle fourme Mil fois, que Nature ne fourme. Car, a briés mos, elle fu telle Qu'elle sambla esperituele, N'onques mais riens si bel ne vi, Ne si cler... (MACH., R. Fort., c.1341, 133). | |
| 2 | ...pustulles de forme ou figure aguë (SAINT-GILLE, Comment. A.Y. L., 1362-1365, 283). | |
| 3 | En ceste partie nous dist l'ystoire que tant vira et revira Remond l'espee qu'il fist un pertuis en l'uis, par ou il pot adviser tout ce qui estoit dedens la chambre, et voit Melusigne en la cuve, qui estoit jusques au nombril en figure de femme et pignoit ses cheveulx, et du nombril en aval estoit en forme de la queue d'un serpent, aussi grosse comme une tonne ou on met harenc, et longue durement, et debatoit de sa coue l'eaue tellement qu'elle la faisoit saillir jusques a la voulte de la chambre. (ARRAS, c.1392-1393, 242). | |
| 4 | Pourveu toutevoies que les traictiez, confédéracions et alliances qui, comme dit est, sont entre nous et nostre dit frère, demeurent tousjours en leur estat, force et vertu, selon leur fourme et teneur (Ch. VI, D., t.1, 1386, 75). | |
| 5 | ...jà soit ce qu'il en eust fait faire pluiseurs requestes et en eust fait presenter par trois fois trois lettres en forme de adjornement en cas d'appel pour estre seellées en ladicte Chancelerie (FAUQ., I, 1417-1420, 208). | |
| 6 | ...requerans la redicion, publicacion et enterinement de certaines lettres royaux en forme de chartre (FAUQ., I, 1417-1420, 303). | |
| 7 | PHEBUS tradit sentenciam. Bien enpensé [je] l'ay. Vela tout, executés l'ay Jouxte sa forme (Cene dieux, c.1492, 124). | |
| 8 | ...pour veoir se ledit adjornement estoit convenable et en forme deue (BAYE, I, 1400-1410, 76). | |
| 9 | ...pour ce que lesdictes lettres n'estoient en forme deue et que la publicacion d'icelles pour lors pourroit susciter commocion, esclande ou dommage en la ville de Paris (FAUQ., I, 1417-1420, 301). | |
| 10 | ...lettres patentes de roy en bonne et ample forme (MOLINET, Chron. D.J., t.1, 1474-1506, 177). | |
| 11 | Mons. le grant maistre, je vous envoyay l'autre jour une forme d'un seellé, afin que m'en envoyssez ung pareil pour envoyer en Bretaigne. Et depuis ay advisé qu'il n'est pas en bonne forme et l'ay fait corriger ainsi que vous verrez. (LE CLERC, Interp. Roye, c.1502, 360). | |
| 12 | Et je Pierres de Brenas demourant à Paris, publique notaire de l'auctorité de la sainte Esglise et du saint siége de Romme, a toutes lesdictes choses dessusdictes faites en ladicte manière fuy et ay esté presenz auvec les tesmoignz dessusdiz ; et car je estoie occuppez d'autres besoignes je les ay faites et mandées escrire et metre en ceste presente publique forme (Titres Bourbon H.-B., t.1, 1334, 355). | |
| 13 | ...aus quiex [notaires], quant aus choses qui s'ensuient et a nous rapporter et meittre en fourme publique, nous adjoutons foy pleniere (Cartul. Beauv. L., 1336, 599). | |
| 14 | Et Mars aprèz, au vray compter, Qui trop est sec et forment chault, Les embrase par tant en hault, Dont descendent, pour la matière Estant pesant plus que légière, En forme de pouldre ou de cendre (LA HAYE, P. peste, 1426, 27). | |
| 15 | ...clers notaires jurez (...) à faire, oir et mettre en forme publique les choses qui s'ensuivent (PHIL. VI VALOIS, Doc. paris. V., t.1, 1337, 311). | |
| 16 | Et pour ce que ces mins testamanz vaille, je ai prié et requis a tabellion publique cy dessoz escrit que mate cest min testamant en forme publique (Test. Besanç. R., t.1, 1360, 423). | |
| 17 | Dame, fait avez un devis Ou ma grant deshonneur moustrez, Mais li procès n'est pas outrez, Ne mis en fourme justement. Pour faire certein jugement, Vous me deüssiez dire en quoy J'ay forfait, et tout le pourquoy Amener a conclusion. (MACH., J. R. Nav., 1349, 166). | |
| 18 | FORME D'ESGLISE. Jugement de Aillison, femme Ainchellin de la Bowe, et dudit Ainchelin, son marit, d'une pairt, et de Jehan, de Jaicque et de Jaicomatte, sa femme, que portent wairantixe Jehan Wiriat, le tennour, et Mayguin, sa femme, d'autre pairt, que parmei ce que ladicte Aillixon ait bien monstrei la saisine et polcession paisible ou elle et cez ancestre sont et ont esteis de ladicte forme a tenir et a polceder l'espaice de XXXV ans et plus, ait bien pour tant ladicte Allison a avoir et a demorer en la dicte forme et en ait ledit Jehan Wiriat et sadicte femme, par son crant, l'esxurement a ffaire, emsi comme ladicte Aillison le requiert. (Jug. maître-échev. Metz S., t.3, a.1494, [1425], 39). | |
| 19 | ...il en sera decidé et determiné sommierement et de plain, et sans figure et forme de procès (Ordonn. rois Fr. V.B., t.11, 1421, 136). | |
| 20 | Item, et lesquels principaulx et soubz principaulx avecques leurdit commissaire pourront congnoistre sans forme ou figure de procez des questions et debatz qui surviendront ou pourront seurvenir entre ceulx de leursdittes banieres a cause de leurs armeures (Mét. corp. Paris L., t.1, 1467, 57). | |
| 21 | Et tout ce leur a esté enchargié de dire par protestacion de non vouloir entrer, ne faire forme de procès en la Court de ceans (FAUQ., II, 1421-1430, 300). | |
| 22 | Je contiens le contraditoire, Et mettez le procès en forme. (P. moyne, a.1500, 48). | |
| 23 | Je meïsmes y ay office Pour resister a tout malice, Qui maintes fois le droit destourne ; Et je d'office le retourne. Quant uns bons procès vient en fourme, Et je perçoy qu'on l'en deffourme, J'y puis bien tellement ouvrer Qu'il puet sa fourme recouvrer. Se trop y a, j'en puis oster. (MACH., J. R. Nav., 1349, 198). | |
| 24 | Ce sont les formes que nos seigneurs ont baillées de l'imposition de la nouvelle coustume des marchandises, vins et autres vivres qui sont enmenez hors du royaume. (Doc. c.1330. In : H. Moranvillé, Bibl. Éc. Chartes 64, 1903, 569). | |
| 25 | Et se les anemis sont fors et sont a doubter, le chief doit faire une seulle esquiere de tous ses gens en fourme d'une poire, qui est aguë devant et large derriere (LA SALE, Salade, c.1442-1444, 241). | |
| 26 | ...ce jour mesmes me apporta en ung cayer de papier une fourme d'estat en gros des receptes et despences par luy faictes desdictes mines de tout ledit temps ensemble, et si me bailla ses livres ou sont desclairées par le menu les dictes receptes et despences. (Aff. Jacques Coeur M., 1453-1457, 240). | |
| 27 | ...une forme d'escripture en deux feilles de papier par plusieurs articles, contenant en effet la dîme du pain dépensé en la maison de nostre très redouté seigneur le conte de Laval (Cartul. Laval B., t.3, 1488, 356). | |
| 28 | ...et si ay signé de ma main la forme du serment ainsi que pareillement vous avez fait, ce que vous pourrez veoir. (Lettres Ch. VIII, P., t.4, 1495, 302). | |
| 29 | Mons. le grant maistre, je vous envoyay l'autre jour une forme d'un seellé, afin que m'en envoyssez ung pareil pour envoyer en Bretaigne. (LE CLERC, Interp. Roye, c.1502, 360). | |
| 30 | Aucuns docteurs font ici une question : a savoir mon, se le juge doit condempner celui que il scet certainement estre innocent ou cas que il seroit prouvé par tesmoins en forme de droit que il est coulpable. (ORESME, E.A.C., c.1370, 316). | |
| 31 | Et de tous cas crimineulx avenus et qui avenront en la dite ville et banlieue, les maire et eschevins gouvernans la dite Loy pour le temps, font et feront enquestes et informations en la maniere et fourme con accoustumée l'ont (Hist. dr. munic. E., t.1, 1374,,, 93). | |
| 32 | ...le residu de l'argent et debtes de ladicte execution sera delivré et baillié par la main de la Court aux freres du Carme à l'usage ordonné par ladicte Perrenelle et par la forme et maniere qui s'ensuit (BAYE, I, 1400-1410, 9). | |
| 33 | Et a esté tenue ceste forme à ladicte election (BAYE, II, 1411-1417, 129). | |
| 34 | En la fourme de sainte Eglise, Mes bons amis, je vous baptise. (Mart. st Pierre st Paul R., c.1430-1440, 134). | |
| 35 | Si vous advise que ne me respondez sur ceste matere en la forme et façon que soulent et ont de coustume les aultres femmes (C.N.N., c.1456-1467, 564). | |
| 36 | Et quant il fut du tout deliberé a ce, il envoya a Florence un patron de toille paint en forme d'un saptin figuré tout blanc (LA SALE, J.S., 1456, 228). | |
| 37 | Quant au douaire de femme coustumiere, elle prend douaire sur la terre son mary en la fourme que fait la femme noble ou Maine, soit heritiere de terre ou non (Cout. instit. Anjou Maine B.-B., t.3, 1463, 376). | |
| 38 | Et ainsi, se nous concedons Qu'il soit Crist, mal y procedons Se nous ne venons par arroy Le prendre et faire nostre roy En fourme et vraye obeïssance. (GRÉBAN, Pass. J., c.1450, 208). | |
| 39 | Adonc tout en oiant la belle recorda Comment au ber Regnault devotement prya De poindre la figure de Dieu (...) En fourme que pour nous mort endura Et comment pour s'amour Regnaut le figura Et comment par miracle l'imaige sanc sua (Renaut Mont. B.N. V., c.1350-1400, 530). | |
| 40 | Sus ce fait-chi li parlemens fina, Et en conclusion la cose déclina Sus la fourme et manière qu'à ung jour que on nomma, Dut aler à Paris et sauf-conduit ara Pour desclairier le fait (...) Par luy ou par autruy qu'il y commetera, Qui ses sauvations de point en point dira Selonc le calité que du fait monstera. (Geste ducs Bourg. K., c.1410-1419, 314). | |
| 41 | ...est il nulle aultre forme ne maniere par quoy le prince puist avoir subside de ses hommes, s'il ne vient de leurs bourses (LA SALE, Salade, c.1442-1444, 15). | |
| 42 | C'est parlé de bonne devise : Nous en ferons en celle fourme (GRÉBAN, Pass. J., c.1450, 307). | |
| 43 | ...par la fourme et maniere que le roy nostre sire le veult et ordonne (Comté Porcien R., 1459, 284). | |
| 44 | Et pour premiere oppinion le roy demanda à Mons. du Bueil, très notable chevalier et de vertus envielly entre les gens d'armes, ce qui luy en sembloit de la forme et maniere comment se pourroit faire le combat (LE CLERC, Interp. Roye, c.1502, 272). | |
| 45 | ...et affin que lesdits traictié et paix soient mieulx entretenuz, observez et gardez, que aucuns seigneurs et aultres de la part du roy, et pareillement aucuns seigneurs et aultres de la part dudit duc bailleront leurs sellez en la forme et maniere que nous et autres de la part du roy les baillerons (LE CLERC, Interp. Roye, c.1502, 361). | |
| 46 | ...[le duc] doit avoir sa baniere et son penon, a cheval ou a piet qu'il soit. Et par ceste fourme sont plus a prisier que en nulle aultre, ainssy que des chevaliers. (LA SALE, Salade, c.1442-1444, 238). | |
| 47 | ...et à la fin se fist au moïen Dedalus congnoistre charnellement au torel, où elle s'encloyst en la forme d'une vache. (SIMON DE PHARES, Astrol., c.1494-1498, f° 28 r°). | |
| 48 | Et pour ce que chief de guerre doit ses gens ainssy maintenir, et s'il voist ses anemis trop puissans par sy qu'il ne les puisse en combattant desroyer, il doit par aguez ou par aucune de ses esquieres subitement les ferir au costé ; et par ceste forme sont les gens plus tost desconffiz. (LA SALE, Salade, c.1442-1444, 241). | |
| 49 | ...et paierent en ce faisant par forme d'amende pour leurs defaultes XLm escuz (ROYE, Chron. scand., II, 1460-1483, 75). | |
| 50 | ...ilz estoient d'oppinion que par forme de droit on ne pourroit aller contre laditte sentence (LE CLERC, Interp. Roye, c.1502, 158). | |
| 51 | ...de la prandre par forme de mariage pour estre sa femme (LE CLERC, Interp. Roye, c.1502, 161). | |
| 52 | ...Et d'autre part de sa science, C'est qu'il doit mettre en ordenence Son penser, son fait, son parler En la fourme de bien celer, C'est assavoir des poins estrois Ou Amours tient mains cuers estrois Et meins autres liez et joians, Quant sont de leur amour joians. (MACH., D. Aler., a.1349, 247). | |
| 53 | Et pour ce le sauveur du monde, qui nous bailla et aprist la fourme de requerre et demander en l'orison de la sainte patenostre... (Mir. Barl. Josaph., c.1363, 245). | |
| 54 | Icy fait fourme de inspirer le fait d'Adam (GRÉBAN, Pass. J., c.1450, 16). | |
| 55 | ...la forme de bien et amiablement vivre (LA SALE, Sale D., 1451, 5). | |
| 56 | ...il fut à la fin deliberé d'executer laditte forme de faire. (LE CLERC, Interp. Roye, c.1502, 189). | |
| 57 | ...et sera tenus ledit J. de Poiz de choisir l'un d'iceulx partages (...) et l'autre rendre à sa dicte mere pour joir d'icellui par forme de doaire (BAYE, I, 1400-1410, 229). | |
| 58 | Et dit encores que les dictes faees se mettoient en forme de tres belles femmes, et en ont pluseurs hommes prinses pour moilliers (ARRAS, c.1392-1393, 4). | |
| 59 | LE PREMIER. Le plus parfaict Cul qui soit d'icy a Romme Pour visaige l'auras en forme["tu l'auras en guise de visage" : le grand "blanc", que le Deuxième doit attraper les yeux bandés, y sera attaché, et non au visage] (Tr. Men., c.1480-1500, 292). | |
| 60 | ...quant les qualitez des temps d'abondance sont multipliees en tous ou en partie de aucuns biens, alors le prince doit commectre gens souffissans, que les biens de icelle habondante saison soient ordonnees par forme que ilz puissent suppler et secourir a l'extremité et neccessité du malvais et famineulx temps (LA SALE, Salade, c.1442-1444, 17). | |
| 61 | Messeigneurs, tout ce que je dis, C'est soubz correccion benigne Et pour avoir fourme et doctrine Par la scïence qu'en vous gist. (GRÉBAN, Pass. J., c.1450, 123). | |
| 62 | Bien penser, bien dire, bien faire Et eschuer tout le contraire, Cils .IIII. poins, je n'en doubt mie, Attraient toute bonne vie. Or dit on en une autre fourme De quoi ma pensée s'enfourme, Que chascune chose a .III. temps, Dont s'aucuns puet venir a temps Au premier, cils temps li enseingne Le secont ; lors voit il l'ensengne Dou tiers temps, selonc la besongne Qui parmi trois temps l'embesongne. (MACH., D. Aler., a.1349, 240). | |
| 63 | Guillaume de Machault, le grant retthorique de nouvelle fourme... (Règles sec. rhétor. L., c.1411-1432, 12). | |
| 64 | Environ ce temps fut maistre Jehan Furois, homme excellant en la science de geometrie et grant astrologien ; fist en nouvelle forme la Composicion de l'astrolabe (SIMON DE PHARES, Astrol., c.1494-1498, f° 151 r°). | |
| 65 | ...nous avons veues les lettres seaulées des seauls de bonne memoire noz devanciers, contes et contesse d'Artois, contenant la fourme qui s'ensuit (Hist. dr. munic. E., t.1, 1330,,, 83). | |
| 66 | ...des lettres contenant la fourme qui ensuit : "Les maistres tenant l'Echiquier de Pasques, a Rouen, l'an de grace mil CCCXLIII, a tous les baillis et justiciers autres du duc nostre sire, salut..." (Echiq. Normandie S., 1344, 14). | |
| 67 | Toutevoie je m'avisai Et moult y pensai et visai Que unes lettres li escriroie (...). Vesci de la lettre la fourme, Qui mot a mot vous en enfourme. (MACH., Voir, 1364, 678). | |
| 68 | Hui avons receu les lettres du Roy nostre diz sire contenant ceste forme : Charles, par la grâce de Dieu, roy de France. Au bailli de Rouen et de Gisors, ou à son lieutenant, salut. (Ch. VI, D., t.1, 1381, 9). | |
| 69 | ...l'ennemy (...) se transfigure et met en forme de bon esperit (Inv. secte vaud. V.B. D., p.1460, 108). | |
| 70 | ...lesdites invocacions de deable par elle ainsi faites, et ledit ennemi yssir hors de sadite maison, elle, à per soy, conjura iceulx deux chapeaux par trois fois en ceste forme : Deables, aydez-moy, gardez-moy, et que Hainsselin ne puist avoir compaignie à autre que à moy. (Reg. crim. Chât., I, 1389-1392, 356). | |
| 71 | ...lesqueles, sans aucune force ou contrainte, continuerent et persev[er]erent ès confessions cy-dessus escriptes, par elle faites, qui leur furent leues mot après autre, et affermerent par serement icelles estres vrayes par la forme et maniere que escriptes sont cy-dessus. (Reg. crim. Chât., I, 1389-1392, 360). | |
| 72 | Et, ces parolles dites par ledit messire Olivier à lui qui parle, il qui parle vint en Chastellet parler audit Breton, et lui recita les parolles dessus dites, en lui priant qu'il lui volsist dire la verité, et comment ladite perte estoit advenue. Lequel Breton se conjura fort qu'il avoit perdu lesdites lettres par la maniere que dit est dessus, en lui requerant que, sur la fourme de ces parolles, il lui volsist faire impettrer sa remission par ledit mons., Olivier. (Reg. crim. Chât., II, 1389-1392, 537). | |
| 73 | ...j'ay escript une petite chose en la fourme que vous pourrés veoir en cestuy petit livre (BOUVET, Appar. Meun A., 1398, 1). | |
| 74 | ...contenans ycelles lettres la forme et teneur du serement sur la fidelité et loyaulté que le Roy vouloit et avoit ordonné estre fait (FAUQ., I, 1417-1420, 34). | |
| 75 | Tous lesquelz ont juré et fait serement selon la forme et teneur desdictes lettres en la main de maistre R. Mauger, premier president (FAUQ., I, 1417-1420, 37). | |
| 76 | Et c'est la forme du parler des gens d'icellui pays. Laquelle chose je treuve faulce, en tant qu'ilz disent qu'il eust fait morir Pillate [Il s'agit ici d'une tradition locale selon laquelle Titus aurait fait mourir Ponce-Pilate]. (LA SALE, Salade, c.1442-1444, 64). | |
| 77 | ...et luy envoya ses lettres en ceste forme : " Mons. le grant maistre, je me recommande à vous...." (LE CLERC, Interp. Roye, c.1502, 319). | |
| 78 | ...et luy en bailla ses lettres contenant le povoir et forme qui s'ensuit : " Loys, par la grace de Dieu roy de France, à tous ceulx qui ces presentes lettres verront, salut..." (LE CLERC, Interp. Roye, c.1502, 334). | |
| 79 | Car humilité les recors De ton cuer a Dieu si enforme Que j'essauce et soustien en forme Les priéres de ta parole. (Mir. parr., 1356, 38). | |
| 80 | Lors Morpheüs Prist la fourme que Ceïs avoit nus Et moult forment fu mouilliez et emplus ; Plus tors avoit les cheveus et locus C'une cordelle. (MACH., F. am., c.1361, 166). | |
| 81 | ...pour cause que la mesme response en forme a esté récitée icy-devant (...) , n'est pas besoing pour tant de la renouveler droit-cy (CHASTELL., Chron. K., t.3, c.1456-1471, 205). | |
| 82 | Mes l'en pourroit dire que teles choses ont esté faites en nostre lay selon la forme du legislateur humain (ORESME, Pol. Arist. M., c.1372-1374, 312). | |
| 83 | Et premièrement, sans décepte, S'ensuit la forme et la recepte Des pillules, forment louées Des anciens et approuvées, à préserver d'épidémie Et de son mal (LA HAYE, P. peste, 1426, 143). | |
| 84 | ...a l'exemple de la glorieuse Vierge Marie qui est gloire, forme et mirouoir des vierges (FRÈRE ROBERT, Chastel perill. B., c.1368, 302). | |
| 85 | Or voiz tu conment la vierge Marie conversa et habita en ses trois habitacions, dont en la premiére administracion elle fu forme des conmençans, en la seconde elle fu forme des prouffitans, et en la tierce elle fu forme des parfaiz. (Mir. Berthe, c.1373, 156). | |
| 86 | Le Sauveur de toutes creatures et parfaite forme des prescheurs a mesmes usé de fables, paraboles et similitudes en ses saintes predicacions (COLART MANS., Dial. créat. R., 1482, 81). | |
| 87 | Vecy Conseil (...) Qui vous vauldra forme et conduicte (Moralité cincq pers. B., 1484, 70). | |
| 88 | Les mille fieus qui entour lui [le dieu de sommeil] estoient, Et les filles aussi, se transmuoient A leur voloir, car les fourmes prenoient Des creatures, Si qu'en dormant, par songes, se moustroient Diversement ; pour ce les gens songoient Et en songant meintes choses vëoient, Douces ou sures. (MACH., F. am., c.1361, 166). | |
| 89 | Faictes les bien nourrir [mes enfants], et aussi sachiez que je [Mélusine] m'en prendray garde, combien que je ne veulle pas que vous ayez esperance nulle que, moy de cy partie, laquelle chose sera bien brief, vous [Remondin] me voiez jamais en forme femmenine. (ARRAS, c.1392-1393, 258). | |
| 90 | ...[je puis] par parolles faire convertir ces perdriz, qui est chair, de poisson devenir, jasoit ce qu'elles retiennent la forme de perdriz ? (C.N.N., c.1456-1467, 583). | |
| 91 | C'est cils qui nulle fois ne faut Aus siens, car de riens n'ont deffaut ; C'est cils qui le monde forma De nient et qui sa fourme a Pris de li seul, sans autre aïe. C'est li sires qui tout maistrie. Son bien n'aroie jamais dit, Qu'en li n'a deffaut ne mesdit. Tout puet, tout vaut, tout scet, tout a. (MACH., C. ami, 1357, 48). | |
| 92 | ...au long de la salle, formes de seraines qui chantoient très gracieusement (LEFÈVRE ST-RÉMY, Chron. M., t.2, c.1462-1468, 293). | |
| 93 | S'en y avoit d'autre façon Telle que paintre ne maçon, Ouvrier de pincel, entailleur, Escrivein ne enlumineur, Ouvrier de fourme ne d'empreinte, De mole, de ouevre desteinte, Nes Pimalion li soutis, S'il y fust a tous ses outis, Ne sceüssent il les figures, Ne les estranges pourtraitures, Les trés estranges contenences, Ne les desguisées sanlances Paindre, pourtraire, n'entaillier, Qui leur deüst les poins taillier. (MACH., D. Lyon, 1342, 212). | |
| 94 | Tout premiers il l'ensevelirent, Et le visage li couvrirent Pour ce que si mal atirez Estoit, et si deffigurez Qu'il n'i apparoit forme d'omme, Tant estoit plaiez ; c'est la somme. (MACH., P. Alex., p.1369, 271). | |
| 95 | ...nous vous escripsimes Que ma dame un hoir masle avoit Qui de fourme vous ressembloit (Mir. fille roy Hongrie, c.1371, 70). | |
| 96 | Eins vueil fuir et haïr toute joie, Quant j'ay perdu la riens que plus amoie. Si vueil user toute ma vie en plours Et tant plourer que m'arme soit noïe En mon plourer et qu'avec mes dolours Ma fourme soit en larmes convertie. (MACH., L. dames, 1377, 201). | |
| 97 | L'iaue de vie einsi venoit Et descendoit En tes flans droit, Que Sains Esperis amenoit Et conduisoit, Dont il formoit Le bel, le bon, le sage, Qui Fils de Dieu le Pere estoit, Qui consentoit Et qui voloit Que fourme et char humeinne aroit Et qu'il morroit Et getteroit D'enfer l'umein lignage. (MACH., Les lays, 1377, 409). | |
| 98 | ANGINGNARS (un diable). Il convient don que cy m'atendes. Je affubleré forme d'omme, De li savray toute la somme De sa vie, et dont elle est née. (Jour Jug. R., c.1380-1400, 219). | |
| 99 | ...un compaignon nommé Ymbelet, de la langue françoise, jeusnes homs comme de l'age de XXXIJ ans ou environ, de forme pareille à lui qui parle, et du hault d'icellui (Reg. crim. Chât., I, 1389-1392, 168). | |
| 100 | ...survint illec uns jeunes hommes de petite fourme, homme rousselet et du pays de Limosin (Reg. crim. Chât., I, 1389-1392, 526). | |
| 101 | Item notez que l'ame par sentement perchoit les corps et congnoist les choses corporeles par les formes qui sont en matere present le corps. (Somme abr., c.1477-1481, 136). | |
| 102 | ...quant sa petite forme Apperceupt, dueil hot que tel homme, Si lait de corps et de visage, Heust sur tous si grant avantage (CHR. PIZ., M.F., IV, 1400-1403, 41). | |
| 103 | ...il fist appeller l'oste et a part lui dist : "Beaus hostes, en ceste ville a il nul gentil homme ou bourgois de la forme de cest grant escuier cy ?" et lui monstra un de ses gens. (LA SALE, J.S., 1456, 290). | |
| 104 | ...et vit le roy la façon et chauldiere, et l'eaue qui se convertist en pierre d'alun et forme de sel. (LA VIGNE, V.N., p.1495, 265). | |
| 105 | ...3 quaiers de papier, de la grant forme, à escrire, 2s. 6d. (Comptes argent. rois Fr. D.-A., I, 1359-1360, 266). | |
| 106 | Gillet le Séneschal, espicier et vallet de chambre, pour IIII mains de papier de petite fourme, achetées de lui pour la Chambre aux deniers (Comptes hôtel rois Fr. D.-A., 1380-1381, 97). | |
| 107 | Pour une ramme de papier et deux autres maincs de papier à la grant forme. (Comptes roi René A., t.1, 1476, 243). | |
| 108 | Vez ci comment, se bien querez, Son nom et le mien trouverez. Prenez ce plus prochain notable : Si les y trouverez, san fable, En IJ. vers d'une grosse fourme. Dont le darrenier vous enfourme. Que .h. seule y ajousterés Et dou premier "mar" osterés. (MACH., P. Alex., p.1369, 8). | |
| 109 | O tendre bouche coulouree, Doulce fourme bien figuree... (GRÉBAN, Pass. J., c.1450, 129). | |
| 110 | Chascuns a son office accourt, L'un devers la paneterie, Et l'autre en la boutillerie, Li autre vont en la cuisine, Selonc ce que chascuns cuisine. Messagiers et garsons d'estables Dressent fourmes, trestiaus et tables. (MACH., R. Fort., c.1341, 143). | |
| 111 | ...fourmes, tables, trestiaux (Ordonn. rois Fr. S., t.3, 1355, 28). | |
| 112 | Le mouvement circuler, reond, compete aux corps celestiens, comme se moeut le firmament selon sa forme, non pas selon sa substance, come dist le Philosophe, c'est a dire qui se moeut en son lieu tout autour, non pas de lieu a aultre. (Somme abr., c.1477-1481, 145). | |
| 113 | Et parmi ce marchié, il quitta le Roy, de formes, trestres, huis rappareillés, et de toutes autres choses qui estoient de la garnison du chastel quant le Roy y vint, qui ont esté despéciées ou perdues, le Roy estant illec ; dont il demandoit grant somme. (Comptes argent. rois Fr. D.-A., I, 1359-1360, 199). | |
| 114 | ...Fourmes, tretiaulx, touaille, nappe (DESCH., Oeuvres R., t.7, c.1370-1407, 345). | |
| 115 | ...Jehan Beuvet et autres en sa compaignie, sanz ce que oncque le dit exposant leur eust rien meffait ne delinqué, prindrent ycellui exposant qui seoit sur une forme ou banc en la maison où la dicte confrarie avoit esté lors faite, et par maniere de blasonnement, de injure ou autrement, et oultre le gré et voulenté d'icelli exposant le prindrent et le mistrent en une moyau ou cuve (Doc. Poitou G., t.5, 1387, 328). | |
| 116 | ...et passant parmi la ville de Bapalmes, entra en un hostel qu'il trou[va] ouvert, ouquel il print deux paire de draps de lit qui estoient sur une fourme, et yceulx vendi en la dite v[ille] neuf sols. (Reg. crim. Chât., I, 1389-1392, 39). | |
| 117 | ...elle et un homme chartier en sa compaignie (...) alerent ensamble en la ville de Pontoise, en entencion que d'illec elle feist admener plusieurs coustes de lis, bans, tables, fourmes et autres estormens d'ostel (Reg. crim. Chât., I, 1389-1392, 345). | |
| 118 | ...ledit sire de Haguenonville attaint de son sain la sainture d'or dont cy-dessus est faite mencion, et icelle mist auprès de soy sur le banc ou fourme sur lequel il estoit assis en soy deschaussant (Reg. crim. Chât., II, 1389-1392, 366). | |
| 119 | ...tables drecees, fourmes, drecoers (Ménagier Paris B.F., c.1392-1394, 102). | |
| 120 | Item, pour la sale il luy faut achater, pour la haulte desse, un grant doseur avecque les tapis bankeurs, quarreaux, tables, briches, table pour hanapes, bankes, chaiers, fourmes, scelles, aes, bacins, chauffouers, un yauver pendant (Man. lang. G., 1396, 49). | |
| 121 | ...et si doit ledit Cavare trouver pour sa part dudit conroy, qui doit estre fait en son hostel à Bouaffle, tables, trestres, fourmez, doubliers, tonailles, escuelles et telz choses. (HECTOR DE CHARTRES, Cout. R., 1398-1408, 37). | |
| 122 | Sur lis, sur formes et sur couches (CHR. PIZ., M.F., II, 1400-1403, 205). | |
| 123 | Raison est il qu'il ne mectoit pas le nom de Saladin, mais il descripvoit sa forme "sed per nigros occulos et crocilia vexilla ipsui designat". (SIMON DE PHARES, Astrol., c.1494-1498, f° 123 v°). | |
| 124 | La Court a delivré au jour d'ui certain argent venant de la vendition des vielx banc, porches et formes de ceste Chambre à Pierre Noé, huissier de ceans (BAYE, I, 1400-1410, 189). | |
| 125 | Lors ysse de son lit et se siee suz la fourme qui est encoste. (Mir. ste Genev. S., c.1410-1420, 93). | |
| 126 | Item, une fourme à IIJ piez et à gouches, trouvée en ladicte sale (...) Item, deux petites vieilles fourmes, chascune à IIIJ piez, un petit marchepié d'un banc, IIIJ petites vieilles fenestres, un chacis senglé, un petit poulpite et un ays (Invent. N. Baye T., 1419, LIV). | |
| 127 | Et finablement après pluseurs parolles rioteuses et ramponneuses, ledit sergent bouta ledit Terrier, qui là estoit en estant et en estrivant, de ses braz ou de ses mains contre une paroy et telement que en ce faisant chut ledit Terrier entre ladite paroy et une fourme qui là estoit (Chancell. Henri VI, L., t.1, 1426, 346). | |
| 128 | Item, une fourme à goucès, de VJ piez de long ou environ (FAUQ., III, Pièces diverses, 138, LXIX). | |
| 129 | Item, en la chambre de la chambriere fut trouvée une table, toute percée en pluseurs lieux, de V piez de long ou environ, une fourme à gouchez, de VJ piez de long (FAUQ., III, Pièces diverses, 138, LXXXIV). | |
| 130 | ...en la basse salete, Furent trouvez trois bancs, deux formes (...), Et une couche a dormir hommes. (HAUTEV., Invent. biens B., c.1441-1447, 51). | |
| 131 | Item, une petite fourme de boz au bout du lit (Invent. test. beauv. L., 1452, 76). | |
| 132 | Ce monstre (...) Sautoit de banc en forme (MOLINET, Faictz Dictz D., 1467-1506, 320). | |
| 133 | Lors l'appella le chappellain, et Gieffroy entra dedens. Et tantost qu'il appercoit son pere, il se met a genoux, et le salue moult doulcement. Et Remond le court embracier, et le baise tout en lui drecant. Et s'assirent sur une basse forme devant l'autel. (ARRAS, c.1392-1393, 278). | |
| 134 | Aussi li dieu les gens muoient En quelque forme qu'il voloient Et les deesses ensement, Car on vëoit appertement Les uns mués en forme d'arbre, Les autres en pierre de marbre. (MACH., Voir, 1364, 494). | |
| 135 | Et, en la première forme du costé dextre, auprèz de l'huis dudit choeur, fut ung grant et fort rice tableau... (MOLINET, Chron. D.J., t.2, 1474-1506, 223). | |
| 136 | ...deux bast, que Monet, mon mullatier, lui a fait adouber, esquelx y a mis trente livres de bourre du tondadour, et ung arson neuf et deux formes (Comptes roi René A., t.1, 1478, 132). | |
| 137 | "...Or prendéz ce brief, sy le froitéz a la pomme, et elle se desjoindrat de la main ; et meteiz tout en fome." Atant prent Turpin la lettre, sy frotat la pomme, qui tantost desjoint ; et fut tout encasséz en ung vassel d'or et fut mys en l'abaye de Roideghon (JEAN D'OUTREM., Myr. histors G., a.1400, 14). | |
| 138 | Se li cheval a fremes sus les piés... (Chir. chevaux P., c.1325-1350, 371). | |
| 139 | Et regardez s'il [le cheval] a piez gras et combles, piez fenduz, faulx quartiers, piez avalez, crapaudines ou fourme. (Fourme sur couronnelle est quant au travers sur le coup du pié a une subaudeure qui se hausse, et en huit jours est fourmee aussi derriere comme devant. Et durant ce quelle est entiere l'en l'appelle fourme, et fait piez avalez ; mais quant elle est crevee l'en dit crapaudines, et ne garist l'en puis, et est sur le bout de la couronnelle du pié.) (Ménagier Paris B.F., c.1392-1394, 138). | |
| 140 | ...l'en le fait entrer en la nasse de mariage come l'oiseleur fait venir les oiseaux de riviere dedens la forme par certains oiseaulx affaictez que on appelle sembeaulx, qui sont oiseaulx de leur nature atachez a la forme (...) ...sinon aucuns oiseaulx rusés, qui ont veu et ouy parler de la fourme et l'ont bien retenu et ne l'ont pas mis en non challoir, mais s'en tirent arriere come du feu, car les pouvres oiseaulx qui sont dedens ont perdu leur liberté, que jamés ne recouvreront (Quinze joies mar. R., c.1390-1410, 78). | |
| 141 | A l'oublayer : douzeine et demye de gauffres fourrees (faictes, c'estassavoir, de fleur de farine pectrye aux oeufz, et des lesches de frommage mises dedens) et .XVIII. autres gauffres pectryes aux oeufz et sans frommage. Item, douzeine et demye de gros bastons (c'estassavoir farine pectrie aux oeufz et pouldre de gingembre batue ensemble et mis en la fourme, et aussi gros comme une andoulle ; et lors mectre entre deux fers sur le feu). (Ménagier Paris B.F., c.1392-1394, 189). | |
| 142 | Potz, brotz et oulle, forge, feu, forme, moule Pour pied a boulle fort et ferme tenir (LA VIGNE, V.N., p.1495, 133). | |
| 143 | ...et fortrait a sa femme ce qui deust estre sien et ce qu'il li doit de droit et le depart en autre lieu ou prejudice de sa compaigne, froissant le veu qu'il a promis a Dieu, et la femme aussy refait a son mari autel, dont il est dit, "A telle gaine tel coutel" ou "A telle fourme tel sanler." (MÉZIÈRES, Vertu sacr. mar. W., c.1384-1389, 252). | |
| 144 | Fevre, charpentier et maçon, Paintre, manouvrier, escripvain Ne puelent par juste façon Faire ouvraige qui ne soit vain, S'esquierre n'ont ou ligne en main Et fourme selon leur ouvraige (DESCH., Oeuvres R., t.8, c.1370-1407, 203). | |
| 145 | Jadis les matrones de Romme De leurs testes, sans conseil d'omme, Un temple a Romme edifierent Et en l'onneur le dedierent De la deesse de Fortune. Son ymage au gré de chascune Firent en fourme et en samblance De fame, pour son inconstance... (MACH., Voir, 1364, 712). | |
| 146 | ...ledit receveur sera tenu de pourveoir audit maistre Jehan Brouart dudit martinet de Brucieu garny de meubles de molin, souffletz, tuyères de fornèses casses, cuilliers à faire le plomb, deux grosses barres de fer et trois trables espèces de fer, les formes et patrons pour faire ses affinaisons, de bois et de charbon à lui néccessaires pour faire lesdiz ouvrages au despens du Roy seulement (Aff. Jacques Coeur M., 1453-1457, 312). | |
| 147 | Une fourme d'argent des Royaulx que l'en fait en France... (Doc. 1360. In : L. Douët d'Arcq, Bibl. Éc. Chartes 40, 1879, 553). | |
| 148 | ...lequel ledit Grant Jehan fist fondre et paravant que le marcher et mettre en forme, fist l'essay destaing et y fist deux ou trois formes de gros de Bretaigne, et après en fist dudit argent, mais il ne put riens faire et ne valut riens le tout de ladicte monnoye. (Doc. Poitou G., t.12, 1482, 530). | |
| 149 | Descharge pour le maistre de l'oeuvre, pour faire faire lez pillers touraux et lez bendes des fourmez que ont rapourté lez maistrez des ouvres de Rouen, maistre Alixandre de Berneval, maistre Johanson et plusieurs autres (Doc. XVe s. In : A. Masson, Bulletin monumental 85, 1926, 310). | |
| 150 | L'en treuve tant de merveilles, selon commune estimacion, et si nouvelles que humain entendement est contraint de dire que les jugemens de Dieu sont abisme sans fons et sans rive, et sont ses choses merveilleuses, et en tant de formes et manieres diverses, et en tant de pays, selon leur diverse nature, espandues, que, sauf meilleur jugement, je cuide qu'onques homme, se Adam non, n'ot parfaicte congnoissance des euvres invisibles de Dieu (ARRAS, c.1392-1393, 3). | |
| 151 | ...selon la fourme De la constellacion, cuide Que sa fortune soit plus vuide De bien, ou plus comble et plus plaine De joye (CHR. PIZ., M.F., II, 1400-1403, 84). | |
| 152 | ...pour desconfire ledit de Bourgongne, qui, par fole obstinacion et oultrecuidance, estoit entré oudit pays de Suexe et [avoit] avecques lui mené grande quantité d'artillerie, gens de guerre et marchans suivans son ost, qu'il avoit parqué et mis en forme de siege devant une petite ville dudit pays de Suexe, nommée Morat (ROYE, Chron. scand., II, 1460-1483, 18). | |
| 153 | Au vingt sixiesme an de mon aage, me delecté, en lieu de passe temps et d'eschever oysiveté, à escripre et mettre en forme de cronique plusieurs choses advenues oudit royaulme de France et aultres royaulmes voisins (LE CLERC, Interp. Roye, c.1502, 139). | |
| 154 | Les gruez volent par ordonnance et esluisent vng roy et volent en fourme de bataille et selon Pliton ilz esluisent tous iours la dixieme qui va deuant les aultres et les mayne et conduit (Best. hérald. H.E., c.1435-1450, 478). | |
| 155 | ...et Julles Cesar avoit LXXX coohortes, qu'il disposa aussi en triple forme et avoit mains de gens de XXXm pietons et de mille hommes à cheval, que n'avoit Pompée. (SIMON DE PHARES, Astrol., c.1494-1498, f° 70 r°). | |
| 156 | XXXIIIJ. amiraus trouverent Avec le soudan, puis entrerent Main à main dedens le palais, Qui n'estoit trop biaus ne trop lais. Fais est en fourme d'une eglise, Et de l'ancienne devise, A pilers et à votes fais ; Et si n'estoit pas contrefais, Car tous d'uevre sarrazinoise Estoit, contraire à la françoise. (MACH., P. Alex., p.1369, 195). | |
| 157 | ...mais, lors, espendu Est une grant pluye en tel fourme Comme jadiz (CHR. PIZ., M.F., III, 1400-1403, 270). | |
| 158 | ...je laisse et donne à tous messrs les chanoines qui seront présens à convoier mon corps à porter en terre et à faire mon enterrement, à chacun 5 s. t., aux chappellains à chacun 2 s. t. et à chacun de ceulx de basse forme, enfans de ceur ou aultres 12 d. t. (Invent. test. Surreau Foville F., 1476, 173). | |
| 159 | Se prendre en voloit vengement Par mort, et bien le peüst faire, Il trouveroit tout son contraire En la fourme de grant folour, En l'attrait de toute dolour, Un feu pour toute ardeur ateindre, Une yaue pour douceur esteindre, Norrissemens de tous meschiez ; Car dou faire seroit pechiez. (MACH., J. R. Nav., 1349, 197). | |
| 160 | Aussi appert elle [Bonneürtez] en science, Et se s'enclot en conscience, Pour garder ceuls aucune fois En cui est pais et bonne fois, Qui n'ont pas par voie autentique Mis leur scens en fourme publique, Eins sont sage secretement. La se tient elle closement ; La li tiennent grant compaingnie Loiaus secrez et bonne vie. (MACH., J. R. Nav., 1349, 273). | |
| 161 | ...toute semblance est ou substanciele comme celle qui est de genre et d'espece, ou est accidentele comme celle de quantité et qualité et des autres formes des accidens (FOUL., Policrat. B., II, 1372, 153). | |
| 162 | Si orent conseil qu'ilz requerroient au roy Uriien une journee de traictier sur forme de paix, et le firent. (ARRAS, c.1392-1393, 236). | |
| 163 | La fourme donne congnoissance de la matiere et la manifeste car sans la fourme on ne puet veoir ne appercevoir la matiere (CORBECHON, Propriétés, 1372, X, 2, 179 v°). | |
| 164 | ...les choses que nature a creés (...) maintenant enquierent comment elles sont composees de matiere et de forme (FOUL., Policrat. B., II, 1372, 158). | |
| 165 | ...toutesvoies est il une premiere cause de yceulz et de toutes choses qui droitement sont faites, la quelle par la puissance de sa majesté a fait le monde et par la vertu infenie de sa sapience l'a formé et affermé, et qui ne fu mue a luy donner tant substance comme forme et biauté fors que de sa seule bonté. (FOUL., Policrat. B., II, 1372, 164). | |
| 166 | ...Fourmedez [une déité] Qui en sa main la fourme dez Corps humains tient, a sa devise. (Livre amour. all. F., c.1398-1430, 19). | |
| 167 | Car un ange de Dieu voy bel En la fourme d'un jouvencel (Mir. st Lor., 1380, 183). | |
| 168 | ...pour quoy s'ensieut que Dieu, qui est tout, son estre n'est, ne ne puet estre composé. Et a ce confermer dist Saint Bernard : Dieu n'est pas formé, il est forme, non effect formé. Dieu est cause active et faisant, non faicte, ne passive. (Somme abr., c.1477-1481, 148). | |
| 169 | Comme dist Saint Augustin : "Ydees sont formes principales des choses contenues en la divine intelligence." Et pour tant il est a dire que comme en la memore de l'ouvrier premierement est la forme de la chose que l'ouvrage qu'il veult faire, et ainsi les ydees des choses devant la constitution du monde estoient en la pensee et memore divine (Somme abr., c.1477-1481, 158). | |
| 170 | Car entendement ou l'ame intellective est la fourme et la perfeccion de espece humaine. (ORESME, E.A.C., c.1370, 479). | |
| 171 | La cause de ceste passion, c'est corruption de l'estimative pour la forme et figure qui est forment fichee (GORDON, Prat., c.1450-1500, II, 19). | |
| 172 | Et aussi l'estomac et le foye, ce sont deux membres divers : l'ung a une vertu et l'aultre a une aultre vertu et ainsi l'ung ne peult pas bien racomplir le deffault de l'autre ; et l'estomac fait action sur une matiere et le foye sur une autre matiere et le foye fait une forme et l'estomac une aultre forme (GORDON, Prat., c.1450-1500, V, 13). | |
| 173 | Nous cognoissons les effecs sensibles, comme une beste, avant que nous cognoissons les causes d'icelle, comme la fourme substanciel et la matiere ou les elemenz de quoy elle est. (ORESME, E.A.C., c.1370, 110). | |
| 174 | ...car tous [les elemens] sont mouvables ou en leur lieu naturel, si comme les esperes du ciel, ou a leur lieu naturel se il en estoient hors, si comme les choses pesantes en bas et les legieres en haut, et tout par inclincacion naturele selon leur forme substanciele. (ORESME, C.M., c.1377, 58). | |
| 175 | TROISIESME POVRE. (...) Avez vous maille ne denier ? (...) DEUXIESME POVRE. Par foy, huy fourme de monnoie Ne teing, Lienart. (Mir. Clov., c.1381, 202). | |
| 176 | Comme l'asne fait en jument Et le cheval semblablement, Quant il se veult joindre a l'anesse, Adonques la forme se blesse, Qui des deulx parens la forme a, Pour ce que chascuns difforma Sa nature en son nonsemblable (DESCH., Oeuvres R., t.8, c.1370-1407, 319). | |
| 177 | JHESUS. (...) L'ame qui mon corps amé a Sur toutes les fourmes du monde, Sent en soy douleur si parfonde Qu'au siecle n'est point de pareille (GRÉBAN, Pass. J., c.1450, 248). | |
|
