| 229 exemples | | 1 | Secondement, quant la volenté est partial et non pas entierement sus tout le fait, si comme l'injustice que l'en faisoit as martirs, il la vouloient bien souffrir pour la foy et pour leur salu (ORESME, E.A.C., c.1370, 312). | |
| 2 | ...par ledit maistre Jehan Truquan lui fu admonesté et ennorté qu'il se feist baptisier et chrestienner, ou l'en le feroit excecuter comme juif, c'est assavoir qu'il seroit dempné perpetuelment, pour la mauvaise foy et creance qu'il avoit (Reg. crim. Chât., II, 1389-1392, 52). | |
| 3 | ...seul il [le baptême] vault sans aultre aide, voire accompaigné de vraye foy. (C.N.N., c.1456-1467, 428). | |
| 4 | LE DRAPPIER. Damedieu en ait male feste ! Six aulnes de drap, maintenant ! Dittes, esse chose advenant, Par vostre foy, que je les perde ? (Path. D., c.1456-1469, 112). | |
| 5 | Je vous laisse, sur vostre foy, Un veu que je doibs a sainct Jacques : Pour le faire prendrez mon jacques. (Fr. arch. B., c.1468-1480, 40). | |
| 6 | Respons par ta foy. (MICHEL, Myst. Pass. J., 1486, 336). | |
| 7 | Mignon, or t'en va par ta foy Et leur demande qu'il leur fault. (Sots gard., a.1488, 111). | |
| 8 | Beau sire, dy moy, par ta foy, Menge-tu point de venaison ? (Coust. Esop. T., c.1500, 166). | |
| 9 | ...un gentil homme vent son fief et se desmet de la foy en la foy de son seigneur de qui ledit fief est tenuz ; pourra le seigneur retenir icellui fief et le mettre en son demaine en paiant les deniers que le fief aura esté vendu ? (Cout. bourg. glosé P.M., c.1380-1400, 223). | |
| 10 | ...et demouroit ung chascun quite et absolz de toute foy, service, hommage et fidelité envers les dessusdis (FAUQ., I, 1417-1420, 361). | |
| 11 | ...nous vous mandons et commettons que vous (....) entrez en la foy dudit arcevesque et lui faites ledit hommaige (Comté Champ. Brie L., t.1, 1332,,, 490). | |
| 12 | ...le chevalier et sa femme sont mors et laissent pluseurs enfans, dont il y a une fille aagée et les autres enfans sont soubz aagiéz, qui aura le gouvernement de ces enfans ? Certes, sires, la fille qui est aagée entrera en foy du seigneur de qui le fief est tenu, pour le toutage, soy disant heritiere de son pere et de sa mere, seule et pour le tout (Cout. bourg. glosé P.M., c.1380-1400, 218). | |
| 13 | Pour ce que partaige de heritiers coustumiers ne se peut pas faire prumptement souventefoiz non fait il des nobles pour l'abscence des uns ou des autres ou pour aucunes causes, l'un des heritiers peut neantmoins le partaige non fait venir devers les seigneurs des fiez dont les heritaiges sont tenuz à foy et hommaige, offrir de faire la foy pour lui et pour touz les autres, et lui gaiger le rachat si rachat y est escheu. (Cout. instit. Anjou Maine B.-B., t.2, 1437, 524). | |
| 14 | En ceste foy je vueil vivre et mourir. A vostre Filz dictes [vous, la Vierge] que je [la mère de Villon] suis scienne (VILLON, Test. R.H., 1461-1462, 79). | |
| 15 | ...en ce qui en appartient à damoiselle Jaquemine de la Haie, dame de Pirou, dont ilz tiennent les dictez sergenteriez par foi et par hommage, c'est assavoir que ilz ont boiz pour ardoir et amesnagier ou dit buisson par la livree du verdier. (HECTOR DE CHARTRES, Cout. R.B., 1398-1402, 90). | |
| 16 | Par foy, dist ly contes, ce ne vous doy je pas reffuser. Je le vous donne [cette terre] si franchement que vous n'en devrez n'a moy n'a autre, foy ne hommage. Et Remondin s'agenoille et l'en mercie et lui en requiert chartre, laquelle fu tantost faicte la plus forte que on pot et seellee du grant seel du conte, a la relacion du conseil et des pers du pays, qui y pendirent leurs XIJ. seaulx, en congnoissance de affermer le don a estre raisonnable (ARRAS, c.1392-1393, 32). | |
| 17 | ...certaine requeste bailliée par escript au Roy et à son Conseil de par le duc de Bourbon et madame sa femme, afin d'avoir la delivrance de la duchié d'Auvergne et souffrance d'en faire foy et hommage. (FAUQ., I, 1417-1420, 160). | |
| 18 | ...il luy avoit fait foy et hommage de le servir comme son souverain. (CHASTELL., Chron. K., t.5, c.1456-1471, 79). | |
| 19 | ...et, combien que la conté de Dampmartin de vray demaine me competoit et appartenoit, comme a moy confisquee et forfaitte par ton pere qui estoit trespassé en Angleterre en la compaignie du roy Henry, toutevoye je la te donnay, et avec ce la conté de Boullongne, et desquelles toutes me feis foy et hommage (JUV. URS., Exort., 1458, 418). | |
| 20 | ...et que le Roy le receust à foy et homage d'icelx [chasteaulx] parmi certeinne somme d'argent (BAYE, I, 1400-1410, 267). | |
| 21 | ...le vassal qui a esté receu en foy et hommaige par son sieur est tenu de bailler son dénombrement dedans quarante jours (Cout. Chât. O.-M., c.1480-1500, 417). | |
| 22 | ...cogneut et confessa qu'il est nez du chastel que l'en dit Beaudeduit, à quatre lieues près de la ville de Lymoges, et lequel chastel tenoit feu son pere en foy et hommaige de l'evesque de Limoges qui lors estoit, et lequel de present il tient, avec ses appartenences et appendances, en foy et hommaige dudit evesque (Reg. crim. Chât., II, 1389-1392, 184). | |
| 23 | ...ce aussi qu'il cognoist et advoue à tenir de l'evesque de Limoges tout ce de terre, rente et revenue qui lui eschei par la mort de sondit feu pere, lequel evesque tient nuement en foy du roy nostre sire (Reg. crim. Chât., II, 1389-1392, 206). | |
| 24 | ...voulons et octroions à ycellui nostre conseiller, que nostre dicte conciergerie soit tenue de nous en foy et hommaige par cellui, ou ceulz qui de lui auront cause (Ch. VI, D., t.1, 1401, 199). | |
| 25 | Je n'ay pas trouvé telle foy En tout Israël vrayement. (Pass. Auv., 1477, 129). | |
| 26 | Ne me soyés a ce besoing nuysible, Dieu tresbegnin, mettés peine et entente D'entretenir en son estat paisible Le genre humain que maint [tres] bien regente. Vos hommes font par foy, hommaige et rente Tiennent de vous, soyez leur pytoyable Jucque a ce que nature soit contente, Gardés que mort ne leur soit dommagable. (Cene dieux, c.1492, 116). | |
| 27 | ...[il] fiança ycelle Guillemete, et elle lui, de leurs consentemens, et promistrent l'un à l'autre faire foi et leaulté de mariage. (Reg. crim. Chât., I, 1389-1392, 53). | |
| 28 | Lequel prisonnier lors print elle qui parle par la main destre, et luy promist, par la foy et serement de son corps, estre son mary, et qu'il ne auroit ne ne prendroit autre femme à mariage et espouse ; et semblable promesse fist, elle qui parle, audit prisonnier. (Reg. crim. Chât., I, 1389-1392, 151). | |
| 29 | Lequel qui parle, meu de l'amour que son cuer avoit desjà mise en icelle Marguerite, promist et enconvenança lors à icelle Marguerite, par la foy et serement de son corps, et leurs mains destres pour ce bailliés li uns à l'autre, que il seroit son mary et la espouseroit, en li promettent foy et crantement de mariage. (Reg. crim. Chât., I, 1389-1392, 205). | |
| 30 | Le second cas et le second pechié qui empesche mariage, se il preste et donne foy a l'adultere que il la prendra en femme aprez la mort de son mary ou aprez la mort de sa femme. Le tiers pechié est quant il ne preste ne donne la foy a la femme adultere de la prendre a mariage, mais principalement il la prend a femme et de fait contrait avec elle, car comme dist le decret, c'est plus grant chose de la prendre que donner la foy a elle de la prendre. (Sacr. mar., c.1477-1481, 62). | |
| 31 | LA FILLE. Pére, ja, se Dieu plaist, tel fait N'avenra qu'en baillons noz foiz. Vous m'engendrastes une foiz (Mir. fille roy Hongrie, c.1371, 13). | |
| 32 | Puis que l'un l'autre avons noz foiz Donnez, certes je vous accors N'a q'une char en noz deux corps (Mir. st Alexis, 1382, 307). | |
| 33 | LA FENME DE JOB. (...) Ce n'est pas ce que me jurates Quant la foy du corps me baillastes. Pour ce jaméz jour de ma vie Je n'aimeray vostre compaignye. (Pac. Job M., c.1448-1478, 360). | |
| 34 | Et jura et fianca li dis Jehans par se foit et fiancie que... (Doc. 135. In : Ch. Doutrepont, Z. fr. Spr. Lit. 22, 100, 109). | |
| 35 | Maiz il lui estoit advis en sa conscience que, s'il feust partis d'iceulx Testenoire et son maistre sanz prendre congé d'yceulx, et qu'il le quitassent du serement dessus dit à eulx fait, qu'il seroit parjures et auroit menti ; pour sauver laquelle sa foy et serement, il servi sondit maistre et retourna par le temps dessus dit tous jours oudit fort de Ventadour. (Reg. crim. Chât., I, 1389-1392, 24). | |
| 36 | O bon Jhesus, a qui je croy Par vraye foy, Treshumblement je t'en rens graces. (Pass. Auv., 1477, 131). | |
| 37 | Auquel duc de Lenclastre, et en sa main, il fist lors serement, et par la foy de son corps promist et s'obliga servir bien et loyalment le roy d'Engleterre et ledit duc de Lenclastre à tousjours mais, envers et contre toutes personnes quelconques, sanz soy departir dudit service aucunement sanz le congié d'iceulx ; et de tenir et acomplir sesdites foy et serement s'obliga, en la main dudit duc de Lenclastre, icellui son oncle, par la foy et serement de son corps, et sur l'obligacion de tous ses biens quelconques, corps pour corps et avoir pour avoir. (Reg. crim. Chât., II, 1389-1392, 186). | |
| 38 | ...lesquelz (...) avoient desloyalment, contre leur foy et serement, tué et mis à mort ledit feu duc de Bourgoingne (FAUQ., I, 1417-1420, 361). | |
| 39 | Le .IIIIme. [exemple] de Justice traicte de la foy et promesse que tint Marco Regulo a ces ennemis, pour le bien de la chose publicque (LA SALE, Sale D., 1451, 9). | |
| 40 | ...et les François, qui puis furent trouver, ledit duc de Millan, laissant arriere sa foy et son jurement, les fist menger aux chiens. (SIMON DE PHARES, Astrol., c.1494-1498, f° 151 v°). | |
| 41 | ...ilz lui firent promettre et jurer qu'il retourneroit (...) ...ainsi venus a Romme (...) comme on luy priast qu'il demourast a Romme et ne retournast a ses ennemis (...), il dist qu'il n'en feroit riens en nulle maniere, ains retourneroit a sa foy, comme il fist. (COLART MANS., Dial. créat. R., 1482, 174). | |
| 42 | ...mais au derrain, les seigneurs le firent delivrer quitte, malgré les communes, pour leur foy acquitter (LE BEL, Chron. V.D., t.2, 1359, 284). | |
| 43 | En aprés il me convint jurer que je me vendroye rendre prisonnier quant je seroye guery de mes blescheures, mais pour acquitter ma foy je y suis venus. y remés en vostre voulenté mon corps et tous mes biens (Percef. III, R., t.1, c.1450 [c.1340], 267). | |
| 44 | Elle m'avoit promis et baillé foy Qu'elle m'aymeroit dessus tous loyaulment (Vir. H., c.1400-1500, 70). | |
| 45 | "...Or vous levez, puis me baillez la foy." Celui se leva et lui donna la foy. Et le jenne chevalier lui dist lors : "Je vous diray que vous ferez..." (Percef. III, R., t.1, c.1450 [c.1340], 135). | |
| 46 | Iceste lettre si me dist et senefie Que roys Yons est dedens une abaye (...) Que Karle li mest sus qu'il a sa foy mentie (Renaut Mont. B.N. V., c.1350-1400, 329). | |
| 47 | Toutes choses sont trespossibles A celluy que croit. As tu foy ? (Pass. Auv., 1477, 162). | |
| 48 | ...quant leur foy violee et brisiee et faussee... (FOUL., Policrat. B., III, 1372, 239). | |
| 49 | ...il est parjure et at mentit sa foy et seriment (JEAN D'OUTREM., Myr. histors G., a.1400, 33). | |
| 50 | ...sa foy menti. (CHR. PIZ., M.F., III, 1400-1403, 121). | |
| 51 | ...Sans jamés ma foy vous faulcer. (Au grey d'amours F.-H., c.1400-1500, 163). | |
| 52 | ...lequel eschappa en mentant sa foy (Percef. III, R., t.1, c.1450 [c.1340], 196). | |
| 53 | Qui foy fraint, nulle foy ne lui est deue (Percef. III, R., t.2, c.1450 [c.1340], 173). | |
| 54 | Quelle vengence et quelle pugnicion doit on prendre d'un homme qui a menty sa foy ? (LA SALE, J.S., 1456, 12). | |
| 55 | Helas sire, Jupiter en presence Nous a trahis, comme faulx apostat, A l'appetit de ce vilain p[re]lat, Dit Saturnus, il a sa foy faulsee, Et luy mesme, comme traitre, debat Ma requeste n'estre point exaulcee... (Cene dieux, c.1492, 118). | |
| 56 | De tous lez les encloent, lez paiens foy menti (Cip. Vignevaux W., p.1400, 146). | |
| 57 | Vous savés que je vous feis foy Pieça de tout ce que j'avoye, Et vous laissay, en lieu de moy, Le gage que plus chier j'amoye ; C'estoit mon cueur que j'ordonnoye Pour avecques vous demourer (CH. D'ORLÉANS, Ball. C., c.1415-1457, 30). | |
| 58 | A toy, Jhesus, ay du tout foy. (Pass. Auv., 1477, 165). | |
| 59 | Mais, par la foy que je doy a Jhesucrist et a tous ceulx a qui je doy foy porter, je les en paieray tellement que jamais ne leur tendra de faire frere que j'aye moyne. (ARRAS, c.1392-1393, 250). | |
| 60 | ...chascun d'eulx portera foy A son prochain si comme a soy. (GRÉBAN, Pass. J., c.1450, 137). | |
| 61 | Il [Jean Baptiste] me plaisoit Quant il preschoit un autre roy. Sus, donques, je tiendrey ma foy ; Je veulx que descapité soit. [Réf. à Matth. 14, 9] (Pass. Auv., 1477, 97). | |
| 62 | Et, se aprés il avient que par aucun intervalle il acomplisse la foy de sa promesse... (FOUL., Policrat. B., III, 1372, 231). | |
| 63 | Sire, je suys vostre cusin d'Autrefueilhe, sy vous doie foy et loiaultet. (JEAN D'OUTREM., Myr. histors G., a.1400, 22). | |
| 64 | ...[elle] s'excusoit de vouloir en amours entretenir aultre que celuy auquel elle doit et foy et loyauté. (C.N.N., c.1456-1467, 257). | |
| 65 | ...l'amour que je vous porte, la foy aussy que je vous doy, en tant que je suis vostre pasteur indigne, me semonnent et obligent de ce faire. (C.N.N., c.1456-1467, 295). | |
| 66 | ...[ils] avoient promis foy et loyaulté l'un a l'autre [De deux fiancés] (C.N.N., c.1456-1467, 338). | |
| 67 | Or ont ces folz amans le bont Et les dames prins la vollee. C'est le droit loier qu'amans ont, Toute foy y est vïollee. (VILLON, Test. R.H., 1461-1462, 63). | |
| 68 | Foy que doy a mes rentiers, Je m'en voys sus Gaultier La Haire Luy porter mes soulliers reffaire. (Sav. serg. D.L., c.1480-1490, 30). | |
| 69 | Item est demonstree laditte trinité par les IIJ. vertus apellees theologiennes, c'est a dire divines, c'est a scavoir foy, espoir et charité. (Somme abr., c.1477-1481, 125). | |
| 70 | ...Que nous soyons tous aliés Et par la foy du corps lïés Contre noz morteulz anemis (LA BUIGNE, Rom. deduis B., 1359-1377, 221). | |
| 71 | Et bien a merveillier estoit la foy et memoire de la loyauté du chien [qui après un très long temps, retrouvant son maître, lui fait fête] (FOUL., Policrat. B., I, 1372, 103). | |
| 72 | ...Hector (...) prit mesmes la foy de luy et le créança comme son prisonnier. (CHASTELL., Chron. K., t.1, c.1456-1471, 99). | |
| 73 | ...et cherchoient à l'emmener prisonnier (...) : "De la foy, chevalier, de la foy !" le quel grinant les dents de courroux, ne rendoit response que de l'espée (CHASTELL., Chron. K., t.1, c.1456-1471, 267). | |
| 74 | ...quand ne se trouva secouru de nulluy, se rendy audit La Moure et luy bailla la foy (CHASTELL., Chron. K., t.1, c.1456-1471, 268). | |
| 75 | Item, devront restituer quittes et delivres, tous les prisonniers estans en leur obéissance et détenement (...) et les quitteront de leur foy (CHASTELL., Chron. K., t.1, c.1456-1471, 304). | |
| 76 | ...le duc delivra les deux nobles hommes que il avoit prins de sa main et leur quicta leur fois (LEFÈVRE ST-RÉMY, Chron. M., t.2, c.1462-1468, 43). | |
| 77 | Qui foy fraint, nulle foy ne lui est deue (Percef. III, R., t.2, c.1450 [c.1340], 173). | |
| 78 | ...ad ce que je voy de vous, me samblés estre home de foy et de credence (Gérard de Nevers L., c.1451-1464, 101). | |
| 79 | Pour ce soit advertissement aux roys de France et François pour jamais, de non aver fiance ne foy en langue lombarde, car si je vouloye reciter les inumerables traïsons et faulcetés, que d'icelle part sont issues, il ne seroit en piece fait. (SIMON DE PHARES, Astrol., c.1494-1498, f° 151 v°). | |
| 80 | Le peuple plain de toute abusion Fera sectes serchant division, Selon le pact juré en ceste cene Foy se muera toute en desrision. (Cene dieux, c.1492, 122). | |
| 81 | Et dudit voyage de Liege, très hault et puissant prince [Charles de Bourgogne], il ne vous en est demouré que le deshonneur et la foy que avez par droit perdue ; lesquelles choses dureront par eternelle memoire envers tous les princes qui sont nez et à nestre. (LE CLERC, Interp. Roye, c.1502, 262). | |
| 82 | ...ou par tesmoingnage de gens dignes de foy (Trés. Reth. S.L., t.2, 1378, 255). | |
| 83 | Et quant a ce, dès cy nous vous quictons [le roi d'Ausay], quant de nostre partie, mon frere et moy, vostre prison, par my tant que nous vous tauxons a restituer a ma damoiselle tous ses dommages, tant de larrecins, comme de pillaiges de proies, de bestes et de toutes autres choses, au regart de preudes hommes, dignes de foy, qui seront esleuz pour le dommage tauxer ; et de ce vous livrerez bons hostages et le jurrez par vostre foy et sur Sainctes Euvangiles, et par vostre seelle, a emplir et enteriner tout ce dessus dit. (ARRAS, c.1392-1393, 168). | |
| 84 | ...par gens notables dignes de foy et de toute credence. (RASSE BRUNH., Flor. Elvide B.N. C., a.1456, 2). | |
| 85 | L'on m'a pluseurs foiz dit et compté par gens dignes de foy ung bien gracieux cas (C.N.N., c.1456-1467, 454). | |
| 86 | ...furent vuez, leuez (...) par Regnault de Saint Quentin (...), tabellion juré de la court de Beauvés et par Guillaume le Fèvre, (...) notaire juré d'ichelle court, ausquelz (...) nous adjoustons plenière foy, une supplicacion (Cartul. Beauv. L., 1383, 675). | |
| 87 | "Et sur toutes choses que tu auras a faire, se tu es prelat ou juge, ne soies pas de legiere creance, ne ne adjouste pas legierement foy a ceulx qui ont a coustume de faire partie..." (Horloge de sapience S., c.1389, 91). | |
| 88 | ...si comme saint Pol le dit en l'epistre aux Rommains, que les choses qu'il [Dieu] a faictes seront veues et sceues par la creature du monde. C'est l'omme qui voit les livres lire et adjouste foy es atteurs, entendre les anciens ; les provinces, terres et royaumes visiter. (ARRAS, c.1392-1393, 2). | |
| 89 | Et dient les docteurs que adjouster foy a la dicte science [d'astronomie], c'est assavoir a la seconde partie [les jugements], est chose moult perilleuse et espirituelment et temporelment, et souvent est cause de male fortune (MÉZIÈRES, Songe vieil pèl. C., t.1, c.1386-1389, 605). | |
| 90 | ...mais je pry tous ceulx qui tant le font auctentique et tant y adjostent foy qu'ilz me sachent a dire quans ont veuz accuséz, mors, pendus ou reprouchiéz en rue par l'encusement de leurs femmes : si croy que cler les trouveront seméz. (CHR. PIZ., Déb. R. Rose H., 1401-1402, 17). | |
| 91 | Tant de crueux herege faux [Et] ydolatre hors de foy Tout corrumpue il ont la loy Et mis en peril maint cristiens. (Myst. st Bern. Menth. L., c.1450, 55). | |
| 92 | ...ce n'estoit pas l'intencion de ladicte Ville de adjouster foy, desormais, à ce qui seroit fait soubz le seellé desdis seaulx (FAUQ., I, 1417-1420, 50). | |
| 93 | On m'a requis en vostre nom de deshonneur ; je n'y ay point adjousté de foy (C.N.N., c.1456-1467, 156). | |
| 94 | ...[ils] firent semblant de adjouster foy a la bourde de leur maistre (C.N.N., c.1456-1467, 583). | |
| 95 | Oudit an, le lundi XXVe jour dudit mois d'aoust, le roy devint fort malade en son hostel des Montilz lés Tours, tellement qu'il perdit la parolle et tout entendement, et en vindrent les nouvelles à Paris, le mercredi XXVIIe jour dudit mois, qu'il estoit mort, par unes lettres que en escripvit maistre Jehan Briçonnet : ausquelles lettres fut foy adjoustée, pour ce que ledit Briçonnet estoit homme de bien et de credit. (ROYE, Chron. scand., II, 1460-1483, 136). | |
| 96 | Et ce que fist adjouster foy a pluseurs gens a cecy, ce fut que... (CHASTELL., Chron. IV, D., c.1461-1472, 148). | |
| 97 | Le roy n'a pas accoustumé, quand aulcuns rappors lui sont fais, de legiement y adjouster foy (CHASTELL., Chron. IV, D., c.1461-1472, 194). | |
| 98 | ...attendu le malice d'iceulx prisonniers, et la voye par eulx ouverte pour evader la punicion et juridicion du roy nostre sire, foy aucune ne soit adjoustée, ne aussi ne soit aucunement deferé à proceder à l'absolucion ou condempnacion d'iceulx prisonniers (Reg. crim. Chât., I, 1389-1392, 87). | |
| 99 | Car merveilleusement s'esmeut l'amour du peuple ou d'une multitude a amer son prince quant ilz ont tele opinion de luy qu'il est liberal, qu'il fait bien a ses gens et ses serviteurs, qu'il ayme justice et raison, qu'il a foy en luy et qu'il se fie en son peuple et que son peuple se peut fier en luy et que on le voit enclin a doulceur et a bonnes meurs. (FILLASTRE, Traité Conseil H., c.1472-1473, 230). | |
| 100 | ...le Roy lui prie et requiert trèsacertes qu'il ne vuille croire aucunement que le Roy se veulle comment que ce soit, départir des dictes alliances, ne sur ce donner aucune foy aux paroles des diz Anglois. (Ch. VI, D., t.1, 1400, 191). | |
| 101 | ...je donne foy a vos parolles (Percef. III, R., t.2, c.1450 [c.1340], 253). | |
| 102 | "Il n'a ne foy ne loy entre les Crestiens, fors que tant seulement en aucune apparance. Nous veoyons bien", distrent les dames, "que de liever noz precieuses forges en ceste amaricant generacion catholique, ce seroit chose perdue..." (MÉZIÈRES, Songe vieil pèl. C., t.1, c.1386-1389, 353). | |
| 103 | ...trop espoir j'ay differé de baillier foy a la saincte apparicion. (C.N.N., c.1456-1467, 103). | |
| 104 | Toutesvoies ils montèrent à cheval, donnant foy à ses paroles (CHASTELL., Chron. K., t.4, c.1456-1471, 183). | |
| 105 | Et quant les heraulx furent en la maistre salle, car en cellui temps on leur donnoit trop plus de foy que au jour d'uy (...) au cappitaine dirent... (LA SALE, Reconf. De Fresne H., 1457, 10). | |
| 106 | Ainsi comme il appert de Tirio, a qui ceulx de Sabine lui eussent fait ung très grant present d'or et d'argent ; il les remercia aulcunement, disant que le present estoit grant et puissant a qui foy lui donnoit (LA SALE, Sale D., 1451, 91). | |
| 107 | ...ains en parla à ceux qui lui estoient prochains (...) et entre les autres le seigneur de Croy qui chevalier estoit de grosse entière foy et de sa vielle nourriture. (CHASTELL., Chron. K., t.3, c.1456-1471, 195). | |
| 108 | [Après une vision nocturne] Et, affin qu'il en feist plus certaine foy, il monstra en son cuir la parse couleur des coups et les traces des plaies en son corps quant il fu esveillé. (FOUL., Policrat. B., II, 1372, 157). | |
| 109 | ...en faisant foy ne seurté au medecin de la mort ou de la vie du malade (SAINT-GILLE, Comment. A.Y. L., 1362-1365, 283). | |
| 110 | ...dicte auxdiz seigneurs de aucun desdiz officiers, que foy ne soit faicte à telx rapporteurs sans oïr la personne contre qui sera telle parole dicte. (BAYE, II, 1411-1417, 43). | |
| 111 | ...dont moult furent moqués et escharnis ceux qui y avoient mis foy (CHASTELL., Chron. K., t.3, c.1456-1471, 300). | |
| 112 | Se Fortune me vouloit nuyre, Une fois m'en verray destruire : C'est ma foy, le cueur le me dit. (GRÉBAN, Pass. J., c.1450, 407). | |
| 113 | Trois miracles sont en especial selon les trois vertuz theologiques : l'une charité, l'autre esperance, l'autre foy. (GERS., P. Paul, a.1394, 504). | |
| 114 | Et dit Juvenal que quant yvresse s'enbat en une personne, homme ou femme, n'y est chasteté qui puisse estre gardee ; ne foy, ne loy, ne honneur. (GERS., Annonc., a.1400, 237). | |
| 115 | ...se [l'aigle] se muet contre les autres oyseaux, elle evacue et aneentist la foy et la puissance de la divinacion de tous les autres oiseaux (FOUL., Policrat. B., I, 1372, 126). | |
| 116 | ...com plus a un chascum d'or en son cofre, plus a de foy, c'est a dire : mielx le croit on de ce qu'il dist. (COURTECUISSE, Serm. D., 1397-1418, 289). | |
| 117 | A ceste fable doivent prendre exemple ceulx qui veullent entrer en compaignie et societé avecq estraingnes et qui ne congnoissent leur foy et loyauté, car nul ne doit commettre son secret a son amy se par avant ne le a tempté et esprouvé. (COLART MANS., Dial. créat. R., 1482, 249). | |
| 118 | ...comme l'en disoit par foy (CHR. PIZ., M.F., IV, 1400-1403, 76). | |
| 119 | Je vous sains de l'espee doree Comme preux, vaillant chevalier, Que vous ne refusez journee En quelque lieu ou vous aillez ; Aussi les esperons dorez Que voyez que je vous presente, Foy de noblesse garderez A vostre povoir et entante. (Myst. siège Orléans H., c.1480-1500, 559). | |
| 120 | Ce n'est pas icy l'amy de bouche seulement, l'amy de bras, l'amy de bourse, l'amy de court, l'amy de cheminee, l'amy de genglerye et de adulacion et de flaterie. Car, en bonne foy, tous ceulz icy faillent au besoing (GERS., Concept., 1401, 409). | |
| 121 | Le second amy, c'est assavoir le monde et amis charnelz, pour lesquelz enrichir tu as pris tant de peines, qué secours te feront eulz ? En bonne foy, a grant peine te donront ung linceul pour toy ensevelir. (GERS., Concept., 1401, 416). | |
| 122 | ...auquel Jehan Balet, qui lors avoit vestu un manteau, ledit prisonnier requist qu'il voulsist prester ledit manteau pour un po couvrir ses espaules, et qu'il avoit moult grant froit ; lequel Valet, de bonne foy, cuidant que icellui prisonnier deist verité, despouilla ledit manteau et le bailla audit prisonnier, lequel d'icellui manteau a fait sa voulenté, sans ce que il le ait aucunement rendu à icellui Balet. (Reg. crim. Chât., I, 1389-1392, 177). | |
| 123 | ...oultre, disoit que, depuis le second default, avoit esté parlé de bonne foy de certain accord et qu'il estoit tout prest de le passer in forma (FAUQ., III, 1431-1435, 114). | |
| 124 | ...a ce elle respondit, faisant maniere de trembler, disant que de bonne foy il luy faisoit mouvoir le sang du corps, de crainte et de paour (C.N.N., c.1456-1467, 387). | |
| 125 | Ces .XIJ. clochetes si sont Douze articles de foi qui sont Les quiex (tu) dois fermement croire (GUILL. DIGULL., Pèler. vie hum. S., c.1330-1331, 110). | |
| 126 | Cruxiffiarey je vostre roy ? Je vous dy bien en bonne foy Que ce seroit trop grant asar. (Pass. Auv., 1477, 170). | |
| 127 | Et quant des deux hommes qui l'ont mesuré et du ruisseau qui y est sours soubdainement, c'est toute verité, monseigneur. Par foy, dist ly contes, veez cy grans merveilles. En bonne foy, Remondin, il fault que vous y aiez trouvé quelque adventure. Si vous prie que vous le nous veulliez declairer pour nous en oster de merancolie. (ARRAS, c.1392-1393, 35). | |
| 128 | Sire conte de Huy, en bonne foy, que dit vous ? (JEAN D'OUTREM., Myr. histors G., a.1400, 204). | |
| 129 | NOSTRE DAME. O chier espoux, en bonne foy, Ou est il ? (GRÉBAN, Pass. J., c.1450, 124). | |
| 130 | En bonne foy, je croy et tiens fermement que vous avez pour ceste heure tresbon et entier propos (C.N.N., c.1456-1467, 564). | |
| 131 | En bonne foy, ainsi feray je (C.N.N., c.1456-1467, 568). | |
| 132 | GLORIEULX. Tenez, m'amye, je vous ayme Autant que ma propre personne, De tresbon cueur cecy vous donne. Prenez le pour l'honneur de moy. AFFRICQUEE. Sans vostre grace, en bonne foy, Non auray, a Dieu n'en desplaise. (P. Jouh. D.R., a.1488, 30). | |
| 133 | Et se aucun d'eulz ignore, adont l'un creant l'aultre avec qui il a contrait mariage estre sans loyen de mariage, il porra estre avec celle ou cellui aprez la mort de l'homme legitime ou de la femme legitime, et ce pour la bonne foy que il a eu. (Sacr. mar., c.1477-1481, 64). | |
| 134 | Mon Bon Renon, ne vous desplaise, Car, par ma foy, quant est a moy, Je n'en diz que la bonne foy. Il me doit estre pardonné ; Mais je vouldroye avoir donné De mon sanc une bonne drame Et jamais ne visse gen d'arme. (Pouvre peuple H., c.1450-1492, 158). | |
| 135 | Et celui qui est pocesseur de malle foy o tiltre est tenu des fruiz perceuz (Cout. instit. Anjou Maine B.-B., t.2, 1437, 321). | |
| 136 | Et quant il avra bien sceüz Touz les articles de la foy... (Liber Fort. G., 1346, 163). | |
| 137 | ...sy emprontent sur leurs foys milz et Vc besans (JEAN D'OUTREM., Myr. histors G., a.1400, 221). | |
| 138 | Helhemedem de Trippole fut en ce temps prins prisonnier de Robert Wiscardo, duc de Normandie, estant lors à Naples, lequel, pour l'onneur de sa science des estoilles, icelui duc souvant le menoit avecques lui et sur sa foy le laissoit et permectoit aller où bon lui sembloit (SIMON DE PHARES, Astrol., c.1494-1498, f° 111 r°). | |
| 139 | Et depuis ces choses, Philippe escript de sa main une cédule dont l'en a offert à faire foy (Ch. VI, D., t.1, 1390, 104). | |
| 140 | ...si gentil famme est mariée à villain coustumier, les enfens qui ystront d'eulx auront ou fié devers leur mere autant l'un comme l'aultre, s'il n'y a foy à fere, ouquel cas l'aisné la fera et aura le herbregement (Très anc. cout. Bret. P., Textes divers, 1400-1500, 505). | |
| 141 | ...Pierre d'Ay, escuier (...) avoit dit qu'il avoit renuncié dedans temps deu à certain appel par lui fait ceans et offroit faire foy par escript de sadicte renunciation (BAYE, II, 1411-1417, 208). | |
| 142 | ...les lettres seront portées en la Chambre des Comptes et ne seront exhibées jusques à ce que ledit archevesque face foy de sa confermacion en forme deue. (FAUQ., I, 1417-1420, 6). | |
| 143 | Aprens aussi A soustenir douleur sans grant soucy Et sy tu l'as n'en fais semblant ne fy, N'en soit ton port ne ton maintien noircy (MESCHIN., Lun. princes M.-G., c.1461-1465, 85). | |
| 144 | Ilz doivent estre humbles si qu'il ne preignent les offices mais les laissent aus autres a faire leur foiz car cilz gouverne bien le royaume qui... [var. laissent aux autres faire leur voulenté et leur foiz car...] (FERRON, Jeu eschaz mor. C., 1347, 212). | |
| 145 | Et les premiers furent les Thebains qui selonc la foy de l'ystoire, se nous la voulons suyvre, ordenerent que... (FOUL., Policrat. B., I, 1372, 101). | |
| 146 | Et quant aux dix commandement, Tu as mesprins, comme je croy, Et aux articles de la foy... (C. Riffl., c.1480-1520, 60). | |
| 147 | Et telz diz des autres philosophes sont foy pour la vie de eulz (ORESME, E.A., c.1370, 529). | |
| 148 | Au regart de la dicte injurieuse escripture (...) [la Court] respont que icy est à considerer double justice, une qui regarde la foy, et de ceste ne parle pas, l'autre est legale, à laquelle est obligée la Court (BAYE, II, 1411-1417, 262). | |
| 149 | ...et posé que ladicte escripture ne fust pas erronée en la foy, si est-elle injurieuse et scandaleuse à bonnes meurs et à toute police (BAYE, II, 1411-1417, 262). | |
| 150 | En ce avez crime commis Contre Dieu et contre sa foy, Qui veult chacun estre submis Son prochain aymer comme soy. (Cene dieux, c.1492, 139). | |
| 151 | Vous sçavez nostre foy antique, Vous sçavez quel Dieu maintenons (LA VIGNE, S.M., 1496, 328). | |
| 152 | ...et toutevoies saint Augustin ou .VIIIe. et ou .IXe. livre de La Cité de Dieu prefere et recommande Platon et ses ensuians comme philosophes pardessus touz autres, et tient que leur doctrine entre lez autres des philosophes est plus congrue ou plus concordable a la foy catholique. (ORESME, C.M., c.1377, 262). | |
| 153 | Par les flaiolz Mercurius povons entendre que par l'ancian ennemi ne soit deceu par aucune incredulite sur la foy ou autrement le bon esperit. (CHR. PIZ., Ep. Othea L., c.1400-1401, 199). | |
| 154 | PIERRE. (...) Et ce tient la foi catholique Des crestiens. ZOILE. Pierre, ceste foy que tu tiens Je vueil dès ores mais tenir, Et bon crestien devenir (Mir. Pierre Changeur, c.1378, 298). | |
| 155 | Tous lesquieulx, veu l'estat d'icelle, la confession par li faite cy-dessus escripte, avec la deffence à li faite par ledit evesque, et que contre icelle, par sadite confession, elle a passé, fait et alé les invocacions cy-dessus dites, qui sont contre la foy catholique, et choses deffendues, sur peine de feu (Reg. crim. Chât., II, 1389-1392, 296). | |
| 156 | Par foy, dist Uriiens, nous ne sommes pas cy venus pour estre soudoyers pour argent, mais pour essaucier la foy catholique et estre soudoier Jhesucrist. (ARRAS, c.1392-1393, 115). | |
| 157 | Tenez les commandemens de nostre mere Saincte Eglise et tous les degrez et commandemens de nostre foy catholique. Soiez humbles et doulz aux bons. Et soiez de beaulx respons au grant et au petit. (ARRAS, c.1392-1393, 153). | |
| 158 | ...le plus preudomme et le plus vaillant roy qui feust en toute la langue tudesque et qui plus vaillaument a deffendu nostre foy catholique contre les ennemis de Dieu. (ARRAS, c.1392-1393, 172). | |
| 159 | Mais, s'il eust pleu a Dieu que vous feussiez venu deux jours plus tost, vous eussiez trouvé monseigneur mon pere en vie, que le roy Selodus a mis mort, et puis a fait ardoir le corps, pour plus despiter la foy catholique. (ARRAS, c.1392-1393, 186). | |
| 160 | Et dirent presuposans les grans biens et prouffis qui estoient avenuz et disposez de avenir en l'eglise (...) et en toute chrestienté, et à l'entretenement et exaltation de la foy catholique (FAUQ., III, 1431-1435, 122). | |
| 161 | ...[les] glorieux martirs qui pour le reboutement des infideles et l'exaltacion de [la] saincte foy catholicque se sont voluntairement offers et habandonnez a la mort (C.N.N., c.1456-1467, 423). | |
| 162 | ...les infidelles et ennemis de la saincte foy catholique (Doc. Poitou G., t.12, 1482, 500). | |
| 163 | ...et comment ce pourroit redonder ou grant dommage ou prejudice du Roy et de son royaume, ou prejudice et à la diminucion ou confusion de la foy chrestienne (FAUQ., III, 1431-1435, 111). | |
| 164 | ...nostre foy, qui nous afferme Qu'il n'y a n'eslongne, ne terme, Qu'en enfer a tousjours ne voit Cil qui a s'ame ne pourvoit ? (CHR. PIZ., M.F., II, 1400-1403, 8). | |
| 165 | ...les bons seigneurs de Perusse, vraiz champions et defenseurs de la tressaincte foy chrestiane. (C.N.N., c.1456-1467, 109). | |
| 166 | Lors leur dist Uriiens, oyant tous : Beaulx seigneurs, nous sommes cy assemblez pour soustenir la foy de Jhesucrist, et de laquelle il nous a regenerez. (ARRAS, c.1392-1393, 108). | |
| 167 | Jehanne qui s'est fait nommer la Pucelle, menterresse, pernicieuse, abuserresse de peuple, divineresse, supersticieuse, blasphemeresse de Dieu, presumptueuse, malcreant de la foy de Jhesu-Crist (FAUQ., III, 1431-1435, 14). | |
| 168 | Toutevoies le fidele puet mariage contraire avec l'infidele par condicion que il se convertira a la foy et loy de Dieu. (Sacr. mar., c.1477-1481, 64). | |
| 169 | Au tiers cas, se l'un des mariéz est convertis a la foy et l'aultre demeure en son infidelité, de cohabiter ensemble ilz ne doivent estre compelléz ne urgéz et contrains (Sacr. mar., c.1477-1481, 64). | |
| 170 | Vitellinus, roy de Hongrie, pour la bonne admonicion de Christofle le Chastellain, medicin de Paris et son astrologien, se convertit à la foy à l'issue d'une sienne maladie (SIMON DE PHARES, Astrol., c.1494-1498, f° 106 v°). | |
| 171 | Nous lisons que saint Pol, le glorieux patron de ceste esglise, aloit persecuter la foy crestienne [a] Damas (GERS., Pent., p.1389, 77). | |
| 172 | Et pour ce qu'avons entendu qu'il est bruyt de la descente des Turcqs et ennemys infidelles sur le pays de Roddes en intencion d'envahir la foy catholique (Lettres Ch. VIII, P.M., t.5, 1496, 49). | |
| 173 | Par foi ! je n'ay denier ne maille (Mir. femme, 1368, 223). | |
| 174 | Et par ma fay, se bien ou renom ay, Tout vient de lui (DESCH., Oeuvres Q., t.6, c.1370-1407, 277). | |
| 175 | ...ycelle Université n'empeschoit point que ledit Faudin ne fust et soit eslargi par la Court, en baillant bonne et suffisante caution d'ester à droit par devant l'inquisiteur de la foy ou son vicaire (FAUQ., II, 1421-1430, 46). | |
| 176 | Auquel qui parle icelli Breton demanda tout hault :Blancpain, queles nouvelles ? Et il qui parle respondi teles parolles : Par ma foy, Breton, les nouvelles sont teles que l'evesque de Poitiers est venu à belle compaignie, et a parlé au roy longuement, et lui a mis terme à dimenche. (Reg. crim. Chât., I, 1389-1392, 538). | |
| 177 | Je vouldroye bien qu'il pleust à Dieu que je feusse une fois devant le roy en son bon conseil, et je diroie la verité ; car, par ma foy, c'est ma negligence et ignorance, et aussy ma coulpe, que autre en est en coulpe. (Reg. crim. Chât., I, 1389-1392, 545). | |
| 178 | Je desire tant que nulle autre chose plus, d'avoir vostre bonne amour et vostre bonne grace. Par ma foy, dist la dame, a ce n'avez vous pas failly, mais que vous n'y pensez fors toute honneur, car ja homme n'aura m'amour en soingnentaige. (ARRAS, c.1392-1393, 9). | |
| 179 | Sire, je ne vous demande autre don fors que vous me veuilliez accorder au dessus de la Fontaine de Soif, es roches haultes et es haulx boys et desrubaux, ou il le me plaira a prendre, tant que un cuir de cerf pourra enclourre, et après la clouture, le long de tous lieux en esquairre. Par foy, dist ly contes, ce ne vous doy je pas reffuser. Je le vous donne si franchement que vous n'en devrez n'a moy n'a autre, foy ne hommage. (ARRAS, c.1392-1393, 32). | |
| 180 | Ne m'ostés point mon Bon Renon ! Par ma fy, je seroie au bas. (Pouvre peuple H., c.1450-1492, 180). | |
| 181 | "Amy, je vous fays prisonnier, car vous avez rompu vostre saufconduit. - Par ma foy, non ay..." (C.N.N., c.1456-1467, 55). | |
| 182 | - (...) ce n'est pas mon intencion de partir d'icy qu'il ne soit demain. - Par ma foy, dit elle, si ferez, tout maintenant. (C.N.N., c.1456-1467, 211). | |
| 183 | ...par ma foi, je me doubte fort et croy veritablement que sa principale intencion est d'esprouver, s'elle peut, si mes parolles sont vrayes (C.N.N., c.1456-1467, 409). | |
| 184 | C'est du demourant d'Ancenys, Par ma foy ou de Champ Toursé. (Fr. arch. B., c.1468-1480, 31). | |
| 185 | De foy, elle est nettë et pure (GARIN, Compl., 1460, 77). | |
| 186 | Et en oultre la Court, qui avoit mandé lesdiz religieux, leur toucha aucunes choses sur l'estat du procès de la foy, commencié contre Robert Faudin, prisonnier en la Conciergerie, à l'instance du vicaire dudit inquisiteur à Sens et du feu archevesque de Sens. (FAUQ., II, 1421-1430, 46). | |
| 187 | En ma foy je ne vis oncques sy bon palefroys ! (JEAN D'OUTREM., Myr. histors G., a.1400, 227). | |
| 188 | J'en sauroye, sur ma foy, De ma main ung livre escripre (CH. D'ORLÉANS, Chans. C., c.1415-1440, 250). | |
| 189 | Sur ma foy, vous monstrez mal que vous soiez gentil homme. (C.N.N., c.1456-1467, 123). | |
| 190 | Or reculés vous, j'ay senti, Sur ma foy, autre chose qu'a point. (Est., p.1460, 22). | |
| 191 | LE GAUDISSEUR. Je me trouvay en une plaine La ou je souffri mainte peine Que me fist maistre Grimouart. LE SOT. Ma foy, ce fut a la serayne, La ou il serchoit de l'avoine Pour donner a son bidouart. (Gaud. sot, c.1450, 10). | |
| 192 | Ma foy, Monseigneur, dient ilz, on ne vous baille autre chose. (C.N.N., c.1456-1467, 82). | |
| 193 | "Or, monseigneur, vous avez perdu la gaigeure, vous le cognoissez [bien], faictes pas ? - Ma foy, oy, dit il, c'est raison." (C.N.N., c.1456-1467, 185). | |
| 194 | - Comment, dit il, et pensez vous que je soye yvre ? - Ma foy ouy, dirent lors et le curé et les aultres. (C.N.N., c.1456-1467, 262). | |
| 195 | Damoiselle, je vous creance de la foy de mon corps qu'il n'est riens que j'ayme autant comme je fais vous. (Bérinus, II, c.1350-1370, 43). | |
| 196 | Par la foy de mon corps ! jamais Mon cueur ne se peut d'eulx lasser (CH. D'ORLÉANS, Ball. C., c.1415-1457, 71). | |
| 197 | ...ma foy est telle que les parolles dictes au baptesme d'un chascun chrestian (...) sont valables a rebouter tous les dyables d'enfer (C.N.N., c.1456-1467, 427). | |
| 198 | Bernard ! [Bernard !] levé toust sus ! Et qu'è cecy ? Il n'y az nulz Qui me responde. [H]a ! mon seignieur, Par la foy de mon corps, j'ay paour : De Bernard n'a nulz en la celle. (Myst. st Bern. Menth. L., c.1450, 88). | |
| 199 | M'amour, par la foy de mon corps, Present me verrez revenir. (Deux hommes deux femmes T., c.1500, 467). | |
| 200 | Aha ! par la foy de mon corps, je sçay comment il va de tout (LE CLERC, Interp. Roye, c.1502, 393). | |
| 201 | Sire, foi que doy saint Remy, Moult voulentiers. (Mir. prev., 1352, 245). | |
| 202 | ...se l'iray assailhier, foys que je doye saint Denis ! (JEAN D'OUTREM., Myr. histors G., a.1400, 229). | |
| 203 | ...par la foys que je doye a Dieu, ne sçay s[e]... (JEAN D'OUTREM., Myr. histors G., a.1400, 234). | |
| 204 | Foy que doy a Dieu, si seray Tout sien, soit ou sens, ou folie (CH. D'ORLÉANS, Rond. C., 1443-1460, 444). | |
| 205 | Pour luy, foy que doy mon baptesme, Obstant qu'a chacun ne le crye, Il ne fauldra pas a son esme (VILLON, Test. R.H., 1461-1462, 26). | |
| 206 | Mais, foy que doy festes et veilles, Oncques ne vy les meres d'eulx. (VILLON, Test. R.H., 1461-1462, 108). | |
| 207 | Foy que je doy A sainct Damien et sainct Cosme, Je ne trouvay aujourd'huy homme Qui... (Pasté T., c.1475-1500, 192). | |
| 208 | ...je promectz a Dieu mon createur tant honorer de ferme foy le saint sacrement de baptesme que... (C.N.N., c.1456-1467, 427). | |
| 209 | Foy que doy à saincte Katherine, Il en aura comme j'ay eu. (Pasté T., c.1475-1500, 207). | |
| 210 | Foy que je doys Nostre Sauveur, Se d'icy ne vous en allez Et plus ainsi me ravalez, Je vous donray telle querelle, Dehors, orde vieille maquerelle, Sur vostre nez qu'il y perra. (Sav. serg. D.L., c.1480-1490, 32). | |
| 211 | ...Ou, foy que (je) doy au roy Jesus, Ung coup aurez sus la narine. (...) ...Foy que doy saincte Katherine... (Obstin. femmes T., c.1480-1500, 43). | |
| 212 | LE TAVERNIER. Par ma foy, il m'en fault argent, Foy que [je] doy [à] sainct Christofle. (Chaulder. T., c.1500, 217). | |
| 213 | Foy que [je] doy [à] sainct Anofle (...) Foy que doy à Dieu de lassus... (Chaulder. T., c.1500, 218). | |
| 214 | Mais, foy que doy l'ame mon pere, Bien te di... (LA BUIGNE, Rom. deduis B., 1359-1377, 96). | |
| 215 | Sire, par la foy que je vous dois, ilz me costent le cent cent milz besans. (JEAN D'OUTREM., Myr. histors G., a.1400, 226). | |
| 216 | Tres chiere dame, pardonnez moy l'injure et la vilenie que j'ay fait envers vous, car certes j'ay trop mesprins, et je vous jure ma foy que je ne vous avoye veue ne ouye quant vous me traïstes par la main. (ARRAS, c.1392-1393, 25). | |
| 217 | ...je vous jure ma foye que je feroye Regnault, vostre frere, roy de Behaigne après le decez de mon frere le roy (ARRAS, c.1392-1393, 172). | |
| 218 | Je vous jure et prometz ma foy Qu'il en sera demain cité (Nouv. mar. T., c.1490-1500, 92). | |
| 219 | ...par la seule memoire du sacrement de baptesme l'en chasseray [le diable] en sus de moy, tant ay ferme foy en ce divin mistere. (C.N.N., c.1456-1467, 428). | |
| 220 | ...et de ce vous livrerez bons hostages et le jurrez par vostre foy et sur Sainctes Euvangiles (ARRAS, c.1392-1393, 168). | |
| 221 | ...je vous promectz par ma foy que de vostre dyamant ne sçay je nouvelles. (C.N.N., c.1456-1467, 45). | |
| 222 | Or ça, comme bon crestien et gentil homme que vous estes, vous me promectez, sur Dieu, sur vostre foy de crestien et sur vostre honneur (LA SALE, J.S., 1456, 35). | |
| 223 | Ores, roy d'armes, je vous prie que ces lectres je puisse veoir, vous promectant sur la foy de noble chevalier que s'elles sont armes honorables que au bon plaisir de Dieu, de monseigneur Saint George et de mon souverain seigneur le roy, que je seray cellui que a mon pouoir lui acompliray ses armes. (LA SALE, J.S., 1456, 102). | |
| 224 | Cela vous promectz je, et sur ma foy. (C.N.N., c.1456-1467, 77). | |
| 225 | Ilz promisrent sur foy et honneur (C.N.N., c.1456-1467, 241). | |
| 226 | Par ta foy, me sçay je acquitter De bien une lettre dicter ? (Mir. abbeesse, 1340, 65). | |
| 227 | Est ce ore, a certes, par ta foy ? (Mir. enf. ress., 1353, 19). | |
| 228 | "Monseigneur, ne voiez vous pas bien, par vostre foy ? - Par mon serment, nenny, m'amye, ce dit il." (C.N.N., c.1456-1467, 113). | |
| 229 | Or ça, mon filz, par ta foy, as tu bien regardé tous les cons de ces femmes qui estoient aux estuves ? (C.N.N., c.1456-1467, 413). | |
|
