| 98 exemples | | 1 | Les beles Dyanes geterent Jus les tamis qu'elles porterent Et leurs sëaus qui sans fons sont ; Moult se grievent et riens ne font, Qu'elles ne cessent de puisier Pour l'iaue fuitive espuisier ; Mais elles perdent bien leur peinne, Qu'adès est comble la fonteinne... (MACH., C. ami, 1357, 90). | |
| 2 | ...aussi comme l'en diroit en gros exemple que le funs du tonneau est aussi comme le cecle (ORESME, C.M., c.1377, 380). | |
| 3 | Et estoit vestu d'une cote hardie d'escarlate vermeille et d'un mantel à fons de cuve fourré. (Chron. Jean II Ch. V, D., t.2, 1364-1380, 211). | |
| 4 | ...dix et huit alnes de fin pers long de Brusselle, pour cote hardie, fons de cuve doublé tout d'un, et trois chaperons... (Mand. Ch. V, D., 1376, 656). | |
| 5 | Et si dira: " Encor je vueil Une fustaine, monseigneur, Et me fault un mantel greigneur Que je n'ay, a droit fons de cuve..." (DESCH., M.M., c.1385-1403, 44). | |
| 6 | ...pour la fourreure d'un manteau lonc à fons de cuve, d'escarlate vermeille, que ledit seigneur ot le VJe jour de février, 754 ventres de menu vair. (Comptes argent. rois Fr. D.-A., II, 1387, 170). | |
| 7 | Item, confessa que, environ Noël derrenierement passé, il print et embla en un hostel un mantel à fons de cuve, qu'il vendi depuis, XIJ s. par., à un freppier de la Frepperie (Reg. crim. Chât., I, 1389-1392, 250). | |
| 8 | Item, un long mantel de brunette a fons de cuve (...) Item, une aultre houppelande longue, de rouge marbré, doublé de sarge noire, avec le chapperon du mesme (...) Item, une viese houppelande de camelin fourré de noire penne (Invent. test. beauv. L., 1397, 46). | |
| 9 | Et afin qu'elle semble droicte, Lui fault faire sa robe estroicte Par les flans et soit bien estraincte, Afin qu'elle semble plus joincte: La ne fault panne fors que toile, Mais au dessoubz faut faire voile, Depuis les reins jusques au piet, Du cul de robe qui leur chiet Contreval, comme uns fons de cuve Bien fourré ou elle s'encuve (DESCH., M.M., c.1385-1403, 50). | |
| 10 | Li roys en son païs retourne ; Sa nef se trestourne et bestourne, Car une tempeste leva, Si grant que ci ne là ne va Qu'il ne cuide qu'elle s'affonde Ou fons de haute mer parfonde. (MACH., P. Alex., p.1369, 110). | |
| 11 | Et a illec meschant havre et de peu de fondz, pourquoy il y faict perilleux attendre une fortune pour doubte de ferir en terre. (LA BROQUIÈRE, Voy. Outr. S., c.1455-1457, 10). | |
| 12 | Mieulz vaulroit estre en fons de Loire Qu'en tel tristesce. (MACH., Voir, 1364, 530). | |
| 13 | Ledit Jehan le Tourneur, pour XII grans courroies, XII gousses, VII fons neufs, VI bandes de fer neufves pour les barilz dudit office (Comptes hôtel rois Fr. D.-A., 1380-1381, 68). | |
| 14 | ...ilz estoient à deux lieues angleces près de leurs ennemis, mais qu'ilz peussent à l'adresce passer la riviere de Tamise. Et pour taster le fons, le duc de Glocestre y envoya de ses chevaulcheurs (FROISS., Chron. M., XIV, c.1375-1400, 68). | |
| 15 | Et en fu li uns effondrés au fons de l'aige, et la plus grant partie de ceuls qui dedens estoient, noiiet (FROISS., Chron. D., p.1400, 670). | |
| 16 | ...pour dix neuf cens piés de blance pierre (...) dont le lit ou fons du cours de l'eaue au devant des escluses (...) est couvert (Doc. 1444. In : Y. Coutant, Terminol. du moulin médiév. dans le comté de Flandre, 1994, 678). | |
| 17 | Et quant il advenoit que Aigres estoit travailliez et lassez d'ouvrer, si se ravaloit ou fons du puis pour reposer. (Bérinus, I, c.1350-1370, 326). | |
| 18 | Par foy, dist Gieffroy, le jayant est plus grant et plus groz que je ne suiz ; et si est par cy [un puys] entrez, aussi ferai je, comment qu'il en adviengne. Lors laisse la lance couler aval, et tint le fer en la main, et entre les piez devant ou pertuis, et se laisse couler aval la lance. Et quant il vint au fons, si print la lance par le fer, et s'en va par my un estroit sentier (ARRAS, c.1392-1393, 265). | |
| 19 | GUILLEMETTE. A Dieu me puisse commander ! Bas, se voulez qu'i ne s'esveille ! LE DRAPPIER. Quel bas ? Voulez vous en l'oreille, Au fons du puis ou de la cave ? (Path. D., c.1456-1469, 100). | |
| 20 | ...et la est le lac ou on dist que ne se treuve point de fons. (LA SALE, Salade, c.1442-1444, 69). | |
| 21 | ...Ou plus que Job soit en griefve souffrance, Tenant prison en la tour Dedalus, Qui mal voudroit au royaume de France ! Quatre mois soit en ung vivier chantans, La teste au fons ainsi que le butor, Ou au Grand Turcq vendu deniers contans Pour estre mis au harnoys come ung tor (VILLON, Poésies diverses T., c.1456-1463, 271). | |
| 22 | Et demoura ou fons des fossez grant foison de payens mors et affolez. (ARRAS, c.1392-1393, 183). | |
| 23 | Ains quë huit jours fussent finez, Fut tout le boys desracinez. Ouvriers y avoit a foyson ; On ne scet de quel nacion. Fossez font grandement parfons, Hideur est de veoir le fons. Ilz n'ont cause d'eulx esmaier, Point de faulte n'a au payer ; Ilz ont chascun jour leur argent, S'en sont d'ouvrer plus diligent. La firent parfons fondemens, On puet bien savoir si je mens. (COUDRETTE, Mélus. R., c.1401-1402, 151). | |
| 24 | ...ausquelz plas et escueles, d'un petit coustel ployé qui lui fut moustré (...) il cogneust avoir effacié et ratissié les noms de ceulx qui estoient escrips ou fons d'iceulx, afin que n'en ne les cogneust. (Reg. crim. Chât., I, 1389-1392, 299). | |
| 25 | Et ce pendant que icelluy serviteur estoit allé querir icelle Bible, ilz mesurerent quelle haulteur il y avoit de la fenestre jusques au fons des fossez de la Bastide (LE CLERC, Interp. Roye, c.1502, 168). | |
| 26 | Les terres de ca et de la, haultes et droictes, faictes en facon d'un foussé a fons de cuve qui est sable blanc et ressemble a roc (Pèler. D., 1486, 406). | |
| 27 | Lesdictes grisles estoient contre le mur du costé de la place ; de l'autre part, au fossé : car il estoit à fons de cuve ; il feïst mettre plusieurs broches de fer massonnées dedans le mur, qui avoient chascune trois ou quattre poinctes, et les feït mectre fort près l'une de l'autre. (COMM., II, 1489-1491, 322). | |
| 28 | Car d'un costé elle avoit la grand mer, Pour seurement et sans danger s'armer, Et par derriere, vers le chasteau, fossez A fons de cuve grandement renforcez De boulovars, divers emparemens, Et d'autres effors rudes et vehemens, Tant qu'en effect pour entree vaillable, Elle n'estoit batable ou assiegable Que par la ville. (LA VIGNE, V.N., p.1495, 250). | |
| 29 | De la maison qu'Amours m'a preparee Entierement, la terre et le treffons Est en tout temps de joye separee Car les fossés, par rives et par fons, De grans seglons et de souspirs parfons, De griefz regretz, de larmes et de plains Jusques au bout sont tous comblés et plains (TAILLEV., Edif. hôt. am. D., p.1440, 267). | |
| 30 | ...et en ycelle fontenne mist un noëau desdites poisons, lequel, tantost qu'il fu jetté, ala à fons. (Reg. crim. Chât., I, 1389-1392, 429). | |
| 31 | ...et dit que il ne scet se ilz flotoient sur l'eaue ainsy comme il les jettoit ès puis, car il les jettoit de loing, et s'en aloit le plus hastivement que il povoit, affin que il ne feust apperceu, et, par ce, ne scet se ilz flotoient sur eaue, ou se ilz aloient à fons. (Reg. crim. Chât., I, 1389-1392, 445). | |
| 32 | Fut lui qui trouva en Egipte le figuier duquel le bois va au fons de l'eaue ; touteffoiz s'il trempe longtemps en l'eau, il vient au dessus. (SIMON DE PHARES, Astrol., c.1494-1498, f° 41 v°). | |
| 33 | Et en fu li uns effondrés au fons de l'aige, et la plus grant partie de ceuls qui dedens estoient, noiiet: dont ce fu pités et damages, car il i avoit des bons chevaliers et esquiers, qui grant desir avoient de lors corps, pour lor honnour, avanchier. (FROISS., Chron. D., p.1400, 670). | |
| 34 | Nostre nef estoit durement Froissee et crevacee toute, Ou l'eaue a grans gorgions s'i boute, Et ja en estoit si chargiee Que, s'elle n'eust esté targiee Des roches, ou s'iert embatue, Ja fust tout au fons abatue. (CHR. PIZ., M.F., I, 1400-1403, 52). | |
| 35 | ...onze tasses d'argent pesant chascune un marc et plus, esmaillées au fons (Reg. crim. Chât., II, 1389-1392, 401). | |
| 36 | Entre aucunes choses, escripvit la nature du figuier de Egipte, les branches ou bois duquel, gectées ès l'eaue, prennent le fons et ne nagent point sur l'eaue, comme autre bois (SIMON DE PHARES, Astrol., c.1494-1498, f° 24 r°). | |
| 37 | ...De moult parfaite amour s'amoient ; Mais a grant peinne se vëoient, Qu'entre Hero et Leandus Fu uns bras de mer espandus Qui estoit larges et parfons, Si qu'on n'i preïst jamais fons ; Et ce leur faisoit trop d'anuis. Mais Leandus, toutes les nuis, Passoit le bras de mer au large, Tous nus, seuls, sans nef et sans barge. (MACH., J. R. Nav., 1349, 248). | |
| 38 | Et tantost après que laditte voirierre fut fermée, Voyau passa devant luy la sentyne jusques à l'eau vive, tant qu'il ne povoit plus prandre fons, parquoy il se getta sur le bort de laditte sentyne, et fist tant qu'il passa icelle du costé où estoit ledit bastard Vigier, qui se mist dedans icelle sentyne avec les habillemens dudit Voyau, qui se rabilla (LE CLERC, Interp. Roye, c.1502, 173). | |
| 39 | Lors les fait mettre en fers et en carcans, en fin fons de fosse. (ARRAS, c.1392-1393, 130). | |
| 40 | Au fin fons d'enffer soyent ars Les coquins, truans, glorïeux, Les belistres, poilleux, coquars, Tant sont ilz lours et maleureux ! (LA VIGNE, S.M., 1496, 514). | |
| 41 | Rasteaux legiers sur la mer voyaigiers, Petiz plongiers pour ravir estrangiers Et passagiers submettre a fons et ryve, Incontinent que la fortune arrive. (LA VIGNE, V.N., p.1495, 134). | |
| 42 | Adjouster y vueil arquemie Qui est une ouevre moult soutive, Mais il n'i a ne fons [var. fon] ne rive, Car maint qui s'en sont entremis Ont perdu ce qu'il y ont mis. (MACH., F. am., c.1361, 217). | |
| 43 | Il ha en vo riche tresor C. mille biens et plus encor (...) Ne tant donner en sceüssiés Qu'adés plus riche ne fuissiés. C'est la planté de tout le monde, C'est la manne et la mer parfonde Ou on ne treuve fons ne rive (MACH., Voir, 1364, 254). | |
| 44 | ...et s'avise Comment il pourra chagriner Sa femme, par ymaginer Riotes, ou n'a fons ne rive (CHR. PIZ., M.F., II, 1400-1403, 92). | |
| 45 | Teul sont li jugement de Dieu le roy autisme Qu'il n'y ha fonz ne rive, c'est une droite bisme. (Gir. Ross. H., c.1334, 123). | |
| 46 | Jehannin de Noyon, prisonnier detenu oudit Chastellet, pour souspeçon d'avoir mal prins et emblé deux tasses d'argent pesans trois mars, V esterlins moins, et une saliere d'argent en plusieurs pieces petites, pesans trois onces et cinq esterlins ; laquele vaisselle d'argent estoit signée ou fons aus armes ou devise de mess. Jehan de Roussay, chevalier. (Reg. crim. Chât., II, 1389-1392, 131). | |
| 47 | David le prophete dit que les jugemens et punicions de Dieu sont comme abysme sans rive et sans fons, et n'est pas saige qui les cuide comprendre en son engin. (ARRAS, c.1392-1393, 2). | |
| 48 | L'en treuve tant de merveilles, selon commune estimacion, et si nouvelles que humain entendement est contraint de dire que les jugemens de Dieu sont abisme sans fons et sans rive, et sont ses choses merveilleuses, et en tant de formes et manieres diverses, et en tant de pays, selon leur diverse nature, espandues, que, sauf meilleur jugement, je cuide qu'onques homme, se Adam non, n'ot parfaicte congnoissance des euvres invisibles de Dieu (ARRAS, c.1392-1393, 3). | |
| 49 | Comme deesse de bataille Les estouties lui retaille ; Il n'est si hardi qu'il estrive, Car il n'y scet ne fons ne rive. En ce point puet de dueil crever ; Il n'ose le sourcil lever Vers sa femme, quant elle jure, Que ne le pregne par la hure. (LE FÈVRE, Lament. Math. V.H., c.1380, 51). | |
| 50 | Es flos marins faitz [Venise] ta richesse under, Sans en souffrir fons ne rive sonder (LA VIGNE, Libelle cinq villes B., 1509, 179). | |
| 51 | Ainsy comme le philosophe demanda III jours pour respondre que c'estoit Dieu, puis en demanda X, puis XXX : "Car, dit il, et plus y pense et moins le puis je descripre ou nommer ; comme en ung abisme on n'y voit font." (GERS., Trin., 1402, 158). | |
| 52 | Dessoubz ce pont a tresgrant et hideux abisme de profondeur, et au fons oist on une tresgrosse riviere, qui fait ung tel bruit que il semble proprement, de point en point, que tout cela fonde, tant en est la hideur merveilleuse. (LA SALE, Salade, c.1442-1444, 85). | |
| 53 | Et pour ce que les jugemens de Dieu, sans qui riens ne se fait, sont une abisme parfonde ou nul entendement humain ne sceit prendre fons et que noz sens sont trop foibles, noz ans trop cours et noz affections trop fraelles à les comprendre, nous imputons a Fortune, qui est chose faincte et vaine et ne se peut revencher, la juste venjance que Dieu prent de noz faultes, laquelle, ainsi que dit Vallere, vient bien a tart, mais la longue attente est recompensee par aggravement de peine. (CHART., Q. inv., 1422, 4). | |
| 54 | Ou fons le convint [Lucifer] trebuchier D'enfer (Mir. mère pape, c.1355, 359). | |
| 55 | Bien s'en gart toute creature, S'elle ne veult estre dampnee Et ou fons d'enfer condampnee. (CHR. PIZ., Chem. estude P., 1402-1403, 209). | |
| 56 | Et vous, seigneurs, en qui clergie A suffisance est eslargie, Mon parler ne veillez desdire Ne d'icelluy en rien mesdire, Car j'ay le cueur trop remply d'ire Pour ces faulx mauvais crestïens, Lesquelz Dieu tous veille mauldire Et au fons d'enfer interdire, Car pour trop suspectz je les tiens. (LA VIGNE, S.M., 1496, 328). | |
| 57 | Item, tant comme l'esprevier plus s'esforcera il se souldra sur les joinctes, et lors quant il s'estera le peut l'en mectre en la ferme qui sera faicte de ..V.. piez de long et de trois piez de lé et de trois piez de hault, et a besoing d'une cuve ou d'un cuvier souvent nectoié ou changié couvert d'une rais, ou quel cuvier ou cuve il ait du foing au fondz et un viel drappel linge dessus pour luy garder ses ongles sains comme dessus. (Ménagier Paris B.F., c.1392-1394, 148). | |
| 58 | ...au devant de la pointe du coustel du dit Jarnet le dit Closet mist la main senestre, et en l'autre il tenoit son coustel tout trait, et le persa le dit Jarnet le premier det de la dicte main et le petit det tout oultre et li trancha tout le fons de la dicte main (Doc. Poitou G., t.5, 1385, 280). | |
| 59 | Et ainsi comme il cuidoit faire dague de sadite espée, (...) il en cuida férir ledit messire James par le fond de la main de laquelle il tenoit la bavière ; et en cuidant férir, le dit estoc luy coula hors de la main, et demeura sans baston. (Faits Lalaing K., c.1470, 175). | |
| 60 | ...et leur a dit que il ne se esmaiassent car li roys estoit sans peril et que il avoit esté endormis du cop qui fu sobdein, mes que le fer n'avoit point entré parfont et que on pooit vooir le fons de la plaie quant le sanc en fu netoié. (BERS., I, 1, c.1354-1359, 41.5, 70). | |
| 61 | Item appetit intens ou intensifz est causee par vers et serpens qui sont ou fons de l'estomac (GORDON, Prat., c.1450-1500, V, 4). | |
| 62 | ...ou fons de l'estomac sont plantees les venes messerayques (PREVOST, Cir. Guill. Salicet, 1492, IV, 4). | |
| 63 | Boutez les [les prisonniers] ou fond de la tour, Bien enferrez tout a l'entour, Comm'en doit les crimineux mettre. (Myst. st Adr. P., c.1450-1485, 88). | |
| 64 | Aprés, ung aultre nommé Calestorum, contre lequel il se courroussa pour ce que il luy blamoit ses vices, il luy fit en son ire et en sa fureur copper le nez et les oreilles, et le fit en cest estat garder et nourir au fons de une tour longuement, et prenoit plaisir a la fois de le veoir ainsi deformé comme ung monstre en nature et non pareil aux aultres hommes. (FILLASTRE, Traité Conseil H., c.1472-1473, 243). | |
| 65 | Or, sans faire plus de procès, Gectons le au fons des retrais Ainsi qu'avons deliberé. (Sav. serg. D.L., c.1480-1490, 37). | |
| 66 | Il avoit commis ung cas très horrible, car il avoit prins son père prisonnier à ung soir, comme il se vouloit aller coucher, et mené à cinq lieues d'Allemaigne sans chausses par ung temps très froit, et le mist au fons d'une tour où il n'y avoit nulle clarté que par une bien petite lucarne, et là le tint cinq ans: dont fut grant guerre entre le duc de Clèves, dont ledict duc prisonnier avoit eu espousée la soeur, et ce dit jeune duc Adolf. (COMM., II, 1489-1491, 2). | |
| 67 | Quant la dame se fut aucun pou advisee et qu'elle eut fort regardé le fons du temple et la cruauté des lances qui apparoient, elle eut grant merveille dont tel chose pouoit venir. Adont elle haulça sa veue amont et voit que la vaulssure du temple estoit en autelle maniere pourpendu de lances ainsi comme le fons estoit pourpraincté et de telle fachon. (Percef. IV, R., c.1450 [c.1340], 551). | |
| 68 | Li abbés Godefrois les remercia grandement de ce seqours, et fist tourner un tonniel de vin sus le fons et lor fist boire (FROISS., Chron. D., p.1400, 422). | |
| 69 | Item, refera une noeuve paroit de fons en comble (Vie urbaine Douai E., t.4, 1374, 468). | |
| 70 | Et si fut sa maison démolie et abatue de fons en comble (MONSTRELET, Chron. D.-A., t.1, c.1425-1440, 74). | |
| 71 | Et ce fait, ladicte fortresse fut désolée, mis en feu et ruée jus de fons en comble. (MONSTRELET, Chron. D.-A., t.4, c.1425-1440, 85). | |
| 72 | ...se l'empereur n'euist eu pitié du peuple, il l'eusist destruit et deserté de fons en comble. (MOLINET, Chron. D.J., t.2, 1474-1506, 66). | |
| 73 | Vous, Gedeon, qui portastes le signe Chrestifferant, humblement vous assigne De comparoistre par devant ces mastins, En leur monstrant vostre chief tresinsigne, Pour les destruyre de fin fons en racyne Comme jadis fistes soirs et matins, Dont puis aprés en mon trosne me tins Hault eslevee de bruyt et de louenge, Incessamment plus heureuse c'une ange. (LA VIGNE, Ress. chrest. B., 1494, 120). | |
| 74 | "Et ne fait pas a oublier pour estre garde d'orgueil et non soy glorifier, de [de] descripre la santine de la nef, c'est assavoir le fons par dedans au long de ladicte nef, qui s'appelle sentine, qui retient et recueilt en lui toutes les ordures de la nef qui descendent en elle..." (MÉZIÈRES, Songe vieil pèl. C., t.1, c.1386-1389, 540). | |
| 75 | Mès à le mestre tour dou dongnon ne pooient il nul mal faire, car elle estoit machonnée sus vive roce, dont on ne pooit trouver le fons. (FROISS., Chron. L., III, c.1375-1400, 87). | |
| 76 | Bonne-Lance et les siens (...) estoient descendus ou fons de une montaigne (FROISS., Chron. M., XIV, c.1375-1400, 198). | |
| 77 | Et lors le roy regarde a senestre le fons d'une valee et voit l'ost de son frere qui s'estoit logié sur la riviere (ARRAS, c.1392-1393, 135). | |
| 78 | Et par desus ces montagnes et ou fons de ces vallees estoient crolieres et grans mares, et si divers pasages que mervelles estoit conment nuls en pooit issir. (FROISS., Chron. D., p.1400, 131). | |
| 79 | Primo, en un sac, IIJ fons d'escuelles d'argent avec pluseurs bordeures et rongneures d'icelles escuelles (BAYE, I, 1400-1410, 96). | |
| 80 | Es corps esquelz il a ou fons de leur orine residence areneuze et ont es rains ou en la vessie lithiasim s'ilz pissent sang, ou pourreture et escames, avec grant douleur, c'est signe de ulceracion de vessie. (SAINT-GILLE, A.Y., 1362-1365, 80). | |
| 81 | Et chascun soir et avant vostre coucher faictes par dame Agnes la beguine ou maistre Jehan le despensier faire reviseter a la clarté de la chandelle les fons de vos vins, vertjus, vinaigre, que nul ne s'en voit (Ménagier Paris B.F., c.1392-1394, 136). | |
| 82 | ...car sanie put et sanie chiet au fons de l'eaue et sanie fait maigresse, mais fievre ne fait nulle de ces choses (GORDON, Prat., c.1450-1500, IV, 6). | |
| 83 | Li mandemens dou roi s'estendi par toutes les parties d'Engleterre jusques ens ou fons de Cornuaille (FROISS., Chron. D., p.1400, 208). | |
| 84 | ...ils (...) missent les archiers tout devant en fourme de une erce, et les gens d'armes ou fons ; et la bataille seconde sus une aultre ele (FROISS., Chron. D., p.1400, 727). | |
| 85 | Et dit que de present il ne scet en tout le monde argent ou or qui soit sien, ailleurs que en son coffre, en sa maison, et XIJ escuz d'or qu'il a de present sur soy ou fons de ses brayes. (Reg. crim. Chât., II, 1389-1392, 495). | |
| 86 | En petiz baings de filles amoureuses - Qui ne m'entant n'a suivy les bordeaux - Soient frictes ces langues ennuyeuses ! Prince, passez tous ces frians morceaux, S'estamine, sacz n'avez ne bluteaux, Parmy le fons d'unes brayes breneuses, Mais paravant en estronc de pourceaux Soient frictes ces langues ennuyeuses ! (VILLON, Test. R.H., 1461-1462, 115). | |
| 87 | PROSERPINE. Puisque son cas j'ay par toy entendu, Soye certain qu'aujour d'uy passera Parmi le fons de mon poitron fendu Ou a mon gré de tous poincts il fera. (LA VIGNE, S.M., 1496, 353). | |
| 88 | Cestui, entre autres choses, a fait le livre de Almageste, que aucuns estiment euvre plus divine que humaine, car en icellui est le fons de toute la sapience des jugemens celestes. (SIMON DE PHARES, Astrol., c.1494-1498, f° 84 v°). | |
| 89 | Ma dame, tout premierement Vous dirai le commencement, L'estat, le fons et la racine Qui la verité determine De ce que vous me demandez, Puis que vous le me commandez. (MACH., R. Fort., c.1341, 131). | |
| 90 | ...item audit cuvelir pour faire le mety de unc faufons deldit bresin [brassin "cuve"] (Terre Jauche D., 1479-1480, 196). | |
| 91 | Or voloit li rois que il ne venist plus avant, mais il respondi a che et dist : "Sire, sire, et ne fust riens dou debat et dou hustin de ma gent, puisque vous estes hors de vostre hostel, il apertient que je voie et demeure dalés vous, car espoir vous et vostres consauls, ne savés pas bien le fons de ceste matere : otretant bien puet estre contre vous que contre nous." (FROISS., Chron. D., p.1400, 120). | |
| 92 | Si dy que en la loiaulté des conseilleurs gist la sceurté du prince et le salut de la chose publique et la devons cerchier le fons de toutes noz difficultez et la solution de noz debas. (CHART., Q. inv., 1422, 64). | |
| 93 | Ledict roy Loys, qui de tout temps avoit blasmé ceste façon, print tant à cueur que à merveilles ce que on l'avoit tenu par force, et en faisoit plus de semblant qu'il ne luy tenoit au cueur, car le principal fons de ceste matière estoit de peur qu'on ne le voulsist maistrier, et entre autres choses en expedicion de ses affaires et matières, soubz couleur de dire que son sens ne fust pas bon. (COMM., II, 1489-1491, 283). | |
| 94 | Et par ainsi le movement et la racine et le fait et le parfait de cestui ordre [la Toison d'or] malvais [l. malvolu ? J. Devaux] a esté sours et forgié en bon fons, en bonne leaulté et preudommie, et en toute bonne noble et vertueuse nature, dont l'establisseur et fondeur a esté sourgon sur tous aultres vivans (CHASTELL., Chron. IV, D., c.1461-1472, 125). | |
| 95 | ...ces deux chevaliers et les aultres [ambassadeurs du duc de Bourgogne] s'estoient bien perceuz, tant par les responces qu'on leur avoit faictes devers le roy comme par les aultres manieres et termes a eulx tenus, que de bon fons n'y avoit point par dela envers ceulx de deça (CHASTELL., Chron. IV, D., c.1461-1472, 154). | |
| 96 | ...li princes de France qui estoient droit là, Se meslèrent de celle pais ; on y traita Tant c'uns acors fu pris et c'on les acorda. Mais li dus de Bourgongne pour çou ne s'i fia, Car onques nul bon fons puis ce jour n'i trouva. (Geste ducs Bourg. K., c.1410-1419, 291). | |
| 97 | ...lui faire savoir clerement le fons de son estommac, assavoir mon s'il estoit indigné et mal content de lui ou non (CHASTELL., Chron. IV, D., c.1461-1472, 209). | |
| 98 | Selon l'amour et affection que tu portes, une chose te touche plus ou mains ; se ton amour est pure et simple et bien ordenee, tu seras sans la captivité des choses. Ne convoite point ce qui ne loist point avoir. N'ayes ja ce qui te peut empeschier et toy priver de liberté interiore. C'est merveilles que tu ne te commets a moy de tout le fons de ton cuer en toutes choses que tu veulz desirer et avoir. (Internele consol. P., 1447, 150). | |
|
