| 32 exemples |
| 1 | ...puis l'eure que Altercans et Agriano furent perilz, l'en a maintes foiz en celle riviere veü leurs corps floter par dessus (Bérinus, I, c.1350-1370, 134). |
|
| 2 | Egar ! egar ! je voy floter Un escrin dedans celle mer. (Mir. march. juif, c.1377, 205). |
|
| 3 | Tant y veissiés de nefs floter Que de la mer grant part tenoient ; Quant ensemble elles se tenoient (CHR. PIZ., M.F., II, 1400-1403, 244). |
|
| 4 | Li .II. enfant s'en vont parmi le mer nagant En peril de noiier en palagre flotant (Ami Amile A., c.1400-1500, 97). |
|
| 5 | ...se en ladicte riviere a faulte d'eaue par quoy les vasseaulx portans lesdictes marchandises et denrees ne puissent floter et passer pour venir tant en ladicte ville d'Yppre comme es autres villes dessusdictes, soit en alant ou retournant, de y faire ou faire faire estanques ou rabas un ou plusieurs pour croistre icelle eaue tellement qu'elle puist porter ladicte navie et marchandise (Ordonn. Ph. le Hardi, Marg. de Male B.-B., t.2, 1404, 671-672). |
|
| 6 | ...il y ot cent et trente nefz flotans en mer et tenans aux ancres. (LA SALE, Salade, c.1442-1444, 33). |
|
| 7 | ...le dit prince print congié du roy et s'en retourna en sa galee qui flotoit sur mer devant nostre siege (LA VIGNE, V.N., p.1495, 254). |
|
| 8 | Bremons flote parmi la mer ; Si le fait gringneur reclamer Que sa merci li faut atendre ; Autrement ne se puet deffendre. Einsi fortune le demainne En grant peril et en grant peinne. Tant a floté, tant a vagué Qu'il et sa gent se sont trouvé Droit au lieu dont parti estoient, Dont nostre signeur loer doient. Bremons à ceste fois ne fit Grant damage, ne grant profit ; Onques il ne pot terre prendre En païs où il voloit tendre, Car fortune l'a ramené Maugré sien et contre son gré. (MACH., P. Alex., p.1369, 113). |
|
| 9 | "Il arma vingt galées au Port de Portingal de gens d'armes et de belles pourveances, et puis s'en vint flotant parmi la mer et passa par vallance et par grace que Dieu li fist tout parmi l'armée du roy de Castille." (FROISS., Chron. M., XII, c.1375-1400, 266). |
|
| 10 | Se par long espace de temps j'ay flotté comme naisselle sans gouvernail, en trouble mer d'espoir et paour... (ROBERTET, Oeuvres Z., c.1450-1500, 118). |
|
| 11 | ...ses gens l'attendent Desoubz une montaigne en la mer fort flotant (Flor. Octav. L., t.1, c.1356, 351). |
|
| 12 | Ainsi vous fault tousjours blasmer Le Positif et diffamer Pour le Comparatif reluire. Et pour le plustost infamer, Vous fault flocter comme la mer, Et en gros parler vous desduire. (MICHAULT, Doctr. temps prés. W., 1466, 47). |
|
| 13 | ...il ne vit oncques aucune chose qui feust dedens lesdiz noëz, qui estoient assez durs ; et dit que il ne scet se ilz flotoient sur l'eaue ainsy comme il les jettoit ès puis, car il les jettoit de loing, et s'en aloit le plus hastivement que il povoit, affin que il ne feust apperceu, et, par ce, ne scet se ilz flotoient sur eaue, ou se ilz aloient à fons. (Reg. crim. Chât., I, 1389-1392, 444). |
|
| 14 | ...et sy a ung chastel trop durement fort seant sur la mer, sique la mer flote tout autour. (LE BEL, Chron. V.D., t.1, 1352-1356, 20). |
|
| 15 | Si s'appensa que la mer flotta assez près d'icelluy chastel (LA MARCHE, Mém., I, c.1470, 192). |
|
| 16 | ...et, que le prince ne doit jamais oublier, ilz firent flotter les eaues autour d'eulx, et gros boulevars qui gardoient les passaiges. (LA MARCHE, Mém., III, c.1470, 298). |
|
| 17 | ...le lundi, party d'illec et vint à Tartas (...) où monseigneur et toute sa compaignie fut assiegét des eaues sy terriblement grandes que toute la ville flottoit, synon le quartier d'en hault où monseigneur estoit logiét. (MOLINET, Chron. D.J., t.2, 1474-1506, 506). |
|
| 18 | ...le foye qui nagoit et flotoit tousjours (SAINT-GILLE, Comment. A.Y. L., 1362-1365, 282). |
|
| 19 | ...au piet duquel chastel flottoit ung faucon sur une grosse rivière (ESCOUCHY, Chron. B., t.2, a.1465, 119). |
|
| 20 | ...et le lendemain eussiez veu le drap que [var. I>qui/I>] floctoit sur lesdictes forrures qui estoient gastees et retraictes. (Jehan de Paris W., 1494-1495, 39). |
|
| 21 | De tous vivans qui sont dessoubz la nue, Il n'y a nul qui maintienne en haultesse. J'ay or et argent et grande revenue Et floute tout en avoir et richesse. Je suis Pluseurs, plain de bien a largesse, Crain et doubté des petiz et des grans. Par devant moy tout le monde solesse ; J'ay tout en main a la ville et aux champs. (Pouvre peuple H., c.1450-1492, 161). |
|
| 22 | La donques ou li Romain virent que li Etrurien estoient touz estans et exposez a soustenir les couz, si que comme il n'eussent ja de quoy il se peussent assez covrir aucuns en y avoit qui commençoient a reculer et toute la bataille a floter et a estre non estable, il recommencierent le cri aussi comme au premier, si que li hasté et li prince pristrent leurs glaivez et assaillirent moult fierement (BERS., I, 9, c.1354-1359, 35.6, 64). |
|
| 23 | Quant donques il enquierent la nature des signes si comme par aventure il avoient cogneu ou pensee quant il flotoient et retournoient leur entendement es estoilles semblabes, il distrent que l'une estoit de masculin genre et l'autre de femenin. (FOUL., Policrat. B., II, 1372, 162). |
|
| 24 | ...si s'arresta et se tint a une vielle planche qui de grant temps passé y estoit cheute et qui la flotoit, et dit a sa femme que a l'aide de son bourdon qu'elle portoit, elle traist la planche au bort de l'eaue pour lui sauver (Ménagier Paris B.F., c.1392-1394, 74). |
|
| 25 | Le sage est tous jours d'un courage ; il n'apetice ne ne croist pour mutacion des choses ; il ne flote point en diverses oppinions, mais demeure parfaict en Jhesucrist, fondé en charite, enraciné en foy. (CHR. PIZ., Ep. Othea L., c.1400-1401, 174). |
|
| 26 | Et leur avoit on dit que (...) li armée de mer de par le roi de France gisoit à l'ancre devant Chierebourcq. Dont, sus celle entente, il s'en vinrent tout flotant les bendes de Normendie et querant les aventures. (FROISS., Chron. R., IX, c.1375-1400, 71). |
|
| 27 | Par maintes foiz, encore, L'isle Bachan, au temps de l'ore, Crosla moult merveilleusement : Flammes jaicta, qui si griefment Eschaufferent et mer et terre Que l'en ne pouoit tenir erre, Par la entour les nefz ardoyent Et les poissons tous mors flotoyent. (CHR. PIZ., M.F., III, 1400-1403, 261). |
|
| 28 | Or vous vueil les vaissiaus nommer Qui flotoient parmi la mer. Il y avoit coques et barges, Panfiles, naves grans et larges, Griparies et tafourées, Lins et fyacres et galées... (MACH., P. Alex., p.1369, 57). |
|
| 29 | Le tricoplier ot la seconde [galère], Qui legierement flote en l'onde De la mer. Bien estoit garnie, Et s'avoit en sa compaingnie Monsigneur Jehan Guibelin Qui est attrais de noble lin ; Et monsigneur Jaque Petit, Qui Sarrazin ainme petit. (MACH., P. Alex., p.1369, 138). |
|
| 30 | Messires Bremons de la Vote Ot la siste, qui par mer flote Plus legierement c'une aloe Ne vole, dont chascuns la loe. (MACH., P. Alex., p.1369, 144). |
|
| 31 | Einsi cuident le roy destruire, Quant il verront leur queue luire Et toute Chypre entierement. Mais il ira bien autrement, Comment qu'il aient leurs galées, Près de CC., bien aprestées, Qui flotent dedens le flumaire Qu'est entre Alixandre et le Quaire. (MACH., P. Alex., p.1369, 184). |
|
| 32 | Boutons ce batel si qu'il flote. (Mir. fille roy Hongrie, c.1371, 60). |
|
