| 30 exemples | | 1 | ...tous seus, sans conduit, M'en alay parmi le vergier, Pour ce qu'onques, a droit jugier, Nul si trés bel veü n'avoie ; Car il n'i avoit lieu ne voie Qui ne fust semez de flourettes Blanches, jaunes et vermillettes Ou d'aucune estrange colour. (MACH., D. verg., a.1340, 14). | |
| 2 | Je sentoie trés douce odour, Je vëoie cointe verdour Et parmi planté de flourettes, Vermeilles, blanches et yndettes. (MACH., D. Aler., a.1349, 392). | |
| 3 | La bergiere se mist a faire ung chapelet de florettes (C.N.N., c.1456-1467, 483). | |
| 4 | ...ung joly chapellet fait de florettes et de roses parmy blanches et vermeilles (RENÉ D'ANJOU, Cuer am. espris W., 1457, 208). | |
| 5 | Tout le jour en joie mectons Et noz vestures extendons Par la voie rainceaux et floretes, Disans nouvelles chançonnettes. (Myst. Pass. Amb. R., c.1474-1500, 42). | |
| 6 | Dessus son chief mirent le chapellet De franc lorier et de nobles fleurettes (LA VIGNE, V.N., p.1495, 172). | |
| 7 | ...deux pieces et demie de satin cramoisy figure de fueillaige mi parti de deux vers et de petites fleuretes blanches dont on a fait une houppelande longue à grans menches (Comptes Etat bourg. M.F., t.1, 1419-1420, 175). | |
| 8 | ...lectres demi point, faictes es dits livrets, champiez d'asur, de rose et de flourectes de blanc, au prix de quatre sols le cent, font : VIII deniers. (Comptes Lille L., t.2, 1470, 224). | |
| 9 | À Lerlin, marchant d'Avignon, pour une chambre de tapisserie, achatée par Nicolas du Jardrin, et Alain, en Avignon, le XVe d'aoust, ladite tapisserie faicte à petits poz, où il y a florètes, laquelle a esté mise en la chambre du retraict du roy, en Avignon (Comptes roi René A., t.1, 1477, 257). | |
| 10 | ...batons doubles appellés copeis, faiz au travers d'icelles houppellandes tout du lonc et au travers des manches, entre lesquelz bastons sont faictes de broderie, ceintures et lettres qui dient Esperance, et plumes aux bouz avecques annelès faiz de broderie de fil d'or et d'argent de Chypre, et fleurettes de mars semés parmy. (Comptes argent. rois Fr. D.-A., II, 1387, 192). | |
| 11 | Et de chascune partie des henas issoient fleuretes recorbees en maniere de lis. (VIGNAY, Le Miroir historial C, 1333, III, 424). | |
| 12 | Au sens moral de ceste fiction, Par Zephirus prens l'espoux pardurable, Qui desirant nostre salvation Voult esposer la fleurette notable, Par qui j'entens nostre ame raisonnable (ROBERTET, Oeuvres Z., c.1450-1500, 101). | |
| 13 | Trop s'en merveille Proserpine, Qui d'enfer est dame et roïne, Que li rois infernaus ravit En un vergier ou il la vit, Ou elle cueilloit des flourettes Avecques pluseurs pucelettes. (MACH., C. ami, 1357, 83). | |
| 14 | Lors li metras la table de sobresse, la chandelle de vray[e] foy, le pain de sapience, le vin de compunccion, le sel de discrecion, le fruit de bonnes oeuvres. Tu espa[r]dras la belle erbe vert de bonnes pensees avecque les flouretes de sainctes meditacions. (GERS., Pent., p.1389, 84). | |
| 15 | Soit prins garde, tant en la recepte comme en la despense de cest present compte, sur la valeur des monnoyes, quar depuis le VIIe jour de mars mil CCCCXVIII inclus jusques au IXe jour de may mil CCCCXX exclus l'en fist es monnoyes du roy et de monseigneur en ses pays de Bourgoingne, monnoye de gros que aucuns appellent «florette», ayans cours pour 16 d. p., qui valent 20 d. t., à 3 d. 8 grains d'aloy et de 8 s. de pois, qui font 96 pour marc (Comptes Etat bourg. M.F., t.1, 1419-1420, 220). | |
| 16 | ...selon les monnoies qui ont eu cours ou temps que flourettes ont valu 16 d. (Hist. dr. munic. E., t.2, 1422, 155). | |
| 17 | Entre lesquelles fut ordonné que les fleurectes, c'estassavoir les monnoies du roy qui avoient cours pour XVI. d., seroient mises et rabaissées à IIII. d. (MONSTRELET, Chron. D.-A., t.4, c.1425-1440, 47). | |
| 18 | Esquelz jour fut aussi ordonné à Paris par le conseil royal que les fleurettes qui avoient cours pour IIII d. p. seroient mises à deux, et l'escu d'or qui avoit couru pour dix francs fut mis à XVIII s. p. (MONSTRELET, Chron. D.-A., t.4, c.1425-1440, 71-72). | |
| 19 | En ce moix de juing dessusdit, fut crié par les bonnes villes de Picardie (...) que ung escu, qui lors valoit mieulx de sept frans à la monnoie qui lors couroit, ne vauldroit que XXXIIII. s. par., et une flourette du roy, que on appelloit en pluiseurs lieux camahieu, qui lors couroit pour seize deniers parisis, ne vauldroit que IIII deniers (Chron. anon. Ch. VI, D.-A., c.1431, 295). | |
| 20 | Le IIIe jour de septembre audit an, fu criié et publié de par le roy de France et de par le roy régent, que la flourette, qui lors courait en France pour XVI deniers, ne vaulroit que deux deniers de la nouvelle et petite monnoie chy devant devisée, nommée nicques (Chron. anon. Ch. VI, D.-A., c.1431, 306). | |
| 21 | ...car la belle florete appelle margarite, consaude royalle, qui est en latin appellee pierre precieuse, et selon les livres de medicine elle est souverainement cordiale, ceste consaude lors tenoit si fort les tables de la nef francoise ensemble que l'eaue de la mer salee ne la pouoit percier (MÉZIÈRES, Songe vieil pèl. C., t.1, c.1386-1389, 563). | |
| 22 | ...j'ai enté et mis par divers chapitres aucunes fleuretes des livres Aristote (VIGNAY, Le Miroir historial C, 1333, I, 137). | |
| 23 | Item es choses divines convient eschiever soubtiles et obscures raisons des philosophes, dont saint Jerome ou livre des Trois questions dist : "Pas n'afiert a chelui qui dispute des divines Escriptures assambler les argumens de Aristote, ne du fleuve de beau parler de Tulle ung ruisseau amener, ne adoulcir les oreilles des fleurettes de Quintilien proposees en l'escole..." (DAUDIN, De la erudition H., c.1360-1380, 151). | |
| 24 | De ce dist Tulle ou livre des Offices : "Toutes ches choses faintes decheent comme florettes legierement, ne quelque chose fainte ne peult estre de longe duree". (DAUDIN, De la erudition H., c.1360-1380, 165). | |
| 25 | Mes trop grans doels me croist et renouvelle, Quant me souvient de le douce florette (FROISS., Ball. B., c.1362-1377, 14). | |
| 26 | [Elle] aloit cueillant des florettes, Marguerites et violettes (MACH., Voir, 1364, 230). | |
| 27 | Sachiés que illec veismes nous appertement bel miracle, car environ midi quant le service fut fait, nous veismes icelle digne espine toute florie de petites florettes blanches, et nous fut juré et certiffié, par gens dignes et de foy, que autresfois avoient veue icelle espine en ung autre jour, laquelle n'estoit point florie, mais estoit noire (Voy. Jérus., c.1395, 93). | |
| 28 | L'erbe y croist verde, freche et belle Et mainte florecte nouvelle Blanche et ynde (CHR. PIZ., M.F., I, 1400-1403, 118). | |
| 29 | Si firent par leurs amouretes Tant de gracïeuses chosetes, Et s'entredonnoient fleuretes Et chappeaulx vers. (CHART., L. Dames, 1416, 204). | |
| 30 | Encor veul ge et te ordonne Que tous mes saintz ayens coronne De ros(s)ez, de lis, de florettes, De toutes autres vïollettes. (Pass. Semur D.M., c.1420 [1488], 246). | |
|
