A. - | "Louer (qqn) faussement, pour plaire, chercher à séduire par des louanges excessives, flatter" : Mais en ce point a moi flater Mon contrait cors et moi lober Me commenca en moi disant... ([GUILL. DIGULL., Pèler. vie hum. S., c.1330-1331, 208]). Car par tel change elle [Fortune] se vange De ceaus qu'elle flate et losange, Et leur oste honneur et loange D'ui a demain. ([MACH., R. Fort., c.1341, 39]). Après des dames vous diray, Puis que commencié a dire ay, Comment elles se chevissoient : De ceaus qui si trés bien savoient Requerir, flater, losangier Et leur paroles arrengier, Aucunes en y avoit d'elles Qui savoient tours et cautelles Et faindre si trés proprement Qu'il cuidoient certainnement Meinte fois qu'elles les amassent... ([MACH., D. Lyon, 1342, 215]). Le Clerc dist que ceulx sont, a jour d'uy, dez Roys et dez aultres princes amés, qui lez conseillent de mettre gabeles et imposicions et qui lez scevent de lobes servir et flater, et si reprent lez prelas qui laissent leur eglyses pour servir aux Roys et aux seigneurs seculiers. ([Songe verg. S., t.1, 1378, 233]). Mais le faulx ami, par ma teste, Blandist, flatte et va decepvent, Et se tourne avecques le vent Et consentira ta folie Pour toy plaire: a ce ne te lie ([DESCH., M.M., c.1385-1403, 5]). Et par blandir et par flater Fist tant, et par fauls rapporter, Qu'entre les barons grant descort Commist par son maulvais rapport ([CHR. PIZ., M.F., III, 1400-1403, 268]). Amour d'argent commendera a ung autre flater, mentir, parjurer, souffrir injures, blaphemes, accorder quanque on dira, maintenant l'un, tantost le contraire, faire toutes choses tant soyent horribles, tant soyent crueuses et abhominables a Dieu et au monde ([GERS., Concept., 1401, 411]). Homme, ce dit Salemon en ses Proverbes, qui parolles doulces et saintes blandist et flate son ami, ou cellui à qui se faint estre ami, fait tout ainsi que s'il espandoit rez et las au devant de ses pas pour le prendre. ([CHR. PIZ., Paix W., 1412-1413, 77]). Et, depuis celle heure, ne cessa de flater le roy et faire tant par ses grans pompes et boberies que il eut du tout le gouvernement du roy en sa main ([Cleriadus Z., c.1440-1444, 303]). ...et sur ce ensuit sa sentence sur les envies et grans debas qui sont es cours aux grans seigneurs, a qui leur pourra mieulz complaire et plus soubtilement flater. ([LA SALE, J.S., 1456, 47]). Comme doncques ces députés de Gand veoient et sentoient ceste interrogation qui leur estoit faite costièrement de la part du duc, et s'avisoient de complaire et de flatter la court, comme qui subtils estoient et savoient bien tourner leur voile au louf du vent, cautement respondirent ([CHASTELL., Chron. K., t.5, c.1456-1471, 250]). Je l'ay prié, je l'ay flacté D'une amour singuliere et tendre ; Je l'ay requis, je l'ay tempté, Mais de rien ne l'ay peu surprendre. ([LA VIGNE, S.M., 1496, 486]). |