| 35 exemples | | 1 | [Phebus] L'arc prist, la fleche mist en coche Et si roidement la descoche C'a Coronis l'a traite ou pis Pour ce qu'il estoit acoupis. (MACH., Voir, 1364, 702). | |
| 2 | Phyton, le mervilleus serpent Que Phebus de sa flesche occit. Avoit la longueur d'un erpent, Si com Ovides le descrit. Mais onques homs serpent ne vit Si fel, si crueus ne si fier Com le serpent qui m'escondit, Quant à ma dame merci quier. (MACH., Bal., 1377, 563). | |
| 3 | A Robinet, l'artilleur, pour quatre arcs et III douzaines de fleuches, que monseigneur l'escuier, Guilhem de Bernes a prins de lui, par le commandement de monseigneur (Comptes roi René A., t.1, 1479, 398). | |
| 4 | ...à maistre Tierry, doreur, pour III douzaines de boutz de lacton pour ferrer lesdites fleuches (Comptes roi René A., t.1, 1479, 399). | |
| 5 | ...mais, comme Josias changoit de cheval, fut tué d'une fleche et, par ce, les Ebrieux desconfiz. (SIMON DE PHARES, Astrol., c.1494-1498, f° 43 r°). | |
| 6 | ...et firent plusieurs telles violances, comme à ung de l'ordre de Roddes, qu'ilz pendirent par les braz à ung arbre, puis le sagiterent de fleches jusques à la mort (SIMON DE PHARES, Astrol., c.1494-1498, f° 150 r°). | |
| 7 | Grans estandars, fleches, lances et dars, Sayectes d'arcs, pour gens de loing darder (LA VIGNE, S.M., 1496, 157). | |
| 8 | Un trop riche arc portoit o li, Trop bien fait et trop bien poly, Avec des fleches barbelees, Trop joliement empanees. Ecuba li avoit fait faire Pour esbatre et apenre a traire, Et il fu archiers vraiement Tres bons, se l'istoire ne ment. (MACH., F. am., c.1361, 210). | |
| 9 | Je m'en vay plus droy qu'iunne flèche Vers Myolans pourté responce. (Myst. st Bern. Menth. L., c.1450, 98). | |
| 10 | En l'oel leur boute et en l'orelle La biauté dont je sui ministre, Et Cupido lors aministre Son arc et si traist de la flece, Dont amoureusement il blece Lé douls coers dont il s'entremet. (FROISS., Par. am., c.1361-1362, 52). | |
| 11 | Par l'oel la flece ens ou coer met (FROISS., Par. am., c.1361-1362, 52). | |
| 12 | De ches flesches, que Regart tient, Au premeir arc en apartient .V. a ly proporcïonnees, Qui sont bel et bien enpennees (Echecs amour. K., c.1370-1380, 106). | |
| 13 | La fleiche doit estre de huit poignïes de long, des la bosce de la coche darriere jusques au barbel de la flesche (GAST. PHÉBUS, Livre chasse T., 1387-1389, 269). | |
| 14 | ...pour ce l'arc, qui souvent entesoit, Traÿ de poche Et fleche prist poignant et mist en coche, Tire vers moy et roidement descoche, Parmi le cuer m'assena de la floche De doulz regart, Or fus navrés (CHR. PIZ., Dit Poissy R., 1400, 208). | |
| 15 | Quant Amours ot ouÿ mon cas Et vit qu'a bonne fin tendi, Il remist la flece ou carcas Et l'arc amoureux destendy (CHART., E. Dames, 1425, 370). | |
| 16 | Et, comme il est de coustume, les yeulx d'elle, archiers du cueur, descocherent tant de fleches en la personne dudit bourgois que sans prochain remede son cas n'estoit pas maindre que mortel. (C.N.N., c.1456-1467, 23). | |
| 17 | Fay de tel bois que tu as, flesche [Cf. faire flèche de tout bois] (MIÉLOT, Prov. U., 1456, 194). | |
| 18 | ...comme l'en dit de coustume, il couvient de telz bois comment l'en a faire fleschez (Comte Artois S., c.1453-1467, 75). | |
| 19 | Ma fuste est tresmauvaise Et ne me sauroit plaire, Car pour ung tel affaire Fauldroit fustes bien seches ; Mais il me couvient faire De tel bois que j'ay flesches. (Prov. rimes F.M., c.1485-1490, 71). | |
| 20 | Sur le plus meschant chiet la flesche. (MIÉLOT, Prov. U., 1456, 198). | |
| 21 | La tierce pière fu si bien apointie que elle feri l'engien parmi le flèche et le rompi en deux moitiés. (FROISS., Chron. L., II, c.1375-1400, 65). | |
| 22 | Droit a la flece de ce grant enghien s'aresterent les Englois et les Bretons (FROISS., Chron. D., p.1400, 528). | |
| 23 | ...les arbres qui y estoient estoient si haulx que la flesche du moindre avoit bien soixante piez de long (Percef. I, T., c.1450 [c.1340], 192). | |
| 24 | ...à une certaine bataille ou assault qui fu au devant du fort de Macere en Lymosin, que tenoient lors et occuppoient les François, icellui messire Gouffier fu tué et occis d'une flesche qui lui fu traitte dudit fort. (Reg. crim. Chât., II, 1389-1392, 186). | |
| 25 | Si monta jusquez au galathas de sa tour, puis pint une eschielle qu'il leva vers une fenestre qui faisoit voye au pommel qui boutoit hors au dessus du comble, puis monte en haut tant qu'il se met hors par dessus la couverture. Alors il acole la flesche du pommel de l'un de ses bras et de l'autre il tire l'eschelle amont (Percef. IV, R., c.1450 [c.1340], 297). | |
| 26 | ...un brancart, garni de flesche, de roues et de limons (...) tout neuf pour le chariot de la Cuisine du Roy (Comptes hôtel rois Fr. D.-A., 1380-1381, 84). | |
| 27 | Pour avoir mis 2 liens en la flesche du chariot du sejour, 16 happes, 2 esseulx et 2 grampons : 18s. (Comptes écurie Ch. VI, L., t.1, 1384,,, 109). | |
| 28 | De Floberge s'espee fist la flesche couper (Renaut Mont. B.N. V., c.1350-1400, 276). | |
| 29 | 2 flesches de fer pesans 9 livres (Doc. 1448. In : Y. Coutant, Terminol. du moulin médiév. dans le comté de Flandre, 1994, 676). | |
| 30 | ...nuls ne s'osoit a monstrer as desfenses, se il ne voloit estre enfillés de une flece tout parmi la teste ou le brac ou le corps. (FROISS., Chron. D., p.1400, 533). | |
| 31 | ...Arturus (...) De karreaulx et fleches les sert (CHR. PIZ., M.F., II, 1400-1403, 239). | |
| 32 | Si tos qu'il ont les fiers de ces flecques sentis Et il voient leurs gens afolés et malmis, Plus n'osèrent atendre, anchois s'en sont fuis, Quanques il porent rifler, au lés viers Saint-Denis (Geste ducs Bourg. K., c.1410-1419, 544). | |
| 33 | Maint Hiermignas y ot de ces flesques mal baillis, Des mousques d'Engletiere, qui leur font maint despis. (Geste ducs Bourg. K., c.1410-1419, 560). | |
| 34 | Lors hastivement gecta sa flesche en disant : "Ho !" (LA SALE, J.S., 1456, 267). | |
| 35 | Oudit temps aussi, advint que ung nommé maistre Loys de Tilleres, notaire et secretaire du roy, et tresorier de Carcassonne et grenetier de Selles en Berry, qui estoit serviteur de messire Anthoine de Chasteauneuf, seigneur du Lau, fut tué, par male fortune, d'un archer qui essaioit ung arc, duquel il tiroit une flesche contre ung huis qui estoit devant lui, à l'eure que ledit maistre Loys ouvroit, et lui vint passer la fleche tout au travers du corps. Et incontinent s'en ala getter dessus une couchete estant en la chambre, dessus laquelle il rendit l'ame à Dieu incontinent aprés. (ROYE, Chron. scand., I, 1460-1483, 49). | |
|
