"Enfin, finalement, en définitive, pour en terminer" : Et li enquis Pourquoy son cuer estoit einsi pensis. Finablement tant parlay et tant fis Qu'elle me dist tout ce que je li quis, Voire par si Que par ma foi li juray et plevi, Quant elle aroit son parler assevi, Que le penser li diroie de mi. ([MACH., J. R. Beh., c.1340, 115]). Le chevalier Moult humblement l'en prist a mercier, Et aussi fist la dame qui targier Ne pooit plus, ce dist, de repairier. Et finalment [var. finablement] Li rois les tint huit jours moult liement Et au partir leur donna largement Chevaus, harnois, joiaus, or et argent. ([MACH., J. R. Beh., c.1340, 133]). Car il voit la mer si orrible Que de passer est impossible ; Et de sa tempeste et son bruit Toute la region en bruit. Mais finalment [var. finablement] tant l'assailli Amours, que en la mer sailli, Dont briefment le couvint noier ; Car a li ne pot forsoier. ([MACH., J. R. Nav., 1349, 249]). Mais il ne voloit pas desplaire A l'une, pour a l'autre plaire. Pour ce dou tout s'en descherga Et Paris de Troie en cherga. Finablement nous l'acordames Et toutes trois nous en alames Vers Paris, le pastour de Troie, Qui gardoit s'aumaille et sa proie, Bues, vaches, moutons et brebis, Qui vont paissant par ces herbis. ([MACH., F. am., c.1361, 209]). La ot un moult grant parlement, Dont je me vueil orendroit taire, Car ne le saroie retraire ; Mais finablement il conclurent Que tuit ensamble aidier li durent, Si que la response diray De chascuns ; jà n'en mentiray. ([MACH., P. Alex., p.1369, 40]). Longuement ont parlementé, Chascuns disoit sa volenté. Finablement li roys leur dit :... ([MACH., P. Alex., p.1369, 124]). Li uns d'eaus dist que sans gaitier Traitassent amiablement, Pour pais avoir et pleinnement. Moult longuement parlementerent, Et finablement s'acorderent. ([MACH., P. Alex., p.1369, 134]). Finablement, tout considéré, il fut tant menez et si bien introduis qu'il consenti que l'archevesque venist en sa presence. ([FROISS., Chron. M., XIV, c.1375-1400, 77]). Finablement li François obtinrent le place, et furent li Englès qui là estoient tout mort ou pris ; petit s'en sauvèrent. ([FROISS., Chron. R., VIII, c.1375-1400, 154]). ...et finablement il s'ensuiroit que ceulz de Inde fussent en plus noble lieu que eulz meismes ne sont, et ainsi des autres. Et donques Inde n'est pas plus destre absoluement que Babiloine ou que Romme, ne plus en orient fors seulement en relacion. ([ORESME, C.M., c.1377, 348]). ...et que finablement fut trouvé entre eux que ycelluy Andry devoit et estoit tenu à sondit hoste en la somme de IIJ fr. VIIJ s. ([Reg. crim. Chât., I, 1389-1392, 130]). Et finablement furent d'accort, par l'ennortement dudit Jouye, qu'il forgeroit blans semblables de façon aus blans de VIIJ d. que avoit lors de nouvel fait encommencer à courre le roy nostre sire ([Reg. crim. Chât., I, 1389-1392, 481]). ...et tant que finablement, pour ce que il se deffendi fort de l'accusacion contre lui faite par ledit varlet cordier, icellui varlet se teust de ce, et oncques puis ne lui parla de ce que dit est. ([Reg. crim. Chât., II, 1389-1392, 274]). LE PREMIER BERGIER. (...) Griseldis (...) Fu mariee il a long temps Au marquis (...). Et puis as bien oÿ parler Des deux enfans qu'il lui osta, Et comment il la debouta Finablement de son hostel, Dont il a eü un loz tel, Com tu le scez, de ses subgez. ([Gris., 1395, 99]). Et finablement dit et depose par son serement que il est du tout desers et mis à paureté, lui, sa femme, et III petis enfens que il a, par le fait desdis lombars ([Trés. Reth. S.L., t.2, 1395, 399]). Finablement, il demorerent la tout mort sus la place, dont ce fu damages ([FROISS., Chron. D., p.1400, 169]). Si a dit finablement ledit president en concluant qu'il plaise à l'excusation de la Court rescripre au Pape sur les choses dessusdictes et contre lesdictes lettres. ([BAYE, II, 1411-1417, 55]). Et, après plusieurs altercations, finablement ont esté leues lesdictes lettres, et publiées à la fenestre et enregistrées ou livre des Ordenances. ([FAUQ., I, 1417-1420, 19]). ...mais finablement les Rommains les subjugerent ([LA SALE, Salade, c.1442-1444, 35]). Finablement, en escripvant, Ce soir, seulet, estant en bonne, Dictant ces laiz et descripvant, J'ouys la cloche de Serbonne, Qui tous jours a neuf heures sonne Le salut que l'ange predit ; Si suspendis et mis en bonne Pour prier comme le cueur dit. ([VILLON, Lais R.H., c.1456-1457, 28]). Finablement fault venir à nostre famille, que vulgariter on dit nostre maison, laquelle combien, mal ou bien, nous l'avons gouvernée, celluy seul le sçait qui tout congnoist. ([LE CLERC, Interp. Roye, c.1502, 283]). |
